رواية قصة زهراء الفصل التاسع عشر بقلم زينب نور
زهراء:طلعت اركض اشوف شصاير وياسر يصيح بالغرفه
شفتهم كلهم متكومين اباب الحمام
رحت
اشوفهم يگومون بيها بس هي ماتتحرك لگفوها الولد للمستشفى وطيبه وعمتي سعاد وياهم
وانه مثل الثوله ماادري اشصاير سئلت دعاء
دعاء:دخلت تسبح انه وطيبه وفاطمه بالصاله كلتلها خايبه امج طولت بالحمام مو عادتها
ساعه يمكن كامت طيبه ادك الباب ادگ ماكو اخر شي فتحته شافتها طايحه زالگه يمكن وطايحه
كامت طيبه اصيح طفرنه على صوته والتمو الولد
زهراء:شكد اتحاربت وياي بس ماكرهتها
طبعي مااشيل بگلبي صدگ اضوج منها بس مااحقد عليها شلون طايحه من شفتها
ساعتين ودخلوها رجلها مجبسه
كسرت خاطري مره جبيره وبيها سكر شيطيبهاااا
دخلوها للغرفه بالگوه تمشي
اجه احمد خله ياسر ع العربانه ووداه لغرفتها شافهااا
ياسر:شسالفه يمممه شلون طحتي
ام ياسر:والله ياايمممه بسرعه ضلمت الدنيا بعيوني وماحسيت بشي بعد
احمد:الضغط صاعد كلش ارتاحي خلوها تنام شويه
زهراء:طلعنه رحت ويه ياسر للغرفه
دگ تلفونه بس الواتساب
فتحه
تغريد:الوو الحمدالله على السلامه
ياسر:هلا خيتي الله يسلمج
تغريد:مستحيه منك واتصلت اعذرني والله ماجيتك
ياسر:شل قضيه خويه اعرف ماتلحگون والولد اتصلو اتعذرو هم
تغريد:اتفقنه انشاءالله نلتم
ونجيك
ياسر:هلا بيكم تنورونه يالله اهلا وسهلا مع السلامه الله وياج
زهراء:بستغراب مني
ياسر:تغريد
زهراء:رفعت حاجبي شتريد داگه
ياسر:دگت تتحمد السلامه
....
مرر اسبوع
وياسر يراجع العلاج الطبيعي
شويه صارت حركه بطراف رجليه
بس نفس عصبيته ساعد هادء وساعه يصعب ويطردني ويزهك بالجهال رغم هذا واتحملته
وعمتي ام ياسر بعدها مافتحت رجلها مجبسه لان الجبير صعب يلتحم كسره وهيه بيها سكر
والدكتور كالهم احتمال حتى شهر تبقه
اكثر المرات انه اوديلها الاكل لان بغرفتها ماتكدر تطلع متمدده حتى ظهرها صار بيه انزلاغ
مرات يجن البنات طيبه وزينب
بس هنه هم بيوتهن وجهالهن مايگدرن وزينب حامل
المهم مثل كل مره اليوم راح للعلاج الطبيعي نظفت الغرفه ورتيتها
اسمع صوت واحد يصيح طلعت من الغرفه عمتي ام ياسر اصيح شفت منال بالصاله استغربت ليش مادگوملها
دخلت للغرفه هااا عمه تردين شي
ام ياسر:يبس حلگي وانه اصيح اريد اگلاص ماي
اشرب الحبايه
زهراء:طلعت جبتلها ماي ومنال على گعدتها ملاحضتها اذا محد بالبيت ماتهتم لخالتها بس اذا شافت ياسر لو عمي اسويه يدهينه لا تنكتين
تعال وشوف شلون تعاملها
انطيتها لماي والحبابه وطلعت
فاطمه عند اهلي دعاء بغرفتها
دخلت سبحت وطلعت وغسلت ملابس ياسر شريتهن ومشطت ونزلت
شويه واجو سئلت احمد كال شويه اكو تحسن
طبعن مااسئله بس احاجيه يزهگ بيه عباله واحد اذا سئله يشمت بيه
كمت اعرفه من يجي ماادخله بسرعه اخلي تمر ساعه لمن يهدء وادخله رحت سويتله عصير برتقال طبيعي واخذته اله
باوعلي كلت راح يزهگ بيه بس الستغربت فاجئني ابتسم بوجهي
رحت يمه مديتله الگلاص كال
ياسر:كون دوم اضل هج حتى ادلليني
زهراء:اسم الله عليك
انشاءالله ادگوم واشبعك دلال
اشرب العصير سويته الك بيدي
ياسر:تسلم ايدج عمري.....
