رواية معشوقتي المجنونة الجزء الثانى الفصل التاسع عشر بقلم ابتسام محمود الصيري
انه لازم يعتذرلها و يتجوزها هي فعلا اتظلمت
********
عند مهيمن
مهيمن كان بيصلح حاجه في الكهربا جاله فون
مهيمن بجديه : نايا خلي بالك الكهربا مكشوفه متخليش توتا تيجي هنا
ديرو و نايا في المطبخ
نايا بدلع : حاضر يا حياتي و تطلع لسانها ل ديرو
مهيمن دخل البلكونه يتكلم
في المطبخ
نايا لمحت ديرو حطتلها حاجه في النسكافيه بتاعها مرضتش تبص و فضلت مراقباها بنص عين و لسه ديرو هتشيل الحاجه نايا مدت ايدها بسرعه واخدت منها البرشام
نايا : ايه ده يا كائن الحلزون اللزج و الله كان عندي حق اسميكي كده يا حيزبونه
ديرو زقتها : اوعي اديك من عليا انتي هتلبسيني تهمه
نايا قفلت شباك المطبخ اللى باصص ع الصاله و قلعت فردة شبشب : هتعمليهم عليا يا سلطع ملطع طيب و ربنا لعلم عليكي بشبشبي
ديرو تطلع جري : الحقني يا مهيمن اللوكل بتاعتك اتجننت
نايا مسكتها من شعرها قبل ما تطلع : انتي لسه شوفتي جنان ، وبصت ع البرشام لقته منع حمل و نوع مخدرات
نايا بعصبيه : يا رمة يابنت الكلاب عايزه تمنعي عنه الخلف وكمان تخليني مدمنه والله ما هسيبك و ضربتها بالشبشب
توتا نزلت من ع الكرسي و طلعت في الصاله
ديرو ببرود : اخس عليكي يا نايا انا برده وش ذلك
نايا بعصبيه و تشدلها شعرها جامد : انتي ذلك نفسه
ديرو تزقها : والله لأخلي مهيمن يطلقك
نايا تتخبط في الرخامه و تقول بغيظ : يطلق مين يا رمة يا زباله يا خرابة البيوت العمرانه
ديرو ببرود : هيطلقك و هموتك بحسرتك يا لوكل
نايا جريت عليها بغيظ : انا يا سخان مولع هيحرق البيت كله ، يا ناشفه يا معفنه
ديرو جريت : انا ناشفه يا للي مش عندك اي شي يخص الانوثه
في نفس الوقت توتا راحت عند الكهربا عشان تصلحها زي مهيمن مسكت السلك العريان و اتكهربت
نايا : وربي في سماه هنسيكي اسمك ياللي عمله نفسك بريئه ، ده انا هدشملك النهارده
*****
في البلكونه
مهيمن بيركز سامع صوت انين بص وراه و دخل بسرعه لقه توتا بتتكهرب مسك بسرعه تربيزه خشب صغيره و بعدها عن الكهربا و لسه بيلف الكهربا مسكت فيه هو كمان عشان كان حافي
ديرو بريئه لما تجننك يا لوكل يا تلقيحه و لسه هتكمل نايا كتمت بقها و سمعت مهيمن بينادي بصوت مهزوز طلعت جري لقته بيتكهرب و توتا نايمه ع الارض جريت بسرعه فصلت كل الكهربا من المفتاح الرئيسي
مهيمن اتمالك نفسه و قام
شال توتا حطها ع الكنبه و فضل يفحصها سمع قلبها و قاس نبضها و حس نفاسها اطمن عليها شاف ايدها فيها حرق كلم صاحبه و قاله يعمل ايه و فوقها و شالها دخلها اوضتها
نايا بقت واقفه متوتره و مش عارفه تعمل ايه و في نفس الوقت خايفه من مهيمن
ديرو تقعد ببرود ع الكنبه
*****
في اوضة توتا
مهيمن : توتا عامله ايه
توتا هزت راسها
مهيمن : اجبلك عصير
توتا هزت راسها ب لأ
مهيمن عايزها تتكلم مسك عروستها : انتي قولتيلي دي اسمها ايه
توتا بصوت مهزوز : ثاره
مهيمن حضنها و حطلها كريم حرق و لف ايدها فضل معاها لحد ما نامت
طلع من الاوضه و بص ل ديرو و بحده : ع اوضتك
ديرو قامت من سكات
نايا لسه بتتحرك : رايحه فين يا هانم
نايا بخوف تشاور ع اوضتها : ع اوضتي
مهيمن : تعالي هنا
نايا بخوف : استعيذ بالله من الشيطان الرجيم يا مهيمن
مهيمن بحده : تعالي هنا
نايا : سبني دلوقتي و نتكلم الصبح
