رواية بنات سهر الفصل التاسع عشر بقلم فراقد حسن علي
مساء اليوم المنتظر 🌷🌹
اليوم ستعلن الدنيا طربا لموعد زفافهم 💑
فتكون الرجولة فيه أخلاق قبل أن تكون ألقاب👑
والأنوثة حياء قبل أن تكون أزياء 💎
🌹🌹🌹🌹🌹🌹🌹🌹🌹🌹🌹🌹🌹
مسرة/ بعدنا ما خلصنا عشانه
وسوار كامت تسويلها كاستر
وأحنا بقينا كاعدات ناكل ونسولف
اني هوايه احب هاي اللمه
شايفين بنهايه الوجبة من نخلص الاكل
والواحد مابي حيل بعد يكوم يلم المواعين
وتبقى نعمة قليله بالمواعين
والمجموعين على الصينيه يبدون ينكشون بيها
حتى تخلص
وهنا تطلع السوالف من جوة الكاع ونطول بكعدتنا
بحجة كاعد نتغدة لو نتعشا وتاخذنا السوالف
يمكن هاي سالفة بكل بيت عراقي تصير
والولد رجعوا يلعبون ورق
وكلساع واحد بيهم كال /وين جاي ؟؟
شنو تاكلن سمج خفن ايدجن نريد جاي
5
خالتي كالتلهم / شبيكم طار الجاي خو ما طار
واحدكم تعشا وتبن كرشه وخبصنه
انطونه عطوة نتهنا بالنعمة
5 ت
سهى رادت تكوم تحضرلهم الجاي
بس خالتي كالتلها / اكعدي اني رايحه للمطبخ
اشوف البنيه لا تنخلس طويرق لحكها
9 ت
همام صاح وراها / يوم عوفيهم براحتهم
شكو ركضتي وراهم
خالتي من تمشي تدعبل تميل هيج وهيج بمشيتها
جاوبته وهي طالعه / ((طبووني 😜)) يحب الحلا
أخاف ياكل البنيه
11 ت
منتصر كال / يلا بويه فضنها وكومن
لا تستغلن الحجيه شوفنها بالكوة تتحرك
2 ت
عاد نهى كامت اول وحدة وأحنا كمنا وراها
ورتبنا كلشي بمكانه
والولد شربوا الجاي وبعدهم يلعبون
وسهى وزعتلنا كاستر
1 ت
اني رحت وكعدت شويه بالمرجوحة
صح الجو بارد بس احب اكعد واهتز بيها
وبالاخص بليل أحس السماء تصير صافيه
واتخيلها تنفتح بيها ابواب جبيره
وتسمعنا شنو نحجي وشنو نتمنى ،
يعني تخيلات مال افلام الكارتون
بس حلو الواحد من يعيشها
أجتني سهى وكالت / اكلج خيه اذا ماعندج شي
نصعد فوك نعدل ونرتب الملابس بغرفتج
وغرفه اختج ، وانتي بعد سفطي ورتبي غراضج
على ايدج
واني والبنات نساعدج
2 ت
كمت وياها وبلشنا اول شي ترتيب بغرفه طارق
شايفين بعد هوسه الترتيب وتسفيط الغراض
شكد تاخذ وكت ،
وبالاخص غرف الاخشاب جديدة
و يرادلها مسح وتلميع ،
وغراض وملابس طارق جانن بغرفة همام مخليهن
صار علينا تعب تعبين لان رتبنه غرفه طارق وهمام
و البنات سهى ونهى ولمى وساهرة شاطرات
ويانه أساور بعد،، بقت بس سوار جوة يم خالتي
4 ت
بعدها رحنا الغرفتي وهم تعديل وترتيب
والبنات سهى ونهى نصبن عليه ،
وهاي ترفع وهذيج تكبس
يالله من حجيهن اني خجلت ومتت من المستحه
حتى ولا اجاوبهن ، بس ابتسم واحرك براسي اي
7 ت
أنوب أساور بقت تفر براسها
سمعت اشكال الوان الحجي
وابد ما سألت
اعرفها تستحي أمر من حالي
وهم تخاف تسأل وحدة من البنات تفشلها
فبقت تسمع للكلام وتتلفت
بس اني بداخلي كلت أحسن خليها تسمع وتتعلم
خطيه هم باجر وراها عرس واحسن ماتبقى مطفيه
بلكت تتعلم شويه
7 ت
واني الصراحة صار كم يوم اكو فكرة ملخت روحي
وكل مااصفن تزيد تخيلاتها وسواسها براسي
بس والله مو بيدي
كل بنيه هسه تعذرني من تفهمني شقصد
كل بنيه من تريد تزوج تحس ليلة العرس كلش صعبة
تفكر شلون راح تتجرد كدام رجلها
شلون راح تخلص الوكت وياه
شلون تتقبل يتقربلها ويتكشف عليها وهي كل هاي السنين العاشتها محد شايفها ،،
حتى امها الجابتها وربتها تكوم تستحي منها بس شويه تكبر وتبدي تفتهم
12 ت
صح الزواج حلال الله ورسوله
بس الخجل و المستحه متكدر الوحدة تتخلص منهن بسهوله ،،وهن اصعب شعور جان عندي من تزوجت المرحوم وبقيت ايام أبجي من الخجل والمستحه
6 ت
حتى المرحوم الف رحمه على روحة
من شاف خجلي وشلون استحي من عنده
كالي / أتمنى بيوم المبعث تكونين
تحت لواء سيدنا ذو النورين
عثمان بن عفان رضي الله عنه وأرضاه
لكثرة الخجل والحياء العندج
101 ت
ومازال هذا الشعور مجلب بيه
وافكر ويه روحي باجر شلون بحالي
وانوب اكو رجال ثاني راح يتكشف عليه
والله صعبه واكثر من صعوبة نفسها
كلمة مشقة قليله على تفكيري ،
مجرد ماافكر بهذيج اللحظات
اختنك من الموقف وكل جسمي يكوم يرجف
يعني اتخيل نفسي صرت وحدة مو زينه
شلون أثنين رياجيل يشفوني ويتكشفون عليه
وتكوم الافكار تجيني وحدة وره الثانية وتعصر بروحي
17
وكل ما تتقرب ساعات العرس اني يزيد همي
والله احس هذا اليوم عندي مشقه وراح يتعبني
لا يمكن يدمرني ويجوز أموت بي ،
والله مو مبالغه بس الخجل والمستحه شي مو بيدي
اني كدام خواتي ماابدل أستحي منهن
مو عاد أتخيل روحي صرت وحدة مو زينه و رجال ثاني راح يشوفني
11 ت
الليل كله بقيت ابجي ماكدرت انام
وسوار خابرت من تلفون ماما
على أساور نايمة يم لمى فوك
وكعدنا ثلاثتنا بالمطبخ يمكن ساعة جانت فوك ال ١٢ وكل بيت خالتي نايمين
وحجتلهن عن شعوري وتفكيري
هن خطيه ما يعرفن شلون يساعدني لو يهدئني ،
1 ت
سوار تكلي / اقري قران حتى تروح هاي الفكره المو حلوة من راسج
4 ت
وأساور تكلي / كولي يالله وهذا تفكيرج شي زين
لان ماما ربتنا على الصح
وان شاء الله منتظر يتفهمج وهو يلكي الحل
17 ت
كمت ورجعت للسرير
ويادوب غفيت وكعدت على حركة خالتي والبنات
بهذا اليوم اجوي اهل بابا اهل الجنوب
شكد أحترمتهم وقدرتهم
لان تعبانين وجاين من مكان بعيد علمود يحضرون العرس ،،يعني شي حلو من يشاركونا الفرح
وسووا حفله تخبل
ونسوانهم مو متكلفات
هن كامن يعزمن ويخدمن الكل
وشكد جابوا هدايا وشغلات
صح اكو بيهن شغلات بسيطة
بس الواحد يفرح من شخص يذكرة ،
شفت البساطة بتعاملهم
وحبيت لمتهم وألفتهم
حبيت تألف الاسرة عدهم وشلون يحترمون اكبارهم
من النسوان والرياجيل
8 ت
وانوب كلامهم متت عليه
اني جنت اتعارك ويه تهاني بت جيرانا خاله ام عمر علمود تبقى العرض على قناة البغداديه
عرضوا برمضان مسلسل سنوات النار
والسنه الوراها عرضوا الجزء الثاني أمطار النار يالله لهجتهم تخبل ،
وشكد احب كلمة يبعد رويحتي من يكولوها ،
وشكد اكو كلمات بعد احبها
بس مااعرف اكولها نفسهم
8 ت
الناس فرحانين ويصفكون ويغنون
واني كاعدة يمهم وروجة عرك المستحة
وحدة تاخذني وحدة تجيبني ،
2 ت
واتهزم من منتصر وابد ماارفع عيني عليه
ومن اجى من الحلاق مخفف لحيته
ومزين شعره ومرتبه وصابغة أسود
ولا عرفته طالع غير شكل
هوووايه طالع اصغر عمر
صدك شعر الشيب مكبره ومسوي شكله شايب
هو بقى يدور عليه بعيونه
ولكفني كاعدة بين البنات
ابتسم وكام يعدل بشواربه ويمسح على لحيته
يمه سحت من الخجل عبالك يكلي اني مو شايب ...
