رواية بنات الحجي السعيد الفصل العشرون بقلم شمس العراقية
بيداء ـ كاعده وصافنه بالحياطين كل وقته يمها بحجة يريد طفل عذر أقبح من ذنب شتگول أمه ينفذ تگوله اذبح أخوك أضمن عليه يذبحه وبهل الفتره متخبل خبال گالب على الكل گمت أشك بيها مسويتله سحر بس هو مال سحر جان گلب عليه لان يجيني مثل الطفل يتوسل رضاي بس اذا گالتله أمه أمشي على تماضر يطلع يركض ألها ..
أندك الباب وصحت أتفضل ودخلت عصماء باوعتلي بقلق .
عصماء ـ شگو شبيج أتصل عليج وماكو ونائل ما يجاوبني خفت وضل بالي عفت الغده عالنار وأجيتج أطمئن عليج .
بيداء ـ أي ميجاوبج لان عباله أني دازتج أتوسط
ـ ليش شبي خوما متعاركين
ـ لا
ـ لعد شگو شصاير وليش عازله نفسج سألت عمتي نجاح گالت ما تنزل ليش ما تنزلين متعاركه أنتِ وخالتج
ـ عصماء ماكو فايده حياتي عباره عن عدم يعني تصوري بس بالنهار موجود يمي والليل كله يمها وهو بالنهار يجيني الظهر من يطلع من المحل والعصر يروح المحل جان يجيني لـ ١١بالليل يله يروح مرات لـ ١٢ بس هسه گام يطلع العصر ما أشوفه الثاني يوم الظهر أكوله ليش يگولي شتردين لعد أمي تريد تشوف حفيدها يعني اليريد طفل يضل مكابل مرته ، قسم بالله لعبوا نفسي بسوالفهم والمصيبه الجبيره عمته كلما تحاجينها بيضاتها نازلات وهلكد حجمهن ولازم رجلها يضل يمها هو هيج العمل .
ـ هذا مو عدل ما يصير لعد شگو تزوج أثنين وشال خطية بنات العالم وياه مو كفوو نسوان أثنين لاتتزوج وأنتِ الفطيره يجي بسرعه ترضيين
ـ أي أرضي ارضى لان أباوع على الله وعليه أفهميني عصماء أحبه أحبه أحبه أني حبيته من كل گلبي الهوا الأتنفسه هو نائل ، من حبي اله أحس روحي ما حابه قبله لا مالك ولا مهيب وأموت الف موته يمر عليه الليل وهو مو يمي لعد أني ششفت منه ما گملت سنه وأخذنه من حضني والله ما يصيرلها أطفال ليش هو بيدي وما جبتله طفل .
ـ من تزوج تماضر گلتلج اذا تتحملين رجعيله وأذا ما تكدرين عوفي وأنتِ ما مربوطه بطفل يكسر ظهرج بطرك روحج .
ـ وين أرجع ليش مو رحت لأهلي مو كدامج سمعتي أمي شحجت عليه وتعييرني ، أقل شيء يصير وياي أنتِ وأمي تعييروني بالماضي مالتي كرهتوني بنفسي وأنتِ تگولين اليه نتيجه أغلاطج وحبيتي مهيب وهو متزوج والله سلط عليج تماضر ترة من عرفته متزوج عفته بس هو ما عافني هو حبني وضليت وياه بس أمانة الله ما جنت بانيه عليه أمال واحلام ومستقبل وأجاني نائل غصن وجلبت بي وأنتشلني من أخطائي وتبت وحق الله تبت الليل يمر عليه وأني وحدي بين أربع حياطيين نايمه على سجادتي وأدعي وأبجي وإذا هذا عقاب إليّ على أخطائي راضيه بس مو معناها أعيش بعزله ، أفهميني عصماء الوحده العايشه بيها جاي تخنگي مثل الحبل يتلف على رگبتي طگت روحي من الدنيا كلها .
ـ خلص گافي تقهرين بروحج وتحركين بدمج طبه مرض تبجين ومنفعله علمود رجال
ـ أنتِ تحجين هالحجي بس خلي رجلج يتزوج وعيشي شعور وحده تشاركج بي وتأخذه منج شيصير بيج عبالج أريده يمي بس لان رجلي بس هذا حقي رجلي يكابلني يسمعني ويسألني شبيج ما بيج ، أكابله أسولف وياه
ـ أي گابلي وسولفي وياه وتواصلي لحل لمشكلتكم خل يعدل بينج وبينها ، ولاتشكيين لخالتج من رجلج لان هي طابگه ويه هذيج ، بدال ما عازله نفسج أكعدي واحجي وياه واذا يضل هيج گوليله أني أمشي وجودي ماله داعي بعد ودامك بس يمها وعايفني وبيت أهلي هم اكو حياطين اكابلها بس بكرامتي .
ـ ماشي
ـ يله أني أروح تأخرت غداي عالنار وبناتي هسه كعدن ديري بالج على نفسج لاتضليين تحركين بدمج .
ـ الله وياج بوسيلي البنات
ـ ماشي عيني .
ـ باستني وراحت ولكيته يتصل عليه جاوبته نعم
نائل ـ أختج يمج
ـ أي ليش تسأل
ً ـ بكيفي عندج مانع وشعدها جايه
ـ جايه تشوفني ليش عندك مانع
ـً أي عندي مانع وگوليلها بعد لاتجي
ـ ترى أختي ليش تمنعها تجيني فوك ما أنتَ عايفني انوب تحرمني من أختي فدمره خليني بسجن وأقفل عليه ، أختج ماكو أهلي كل شهر يوم باالزايد وتجي تأخذني تشمرني بهالغرفه وتروح على تماضر عيشتيش هاي .
ـ شمسويلج لخاطر الله وشبيها عيشتج بس تتبجين شتردين بعد شو كاعده خاتونه لا شغل لا عمل ما اخليج تشيلين ماعون واكلج اصعده الج شسويلج متگوليلي لاتخبليني بيداء والله ما جنتي هيج .
ـ شبيه ما جنت هيج ترى أني نفسي بس گول أنت تفيرت
ـ لا والله أنتِ تغيرتي من كامت تجيج أختج تقرأ برأسج وخرب طبعج ،شنو نسيتي هي ورجلها الكواد شسوا بيج مو هو ومرته فضحونا وگالوا لابوج جان هسه أنتِ ميته من وراهم.،هسه نائل تغيير لا والله أنتِ تغيرتي
ـ أي أني تغيرت وأني الغلطانه وأنت الصح وأختي ورجلها غلط مو أوادم عندك شيءثاني تكوله لان أريد أنام .
ـ بيداء شبيج حبيبتي
ـ ما بيه شيء باي
ـ وين تنامين هسه وگت غده هسه أجي نتغدى أني وياج وابقى يمج اليوم شتردين بعد
ـ سلامتك
ـ تعالي وين رايحه حبيبي
ـ سديت الخط وراسلت عصماء وحجيتلها
ـ خيولي هذا شبي رجلج صدك متخبل وعقله شاخط يعني مشكله بينك وبين أخوك شگو تشلمني أني واختي وتمنعني منها أعذريني رجلج خبل شو باسل من گلت اله أروح اشوف أختي ما منعني ما گالي لاتروحين من ورى المشكله الصارت حلف على أخواته ما يروحن بس ما حلف عليه لان يعرف مالت الأوادم مو مثل رجلج على الأوادم ما ينعد
ـ لا والله تعالي ما عليج منه بكيفه وبكيف أمه لعد أني منو إليّ غيرج .
ـ ماشي عيني شوكت تباشرين دوامج ،إشتريتي ملابس لدوام لو بعدج
ـ أي أشتريت الأحد أداوم ان شاء الله
ـ يله بلكي تطلعيين تشوفين بشر صديقات أحسن ما كاعده تقهرين بروحج من ورى رجلج وضرتج وخالتج .
ـ اي هو هم هيج الله كريم عفت الموبايل ونمت بس وين يجيني نوم على هالضيم هذا وأنفتح الباب عرفته هو بدون ما أباوعله .
ـ ما گافي نوم شُـــنوْ دنبل مال نوم شو گومي
ـ بشنو مضايقتك شو تجي گلشي حاضر الك ملابسك وحقوقك وكل واجباتك شگو بعد شتريد
ـ لاتصحيين بوجهي بيداء لو شفتيني أحبج تماديتي
ـ تحبني يا حب تحجي عنا حب تجي بالنهار ساعتين مسوي فضل عليه حضرتك
ـ يعني من ورى هاي زعلانه لان ما أبقى يمج گوليها عيني ليش لابسه وجهج وتردين مشكله تتعاركين كولي عيني
ـ عبالك أريدك بس علمود اللي أبالك هذا الفسرته من غضبي وأنعزالي المشكله هذا تفكيرك محدود بس بالعلاقه .
ـ انجبي عاد
ـ هو أنجب وساكته ليش تجيني وتحجيني بالأساس ليش أجيت
ـ هو راح أرجع
ـ أرجع ولاتجي بعد
ـ أي لعد أضل مگابل وجهج اليلطم على أقل تماضر وجهه يضحك وتهلي وترحب بيه وتسوي المستحيل علمود تسعدني ولا ثانيه تعوفني زعلان عكسج أنتِ من اجي لما أروح بس تشگين وتردين تتعاركين ما أعرف شُـــنوْ مشكلتج .
ـ روحلها دربك أخضر بس قبل لاتروح أكولك هذه مو عداله وأذا أنتَ مو كد مسؤولية نسوان أثنين ليش رجعتني وأني ما يصيرلي أطفال وأنت تزوجت علمود يصيرلك طفل وعلى أساس تحبني وما يهمني أحد بس علمود الطفل وتالي تروح بهل السهوله هو هذا حبك إليّه هذا العدل منين تشوف الطفل اذا انت مو عادل وعايفيني وملاحك أمك وعمتك وهذيج تدلل عليك أجيبلك الطفل وماكو گلشي كل شهر فحوصات وعلاجات والطفل ما يصير .
ـ أنتِ السبب أنتِ وصلتينا لهل الوضع زين تدرين بيه أحبج وأعشقج وروحي بيج وزواجي جان علمود الأطفال واجتج فتره أستعدلتي ورجعتي زوملتي شسويلج بعد وأني ما مقصر لا وياج ولا وياها والطفل يصيرر لاتفاولين بلسانج وتدعين ما يصيرلي طبعاً أذا اربع وعشرين ساعه رافعه ايدج علمود تتشمتين بيه وبإمي .
ـ لا والله ما أدعي بس مثل أنت واكف گبالي وأشوفك أكولها الك ما تشوف الطفل ولأتشم ريحته لاتعب نفسك ولا أتعب تماضر وياك ولو يريد يصير جان صار بطني مو بطنها .
