رواية بنات سهر الفصل العشرون بقلم فراقد حسن علي
سوار/ من ضربني عمو حاتم
وطارق صعدني فوك للغرفة
بس كلشي ما حجه ،
راح للكنتور طلع هدوم جديده
كشخ واخذ محفظته وتلفونه وجكايره وطلع
اني شنو وراه متت من كثر البجي
احس بلعومي أنطبك هلكد ما بجيت وشحطت
وانوب صعدت خالتي يمي وبقت تحجي عليه
وانوب تعلم بيه ،
يعني مره تنصحني ومره تلومني ،،
اني عفتها كاعده و رحت تمددت على سرير
وغفيت هلكد ماتعبت من كثر الخوف وألبجي
فزيت على باب الغرفة اندكت وصوت رياجيل
خالتي نايمه بصفي على سرير
هي هم كعدت ، وكالت /منو
جاوبها همام /يوم افتحي الباب
هي كالتلي/ البسي حجابج يمكن صاير شي
بين ماخليت ربطتي على راسي
هي راحت فتحت الباب
فات طارق للغرفة
وهمام ولد ثاني بقوا واكفين باب الغرفة ما دخلوا
اباوع على طارق سابح وشعره ينكط مي وجسمه ناكع
ولاف المنشفه الجبيره على جسمة
راح بوجه للكنتور طلع هدوم
وبقى ساتر حاله بالمنشفه وبدل
كال الخالتي/ سدي الباب خل ننطمرر
خالتي مااسمعها شكالت لهمام وللولد الثاني
وطبكت الباب، ورجعت كعدت على السرير
كالتله/ يوم مو عليت قلبي وروحي
ولك ليش هيج تسودن بحالك
شوكت تجوز من هاي سوالفك ،
أشتسوالك هسه يايمه من اخوك الصغير
يسحول بيك مثل العجل ويلملم بخرابيطك
هو كاللها/ يوم بروح ابوج عوفيني بحالي
ومن تبقين تلحين بهذا الموضوع الطش بي
واكوم أشربلج حتى بالنهار ،
من الله يهديني عود اصير ادمي
شو خالتي طلعت صدرها ونشغت بصوت عالي
وكالت / ربي انخاك نخوة ام مكسور ظهرها
كون تهديلي هل ولد هذا
وانت بعد اعرف بعبادك
لاعندي بعد صبر واتحمل سوادينه
ولا عندي حيل اكعد اربي من جديد
هو كاللها/ ماتدعيلي وياج كون بالطلقه التايهه
والمنيه العاجلة
هي خطية شهكت وكالت / يمه اسم الله عليك
وعلي اموتن وراك ،
ولك يمه اصحى على زمانك وشوف حالك
ليش هيج دمرت نفسك بالشرب والحبوب
ودرب النسوان ،
أترك المستنقع الخايس الشمرت روحك بي ،
وعاين على روحك وعين اخوانك
ولك يمه ترى الدنيا فانيه وبرمشه عين تخلص
لا يغرك شي منها ،
أوليدي صير زلمة وطلع نفسك من الخ.... الغطيت روحك بي
شو خالتي طلعت صدرها ونشغت بصوت عالي
وكالت / ربي انخاك نخوة ام مكسور ظهرها
كون تهديلي هل ولد هذا
وانت بعد اعرف بعبادك
لاعندي بعد صبر واتحمل سوادينه
ولا عندي حيل اكعد اربي من جديد
هو كاللها/ ماتدعيلي وياج كون بالطلقه التايهه
والمنيه العاجلة
هو بس ساكت ويسمع كلام خالتي
وطلع فراش من الكنتور فرش بالكاع ونام
خالتي هم رجعت تمددت بصفي
كالتلي/ بيش ساعة
كتلها/ ماادري بس طالع الفجر
كالت / جا اكوم للصلاة أحسن ماارد انام
كومي انتي هم امشي للحمام
رحنا سويه للحمام الفوك
هي بين مااخذت جوله تفتيش
على غرفه همام وتبارك وحسين ،
العفو اني دخلت للحمام
هم لكيت أكو دم نازل عندي
من طلعت كلت الخالتي وهي تصركعت
اني رجعت للغرفة ،
وهي توضت واجتي ورايه شعلت الضوة وصلت
كعد طارق بس بقى بفراشه
من خلصت خالتي صلاتها
كاللها بالشقه / اكلج فطيمة شعندج باقيه يمنا
مو عساس عرسان وكذا
هي كالتله / طويرق لف راسك ونام
اخافن على البنيه لا يصير بيها شي
بس كون الله يعدي هاي الساعات على خير
واخذها للدكتوره ،هذا النزف العدها مخوفني بس لا طرحت الجاهل
هو بسرعة باوع عليه وكال/ شنو عندج نزف
بقيت ساكته استحي احجي وياه
خالتي كالتله / اي وسالفتها مخوفتني
هو كاللها / يوم اخذها هسه للمستشفى
كالتله / لا ، العالم الجوة شكللهم لو اخذتها هسه
عوف الموضوع للصبح والله كريم
1 ت
وصدك بقيت يمكن لساعه ب ٨ اني كاعده
وطارق نام بمكانه
وخالتي نزلت ، كالتلي /ابقى نايمة بغرفتج ممنوع تنزلين جوة
1 ت
وصدك اني هم لفيت راسي ونمت
ماكعدت الا اجتني نهى ونزلتني جوة
وبعد ما سلمت على الكل وتريكت
وبقيت كاعدة يم النسوان
وبعدين منتصر وساهرة أخذونا للزيارة
2 ت
ومناك اخذونا للدكتوره
وكالتلي /وضعي زين ومايخوف
يالله بوكتها شكد فرحت من كالتلي راح يصير عندي أثنين جهال ، اني هوايه احب الجهال الصغار
جانوا جهال بيت خاله ام عمر اموت عليهم
وابقى اتوسل بخاله تجيبهم وياها من تجي علينا
شكد ابقى العب وياهم وحتى مرات اسوي
اكل واكل وياهم على واهسهم
7 ت
من رجعنا للبيت واجى طارق
وباسني كدام الكل فد خجلت
ومن راد يصعد خالتي خزرتني وأشرتلي اصعدي
اني هم اخاف هي تزعل مني
وهم اخاف طارق لو واحد ثاني يضربني
ونسوان يضحكن عليه وانقهر
صرت حبابه وصعدت وياه
9 ت
من دخلنا للغرفة كلشي ماحجة عن الحمل
ولا وصل يمي ،
بس كالي / اكلج مو ضوجة
تردين تشوفين شي على البلازمة