مهيمن شدها من شعرها : لما اقولك كلمه تسمعيها تمام
نايا دموعها نزلت و هزت دماغها : حاضر و بصتله مهيمن شعري هيطلع في ايدك
مهيمن سابها بعصبيه و قام دخل اوضة توتا
نايا قامت تمسح دموعها و خبطت عليه و دخلت : مهيمن انا اسفه
مهيمن بنرفزه : روحي نامي يا نايا
نايا : هي عامله ايه
مهيمن بإيجاز : كويسه
نايا طلعت و قفلت الباب و دخلت اوضتها
********^^
يوم جديد
مهيمن طلع ماكلمش نايا و دخل المطبخ حضر فطار ل توتا و دخلها اكلها
توتا : بابا فين ماما
مهيمن : بره
توتا نزلت من ع السرير : هي زعلانه مني؟
مهيمن : لأ
توتا بزعل : انا عايزه ماما، افتحلي الباب ايدي بتوجعني
مهيمن : تعالي كملي اكلك الاول
توتا بتصميم : لأ انا عايزه ماما
مهيمن قام فتحلها الباب طلعت جريت ع نايا ، نايا حضنتها : عامله ايه
توتا : انتي زعلانه مني
نايا حضنتها : انا اقدر بردو ازعل منك
توتا اخدت الاكل من مهيمن : ماما تأكلني
نايا بصت ل مهيمن و رفعت ايدها الاتنين و ضمتهم ع بعض و حطتها تحت دقنها و بصت ل مهيمن بتعتذر ليه بطريقه هنديه
مهيمن ابتسم ليها و قعد جنبها، نايا فرحت لما قعد جنبها و قالت : المعلقه دي رايحه فين فين فين
توتا فتحت بقها
نايا قربت المعلقه عند بق مهيمن : لا هتدخل بق الجمل
ديرو طلعت من اوضتها بصتلهم بقرف : انا هروح ل ماما
مهيمن بلامباله : اتفضلي
ديرو نزلت
نايا لسه هتقول ع اللي ديرو عملته امبارح : مهيمن امبارح دي
مهيمن بعصبيه : لو سمحتي مش عايز اسمع حاجه عن امبارح
نايا : بس للزم اقولك د
مهيمن قام بعصبيه قاطعها و نزل شغله
********
عند عمرو
بقى يعرف كل حاجه عنهم و بقو يتكلمو عادي جدا قدامه ده غير انهم بيخلوه يمضي ع ورق شحنات داخله
و سوزي بقت بتقوله عن كل الصفقات
عمرو كان عايز ينزل : بوص هروح مشوار
ابراهيم : براحتك النهارده خالص
**********
في مكتب اللوا
مهيمن : فيه حاجه غلط بس هي ايه انا مش عارف
اللوا : حصل ايه
مهيمن : بعد ما كان هيدخل المره الجايه شحنة السلاح دلوقتي سمعت في الجهاز بيقول هندخل شحنة عاديه، اختبار تاني مع ان هو واثق فيا ، ولا ايه ، انا بقيت متلخبط
اللوا : عادي بيتطمن اكتر ، بطل القلق اللي عندك
مهيمن : ياريت يكون احساس مش اكتر
********
عند عمرو
دخل الخط جديد في الفون و شغله و بعت رساله واتس ل رنا
القمر عامل ايه
رنا فتحت المسدج حضرتك مين
عمرو : مش فاكر او مش فاكره
رنا اتضايقت : طيب لما تعرف أو تعرفي نفسك تبقى تكلم الناس و عملت بلوك
عمرو ابتسم و طلع مكتب باباها
في مكتب فوزي
عمرو : انا عمرو الدالي
فوزي : صاحب نضال عارفك طبعا
عمرو : انا عارف ان المكان مش مناسب ل كلامي بس انا فضلت اتكلم مع حضرتك بعيد عن البيت
فوزي : اتفضل يابني
عمرو بإحراج : انا جاي اتقدم ل الاستاذه رنا
فوزي اتفاجئ : والله يابني القرار قرار رنا
عمرو : ممكن اتكلم معاها قبل ما تقولها حاجه ده بعد اذنك
فوزي احترم عمرو انه دخل من الباب : اتفضل هبعت معاك عامل يعرفك مكتبها
عمرو قام و مشي مع العامل خبط ع باب مكتب رنا
رنا : ادخل
عمرو دخل ، رنا بصتله و اتوترت عمرو قعد ع الكرسي اللي قدامها
عمرو : صباح الخير
رنا بتوتر : صباح النور
عمرو : انا جاي اعتذرلك انا معرفش ازاي اتكلمت معاكى كده
رنا تحاول تسيطر ع دموعها : اعتذارك مقبول
عمرو بصوت هادي : رنا انا بحبك ، من أول يوم غيرتي كياني كله اتمنى انك توافقي اكمل حياتي معاكي