وعماته ذبن فلك على كولتهن
سوله هوسات تخبل
17 ت
اجى يوم الأربعاء يوم حفلة النيشان والحنة
واني بيه وماانمرد من وره تفكيري
والفكرة الزرعتها براسي
3 ت
ام الصالون والله قبيحة
عود تسوي نفسها هي خبيرة وكلشي تعرف
حتى باللبس ادخلت وخلت نفسها
يعني جبرتني هي والبنات لمى ونهى
اخلي كوم مال كلينكس بالداخليه الفوك
والله البدله تطلع احلى ويترتب جمسمج اكثر
اني استحي واضم بروحي وهي ادورلي ارتب
7 ت
هسه هي خلصت المكياج
وكمت لبست البدله
ومن رجعت كعدت علمود تسويلي التسريحه
غطيت روحي بربطتي
وهي تكول / شدعواج هلكد مستحيه
ترى ماكو رجال بيناتنه بس نسوان
والعندج عندي ، ليش هيج خانكة نفسج
7 ت
بس كتلها / استحي
والستر حلو
والحشمة أحلى
طبعا هذني كلمات ماما جانت دوم تكولهن النا
8 ت
كلام المراة ضوجني
وهم مشتاقه الماما اريدها توكف ويايه
والله احس روحي بمحنه ومشقه
ظليت ابجي مقهورة على كلشي
وهن البنات ظلن يسالن بيه
واني لزمت السكوت أحسن كلشي
4 ت
لمى حارت بيه من تعديل وتريب
خطيه ما قصرت ويايه
لحد ما رجعنا للبيت واني اباوع على روحي
خاف طالع شي من جسمي
والهوسه مال النسوان والجهال ما شاء الله
تثول الما ينثول
وهستوني كعدت ولمى وخرت البركع عني
ويدخل علينا طارق
شلون هذا طائر الكارتون بيب بيب
صركعني خمطت البركع من لمى وغطيت روحي
خطيه هو يمكن حتى ما شافني
4 ت
بين ما كعدت واستقريت اني وسوار
على نفس القنفة ، وشويه جريت نفس
النسوان سممن روحي
حارن شيكولن وشنو يحجن على ماما
هسه ليش ماالواحد ما يخاف من الله
ويفكر باجر وراه حساب وكتاب ،
بس يحجون على ماما وحجي مو زين
يعني محد عنده دليل ،
بس والله سمعنا فلان يكول
و فلان كال هيج
علان حجه هيج
حسبي الله ونعم الوكيل
على كل بشر يطعن بشرف شخص ثاني ،
وحتى لو هذا الشخص صحيح غلطان
عنده رب باجر يحاسبه
انتم منو حتى تحاسبونه
رجعت ابجي
ما اتحمل اسمع فكره او اكون فكره براسي
على ماما عساس هي جانت حشاها وحدة مو زينه
13 ت
البنات ذبن فلك بالهوسه والركص
واني الدنيا طلعت من عيني
من جهه من مغثه وحجي النسوان
ومن جهه مغثة الفكره البراسي
خالتي وساهرة بقن يهدن بيه
2 ت
لحد مااجتي لمى وساعدتني
اكعد على هذيج القنفه وحدي
بين مااجى منتصر ما شاء الله طالع غير شكل
طالع كشخه بالقاط ،،والزيان
ولحيته خفيفه
وصبغ شعرة الاسود لايك عليه
من صدك طالع شاب ثلاثيني صاك على كولت لمى
اجى كعد يمي وهو هم مبين علية خجلان
بس عيونه هوايه حجت وسولفت بيه
5 ت
أني شنو من كثر الخجل والمستحه
حسيت دمي كام يرجف بعروكي
بلش يلبسني الذهب
اول ما بدة بالحلقة لزم ايدي وخلاها بيده
بين ما سهى نطته الحلقه
كالي / على كيفج بويه ويه حالج
-
يعني الرجفة واضحة على ايدي
جنها رجفة التلفون من اسوي رجاج
-
لبسني كل ذهبي وهو كلش هادئ
واني حتى ماافتهمت شي ،
ولا اتذكر تفاصيل هذيج الدقايق زين من كثر الهوسه والاحراج ،،البنات هواية حرجني بالصور
هو صح خجلان ومرتبك بس ما متنع عن التصور
وشنو يكلوله البنات يسوي
4 ت
لحد ما خلصنا سوالف الكيك والعصير
اني غديت عصرة مال مي
واحس هو هم يتعمد يلزمني لو يطخني
حتى ضحكته احسها شكد ما هادئة
بس خبيثه وتحرجني
8 ت
من طلع منتصر
اجى طارق لبس سوار ذهبها
ما شاءالله حفلتهم حلوة
وطارق ضحكنا ،
هوايه اسلوبه خفيف ويشاقي ويضحك
3 ت
اني كاعده مقابيلهم وملفله حالي بالبرنص
هنا مو صايرة هوسه وكل البنات مخبوصات
لاحظت هاي البنيه الغلطت على سوار ،،
واكفه على جهه وتباوع عليهم
غدت كاغد محروك من عصبيتها
فتت روحها فت ،
شايفين الواحد من يصير عصبي
ويكوم ياكل بروحه بدون محد يحس عليه
ويحير شيسوي بروحة
مرة يكرض اظافره
مره يعض بشفته
مرة يطكطك اصابعه
هاي البنيه هيج سوت بحالها واكثر
6 ت
طارق من خلصت الحفلة وراد يطلع
من كام وكف صارت عينه عليها
هو بسرعة دنك وباس سوار وكام يضحك وياها
15
ااني هنا حسيت اكو شي بين طارق وهاي البنيه
لان مريت بهيج حاله من شفت منتصر وساهرة سويه
6 ت
هنا اني عفت الهوسه كلها وركزت وياها ،
هي عينها بس على سوار
ناس تركص وتغني وتهوس
وهي مركزة على سوار
لو شويه ينطوها مجال يمكن تلزمها وتكتلها
دوخني امرها والصراحه خفت منها
5 ت
وره صلاة المغرب بلشت حفلة الرياجيل
جايبين رادوح مو رادود اسلامي
هو عساس يغني اغاني مال افراح اسلاميه
بس والله هوسه ومزياق وطبل ماكو ذكر لاي شي اسلامي بالأغاني اليغنيها
10 ت
هنا كمنا بدلنا بغرفة خالتي
ولبسنا بدلات الحنة
وبلشت الحفلة مال بنات من جديد
هنا شويه ركزت وهدئت روحي
وحبيت فكرة صواني الحنه
والشموع والحلويات يعني الترتيب عجبني
وهم شغلة جديده ما شايفتها قبل
من عمة منتصر الجبيرة حنت ايدي
وشكد حلو تكول هوسات تخبل
ومن خالتي وعمات بابا هن طلعن حنن طارق ومنتصر
يعني هوايه شفت وسمعت شغلات جديده
لا سامعتها ولا شايفتها من قبل
4 ت
من خلصت الحفلة ، وخلصت الهوسه
وبدلنا وسبحنه وارتاحينه
والبنات لزمن سرة على لبس البدلات
وباقي البنات والنسوان لملمن هوسه البيت
ورجعن كلشي المكانه ،،البيت رجع نظيف
ما شاء الله هن كلش نظيفات وخفيفات بالحركة
بس أني واساور بقينه كاعدات بالصالة يم النسوان
بس سوار خطيه تعبت ونامت
2 ت
شايفين بكل حفلة وهوسه وره متخلص
يطلع نص الرياجيل والنسوان ما متعشايين
وتبلش وجبة عشا جديده من يكعد الكل ويردون يرتاحون ،،وبس واحد يكول اريد لكمه
كلها تصيح وياك
هنا همام كال اللمى /سويلي عشا كتلني الجوع
ترى من عشا البارحه،
طارق هم صاح /وياج
حيدر صاح/ وياج شي خفيف ،
ولد غريب ابن عمتهم يمكن صاح / وياج كلاص جاي
ام ساهره كالت الساهره / سويلي لكمة
كامن البنات وشكو اكل رجعوا من عشا الحفلة
أنحمى وترتب ورجع نصب من جديد
وما شاء الله حسبالك ولا جانت اكو وجبه عشا صبوها قبل شويه
9 ت
طارق كال السهى /رتبي ماعون اكل لمريتي
اليوم اكلها ما عجبني يمكن باجر لو عكبةاخذها للطبيب يشلع سنها
6 ت
هنا نصبوا عليه هذا يكله / من هسه كمت ادهن
وهذا يكله / هاا من هسه نباك بوشك
وهذاك يكله / بده الصبغ واللواكة
وعمته تكله/ لك لا تخاف خليك سبع
5 ت
هو بس يضحك ويكلهم / ولكم مو اخاف
غير صارت مريتي ولازم اداريها
5 ت
انوب باوع على عمته وكاللها / اكلج عمه
بروح اعزاز قلبج مو تسوه وتستاهل
الواحد يتلوك الها ويذل روحه لعيونها
5 ت
هي كامت تضحك تكله /خايب طبووني شمالك تسودنت، عويناتها عاديات وما بيها شي يميزها عن باقي النثايه، بس انت بعد مهورش وطحت بكروش
6 ت
هو ضحك ضحكة عالية ويكلها / عمه وروح كاظم
انتي هم تغارين منها حالج من حال باقي النسوان ...