كتله / بكيفك ،،و كعدت على السرير
وهو طلع ( DVD ) وشكله على الشاشه
وعرض فلم اجنبي بقيت اباوع
بس مو كلش الحك اقره الترجمة
اني مو قويه بالقرايه
لان ماما بطلتي من المدرسه،
وبقيت على تعليمها وتعليم خواتي
بس اذا اقره على كيفي اعرف كلشي
هو طلع فاكهه وكرزات وببسي
واجى كعد يمي على السرير
وبقى ياكل ويباوع على الفلم
بس شنو كلساع وفززني وصاح/ لك لا
لك المطي ، انت غبي ،
يعني هوايه يندمج ويتأثر ويه الفلم المعروض
اني ما حسيت على روحي الا كمت أغفي
تمددت وتغطيت ، هو من شافني تمددت
اخذ شغلاته ونزل بالكاع
بين النايمة والكاعدة حسيت واحد يبوسني
فزيت هو بسرعة وخر من السرير
كال / لا تخافين مو قصدي اكعدج
ارجعي نامي،
اني بعد وين اكدر ارجع انام خفت من عنده
كعدت على حيلي وكتله / اريد انزل جوة
كالي / براحتج
كمت بسرعه ونزلت جوة وبوجهي لغرفة خالتي
ما صعدت لحد الليل ، همزين هو جان طالع
1 ت
بس تبارك وهاي البنيه خبلني
وين مااكعد يكعدن يمي
ويسمعني كلمات عيب وتخرمش القلب
يكللي / امج وحده ك... وانتي طلعتي عليها
هي انهزمت ويه ابوج وخلفت نغوله
وأنتي متقصدة صعدتي فوك
وشمرتي روحج بحظن طارق ،
8 ت
وهاي البنيه تكلي /عبالج مااعرف بيج أنتي حبلة
وراح تجيبين نغل وتكمل سلسله
دع.....،، والله العظيم هاي الكلمات
ما فهمت معناها شنو
2 ت
انقهرت من كلامهن على ماما
ورحت سألت خالتي على منتصر
والله جان الوكت قبل العشاء
كالتلي / فوك بغرفته
أني هم صعدتله اريد اكله على تبارك
دكيت الباب طلعلي هو فد أستحيت
لابس بس بجامه التراك وشكله مخربط
كالي / هاا بويه شبيج تبجين
كتله / عمو اريد أحجي وياك
هو بقى ساكت باوع بداخل الغرفة
يلا كالي/ تعالي فوتي
دخلت شفت مسرة لابسه دشداشة ربع ردان
وتلم بشعرها ، والله العظيم حتى بوكتها
ماعرفت شكو ، ولا طخت بالي غير سالفه
حسبالي جانوا نايمين ،
12
كعدت على سريرهم وبقيت ابجي
ومسرة كعدت يمي كالت / شبيج ؟؟
كتله / عمو انت مو تكلي بويه
اني ماعندي اب اريدك تصير مثل بابا
كول التبارك لا تبقى تحجي على ماما
وتكول عليها ك... ومصادقه ويه هاي البنيه الطويله
وتكلي انتي هم حبله وراح تجبين نغل
وتكمل سلسلة دع... اني هوايه انقهر
من واحد يحجي على ماما ،
ومراح اتعارك ويه تبارك ولا ويه هاي الخطار
بس اكول عليهن حسبي الله ونعم الوكيل
هو ياخذ حق ماما من عدهن
هو خطيه من دخلت الغرفتهم
راح لبس هدومة واجي وكف قريب عليه
ومن خلصت كلامي بقى يباوع بوجهي
كالي / تبارك كالتلج هذا الحجي ؟؟
منو قصدج البنيه الطويله علياء لو غيرها..!!
9 ت
كتله / مااعرف اسمها
بس هاي البنيه الطويله البقت ويه الخطار
1 ت
اخذ تلفونه ودك على لمى
كال / لمى خل تبارك هسه تصعدلي فوك
1 ت
شويه ودكت الباب ودخلت تبارك
من واجهها وكاللها شنو سمع مني
هي نكرت ،
وتكله / انا حتى مااعرف شبيها امهن
وليش أحجي عليهن قابل شعندي وياهن
3 ت
هو كاللها / شعندج طابكة ويه علياء ؟؟
1 ت
كالتله / بابا غير خطار وصرنا صديقات
1 ت
كاللها / البنيه خطار وباجر ماشيه لا تسويلج سالفه ،
بعدين هي أكبر منج ب١٢ سنة شكو مصادقتها ،
وأعرف بيج ليش صادقتيها ....!!
تبارك جري عدل لو اعدلج عظمج
6 ت
هي كامت تبجي وتكله / هاااا وزتك مرتك عليه
وكمت ترزل بيه
6 ت
هو صاح بصوت عالي / استغفر الله
تبارك من اليوم تنسين اكو شي اسمه اروح لامي
وامشي انزلي جوة الكاج كاعده بغرفة الحجيه وحدج
1 ت
اني خليت ورجعت كعدت بالغرفه الفوك
وابد مانزلت جوة ، همزين طارق ماكو
لزمت السبحة وبقيت أحسب على تبارك الجذابه
وهاي البنيه
1 ت
نمت وحدي بالغرفة
فزيت طارق يبوس بيه ويكمشني
كمت ادفع بي واضربه والله أخاف من عنده
هو مااعرف شبي
شلون عبالك واحد هستوه كاعد من النوم
تصرفاته مو صاحيه ،
همزين الله من كمت اضرب بي هو عافني
وكام من السرير كالي/ اطلعي بره
واذا صعدتي بعد فوك اكسر رجلج
11 ت
طلعت ركض ورحت لغرفة لمى
كسرت الباب عليها يلا طلعتلي نايمه
نمت يمها هي وأساور نايمات
2 ت
وثاني يوم راحو الخطار اهل الجنوب
بس بقوا الخطاطير يرحون ويجون على بيت خالتي
يمكن شهر وناس تجي عليهم
3 ت
وساهرة وأمها راحن البيتهن
وكل بنات خالتي هم راحن البيوتهن
بقينا بس أحنا اقصد بيت خالتي واني وخواتي
1 ت
وهو طارق وره العرس بسبوع التحق للعسكريه
1 ت
اني بعد مالي دخل بكل واحد
استقريت بغرفة خالتي جوة
من هذيج الليله النهزمت من طارق
بعد ابد ما صعدت فوك
شغل البيت على لمى ومسره وتبارك
اني خالتي متقبل اشتغل تخاف عليه
1 ت
بس شنو فرد نوب نفسي تعلب أبد مااشتهي الاكل