ـ أحجي عدل لا أكسسر حلگج سگتييييي
ـ تقرب سد حلگي وحضني ويبوس بيه ويبجي ليش تبجي خفت أعيرك وأكولك العيب بيك
ـ بيداء سگتي .
ـ رفعت وجهه وبسته ومسحت دموعه حتى لو العيب بيك ما أعوفك لاتخاف أني لو أريد أعوفك جان من تزوجت تماضر عفتك لأن أدري بيك روحك بيه وتموت وراي .
ـ أي والله مو بس أموت أصلاً أتخبل وراج أنتِ روحي وگلبي الينبض بصدري الهوا الأتنفسه بيداء أنتِ حبيبتي وأهلي كلهم أني ما عندي أهل أنتِ أهلي ودنيتي الحلوه والله العظيم عقل ماكو برأسي وأمشي وأشتغل مثل الأعمى لأن أنتِ عازله نفسج وما تحچين وياي .
ـ من وراك مو تعرف بيه أحبك ليش عايفني وبس يمها مو گتلي أعدل بينجن .
ـ غير شغل الدكتوره والله خبصني أمي وعمتي ضل يمها وبيضاتها نازلات سوالف الطب شمعرفني بيها بس خل تحبل وتجيب هالطفل وعيونج اطلگها ما أبقيها وأقهرج أصلاً أعوف الطفل على أمي وأخذج وأسافر عندي شقه بالخارج أهناك نروح نعيش أني وياج حتى أطفال ما أريد .
ـ حضنته دام أنتَ ما تريد أطفال ليش تزوجت ليش
ـ كافي تبجين كافي رحمه لأهلج والله فطرتي گلبي ما أتحمل أشوفج مقهوره وأني السبب ما أتحمل گافي ياعيون نائل كافي .
ـ لمني بحضنه ويبوس بيه وقفل الباب وبس نومني بحضنه وللعصر نايمين وأندك الباب رفعت رأسي منو
نائل ـ هسه أشوف إبقي نايمه .
بيداء ـ فتح الباب وطلع وأنتظرته وهو ماكو طلعت باوعت ونزلت شفت نجاح عمه شفتي نائل .
نجاح ـ أي هسه طلع هو وأمه
بيداء ـ راح ، صعدت الغرفتي ناسي موبايله فتحته شفت منها كومة رسائل دازتله .
تماضر ـ حبيبي تعال البيت تعبت فدمره بطني ذبحتني من الوجع تعال وديني راح أموت نائل وينك أتصل ليش متجاوبني راحت بنفسي ترد على رساله
بيداء ـ قريت الرسائل مالتها كلها توصيات ومسواك وكلام حب وحجي وأعترافات عن حبها اله جرايد وأشعار ورسائل حب ولا حرف دازلها الى أن وصلت الرساله وأنصدمت صدمة عمري من القريته گبل اخذت سكرين ورسلته إليّه وراسلت عصماء ودزيتهن اإلها شوفي القهر
عصماء ـ وين لكيتهن
بيداء ـ ناسي موبايله يمي والرمز مواليدي .
ـ دامج عرفتي سگتتي
ـ ليش أسگت لا والله ما أسگت عن سوالفهم يعني جان مأخذها قبل لايتزوجها شوفيها كاتبتله أعرف زواجنا صار غصب عنك وأنت تحب بيداء بس أني ما أليّ ذنب ولاتنسى نفسك أنتَ الغلطت وياي بهذيج الليله مو بس لان أني أحبك وما أعترفت بغلطك ومن خطبت بيداء عفتني يعني هيج حقاره عينك عينك ما شِفت
ـ بيداء إلّي صار صار بعد شِتسوين ، عوفيها أحسن ترى تِصيرلج مشاكل ولاتنسين خالتج وياها ، أنتِ نائل الج أحجي وياه تعاي بالكلام الحِلو .
ـ تمام يصير خير ، عفت الموبايل وهو ما أجه لليل تأخر الوقت معقوله يعوف موبايله! لأ خالتي وياه خوما تبات
نمت شبه الغافيه أجه وحضني شرجعك .
ـ أجيتج اليوم أنام أهنا
ـ حضني ونمنا بدون كلام ردت أحجي بس أني نعسانه وهو تعبان وضل يمي يومين وخالتي تخزر بيه ما عرفت شبيهم وهو طبيعي ما مبين عليه صاير شيء وأجه يوم دوامي هو جان موجود .
ـ گملتي حبيبي .
ـ أي ، تقربت سديت دگم القميص حبيبي عادي اسألك سؤال
ـ سألي حبيبتي
ـ متعاركين أنتَ وتماضر
ـ يله خل نمشي
ـ ليش ما تجاوب وصارلك ثلاثة أيام يمي وخالتي بس تتنر وتصيح وتخزر بيه حسستني مسوية جريمه بحقها
ـ مـا عليج بإي أحد ، أنتِ بس أهتمي بيه والباقين يرحون فدوه إلج .
ـ باسني ومدلي جنطتي
ـ نمشي وأكون وياج بإول يوم دوام
ـ أي حبيبي مشينا وخالتي شافتنا رگعت باب الغرفه لو بس أفهم شصاير بينهم جان إرتاحيت وصلني ونزل وياي المستشفى وفرحانه بوجوده وأجتي هدير وسلمت علينا
هدير ـ أبن خالي أهنا يا هـلا والله شلونك بيداء شلونج
نائل ـ بخير الله يسلمج ، عود ما يِحتاج أوصيج عليها هاي أمانتي أخليها يمج وتعرفين بيها شگد عزيزه
هدير ـ نعرف عيني نعرف أكو أحد ما يعرف بحب نائل لبيداء روميّو وجولييت مو مثلكم ، تدلل بعيوني
ـ تسلم عيونج بنت عمتي ، يله حبيبتي من يخلص دوامج خابريني أني أجي أخذج
ـ نائل الشغله مطوله الأفضل تجي ويانا بالخط
ً ـ لا أني أوديها وأجيبها يله فيمالا .
بيداء ـ أبتسملي وراح ومشيت ويه هدير عرفتني على البنات هي قديمه قبلي ورحت لقسمي وبلشت شغلي وحبيت وجان يوم الأول كلش حلو توقعت أواجه صعوبه
حبيت الأجواء والناس ولمة الصديقات والسوالف وشغلي وتفاصيله ، مهنه جميله تُكون من الجيش الأبيض ورجعت فرحانه سولفت لعصماء عن دوامي وفرحتلي .
وأستمريت بأسبوع الأول أروح وأجي ونائل يوصلني ويرجعني وفرحانه بوجوده يمي تمنيت يضل طول العمر مهما كانت المشكله البينهم تمنيتها ما ترجع لحياتي وأدمرها وأكملها وياه حتى لو ما يِصيرلنا أطفال راضيه بگلشي بس المهم هو وحبه وحنيته وخوفه وحرصه عليه هذا كافي عليه هيج نعيش حياتنا كلها واحد يحب الثاني! ...
رجعت البيت ورى الظهر ولكيت نجلاء موجوده وكاعده هي والحجيه والحجي وخالتي سلمنا ومشيت ونائل وياي والحجيه صاحت وراه .
الحجيه حليمه ـ تعال أريد أحجي وياك .
نائل ـ تعبان بعدين نحجي .
نجلاء ـ شوگت بعدين شو صارلك أسبوع عايف تماضر وما تسأل عليها ترى هي مرتك حالها حال بيداء لو بيداء بنت السلطان على رأسها ريشه .
نائل ـ أي بيداء بنت السلطان مو بس على رأسها ريشه على رأسها تاج مو حالها حال بيداء وبنتج من تلزم لسانها وتبطل طلابتها هذاك الوگت أحاجيها واسأل عليها .
بيداء ـ سحبني من أيدي وصعدنا وجان مزعوج وكعد يتأفف أجيته حضنته وتمسكت بي شبي حبيبي ضايج
نائل ـ هو اليشوف وجهج يعرف الضوجه شُنو .
بيداء ـ أبتسملي لعد
ـ شلون بسوالفج أني
ـ غمرني بحضنه ونزلت صبيت الغده وأجتي نجلاء خفت منها لان وجهه ما يبشر بالخير .
نجلاء ـ شمسويتله أم السحوره خليتي يعوف بنتي ويضل بس الج
بيداء ـ ما سويت شيء ولاتنسين مثل ما عافج بنتج جان عايفيني علمود تصير حامل وأني صبرت وتحملت وشاف الوضع مطول وماكو نتيجه وعافها ومعروفه هاي التدخل حياة المتزوج لعد شتدري .
ـ لا حبيبتي هو ما عافها علمود الحمل لان يصيرلها أن شاء الله بس عافها لان بنتي طلبت منه يطلگج! ويطلگج ان شاء الله ونخلص منج شو لا ولد لا تلد على شنو مخليج على ذمته .
ـ لان يحبني وما قبل وعاف بنتج وخافي ربج يا هاجمه البيوت حسبي الله عليج وعلى بنتج ما تخافن الله عفتها وصعدت محترك دمي ، باوعتله وبجيت لاحظ
ـ خير شگووو تبجين
ـ هيج ماكو شيء ، راد ينزل منعته خليك يمي هسه تروح ، هي من يومها هيج تحجي تحجي وتسگت .
ـ والله اليحاجيج أكسر حلگه .
ـ أكعد تغدى ، تغدينا وهو نام وراسلت عصماء بلغتها
عصماء ـ هو هذا رجلج شنو الغريب بي أي واحد يدفعه يندفع ويوميه گالب على وحده ليش ضايجه
ـ لا هيج تحجين وتقهريني لاتحجين عليه ما أقبل
ـ مو قصدي ولج
ـ تمام عفت الموبايل وحضنته ونمت كعدت ما لكيته راسلته ما جاوبني وأجه الليل هو ماكو دخلت على واتساب لكيته ناشر حاله وشفت كيكه وشموع وهدايا!
يعني شُـــنوْ رجعلها ولا فواگاها ناشر وثواني وأنحذف!
أتصلت عليه رفضني وأتصلت كم مره أخر شيء أنغلق
حيــل أنقهرت وأنصدمت بي وراسلت عصماء طلع كلامج صدك .
عصماء ـ دام أنحذف أذن مو هو الناشر ولا هو الرفضج الشغل مو شغله أفهمي وشغلي مخج .
بيداء ـ قصدج تماضر
ـ أي لعد منو .
ـ تمام ورجعت أتصلت مغلق باوعت الساعه ١٢ أكيد نام
ونمت بس يا نوم يزور عيوني على هالقهر هذا والصبح لبست وتجهزت وأجه هو صديت وجهي عنه
نائل ـ ليش صديتي وجهج باوعيلي بيداء مو أحاحيج
بيداء ـ لاتصدمني بيك عفيه كافي عليه البارحه ولاتمثل الرجل الوفي والحنون لان عرفتك .