وهاااي شربته كله
زهراء:هههه بالعافيه
ياسر:مشتاقلج
زهراء:موو هاي انه يمك
ياسر:اريدج يمي سحبتها عليه
زهراء:ياسر لاا يدخل احد...
ياسر:محد يدخل
زهراء:سحب شالي ودفن راسه برگبتي
انفتح الباب
سعد:خويه ابوو.....اهاااا مااادري والله سديت الباب وطلعت
زهراء:دفعته وكمت صخنت من الفشله ضليت افتر بالغرفه شكول عليك ياسر
ياسر:هههه شبيج
زهراء:بربك هذا موقف حلو شافنه اخوك بيه
ياسر:هههههههه
زهراء:اضحك اضحك كله من وراك
معوق ومكاعد راحه ......
اصخام نتبهت لروحي شكلت
جفصت وعلي باوعتله خازرني
والله مااقص.....قاطعني
ياسر:اطللللعيييي
زهراء:والله وحدها طلعت مااقصد شي
شال الكلاص شمره عليه اجه ابخاصرتي وصاح
ياسر:اااااطلعي لاتراويني وجهج بعد معوق موووو
ااااطلعي
زهراء:طلعت اركض لزمه خاصرتي
منال باوعتلي وتبتسم
صعدت وادگ على حلگي
امداي يوله لازم اجفص شلون فلتت من حلگي بس والله كلتها بعفويه من باب الشقه ماقصدي اشمت بيه
فهمني غلط.
غسلت وجهي وشفت اثر احمر برگبتي لفيت الشال ونزلت
دعاء اسوي بالغده كملنه وصبينه السفرة بالصاله احمد كاد امه طلعها
لئن وحدها بالغرفه
كعدها بالگوه تگعد كملنه كلشي وكعدو كلهم اجه احمد اخذ الاكل لياسر شويه ورجعاه مايريد
اعرفه من يعصب ماياكل
كلت خليه يهدء وادخله تغدو اكلت شويه وكمت لمينه الماعين وغسلناهن
كملت ورحت دخلت الضوه طافي بس ضوه خفيف من الشباك
شغلت الضوه تقربت نايم
كعدت اباوع بوجهاااا
كمت امشي ايدي على شعره قربت راسي لرگبته اموت على عطره
ياسر:حسيت عليها بس مابينتلها انه گاعد راسها بركبتي
عطرها ترس خشمي..
زهراء:وخرت حسيت بيه مانايم
فتحت الجراره وطلعت المشط
كمت امشط بشعره ولحيته خررب
هاي لوانه نايمه واحد يسويلي هج بسرعه افز بس هذا مااكو صنم عببالك
مشطت لحيته تعمددت امشي ايدي على شفايفه ونزلت على رگبته
برحكه هادئه رجعت ايد لشواربه
ياسر:اضحك بداخلي عليها شسوي
فتحت كلتلها ايييدج وخريها لا اكسرررهااا
زهراء:واذا ماوخرتها شسوي😜
ياسر:تعرفين شسوي😠
زهراء:كرصت خده شنو هاااي العصبيه حسيته يخفي ابتسامته
ههههه
ياسر:😒😒
زهراء:هااي اذا عدتها اعميهن عيونك
ياسر:هااي عليمن
زهراء:عليك هههه هااي حجايتك كل مااسوي هاي الحركه تحجيها
ياسر:وانتي تقلدين كومي اطلعي عن وجهي
زهراء:برطمت
ياسر:كومي سويلي شي اكله
زهراء:طفرت من عيوني بس دقايق
ياسر:هههه مخبله...