بس العفو ابد ما صار عندي تقيئ ولا مره
بس لعبان النفس ضوجني صارت حسره عليه
اكل لكمة ، معدتي تبقى تكلب
وانوب اخذ العلاج ألكتبته اليه الدكتوره
اجبر روحي اكل على كد شرب العلاج
كلش ضعفت اعظامي كامت تبين
4 ت
وخالتي كل ما يصير عدها مجال
كالت / تعالي يمي، تلزم القرآن
وتلزم بطني وتبقى تقره عليها
2 ت
اني شنو صار ونستي بس حسين
صرنا أصدقاء ، ناكل سويه
نلعب سويه ،
نشوف تلفزيون سويه هو يكعد يمي
وبس يسمع واني اشرحله شنو طالع بالشاشة،،
حتى مرات يكلي من يطب يسبح/ تعالي ليفيني
اني مااعرف اليف زين ،
واني ادري بي ما يشوف أطبش وياه بالمي على الواهس بس ماانزع العفو الاتك ابقى بي لحد
مااخلصه واطلعه من الحمام يلا اسبح ،
يعني من نكعد الصبح لحد الليل اني وحسين سويه
حتى كام ينام يمي على سرير خالتي
وهي خطيه تفرش وتنام بالكاع
12 ت
و طارق من ينزل أني مالي دخل بي ،
وهو هم ابد ما يوصل يمي
بس مره جابلنا علاكة حلويات جبيره اني وحسين
ومره سمعته يكول الخالتي / هذا مصرف مرتي
ومره يسأل لمى عليه يكلها / اجيبلها مشهي بلكت تاكل
شو ضعفانه فرد نوب
من هو موجود بالبيت أشوفه يباوع عليه
بس ابد مايجي يمي لو يضايقني
3 ت
اني مااعرف احسب المده مال الحمل
بس بطني صارت جبيرة كامت تبين
وهوايه احس بثكل على المثانه
العفو كمت اكره الحمام هلكد مااروح
وهي خالتي تحسبلي فكالت /الحمد لله
اليوم خلصتي ثلاث اشهر
العصر نروح للدكتور نشوف وضعج
للعصر اخذتني هي وساهرة
وصلنا همام للعيادة هي الدكتوره بمنطقتهم
مو بغير مكان ،، وبقينا ننتظر شويه ازدحام
وشايفين النسوان شكد يسألن
خطيه،، وصغيرة ،،وليش زوجتوها من وكت ،،
خالتي كالتلهن / بعد هاي القسمة اذا تجي
ماتعرف صغيره لو جبيره
هن بقن يسألن بخالتي / انتي أمها ؟؟
كالتلهن / انا هم أمها انا خالتها
ساهرة كالتلهن / انا امها
وانوب سألن / شو ما تنطيج شبه ؟؟
جاوبتهن / طالعه على اهلها تنطي شبه لأبوها
يسألن/ ورجلها شكد عمره ؟؟ شنو شغله ؟؟
وين بيتكم ؟؟ شلون صارت القسمة
يالله شكد يسألن ،
مو بس احنا يسألن عن احوالنا
لا حتى باقي النسوان وحدة تسأل بالثانية
وكلهن يحجن سويه،
وهاي مثلا كالت/ بيه فلان مرض الله يكفيكم الشر
،وحدتهن تصير خبيره براسها
وتكعد بمكان الدكتوره وتصرفلها علاج
بين ماوصل سرانا
اني لعبت روحي من كثر الحجي
دخلنا جوة لغرفه الدكتوره اني وخالتي وساهرة
وهي بعد ما افتهمت على شنو جايين
نريد نتاكد اكو جهال توم لو لا ..
اول شي كتبتلي قائمة مال تحاليل
رحت سويتها العفو دم وادرار
ساعه يلا استلمنا النتائج
ورجعنا عليها ،
3 ت
من قرت تحاليل كالت / امي عندج فقر دم
تدرين بروحج دمج ٩ لو لا ؟؟
وعندج التهابات مجاري بوليه
ورمل
كتلها/ روحي تعلب من الاكل
ولا اشتهي اكل ،
وحتى المي اشربه قليل
2 ت
كالتلي / شو تعالي خل اوزنج ،،وزنج مبين قليل
شايفين هذا الميزان اليقيس الطول والوزن سويه
بس نزعت عبايتي وصعدت
طلع طولي طلع ١٥٥، ووزني ٥٨
وهي تصركعت وكامت تحجي على خالتي وساهرة
تكلهن/ حجية حرام عليكم والله
أجبروها على الاكل وكلوها بالقوة
شنو هي وطفلين هذا وزنها
اذا تبقى بدون اكل حتى الاطفال يجون معاقين
لو مشوهين لو ما عدهم عافيه
بسبب نقص التغذية
وخالتي تكلها / والله الح عليها
وكلشي اجيبلها ، وهي ماتشتهي الاكل
1 ت
كالتلها الدكتورة / مو بكيفها تاكل وغصبن عليها
هسه أكتبلها علاج وتأخذ مقويات تشيل حالها
1 ت
أنوب كالت / شو صعدي اشوف السونار
صعدت على سديه وساهرة ساعدتني
بقت هي الدكتورة تباوع بالسونار وتباوع عليه
كالت / حجية انتم عدكم وراثه حمل التوائم؟؟
3 ت
خالتي جاوبتها/ لا ابد ما عدنا وحدة تجيب توم
اصلا جماعتنا كلهن يتأخرن يلا يحبلن
1 ت
كالت / ما شاء الله البنيه بيها توأم رباعي
لازم عدكم او عد اهلها وراثه حمل التوائم
31 ت
خالتي كالتلها/ اي نعرف بيها توم
بس ردنا نتأكد من حجي هذيج الدكتوره
جاوبتها/ حجيه جنتج حبلة باأربعة جهال
مو أثنين ، يسمونه توأم رباعي
18 ت
خالتي وساهرة بسرعة كالن / اللهم صل على محمد وال محمد
23
خالتي كامت من مكانها واجتي وكفت يمنا
وكالت للدكتوره/ فدوة تأكدي زين
1 ت
هي الدكتوره بقت تفر بالسونار على بطني
كالت / هذوله ثلاث أجنه واضحين
بس الجنين الرابع مو هلكد واضح
وان شاء الله يطلع اعتقادي خاطي
1 ت
هي الدكتوره بقت تفر بالسونار على بطني
كالت / هذوله ثلاث أجنه واضحين
بس الجنين الرابع مو هلكد واضح
وان شاء الله يطلع اعتقادي خاطي
كالتلها ساهرة/ شكو شبي الطفل الرابع
جاوبتها/ يمكن مو كامل او بي نقص
مااشوفه زين ...