ـ شمثل وشعرفتي تعالي أحاجيج وين موليه بيداء أوكفي
ـ دفعته وهو يصيح وراي
ـ ويامن رايحه .
ـ شعليك وفتحت الباب وشفت هدير وسلمت وصعدت وهو واكف باب الحوش .
هدير ـ شگو شبيكم
بيداء ـ هيج ماكو شيء زين أجيتي من وگت
هدير ـ اي بعد كم وحده ويانا نأخذهن .
بيداء ـ تمام وصلتني رساله
نائل ـ ترجعين ويصير خير وهالتصرف هذا أذا أنعاد بيت أهلج تتندلين طريقه ما عندي نسوان تكسر كلمتي وتطلع من دون علمي وتمشي بس سهله ترجعين وإلّي كلام ثاني وياج .
بيداء ـ من كلمتك ما تسگت أنتَ أخر واحد يحجي ولاتخاف أروح بيت أهلي ما أضل بعد على شُـــنوْ ضاله مداس الك ولعمتك ولأمك ومرتك بكيفكم تلعبون بيه وأنت تضحك على مشاعري وأحبج وأني ألج وتصعدني فوك القمر وبكلمه من تماضر وأمها وأمك تدفر بيداء وأهل بيداء ، أنتَ أندفاعي راجع نفسك وتعال عليه .
ـ والله لوما حِبج أجيج المستشفى أسحلج وأكسر رأسج بس سهله الظهر نتواجه .
ـ عفته بعد ما راسلته وصلنا وبلشت شغلي وألتهيت وگت الغده البنات يتغدون أني ما الي نفس وصلني مسج من عصماء
عصماء ـ ها شلونج اليوم مختفيه .
بيداء ـ دزيتلها سكرينات
ـ هذا شبي متخبل عليج اليوم .
ـ ما تنلامين طلع صُدك نفس ما حجيتي .
ـ عوفي وأذا رجعتي وحجه عليج لاتسكتين إلّه
ـ هو هم هيج الأ أندمه وأتصل ورفضته ورجع أتصل نعم
ـ الله ينعم ضلوعج ضلع ضلع ، أطلعيلي يله
ـ وين أطلعلك بعد الدوام ما خلصان وأتعاقب من المدير
ـ تطلعيلي لـو شلون
ـ وين كاعدين أحنه ، ترى مكان عمل شبيك أنتَ ومو عندك شغل شجابك ليش عايف المحل .
ـ من أنعل أبوج لابو المحل وياج وين أنتِ طلعي عاد
ـ خلص لاتعصب وين أنتَ ورجع صاح .
ـ يم أول مكان وگفنا بي من جبتج تعالي عاد
ـ أدري بيك گمت تموت شلون بيداء زعلانه منك
ـ تعالي لعد .
ـ أختنگت وطلعت وشفته يفتر وباوعلي وأجاني سريع دمعتي بطارف عيني تقدم ونزلت ومسحها
ـ أسف يا جمارة گلبي أسف
ـ وخرت أيده شتريد جاي
ـ أجيت أشوفج شوگت يخلص دوامچ
ـ ما ضل هواي بس أبصم ونطلع
ـ تمام أنتظرج لعد
ـ لا روح
ـ لا باقي
ـ لعد أروح أكمل شغلي
ـ إذا ما عندج شغل أبقي يمي
ـ لا عندي
ـ تمام .
ـ مشيت وضل يباوع وراي ودخلت الغرفه وأباوعله من بعيد كاعد على الكراسي ويفرك بإيده وقربت موبايلي وأخذتله صوره دزيتها لعصماء فهميني طينته راح اتخبل
ـ والله يحبج بس مو بإيده الكلام وراه الله يدري خالتج أكلت رأسه ولاتنسين تماضر مرته واذا طلگها كلها تحجي عليه لان بنت عمته وهو هم بسلامته ما يخطي گلمة أمه .
ـ تمام وخلص الدوام وبصمت وأجيته يله نروح
ـ فرجت
ـ أي بس ما تفرج عليك بالبيت
ـ لا تفرج
ـ والتهديدات متوعدلي بيها لزمني من أيدي بحنيه ومشينا وصديقاتي يباعون ألنا وصلنا البيت وخالتي شافتنا .
جواهر ـ أريد أحجي وياك .
بيداء ـ عفته واكف وياها وصعدت وشويه وصوت خالتي صار عالي
جواهر ـ شمسوين الها فوك ماكو ما تخلف وملفينها وهي ما راضيه خل تحمد ربها وتسگت على عيشتها
نائل ـ أنتن تردن مشاكل بس علمود أطلگها بس اطبخن حصو طلاك ما اطلگ وتماضر أني إلّها
ـ وين رايح
ـ رايح أضع حد لو تبقى وتحترم نفسها يا أشمرها على امها وهالطفل هذا ما أريده صار شگد من تراجع وينه
بيداء ـ طلع من خالتي وباوعتلي بحقد
جواهر ـ الله يأخذج خبلتي أبني شمحصل منج بس المشاكل لو عندج كرامه امشي بيت أهلج شگو باقيه صوره
ـ إي أني وحده ما عندي كرامه خليت الجن الكرامه ونائل ما أعوفه الجن وشتسون سون وهو يحبني وهذا الكاتلجن قهر بس لو تموتن ما أعوفه نايمه على گلوبجن ليش حبيته علمود أعوفه الجن عفتها ودخلت شابعه قهر وهو بعد ما بين ولا أتصل وبالليل نزلت أكل جعت وخالتي شافتني وغمتني وهي تضحك
ـ كل عقلج يجي والدلع والملع والجمال يم توته المتفحه عبالك تفاحه خوما مثلج أطگين جنج عود شخاط ميته من سمج لحمه ما بيج .
ـ حجت حجت ما جاوبتها تال ما اكلت وصعدت وأتصلت على عصماء وبجيت عصماء تعبت من هالحياة باقيه عايشه على أمل
ـ من الأول كتلج
ـ صعبه ما أكدر أتحمل نار تأكل بگلبي هم راحلها عود يخلي ألّها حد وراح وما اجه .
ـ الله يكون بعونج يعني ما حجيتوا
ـ لا وين ما لحگ بس وصلنا أستلمته أمه واحجي وياها وصلتني صوره من عنده هو نايم وجسمه مكشف وهي ماخذه صوره بصفه عفت الموبايل ونمت مقهوره
وصادف عطله لكيته متصل عليه جاوبته ها
ـ نايمه
ـ أي ليش
ـ لا هيج اسأل نزلتي تريگت
ـ لا شبعانه بس هسه أنزل أتريك خوش ريوك
ـ بالعافيه .
ـ حتى ما كال حبيبتي لان يدري بنفسه مذنب وين أنت
ـ بالمحل
ـ صورلي أشوفك
ـ لازم مشتاقتلي
ـ أي شلون لعد دزلي صورته أذن بالمحل! كمت لبست عبايتي ونزلت ما لكيت أحد وطلعت أتمشى وصلت بيتها ودگيت الجرس بكل قوتي وأجاني صوتها مزعوجه
تماضر ـ أي اي شگوو أجيييينا .
بيداء ـ وفتحته ودفعتها وسديت الباب وجريتها من شعرها سحل للباب المطبخ وهي تعيط واني أسحل بيها .
تماضر ـ ولج عوفينييي الله يأخذج تنكسر أيدج أن شاء الله ولج يمــه لحگيلي راح تموتني يا عالم يا ناس لحگولي .
بيداء ـ قفلت باب المطبخ وملخت شعرها وأضرب بوجهه وعضيتها بكل قوتي ادزيلي صور وتقهريني أدبسزز وين ايدج وين وجريت أيدها وجفصت عليها الا طگت وصرخت بحيث عيونها يردن يطلعن
ـ كسرتيلي أيدي الله ياخذج عوفيني ايدي يمه أيدي راح أموت .
ـ وموتتهم ميته وخلصانه منج وشفت صونده صغيره عالسنك سحبتها وضربتها على افخاذها وهي تصرخ
ـ لا عليج الله لا نائل ضربني بيها والله جسمي مكسر بيداء حبابه يمـــا لحكيلي لالالا يمـــا .
ـ كلما تتوسل اضربها بردت گلبي وهي شبه فقدت ولزمتها من شعرها علمود لاتحجين من يمج وتطلبين منه يطلگني وأني لو أريد من الصبح اتطلگ واعوفلج فضالتي بس دام هيج حقرتي وياي ما أعوفه بس الموت يفرگني عن نائل خلي هذا الكلام ترجيه بأذنج وخلي أمج تفيدج زوجتج لمتزوج وكسرت رگبتج بس أنتِ من زمان ركبتج مكسوره عبالج ما ادري شمصخمه أنتِ وياه قبل الزواج تف على شگلج .
" فتحت الباب وطلعت أعدل بعبايتي هسه أرتاحيت حتى لو أنكتل منه عادي مهم گتلتها وبردت خاطري بيها ، وصلت ودگيت باب بيت خاله هيفاء وطلعتلي لقاء صباح الخير
لقاء ـ صباح النور شو نفسج عالي شنو جنتي تركضين رياضه صباحيه
بيداء ـ أي لعد شعبالج شلون رياضه تخبل
ـ ها زين والله وخلاج نائل
ـ أعجبج أني شلون گتلت تماضر گتله عالريك تريگت بيها فوخت گلبي هيج أنتعاش صباحي أحلى رياضه والله .
ـ خرب بيومج مبدعه والله عمي هاي النسوان السباعيه أي بعد أيدي بس لو گاتله أمها ساس البله جان خوش ولو گايلتي جان رحت وياج أنتِ عليج البنت وأني أستلم الأم اخ الله أمنيتي توكع بأيدي يوم واحد بس بس يوم هي وخالتج
ـ جاييهن الدور ولا يهمج باجر توصلج أخبارهن
ـ لا ولج لاتنكتلين من نائل شيخلصنا لا عمي ما النا دخل عيال بيت بينكم انوب يگول أخواتي يحرضن مرتي
ـ ضحگت عصماء وين لعد
ـ بغرفتها جاي تنظف تصعدين لو أصيحها
ـ لا أصعدلها .
ـ أوك براحتج
ـ وصعدتلها لگيتها مسويه حملة تنظيف على غرفتها هلاو
عصماء ـ هلا عيني شجابج اليوم
بيداء ـ أجيت أبلغج بإنجازات أختج
ـ خير أن شاء الله سولفي گاتله مگتوله
ـ گاتله
ـ أهاا شون بله
ـ وسولفت ألها وگامت تحجي عليه ليش إشسويت
ـ شُـــنوْ إشسويتي ليش تروحليها البيت ليش بهاي روحتج ركبتي الحق عليج بله طلعت حامل وسقطت لو ماتت وراج وأنكسرت ايدها رجلها شتحجين شتسوين مو نائل يسكطج وهو أيده ايد البغل بكف واحد يدخلج مدينة الطب .