زهراء:صبيتله الغده وديته اله كعدت على طرف الجربايه والصينيه بحضني وهوه مرتكي على التاج
انه اوكلك لا ادكول كومي
ياسر:ياله موو بطني اصفر من الجوع
زهراء:يخسه الجوع وكمت اوكل بيه وكلساعه يبوسني
ياسر:امي شلون صارت اتغدت لاا
زهراء:ايي اتغدت
ياسر:وانتي ماتاكلين
زهراء:شسوي جاي اوكل بواحد اريده يحس ويحطلي لگمه بحلگي ماكوو
ياسر:هههه تدللين
زهراء:خلصنه شلت الصينيه وديتها وجبتله ماي يغسل غسل وطلعت غسلت الماعين ورجت يمه
ياسر:جااي ثگيل لان راسي ذبحني
زهراء:صار رحت سويتله جاي صبيته ووديته اله دخلت منال يمه شعدها
انطيته الجاي وكعدت ماطلعت
منال:اطلعي اريد ياسر بموضوع
ياسر:احجي اكعدي زهراء
منال:بس....
ياسر:عندج شي احجي ماعندج اطلعي
منال:اريد اروح لهلي ومناك امي تاخذني للدكتوره
ياسر:المطلب
منال:فلوسس
زهراء:سحب محفضته انطاها وطلعت
للمغرب اجه اخوها وخذاهاا
فكه البيت صار شخفه طلعت مواد مال كيك سويت كيكتين وحده بلا سكر والثاني لا خليت عليها كاكاو
وزينتهن وخليتهن بالثلاجه
دزيت ابن احمد على عصير جابه خليته بالثلاجه
لليل اجه احمد يفرك برجلين ياسر وكوموه شويه شويه رجله اليسره تحركت بس اليمنه لا بس الاصابع
احمد:اكعد لاتضغط عليها هواي
زهراء:كلهم ملتمين يمه بالغرفه حتى امه اجت بالكوه تمشي ذكرت الكيكات اشرت الفاطمه وكمنه
قطعتهن وفاطمه خلت العصير ووديناه الهم
جدي وعمي وعمتي ام ياسر انطيتهم من الماصخه لان بيهم سكر
والبقيه اكلو من ام الكاكاو
وكعدنه كلنه ملتمين سوالف وضحك
الجد:عاشت ايدج بويه خوش كيكه
زهراء:بالعافيه جدي
سعد:مبينه مامسويتها على مودنه موو😉
زهراء:لا والله جا المن
سعد:هههه احمد ماوصلتهااااا ههههه
زهراء:ضلو كلهم يضحكون مافهمت عليمن انثولت للساعه ١٠ طشو
كلمن الغرفته فرشت الفراش وتمددت
ياسر:تعاي هناا
زهراء:وين اشر بصفه...
لاا اخاف ائذيك
ياسر:لااا تعاي
زهراء:فتح الغطه وكمت يمنه بالكوه كفت الجربايه نمت على ايده
كتله شيقصد احمد مساعه
ياسر:ماعليج بيه هذا واحد هتلي
زهراء:هههه ايي مانطيتني رئيك بالكيكه
ياسر:ما طيبه
زهراء:صدگ...
ياسر:بس هاي الي بحضني
كيكتي اطيبب😉
زهراء:ضميت راسي بصدره
وغفيت بس مجلبه بيه خاف اطيح لان الجربايه مال نفر نمنه......