وطلعت صوت وشه عاليه سمعتنا
كالت/ لحد الان كلشي تمام لا تخافون
وللتأكيد بس تخلص شهر الرابع سوولها
دوبلر ملون اوضح من السونار
وكتبتلي وصفه شكبرها مال علاج
وكالت الخالتي /ترى الجهال يتعوقون لو يشوهون
اذا تبقى على هذا اكلها لان ماعدهم تغذيه
وكلوها زين ،
واني كتبتلها علاج مال لعبان نفس ومقويات ،
وهوايه شربوها عصاير طبيعيه
4 ت
رجعنا للبيت بتكسي
بنفس الوقت فرحانين وضايجن
فرحانين الحمدلله بمكان التوم طلع
أكو جهال ثلاث توم زينين
وضايجين خاف صدك يطلع اخوهم معوق لو مشوهه
وهم عدهم وراثه بهاي سالفه
6 ت
خالتي كالت / اني ناخيه الله والزهره الزجيه توكفلج ، وكلبي بارد ويكلي ماكو شي يخوف
12
وصلنا وخالتي تمشي وتسمي بسم الله
وتصلي على النبي
بشرت مسرة ولمى
الولد محد منهم موجود
1 ت
وحسين اني كتله
فد كيف وكام يلزم بطني
ويكلي / كون تجيبين بنيه صاكه انا ازوجها
من هسه انهي عليها اذا عيونها ملونه وحلوة مثلج
8 ت
خالتي اتصلت على طارق جان ملتحق بالعسكريه
بس كالتله / اريد منك البشاره
الله كرمك ومريتك زينه وبيها أربعه فروخ
هو كاللها / بروح ابويه تحجين صدك لو تشاقين
2 ت
كالتله / والحسين ابو عبد الله
هسه أجينا من الدكتوره وبشرتنا
راح يجيك اربعه فروخ بسلامه
اعقل الخاطر عطيه ربك الك
4 ت
هو كام يضحك ومااعرف منو يمه
كام يبوس بي ويكله / لك ابن الك.... راح يجيني
أربعة جهال ،
7 ت
وهذاك الولد كاله / لك نغل شنو شاد محرك واوي
مو البارحه عرست
17 ت
هو صاح عليه / كبررر لهاي العين النكسه
لك سمي ،،صل على محمد
شبيك فاك عينك عليه ،
ماتعرس منو كاظك
خالتي كالتله / طبوني عود لا طش الخبر
لا العين اطرح البنيه استر علينا
3 ت
هو كاللها / بس هذا صديقي الك.... كتله
هذا بمعزة منتصر وهمام مااضم عليه شي
لا تخافين منه عينه متروسه وابن خير ما يحسد
1 ت
ومن أجي منتصر المغرب خالتي بشرته
هو فد كيف ، وانطاني فلوس
كالي / بس انتي الحبابه التستاهلين حلاوة البشارة
2 ت
وصدك عدت يومين وكلساع
طارق يخابر على خالتي يسأل
وخالتي هي من تخابر تفتح سماعه
كلنا نسمع شيكول وشيحجي
ويبقى يلح على خالتي ،،
سون الها اكل
شنو تريد جيبولها
ممنوع تخلنها تشتغل
هذا حسين الس.... ممنوع يكعد بحظنها لا يعورها
لا تخلنها تصعد الدرج
واذا مااكلت اجبريها تاكل غصبن عليها
خلي البنات يسولها دولكه عصير
وخلي حيدر يشوف علاجها
شكد يبقى يوصي بخالتي
11 ت
وهي بس تكله / تعاند ما تقبل تاكل شسويلها
هو يصركع يصيح / والعباس اعوف الدوام
واجي اطيح حظها واخليها تاكل غصبن عليها
بويه شنو دمها ٩،، وزنها خمس كيلوات
حتى البشه اسمن من عدها
26 ت
وانا وخالتي والبنات نبقى نضحك على كلامه
جنت العصر متمدده بالصالة
واتفرج فلم عربي اني وحسين
وهنا اسمع صوت هدى يلعلع بنص البيت /
فاطمة خاتون أريد اشوفن
حظج المعفن بيا حفره مدفون
هو يصركع يصيح / والعباس اعوف الدوام
واجي اطيح حظها واخليها تاكل غصبن عليها
بويه شنو دمها ٩،، وزنها خمس كيلوات
حتى البشه اسمن من عدها
وانا وخالتي والبنات نبقى نضحك على كلامه
16
اخترعت من صوتها والله اخاف منها
هدى شكد ماالواحد يشوف شكلها مرتب ولبس وكشخه
بس هي هوايه وكحه وصلفة
وتخلق مشكله من جوة الكاع
2 ت
اجتي للصاله تمشي بسرعه
ولحكتها خالتي ومسرة من جهه المطبخ
وكالتلي / لج شنو النغل مالتج مشوهه
شكو مجلبه بي ما تنزلي
6 ت
خالتي تكلها / اكلج بس كليلي منو الوصلج الخبر
احنا ابد ما طرينا سالفه على واحد خارج البيت
2 ت
هي تجاوب خالتي بضوجة / تكلها يوووو يوم
مالج دخلج بالكالي ،
بس ليش ما نزلتي أبن الحرام البطنها ،
مو مشوهه شكو مجلبه بي
خالتي كالتلها/ بررررد حيلج كون
شبيج تكدين المشاكل كداوه ،
يمه لا مشوهه ولا ابد
الدكتوره ما متأكده من كلامها
بعد شهر نوديها للدوبلر
والحمدلله باقي الجهال زينين
2 ت
هي شلون الواحد اليذكر كالت بفزه / ولج ام عيون العمي أنفلكتي خو ما نفلكتي
حتى الجلبه ما تحبل بربع جراوي
خالتي عاطت عليها/ هدددى كافي ولمي السانج
هاي بمكان ما تفرحين لخيج الله رزقه بدون شلعان قلب
1 ت
هي تجاوب خالتي/ عليمن افرح
على صخام الوجهه
لو على العار اللفانه من وراهن
لو على بزره الحرام المشوهه
لو على سمعتهن الحلوة وريحتهن الفايحة
هناك بمنطقتهم هن وأمهن
مسرة جاوبتها/ ام تأميم اني مااسمحلج
تحجين علينا وعلى ماما
2 ت
مسرة بعدها ما كملت كلامها وجان تكلها /
أنجبي يالساقطة بحجة الأرملة
كم واحد مخليه جوة ابطج وتسوين نفسج ملاك
3 ت
هنا لمى دخلت علينا واجتي سلمت على اختها
وكالتلها بالشقه/ شكو جايه هاده عليناخير يا طير
1 ت
كالتلها/ يمكروده منين يجي الخير
ومرت حماج وحده ساقطة
على ذمة زلمة وعاشكة أخوج ......
