رواية اخذوني دفع للدار فصليه الفصل التاسع عشر بقلم زينب نور
ليش نبجي
#وليش .....خلينه الدمع ينزل رخيص
#وليش.. كول لحظه جرح نكتب شعر
#وليش.......... ذبينه الفرح والهم جبير
#وليش....... رغم اخطائنه نحب نستمع
#وليش...... مذبوح الوفه بلحظه خداع
#وليش..... مات الشوك والحب يحتضر
********************************
ليث : باوعت بنص عين وجان اشوف نهر تنضف بالغرفه وطكطك ف عطت عليها شجاي سوين انتي ماشوفني نايم ها
نهر : عاط عليه خفت بداخلي بس كتله دا انضف هسه ساعه 10 صبح كمز من مكانه
ليث : بيش الساعه هسه
نهر : رديت بخوف ساعه 10
ليث : عصبت لان عندي شغل مهم وهاي ممكعدتني عطت عليها الله ياخذج انشالله ماتعرفين تكعديني
نهر : عيني دمعت كتله مانطيتني خبر اكعدك اسفه خليت ونزلت
ليث : اف ع هالعيون بسرعه يدمعن هسه هيه شعليها اصيح عليها خلت ونزلت اف ياليث مايصير براسك حظ بدلت وغسلت ونزلت تلكتني امي
قسمه: هايمه طالع
ليث : اي بعد روحي
قسمه : ماتاكل شويه
ليث : لايمه مستعجل هناك اكل واكلج يمه نطي خبر لجدي وابوي طالع للعماره عندي شغل بالليل ارجع
قسمه: محروس يمه انشالله اكلهم
ليث : الله وياج يمه
قسمه : مع السلامه حبيبي نهر وينج نهر
نهر : نعم خاله جاي اطبخ
قسمه : اكلجً يمه باجر طالعين للانبار شنو انتي تجين لا
نهر : مادري خاله بكيف ليث
قسمه : اي يمه من يجي اكله خوً متبقين وحدج
نور : صباح الخيييير
قسمه : صباح النور بعد وكت هسه كاعده
نور : او شبيج يمه عليه من صبح
قسمه : روحي اكلي ام لسان
نور : صباح الخير نهوره
نهر : صباح النور حبيبتي
نور: من هسه اكلجً يمه انه ماروح وياكم وديني يم لجين
قسمه : والله ومدرستج يمه توليً مو
نور : اخذ اجازه يمه تعبت من الدراسه
نهر : تعوفيني وترحين
نور : اخذج وياي لاتضوجين
نهر : ضليت اضحك ع سوالفها ههههههه وضليت افكر ياترى يقبل اروح لولا
ليث : طلعت مستعجل والتلفون ماسكت وصلت العماره وشفت المزرعه كلشي مابيها لعد هذا شبي خبصني خبص ويكلي روح المهم خلصت شغلي بالمزرعه وتفقدت كلشي ورجعت المغرب للبيت دخلت وسلمت عليهم جدي حجه
شيخ عكاب : ها بويه باجر طالعين
ليث : انشالله جدي الفجر نطلع
غضب : اي يخوي ياريت من وكت
ليث : همه يحجون وانه عيني دورها وين هاي
فهد : بشر شبيها المزرعه
ليث : والله بويه كلشي مابيها والرجال داير باله كلش بس هذا عباس طكن فيوزاته اجت نور
نور : ليث انه اروح اللجين بغداد ماروح وياكم للانبار عود ع العرس اروح
ليث : انشالله بس فكيني
نور : ليث ونهر
ليث : اجت نهر وكفت بالباب وكتلها نهر شبيها وعيني عليها
نور: شبيها بعد تروح وياكم لو ويايه
ليث : ستغليت الفرصه وكلت لا ماتروح تبقى هنا اقفل لبيبان واصلا مانتاخر بنفس اليوم نرجع عندي شغل
نور : لا ليث شلون وحدها
ليث : نووووور لاتلحين كتلج تبقى هنا ماعدنا فصليات يفرفرن حجيت هيج وعيني اجت بعينها بجت وراحت عضيت لساني اف يا الله اف