رنا تبلع ريقها بصعوبه و تحاول تطلع الحروف من شفايفها و فضلت تحرك ايدها بتوتر : عمرو .... انت طبعا انسان كويس و اي بنت تتمناك بس...... ااا .. انا ... و انت ... يعني صعب نكون متفقين مع بعض احنا بنا مسافه كبير مستحيل الحاجز ينكسر
عمرو بصلها بحزن : رنا انا عارف اني وجعتك بس يا ريت تنسي و نكمل حياتنا مع بعض
رنا بجمود : انا ممكن انسى ، بس مفتكرش يا عمرو انك تقدر تنسى
عمرو : اديني فرصه يا رنا
رنا حاربت نفسها عشان تاخد قرار و جمدت نفسها و قامت : بعتذر ل حضرتك ورايا شغل
عمرو حس ب اهانه لكرامته و غروره و قام : بعتذرلك مره تانيه و مشى
*********
عند مهيمن
راح ل ابو توتا و كان ساكن في مكان شعبي
اول ما وصل خبط عليه فتحتله واحده : ممكن اقابل استاذ علي نصر
مديحه تمسح ايدها من اثار الصبون في حلبيتها البيتي و تقول بخوف : انا مراته خير يا بيه
مهيمن : هو موجود
مديحه : اتفضل يا استاذ هتصل عليه هيجي ع طول هو قاعد ع القهوه
مهيمن : خلاص هاروحله ، بس فين المكان بالظبط
مديحه : اول الشارع شمال
مهيمن : شكرا و اتحرك راحله و سأل عليه القهوجي شاورله عليه
مهيمن رحله : استاذ علي نصر
علي : ايوه انا
مهيمن قعد : كنت عايز اسألك ع حاجه حصلت من اربع سنين
علي : خير يا بيه
مهيمن : انت ضاع منك بنت لسه مولوده؟
علي بتذكر : تقصد توتا هي ماضاعتش دي واحده قالتلي هتاخدها تربيها و انا ع قد حالي و بصراحة العيله دي من مراتي التانيه و مراتي الاولى ماكنتش تعرف اني متجوز صدقت لما الست اخدتها ، خفت معرفش اتصرف مع البنت ولا اعمل فيها ايه
مهيمن بضيق : تمام بنتك معايا
علي : خلي بالك منها
مهيمن بضيق : اكيد معايا هتكون في امان اكتر ماتكون مع واحد عديم المشاعر و مشى و سابه
******
عند دانيه
دانيه : فادي انا نفسي فعنب
فادي يبصلها : عنب و في الشتا
دانيه : اعمل ايه في ابنك هو اللي نفسه فيها
فادي بغيظ : ابني اه هو المشكله كلها في الاستاذ ابني ، تمام
دانيه : انجز
فادي بصلها و بغيظ : ما انا نازل اهو
دانيه : انجز بسرعه
فادي نزل و فضل يدور لحد ما لقى عنب كنبوت اشترهولها و طلع
فادي : اتفضلي يا عيوني
دانيه تخبي وشها : فادي انا نفسي في بطيخ مش عنب
فادي يحط الكيس ع الترابيزه و خبط ايده : بس كده يا سلام اوامرك و نزل تاني
فضل يدور ساعتين ع البطيخ
لحد ما لقاه و جبلها بطختين و راحلها
فادي يدخل و يقفل الباب : عيوني البطيخ
دانيه ماسكه طبق عسل و بتاكل معاه بصل : لا خلاص انا اتصرفت
فادي يحط الحاجه بضيق : يعني كده تمام فيه حاجه تاني
دانيه : هتضرب
فادي يحط ايد ع ايد و يحركهم بعصبيه : هاتي اللي عندك يا عيوني
دانيه : بطني بتوجعني ممكن اروح للدكتوره
فادي قام : هو فيه حد عاقل ياكل بصل مع عسل يا مفتريه
دانيه تمسك بطنها بتعب : بطني بطني يا فادي هموووت
فادي يسندها و بقلق : دانيه مالك في ايه
دانيه بتعب : بطني بطني و ميلت ع الارض
فادي شالها حطها ع السرير : دانيه حبيبتي مالك ،، بصي خدي نفسك بشويش اهدي
دانيه بقت تصوت : لاء لاء لاء هموووت
شادي لبسها الاسدال و شالها و نزل بيها ركبها العربيه لقاها تعبانه خالص و مش قادره توازن نفسها شالها نزلها و وقف تاكسي ركبو ورا و فضل ساندها و حط ايده ع بطنها و قال بخوف عليها و قلق : حبيبتي خدي نفس ماينفعش كده
دانيه بدموع : مش قادره يا فادي
