رواية اخذوني دفع للدار فصليه الفصل العشرون بقلم زينب نور
مشتهيك اتمر علئ طيوفي تعال
#ومشتهيك بورگه اشجاري نـٍـٍـده
#ومشتهيك اتغازل عيوني بــٍـدلال
اتخيط اجروح الفـٍــٍـراگ امسرده
#ومشتهيك اتجادل احروف الـٍـكلام
معارك ويــٍـه الٍـٍـشوگ طيره مغرده
#ومشتهيك الليل كلـٍــه بس تعال
امفتحه الذرعان مٍـٍـٍـاهي امسرده
#ومشتهيك اطٍــروش للفاگد حبيب
اتهدي روحي ويه الگلب واتٍـٍـبرده
#ومشتهيك ادگابل عيوني وتنٍْــٍـام
حته الولي اعليك مثل الوالٍـٍـده
#ومشتهيك بصبحي سالوفة حنان
سوالف آمحبين بـيٍـــٍـٍـٍــك امورده
#مشتهيك اتنام تغفه على الضلوع
ومن تغفه ايدي على شعرك شارده
******************************
نهر : تقرب عليه ورا ماسبيته جراني من شعري كل قوته وضرب راسي بالحايط حيل تاذيت ضل يسبني ضليت ابجي واصيح وينك ليث عماررررررررررر
الرجال : تعرفين عمار لك كلبه عمار علي مو تعرفينه
نهر : بقى يحجي يحجي رئسا انغمه عليه
الرجال : لك هاي تعرف عمار طلعت تعرفه خلينه نلعب لعبتنه صح
الباقين : شناوي تسوي يعني
الرجال : هسه شوفونً
عمار : كاعد اتعارك وي ليث الحقير ودك تلفوني
📞 الو
📞 الو ياهلا بالرائد عمار شلونك
📞 عمار: منو انته
الرجال 📞 : عدنه شلون حاته بس تدري طلعت تعرفكً
عمار : وكفت ع حيلي كتله وين انت ياخسيس انه اعرف شلون اجيبك لك كلب
ليث : همه صح
سامر : شنو جاي يصير شويه وطلعت لجين تصرخ
لجين : ليث الحكني جدي طاح ليث
سامر : كلحنه ركضنه ع جوه وشلنه الشيخ ودينا الغرفته ماقبل ليث يودي للمستشقى شربه علاجه طلع ضغطه شوي عالي اباوع ع لجين عيونها حيل حمر وهواي باجيه
ليث : نطيته علاجً وطلعنه وبالي يم حبيبه كلبي اخ يانهر شسويتي بحالي وعباس منا يدردم
ايمن : لك هي هي منو انته وكاعد دردم نرا دوختنه
عباس: احترم نفسك لكً
ايمن : منو اليحترم نفسه
عمار : عباس اسكت ولاصوت قابل تحبها اكثر من عدنه
عباس : اصلا الصار كله من وراكم مليون مرا نصحتكم
ايمن : لحد هسه بالي مشوش اريد افتهم السالفه شنوًماكو
عمار : سامر ايمن لادوخون خلي بس نطيح بنهر وانه اسولفلكمً كلشي
ليث : طلع الصبح وانه على كعدتي هواي حاول غضب يكومني ماكمت ضليت كاعد انتضر اي رساله اي خبر اجاني عمار
عمار : ها يا غراب المكبره
ليث : بطل هالكلمه لا اعدل وجهك
عمار : كتلك بكل خطوه خطوها وكتلك ضاميلك شي توقعت اختك تنخطف ماتوقعت نهر حضها المصخم
ليث : اسكت عمار كلبي محترك اسكت راح اموت
عمار : تستاهل هاي بسبب اذيتك الها طلعت بيك
ليث : شكد مستفز رئسا دك تلفوني
الرجال : هلا لك هلا بالشيخ وياك مرتك تريد تحاجيكً
ليث : فز كلبي من كلي مرتكً
نهر : كعدت ابجي كل قوتي من الوجع اجاني وكلي
الرجال :هسه اتصل ع رجلج المصون وحاجي فهمتي مالنه خلك مشاكل وي الفارس