نور : ضل يصيح خفت كال فصليه ونقهرت ع نهر ماتستاهل هالمعامله
عكاب : شنو ولك محد بعينك
فهد : صدك زودتها ليث
ليث : ضلو يحجون ويحجون تعبان انه مارديت خليت وصعدت لكيتها جاي تصلي خلصت ونزلت بدون حجي نقهرت عليها بس كلت احسن خلي شوف شلون رفضتني اخ منينً اجيتيني
نهر : سمعت كلمته سجينه ودخلت لكلبي صعدت ابجي وبكل صلاه ادعي ربي يخلصني منه ومن هالعيشه شيخلص السنهً صليت وانه جاي اصلي دخل عليه ماحجيت ضليت ساكته كعد ع الجربايه خلصت صلاه ونزلت اسوي عشه طبعا بيتهم رغم جبير بس حيل نضيف وانه ارتبه وانه اسويً عشه دخل غضب
غضب : لك هلا بمرت ليوث
نهر : ههه هلابيك غضب
غضب : شهالضحكه الحلوه
نهر : انت الي تضحكني شسوي هههه
نور : اي عيني اي فرحان شعليك راح تاخذ الي تحبها وفوك هذا تضحك نهر
ليث : نزلت واسمع ضحكتها تارسه المكان كلت اخ هنيال التضحكين وياهم دخلت سلمت دارت وجهه
نهر : اجه ليث سكتت خليت ودرت وجهي
ليث : حضرو روحكم بً 5:30 🕠 نطلع
غضب : انشالله
ليث : وانتي نور موتكعدين تكولين نسيت ونسيت
نور : لا يخوي كلشي حضرت
ليث : اباوع عليها اريدها تلتفت ماكو خلصو عشه وصبو واكلنه وغسلو الماعين وانه طلعت بالديوان شويه كعدت وجان توصلني رساله من رقم غريبً
💬 حضر نفسك موعبالك نسينه حسابنه وياك وراح يجي يوم تندم على السويته بينه ياشيخ ليث الفارس
ضليت صافن وماهتميت للرساله بس لو بوقتها مهتم جان ماصار الي صار انه جنت ادري منو داز هاي الرساله بس مهتميت لان بس حجي خليت ودخلت صعد فوك لكيتها نايمه
خليت وتمددت ع الجربايه وانه افكر شلون حتبقى وحدها اخاف عليها والله بس ماكدر ارجع بكلامي صار الصبح وكعدت ع صوتها
نهر : شيخ شيخ كوم بال 5:00 🕔
ليث : بكلبي كلت ريت صباحي كله بصوتج يبتدي كلت بعدم رضا كايم كايم صوتج مزعج
نهر : مادري ليش يعاملني هيج سكتت ونزلت صار ماعندي شي غير السكوت اسكت احسن خليت ونزلت سويت ريوك ونزلو ياكلون وليث ماباوع بوجهي حتى عذرته لان الصار كله مني
ليث : خلينه وطلعنه واحس روحي ضلت وياها بالبيت بالي كله يمها رغم بينت الها مامهتم وادري عينها عليه ورا ساعات وصلنه لبغداد نزلت نور وطلعنه للانبار والطريق كله افكر بيها
شيخ عكاب : ليث شنو يولدي ماوصلنه تعبت ترا
غضب : جدي اتعب الخاطري
قسمه : ولك غضب شلون بيك
ليث : عوفي يمه فرحان فرحان ههههه
غضب : كلش فرحان هههه
ليث : ضحكت وكملنه الطريق واصلا بالي كله مويمهم يم حبيبه كلبي وصلنه للانبار ودخلنه لييت اهل سمر
ابو سمر : الله بالخير شيخ
شيخ عكاب : الله بالخير ابو عامر
ابو سمر : حي الله من زارنه
ردينه كلنه الله يحييك
سمر : كاعدين ع نار انتضر حبيب كلبي يجي يخطبني واخيرا راح يصير من نصيبي وقنع اهله صح اهلي رافضين بس قنعتهم شويه وندك الباب وراح عامر يفتحه ودخلت علينه ام غضب كلش حبابه سلمت وكعدت وامي مبينه كلش حبتها