7 ت
هو بعده ما كمل كلامه وهي ضربته على جتفه
وتكله / خايب انا ام شمخي
لو مشيت الكاع تهتز حدر جدمي ،،
أغارن من نثية مايعه
ساعة يلا تطلع الجلمة
9 ت
هو كام يهتز من الضحك ويكلها / والعباس تغارين
وروح الحجي النايم بالفتحة السابعة كاتلتج الغيرة منها
عمه وداعت شمخي
اول مرة بحياتي اشوف بنيه نص وجهه عيون
ونوب لمعتهن تسطر الثور
وغير مرة خزرتني أجيت اطيح من خزرتها
عمة موش مرررراه فلك أسود وروح جدي حسن
10
هي هم تضحك وتهز بيدها تكله / جا ربحنه
وكرت عين فطيمه
من خزرتك مريتك وطحت
2 ت
هو بقى يضحك ويكلها/ عمة بعد هذا هواها وبقى يدك خفيف على قلبه
6 ت
أنوب صاح بصوت شويه عالي ويضحك/
ولكم عيونها سودنتني ،
حتى اسم فطيمه نسيته من وراها،
2 ت
منتصر شلون اليحجي بنتر
كاله / اكل النعمه بردت
وكوم لف راسك ونام
وراك كعدة من الصبح
عنده كوم شغل
5 ت
استغربت شبي منتصر هيج حجة بااسلوب خشن
ويه طارق !!! ، وهو طارق ولا اهتم
بقى ياكل ويحجي ويضحك وشاقه
2 ت
اخذت اكل رحت على سوار لكيتها مطفيه
حتى ما قبلت تكعد تاكل شي
رجعت لفت راسها ونامت
1 ت
من رجعت للصاله لمى كعدت بصفي شاورتني
كالت / منتصر يكول خليها تبقي تلفون امها يمها
كتلها / ليش ؟؟
بعدين هو طافي وضميته ويه الغراض بالكنتور
2 ت
كالت / دكومي جيبي خل أشحنه
اني هم سمعت الكلام ورحت جبته وانطيته الها
اكثر ألولد اخذهم عمنا حاتم البيتهم
والبيوتهم قريبه راحوا كالوا نجي من الصبح
والباقين الي صعد يم الولد فوك
والي فرشنالهم بالاستقبال
والنسوان صارت نومتهن بين الصاله وغرفه خالتي
والغرفه الثانيه
اجيت تمددت تكسرت من التعب
وتقريبا الكل تمدد بفراشه
اجتي لمى تمشي على كيفها
وكامت تطفر تخاف تدوس على مراة لو جاهل
انطتني تلفون ماما وكالت / منتصر يريد يحجي وياج
هو شحن تلفون وعباله رصيد عود جاوبي مو تفشلي ،، عافتني وراحت
2
التلفون بيدي درزلي رساله/ شلونج بويه
4
باوعت للتلفون وخنكتني ألعبرة
هذا تلفون بابا ، وبعدين صار يم ماما
وهسه صار عندي،
حتى جانت الله يرحمها ما تقبل نلزمه
تكول شي مو ضروري
اني اعرف استخدم هذا تلفون
بس تلفون أساور ولمى لا مو هلكد وياهن لان حديثات
2 ت
جاوبت على رساله / زينه الحمد لله
بسرعة جاوبني / مسرة سؤال وجاوبيني بصراحه
انتي متزوجة قبل ؟؟؟
لو صاير وياج شي جبر امج تسويلج عقد زواج ؟؟
3 ت
اني ماانتبهت زين شنو يقصد
رديت عليه / اي والله متزوجة وترملت
3 ت
هو رجع رسل / مسرة والعباس ابو فاضل دايخ باامرج
ولج خوفج ، ورجفتج ، وارتباكج
مال وحده ما طاخها الهوه
.....جزء من النص مفقود
7 ت
اني صح ما وصلتني رساله كامله
بس رديت عليه / والله العظيم اني هوايه استحي
وحتى مااعرف احجي ويه نسوان
مو عاد يشوفني رجال
2 ت
هو بعد ما رد عليه
شكد بقيت انتظر بس هو ما رسل شي
سويت تلفون رجاج وخليته جوة المخده ونمت
1 ت
يادوب غفيت واجتني رساله من عنده
فتحتها مكتوب بيها / من شفت ثوبك هدل
لابيه اكلك على الطلع
ولا بيه أسدن عيني ....
26 ت
قريتها بسرعه
حتى من النعاس ما افتهمت شنو معناها 🤦♀️
ولا جاوبته ، طفيت التلفون ونمت
10
كعدت الصبح متكسرة من التعب والنعاس
وهم نفس ساعات وترتيب البارحه
بس اليوم الخطار زاد ،
والتعب ازيد
والخوف والرهبة والتفكير مشقه
قريتها بسرعه
حتى من النعاس ما افتهمت شنو معناها 🤦♀️
ولا جاوبته ، طفيت التلفون ونمت
كعدت الصبح متكسرة من التعب والنعاس
وهم نفس ساعات وترتيب البارحه
بس اليوم الخطار زاد ،
والتعب ازيد
والخوف والرهبة والتفكير مشقه
1
بدلة العرس كلش عجبتني لان مستورة
المكياج ام الصالون سوته اغمق من مكياج البارحه
تسريحه ماكو بس سرحت شعري ولفته طوبة
ولفتلي الشال بطريقه كلش حلوة
وثبتت عليه البركع والتاج بالدنابيس ،،
1
من أجتي الزفة طلعتني لمى قبل سوار
منتصر باب الصالون لزم أيدي
وبقى يمشي ويه خطواتي هو ولمى
صعدت بسيارة وكعدت يمه بالصدر
بقينا ننتظر لحد ما طلعت سياره طارق
الطريق كله لا هو حجه ولا اني
وجان مشغل اغنيه كلش حلوة
لحد هسه من اسمعها أتذكر هذيج الدقايق
جانت كلش حلوة وهادية
أسمها ( تدنا عيدنا منا )
وكل ما تخلص الاغنيه هو يرجع يعيدها

5 ت
بالطريق مااعرف شبي طارق وكف بنص الشارع
منتصر بقى خايف ويدك على هذا وعلى ذاك
عاد افتهمنا ماكو شي
وهو وجماعته مسوين هاي الحركة فيكة
حتى ينزلون ويركصون بالشارع
9 ت
وصلنا للمصور ونزلنا صورنا
وهو الرجال المصور جبير بالعمر
حباب ويحب يسولف ويشاقي وبس يضحك بيه
وانوب بقى يضحك بالبنات واكفات على جهه
يكلهن/ ما تنطني جكليته بلكت اخذ منها مراد
واعرس هاي الايام
7 ت
منتصر كاله / والينطيك مراه بدل الجكليته
2 ت
هو كيف ونشنش كاله / كفووو
انت مبين خوش معزب
بس مااريد اتفاشل وياك
تراني باقي بس شاصي وغمز لمنتصر ،
بحيث خله منتصر ادمع عيونه من الضحك
وكلساع وكال المنتصر / كض ايدها شبيك خايف
انت صح مبين عليك خوش معزب
بس مبين قلبك رجيج
وفلوس التصوير اليوم يروحن حرامات
ومنتصر ما يجاوبه بس يضحك
1 ت
والله هو منتصر لازمني ولازك بيه لزك
وهو يكله / يابويه متكلي شبيك مستحي
كضها من خصرها منا ومنا
2 ت
انوب عاط علينا /
اضحكوا لا تبقون مغندبين
2 ت
يعني بكل حركه هو يكلنا عليها
ونسويها علمود التصوير ،،لازم يدعبله كلمة
يخلي منتصر يخرب من الضحك
احلى دقايق واحلى لحظات واحلى شي عندي
جانت هي لحظات التصوير
7 ت
بطريق الرجعة منتصر كالي / بليل من صعدت
نهى صعدتلي جنطة مستمكاتج انتي وخواتج
وبيها ذهبجن وباقي الشغلات
وعاشت ايدج على التسفيط والترتّيِّبِ
جاوبته/ اي صحيح هي نهى ضمت ذهبنا
وكالت انطيني شكو شي مهم عندج اني اضمة
1 ت
كالي / بس تعذريني من باب الفضول كلبت المستمسكات وانتبهت كل تاريخ صدورهن
بعد السقوط
1 ت
كتله / اي صح اني من جنت بالابتدائي
جان اسمي مسرة عدنان بلال
بس شو من صار سقوط بغداد
بابا الله يرحمه سوالي اني وخواتي
جناسي جديده هسه نفسها هاي البجنطة
بس ما بيها اسم العشيرة
كال / هذنيج الجناسي جان بيهن غلط
وخربطة بالاسماء.....
3
هو بقى يباوع عليه وغمض عيونه
وجر نفس طويل وزفره ،
كال / الله يرحمه ضيع روحة وضيع المراه وياه
وهاي تاليتها انتن الطحتن بيها
اني هسه غير المفروض عروسه وفرحانه
شو ضجت
واجتي كل سوالف بابا وماما الحلوة براسي
اختنكت وبجيت وبقت دموعي تنزل على وجهي
كتله / ليش كتلتوا بابا وخليتونا نتبهذل وراه
هو جاوبني بكل هدوء كال / وحك ولايه ابو الحسن علي
مالنه دخل بكتلت ابوج ، ولا نعرف بي مكتول
الا امج المرحومة اجت بلغتنا
5 ت
-بس اكثر شي خوالج هم الكتلوه...!!
4 ت
انوب باوع بوجهي وكالي/ كولي يالله
واقريلهم الفاتحة وصفيلي بالج
ترى ورانه سالفه طويله
5 ت
لحد ما وصلنا للبيت
لا اني بعد حجيت شي ولا هو
1 ت
من دخلني للبيت وبس كعدت عافني وطلع
مليان البيت نسوان يستحي منهن
وعمته كامت تهوس هوسات خجلتني بالزايد
واني منا مقهورة زادت غصة البجي بروحي
التمن عليه البنات شبيج ؟؟وليش تبجين ؟؟
شريد اكلهن اتذكرت اهلي
لو اتخيل روحي وحدة مو زينه
6 ت
اجتي ورايه سوار ،
مكيفه ومكشرة وتضحك للرايح والجاي
واباوع عليها تعدل ابدلتها
وتعدل بسوراتها وذهبها
والله دعيتلها من قلبي
كون ربي يهدي طارق عليها وما يأأذيها
اني ادري بيها فطيرة وبسرعه تتقشمر
5
بعده هوسه العشا صاحوا صعدوا العرايس فوك
اني هنا زعت العافيه كل جسمي كام يرجف
اريد اسيطر على روحي ماكو
الخجل والمستحه اكلن مني حيل
1 ت
البنات سهى ولمى صعدني فوك الغرفتي
اجذب عليكم اذا اكلكم ما عثرت
يمكن كل خطوة والثانيه اخذلي جبحة
وهمزين البنات ويايه
لو ما هن اني انجبح على طولي
1 ت
سهى بس وصلتني للغرفة ونزلت
كالت لمى / ممنوع تعوفيها وحدها
ولا تخلين وحده تجي يمجن
اقفلي الباب بين ما يصعد منتصر
1 ت
لمى هم سمعت كلامها،، وبقت يمي
رشت معطر جو بالغرفه
شغلت الشاشه
جابت قلم حمرة وطوختليها
من شافتني بس ارجف
كالتلي / لا تخافين ترى منتصر حباب ويتفهم لا تخافين منه
8 ت
شويه واسمع الرياجيل يدبجون بالباب
ويهوسون / جيس التمن شيشيله
لمى ضحكت وكالت / والعباس هاي سوالف ماجد
اني صفنت بالكلام شجاب جيس التمن على هوسات العرس !!!