نهر : كلي رجلج فز كلبي اله تمنيت يمي واحضنه المكان يخوف وكله ضلمه وريحته كلها رطوبه جو بارد حيل دك عليه ونطاني الخط كتله الو
ليث : اخ نهر يابعد الالو كولي شسوولج احجي احركهم كلهم والله
نهر : ليث الحكني راحً اموت ليث ضربني راسي يوجعني ضليت اشكيله عبالك ابويه
ليث : تحجي وانه نار تشب بكلبي شب وتزيدني حبيبتي روحي صبري والله لاطلعج لو بسابع ارض
نهر : كلي حبيبتي هدئت شويه وسمعت صوت عمار
عمار : اخذت التلفون من ليث وكتله خيتي حبيبتي بنيتي صبري ياروح اخوج انشالله نلكاج خو محد لمسج
نهر : جاي ارد وخمشه مني للتلفون
الرجال: حضره الرائد كبالكم 48 ساعه غيرها ماكو يا اما تطلعون الشخص الي تابع النه
عمار: جاي ارد وسده بوجهي لكً انه الك كلب حقير الا اطيح حضك ع سده الخط اباوع الايمن وسامر صافنين عليه رئسا عطت ع ليث لك ليث شلون نطلعه انحكم تعرف شنو نحكم
ليث : عندي خطه عمار اتمنى تسمعني بدون متناقش لان لازم نتحرك بدقه
عمار : طول عمرك عقلك جان المدبر الكلشي وتحل المشاكل
ليث : اذا هيج اسمعني لعد رئسا باوعت السامر رجعت كلت العمار بس عمار سامر لازم يدخل بالخطه
عمار: عوف اخوي ليث
سامر : شنو عوف اخوي عمار اسوي كلشي حتى انقذ نهر ليث وياك باي شي تكوله
ليث : لعد تعالو ورايه مايصير اي شخص يسمع وانت غضب تعال
غضب : صار شيخ
ايمن : وانه
عمار: انت ابقى هناً
غضب : لك ايمن ابقى هنا خربو ام فرحتي بخطوبتي
ايمن : ضحكني حسيت بيهم خوش ناس بس وراهم سر لازم نطيح بيه شويه وباوعت لكيت نور عيونها تصب كلت بكلبي اخ موعيون ضيم حتى من تبجي حلوه رجعت كلت انجب كاعد بيتهم انته ادبسز خليت ودنكت ضليت منتضرهم هواي يلا طلعو وكالو .....
ليث : دخلنه للديوان ولتفتت ع سامر وكعدته وكتله راح احجيلك كلشي بالتفصيل لان هالشي سر محد يعرفه بس هذول الي يمك
سامر : احجي اسمعك
ليث : قبل عشرسنوات انه جنت بالسلك العسكري بس محد يدري بهالشي جنت اخذ دوريات ومهمات اخلصهن وارجع امارس حياتي طبيعي عمار صديقي من اول يوم دخلنه دوره الضباط مكانه حيل خطر وحيل سري بحيث وي روحنه مانحجي بيهن جنت معروف باسم الاسد محد يعرف اسمي وعمار هم نفس الشي اسمه راهب
ومن نطلع مهمات جنه ملثمين بذكائنه خلال سنتين ترفعنه من خلال الترقيات بحيث بسنتين ترفعنه صرنه نقباء ثنينه دخلنه بمشكله وي احد العصابات القويه داخل بغداد وعرفنه رئيسهم كان مسوول عصابه كلش جبير يسكن الانبار هالحجي انه مخلي عمار احد رجالهم بس باسمه الحقيقي عمار بس بلقب اخر تعدت الايام وكشفو عمار وصل للموت وكوه انقذته من ايدهم انه وجماعتنه منها وعرفو اسمنه الحقيقي ولقبنه حتى وين ساكنين خفت ع اهلي وناس بس ماسكتت رغم حذروني غضب وعباس