11 ت
هنا خالتي كالت المسره/ كومي جيبي تلفوني
مسره من كامت هي صاحت وراها /
هييي يالدايحة تعالي هنا
مسره ما سمعت كلامها
وراحت جابت تلفون خالتي من غرفتها
واجتي انطته الها
هي كومي بعصبيه وسطرت مسرة براشدي
وتكلها / من اصيح بعد عليج تكولين تم وحاضر
9 ت
خالتي تصركعت، ولمى ما قبلتلها
ومسرة انصكت بقت تباوع بوجهه
ودموعها تكوطر على وجهه
خالتي اتصلت على منتصر كالتله/ الحك عليه هدى هجمت بيتي
2 ت
هو كال / اووووو بلشنا على رحمه الله
شعدها أجت شنو الجديد العدها
3
هي صاحت / ابووو حسين
تعال واسمع خياس الشريفات اللفيتهن بيتك
6 ت
هو صاح / مهندددد وينك امشي ويايه
بيتي انهجم
مسرة راحت وصعدت الغرفتها
خالتي شكد صاحت وراها/
تعاي يمه لا تصعدين فوك وتحبسين روحج
تعاي ابقي يمي،
بس هي هوايه انهضمت وانقهرت
اني هم كمت ورحت لغرفة خالتي جوة
ومن فتت من يمها كالت/ تلوكلج شيله
النغوله ، بابا روحي ذبيهم هذولة بزرة حرام شكو مجلبه بيهم
6 ت
كعدت بالغرفه وشبعت بجي
وكمت امسح على بطني
خطيه هذوله جهال صغار يش تحجي عليهم ،
اني مااقبل اي واحد يحجي على جهالي ،
شكد بقيت اكول /حسبي الله ونعم الوكيل
عليج يا هدى
الله ياخذ حقنا من لسانج الوسخ
7 ت
مر الوقت واني كاعده وحدي بغرفة خالتي
هنا سمعت صوت منتصر صاح / مسررره
وخالتي تكله / ولك يمه اسمع مني
طلعت من الغرفه
وشفت مهند صاير جمرة من الاعصاب
ومنتصر واكف يم الدرج يصيح على مسره
1 ت
رحت على مهند كتله/ عمو اني مااقبل اي واحد يحجي على جهالي، ولا راح أذبهم وحتى لو يجون مشوهين
اني ابقى احبهم
2 ت
هو بقى يباوع بوجهي لان اشهك بالبجي
واحجي وياه كالي / بويه انتي اعقل من هوايه عالم
هدى كالت / شوف العيارة خوش ادبر سوالف
1 ت
نزلت مسرة من فوك
منتصر كاللها/ ليش مجاوزة على ام تأميم ؟؟
8 ت
مسرة باوعت على منتصر كالتله / وروح بابا
ما تجاوزت عليها بس كتلها/ اني ما اسمحلج
تحجين علينا وعلى ماما
وهي التجاوزت عليه وسطرتني راشدي
لان جبيت تلفون الخالتي،
وشوفته خدها صاير أحمر
1 ت
هي هدى كالت/ جم مره صحت وراج وانتي لابستني
ابد ما عدجن احترام وماتعرفن العيب شنو
6 ت
خالتي كالت المنتصر/ انا ماشيه لبيتك الثاني
سكري وضغطي صاعدات
من تمشي خطارك اني ارد للبيت
هدى صاحت / يوووم تطرديني على حساب هذن الشريفات
4 ت
هنا مهند صاح بصوت عالي / هدددددددى السانج
ولج والعباس شريفات وعفيفات
رحنا نبشنا المنطقة نبش عليهن وعلى امهن
محد عرفهن ،
-
واخوج طارق بس عوزة يشيل الزلمه جارهم
وياخذه يحلفه بشباك العباس
-
وهو الزلمة طب القرآن لا امهن ولا البنات
احد شايف ظلهن
-
ولج حتى الجاهل اليلعب بالشارع سألنا
-
نريد مراه ،،رجال ،،يعرف عنهن شي
محد جاب سيرتهن
-
اهل الشارع يعرفون اكو هنا بيت رجل مكتول
هو ابنه الطفل ، بس ما يعرفون بناته ولا شايفيهن
-
وامهن كد روحة السوك والشغله الضروريه
تطلع من البيت
خالتي كالت المنتصر/ عود مريتك طمغنها الحبايب
والله ارمله وجانت يم امها مخليه الزلم تحت كترها
4 ت
منتصر صاح / باااطل ياعلي
ولج هدى تراها صارت اخيتج شكو تثردين بشرفها
مو هم تمسج
6 ت
كالتله / انا مالي دخل بيهن
هذا الحجي ما جبته من عندي
كون سامع النسوان شحجن وشكالن عليهن وعلى امهن بالعرس المصخم
لمى كالت/ منتصر انا مااريد اوصل سالفه طارق
ترى يكولون على جهاله نغوله وبزرت حرام
2 ت
منتصر هم صاح/ ااااااااااالله أكبر
على غضب وكيد النسوان،
-
ولجن مو اكلنا خ....وحجينا وكلنا
رحنا وسألنا السيد
وكال البنيه مغصوبه ما تعتبر زانيه
وحرام تذب الجاهل
الإجهاض حرام
-
وما دام الزلمة ما نكر فعلته واعترف بالحمل
وعقد على البنيه قبل لا تصير بالحمل روح
فهو بزره حلال ،
-
بويه الإسلام دين سمح
وصارت غلطة شيطان
والزلمة جان مو بوعيه وصلح غلطتة،،
شكو سويتن من الحبايه كبايه
الله ياخذجن ونخلص من شرجن
باوع على مسره وكاللها / أصعدي فوك
ومهند حك مريتي اريده منك
5 ت
وانتي هدى بيتي بعد يتعذرج ،
قلبي تعبان وصحتي على كد حالي
والحجية مالها خلك ،
منج لتلفونج الحبايبج
8 ت
هي كامت تبجي وتصيح / منتصر تطردني من بيت أبويه، بعده حملي ماطاح ونخيتك
صدك لو كالوا اخو مريته
مهند عاط عليها/ كومي كدامي للبيت
وهذا كلامي سجلي تذكير براسج
و بشهادة اخوج واهلج ، اذا وصلتي باب الشارع
ورقة طلاكج اخليها بيدج ،
ترى جزعت ومليت لو ما منتصر يوكف بعيني
انا من زمان مخلص روحي من قهرج
10 ت
هي كامت تبجي وتحسب علينا
ومهند دفعها كدامه وراحت وياه
2 ت
وخالتي خطية انقهرت وشدت راسها بالشال
ومنتصر بقى يفور كال اللمى/ سويلي نومي بصره
1 ت
والحلو هنا أجى حسين وكال / بويه انا مااريد
اسوي مشاكل ، بس توته هي الخابرت
على عمه هدى وكالتلها/ العميه بيها جاهل مشوهه
13 ت
هنا منتصر تصركع شكد صاح على تبارك
بس هي ابد ما نزلت من فوك ،
حبست روحها بغرفتها
بقيت يمكن ثلاث ايام ما تشوف نفسها لابوها
2 ت
وهو خطيه يكول / والعباس استحي على روحي
من اضربها صايره اكبر مني
3 ت
لمى كالتله / امنعها من الروحة الأمها
هي تحشي براسها
ترست عقلها وقلبها حقد علينا
6 ت
وصدك عدت كم يوم وخالتي تخابر بس على
سهى ونهى ،هذني حبابات صح عدهن السان
بس هوايه احسن من هدى ماعدهن شمخره مثلها
3 ت
اجي طارق من الدوام جان وكت الضحى
اني جيت متمدده بالصالة وحسين نايم على ايدي