19
لمى فتحت الباب شويه وبقت واكفه وراها
دخل منتصر وتشكر من الشباب وقفل الباب
كال / السلام عليكم
أحنا ردينه عليه
وهي لمى سلمت عليه وباركتله
كاللها / ابقي لا تطلعين الشباب يم غرفه طارق
و رجلج اسودن وسواله لغوة ويه واحد جايف
لا يرجع يسوي هوسه وياج
كالتله / منو هذا؟؟
كاللها / ابن شمعة بت عمتي ام شمخي
البارحه بليل المطي متحرش بوحده من البنات
ومسطرة ماجد راشديات كالب خلقته
واليوم متحرش بحماتج وفاء
وخبزة حيدر ورجلها سكطوة
5
اني بسرعة اجى بالي هذا الولد التحرش بسوار
وهي كالت الماجد عليه
كلت بقلبي حيل بي ويستاهل
شكو يتحرش بالبنات
1
هو منتصر تكرمون نزع حذائه
وراح على الثلاجه طلع قوطيه ببسي وشربها
لمى احسها انحرجت كالتله / راح اطلع ماكو صوت بره
كاللها / ابقي شويه مالي خلك للمشاكل
أنوب لزم الريموت وكف كدام الشاشه يقلب بالقنوات
لمى راحت فتحت الباب على كيفها
وكالتله/ شوف ماكو احد
هو طلع كدامها باوع بره وكاللها / لغرفتج عدل وكبل
واكفين جماعه على الدرج
خطيه شمرتلي بوسه بالهوه وراحت تركض
هو دخل وبس طبك الباب
نزع جاكيته وعلكة بالزاويه
و اخذ الدشداشته من عدها
وكال/ اخذي راحتج بويه بدلي وارتاحي
بين مااسبح خمسين واحد باوسني سكران
اعوذ بالله من هيج بشر عينه كويه
ما يفكر بساعة الظلمة
7 ت
عاد اخذ هدوم جديده ودشداشه
والمنشفه شمرها على جتفه
وتكرمون اخذ شحاطة من الكومدي وطلع
اني كلت يالله استغل الفرصه هو ماكو ابدل براحتي
رحت طلعتلي هدوم كامله
نزعت الشال والبركع برحتي
وعدلت شعري ام صالون سرحته اليه
هنا أريد افتح البدله مااكدر
القياطين ماانوشها ،
اباوع بالمرايه معكودة
لا اكدر افتحها ولا اكدر انوشها
شكد حاولت وياها ماكدرت
انوب هلكد ما بقيت اعتعت بيها
شلون النظبت بالزايد
ما حسيت غير منتصر رجع للغرفة
وسابح شعره مبين مبلل
ولابسه دشداشته البيضة
اول مادخل كال / يالله
اللهم صل على محمد وال محمد
باوع عليه وكال /
ليش ما بدلتي بويه ؟؟
اني شنو ارتبكت مااعرف شلون اتصرف
وانوب حجاب ماكو
هنا بس يكلي شبيج أبجي
بقيت ساكته واسحب بشعري واخلي وره اذاني
هو تقرب عليه واني بسرعة كتله / هااااا
هو ابتسم وكال / شبيج اخترعتي
متوضي والله واريد اصلي راحت عليه الصلاة
تقرب عليه وكف كدامي
وخله ايده على راسي وكال / بسم الله ، وبالله
اللهم بارك لي في أهلي، وبارك لأهلي فـيّ، وأرزقهم مني، و أرزقني منهم ،،وأسألك الخير،
وأعوذ بك من كل شر ،،اللهم جنبني الشيطان وجنب الشيطان ما رزقتني
أنوب حجه بكل هدوء
كالي / انداري افتحلج سحاب البدله
ماادري ليش انتن النسوان تحبن هاي الحركة
انداريت وانطيته ظهري
ضحك وكال/ بويه ظلمتج هذا طلع حبل الشادات بي..
-
هو هم حاول ماانفتح بيده
راح يدور بالجرارات عاد جاب مكص من الميز
هذا صغير مال حواجب
-
كال / راح اكص العكدة هوايه مشنوطة ما تنفتح
-
من فتحلي القيطان كال / اخذي راحتج وبدلي
بين مااصلي ونكعد نسولف
اني هنا ماكو المخبله الماعدها عقل احسن مني
حرت وين اروح وين انطي وجهي
هو هسه كاعد يصلي ومنطيني ظهره
ليش ماابدل واخلص روحي ...!
-
لا رحت وره البرده شايفيهن يصيرن قطعتين
الجوة تول والوراها برده ثخينه
اني وكفته وراهن وكعدت بالكاع على ركبي
لان حسبت حساب الشباك خاف انشاف
-
وبدلت لبست دشداشة
ولفيت شعري طوبه
ولبست شال
يمكن ساعة يلا خلصت
الا هو صاح بصوت ناصي مو عياط / بويه عدله ميته
أخافن عكرب لدغتج سمعيني صوتج
طلعت من وره البرده
وهو بقى يباوع عليه بس كلشي ما حجة ..!!
كمت الملم بالبدلة واسفط بيها
هو اجى واخذها من ايدي وكالي/ عوفيها لا دوخين بيها ، تصلين لو لا ؟؟
حركت راسي يعني اي
كالي / جا دمشي اوصلج للحمام
خافن زلمة موجود بره
خبصت روحي ادور على عبايه ماكو
هو كالي / بويه هذا الحمام بصفج
اطلعي بدشداشتج هاي عريضه وهسه محد يشوفج
هو طلع واني رحت امشي وراه
طبيت للحمام وقفلت الباب
ياالله ،،شو ماكو دقيقه ودكها
كتله / هاااا
ضحك كال / شبيج سودنتي روحج
هاي المنشفه نستيها ،
كتله / مااريد هاي وحده جديده هنا
اني شسويت مو غسلت وتوضيت
لا سبحت ويمكن مرتين ليفت
وغسلت وجهي وكع من عنده الجلد مو المكياج لبست هدومي وتوضيت وطلعت
والله استحي ارجع افوت للغرفة ......
-
-
تعال وصير إلي بالحب غطا وفراش
ودفّيني بحنانك واعرف أسراري
أحبّك كالطفل من يهوى صدر أمّه
يموت من القهر لو فطمته إجباري
زرعتك بالعشق وردة وصرتلك ماي
غصن حبّك شرب من أعذب أنهاري
أنا بدونك مثل بيت أنهدم ساسه
تعال ابني أساسي وابدأ أعماري
÷÷÷÷÷÷÷÷÷÷÷÷÷÷÷÷÷÷÷÷÷÷÷
مسرة /من طلعت من الحمام
والله استحي ارجع افوت للغرفة
بس صفنت ويه روحي وين اروح
يعني ماكو غيرها كدامي وهي حياتي الجديده
سميت بسم الله وقويت حالي
دكيت الباب يلا دخلت
شفت منتصر كاعد ياكل فاكهه وحلويات
ومخلي الماعون كدامه
ويتفرج على الشاشه
ضحك وكالي / حسبالي شردتي نفس اختج
كتله بخوف / اسم الله وين راحت
كالي/ بوية شبيج بس تخرعين بروحج
هذيج هي موجوده بغرفتها
المسكينه عقلها صغير وسوتلها سالفه
وهذا بعد الطلع بتفكيرها وعذرها وياها
وانوب حاتم طاكها
وطارق شرد من البيت
كتله / ترى والله هي فقيرة
بس تخاف من طارق
اني هنا كيفت ،
وعلى كيفي كمت أتحرك
ورحت مشطت
وانوب أكلت شويه فاكهه وشربت عصير
طلعت فراش من داخل الكنتور
بس بطانيه ومخدة ،
وخليتهن بالكاع طفيت الضوة ونمت
ماادري بيش ساعة واحس على منتصر نزل يمي ،
بس حسيت عليه ردت اطفر
هو لزمني وقيدني بحظنه كالي بصوت ناصي /
عفتج على راحتج لان حقج خايفه وخجلانه
بس حقي مااعوفه واليوم أخذة
ومااخذ منج شي بالغصب
بس بالطيب انتي الراح تنطيني
بجيت من الخوف والخجل ودفعته عني
كتله / يعني لازم اليوم لان متراهن ويه عمو حاتم
هو طبك حواجبة وكال / شنو متراهن؟؟
ترى عيب هاي الكلمه تنكال بحقي وحق عمج
كتله / خاله بيداء كالت عمو حاتم
متراهن وياك علمودي
وكايلك اني ما متزوجة من قبل
جاوبني بضحكة وكال/ ولج ماكو هيج سالفه
بالشقه والسوالف
وحاتم بعد يعرف بسوالف النسوان
وبيوم الكعده من صارت
وهم بالشقه انا من كلت العمي جابر
يزوجج المازن ، واني اعقد على اختج أساور
ومن فضت الكعدة حاتم كالي /
الفيفي العندك ما مدشن لا يبقى شي بنفسك
هنا رجعت بجيت ادور حجه حتى يعوفني
كتله / انت ليش هيج كلت بوكتها
ما كلت هاي خطية عدها مشاعر
من تكول العمو جابر مازن كربسه بالأرمله
كتله / اعرف والله بس مااكدر
استحي انت تشوفني والمرحوم هم شافني
احس روحي اني هسه وحدة مو زينه
هو هنا رجع حظني وبقي يحجي ويايه
وشكد بقى يسولف
وهو تفهم مشاعري وشنو قصدي
واني الما فهمت روحي
وخبلت نفسي من الخجل والارتباك
لكن لكلامه الطري الناعم
الذي يدل على خبرة الأشيب، العطوف
المغرور بتلك الخبرة الموقَودة والممزوجة
بالعنفوان والنسيم
أمكنته مني فأحتواني في أحظانهُ
فشعرت أنني أبحر بتلك الاحظان الدافئة
فشبهتها بالبحر الهادى
فاستمتعت باأمواجه و نسيمه
وشعرت منذ تلك اللحظات
هذه الاحظان هي ملجئي ومقصدي
وبها القلبً الحنون الذي يستوعب وجعي
وتعالت بيننا تلك ألامواج
وأمست متتابعــة ومتقابلة
حتى سيطرت على سرايا جيشي المنظــم
الذي يحمــل رايــات الخوف والخجل والارتباك
بمرور الوقت تحول من بحر هادئ الى بحر هائج
وهو وحده من كان يسمع صوت أنين تكسر رايات
ذلك الجيش المنظم حين يمتد باأمواجه الموقودة بالعنفوان والنسيم على ثناياه وثكناته
فتسارعت أمواج ذلك البحر الهائج
وأمست مسرعتأ مثل سطوع برق خاطف
فأستسلم جيشي وسقطت جميع راياته
وعلى حين غفلة شعرت بهدوء غريب
رفعت رأسي الثقيل المخمور بنسيم تلك ألامواج
ورأيت عينيه تحدقان بي
فنظرت إليّه وكنت لا شعر بشي
لا أشعر في الزمان ولا في المكان
فقال لي / هل تُجيدين السباحة؟
قلت / لا..