هواي مارجعت وحتى عمار كلي خلي نعرف كتله انت نضربت وردت تموت ونعوفهم ولك انت اخوي خليت خطه ورسمتها عدل ومشينه بيها كضينه جبيرهم متلبس وصورنا للدليل وتحول لسجن بغداد الرئيسي هواي صارت علينه مداهمات وكمين عليه وعلى عمار جنه نتواصل من بعيد لبعيد عمار اخوي مو صديقي وصاحبي صح اصغر مني بس اخوي ورفيج دربي وصلت يوم محاكمه النذل رئيسهم المسمى ب ابوالهاشم قبل لا نلقي القبض هواي راجعنه ملفاته كلها نضيفه وسليمه حتى تفاجئنه بيه من القينه القبض عليه متلبس هوه وجماعته وصلت يوم محاكمته ورا سنه وحكمو عليه حكم بدائي لمده عشر سنين بهاي العشر سنوات يوميه رساله تهديد جايه الي بس مهتميت لان حيل حريص ع بيتي واهلي بس بهاي الفترا نشرت خبر انو ستقاليت من مركزي وعفته وضليت متابع من بعيد لبعيد من تلفون ثاني ماله اي بيانات وصلتني اخير رساله اجت هسه ماصارلها هواي ماهتميت الها كلش نسيت انو عندي بالبيت انسانه اغلا من روحي عليه
سامر : يحجي واسمعه يعني من اجيت اخذت اختي فصليه تعرفها اخت عمار
ليث : لا ماعرفت لان ماجان حاضر بالكعده وراها بشهر عرفته من شفته واكف بالزياره بيوم اربعينيه اخوي سكتت اهم شي عدنه السريه
عمار : انه عرفتك قبل لاشوفكم وتعمدت مااطلع بس كلك اهم شي السريه
سامر : راسي فتر شنو انتم شنو من ناس شنو من العالم ليش هيج حياتكم مشربكه
ليث : عوف هالحجي اسمع الخطه نطونه 48ساعه ع مانطلع ابو الهاشم شراح نسويً
راح ادخل اخذه من السجن واحوله بغير مكان
عمار : شلون سويها
ليث : خليها عليه ونعلن انو ابو الهاشم نهزم من السجن وتدري عدنه خونه داخل السجن راح يوصلون الهم
عمار : كمل
سامر : اسمع وهمه يتفقون بس حيل جذبني ذكائه
ليث : سامر لاتصفن ركز
سامر : تمام
ليث : راح يوصلون الهم الخبر منا راح ناخذ سامر هنا راح يجي دور سامر راح نغطي راسك
عمار : ليش سامر
ليث : دشوفه نسخه من ابو الهاشم ونفس الطول
عمار : اي صحيح والله كمل
ليث : راح يتصلون علينه اول مايجيهم الخبر وراح ينطونه مكانهم احنه بدورنه راح نحضر قوه كلش جبيره لازم نلقي القبض ع باقي جماعته خو مايبقوون يشكلون خطر
عمار: ههههههه طول عمري اكلهم اذكى واحد بينه ليث بس محد صدك
ليث : شعبالك لعد اهم شي تكون نهر سالمه ومحد لمس منها شعره
سامر : يمته يجي دور انهً
ليث : دورك بالاخير يخوي وخل اكلك شغله اول ماترجع نهر سالمه راح انهي هذا الدم البينه خصوصا من عرفت بيكم اخوان هذا اللهب
عمار: يلا كومو خل نتحرك
ليث : عمار لاتنسه السريه التامه
سامر: ندهشت حيل صحيح ندري باخوي رائد بس محد يعرف غيرنه اهل بيته حتى نهر تعرف وماتحجي اي شي بس اول مرا اشوف شخصيته هوه وليث وهسه طمئنيت انو اختي ترجع سئلته سوال وكتله شيخ اذا طيح الدم اختي ترجع ويانه صح
