رواية دعني احطم غرورك الفصل التاسع عشر
في صباح اليوم التالي، وتحديداً في منزل حسين الدمنهوري،،
-سهير: صباح الخير يا عروستنا.
-جانا: صباح النور أنطي
-سهير: ايه لابسة كده ورايحة على فين؟
-جانا: هعدي على عز في شغله ، ناوية اعمله surprise
-سهير: طيب يا جوجو ، متنسيش تأكدي عليه يجي يتغدى معانا النهاردة
-جانا وقد لمعت في عقلها فكرة شيطانية اخرى: غدى ...... ممم ، شوور أنطي!
-سهير: هتاخدي دينا معاكي ؟
-جانا: ييس أنطي ، انتي عارفة مش هعرف أروح لوحدي وحابها تكون معايا
-سهير: طيب قولتي لعمك؟
-جانا بخبث : طبعاً ، ده هو اللي قالي اعمل كده
-سهير: خلي بالك ع نفسك ومتتأخروش ، ساعتين زمن بالكتير وتكونوا هنا
-جانا: اوك ، دينااااااااااااا ، يالا بقى
-دينا وهي تخرج من حجرتها : خلاص I'm ready
-جانا: Ok, let's go
استقلت كلاً من جانا ودينا سيارة الأجرة ، ووصلوا أولاً عند محل لبيع الورد واشترت جانا باقة من الورود البيضاء ، وكارت صغير
-دينا متعجبة: واو ، فلاورز من أولها
-جانا: اصبري على رزقك
-دينا: يجنن ، انا بحب جو الرومانسية ده
-جانا: هع هع ، دي مش أي رومانسية ، اصبري وهتشوفي
ثم واصلوا طريقهم إلى أحد المحلات الخاصة بالأزياء التنكرية حيث اشترت جانا (زي الساحرة الشريرة العجوزة التي خدعت سنووايت ) وقامت بارتدائه ووضع الميك اب الخاص به بالاضافة إلى الاكسسوارات ...
-دينا: تحفففففة الـ costume ده ، بس هو الهالوين امتى ؟
-جانا: ده مش عشان الهالوين ؟ ده اللي هقابل البأف بيه !!
-دينا: انتي بتهزري صح؟؟؟؟؟
-جانا: أنا بتكلم جد
-دينا: يخرب عقلك ، يعني انتي هتقابيله وسط الموظفين بتوعه بالشكل ده؟
-جانا: of course
-دينا: بس كده منظره قصادهم ايه ؟
-جانا: وهو ده المطلوب .. أهزأه قدام موظفينه
-دينا: جانا ، بليز متورطنيش معاكي !
-جانا: متخافيش ، ويالا بينا
ركبوا سيارة الآجرة ، ومن بين حين وأخر ينظر سائق السيارة عبر المرآة ليتعجب من منظر جانا ، فشكلها مخيف ومقزز ... وأخيرا وصلوا إلى مقر شركة عز الدين يوسف الكيلاني
-دينا: وااااو ، شوفتي شركة عز عاملة ازاي؟
-جانا: مش بطالة
-دينا: ايه اللي مش بطالة ، دي تجنن ، كبيررررة اوي ، انا مكونتش متخيلة انها بالحجم ده
-جانا: عادي يعني ..
توجهت الفتاتين نحو الاستقبال ، وكل من يراهما يبدي فزعه ..
-حارس الأمن: على فين يا فندم؟
-دينا: عاوزين نقابل عز
-حارس الأمن: عز مين ؟
-دينا: عز الدين الكيلاني صاحب الشركة
-حارس الأمن : في معاد سابق؟
-دينا: لأ مافيش ، بلغه ان الآنسة دينا ، والآنسة جانا خطيبتوا موجودين وعاوزين يقابلوه
-حارس الأمن: لحظة يا فندم ، هبلغ السكرتارية يبلغوه
وبالفعل أبلغ حارس الأمن السكرتارية ، وسمحوا لجانا ودينا بالدخول
-حارس الأمن لزميله: ايييه البني آدمة دي ؟ عفريت
-حارس الأمن الأخر: لأ شيطان
-حارس الأمن الأول: يعني دي خطيبة البشمنهدس عز
-حارس الأمن الثاني: وله في ذلك حكم ...
