رواية الضابط واليتيمة الفصل التاسع عشر 19 بقلم مجهول

ضليت اباوع عليها وهي نايمة بهدوء سمعت صوت الباب انفتحت كمت طلعت شفت امي وخالاتي وريهام طبوا 

- ها يمة شو كاعد 

- لحد يطب للهول وشوية صوتكم نصوا لان مينا بالهول نايمة 

- ليش عيني بالهول مو عساس منطيها غرفة انتو 

- محد بالبيت وما اكدر اطب لغرفتها وحدي فطلعتها ليبرة 

- شنو وعالجتها انت جان عفتها 

- اعوفها شنو جلب عمود اعوفها مو عيب هذا الحجي 

- صدك انتي شبيج شهل حجي مينا مثل بنتي عاشت ايدك يمة روح ارتاح واني يمها  

- ماشي 

صعدت فوك بس سمعت خالتي تحجي 

- انتي راح اتبقين هاي خاف ايكوم يريدها شلون بعدين متكدرين حتى اتقنعي وبعدين اتصير جنتج خدامة 

- نورة شبيج على الابنية شجاج عليها وبعدين هي كلش حبابة ما عدها هلسوالف وريام بعدني مفاتحة الموضوع ويا الله كريم لتستعجلين انتي 

صعدت ارتاح  

كعدت اتذكرت كل الي صار واني نايمة بالهول هسة الدنيا ضلمة كمت علكيفي طلعت من الغرفة جوعانة كلش طبيت للمطبخ فتحت الضوة شفت الساعة ب١ طلعت جبن وسويت لفة وكعدت على الميز اكل 

- حمي جاي 

حطيت ايدي على كلبي 

- وليد اترجاك  

- ههههههههه شسوي انتي اتضحكين من تفزين 

سرحت بهل ضحكة صالي كومة مشايفتة يضحك ويشاقة وياية الله شكد مشتاقتلة بس من اذكر الحجي كلش اضوج واريد ابجي 

- وين رحتي الة احمي اني 

كام وشغل النار 

- مينا بشنو صافنة 

- لا ماكو شي سلامتك 

- متاكدة 

- اي 

شربنا جاي واثنينا جنا هادئين 

- شلون صرتي

- احسن شكرااا تعبتك وياية كلش 

- يلى اكوم انام اني 

- نوم العافية تصبح على خير 

- وانتي من اهلة 

قررت انو باجر اكتشف الشي الي ضامتة بكلبها كعدت الصبح نزلت جوة الحجي ب٨ لكيت بس امي كاعدة 

- ها يمة صباح الخير شو وحدج 

- صباح النور هي مينا خطية جانت امونستني 

- اي الله يكومها بالسلامة اكلج يمة اولت البارحة شنو صار 

- شنو شنو صار 

-اتذكريلي بالضبط شنو صار بالبيت من الصبح لليل 

- اولت البارحة اولت البارحة ها يمة خالتك اجتي نص ساعة شوية اكثر وراحت 

- حجت وية مينا 

- لا مينا جانت بالمطبخ جانت عدها سالفة وياية خاصة 

- بشنو حجيتوا يمة 

- شغلة يمة شغلة 

- احجيلي يمة كولي ولوا اني حاس بالسالفة 

- يا شحاس ولك اذا حاس متتحرك صالي يومين دايخة شلون افتح الموضوع وياك تاليها حاس وعارف ومغلس 

- يمة كلمة ورد غطاها ريام اختي الصغيرة ما افكر بيها زواج ويوم الي افكر بالزواج راح اتكون من اختياري 

- ليش يمة هيج ميعجبك اختياري اني 

- لا حشاج على الراس بس انتي متعرفين البنات شنو مصيبة لازم اتاكد منها يلى اخذها 

- اي يمة بهاي حقك 

- يلى يمة اليوم الريوك من ايدية شمشتهية 

- هلة هلة الريوك من ايد وليدان اي شي من ايدك طيب يمة فدوة لهل ايد 

-يممة خلي نطلع اليوم 

- ولج انتي متعرفين اتصبحين 

التفت وخنزرت عليها 

- ريهام شوية اثكلي انتي ابنية ولازم تعرفين شلون تتصرفين 

- اسفة بس هسة ماما كولي خلي نطلع حبابة 

- وين اتريدون اطلعون اني اخذكم 

- الله اي للمول 

- ماشي العصر 

- شنو مينا مكعدت 

- لا بعدها روحي يمة كعديها 

- لا عوفيها تشبع نوم 

كعدت مرتاحة جسمي بعدة خامل بس مرتاحة لبست اتراك اسود ردان عفت شعري مفتوح مابية حيل المة طلعت للحمام غسلت وجهي واسناني وطلعت للمطبخ شفت ظهر وليد وامة وريهام كاعدين يتريكون 