ليث : صفنت السؤاله وكتله خل ترجع بالسلامه ويصير خير هيه تختار
سامر : انشالله ترجع
ليث : ماطول خشمي يشم الهوى ترجع اخذتهم وطلعنه رحنه ع بغداد وصلنه المغرب طلعنه عشره الصبح بوجهي لسجن بغداد المركزي هذا الحجي كله منايم عندي اعوان جوه كفيلين يسوولي الشغله وانه هناك بس كلت بيدي اسويها مادز احد صار المغرب انتضرت ع اصابي دخلت عليه ملثم كالعاده كتله وصلت نهايتك يا ابو الهاشم كضيته وجريته غمضت عيونه وطلعته بدون محد يدري لان اندل السجن مكان مكان اخذته وخلينه بالسياره ونشرت الخبر ابو الهاشم نهزم وماقصرو الي ويايه خليت وطلعت سويت روحي ادور عليه خطتي لحد هسه ماشيه صح خليت وديته ع مخزن ونتضرنه يخابرون النه وصدك ورا نص ساعه خابرو وكالو جيبو وهاي لبنيه يمنه كال لبنيه روحي فرفحت كتله نطيني عنوانكم نطانه عنوانه وطاع فعلا باطراف بغداد اخ يا انذال يا ساقطين انه اعلمك بسيطه خلينه وطلعنه وخلينه غضب يم ابو الهاشم ماشاف اي شي من عدنه غير اصواتنه
نهر : ضليت طول الفترا ابجي وادعي ربي يوديلي اخواني اخ يمه اخ بابا اريدكم عمار عبدالله محمد واحمد وسامر وساهر وايمن وينكم اخواني ليث اريدك اي ليث اريدك احبك ليث بس تعال اكولها والله وينك شويه ورا ساعات حتى ماي مانطوني اشرب دخل عليه هذا نفسه وجراني من شعري حيل صرخت
الرجال : لج امشي امشي س* وصلت نهايه الاسد والراهب الا اكتلهم كبال عيونج بس خل يجيبون زعيمنهً
نهر : يحجي وانه ابجي واصرخ عوفني عوفني طلعني جر برا ورا ربع ساعه دخلت سيارته شفتها اي هوه ويا اخويه عمار وشفت شخص راسه مغطيه عرفته اخوي سامر من طوله عمري ما انسه رسمه رئسا صرخ
ليث : جابها ملابسها كلها دم وعيوها متفخه وكاضها من شعرها صرخت عوفه كلب لك عوفها اتركه
الرجال : انطيني ابو الهاشم واعوفه
ليث : وهذا ابو الهاشم امشي روح لجماعتك صدكً باوعت عليهم تركوها ضلت بمشي وترجف وتبجي كل قوتها سامر يمشي بطيئ هيه كبل ركضت يمي وجماعتي داهمو المكان ماسمعنه غير الطلق بكل مكان اجتني وحضنتها كل قوتي كتلها اخ يا حبيبه كلبي اخ يانهر شسويتي بيه
نهر : عفيه ليث اخذني اخذني ليث اخذني بقيت كامشه قميصه ماشووف الا ليث صرخ وطاح
عمار : وصلنه وصار الهجوم وشفت نهر شكد تحب ليث رغم اذيته القينه القبض عليهم ماشوف الا هذا الكلب سحب السلاح وضرب ليث كبل هجمت عليه وموته كتل رحت عليه اسمعه يكلها
ليث : نهر سامحيني نهر سامحيني ماريد اموت واعوفج نهر احبج انه نهر الله يخليج
نهر : يحجي وعيونه دمع وانه ابجي ويا ليث كوم حبيبي مابيك شي والله وهنا جانت اول مرا اكله حبيبي بيها واحس ماخايفه اجت الاسعاف