نباوع على تلفزيون، هو فات وصاح /حياهم الله
حسين طفر وراح يمشي على صوته
هو لكفه وشاله باب الصاله وبقى يبوس بي
باوع عليه كال / شلونها مريتي وفروخي على كولت عمتي ام شمخي
اني جنت ما لابسه حجاب
لان منتصر بشغله
وهمام بالكليه
ولابسه دشداشته بهاري
كعدت على حيلي وكتله/ اني زينه
1 ت
اجتي لمى تركض من الاستقبال جانت ترتب بي
وراحت شبكته وسلمت عليه
وبعدين كالتله / ما دام بعدك بحرورتك حرك ايدك
انا هوايه مداريه مريتك وفروخك
2 ت
هو كاللها / وين المدارات شو صايره فرد نوب ضعيفه
هذاك الشهر جانت احسن
خالتي اجت من المطبخ وكالتله/ والله يمة
نوكلها بالقوة ، حتى منتصر وهمام يحرون
شيجبولها ، بس هي روحها تلعب ماتكدر تاكل
1
هو كال الخالتي/ اااخ فطميه لو تخليني
انا اداري فروخي بيدي وعلي اخليهم ينشنشون
12
خالتي كالتله / مكفى،، ما بينه حيل كوارث
لمى كالتله / طبوني خلص حرك ايدك لا تغلس
4 ت
اني سمعتها كالت طبوني لو خربت من الضحك
اريد اسكت بعد مااكدر
هو يكول / اي سالفه وصارت بحلك الزعاطيط
لج بابا باجر أصير أبو ذو الفقار شنو طبوني
عيب هذا لقب مال ايام زمان
4
كتلها خاله / شنو يعني طبوني ؟؟
هو كال / هااا لازم عجبتج سالفه
لا دوخين حالج هذا دلع من جنت صغير
عساس اني جنت صغير وهوايه سمين
وماازحف مثل باقي الجهال على ايديه ورجليه
لا ازحف كحف على ط..... ومن يجي ابويه من الدوام
اروحله زحف ورفرف بيديه حتى يشيلني
وهو الله يرحمه دلعني الطبان هذا طير ،
بس اتغير الدلع وصار طبوني
وانا حاليا كاعد كدامج بشحمي ولحمي
اني خربت من الضحك بالزايد
كتله / هسه انت بكد الدب مو بكد الطير
هو بقى يباوع عليه وكال / وشبي دب ما عاجبك
وغمزلي خجلتي وخلاني ادنك راسي وبعد مااشيله عليهم
لمى كالتله / شخبار بيت عمتي
شخبار علياء الدودة هم مريت بيهم
هو جاوبها/ مريت بيهم
من الباب بس سلمت عليهم
دزولكم شغلات نسيتهن بالسيارة
اني هنا افتر راسي واسم علياء
تكرر عليه اكثر من مره
هي هاي نفسها الكام يبجي عليها بالسيارة ....؟؟
مسرة/ من رجعنا من الزيارة وبوكتها
رحنا للدكتورة، منتصر صعد فوك
بعد هوسه مازن وأساور
حسبي الله ونعم الوكيل
على كل وحده تطعن بالشرف .....
خالتي أشرتلي اصعد وره منتصر
اني كاتلني الخجل من عنده
وهي تخنزر عليه وتأشرلي اصعدي
صعدت وراه لكيته يبدل
لبس تراك وطلع جكاره من ميز السرير يريد يدخن
كتله / حباب مو زينه عليك جكاير
مو قلبك يتمرض
1 ت
هو بقى يباوع عليه وكال/ تدرين انا ماأحب كلمة حباب احسها تصغير من قيمة الواحد ، بس شو بحلكج حلوة شو تعاي يمي ،
6
تقدمت عليه وهو لزمني من ايدي
كالي/ اسالج سؤال وبروح اهلج جاوبيني بصراحه
انتي هذا خجلج من الصغر عندج
لو شي مصطنع ؟؟
صح خواتج هم مؤدبات
بس انتي خجلج فرد نوب
2
جاوبته/ والله العظيم اني من صغيره خجوله
وحتى من جان يصير العيد ابقى نايمه
حتى مااسلم على بابا وماما
هوايه استحي منهم بهذاك اليوم
واذا وحدة من جيران تجي علينا
هم مااطلع اسلم عليها استحي
6
وهي ماما هم حريصه بتربيتها النا
جانت ماتقبل نوصل لباب الشارع
وباب السطح دوم مقفول بالقفل
2
وابد ما نختلط ويه بنات الجيران
وحتى تلفزيون هي تكعد تباع ويانه
وحتى مرات يجي بالي سؤال اسألها
من اسمع شي غريب عليه بمسلسل
او فلم او بتقرير
او من اقرة القران
ما تجاوبني تكلي/عيب هذا السؤال مو مال عمرج
ومره تورطت كتلها / ماما شنو معناة كلمة
تنكحوا ،،هواية اقراها بالقران
عاطت بيه عيطة خرعتني
ورزلتني رزاله كمت ابجي
وتكلي /ممنوع تسألن اسأله اكبر من عمرج
ومن تزوجت سألت المرحوم
كالي / يعني تزوجوا
طلع معناها شي عادي بس هي ابد ما جاوبتني
ومره تورطت كتلها / ماما شنو معناة كلمة
تنكحوا ،،هواية اقراها بالقران
عاطت بيه عيطة خرعتني
ورزلتني رزاله كمت ابجي
وتكلي /ممنوع تسألن اسأله اكبر من عمرج
ومن تزوجت سألت المرحوم
كالي / يعني تزوجوا
طلع معناها شي عادي بس هي ابد ما جاوبتني
13
واكو موقف لحد هسه اتذكره
جنت بصف خامس ابتدائي يعني فضول جاهله
سألتها / ماما ليش بابا يسبح الصبح
يلا يتريك ويروح للشغل
سطرتني براشدي فرت وجهي
وحمت السجينه بس ما جوتني خوفتني بيها
وكالت / كم مره امنعج تسألين اساله اكبر من عمرج
وهسه كمتي تباوعين وتراقبين
10
وحتى خواتي من يسألنها كتله تكلهن / حرام وعيب
1 ت
اني كمت ابد ما أسأل ولا احجي
اكول خاف اكول كلمة وتطلع حرام لو عيب وماما تعصب مني
2 ت
ومن شويه وعيت وكبرت بابا ومحمد انقتلوا
وبس أني وخواتي وماما عشنا بالبيت
يعني حتى رجال ماكو ويانه
وهي ماما الربتنا على الحرام والعيب
1 ت
وهي دوم تكول/ الحياء والخجل والمستحه
شي حلو للبينه ،
و الخفة مو حلوة تجيبلهن الحجاية الشينه
16
والله اني كاعده أكولك الصحيح
وابد مااجذب عليك
هو استغل الفرصه لان تذكرت ماما وبجيت
وضمني بين ظلوعه،
والشويب كام يتمادى شويه شويه
لحد ما فقدنا اني وياه بلحظات حلوة
7 ت
وليش ما سوار ادك الباب هو تخبل
يدور على هدومه ماكو مايدري وين شمرهن
واني طفرت لبست دشداشه نوم من الزاويه
وبعد هوستها هي وتبارك
هو رجع يدور فرص كال / ترى كلبي راح يوكف
من التعب
لان استحي من عنده وماانطي مجال
1 ت
ومرت الايام وهو كام يكتلني بالشقه
لان استحي من عنده ،
بس هو يعرف شلون ياخذ حقه وزايد ،
وعلمني عليه وعلى طبعه ،
وعده على زواجنا فوك الشهر
واني بعدني استحي من عنده