وكان الحال مع ريم مديرة المكتب لا يختلف كثيرا عما حدث في الاستقبال من الدهشة والرعب مع حارسي الأمن
-ريم موجهة حديثها لدينا : اتفضلي يا آآآآ... آنسة جانا ... مستر عز في انتظارك
-دينا: I am not Jana ، دي جانا ....
ثم أشارت لجانا بشكلها المقزز
-جانا لريم : خليكي انتي ، انا عاوزه أفاجئه
طرقت جانا باب المكتب ، فسمح عز لها بالدخول
-عز بصدمة : أعوذو بالله من الخبث والخبائث
-جانا: نيييهاااا ، أنا جيت
-عز: انصرررررف ، انصررررف ، اعوذو بالله من الشيطان الرجيم
-جانا: لأ انا مش بتحرق
-عز باستهزاء: ههههههههههههههههههههههههه انا مصدقتش نفسي لما الـ security قالي في عفريتة واقفة تحت والظاهر جاية من حفلة الملامين طازة
-جانا: قصدك ايه ؟
-عز: قصده يعني حفلة الهالوين
-جانا: يعني انت مخوفتش؟؟؟
-عز: تؤ ... انا بس مبسوووط م اللي بتعمليه ، عارفة لما تكون حياتك فيها روتين يومي وملل، وفجأة تلاقي واحدة لاسعة بتكسرلك جو الروتين ده
-جانا: لا يا شيخ!!! طب خد الورد ده عشانك
-عز: ورد مرة واحدة؟ ايه اللي جرى في الدنيا يا ناس؟؟؟
-جانا: ده عربون محبة ...
-عز وهو يأخذ منها الورد : أشك ....
ثم قرأ عز الدين الكارت المصاحب لباقة الورد ( اتهان الورد واتبدر لما بقى هدية للبقر )
-عزوهو متعصب: مين اللي بقر يا بنت الـ ........ ،
ثم أخذ يعطس بشدة : اتشووو ، اتشووو .. انتي حاطة فيه ايــ... اتشوووو
-جانا: نشوووووء
-عز: واللـ.... اتشوووو ، اتشووووو
وهنا دخل ياسين المكتب: بقولك يا عز ؟؟؟ ايه مالك؟
-عز وهو يشير لجانا : اتشووو .. نشوء ، اتشوووو ، ........
ثم نظر ياسين ناحية ما يشير إليه : يا امااااااااااا ، ايه ده ؟؟ عفررررررريت
ثم قفز فوق الكنبة ...
-عز وهو مقتول من الضحك ويعطس في نفس الوقت: هههههههههههههههههههههه، أمنا الغولة ، قصدي جانا هههههههههههههههههههههههه .. اتشووووو
-ياسين بدهشة: انتي عاملة في نفسك كده ليه ؟
-عز: ده العادي بتاعها .. اتشووووو
-جانا: استغفر الله العظيم يا رب
-عز غامزاً لياسين: اخرج بره الوقتي يا ياسين ، واقفل الباب وراك وقول لريم متدخلش حد .
-ياسين وهو خارج: الله يعينك يا عز اللي بلاك بيه !!
خرج ياسين من المكتب ليجد دينا منتظرة في الخارج وجالسة تتصفح أحد المجلات
-ياسين بفرحة: لالالالا .. ده كده كتير والله
-دينا: نعم!
-ياسين جالساً بجوارها : طب اقرصيني كده عشان أصدق عينيا
-دينا: لو سمحت !!!
وهنا دخل حسين الدمنهوري المكتب ، فانتفض ياسين من مكانه ووقف بعيداً عن دينا ،،،،،
-ياسين في نفسه: ده انت لو مستقصدني ، مش هتطلعلي بالشكل ده ....