عمار : خابرت الاسعاد واتصلت بغضب يرجع الساقط لمكانه وهذول كلهم كمشناهم بعد ما شبعو كتل مني ليث مابيه شي بس اغمى عليه من النزف رحت ع نهر اجت الاسعاف كومتها وحضنتها وجه سامر حضنها حيل وكله
سامر : تم كلشي مثل ماخطط هالليث عمي صدك اسد واخوي صدك راهب اسم ع مسمى بس الخرب الطلقه الي اجت بليث رحت ع نهر وحضنتها وكتلها افديج بروحي يابعد عمري نقلناهم ع المستشفى ونتضرنه بره
نهر : وصلنه للمستشفى واخذتني الدكتور داوت جروحي وانه بالي كله موملكي ادعي بكلبي اكول من عمري على عمره حبيبي ليث بس كوم خلصت وطلعت هالحجي بلا شال وشعري وراي يفتر اجاني عمار
عمار : هايروح اخوج شلون صرتي هسه
نهر : عمار ليث
عمار: لتخافين عليه بزون بسبع ارواح مابيه شي هههه
نهر : سامر وين
عمار : سامر برا
نهر : شنو يسوي
عمار: نهر عوفج من سامر جاي احجي واجه الدكتور كال لتخافون اصابته كلش طفيفه وميحتاج يبقى اصلا يس هوه لان بله اكل اغمى عليه وحاليا نايم من يكعد طلعو
نهر : اكدر اشوفه
الطبيب : اي تفضلي
نهر : دخلت وشفته تقربت عليه وكضيت ايده كبل ضليت ابجي دموعي طاحت ع ايده ابجي بهدوء حتى مايكعد كبل ايدي نكمشت حيل عرفت بيه كعد باوعت عليه بلهفه وكتله سلامتك
ليث : فتحت عيني لكيتها كبالي كاضه ايدي شديت ع ايدها باوعت عليه شفتها حيل متغيره حتى لون عيونها مطفي جاي احجي وطب عباس
عباس : نهر طمنيني شلونج شخبارج خو مامتاذيه
نهر : الله يسلمك خويه مامتاذيه
عباس : باوعت بحزن عليها وعلى ليث كتله سلامتك ابن عمي ماشوف شر
ليث : الله يسلمك ليش تعبت روحك هيج واجيت وعيني على نهر بدون حجاب ضليت اسبها بكلبي واعصر ايدها حيل
نهر : عصر ايدي حيل لدرجه تاذيت كلش
عباس : لايخوي صدك جذب بس عرفت بيكم اجيت وراكم وغضب كلي انته هنا ونهر سالمه مابيها شي
ليث : الحمدالله مابيها شي
عباس : ماشي يخوي راح اطلع انه مع السلامه انتضر برا ارجع وياكم
ليث : اي هلابيك
عباس : طلعت ورحت وتذكرت منضرهم منها وكلت تحرم عليه نهر مافكر بيها لوادري اموت الله يوفقهم شفتها شلون تباوعله هاي النضره الي مستحيل الها تفسير ثاني غير الحب قررت اللتهي بشغلي وعملي وخلص طلعتها من كلبي انتضرنه برا
ليث : ولج نهر شلون بيج ليش مالابسه حجاب ع راسج ولج تردين اموتج هسه والله
نهر : ا انه اسفه ماعيدها والله
ليث : اخ اذوب ع ارتباكها وعيونها ضل تلمع كتلها نهر
نهر : نعم شيخ
ليث : بلا شيخ كليلي خفتي عليه
نهر : احس خدودي صارت نار من ورا بس رديت عليه ش شلون ماخاف عليك شيخ طبعا اخاف عليك
ليث : كتلها اروح فدوه للي يخاف عليه طب عمار
عمار : ها عار ماصار بيك شي كالعاده
ليث : ضحكت وكتله طالع عليك ضلعي
نهر : اباوعلهم ومستغربه بس اول مرا اشوفه يضحك حيل جذبتني ضحكته
عمار : هي سدي حلكج بعدين اشرحلج كلشي وانتي قرري
نهر : اريد اطلب طلب شيخ