حضنها لحد ما وصلو المستشفى دخل طوارئ الدكتوره كشفت عليها ادتها مسكن و طلعت
فادي ظبط لدانيه هدومها و سندها و طلع لدكتوره
فادي : هي مالها
الدكتوره بعمليه : البيبي لسه بيتكون ساعات بيكون فيه مغص الحقنه اللي اديتهالها هتهدي الألم معاها ان شاء الله
دانيه كانت بتعيط فادي قام و ميل عليها : حبيبتي لسه تعبانه
دانيه : لا مخنوقه اووي
الدكتوره : ده اكتئاب حمل و كتبتلها ع برشام يهديها
فادي كان زعلان عليها اخدها و نزلو قعدو في كافيه ع البحر
فادي : عيوني عامله ايه دلوقتي
دانيه : الحمدلله
فادي : كده تقلقيني عليكي
دانيه : معلش يا حبيبي والله حاولت استحمل
فادي : عيوني اوعي تيجي ع نفسك ابدا في اي حاجه انا مخلوق عشانك
دانيه : حبيبي ربنا يخليك ليا حطت راسها ع صدره
فادي حط ايده ع كتفها : اجيبلك بقى كوكتيل بطيخ ع عنب
دانيه ضحكت : لا انا عايزه خوخ
فادي ضحك : عيوني حد قالك احنا في الصيف
دانيه : و انا مالي ابنك هو اللي بيطلب ، بص اقولك ع حاجه احسن عايزه مانجه
فادي : بس كده، قام مسك ايدها و دخل مطبخ الكافيه
دانيه : يا مجنون هنعمل ايه في المطبخ
فادي : متقلقيش ده زي كافيهي و قال لشيف : لوسمحت عايز مانجه و الخلاط انا هعمله ب نفسي
الشيف حضر كل حاجه ل فادي
وفادي بقى يعمل العصير
*******
عند شادي في المستشفى
حسام دخل اوضة جهاد و كان بيتخانق معاها : انا تضحكي عليه يا بت السايس
جهاد بوجع : حرام عليك سيبني
الممرضه دخلت ع شادي في مكتبه كان بيكلم فريده نزل الفون و بص للمرضه : فيه ايه
الممرضه بخضه : الحاله اللي انت قلت لو حصلها اي حاجه ابلغك
شادي : مالها
الممرضه : دخلها راجل و بيتخانق معاها
شادي بجديه : فافا هكلمك بعدين ( قفل الفون و راح اوضة جهاد بعده عنها ) ايه الهمجيه اللي انت فيها دي
حسام : السافله دي تلبسني بنت مش بنتي ده انا هموتها بنت السايس
شادي : بقولك اهدا و ابعد عنها و بص ل الممرضه اتصلي بالبوليس
الممرضه اتحركت و اتصلت بالبوليس و بعد معافره من شادي بعد حسام و دخله اوضه
عند فادي
خلص العصير و حطه في الكوبايه و طلعو قعدو بره
فادي : عايزك تدوقي و تقولي رأيك
دانيه تشرب : واااو طعمه حلو اووي تسلم ايدك و قطع المانجه اللي فيه طعمها يجنن
فادي : بالف هنا يا عيوني
دانيه : انا مبسوطه اووي فاكر ايام الخطوبه
فادي : هي دي ايام تتنسي
دانيه : بحبك اووي يا فادي
فادي : و انا بعشق اهلك يا دانيتي
دانيه سقعت و اترعشت
فادي : يالا نروح انتي سقعتي
و روحو بيتهم قضو باقي اليوم في حب
********
عند شادي
اول ما جه البوليس استجوبو حسام
شادي اتصل ب مهيمن و قاله
مهيمن بعصبيه : ليه يا شادي بلغت البوليس ما انا قولتلك اي حاجه بلغني انا الاول
شادي : والله يا مهيمن مكنتش قادر اسيطر ع جوزها و اول ما البوليس استلمه كلمتك
مهيمن : انا جايلك
اول ما وصل مهيمن خبط ع الاوضه اللي فيها التحقيق وراهم الكارنيه و دخل
مهيمن : ممكن احضر التحقيق
الظابط اتفضل يا كابتن و بص ل حسام : هي فين البنت دلوقتي حسام شاور ع مهيمن
مهيمن : البنت معايا و هتفضل معايا
الظابط : لازم تجيبها و نتحفظ عليها
مهيمن : بقولك هتفضل معايا
الظابط : و انت عارف القانون ، البنت لازم نتحفظ عليها و نعرف كل حاجه عنها
مهيمن : انا عرفت كل حاجه عنها
الظابط : لازم البنت تفضل في حوزتنا
مهيمن قام : شكلك ماتعرفش بتتكلم مع مين و طلع من المكتب