حتى ماابدل كدامه استحي
واذا اضطر اطفي الضوة اسوي الغرفه ظلمه يلا ابدل
وربي الكريم يقول بالقران الكريم
(( وأما بنعمة ربك فحدث ))
الحمدلله دللني دلال مثل ما جنت بيت اهلي وازيد
كله يكلي كلام حلو
فلوسه كلهن يخليهن يمي
ابد ما ضربني لو رزلني
ويجيبلي شغلات اشكال والوان
حلويات ، على عطور ، على ملابس مال بيت ومال طلعه ، على شغلات مال زينه ، حتى ماشات مال شعر جابلي
3 ت
بس عنده أطباع مو حلوه
اذا تعصب يخرب الاول والتالي
ومن تروح سوادينه على كولتله يرجع حباب
6 ت
وعنده الليل ضروري وواجب على كولتله
لازم يووميه ياخذ حقه ،
يكول راحتي النفسيه والجسديه يمج
لا تبخلين عليه اكرميني بحلال الله
اكرمج اضعاف مضاعفه واشيلج على راسي
وحتى من يأخذ حقه يرضيني ويرضي حاله
واني اقتنعت بهذا الشي وشفت راحتي اكسبها بي
كمت يوميه احضر شغلات بسيطة
هو يشوفها تغير وانجاز عظيم لان استحي من عنده
وبعدين وصلت المرحلة كلشي انطي
هو قنعني هذا تقارب مو حرام اذا بموافقتي
واني هم كمت اعشق اسلوبه من صدك خبرة شويب
11 ت
بس شنو مضوجني بشغله اني كاعده يمة
يخابر على ساهرة،
مرات يستشيرها على شغله
مرات يسألها شنو تحتاج هي لو امها
مرات يتفقون على طلعة واجب
مرات هي تريد تروح مثلا للسوك لو للطبيب
واني اكوم اطحن من الغيرة
هو حس عليه وعرفني اغار منها
كالي / بويه ساهرة استغفر الله عندي حالها حال لمى
وحتى هي تشوفني حالي حال طارق وهمام
اخوها وأبن عمها وبس
وهي ترى مراه جبيره اكبر من عمر امج
عاقلة ورزنه ماعدها سوالف مياعة البنات
ومن هي جانت بنيه ما أقتنعت بئ زلمة
ولا اكو زلمة عجبها وباوعتلة بطرف عينها ،
ربت نفسها على شي واحد هو شخصها وبس
ومحد يشاركها حياتها
هي مسؤوله عن نفسها وامها
حتى استحي اتحكم بيها لو احاسبها
فهي زوجتي بس بالاسم حتى تبعد لسان العالم عنها
لا تغارين منها ، ولا تخلين بالج يمها
اعتبرها اختج امج خالتج بكيفج
5 ت
واني هم أهتم بي من جميع النواحي
وأبسط شي الصبح
اروح امشي وياه أوصله للباب من يريد
يطلع على شغله ، وادعيله بسلامه
ومن يجي اتلاكه واكله الله يساعدك
هاي ماما جانت دوم هيج هي وبابا
اكله احضره اله واسويله الشي اليحبه
هدومه دوم نظيفه وجاهزة
الحمدلله اشوف نفسي ما عندي قصور وياه
8 ت
وبيوم هدى تجاوزت عليه وضربتني
شمرت نفسي بحظنه وشبعت بجي
وهو بقى بس يكول / بسج بويه
والله مهند راح يصكرها
وهم تبقى اختي شريد اسوي العقلها الصغير
ومشت الايام ،واني ولمى علينه البيت
وتبارك شايله نفسها مالنا دخل بيها
والصراحه خالتي ولمى ضاباتها ضب
1 ت
سوار مالنا دخل بيها علمود شغل البيت
احنا نخدمها خطيه بالكوة تتحرك
وانوب ماتاكل ، وعدها فقر دم ، بالكوة تمشي ،
خالتي هي تكعد الصبح نلكاها مسويه الريوك
الغدة عليه ،
والعشاء على لمى
وكل وحده تغسل مواعين الوجبة العليها
العجين والخبز نتعاون اني وخالتي عليه لان لمى ما تعرف
1 ت
الهدوم اني أغسل هدومي وهدوم منتصر
وسوار يوميا ،
بس بيت خالتي لا تجيهم ام احمد تغسل هدومهم وتبلش بشكو فراش لو بردات لو اي شي يحتاج غسل
وبيوم جيتها تاخذ كشة تنظيف بكل البيت
سوار بطنها خطيه صارت كلش جبيرة
وبالكوة تكوم وبالكوه تكعد ،
بس شنو ما شاء الله الاحظ طارق طاير بيها
صح ما يوصل يمها ،
بس يداريها ، مثلا يجيب معلاك ويشوي
ويدزة بيدي لو بيد لمى
ياخذ لمى للسوك يجبلها ملابس عريضه
يخبص حيدر خبص حتى يجبلها مقويات وفيتامينات
يوميه بليل يسوكلها علاكة حلويات وعصاير
طارق عباره عن شخصين بجسم واحد
من هو صاحي بالنهار ينشال ويتخله بلبة القلب
بس من يسكر بليل يصير شخص ثاني
يبقى يصيح ويعيط ويفشر ويغلط ابد مايحترم واحد
وخالتي تبقى تدعيله بالهدايا
2 ت
همام هذا شخص خفيف الظل
الصبح بالكليه ،
يجي الظهر يلف راسه وينام
العصر يكعد يتغدا ،
انوب يسبح ويكشخ ويطلع
الحمد لله ما عنده سوالف مكسرة
عنده بس صديق واحد هم خوش ولد
ومرات يساعد منتصر بالشغل
1
لمى هاي كارثه تحرمس بحويدر الكصاب على كولت طارق ،، وترجع ليوره ،
تخابره الصبح من الولد ماكو
يجي هو يبقى كاعد شويه بالصالة
وانوب يكعدون وحدهم بالاستقبال
هي تتفق ويانه أني وسوار
تكول /خمس دقايق وتعالن دكن الباب
كولن خالتي تصيحلج
اني وسوار هم نخبث على حويدر
هي تجي تضحك نعرف حصلت بوسه
وهو يطلع وراها كالب خلقته
لو تخابره تحمسة حمس بالحجي وتسد الخط
هو يتخبل يبقى يتصل وهي متجاوب
يكوم يدزلها رسايل كلها غلط وفشار وحتى مرات يسبها
وهذا سوالف المخابرة تسويها
من هو يكون بالخفاره تخبله تلعب بي فلك على كولة عمة بابا
اما خالتي عدها مو خوش سالفه
اول ماانزل الصبح
تمد ايدها وتلزم شعري من جوة الربطة،
اذا شعري ناكع تسكت
اذا شعري يابس احسبوها لعبت بيه طوبه
وليش ما مداريه رجلج
وليش هاملته
شعدكم بس لا متلاغين
-
اكلها خاله /ترى مو يوميه لازم اغسل
-
تكلي / لا المراه الزينه لازم يوميه الصبح تسبح ،
-
وتبقى تعيد بنفس الجمله
-ولج يمه الزلمة من يشبع ويمل من فراشه
حتى ماله دخل بيج
ولا يدور عليج حجج
ويدللج
وابد ما يباوع على غيرج
-
وابد مالها دخل بينا ،
نظفنا ، طبخنا ، نمنه ،كعدنا
تكول / هذا شي الجن
انا مراه عجوز تنطني خبزة خلف الله عليجن ،
ماتنطني هم خلف الله عليجن من مداريات اولادي
الحمدلله مرتاحه بحياتي الجديده
بس بقى فراك أساور ياكل بقلبي .......