ام سمر : اي حبيبتي شلونكم شخباركم
قسمه : الحمدالله حبيبتي
ام سمر : حياج الله
قسمه : والله ياخيه تدرين سبب زيارتنه شنو جايين نطلب ايد كريمتكم لابني غضب وياريت ماتردونه
ام سمر : والله ياحبيبتي هيه تحبو وهوه يحبها وباقي يم بيها وخوانها
قسمه : الله يتمم ع خير حبيبتي
ليث : كاعدين نسولف وي اهل سمر وتقدمنالها وابوها وافق هالحجي ساعه 5العصر واحنه جاي نسولف وصلت رساله
💬عاشت ايدك شيخ خوش مهره بالبيت مخلي صارت من نصيبنه
قريت الرساله وعيوني نفتحن ع وسعهن كوه خلصو وتفقو سبوع الجاي الخطوبه والعرس سوه لان ماعدهم وقت ابوها يريد يسافر
خلينه وطلعنه اخذ غضب ع صفحه
غضب : شبيك ليث شصاير
ليث : نطيته التلفون قرا الرساله صار نار من الاعصاب
غضب : شراح نسوي هسهً
ليث : خلي نرجع هسه بسرعه لاتخبر احدً احجي وداخلي كله يرجف اخ نهر اتصل ع الرقم مغلق مغلق اوف كله مني انه كله مني انه السبب صعدنهً بالسياره ومشيت 180 حتى اللحك كلبي نار عليها نار اخ يانهر اخ
نرجع لنهر في البصره
نهر : طلعو الصبح وانه رجعت انام كلت اي محد هنا خل ارتاح شويه ع ماكعد انضف وماشتهي اكل خليت ونمت كعدت ع صوت تكسير كزاز واغراض تنشمر خفت بداخلي كلش خفت كلت منو جوه شجاي يصير طلعت وياريت ماطلعت صار بوجهي ثنين مغطين وجوهم لابسين اسود بسود توجهو عليه كل سرعتهم ردت ادخل مالحكت دفعو عليه الباب اجه براسي تاذيت كلش حسيت شي حار نزل ع عيني وجهي تلمسته شفته دم دخت كلش نزلوني جر شفت البيت كله مكسر كلت شصاير هنا ماحسيت وراها ع شي رئسا طحت
عباس : دريت بليث مسافر وعرفت مماخد نهر كلت امر اشوفها وحدها وهم احجي وياها وصلت وجان اشوف الباب مفتوح خفت عليها كلش دخلت وشفت البيت كله مكسر خفت بالزايد مادري شنو اسوي او شلون اتصرف تمنيت ليث كبال وجهي هسه بس حتى اطلع حركه كلبي اخ يانهر وينجً منو اخذج نهر اف ضليت كاعد حاير هذا الحجي ساعه 3:30 الضهر ماخابرت ليث ماردت اخرب فرحه غضب اخ ياليث لو اكضك ضليت دايخ مادري وين ادور وين ابدي واصلا مادري عداوه ليث وي منو كتله من قبل عوف هاي السالفه ماعافها اخ ليث اخ وينكم بس وينكم
نور : طلعنه للمول انه وهموسه واختي لجين خالتي ماقبلت تجي رغم توسلت بيها دخلنه للمول واحس العيونً كلها علينه طبعا قبل لا احجي خل اراويكم همس
هاي هموسه اقرب شي الها هيه بعد احلا هواي دخلنه ضلينه نفتر
لجين : دخلنه واحنه ميتين ضحك ع نور رفعت راسي وشفت سامر اي هذا سامر والله هوه
نور نور
نور : ها لجين
لجين : لج هذا سامر
سامر : باوعت كلت مستحيل شيجيبها من شفتها صفنت عليه تاكدت هيه ايمن يدري بيه معجب بس مامثبت اي شي لحد هسه
ايمن : شبيك يخوي صفنت
عمار : هههههه عوفه عاشك
انه رايح الحمام تعبت
ايمن روح روح
لجين : لج نور همس وين هسه نطلع مابقى هنا
نور : ولج لجين كعدي وسكتي هسه يكول شردت
بالطرف الثاني
سامر : خل يجي عمار هسه اطلع