فقال/ أنا أجيد الغرق!!.
لا تخافي ولا تفزعي فأنا البحر وأنتي لؤلؤتي
وتذكري أنتي الطين وأنا الماء.. والماء في الطين ذائب
يعني دقايق مرت عليه شكد حلوة
صح اني أنهاريت من خجلي
وهو كلش تعب وشلعت قلبه
وشكد حاول ويايه ويمكن امتنعت من قربه أكثر من اربعه او خمس مرات
بس ابد ما خوفني ولا عاملني بقسوة
وشكد لطف جونا بحيث أموع وما أحس على الدينا
وأحتواني وأتملكني بكل حب وطيبه
بس شو من تقربلي أذاني
والصراحة صوجي اني بلحظتها ما انطيته مجال
وعطت بصوت عالي وهو بسرعة سد حلكي بيده
اني عضيت ايدة من جهه الإصبع الصغير
ودفعته عني بكل قوتي الباقيه
وبس كتله / حباب والله عورتني
هو طفر مني وجر علبة الكلينكس
وراح شعل الضوة
اني بسرعة غطيت روحي وبقيت ابجي
وهو بعد ماأعرف شسوه
لان اني ضميت روحي جوة الغطة
شويه واجي عليه وخر عني الغطة بقوة
شفته مبدل ولابس بجامة التراك
وشمر علية كلينكس بي دم وكال / مسرة هاي شيسموها
هو هنا فد ضايج وخلقته مكلوبه
كالي / تكدرين تكعدين لو شلون
كتله / حباب بس غمض عيونك
لو اندار اريد البس دشداشتي
هو راح للميز مال سرير وبقى منطيني ظهره
ومااعرف عليمن أتصل
اني بسرعة جريت دشداشتي ولبستها
من كمت وكفت على طولي
نزل دم على رجليه بس مو هوايه
بقيت ابجي وكلشي ماحجيت
حتى ماانتبهت هو ويه منو حجه
و بسرعه سد الخط ،
باوع عليه وكالي/ متأذيه مو ؟؟
اني ما رديت عليه بقيت بس ابجي
هو كام يطكط بصابيعه ، ويروح ويرجع بالغرفة
وبس يكول/ استغفرالله العظيم من كل ذنب عظيم
هنا دكت الباب هو راح فتحتها
دخلت ساهرة....
كاللها / حجيه شوفي البنيه
يمكن انجرحت
هي بقت تباوع عليه وتباوع بوجهه
كالتله / شنو انجرحت
جاوبها شلون الواحد يبرر موقفه
واني أشوف هذا الشي حقة
لان اني وصلت نفسي لهاي ألأذيه ،
بس والله خجلي هو السيطر عليه
كاللها / خوفها وخجلها شلع قلبي وقلبها
وشكد حاولت وياها ماتنطيني مجال
ومن شفتها شويه لانت تقربتلها
وهي تسودنت غمض عيونك
ولا تباوع ، ووخر ايدك لا تلزمني
هي كالتله/ منتصر ترى دوختني
وبقت تحك بشعرها من وره الربطة المخربطة
وعيونها مطفيه لان نايمه
كاللها / حجية يمعودة اصحي
البنيه عورتها ودست بيها،
بس شوفيها وافتهمي منها
اجتي علية ساهرة والله مطفيه
يمكن نايمة وتمشي كالتلي /شلونج يمه
شييج ؟؟ متوجعه مو ؟؟
لا تخافين عادي
لان صارلج مدة طويله من ترملتي
وهم خجلج هو الخوفج واذاج
منتصر كاللها / يمعوده يا ترملت
بنيه ، بعدها بكريه ما طاخها الهوه
هي باوعت عليه وكالت/ أنتي بنيه ؟؟
حركت راسي يعني لا !!
هنا منتصر اجى علينا وشال الكلينكس من الكاع
وشمره على ساهرة / كاللها تفضلي تكول مو بنيه
جا هذا شنو ؟؟
ساهرة بقت تفر بذانها تريد تفتهم سالفه
كالتلي / شو تعالي كعدي يمي خل افتهم منج
كتلها / مااكدر ورفعت دشداشتي شويه
وشوفتها رجليه
هو منتصر هنا صاح بصوت بس مو عالي/ هسه فهميني
وهذا دمها الساح على رجليها شنووووو ؟؟
ساهرة كالت / منتصر هسه مو وكت سوادينك
خل افتهم دربي ،
باوعت عليه وكالت/ امشي كدامي للحمام غسلي
وبدلي وارتاحي ويصير خير
هي راحت اطلعلي هدوم
منتصر مااعرف منين طلع باكيت جكاير
وورث جكاره ،
ساهرة صاحت / هااا منتصر يمعود صحتك
هو كاللها / بالجهنم
بقى يدخن ويروح ويرجع بالغرفة
وهي طلعتلي هدوم كامله
واني بقيت مصكوكة بمكاني
هو سألني سوال ما فهمته كالي / مسرة انتي صاير
وياج شي وامج سوتلج عقد زواج مزور
حتى تحميج ؟؟
جاوبته/ لا والله هذا عقد زواجي الاصلي من المرحوم
ساهرة اخذتني للحمام
وكالت / اغسلي حتى ترتاحين
وبس بلغيني عندج هوايه دم لو لا
اني هسه اتفاهم وياه لا تخافين
كتلها / بس هو ليش هيج تعصب
شبي ؟؟
كالت / لا تخافين ان شاء الله سهله
بس فكره شمر لبعيد
عافتني بالحمام ورجعت لغرفتي
اني هنا غسلت لان أعرف شنو هو الغسل الواجب
ماما الله يرحمها علمتني من تزوجت المرحوم
وبدلت وطلعت ،
رجعت للغرفة
بس شنو فتحت الباب ودخلت بسرعة يعني مادكيتها
سمعت منتصر يكول لساهره
يعني تقنعيني هي ما مركوعه
من طبيت هم أثنينهم سكتوا
ساهرة سألتني/ عندج دم بعد
حركت راسي يعني لا
عاد كالت / شو تعاي اكعدي يمي خليني افتهم سالفتج
أنتبهت منتصر جر جكاره وورثها
وكام يفتر بالغرفة
بعد ما جان كاعد على سرير بصف ساهرة
ولابس بس البجامة اني استحي اباوع عليه
لان مالابس فانيله ابد ما رفعت راسي عليه
كعدت على سرير بصف ساهرة
كالت / شوفي انا عمتي فاطمه
حجتلي قصه زواجج ، ووفاة زوجج
بس هسه اريد اسمعها منج وبالتفصيل
حتى رجلج هم يسمع ويايه
بديت احجيلها قصة زواجي
كتلها /من أنقتل بابا بعد السقوط
أني وره وفاته بسنتين
يعني هستوني داخلة بعمر ال ١٦ سنه
أجى خطبني المرحوم عبدالله
يصير اقرباء خالتي ام عمر جارتنا،
جان بيتهم بمنطقه اسمها الخالص
هو جان بوكتها اكبر من عندي يمكن ب ١٢ سنه
وجان خريج كليه وكلش حباب ومثقف وخلوق
بس جان فقير وعلى كد حاله ما عنده وظيفه
بس يشتغل عندة بسطيه مال مخضر بالسوق
من خطبني لحد ما تزوجنا
يمكن فتره الخطوبه مالتنا
جانت ثلاث أشهر لو شويه اكثر
مرتين شفته ،
اول مره من أجى هو وامه وخالتي ام عمر شافوني
ومره الثانيه بيوم صار كلشي سويه
يعني الخطوبه والعقد مال الشيخ ولبسني ذهبي
جانت حفلة كلش بسيطة
مابيها بس ماما وخواتي
وبيت جارتنا ام عمر واهل عبدالله كم نفر
هنا منتصر سألني/ منو كعد بكعدت اعداد حكج
كتله / شنو هاي مااعرفها
كالي / يعني منو كعد بكعدت الزلم
جاوبته/ هااا ، هو عمو ابو عمر وولده
وجارنا الثاني ابو أحمد هو و ولده هم جانوا موجودين
بس من عقدلنا الشيخ راحوا
كالي / كملي خل أفتهم
كملت كلامي/ اي وبس هاي المرتين شفته بيهن
لحد ما ماما وخاله ام عبدالله كملوا ترتيبات العرس
وصار يوم عرسنا ،
وماما وخواتي راحن ويايه بالزفه
وحتى باتن هناك بيت خاله ام عبدالله
وبعدين رجعهن عم عبدالله للبيت
لان هو خطيه ابوه متوفي من جان طفل
وعنده بس أثنين خوات ، وحدة متزوجة
وحدة لا جانت بعمري
وجان كلش حباب وخلوق ومثقف
وهوايه يحترمني ، جان حتى من يجي
من شغله يجبلي علاكة مال فواكة
يكلي / ادري بيج تستحين تاكل بره
هاي خليها يمج ومن تجوعين اكلي منهن
بس سبحان الله كل زين ما يبقى
ماما تكول/ بس العار استغفر الله
الله يمدة بالعمر والصحة والعافية
يعني يمهله بلكت ينصلح
وياخذ الزين بسرعة لان أبن أخره ومكانة بالجنة
و بعد زواجنا ب ١١ يوم أنقتل الله يرحمه
خطيه اجى من شغله تعبان وسكتت شويه
بعدين كملت كلامي كلت / يعني لازم اكول كلشي
لو عادي اعبر هاي السالفه
هو منتصر كالي / كلشي لا تعبرين كلشي كولي
جاوبت واني اعصر بصابع أيدة من الخجل / يعني
هو من اجى من شغله الظهر تعبان
وتغدينا كل أحنا سويه اني وياه وامه وأخته
وبعدها رحنا الغرفتنا ،صارت بيناتنه شغلات عيب
مااكدر اكولها أستحي
والعصر اجى عليه ابن عمه
وطلع وياه بسيارتهم
ولليل وهو مارجع ...