-حسين: دينا؟ الله !! انتو لسه مروحتوش؟؟
-دينا: دادي ، لأ لسه ، جانا جوه مع عز
-حسين موجهاً كلامه لياسين: انت مين ؟؟؟
-ياسين: حضرتك مش فاكرني ؟؟ آآآ.... انا رأفت ، قصدي ياسين رأفت بتاع الـــ... !!
-حسين مشيراً له بأن يسكت: أه ، أه ، افتكرت ..... يالا يا دينا انزلي تحت في العربية استنيني ، هاجيب جانا وعز ونحصلك
-دينا : اوك دادي .. باي
في نفس الوقت في داخل مكتب عز،،،،
-عز مقترباً من جانا: حلو جو العفاريت والهالوين والورد الـ... ده ...
-جانا وهي تتراجع للخلف: يعني كان فارق معاك ولا خوفك حتى؟
-عز: الصراحة لأ ، ولا الهوا
-جانا وعز يقترب منها: آآآ... أنا كنت... كنت... جاية .. أنطي .. بتقولك ... روح كُل عندها
اقترب عز كثيراً من جانا والتي بدورها تراجعت للخلف إلى ان اصدمت بالحائط ، فحاصرها عز بذراعيه
-عز: ايه بقى؟
-جانا بقلق: انت اللي ايه؟
-عز: مالك خايفة من ايه ؟
-جانا: ابعد لو سمحت احسنلك ، انا بكلمك بالذوق أهوو ، بدل ما استخدم العنف معاك!
-عز باستهزاء : يا واد يا شرس ، ده انتي مراتي يا بت؟
-جانا وهي تشير بأصبعها في وجهه : انا بحذرك !!!!!
-عز: خوفت انا كده !!
لم تمهل جانا عز الدين الفرصة وإنما ضربته بركبتها بشدة في منطقة (تحت الحزام) كما يعرفها لاعبي المصارعة ، فسقط على الأرض متآلما
-عز: الله يخربيتك ، ضيعتي مستقبلي .. آااااااااااااااااه
-جانا بفخر: أحسن ، تستاهل ، انا حذرتك م الأول
-عز: ااااااااااه ، حرام عليكي يا شيخة
وهنا دخل حسين المكتب،،،
-حسين: ايه اللي بيحصل هنا؟ مالك يا عز يابني ؟ ايه اللي حصلك؟؟؟؟
-جانا: الحق يا أنكل، عز وقع لوحده ، وانا مش عارفة اعمله ايه؟
-حسين: ايه ده ؟؟ ايه المنظر اللي انتي عملاه في نفسك ده؟
-جانا بتردد: ده...ده عز جبهولي ، وقالي البسيه عشان عندنا حفلة تنكرية ، حتى اسأل أنطي سهير هتقولك انا كنت لابسة ايه وانا نازلة
-عز في نفسه: أه يا بنت الكدابة !!!
-حسين مقتربا من عز: انت كويس يا ابني؟
-عز: اه الحمدلله ، كان مغص كده وراح
-حسين بلهفة: طب لو حابب نروح المستشفى نطمن عليك تعــ.....
-عز مقاطعاً: لأ مافيش داعي ، انا هبقى كويس
-حسين: جانا قالتلك عن عزومة النهاردة
-عز: لأ
-حسين: ليه كده يا جانا؟
-جانا: ملحقتش يا انكل ، عقبال ما كنت بشوف الـ costume ، الوقت سرقنا
-حسين: طب يابني انت هتروح معانا وتتغدى ان شاءالله
-عز: اعفيني يا عمي
-حسين مصراً : لأ مافيش اعذار ، تعالى انا اللي هوصلك ، يالا يا جانا ، وغيري اللبس ده
-جانا: مافيش داعي يا انكل ، هقلعه في البيت عشان منتأخرش
-عز هامساً لجانا: حسابك تقل معايا ، وانا لو صبري نفذ محدش هيحوشني عنك!!
-جانا: هو انا عملت حاجة يا عزوووز
-عز: عزوز؟؟
-جانا: بدلعك يا دغووف
ثم أسرعت الخطى من أمامه حتى لا يقتلها ....
وانطلق الجميع نحو منزل حسين الدمنهوري حيث الغداء المفتخر الذي اعدته سهير و............