ـ ميخالف المهم بردت خاطري
ـ بردتي خاطرج بس ما راح تخلصين راح يرجع عليج ويلومج وأحتمال يضربج، بس أريد أعرف ليش تتصرفين من راسج ودزتلج صور شوفيهن إلّه وبجوز صدك ضاربها مو گالتلج ضربني بيها يعني المره ما مجذبه والصور يجوز بس رادت تحرك بيهن گلبج .
ـ ختولي وحده سمانيه تستاهل لاتخليني أرجع أخلص عليها .
ـ أرجعي ليش عبالج أمها وخالتج يسگتن الج أنتِ بهاي روحتج لبيتها وضربتيها وكسرتيها فتحتي على نفسج باب من جهنم كم مره گلتلج وحجيت وياج عندي شيء حاجي رجلج ما عليج لا بضرتج ولا بخالتج ليش ما تسمعين الكلام .
ـ أهوو عصماء لو أنتِ بمكاني تسگتين
ـ اي أسگت وابلغه بگلشي وخلي هو يتصرف مو اروح اضربها عماوي .
ـ يله سدي موضوعها أني أجيت أشوفج
ـ هلا بيج بس فحطتيني والله شوگت تفض مشاكلج ما أدري
ـ تفض تفض
ـ الله يهديكم ، أبقي لما اروح أنشر الملابس .
ـ تمام طلعت وباوعت بغرفتها مغيره ديكورها وأني من تزوجت لحد الان نفس الديكور من ورى تماضر وامها خربن فرحتي بزواجي ولا خلني أتهنى
ـ هسه اجيج ونحجي .
ـ اوك وطلعت وگمت أفتريت أكلب بمكايجها وخليت حمره ورشيت عطر وفتحت المجر مال المكياج وشفت مسدس!! فزيت ولزمت گلبي مرعوبه وعبرت عصماء من باب الغرفه باوعلتي
ـ شبيج تخشبتي
ـ شُـــنوْ هذا
ـ رجعي ولج وين لگيتي
ـ عافت سلة الملابس واجتي اخذته من ايدي
ـ شعندج تكلبين
ـ ترى فتحت المجر جاي أخلي مكياج وشفته اي شسون بالمسدس مخلينه بغرفتكم!
ـ شنسوي بي يعني نحمي بي نفسسنا .
ـ من منو
ـ من الكل ليش الدنيا تتأمن خالتج من الناس تخوف وأنتِ مو تدرين بسوالفها موو الكلام والعركات صارت كدامج
ـ اي أدري بس مال تكتل خالتج لا مو لهل الدرجه احس لقاء بالغت شجايها تكتل نفس حتى لو ضرتها خوما توصل بيها تموتها .
ـ ليش ما تگتل هي خلت نائل يعادي أخوه وأخواته وسوته خنزيز ما تقتل ما سمعتي رجلج شلون طعن بشرف أخته والصراحه ما مرتاحين
ـ شلون يعني
ـ شسولفج ما اسولف احسن
ـ احجي خوفتيني
ً ـ هيج يمعوده كلها كم يوم ونشيل ونخلص
ـ تشيلون وين تشيلون وليش
ـ باسل بعد ما يضل والصراحه كام يخاف علينا وأني واخواته شايل هممهن وجاي تصير أشياء تخوف متشوفين طلع المسدس ونظفه دنيا تخوف گلشي توقعي
ـ عزه خوفتيني يمه گلبي أحنه شجابنا على هالعائله يعني أذا خالتي هجمت عليكم باسل يضربها بالمسدس
ـ لا خبال مو لهل الدرجه بس هيج للأمان وخالتج ذكيه مو شرط هي تهجم تكدر گلشي تسوي ايدها واصله
ـ يعني شُـــنوْ!!
ـ شلج بهل السوالف مهما يكون تضل أم رجلج يله رايحه اكمل نشر ملابس هسه أجيج .
ـ تمام ، ضمته بالمجرات هذن صايرات سته خلته أول مجر وراحت تنشر الملابس وضليت كاعده وأجتي وسولفنا وأتصل نائل وخفت جاوبته ها نائل أجاني صوته يعيط .
نائل ـ صركاعه وين أنتِ .
بيداء ـ يم عصماء
ـ ولج من الله يأخذج ويأخذ عصماء وياج
ـ شگو
ـ لاخطيه ما تعرفين شگو ، حيوان شلون تروحين البيت وتضربينها وتكسرينها وفوك هذا كله مسقطه الطفل
ـ شُـــنوْ مسقطه منين صارت حامل
ـ منين يعني منين تسوين روحج غشيمه ليش الحاجيج صنم لو شايفتني مو رجال أي حقج لان رجولتي ما مارستها عليج شفتي يمي ريج طيب وأستجلبتي عليه وبظهرج أختج ومكالمات وتخطيطات لما غسلت مخج السكط يا سگط واليوم الأ اسگطج اذا ما سگطج أني مو رجال طالع من ظهر رجال .
ـ جايه
ـ أي تعالي منتظرج
ـ سديت الخط وكمت عصماء منعتني
ـ وين رايحه يخلص عليج ابقي خبله أنتِ تروحين للموت برجليج وأنوب حامل ومسقطه يقضي على عمرج خرب بعقلج بيداء مو گتلج مو گتلج أستلمي هسه
ـ لا أروح أحسن ما يجي البيت يرعد عليج كدام حمواتج هو بدون شيء عباله تخربيني عليه .
ـ طاح حظه وحظ تفكيره ، روحي ورجعي طمنيني بس دبقي هسه باسل يجي
ـ لا يمعوده هما بدون شيء ثاگبه بينهم باي ، طلعت وصلت البيت وبس نجاح موجوده واجتني تركض .
نجاح ـ ولج مصخمه شجابج جان ضليتي يم أختج هذا خبل أجه فاير دمه عليج وأنوب تماضر سقطت ما خله شيء بالغرفه ما كسره ، رجعي ونفذي بريشاتج .
بيداء ـ لا عمه شيسوي قابل وصعدت وكل ظني يحجي ويعصب ما عبالي عنده وجه ثاني وجه ما شايفته عن الوجه العرفته والتعودت عليه الحنون البريء مثل الطفل بحضني بس وصلت وگفت باب الغرفه والكزاز منثر بالكاع وكاعد ويدك رجله بالكاع وشفت بأيده نفس الصونده إليّ ضربت بيها تماضر بلعت ريگ ورفع رأسه وباوعلي ونهض بكل سرعته جرني من أيدي وقفل الباب
وضربني كف من شدة قوته وعلى كلام عصماء الا دم طفر على حايط وأذني وشت قوي وكمت ما احس الضرب منين يجيني ويحجي ويضرب وگلبه محترك بتيزاب مو نار .
نائل ـ شلون تضربينها شلون وتموتين أبني صارلي شگد منتظره تجين أنتِ تموتينه لهل الدرجه وصل بيج الحقد والحقاره ما يبرد ما كفاج موتي أبنها بطنها كسرتي أيدها وصبغتي جسمها شُـــنوْ أنتِ مجرمه كافره ولج اليوم اشرب من دمج گلبي حلفت الا أسگطج .
ـ ضربني وما تعب وجاوبته والدم تارس حلگي ليش تسگطني موتني وخلصني أحسن ولا هالعيشه الوياك
ـ لا يبوي بنت أسكندر وغنيه صارت ما تعجبها هيج عيشه شتردين عيني أعيشج بقصر من ذهب أذا كل هالحب والدلال ما عاجبج لعد شيعجبج وين جنتي عايشه حضرتج بقصر الجمهوري .
ـ أحس ضربني بخنجر بنص گلبي
ـ شوفي ولج تنجبين وتحترمين نفسج وتكعدين بغرفتج والا والله أعيشج عيشة الجلاب والله اخليج تتمنين عيشة أهلج ، يعني اليحبج تستغلين حبه الج وتعذبينه وياج عاجبج أني أتعذب وكلبي محترك منا أبني مات منا جبرتيني أضربج واني بحياتي ما ضاربج ليش بيداء ليش سويتي بيه هيج عندج مشكله تعالي عليه صخمي احجي مو تروحين عليها وتضربينها ولج طايحة الحظ اني البارحه گاتلها علمودج أخ ربيييييي أخ ربييييييي متگولي شمسوي بحياتي ينشلع گلبي .
ـ كعد يأخذ نفس وبقيت نايمه وهو يباوعلي تالي گام رفعني رفسته عوفني وين مأخذني نائل عوفنيي وأمشي روحلها مو مات أبنك أمشي كابل امه يعني بيها امل تحبل مره ثانيه ، ما حجه دخلني الحمام نزع ملابسي وسبحني واني ابجي وادفع بي صرخت بوجهه شوف شمسوي بجسمي شوهتني عوفني اطلع برى
دفعته وقفلت باب الحمام وكعدت الطم على وجهي .
" مرت ساعتين دك الباب ما جاوبته ضل يدك وراح وگمت سبحت وباوعت بالمرايا ولبست ملابسي بعد ما أضل لهنا وبس شنو جاريه وصلت بيك تضربني يا نائل وبدون رحمه بسيطه .
طلعت نظفت الغرفه وغسلت والكزاز ضل بالضاله لان تعبت ما بيه انظف رجعت تمددت وكمزت على صوت سليمه يعيط .
سليم ـ شُـــنوْ هالوسخ شُـــنوْ القذاره جايفه وسخه بس الصوج مو الج الصوج اللي مربيج موو نسوان بنات بيوت عبالك جايبينج من الشارع .
بيداء ـ فتحت الباب وصحت بي شگو تصييح شگوو مأخذ الدنيا حوض وتغلط وتسب بگيفك بنات الناس مو لعبه عندك وأمي التحجي عليها تروح فدوه لقندرتها مسوي روحك رجال وتحجي على بنات العالم سليمه تگرفك ، تقرب وضربني وكام يغلط ويسب بيه
سليم ـ أدبسزز عليمن هالحجي عليمن .
بيداء ـ عار رجع جرني من شعري وكعني عالكزاز وتأذيت وصرخت حقير نذل لحگولي يا أهل البيت لحگولي نائل وهو تخبل گبل عافني وأبتعد عني مصدوم من صوتي عباله أخلي يضل يضربني بكيفه وصعد الحقير وشافني نائل تخشب من المنظر وباوع على عمه
سليم ـ ادبسزز عاهره ، وأنت اذا رجال طلكها وخل امها تربيها وحده ساقطه بنت شارع مو مثلها .