ايمن : لك شبيك
سامر : ماتحملت وحجيت كلشي الايمن
ايمن : عزا العزاك سامر ولك مالكيت غير اخت هذا النذل انه ع الله اريد انسه الي صار باختي تروح تحبلي اخت هذا
سامر : شبيدي ماتكلي
عمار : جاي امشي مدنك وجان انضرب ببنيه رفعت عيني بس ياسبحان من خالقها حتى نسيت تلفوني الي نكسر وطاح بسببها
همس : شنوماشوف اعمى انت اعمىً
خل احجيلكم عني شويه انه همس بنت خال الشيخ ليث انه انسانه كلش هاديه حتى ماعندي مشاكل وي احد ادرس نفس اختصاص لجين بس انه رابعه رغم كلشي ادري بس ماحب ادخل بحياه احد احب العزله كاعدين واجت نور تتوسل بينه نطلع طلعنه ورحنه للمول فترينه شويه وكتلهن رايحه للحمام من طلعت جان انضرب بشخص بس شنو من شخص يموت كلش حبيت شكله مختلف حسيته بس عصبني صافن بوجهيً كتله انت اعمى ماشوف
عمار : احترمي نفسج شنو اعمى ماتستحين
همس : احترم نفسي موًصدك ماعندك ذره ذوق خليت ورحت بس حيل عصبني كبر
عمار : تعمدت اعصبها فدوه صارت تخبل رحت للحمام ورجعت لكيتهم كاعدين ها ياغربان المقابر شوكاعدين جنكم ارامل
سامر : نجب واكعد
ايمن : الا تترزلً يعني ماتكدر
عمار : اوي شلون رزاله ع الاساس جاي احجي وشفتها اي والله هيه كاعده وي بنات بس شنو وحده احلا من الثانيه طبعا ماكتلكم انه كلش نسونجي ليش لان مالكيت وحده طيح حضي واحبهاً رئسا باوعت لسامر صافن عليهم
عمار: شبيك شو صافن ياهيه منهن عجبتك
سامر : نجب لك هاي طالبتي انه ادرسه
عمار : لك اخ شهيتني ارجع طالب
سامر : والله معدلك جان يئهلك تصير مدرس جامعي بس قفلت الا ضابط اصير اكلها
عمار : صوتك هي لحد يسمع تدري بموقعي حساس لو ماتعرف سد حلكك
لجين : اخ نور كلبي يوجعني
نور : سكتي لاتبينين ع روحج
همس : شبيج لجين احجي
لجين : ماكدرت اسكت تعبت سولفت كلشي
همس خوش بنيه وكلش امينه بحفظ الاسرار
همس : ترا ادري انه كلشي وادري بيج نحبينه بس تدرين بيه ماحجي ولا احب احجي خليت وكمت وصلت لطاولتهم سلمت السلام عليكم استاذ
سامر : عليكم السلام
همس : العفو استاذ اني همس طالبه نفس الاختصاص وياكم بس رابعه وردت منك مساعده ياريت تساعدني بيها
سامر : اي تفضلي
همس : بس وياي بنات عمتي
سامر : احم صيحيلهن
عمار : ياريت صيحيلهن
ايمن : اسكت فشلتنه
لجين : صاحت النه همس ورحنه
ايمن : كاعد واجن البنات وشفت بنيهً وياهن صغيره حيل حلوه والابيض يخبل عليها مادري شنو اوصف حساسي
نور : اف هذا الحلو اخو نهر يلا اذا هيه حلوه همه شلون كلهم ينكرطون والله سلام عليكم
طبعا هذا الحجي احجي بكلبي
سامر : تفضلي ست همس بشنو اكدر احاجيج وعيني ع لجين شمصخمه هاي
همس : شكرا استاذ بس عندي كم موضوع بالبحث يخص اختصاصات نضريات هندسيه ياريت تشرحهم الي
سامر : هسه الوقت تاخر باجر تعاي للقسم وتدللين
همس : ممم انشالله استاذ جاي ارد ودك تلفون لجين
لجين : رفعت خط هاي خالتي الو
ام همس : ولج وينجن اتصل