ليث : كولي
نهر : اريد اشوف ابوي وامي واخواني
ليث : تامرين هسه ننطيهم خبر يجون عمار خابر عليهم يجون ولاتكلهم باي شي ونطيني تلفوني
شيخ عكاب : كاعد ودك تلفوني شفته الاسد مالتنه رديت وكتله ها بويه بشر
ليث : كلشي تمام جدي ونهر مابيها شي زينه هسه شويً وجايين جدي خلصتو البيت
شيخ عكاب : اي بويه خلص وصلو هذول الي دزيتهم نضفو وجابو كلشي جديد
ليث : ماشي جدي عاشت ايدهم جدي اهل نهر راح يجونه مثل ماكتلك سوي قبل لا اطلع
شيخ عكاب : تدلل يبعد جدك سديت الخط منه وخبرت الموجودين وحيل فرحو
نرجع شوي بالزمن قبل ساعات
ليث : جدي انه رايح هسه محد اريده يعرف بشي تمام وانشالله ارجعه من اجي اريد تجمع الشيوخ الدم البينه راح اطيحه جدي
شيخ عكاب : يازين ماسويت بويه البنيه ماتستاهل خوش بنيه وترا اهلها اجاويد
ليث : ادري يجدي ماشوفني محتار
شيخ عكاب : روح وانشالله يصير مثل ماتريد
رجعه الى الواقع
بيت ابو عبدالله
علي : كاعدين ودك التلفون شفته عمار كلت الله يستر مايجي منه بس المصايب لان من يسافر مايدك الا اكو مصيبه رديت عليه
عمار: هلا ابو عبدالله شلونك
علي : انجب حيوان بكدك انه شتريد
عمار : له له وانه اريد افرحك شويه هيج تكلي
علي : شنو كول
سميه : هذا عمار
علي : اي انت يلا احجي
عمار : بويه جيب اخواني وامي وتعالو لبيت شيخ ليث الفارس
علي : ضليت صافن عمار شنو صاير كول
عمار : ماصاير شي والله جيبهم وتعال يلا في امان الله ها بويه ايمن وسامر ثنينهم بيت الشيخ
علي : سديته وكبالي كاعده سميه وملك سمعو ملك كالت اروح وياكم اريد اشوف نهر كتلها امشي بس انطي خبر الاهلج يلا سميه كومي
سميه : لا حيل فرحت راح اشوف بنتي رحنه بدلنه وتوجهنه للبصره
علي : طلعت وانه ما مصدك راح اشوفها لبنتي وكلبي يوجعني كلش هواي احس بيها شي كملنه طريقنه .
ليث : طلعنه وهيه كاضه ايدي مامصدك منضرنه احس روحي اسعد انسان بالدنيا وصلنه للسياره وغضب مابطل تشمر بس كلت ماطول احبها اي احبها وهيه هم تحبني مبين منها تحبني والله خلي شمايحجي خل يحجي
عمار : ها ابو النسب
ليث : ماتبطل سوالفك
عمار : لا ياخوي
سامر: ليث انه اسف ع الصار كله
ليث : لاتعتذر يخوي انت ماسويت شي وعصبيتك تحكمت بيك واخوي اعرفه شلون مستفز
سامر : كلي هيج واحس سعاده بروحي نملت تذكرت حبيبتي لجين اخ يالجين كلشي نحل وبسهوله الله مايقصر
عمار : صافن وتذكرت ام لسان هههههه لسانها شطوله اكلك ليث هاي الاجتكم منو
ليث : منو
عمار : هاي البنيه الاجت وي خواتك
ليث : ماتذكر عمار هيه سالفه نهر ماخلت براسي عقل افكر اصلا
عمار: ها خير انشالله
ليث : طلعنه وطول الطريق كاض ايدها مامصدك اخير شي وصلنه للبيت ودخلنه السياره بالكراج وجان انشوف .........
............///