والثاني يوم الصبح وهو ماكو ...
والعصر اجانه خبرهم
خطيه مسلبيهم وكاتليهم على الطريق السريع ،
واكو ناس يعني من اهل عبدالله
كالوا /لا مكتولين على الهويه
وكتالهم من هذاك الصوب
ومن خلصت الفاتحة خاله ام عبدالله تخبلت
وماقبلت ارجع البيتنه ويه ماما
كالت / بلكت تطلع حبله وتجيبلي جاهل
يحمل اسم عبدالله وما ينمحي ذكره
وبقيت مده العدة كلها بيت خاله ام عبدالله
بس بعد قسمة الله ما رزقني بجاهل
وهاي كل سالفه عرسي وحياتي ويه عبدالله
هنا ساهرة سألتني/ عايني عليه واتذكري زين
جم مره المرحوم اتقربلج
يمه شلون سؤال عيب سألتني ومنتصر موجود
بس كتلها / عفيه ترى عيب هيج سؤال
منتصر صك على سنونه وكالي / جاوبي
ضميت وجهي بيدي
أتخيل روحي شلون الواحد من يضم روحة
وره شي يستره وجابته / هوايه
هنا ماحسيت غير اصبع منتصر
يدغني على جتفي بقوة وصاح /
جا هذا شنو ويأشر على الكلينكس
ساهرة كالتله / منتصر مو هيج لا تسودن
متعاينها ترجف وخايفه
صاح / ساهرة لا تخليني هسه اركع راسج براسها
ما تسمعيها شتهذري
تكول هواي وهي بعدها بنيه
بلا ما تفهميني شلون تقربلها المرحوم وهواي بعد
وهي بعدها بنيه ؟؟؟؟
وهاي الهواي بلا شنو معناها وشلون صايره ؟؟؟
أهنا ساهرة رادت تحجي وهو عاط بيها / اششش
ممنوع تبررين شي أنا اكلج هاي الهواي وحدة من الاثنين
لو صاير بيها حادث وامها مركعتها
ومسيوتلها عقد مزور
وخاف تنكشف من ياخذها الطرن
عدها حجة والله تزوجت وترملت
وكله جذب بجذب
لو صدك متزوجه
والمرحوم جان يتقربلها مناك و هواي بعد
بس نساها بنيه
أني هنا بعض الكلمات ماافتهمه من كلامه
بس كمت احلف بروح ماما وبابا ومحمد
وانوب حلفت بالقران والنبي محمد
اني متزوجة ومااجذب عليهم
كمت ارجف بالزايد وابجي
ساهرة كالت / عوفج من منتصر
بس فهميني المرحوم كم مره تقربلج
نفس ما تقربلج منتصر اليوم
كتلها / اذا قصدج دخله شرعيه بس مره وحده
بس هو حباب ابد ما وجعني
مو مثل منتصر عورني
بس اذا قصدج تقارب بين الزوجين لا هوايه
منتصر صاح / الصبر يالله
ولج بويه بسج بجي ولطم
وشويه هدي حالج راح تموتين من الرجيف
شنو تقارب شرعي ؟؟
شنو تقارب الزوجين ؟؟
ما تشرحيلي شنو تعرفين لو شنو فكرتج
خل افتهم عليج
اني هنا حسيت من كلامه يستصغر بيه
وهم انقهرت لان افتهمت كل كلامه طعن بشرفي
وابد ما مصدك اني جنت متزوجة قبله
كتله / دخلة شرعيه نفس هذا الشي الصار هسه
من تعورت
-وتقارب يعني شلون صار بالبدايه بيناتنه احظان وسوالف
هو باوع بوجهي وكال / انتي لو غبيه لو تستغبين
لو امج جانت صدك مخليتج بشيشة وقافلة عليج
بويه اجي وياج واشوفها وين توصل
ليش باقيه يم الزلمة ١١ يوم ماادري اكثر
وصارت بينكم دخل شرعيه بس مره وحده ؟؟
اني هنا تورطت وكتله / يعني لازم اكلك
والله عيب وأستحي اكول
هو بيده جداحة وباكيت الجكاير
شمرهن بقوة ولطشهن على باب الكنتور
وغده كاغد محروك من الاعصاب
كال / ولج سودنتيني بالعيب واستحي
بويه انا رجلج ، مو صديقج وناهبج
بس احجي وفهميني ولا تبقين تبيجين
ساهرة كالتله / منتصر وروح أبويه
اذا صيحت بعد على البنيه اخذها وانزل جوة
ترى سودنتها وياك
باوعت عليه وكالت / ولج يمه احجي خل نفتهم
ما تعاينين رجلج أسودن
ويبوووو اذا سمع حاتم وماافتهم شنو سالفه
والعباس ينحرج ويدفنج بالقرب خيسه
عايني عليه وسولفي ويايه
وانسي منتصر موجود
وعوفي العيب والمستحه هسه خل نفتهم
جاوبتها واني أنتهيت من البجي
كتلها /من صار عرسنا محد وكف باب غرفتنا هناك
وهو من شافني ابجي وخايفه عافني براحتي
وهو نام بالكاع واني نمت على السرير
ثاني يوم هم حاول ويايه وكمت ابجي اخاف
وهم استخطاني وعافني
وراها اجتني الدوره ومن غسلت من عدها
بقيت وراها نظيفه بس ماكتله اتهزم من عنده
حتى ما اصلي بوجودة حتى لا يعرف
بس هاي المدة كلها هو تقرب مني
وجان يحظني ويبوسني وكام ينومني بحظنه
كال /حتى نكسر حاجز الخوف والخجل
وبيوم الصارت بينا دخله شرعيه ،
والله العظيم أني كلشي ماسويت
كلشي مااعرف،،
يعني مو صارت نفس ما علمتني ماما
هي كالتلي/ انتي بس ابقي هادئه وهو يكمل كلشي
حتى هو من تقربلي اني كلشي ماحسيت
بس هو / باسني وكال هذا هو
كتله / يعني خلصنا
كال / اي خلصنا وصرتي مرتي بالصحيح
وبقطعه القماش جان بس قطرتين دم صغار
مو مثل هسه هوايه ،
والله هذا كل الصار بالقران ولا جذبت عليكم
هي ساهرة كالت/ منتصر ترى وضحت سالفه
مو دخله كامله
هو بقى يباوع عليه وكال / ليش ما عقدتوا محكمة
كتله / هو خطيه راد نعقد محكمة
بس جان ماعنده فلوس يكمل المعامله،
لان كل فلوسه صرفهن على عرسنا ،
كالي / بلكت الشهر الجاي اجمع كم فلس
ونمشي بالمعامله بس خطيه هو انكتل بعد
هو أهنا منتصر اخذ تلفونه وطلع بره الغرفة
بقت ساهرة يمي وبقت تحجي ويايه
وبقت تهدي بيه ، وتكلي / ترى حقه
وكل رجال بمكانه يسوي اكثر
شنو متزوجة وأرمله ويجي يلكاها بنيه
اكيد يفكر غير تفكير ،
مو انوب هم متسودين من امج
والف سوأل واستفسار مخلين عليها
كتلها / اني اثق بيج لان حجيه
وتخافين الله
شنو سالفه ماما بالضبط اريد اسمعها منج ؟؟
هي كالت / مو وكتها هسه سالفه امج
خليني اكوم اشوف منتصر وين راح
سودة عليه أنحمس من الاعصاب
اووف لو يبطل هاي الطفره العنده أحنا بخير
اني هنا شو ضجت لان هيج تكول عليه /
سألتها سؤال سخيف كتلها / انتي عادي تشوفين منتصر بدون هدوم ، اقصد ما تستحين من عنده
هي ضحكت وكالت / ولج صارله فوك العشرين سنه
هو رجلي ،،شستحي منه وانا أنومه بحظني
ولج مسودنه عمر زوجنا أكبر من عمرج
هي كالت هيج واني تصركعت
كمت اكل بروحي مااعرف شصار بيه
احس اكو نار وشلعت جوة ضلوعي من هذا كلامها
بعدها يمي كامت تريد تطلع رجع منتصر
هي كالتله/ هااا وين مشيت ظل بالي عليك
كاللها / حاتم اتصل عليه مرتين بس ما جاوبته
وهسه اتصلت عليه وحجيتله الموضوع
وانوب مطوخ بالكوه افتهم عليه وأفتهمت منه
يكلي / لا تخاف مو كتلك الفيفي العندك ما مدشن
المرحوم رجيج وما دايس اصلا بس طاخ الهلال
ساهرة كالتله/ عاين عليه للتأكيد
بسلامه باجر اخذ مريتك واكصد لابو جوادين
ومناك اخذها لاي دكتوره تصير بدربك
وهي بعد تعرف شغلها
وهسه عينك على مريتك ودير بالك عليها
تراها ترفه روح يا ابو حسين ما تحمل سوادينك
والله يسعدكم أبعضكم أثنينكم مشلوعين قلب
وبعد لا دك عليه اريدن انام
منين اتلاكها منك لو من طبوني المسودن
خلت وطلعت من غرفتنا وهي تضحك
منتصر قفل الباب ورجع وكف بصفي
اني بعدني كاعدة على السرير
وبعدهن دموعي يكوطرن هوايه مهضومه
كالي / بويه بس اكلج شغله
من تشوفيني اتعصبت لا توكفين كدامي
ولا تراددين ، ولا تخليني وتمشين
يعني ابقى يمي بس ابقي ساكته
ومن يبردن سوادييني وأرجع العقلي
اطيحن على راسج وأبوسه
هنا صدك دنك وباسني على راسي
شو اني كمت ابجي بالزايد
يعني كمت ابجي واناشغ بصوت عالي
هو كعد بصفي ما عافني جرني عليه
وحظني بقوة وضمني بظلوعة
كالي/ ترى انا موش صغير ومااعرف
ولا غشيم ،
بس اكو شي اسمه منطق ويحتاج تفسير ،
وانتي بسلامتج سودنتي حالج
وسودنتي وياج ، عيب واستحي واخجل
وغمض عيونك ، ولا تلزمني ولا تكمشني
كتله / والله مااجذب عليك
والقران الكريم هواية اخجل وأستحي
هو كالي /جا بويه شلون رايج نتواصل بالبلوتوث
هو كال هيج واني ضحكت
هو كال / يالله رحمتك ضحك هلال العيد
دكومي نامي تعبتيني من خ... بعقل طبووني
النايم بالحديقة وطافي
اني تمددت على سرير وبسرعة غطيت روحي
هو كال / اليوم براحتج
بس باجر اتغطى وياج بنفس اللحاف
خطيه الليلة هوايه تعبتي
وهنا جاء صدق المقولة التي تقول //
لولا المواقف ما عرفت الرياجيل
.............والرجل يعرف بالشدايد والأفعال...........