بيداء ـ كلمة أدك بگلبي جاوبته أي هسه صرت عاهره من دافعت عن شرفي صرت بنظرك عاهره ، عمك يحجي عليه بس لان منعته ، تقرب نائل على عمه لزمه من قميصه وعاط بي
نائل ـ عمي شمسوي شمسوي
سليم ـ وخر ايدك لك تصدك بهاي الساقطه
بيداء ـ ماكو ساقط غيرك
نائل ـ شلون تعدي على مرتي شلون
بيداء ـ سليم ضرب نائل وعاط بي
سليم ـ تشك بعمك ولك واني وياك ربينا سوه وسرنا واحد ولكمتنا وحده تشك بيه يا حيف تعبي بيك تجي وحده مثل هاي تخربنا وتشوه سمعتي بس العتب مو عليك انت حظك ما عرف يحوي بس أشكالها .
بيداء ـ سليم نزل يصيح ويحجي ونائل دخلني الغرفه وقفل الباب يله بعد أحسن صارت هالمشكله ووصلنا الطريق ما منا رجعه وضليت بالغرفه وأصواتهم عاليه والصوت صار قريب
سليم ـ والله ما اضل بالبيت بعد والله خبل عاقل أعيش بيت بي وحده مثل هاي والأفندي رجلها مصدك بيها ومكذبني وأني عمك ولك عمك اني ربيتك بكل شبر بنذر تصدك بمرتك وتكذبني والله شنو تكره مرتي ليش اكرهه شعندي وياها بس مرتك عوجه ومخربطه وسخه ولسانها قذر واني هذا الشغل ما عاجبني .
" واليوم سوتني معتدي عليها باجر عكبه تحبل نفسها مني لا عمي شلي بيها اروح يم خوالي واتزوج واستقر أهنا وخلي البيت الكم اشبعوا بي .
بيداء ـ روحه بلا رده لو محترم نفسك منو يمك أنتَ
گمت خابرت عصماء حجيتلها وهم گامت تحجي عليه
عصماء ـ غلط تصرفج وعيب ليش هيج سويتي بعمه يحجي خل يحجي هو هذا طبعه المفروض منج تحترمينه اذا حجه رجال جبير وعقله هيج شتسويله گمتي خليتي عقلج وياه وسويتي سالفه شكبرها وهج من البيت بسالفة تصخم الوجه ووياج يبوه شگد عيب
ـ ما تسكتين أنتِ الثانيه تررى أني مو حجر ياهو يجي يضربني ما كافي نائل ، قطعت الخط وبقيت كاعده وهو ما أجه ولكيت أمي متصله عليه ها يمه
غنيه ـ ولج شمسويه
ـ شگو
ـ ما تدرين شگو الله يغضب عليج على هالسالفه خالتج خابرتني وگالتلي على سوالفج ليش هيج مسويه تردين تصخمين وجهونا بين الناس الغربه .
ـ ما سويت شيء
ـ أي طبعاً ما سويتي شيء صلفه من يومج ليش أنتِ تخافين من أحد لو يهمج أهل وسمعه هاي أنتِ من دور مالك وربع مالك عادي جاريات على گلبي أنوب بين ناس الغربه فضحتيني .
ـ يمه إسمعيني بالأول
ـ ولج شسمع منج وأنتِ سوالفج ما تسولف ضاربه ضرتج ومسقطه الطفل وأنوب على عم رجلج مو عيب رجال شگد شگبره تغلطين عليه وتسبين اهله وانوب لطشتي عليه سالفه تصخم الوجه يبوو يبوو ولج تالي وياج ويه سوالفج ما اخلص ما ارتاح عاد الا اطمج .
ـ بس يمه والله هي خبلتني وسليم يغلط عليه وحجيه الها وكالتلي
ـ حتى لو تكعدين وتسگتين حلگج ما تفتحينه لعد شتردين يسگتلج وأنتِ موتي أبنه بطن أمه والله نائل عاشت أيده خل يضربج ويربيج لان اني ما ربيتج ضليت ادلل بيج لما تفرعتنتي عليه .
ـ بس يمه
ـ لازم ما شبعتي من سوالفج ويه مالك ومهيب رجعتي على سليم تلزكين بي وتخلين العالم تعلج بلحمنا عبالج يصدكونج لا يا يالعوبه تصدگون أبنهم أنتِ شيعرفون منج بس أني أمج وأعرفج تعلميني بيج هذن سوالفج جاريات على گلبي .
ـ تعييريني يمه
ـ أي أعيرج بلگي أطخ برأسج وتصحين على وگتج لأن أنتِ من غلطتي محد دگ عظامج ونعنعج وأني أول وحده صفگت وياج لان ما ردت ننفضح وردت أزوجج وأسترج وأطم سوالفج وخياسج ولج أحمدي ربج الله أنسترتي بهل الزواج وما أنفضحتي ودزلج نائل ويحبج وعايشه بعز ودلال ارضي بعيشتج وانجبي لو تردين تتطلگين وتجيني بأحلامج .
ـ يمه گافي فدوه أروحلج وخلص أني غلطت قبل وهسه وأحجي عليه ميخالف بس لاتگولين أليهّ أكعدي وأسگتي يمه گلبي ورم من هالعيشه تعبت وحق الله تعبت .
ـ وشبيها عيشتج شو مدلله منو عايشه مثلج
ـ يمه مو عالدلال يمه نفسيتي أفهميني يمه أنتِ أمي حسسسي بيه يمه تعبانه .
ـ نفسيه وشبيها نفسيتج تححيين بسوالف الطب والموبايلات والنفسيه والنفسيه شو مو عايشين وساكتين وهاي كلمن تصير مشاكل هي ورجلها وعيالها وتمشي لأهلها شطلعت هاي .
ـ يمه إسمعيني وأفهميني يمه تعبانه محتاجتج محتاجه حضنج تعالي أخذيني لان نائل ما يجيبني الكم
ـ لا أجيج ولا تجيني كعدي وأنجبي
ـ يمه فدوه اروحلج فدوه أفهميني حسسي بيه يمه
ـ حسي بيه هذا دلال شو عوفي هالمهجوم ونزلي على عيالج تعذري منهم ومن رجلج يله يله
ـ يمه
ـ وجعة أبو أمي تشلع أفادتج زين لو لا ، لاتعلين گلبي بيداء .
ـ قطعت الخط وخليت رأسي عالمخده وبجيت لا أهل يسمعونك لا حبيب يفهمك لا عيال يحترمونك المن عايش ما ادري بس أذيه وعذاب .
ضليت يوم كامل بالغرفه وهو ما وصلني ولا أحد سأل عني لثاني الظهر انفتح الباب ودخل هو باوعتله أخذ ملابسه وطلع للحمام
نائل ـ عمه رحمه على أهلج أصعدي لمي هالكزاز ونظفي الفوك ترى خايس
بيداء ـ أنقهرت من كلمته وعصماء تراسلني حجيت الها على سوالف أمي وعفت الموبايل ودخل رش عطورات وطلع راحلها يمكن مصدك مرته سقططت والله متأكده هذا فيلم أنتجنه وهو الفطير بسرعه يصدك .
وثاني يوم رحت الدوام ويه هدير وضليت ثلاثة أيام اروح واجي وهو بالبيت لان عرفت تماضر أهلها مأخذينها ومبينه أخذوها يضغطون عليه ومنا طلعن خوش فيلم
والمره بيها خلفه ويصير كل الضغط عليه واضح شنو طلبهن ما يحتاج سؤال ، يردن يطلگني علواه يطلگني وأخلص منه ومن أهله وساعة السوده الدخلت لهل العائله .
لبست وكملت قبل لا أطلع دخل هو وباوعتله صد وجهه رغم كل حقارته وأذيته بعدني أحبه وأشتاقله تمنيت يحضني ويطيب خاطري لكن لبس ونزل وعافني ورحت الدوام وأشتغل والهي روحي وكاعده أسوي تخطيط قلب لمريضه وگملت وهي طلعت وحسيت وگف خيال كدامي رفعت رأسي مهيب!!
مهيب ـ هلا والله هلا بالغايب وأعذاره وياه!
بيداء ـ بلعت ريگ وتوترت وخفت لان نظراته تخوف أبتسمت مجاملة هلا مهيب شجابك!
ـ شجابني مو والله سألي نفسج هالسؤال أنتِ أعرف
ـ شسأل يعني تقرب عليه لزمني من ايدي وضغط عليها بقوه واحاول اخلصها مهيب عوفني جاي تأذينيي
ـ أني أسألج جنتي تلعبين عليه وخوش حجيتلي تمثيله وخليتني اصدگج وأهلي كشفوني وعاقبوني وأني أمر بمشاكل وظروف صعبه مو هذن الحجيتهن اليّه .
ـ مهيب
ـ طلعتي ممثله محترفه وبعدها طلعتي مشكله عالخط ويه واحد ثاني وخنتيني وياه وداخله بعلاقة حب قويه وعميقه ويه أبن الصايغ الذهب الأستاذ نائل عبالج ما الكاج نبشت العراق عليج نبش ولكيتج وبس الله يخلصج مني والله بس الله يخلصج مني يا بيداء تلعبين عليه أني مهيب نار تلهب لهب .
ـ عوفني مهيب هذا مكان عمل ودخلت صديقتي وصاحت عليه هو گبل أبتعد
سرور ـ شمدخلك شتريد منها عوفها لا اوكف اصيح الامن يتصرفون شنو عصابه أنت .
بيداء ـ دفعها طلع وهدير اجتي
سرور ـ خوما سوالج شيء أحجي اوكفي اروح ابلغ الامن عليه يشحطونه شنو وين عايشين احنه بغابه .
بيداء ـ لزمتها لا عوفي خل يروح هيج ما صار شيء .
هدير ـ شگو بيداء شبيج خوفتيني .
بيداء ـ هيج ماكو شيء
هدير ـ يا ماكو شيء كلها ملتمه يم الباب شصاير
سرور ـ هذا واحد واحد متهجم عليها وشكله مافيات احجي منو هذا مريض لو شُـــنوْ .
بيداء ـ كعدت تحجي لهدير وعفتهن وطلعت مختنگه منين طلعتلي ناقصه مصايب أني يربي شكله ما ناويلي على خير كلامه ونبرته ونظراته تخوف وترعب .
طلعت باب المستشفى وشفته لابس كاسكيته
عرفته لان الكاسكيته وشگله شكل مافيات بلعت ريگ ورجعت وصديقاتي يسألني هيج ماكو شيء خربطت بشغلي وهو يلح عليه وتلاغينا واني لساني فلت عليه
سرور ـ لا بعد ما يگدر يدخل المستشفى وأذا غلطتي شنو يلزمج هيج مال واحد مجرم .
بيداء ـ سگتيي گافي عاد ترى بالغتي على أساس ما صايره يتهجمون على الدكتاتره واني الغلطانه سدي الموضوع .