- صباح الخير 

- ها يمة شلون صرتي 

كامت ريهام وجرت ايدي وكعدتني 

- البارحة ليش كلتيلي مابية شي وخلتيني اطلع جان بقيت يمج

- مجان بية شي من اجيتي ومالة داعي جان

- جان طاح حظج لوما اني موجود 

- تسلم تعبتك وياية كلش

- اي كلش 

هاي هيج اني ثكيلة شكو ساعدتني لعد جان عفتتي اموت وحدي احسن من هلحياة كل الي داير مدايري يعوفوني حسيت بدموعي على الخدي 

- يا وليد ليش بجيتها هيج 

رفعت راسي اباوع على ريهام شلون راح ابدل الموضوع شلون راح اكللهم مو هو السبب وهو السبب شنو الجذبة الي لازم اجذبها 

- غبية بجيتي على شغلة شقة 

-لا انت متشاقة 

- اني ما اتشاقة (يحجي بصدمة ويقلد طريقتي )

-كافي لكم شنو عدنة جهال وانتي لتبجين حبيبتي يلى ماما كافي تؤتؤ 

- شنو طفلة اني 

- غير انتي تبجين على سوالف مزعطة 

-هههههههههه ( وليد)

-اليوم نطلع العصر للمول 

- اجي وياكم؟

- اي لعد ليش دا اكلج 

- الله صدك شكرا 

كمت دا اروح ابدل 

-وين ولج العصر هههههههه شكد هبلة يربي 

- انت ليش اتعيب انت مكلت شوكت شنو هاي بس تضحك علية 

- اي ابجي ابجي هو اريدج تبجين يلى عيني اني كايم اروح للجامع اصلي 

كمت لميت شعري ورحت الملم وية ريهام وبدينا نطبخ ونرتب البيت سوة 

اجوي الولد واتغذينا رحت لغرفتي اجتني ريهام 

- وليد يريدج بالغرفة 

- بغرفتة 

- اي 

- اوك اوك روحي انتي واني اصعد 

وكفت كبال المراية ايع ملابسي وصخة وهوسة بدلت وعدلت شعري وضليت افرك بحلكي حتى يصير احمر وكرصت خدودي حتى اتصير حمرة ( بنات من يمي فطست ضحك 😂😂) 

صعدت فوك دكيت الباب 

- فوتي 

طبيت جان كاعد على الجرابية 

- رايد شي مني 

- اي تعاي اكعدي 

دااريد اكعد على الجرباية 

- لا اكعدي على هذا الكرسي 

جر الكرسي وحطة كبالة اني كلبي يدك حيل وما اعرف شلون راح اكعد كبالة رحت كعدت رفعت راسي علي جان ديباوع مركز بعيني 

- شلون صرتي 

- الحمدلله 

- اريد اخذ رايج بشغلة 

- اني اي كول 

- ريام شنو رايج 

كلبي كام يوجعني بس لان ذكر اسمة هذا صايحني عمود نحجي بموضوع زواجة ما اريد احجي ما 

- مينا 

- وين راح عقلج مجاوبتيني 

- بشنو اتريد ( صوتي جان مخنوك )

- بشكل عام كبنية اني اثق برايج اريد اشوف حتى ناوي ازوجها اذا كلتي عنها زينة 

   -ها اذا كلت زينة ومدحت بيها تزوجها واذا كلت لا متزوجها 

- اي بس افتهم السبب هم مو راسا اي او لا صح صار موقف وياج بس هذا هيج مو فدشي لان هي بعدها زغيرة لهذا لتحكمين عليها

- حلوة (بصوت ناصي ) 

- شنو علي صوتج 

- حلوة واهلها تعرفهم بت ناس طيبين وطالبة ودلوعة والشخصية تتعدل ( نزلت راسي ) 

- خوش زين لعد 

كمت والتفت مشيت وصلت للباب 

التفت علي 

- يعني هاهية راح تخطبها 

- اي اكيد هليام 

سكتت ما اكدر ما اكدر كلبي 

- لتاخذها 

- ها 

- لتاخذها 

- ليش مو استوج مدحتيها 

- لان كلبي يوجعني ( لزمت كلبي ودموعي نزلت ) كلبي يوجعني ما اكدر لتاخذها

- ليش يوجعج 

-(رفعت راسي علي ) لان احبك احبك واحب اشوفك واسمع صوتك وكلامك وكل تفصيلة بيك ما اعرف هاي المشاعر اذا حب بس انت ما فارقتني وكليومية جنت احلم بيك و تذكر من جنت متحجي وياية جنت كليومية ابجي ابجي وما اعرف شنو سبب حزني 

باوعت علي لكيتة يباوعلي بس مجان مصدوم جان يباوعلي عادي 

-اعرف اني مو من مستواك وما عندي اهل ومحلوة هم 

حسيت اكو ايد على جتفي 

الفصل العشرون من هنا