هو راح تمدد بالكاع
واني تمددت على السرير
نمت نومه عميقه مال تعب وقهر وخوف
ما صحيت الا ساعه ب ١١ الصبح
هو منتصر كعدني ،
سابح ومبدل لابس دشداشة بيضة كشخة
ما شاء الله من صدك شفته شاب صاك
/ صباح الخير بويه صحي النوم
صارلي ساعة من كاعد وهجمت الغرفة
وانتي ما وعيتي ،
بس كتله/ صباح النور
وكعدت على حيلي خجلانه من عنده
كمت الملم شعري بهدوء
بس شنو احس روحي متفلشه ما بيه حيل اتحرك
انوب اريدة يوخر من يمي ماكو لطش
بقى واكف فوك راسي ،
دفعت الغطة ونزلت من السرير
كمت وكفت على طولي هو
أجى تقرب عليه وصار كبالي
حجه بصوت ناصي كال / يا سالوفه بحلك اخرس
عجزت أشلون أفسرك ......
كمت ارجف من المستحه
دفعته على كيفي من بطنه
وكتله / اروح اغسل واجي
اخذت حجابي ورحت للحمام غسلت ورتبت حالي
ورجعت للغرفة لكيته يخابر
وخربان من الضحك
من طبيت سمعته كال / مهند نازلك يخوي الداخلية أجت
وانوب ضحك بصوت عالي وكال / اي سجل يمك انا
من اليوم بديت اخاف
من سد التلفون كالي/ بويه البسي شي مستور
خلينا ننزل '
اني هم طلعت دشداشة جديده
لونها وردي فاتح ، واسلاميه خليجيه جديده
وربطة مشجرة ، وهم بدلت وره البرده
وعدلت حالي ولبست جواريبي
وهو بس كاعد ويباوع عليه
من كتله / خلصت
هو ضحك كال / بيها مجال بس قلم كحله
الخاطر هاي العيون الحلوه،
حركت راسي يعني اي
خطيت كحله خفيفه
وهو باب الغرفة اشرلي تعالي
رحت عليه هو لزم ايدي
وهم ضحك كال / انتي شبيج شوكت ماالزمج ترجفين
كتله / استحي والله
نزلنا سويه وهو لازم ايدي
شافتنا بت عمتهم كامت تهلهل
النسوان أجن للصاله وهم كامن يهلهلن
وباوسني وباركلي ،
وهو راح باس خالتي على راسها
وهي بقت شكد تدعيله ،
وراح باس عمته يالله حجته كلمه فشار
خلت الكل كاموا يضحكون وهو هم يضحك وياهم
هنا أجتي تبارك من المطبخ
وصلت قريب عليه وكالتله / مبروك بابا
ودنكت راسها وكامت تمسح بدموعها
هو جرها عليه وحضنها وباسها على راسها
وهي تشهك وتبجي تكله / راح تعوفنه وتنسانه مو؟؟
هو كرصها من خدودها وكاللها / اكو واحد ينسى
اول فرحة بعمره ،
بويه لا تخلين سوالف الحاقدين تملي راسج
انتي عين وحسين عين ، من دونكم انا بعد مااشوف
هي كالتله / جا ومسرة مو فرحة عمرك
وتزوجتها لان بيضة وصغيرة
هو ضحك بصوت عالي وكاللها / تؤ انتي فرحة عمري
ومسرة مرتي وامج الثانيه
وبعدين انتي احلى منها
منو قشمر عليج وكالج البيضه حلوة ؟؟
هي ابتسمت وكشرت حلكها مكيفه
اني هنا ما ضجت من عدهم
بس انقهرت عليها ،
اتخيلت روحي بمكانها
لو بابا هو المتزوج اني يمكن أنقهر اكثر منها
هنا سمعت مهند صاح بصوت عالي / ابووو حسين
يا خوووويه ،، وكام يضحك بصوت عالي
واجي شبك منتصر واثنينهم كاموا يضحكون
ولزم قلب منتصر يكله / زين بعده شغال
حسبالي عطل ،
منتصر كاله / خفت عليه الك.... كلت خاف يعطل
و يدك بيه الناقصه، بس طلع جلب وفي
اباوع كل الناس خربوا من الضحك
منتصر راح للاستقبال يسلم على الرياجيل
واني كعدت يم النسوان بالصالة
كلشي مااحجي استحي
بس كاعده واجعص بصابيعي
عمته سألتني سؤال محرج
ولا جاوبتها بقيت مدنكة
خالتي كالتلها / ام شمخي اطمئني منتصر
ياخذ حقه مربع ،
سهى أجتي باركتلي وكالت / يلا كومي تريكي
وين رجلج راح
كتلها / يم الرياجيل
هي من مكانها وصاحت/ منتصر تعال تريك
خالتي كالتلها / منو صعدت ريوك لطارق ومرته
جاوبتها / انا صعدتلهم
يوم عود حاجي طارق يفك عن البنيه شويه
ترى العرس ما يخلص، ،
لكيته مفترس البنيه خطيه
ما صدكت دكيت الباب عليهم ونقذتها
ام ساهره كالتلها / وانتي شعليج منهم تغارين
هذاك رجلج اخذي وامشي البيتج
وهناك واحد يفترس الثاني
أعوذه بالله من كل عين حاقدة وحاسدة
بس سهى ابد ما زعلت لو ضاجت من كلامها
ماادري ليش حسيت اكو اتفاق بيناتهن
ام ساهره وساهرة هوايه متألفات
ويه بيت خالتي ، وناس تفتهم على ناس
اجي منتصر ورحنا تريكنا سويه
سهى بقت يمنا بالمطبخ
مسويتلنا ريوك يخبل
صدك اليوم دللتنا ،
منتصر سألها / شخبار طارق ومرته
كالتله / صخام وعزة ،
طارق مااجى لوجة الفجر
والغبي نايم بالحديقة
سحله همام واحمد وسبحوة بالحمام الفوك
وراح نام بغرفتة،،
ومرته نايمه بحظن امي تشهك وتبجي ،
وصبحت تنزف ما نعرف شبيها
حيدر اتصل على دكتوره زميلته وحجالها وضعها
كالتله / جيبها العصر للعيادة اشوفها
هنا منتصر كاللها / انا اخذها ازورهن لموسى ابن جعفر ، ومناك اخذها للطبيب
ومن خلصنا ريوك ورجعت كعدت بالصاله
يم النسوان نهى صعدت نزلت سوار من غرفتها
جانت نايمه وجهه مطبك من النوم
أستغربت أساور ماكو
سألت عليها لمى كالت / زعلانه ونايمه فوك بغرفتي
تلاغت هي ومازن
للظهر الخطار يرحون ويجون ما فرغ البيت
وبس تغدينا ، منتصر صاح / حجية حضري حالج
نمشي للزيارة
ساهرة كالتله/ ماعندي شي هسه ابدل بسرعة
هو كام صعد فوك وكال / بوية لحكيني
خالتي تأشرلي كومي اصعدي
اني هم رحت صعدت وراه
راح دك الباب على غرفه طارق
وندها من النوم كاله / راح اخذ مرتك للطبيب
جاوبه / براحتك
كالي / بويه توضي هسه أحسن
حتى ما تتأخرين هناك بالحمام ،،
والبسي بسرعة حتى نمشي للزياره ،
ومناك نروح للدكتوره
اني بس حركت راسي يعني اي
رحت توضيت ، ولبست جبه جديده
وربطة جديده تحنكت بيها ، وجواريب
وعباية راس ، وحتى كحله ما خليت ،
هو بقى يباوع علية
كال / الف رحمه على روحها خوش عرفت تربي
نزلنا ولكينا سوار هم متحضره ولابسة نفس لبسي
وساهرة هم متحضره ، بس هي تلبس جبة
وحجاب طويل شلون حجاب الاميرة بس جبير
يطلعن النسوان لابساته بالمسلسلات السوريه
من يطلعن بالشارع يصير لحد البطن
يعني هذا لبسها من تطلع بمكان عام ،
بس اذا طلعه منا منا لو للاقرباء لا تلبس عبايه
من طلعنا هي كالتلي / اكعدي بالصدر يم رجلج
كتلها / لا عيب انتي اكعدي
هي ابتسمت وراحت كعدت يم منتصر
واني وسوار كعدنا ليوره
منتصر لابس دشداشة بيضه يلمع من النظافه
ولابس ساعة وحلقه
وايدة الثانيه يشيل بيها سبحة
شكله كلش مرتب وأنيق
اول مره بحياتي ازور الإمام الكاظم ويه منتصر ،
مو غريبه عليه الزيارة
لان رايحة قبل للأمام أبو حنيفة
مرات ماما جانت تجيبنا نزور
هنا ساهرة طلعت عبايتها من العلاكة ولبستها
وكالت المنتصر/ حجي لا تنسى عود
دور حلقه مرتك بيدها اليسرة ،
هو لزم ايدي
لحد ما وصلنا قريب باب الإمام الداخلية ،