سرور ـ كيفج علمودج اني .
بيداء ـ ضليت خايفه لما خلص الدوام وطلعنا وهنا يمشن كدامي وأني وراهن وشفته منزل كاسكيته ويدخن وغمزلي دخل الرعب بگلبي صعدت وهو عيونه عليه وگبل صعد السياره وطلعنا واني من يم الجامه وباوعت ورانا مُباشرةً وهدير تباوعلي سويت روحي طبيعية بس ميته خوف .
هدير ـ بيداء بيج شيء
بيداء ـ هـا لا ما بيه شيء ليش
هدير ـ هيج سألت لان من طلعنا أنتِ صافنه
بيداء ـ لا بس تعبانه ، تجاهلت نظراتها لان من صُدك مبين عليه القلق والتوتر وصلت البيت گبل صعدت بغرفتي حتى سلام ما سلمت ، قفلت الباب وأخذت نفس وأحس گلبي يريد يوكف مهيب يربي منين طلعت ما مخليتك على بالي والله وليش هيج يحاجيني أني شسويتله ، طلعت غسلت وجهي بماي بارد ودخلت خابرت عصماء جاوبتني هوسة بناتها أبتعدي عن بناتج أريد احجي وياج گلشي ما أفهم منج .
عصماء ـ جاي أنومهم من يصعد أبوهن ما ينامن يضلن يلعبن وياه وهو تعبان يريد ينام هالساعتين ويروح المحل .
بيداء ـ الله يحفظه الهن ، أكول خليج وياي هسه وعوفيلي باسل وبناتج .
ـ خير شبيج هم تعارگتوا أنتِ ونائل؟
ـ لا لا مو نائل بس أني واكعه بمشكله
ـ أسم الله مشكلة شُـــنوْ يا ستار .
ـ أگوو أحد يمج حمواتج أي أحد
ـ لا أني بغرفتي أحجي خوفتيني
ـ مهيب اليوم أجاني لـ المُسِتشفى .
ـ شُـــنوْ تشاقين ، مهيب مهيب
ـ أي مهيب
ـ وشجابه خاف أنتِ رجعتي تحجين وياه حنيتي إلّه ولسوالفج مو أي حنيتي .
ـ لا صخام شحن حن اله ملك الموت خل أحجيلج بالأول گبل گمتي تشگين بيه مو تدرين أني گلبي وعقلي بس عند نائل .
ـ هسه أحجيلي عن سليمه شيســوي جاي عليج .
ـ حجيت إلها كُلشي وسگتت عصماء شو سگتتي
ـ هذا منين طلع إلج يمصخمه وشيريد منج
ـ مـا أعرف هو أني اسألج مو ترجعين تسأليني لان شگله ما ناوي على خير
ـ شُـــنوْ قصده بس الله يخلصج مني
ـ شمدريني گمت أخاف .
ـ باسل اجه بعدين بعدين .
ـ راحت وصلتني رساله من حساب مجهول وبدون صورة البروفايل .
مهيب ـ اليوم من شفتج شگد حاقد وقاسي عليج رجعت حنيت وأشتاقيتلج وأذكرت أنتِ متزوجه رجعت حقدت عليج .
بيداء ـ ما جاوبته رجع دزلي صورة شورابه مخلي جگاير بحيث الجمره مبينه مهيب منين جبت حسابي
ـ ليش بس حسابج جبته جبت حسابات العائله الكريمه كلهم زوجج نائل وأخوه باسل وبعد ذكريني ها أبن عمهم الحاصل كلهم يمي بلمسة أصبع تتبخرين! .
ـ ليش هيج صاير
ـ بسببج بسبب إللّي سويتي بيه شُـــنوْ نسيتي
ً ـ بس أني ما سويت شيء .
ـ ما بيه أكتب أريد أتصال أريد صوتج عطشانلج .
ـ ما أكدر
ـ مشگلتلج والله أريد صوت يله
ـ مهيب لاتصير حقير ما أعرفك هيج وأتصل ورفضته
ـ قسم بذات الله أيا بيداء ذا رفضتيني مره ثانيه لو تفكرين تحظريني مجهز گلشي بثانيه وحده برمشة عيني أرسل گلشي لكل عشيرة زوجج فه صيري حبابه وجاوبيني على الأتصال يله .
ـ أني بالبيت مهيب
ـ دبري وضعج راح أتصل أذا رفضتي أعتبري البرأسي صار
ً ـ أتصل وجاوبته والدم جمد بجسمي وأرجف وأبجي ها
ـ أوف على صوتج أوف ولج خاينه ساقطه مو جنتي ملكي شجابج على هذا البغل شليگتي بي ما لكيتي بيه شو أني احلى منه وعندي شخصيه أكثر من كل أهله والفلوس العنده عندي والحب العندي يغطيج أنتِ وياه
ـ مهيب
ـ توسلي بعد
ـ مهيب الله يخليك أرجع نفس قبل حنين وتخاف عليه
شتريد مني اني تزوجت لاتأذيني الله عليك
ـ أنتِ كلتيها قبل مو هسه ، مهيب أنتِ قتلتي وبخيانتج خلقتي واحد من ضلع وجع وخيانه كرهت النسوان من دگتج الناقصه بيه سسسافله مو جنت مدللج فرعت گلبي وخليتج ومرتي وجهالي عفتهم من وراج شلون هيج تسوين بيه شلون .
ـ بجيت
ـ لو تبجين دم گلبي ما يرف عليج ولعلمج مـا عندي شيء وياج بس أبرد نار گلبي وهاي هي .
ـ ما فهمت
ـ أريدج يمي .
ـ وسمعت صوت أجه اجه
ـ وين موليه بس تسدين الخط أفتح باب گبرج
ـ ما أكدر باي
ً ـ أرجعيلي منتظرج
ـ قطع الخط ونائل يدك على الباب قفلت الموبايل ومسحت دموعي باوعت المرايا وفتحت الباب وباوعلي
نائل ـ ليش قافله الباب .
بيداء ـ جنت أريد أنام
ـ وتنامين تقفلين الباب!
ـ أي محد يمي ومن سالفة عمك سليم گمت أخاف
ً ـ وليش لحد الان ما مغيره ملابسج .
ـ تعبانه وگلت بعدين
ـ تغديتي
ـ أي أكلت بالمُسِتشفى ،خلصت اسئلتك .
ـ لا
ـ مشيت أحاول أتبتعد من كدامه لان هو بسرعه يلاحظني ويدقق بوجهي تقرب رفع حنجي باوعت بعيونه تمنيت يحميني من گلشي
ـ شبيج
ـ أبتعدت وفتحت الكنتور طلعت ملابس ما بيه شيء
ـ أكيد
ـ أي شگو قابل
ـ ومنو هذا جايج المُسِتشفى يتهجم عليج وليش ما خابرتني ما حجيتلي عنه .
ـ هدير گالتلك أعرفها ما تسگت
ـ أي هدير لان أني موصيها عليج
ـ ليش أني صغيره توصيها عليه لو تشك بيه وما عندك ثقه بيه مخليه مراقبه عليه وتنقل ألك أخباري .
ـ انجبي شُـــنوْ هالحجي من يمتى أني ما عندي شاك بيج لو ما عندس ثقه بيج احجي عدل لا اكسرلج حلگج
بس حجتلي لان خايفه عليج
ـ لاتخاف عليه مجرد مشكله بسيطه وأنحلت
ـ أي وهل المشكله أول وأخر مره تنضم عليه فاهمه
ـ تمام ، مشه وين تروح
ـ أروح شو ضال ماطول تضمين عليه
ـ بس الموضوع عادي ومجرد مريض ما اعرف ليش هدير كبرت الموضوع .
ـ لا باجر أروح المدير المُسِتشفى وأفهم منه
ـ لا لا مـا يحتاج والله وأذا رحت تكبر الموضوع واصير سالفه بين الكادر الطبي لان هو مجرد مريض لح واني ما تحملت وفلت لساني عليه .
ـ ولسانج عالمرضى هم وما سالمين منج الله يساعدج گلبي .
ـ خليك لاتروح ما جاوبني وصل الباب نائل بعدك زعلان مني
ـ ليش أليّ سويتي قليل ورجال غيري من ساعتها طلگج وشمرج بيت أهلج
ـ تگدر تسويها
ـ لا ما أسويها ولا راح أسويها كسرتج مره ما أكسرج مرتين .
ـ عافني وطلع وكعت بالكاع بجيت وراسلت عصماء بلغتها بكلشي عصماء خلصيني ساعديني سويلي أي شيء .
ـ شساعد منج أنتِ ما ساعدتي نفسج أني أساعدج والله ما ادري شسوي عقلي وگف حيلي يرجف هذا وين جان هسه طلع الج وشعنده هيج يهدد ويخوف بيج
ـ گلشي عنده هذا سليمه .
ـ يعني موثق اللي صار بينكم
ـ ما أعرف ما كالي بس اشك هيج لان واثق من كلامه
ـ أفهمي منه أخاف فارغ وشافج بسرعه أستسلمتي وخفتي گال خلي أستمر وأخوفها وأنتِ شدعواج هيج بينتي اله الخوف ونرعبتي منه .
_______________________
ـ أني من ورى نائل ما أريد اكسره وأحجي ويه رجال غيره تفهميني نائل روحي من الدنيا أموت ولا أخونه .
ـ منو گايلج تخونينه بس أنهي گلشي وحذفي حسابج خيولي فارغ وبعد لاتراسليني باسل بالبيت وأخاف يشوف رسائل الا أني اراسلج تمام
ـ لاتروحين وتعوفيني فدوه .
ـ سوي اللي گتلج عليه فارغ والله .
ـ تمام راحت أجيت أحذف الحساب لكيته دازلي صوره گبل غضمت عيني ليش هيج تسوي بيه حرام عليك
ـ تحرم جثتج أدبسزز جنتي تلعبين لعب بالفلوس وهسه شبعتي ولكيتي نائل أبن الصايغ يابه وأنتِ وهذيج أختج الحيه هم شلون متزوجات زواج على طمع الأثنين أخوان واحد يشتغل صايغ والثاني تاجر سجاد ومفروشات
خوش صيده مو ، بس سهله .
ـ ليش لحد الان محتفظ بصوري أعتبرها غلطه
ـ الغلطه مره مرتين ثلاث ، لو شتگولين حبيبتيَ .
ـ مهيب لاتصير حقير
ـ صرت وخلص يله تعالي أتصال
ـ ما أكدر
ـ تعالي لاتخلين شيطاني يتخبل عليج وأسويج حديث هذا العام والله أسويها .
ـ مهيب
ـ بيداء لاتعانديني .