أساور/ السلام عليكم
بعدكم تذكروني مو .....
19
اني ومازن صارت بيناتنه لغوة بيوم عرس خواتي
هو جان ملتحق بالعسكريه،
دوامه اسبوع بااسبوع
نزل بيوم العرس الصبح
اني جنت مخبوصه ويه البنات بالمطبخ
اركض واشتغل وياهن
هو أجى يمكن قبل اذان الظهر
دخل علينا وسلم على كل الموجودين
وحتى اني سلم عليه عادي من بعيد
يعني سلام شفهي ، وراح جوة
سهى حضرتله ضيافة وصاحت عليه
كالت / تعاي ضيفي رجلج
اني هم أخذت الصينيه ورحت اقدمله ،
ماكو رجال غريب هم كلهم اقرباء
الصاله والاستقبال مليانات ناس
هو كاعد بالصالة يم عماته
من شافني اجيت هو كام واجى عليه
اخذ الصينيه من ايدي، وحجه بصوت ناصي
كال/ ارجعي للمطبخ
اني هم خليت ورجعت لان عندي شغل
وتعرفون بعد بخبصت العرس
أجى همام وكف باب المطبخ ظل يباوع
شاف بنات هوايه من أقرباءهم
واني جنت واكف اغسل بالفاكهه على سنك
كال / معاضد بروح ابوج ما تسويلي لفه
كتله / شتريد اخليلك بيها
كالي /بكيفج بس المهم اسمه لفه جعت
اني هم سويتله لفه مال دجاج وطرشي
واخذتله قوطيه ميرندا ورحت وديته اله
هم كاعده بالصالة يم خالتي وعماته
من انطيته كالي/ يوم عرسي وهم هيج نتعبج
اكلج خل اتعبج بعد
حبابه اكو قميص مخليه على فراشي
بس اغسلي وكولياه اروح بي للزفه
انتكل عليج
8 ت
اني هم تعودت على بيت خالتي
والولد حاسبتهم خواني الله شاهد
وعادي عندي اسخرلهم واخدمهم
اشوف مابيها عيب ،
صعدت فوك ونزلت القميص
وغسلته ونشفته وبلشت كوي ،
اجتي بنيه كالت/ مازن يصيح عليج
كتلها / هسه دقايق واجي كاعده اكوي
صدك خلصت القميص ورجعت صعدته فوك
1 ت
من طلعت مالكيت مازن
كالولي/ راح لبيته
استغربت ليش راح هذا مو عرس بيت عمه
1 ت
ومشى الوقت ويه خبصة العرس
وطلعت البنات للسيارات الزفه
خالتي كالتلي/ اصعدي ويانه بسيارة همام
اني وساهرة نروح وياه
1
هم خبصوا البنات خبص علمود صعدت السيارات
اني هم لابسه عبايتي ولبسي محتشم
وامشي ويه خالتي
همام صاح/ يلا يوم امشي
لج معاضد انطيها دفعه
وصلت خالتي بالكوة صعدت
خطيه سياره عاليه شلعت قلبها ،
هنا مااحس الا واحد لزمني من ايدي
صحت يمه ونفضت ايده
انتبهت هذا مازن ،بس شنو مخنزر عليه
وطابك حواجبة، كالي/ تعاي اصعدي ويايه
اني هم ترخصت من خالتي ورحت صعدت وياه
اخته شهلاء كاعده يمه بالصدر
وابنها فهد واني كعدنا ليوره
الطريق كله هو ساكت
ومن رجعنا للبيت وزفوا العرسان
الناس الي راح لبيته والي بقى
اني والبنات بدلنا وبلشنا تنظيف وترتيب
من كعدنا نرتاح
أجى همام من بره جنا كلنا كاعدين بالصالة
من شافني كال بالشقة / لج معاضد وعلي بيج كتله
الا اسويج معاضد نايلون
شلون ما كتيلي القميص بي دكمة مكطوعه
كتله / اكمع همام اذا ادري بيها وما كتلك
هو كام يضحك كال / عود مالاتي لا تبيعهن عليه
لان كتله اكمع همام ، هو من يشاقه ويه واحد
يكول اكمع فلان اكمع علان
4
تلفوني بيدي شويه واجتني رساله من مازن
كاتبلي / شعندج ويه همام ؟؟؟
باوعت عليه وجهه مفحم من الاعصاب
رديتله / ماعندي شي والله احسبه اخويه
اني جنت نايمه يم لمى، شوفتها رساله
كالت / هذا شبي تسودن
ليش ما يخليج يمنا
دكيت عليه افتهم منه ،
كام يصيح ويعيط
ومصر اجمع غراضي واروح اسكن بيت عمو حاتم
كلشي ما فتهمت منه
1
ثاني يوم العصر دزلي رساله كالي /
هااا كملتي جمع غراضج
اجيت اخذج لبيت عمج
مارديت عليه
1
شويه ودزلي رساله /انا جوة انتي وين ؟؟
نزلت من فوك ابجي مااريد اروح لبيت عمو حاتم
اريد ابقى يم خواتي،
صح عمو حاتم وبيداء حباببين ،
بس اني هنا مرتاحة
كيفت لكيت منتصر موجود
كلت راح يستحي من عنده
بس تفاجأت هو كاله
ومنتصر أيداه هو ولي امري ويعرف مصلحتي وين
شكد حجت خالتي وعماته حتى ابقه يم خواتي
وهو ابد قفل دماغه ما يقبل
لميت غراضي ومسرة ساعدتني هي ولمى
سلمت على الكل وطلعت وياه
بقيت ابجي اريد ابقى يم خواتي
بيت عمو مو بعيد عن بيت منتصر
هو بالطريق كالي / هاااا لازم مقهوره على فراك حبيب القلب
شكرا لزيارتكم عالم روايات سكيرهوم