وكفنا كدام الباب الجبيره
ولزم ايدي اليمنى طلع منها الحلقة
ولبسها بيدي اليسري
بس حلقته هو اصلا لابسها بيده اليسرى
اني وساهرة دخلنا وزرنا ، وصلينا جوة
بس سوار بقت كاعدة بره خطيه ماكدرت تزور
لان مو نظيفه،، بس بقت كاعدة وتسبح
واني عادي صليت وايديه مكتوفه
ولا واحد كالي ليش هيج تصلين
عادي صليت براحتي
وقريت الفاتحة للإمام
وطلعنا
منتصر راح كمل زيارته من جهه الرياجيل
ومن طلعنا لكيناه كاعد يم سوار ينتظرنا
من طلعنا من الإمام ساهرة اشترت كومة حلويات
وشاميه ، وملاعيب للجهال
تكول / خطيه الطفل يفرح بكلشي تنطي
اكو شارع اسمة شارع أكد هناك بالكاظمية
بدايته اكو دكتوره نسائيه
اخذتنا عليها ساهرة،،
منتصر بقى بره كاعد بالسيارة مانزل ويانه
بعد ما انتظرنا شويه لزمنا سره
وساهرة دفعت فلوس الكشفيه
دخلنا سويه ،
البنيه السكرتيرة ما قبلت ندخل كلنا
بس ساهرة كالتلها/ هذني بناتي ولازم ادخل وياهن
اول ماكعدنا ساهرة كالتلها/ هذني بناتي عرايس ،
وهاي الصغيره صلوات حامل
بس عدها نزف وخايفين عليها
وبنتي ثانيه سالفتها طويله
وحجتلها قصتي بالمختصر
هي الدكتوره كالت لسوار/ كومي اصعدي للسونار
سوار كلشي ما تعرف بس هي ساهرة وياها وياها
والدكتوره سوتلها سونار كالت / ما شاء الله
الج شهر ونص تقريبا حامل
وما شاء الله عندج طفل خشن
مااريد افرحج زايد وبعدين يطلع الحجي مو اكيد
بس اني اشوف اكو كيسين للحمل
ان شاء الله نفرح بيج وتجيبين توم أطفال
ساهرة بقت تصلي على النبي وخطية كامت تبجي
وتكول / كون بخت ام البنين
هيج ويطلع سونار صدك
والله يجعل هذوله الجهال سبب هدايه لابوهم
والله طارق يستاهل كل خير
لو ماهي غرة الشباب العندة
سوار فد كيفت وكامت تضحك وتتوسل بالدكتورة
تكلها / الله يخليج بس تأكدي
صدك راح اجيب أثنين جهال
هي دكتوره هم تضحك على فرحتها
وتكلها / شوفي هذا كيس خشن ،
وهذا اذا مو المشيمة او لا سامح الله كيس مضر ،
هذا كيس حمل ثاني
من تدخلين بشهر الثالث تعالي اسويلج سونار جديد
ولا تخافين النزف العندج يسمونه نزف بدايه الحمل
لان رحمج صغير وجنين خشن ومجلب بقوة بطانه الرحم نزل عليج الدم ،، كل اوضاعج زينه
هسه اكتبلج على مثبتات ومقويات
وان شاء الله تولدين أثنين اطفال حلوين مثلج
من خلصت من سوار كالتلي تعالي بمكانها
اني شمدريني هم حسبالي راح تسويلي سونار
شو هي تريد تسويلي فحص داخلي
واني طفرت ،شكد حاولت ويايه هي وساهرة
كتلها / هسه لو تموتيني من الكتل مااخليج
تشوفيني غير هسه انجلط من الخجل
هي بقت تضحك وكالت الساهره /
اني اكلج رجلها الاول ما دخل عليها دخله كامله
او غشاها مطاطي وماتمت دخلتهم
وكولي الزوجها الحالي اطمئن زوجتك بنت عذراء
وهذا خجلها وحيائها اكبر دليل على عفتها
واني ابصملج بالعشرة على هذا كلامي
بس راح اكتبلها على غسولات وعلاجات
تستخدمهن حتى لا تصير عدها التهابات
وصدك كتبتلي وصفه اليه
وصفه السوار
وساهرة تشكرت منها ونزلنا جوة
لكينا منتصر كاعد يم أثنين رياجيل ويسولف وياهم
يمكن هم جاين ويه نسوانهم
هو اترخص منهم واجى اخذ الوصفات من ساهرة
وراح يمشي كدامنا
من وصلنا يم سياره كال/ ها بشرن
ساهرة كالتله / اطلبك عمرة البيت الله
على البشاير العندي
مرتك بعفة امك فاطمة واكثر
ومرت اخوك بيها توم
هو بسرعة كال / اللهم صل على محمد وال محمد
واجى على سوار وباسها على راسها
وكال الساهره/ وتجيج العمرة من عين باجر
باوع عليه وغمزلي وضحك
ساهرة ضربته على متنه وكالتله / هااا حجي
شو تسودنت منا الشارع
جيبلنا العلاج احنا ننتظرك بالسيارة
هو كال / صار جم ساهرة انا عندي
من رجعنا للبيت ساهرة كالت / ممنوع تحجن شي
وصدك كدام النسوان حجت غير شكل
وكالت / عمه فاطمه اخذت العرايس
للدكتورة الواحد يجيك وضعهن أحسن
وسوار عدها التهابات وخربطة بالهرمونات
ويرادلها كومة علاج
والحمد الله مناك كلنا زرنا ودعينالكم بالعافيه
وكامت توزع بالحلويات على النسوان الموجدات
وتوزع بالملاعيب للجهال
بس شفتها اخذت خالتي فاطمة
وراحت الغرفتها ، وانوب لحكتها سهى
شنو طلعن مكشرات ويضحكن
وسهى صعدت فوك تركض
شويه ونزلت ونزل وراها طارق
هم لابس بس بجامه التراك وفانيله تعلاكة
كل الناس كاعدين ومليانا الصاله بيهم
هو اجى على سوار ودنك عليها وباسها من خدها
وكعد بصفها وخله ايده على جتفها
منتصر كاله / يمعود شبيك احشم الكاعدين
هو ضحك وكال المنتصر/ مرتي وحلالي محد اله شي يمي ،
بويه عرسان شكو مخلي عينك علينا
أنتبهت هو يحجي وعيونه على هاي البنيه
من كام كال لسوار/ كومي دلبي مو هيج تكوليها يالزريكه يقصد على لمى
هي لمى عاطت / هسه صرت زريكة مو
صدك لو كالوا من لكه احبابه نسى أصحابه
هو كاللها / هسه اخابرلج على حويدر الكصاب
هم يجي ويكلج دلبي ،بس لا تغارين وعينج تنفسنا
شو سوار صارت حبابه وكامت ويايه
وراحت صعدت فوك ، جنها لا خايفه ولا ابد
بعدنا كاعدين اجي مازن
هم لابس دشداشة بيضه
بس والله كشخة ملامحة حلوة
بقى كاعد شويه وبيده التلفون
يتصل مااعرف عليمن
بعدين كال / حجي من رخصتك
اريد اخذ مريتي تسكن بيت عمها
منتصر كاله/ ليش بويه شبدر من عدنا
هذا هم بيت عمها وبيت اخوانها
هو كاله / ابو حسين كفو منك وما تقصر
بس هي بعد شنو معناها كعدتها هنا
خواتها وعرسن ،
وهمام محرم عليها والشاب يريد ياخذ راحته بيته
وهم هي ما تكدر تاخذ راحتها بوجودكم
وبيت عمها حاتم اولى بيها
لا تزعل من كلامي بس هذا الصحيح
واشوفه لازم يصير
منتصر بقى ساكت شويه وبعدين كاله / حكك
حكك يخوي ، وهذا يبقى بيتك وبيتها
وبيت حاتم هو بيتي الا ما حرام الله
براحتك سوي اليعجك
نزلت أساور من فوك تبجي
هو باوع عليها وخزرها
هي ما حجت شي بس بقت تبجي
منتصر بقى يباوع عليهم اثنينهم
ويحرك بالسبحة بيده بسرعه حركة واحد
ضايج وبالكوه مسيطر على أعصابة
عمة منتصر كالت / عمه مويزن خل البت ويه خواتها
خطيه لا تكسر بخاطرها
منتصر جاوبها / عمة خليهم براحتهم
هو بعد ولي أمرها ويعرف بمصلحتها وين
-
فاطمة خاتون أريد اشوفن
حظج المعفن بيا حفره مدفون ( توقعكم من ألقائل)
عند ظهور شخص مستفزز للمشاعر
بشكل مفاجئ في حياة الفرد
أو سماع كلمات استفزازية
أو إدعاءات كاذبة من قبل شخص ما تجاه الفرد
تسبب صدمة نفسية شديدة لذلك الفرد...
شكرا لزيارتكم عالم روايات سكيرهوم