ـ أتصل وجاوبته وهو يحجي وأني ابجي الله يخليك مهيب الله يحفظلك أطفالك
ـ ليش ضل عندي أطفال المره طلگتها والحضانه صارت الها والبيت وحتى الأثاث گلشي وكع الها لان أني طلگتها علمودج ، حذفتي گلشي وضيعتي أخبارج عبالج ما الكاج الظاهر ما عرفتيني زين من أخلي شيء برأسي أقفل عليه وأني قفلت عليج جنت مستعد گلشي أسويلج للخارج أخذج وين ما تردين أروح وياج بس ما توقعت أنغدرت منج وجنتي تبيعين عليه مثاليات وما أتزوج متزوج لعد هسه شنو حبيبي شمتزوجه طلي ، مو عندج ضره شنو الفرق بيني وبينه هااا شُـــنوْ الفرق احجي
ـ يصيح عليه مهيب
ـ ولج من كبر يلفج ويلف مهيب وياج من ساعه رحتي وعفتيني دعيت عليج الله يأخذج ولا غيري يأخذج ولج شسويتي بيه أيام وليالي افكر بيج خسرت گلشي وراج أهلي ما يعترفون بيه تعرفين ليش لان سربت مرتي وجهالي علمود ساقطه مثلج وأبويه سحب گلشي من ايدي وسلمه لطليقتي شايفه هيج ما شايفه حقج لان أني الخسرت وخسراتي جبيره لا ربحتج ولا ربحت عائلتي ولا أهلي وأدور عليج والكاج متزوجه وعايشه عيشة ملوك ومهيب نايم بالفنادق والشقق ها بيداء هو هيج الحب بنت الكواويد هيج الحب عادي عندج تحبين وتعلقيني بيج وتروحين تكملين حياتج عادي اجاجيج
ـ لا لا ، لا يحجي ويبجي أرحمني وارحم روحك
ـ مشكلتي الوحيده بعدني أحبج بس ما أكدر لبيه ما يخليني أذا ما أعيشج اللي عيشتيناه ، بيداء روحي بعدين أخابرج ، ديري بالج تحذفين الحساب .
ـ سد الخط وبجيت ولطمت يربي طلعني من هالمصيبه وگعت على رأسي شسوي بعمري بلغت عصماء بگلشي شسوي دزلي صورتي ولج شسوي
ـ مو گتلج لاتراسليني باسل يمي شگو دازتلي جرايد
ـ بس هسه راح المحل ليش باقي يمج
ـ وأني أنطيج تقرير باقي لو رايح
ـ لا گولي گمتي تخافين على نفسج
ـ وليش مـا أخاف هاي سوالفج شوفي وين راح توصلنا ياما حجيت ونصحت وحذرت ما سمعتي من أحد وحاولي وياه وگتلج حذفي حساباتج ليش مبقيتهن وليش أصلاً تجاوبينه لـو عاجبج
ـ يا عاجبني شبيج أنتِ ، بابا جاي أموت بالثانيه ألف موته تعرفين شنو عايشه برعب وتهديد مصيبه عصماء مصيبه شسوي ساعديني فهميني ارشديني اني دايخه.
ـ شمدريني شتسوين ما جان تحجين لنائل وتفهمي قبل لاتوصل الأمور لهل المواصيل صوجج ما حجيتي اله من البدايه وهسه جايتني شسوي شمدريني يوميه جايتني بسالفه ما خلصت مالك وسوالفج وياه وهجم حياتي وكلهن صارن عند باسل وهسه عندما أريد استقر طلعلي مهيب وصورج وبلاويج السود من الله يصخم وجهج هاي سوالفج ويوميه حابتلي واحد ما حكمتي عقلج ويوميه فاتحه گلبج ودازه صورج عبالج كلهم بيهم أمان وبسرعه تثقين وتنسين الأهل والسمعه والشرف بحجة الحب تنطين گلشي هو الحب هيج يا بيداء هيج وهذا ماضييج ما غلقتي دفتره رجع يلاحكج للمستقبل
ـ ما ناقصه هالكلام أريد منج تساعديني
ـ عوفيني بيداء البيه مكفيني ، مشكلتج وأنتِ حليها احجي لرجلج شتسوين سوي بس أني لادخليني يصير ما يصير رجلج لسانه فضاحه يرجع عليه وهو وأخوه عدواه حرام يركصلنا بجفيه ما ناقصه والله كافي هو دايخ وشايل هم أخواته ترى حمله ثكيل ما ناقص تطلع النا سالفتج تخرب أحوالنا رجاءً أعفيني ولاتراسيلني بعد
ـ ليش هيج عصماء بگلشي أنتِ وياي ليش هسه تتخلين عني ليش مو أنتِ أختي والأخت ما تتخلى عن أختها وليش ما اراسلج لعد المن اروح وامي طردتني ونائل زعلان مني وأذا احجيله ما اعرف شيصير بيه وأني اموت ولا ينكسر وينخذل بسببي گلشي ولا نائل يتأذى مشكلتج ما مصدكتني وما تدرين بيه شگثر احب نائل وليش من جنت احجيلج عن خالتي والمشاكل التصير وشنو تحجي عليكم تسمعيني ليش من وصلت لمشكلتي ومصيبني انسحبتي .
ـ لا ما أكدر أساعدج بشيء ومن زمان باسل منعني وهسه أذا عرف يرجع عليه حتى لو أُختي والغلط منج سگتي أكو ماضي يندفن وما ينحجي بي واكو ماضي جريمه تسكتين عنه مثلج هسه وما عندج حل غير تحجين گلشي لنائل وهو يحل الج المشكله
ـ أنتوا ما حجيتوا اله تردون أني أحبه وروحي بي أحجيله
ـ بكيفج بعد
ـ عصماء الله يخليج لاتعوفيني
ـ باي أروح أشوف بناتي .
ـ راحت ولكيته دازلي صوري ومقاطع شفتهن ورجع حذفهن
ـ شفتيهن حبيبي .
ـ اي
ـ يله راح أروح عندي شغل اليوم ما اراسلج أرتاحي مني
ـ الله يخليك مهيب عوفني بحالي خليني عايشه حياتي
ـ بعدين نتفاهم على هالموضوع هسه عندي شغل .
ـ راح وقفل حسابه ونائل زعلان وحتى للبيت مـا يجي راسلته مشتاقتلك وأحس بروحي ضايعه من دونك يهون عليك يُطول زعلنا والله مخنوگه من دون أنفاسك .
ما رد عليه ونمت والصبح رحت الدوام وشفت باب الأستقبال مفتوح باوعت شفته نايم بالكاع تقربت عليه وبسته وشميت عطره ومشيت وأستمر حالي عايشه بخوف وقلق ما أعرف المن اروح ونائل معاقبني وبعيد عني والله تعبت من دونك تعبت ، رجعت البيت وعرفت أيناس ماتت بحادث وغيرت ملابسي ورحت الهم ويه خالتي وأباوع الهم شلون يبجون عليها وبالأخص ليث حيل متأذي عليها وباوعت على نائل وتنهد وصفنت عليه أذا أموت هم هيج يسوي وراي !
شالوها وشفت عصماء وسألتني ماكو شيء جديد مختفي گال عندي شغل
عصماء ـ حجيتي لـ نائل .
بيداء ـ لا ما أحجيله
ـ لعد شتسوين .
ـ الله كريم ، شفتي أيناس شلون ماتت هيج فجأه لا عاالبال ولا عالخاطر قبل يومين شفتها تغسل باب الحوش وسلمت عليها وهيج بثواني خطفها الموت والكل يبجي ومقهور عليها بس هما يدرون هي خلصت وأرتاحت من هالدنيا وناسها التخوف حتى الأخ مو كفو ماكو سند لا أخ ولا أخت ولا أهل ولا حتى زوج وحبيب ماكو الا نفسك وحيد وضايع ، خلصت وراحت اهناك نيالها .
ـ كافي تخربطين بسوالفج لا أحد يسمعج .
ـ سگتت وگمت وشفت تماضر ونظراتها ما تبشر بالخير تجاهلتها ورحت البيت لان حسيت روحي مخنوگه بس أريد انام دخلت غرفتي عفت الباب مفتوح ودخلن عليه هي وأمها شتسون داخلات اطلعن من غرفتي .
تماضر ـ عبالج بس أنتِ تضربيني لا حبيبي الج وحده نفسها .
بيداء ـ أطلعن برى برى تقربن عليه وحده لزمتني وحده تضرب بيه عوفني نائل نائل الحگلي
نجاح ـ محد يسمعج لعد تكسرين أيد بنتي وافوتها الج
بيداء ـ بنتج هي مو أدمي وشمدريني بيها حامل ما جان تحترم نفسها وتسگت ليش تتحارش بيه .
تماضر ـ يريي مصدگه هو وينه الحمل بس حجينا هيج علمودج أنتِ يالساقطه ويرجع يضريج يبردلي گلبي بيج وأن شاء الله عن قريب يطلگج واضل بس اني مرته ونزرع طفل انانيب وأنت تزوجي وخلفي طبج مرض مهم تطلعين من حياتنا .
بيداء ـ ضربني وطلعن وتوقعت كذبه منهن بس هو ما صدگني ، گمت سبحت وكعدت بالغرفه ابجي وجسمي موجوع وراسلته نائل تكدر تجيني تعبانه گبل جاوبني
نائل ـ وين أنتِ
بيداء ـ بغرفتنا أقصد غرفتي لان أنام بيها لوحدي
ـ جايج .
ـ نمت وشويه اجه مرعوب وحضني ويشوفني مصخنه بسته من خده نومني بحضنك مشتاقتلك مشتاقه لريحتك .
ـ شبيج تهلوسين مصخنه .
ـ أي مصخنه مريضه على فراقك .
ـ هسه أقفل الباب وأجيج
ـ گام قفله وأجه وحضني ويبوس بيه وأني كذلك بس اني بخبال احبك نائل أحبك أعشقك .
ـ وأني هم نامي وأرتاحي .
ـ سامحتني
ـ نامي
ـ ترى تماضر مو حامل لاتصدك
ـ رجعنا
ـ لا ما رجعنا بس هي وأمها حجن وگالن حجينا هيج علمود يرجع عليج ويضربج .
ـ سدي الموضوع
ـ أسده بس ردت تتأكد لاتخليهن يضحكن عليك
ـ گافي نامي وأني هم أريد انام تعبان .
ـ تمام ، حضنته ونمت واني ابجي وأفكر أذا رجع مهيب شيصير على شُــنو ناوي ونائل شلون اذا عرف وهيج ضليت أفكر لما نمت هاربه من الواقع وأتمنى ما أصحى من النوم ولا أسمع صوت مهيب ولا أشوف رسائله وتهدايدته ما أريد كلشي بس حضن نائل والأمان البي بس نائل ما أريد كلشي بس هو .
_____
عصماء ـ الحياة محطات وكل محطة بيها رحلة طويله وتحمل معها الكثير من الحزن والقليل من الفرح لا أعرف اين هي وجهتي وهل أنا أخطأت أم أضعت الطريق تمنيت لو يرجع الزمن وأصلح ما فعلته بس دقيقه وحده وأصلح خطأي الوحيد الذي نادمه عليه بعد فوات الأوان
من بعد وفاة خالتي هيفاء صار البيت أظلم جانت خيمه وجامعتنا وباسل حيل تأثر بعد وفاتها حتى تغيير واهس للحياة ما اله عايش الحياة بروتين وبس ودائمًا صافن ويفكر وشايل هم لأخواته خالتي وصته عليهن خاصه عمي منتهين منه ومصدومه بي بكل مشكله تصير هو يضل ساكت ما اله أي موقف حتى بإخر مشكله صارت توقعت موقفه حازم وقوي بس مع الأسف وين هذاك عمي الصوته عالي ويكعد ويه خالتي ويحجي ويناقش ، الله يرحمها احس من بعد وفاتها أنكسر حتى نظراته النا مليانه حزن ومن يجي يروح لغرفتها ويقفل الباب ويضل كاعد بالساعات لوحده يمكن هالسكوت سببه وفاة خالتي يحس نفسه هو المذنب وماتت
وهو ما يحجي وياها .
نومت البنات وأجيبت يمه صافن فتحلي إيده ونمت باسل شبيك صارلك فتره وضعك ما عاجبني .
باسل ـ نائل
عصماء ـ شبي
ـ مــا ناوي على خير وهو سميع الظاهر أمه جاي تقرأ برأسه أجاني اليوم هو وعمته وتماضر للمحل يريد يأخذلهن ذهب ويمشي عباله مفتح بسطيه وأني منعته گتله أذا تشتري ميخالف بس مال هدايا وبهذاك الحساب ما أقبل لو تدرين شسوى لما عمي كريم جان كسر المحل وأجه أبويه حجيتله ما رضى كام يحجي عليه
وأني تعبت من هالوضع وصاير يهدد .
ـ يعني شُـــنوْ وإذا يهدد خوما يسوي ألك شيء
ً ـ لا شيسوي فارغ هذا ، بس أخاف على أخواتي من أمه هاي گلشي تگدر تسوي وأني طول اليوم بالمحل وبالي مشغول عليجن حتى على بناتي أخاف منها لايغيبن عن عينج ولا ثانيه عصماء ولا ثانيه .
ـ يمي كل الوقت ، وتالي تضل عايش بهل القلق والتفكير ، دام هي ما ناويه على خير .
ـ لا يابه أبعد عن الشر وغنيله وأمي قبل لاتتوفى جانت أبالها ما تضل نبيع البيت ونشيل حتى لو نأجر وهسه أجه وگتها بس بالأول أحاجي أبويه ينطيني حصتي لان هيج ما تفض يوميه مشاكل ولقاء مـا تسگت الها وأخاف عليهن بغيابي لاتسويلهن شيء .
ـ الله كريم عيني حاجي عمي ويصير خير باوع بوجهي
ـ هو أنتِ الخير كله ، أحلى خير شفته بحياتي كامله مكمله فدوه لعيونج أنوب جابتلي بناتها نسختها .
ـ حضني ويبوس بگصتي أنت نعمتي بكل صلاة أشكر ربي عليك وعلى وجودك ربي يحفظك النا نام ولاتضل تفكر أكو رب عينه ما تنام هو يحمينا .
ـ ونعم بالله .
ـ ونمنا ومر وقت قليل وأسمع أصوات غريبه خطوات واحد يمشي عالدرج سريع بلعت ريگ وگمت وقبل لا أنزل رجلي من الجربايه خيال قريب من يم الباب وگأنما يباوع النا من زرف الباب ندهته بكتفه فز
باسل ـ شگو
عصماء ـ أشرتله على الباب وگبل أختفى وباسل كمز من الجربايه أوكف لاتفتح ، وسمعنا صوت خطوات مشي سريعه ودبيج عالسطح وباسل يريد يطلع وين .
باسل ـ أبقي يم البنات هسه أجي
عصماء ـ ما أعوفك والله بلكي حراميه .
ـ لاتعاندين أبقي البنات هسه أجي .
ـ طلع وعيني وراه بقيت واكفه يم الباب وهو نزل على أخواته واجه ها .
ـ ماكو گلشي وأخواتي نايمات .
ـ وبهل الأثناء سمعنا صوت دبيج عالسطح باسل فتح باب البيتونه وين رايح بله حرامي تذب نفسك ذب .
ـ أنت بس سگتيي قفلي الباب ورجعي يم البنات .
ـ أبقى أنتظرك ، طلع وشويه وأجه ها
ـ راح أتخبل ماكو گلشي روحي نامي أني أبقى كاعد
ـ وين أنام وأعوفك
ـ عصماء أمشي نامي عناد لاتعانديني يله
ـ عصب عليه ونزل ورجعت أخذت بناتي يمي نومتهن عالجربايه وضليت كاعده وأسبح بالمسبحه وخايفه وهو بعده جوه وضل كاعد للصبح وأني ولا نمت وأجه شايل مسدس فزيت مرعوبه باسل منين جبته .
ـ مسدسي هذا بس جان عند أمي
ًـ وشيسوي عند خالتي
ـ تأمن على نفسها شتسوي بي قابل لاتنسين أبن الصايغ گلشي يصير من زمان أخذته .
ـ كعد نظفه وخله بي طلقات باسل شيله أخاف منه
ـ أذا ما تستخدمي ما يخوف عوفي ما عليج منه بس للأمان بقي أهنا ، الظاهر سوالف جواهر رجعت بيهن
ـ يا سوالف
ـ الجانت تلعب بيهن على أمي وأخواتي ومحد يصدك بيهن
ـ وتالي باسل نضل عايشين برعب مو حياة هاي بحياتي ما مار عليه هيج شنو عايشين بغابه .
ـ لا هالأيام نشيل ما نضل بس لاتجبيبن طاري خلي أحاجي أبويه بالأول وبعدها الله كريم بس ما أضل بعد
تعرفين تستخدمينه .
ـ لا بحياتي ما لازمه سلاح وخره باسل أخاف منه .
ـ منا لزمني سيطري عليه وبعدها منا ضغطي
ـ باسل أخاف الزمه وخره
ـ أذا صار شيء علمود تعرفين أدافعين عن نفسج أنتِ سباعيه وأخت زلم ما ينخاف عليج بدون سلاح أنتِ ذيب
حتى لو مو سوالف جواهر ، حراميه لا سامح الله واني بالمحل والدنيا تخوف الواحد لازم يأمن على نفسه فهمتي عليه عصماء ركزي وياي وعوفيلي الخوف عالصفحه .
ـ تمام عيني .
ـ خليج وياي بتركيز
ـ علمني وأخذه ضمه باسل هي مرت أبوك ليش هيج تسوي بيكم مشاكل وتحرض نائل وسالفة جنات وعماد وهواي مشاكل .
ـ عداوه وكرهه هي وأمي من زمان تريد گلشي إلها ولأبنها وعبالها أمي رجعت على طمع وعلمود الورث
ـ يعني علمود الورث
ـ أي ما تريد أحد يشارگها بشيء بس راح أخذ حصتي وأخذ أخواتي وياي شلي بهل دوخة الرأس أصلاً جدي وخوالي گالوا تعال يمنا والشغل موجود بس ما أريد أكسر أبويه مهما يكون أبويه أريد أطلع منا برضاته .
ـ گام حضن بناته ونام وأني بقيت كاعده وطلعت توضيت حسيت خيال بظهري أنداريت ماكو شيء أستغفرت ربي وطلعت مرعوبه باوعت عليهم نايمين وسمعت صوت جوه نزلت لكيت ليال بالحمام فزيت
ليال ـ أسم الله شبيج تمشين على بيض خوفتيني والله .
عصماء ـ لا سمعت صوت ونزلت .
ـ أني كعدت أصلي بيج شيء .
ـ لا لا ، عفتها وصعدت صليت وأستغفر ربي گملت ونمت بصفهم للصبح هو رايح المحل ومر كم يوم ماكو شيء هدوء وباسل حاجي ويه عمي وعمي ساكت وينتظر موافقته وأجتني سالفة بيداء شلت حالي شل منين طلعتيلي بهل السالفه أنوب عليه مهيب اني بدون شيء عقلي قافل وشايله هم لباجر
وصادف موت أيناس صدمنا كُلنا جانت أنسانه طيب وقمة الأدب والأخلاق الله يرحمها ، بيداء شغلتلي بالي
وراحن وأني بقيت نومتهن عالجربايه وگمت أكوي ملابسه ودزلي رساله .
باسل ـ خوما تخافين لوحدج .
عصماء ـ لا عيني لايضل بالك ماكو شيء هسه يكعدن وأسويلهن ريوك
ـ ماشي هسه شوية أنوب اجي ونتريك سوى
ـ ماشي عيوني .
ـ فدوه لعيونج الأحبهن إشتاقيتلج اليوم نومي البنات من وگت سويلنا أجواء مشتاق لأيام قبل .
ـ تدلل من عيوني الأثنين .
ـ أحبج .
ـ أموت بيك مو بس أحبك
ـ هسه بس أكمل شغلي أجيج ما أتحمل بعد أشتاقيت لوجهج يجيب العافيه بس هسه ليث ما يكدر أعوفه مصبيته مصيبه الله يعينه .
ـ أي خطيه الله يصبره ويكون بعونه ، تمام خليك من يكعدن بناتك أكولك علمود تجي تتريك ويانا .
ـ شسوي بـ بناتي أريد أمهن أتريك بيها .
ـ خجلت منه دتعال لعد .
ـ هسه أخلص شغلي وأجيج ماطول الهوسه نايمات
ـ هعهه أي تعبانات ومحتلات الجربايه هم
ـ عيني حبيبات أبوهن يله حبيبي بعدين أحجي وياج .
ـ تمام عيوني وراح وگملت گوي ودخلت سبحت وتعطرت وعفت شعري مفتوح ومسرح ونزلت سويت ريوك جهزته وصعدت هنا نايمات وتذكرت بيداء ما راسلتها بعد ولا سألت عنها شصار وياها يا ترة گالت
لـ نائل وأذا نائل يعرف بماضيها يسگت يارب أسترنا اوف منج بيداء ما نخلص من هالماضي لعنه والله لعنه .
وسمعت خطوات سريعه باسل هذا أنتَ أجيت وأندك الباب قوي وخفت وصحت منو .
بيداء ـ أني بيداء .
عصماء ـ فتحت الباب بيداء شجابج أباوعلها وجهه أصفر وانفاسها سريعه دفعت
شكرا لزيارتكم عالم روايات سكيرهوم
