رواية كريات الدم السوداء الجزء الثاني الفصل التاسع عشر بقلم زحل شريف
___قدر __
_طلع السيارة من الگراج ورجع عليه.
ثابت::لا تحجين ابد خاف سونه تتصل بيج لو بنين.
_هزيت راسي اي قفل الباب وراح ، للصبح مانمت
اباوع للساعة وگأنو متعاندة وياي تالي نفذ صبري
اتصلت بي رد بتعب،
ثابت::ها يابه،اعذريني ترى انشغلت بالحجي اتخربط.
_يا شبي هو شجابه يمك مافهمت.
ثابت::من شاف وضع الباشا ،،ارتفع ضغطه .
_وليش بلغته جا انته مو وصيتني مااحجي.
ثابت::عبالي حادث بسيط والامر هين.
ثابت:؛طمني شلونه الباشا،
ثابت::ادعيله ياقدر وضعه مو تمام.الحادث قوي
السيارة صايرة قوطيه مفلشه تفلش ، بمعجزة مطلعينه منها ويم ربج بعد لان حالته حرجة كلش.
_بدون شعور لطمت على صدري،، وصحت يااا يمه.
ثابت::اسم الله يابه .
_حس بيه بجيت ،، رد وهو يتحسر.
ثابت::سمعيني يابه ،، روحي لبيت الحجي ابقي يم البنات لان لحد الان منعرف الحادث مدبر لو شنو
_خو اروح لسونه افضل.
ثابت::لا لا بيت الحجي ،، لان الكل هناك حته خواتي واهلنه كلهم وهم عيب يكولون مااجت قدر.
_تمام تمام بس عادي انه اروح لو شنو.
ثابت::هسه اخلي نغم تعبر عليج يله يابه .
_نهيت مكالمتي ويا،، وتصلت بسونه
سونه::ها شو مالج خلك شبيج؟ لاتكليلي تعاركتو
_لا ولج غير الباشا سوى حادث
سونه ::شنووو،، شلون وين
_حجيتلها مختصر ،، يله عوفيني هسه لان
راح يجون عليه .
سونه::عود طمنيني .
سديته منها ،،وركضت لبست اجت عليه
نغم ما توقعت الگه العشيرة گلها متجمهرة
بيتهم ،،أعرف خوات ثابت بس البقيه ماشايفتهن أصلا ضليت محتارة وهنه يباوعن بوجهي بنين
منتهيه بس الدموع تصب اريج كاعده يم عمات
الباشا الي يصيرن خالاتها
همزين نعم نقذنني كمت وياها للمطبخ
سالتها إم اسعد ماكو .
نغم::بالمستشفى .
_تلكني بنات محمد
كلش حبابات اندمجت وياهن التهينا ماي جاي .
نغم::قدر حبابه غسلي الترامس .
_اشتغل وهنه بلشن بتحضير العشى وكل شويه
يكولن اجو بيت فلان وصلو بيت فلانه .
نغم::اگلج السالفه مو مال مطبخ امشنا للترك
انطلع الگدورة الكبار نذب الدجاج برا وباقي نسوي هنا شتكولن .
_ايدنها البنات اباوع ،، يشتغلن بدون عجز
ضليت لازكه بنغم لان احس روحي غريبه بينهم
لليل كفينا المواعين وهنه كل مجموعه يسولفون
بموضوع ،، اجت إم اسعد بس حيل منهارة تلكنها يسألنها عن وضع الباشا.
وفيه::يممه من عمري على عمرك يمه
ربي لاتفجعمي بوليدي دخيييلك الهي .
_نزلن دموعي،، وحسب ماكالت حالته خطرة
إرتفعت أصوات الكاعدات شي تدعي وشئ تبجي
ضليت كاعده حالي حال البنات ونغم ،، لحد ما فرشو للزلم الي جايين من غير محافظات
وعماتهم توزعن ناس بيت محمد صاحت عليه
إم اسعد رحتلها ها خاله.
وفيه::تعاي مدي ضهرج ماما .
_لا اروح يم بنين احسن .
وفيه::اي روحي .
_عبرت للمطبخ اخذت جنطتي من الكاونتر
همزين بنين محظرتلي فراش تمددت وانه افتح تقالي لكيت مكالمات من سونه خطيه حتى رسائل
دازة ضال بالها دكيت أول رنه جاوبت .
سونه::يعني شكول هسه بشرفج معقولة
كل هذا نوم ولا تكليلي حته ثابت نايم.
_ زفرت بملل ورديت ،، بس انطيني مجال
احجي يمعوده .
سونه::دحجي شبيج تقطرين تقطر.
_بعدت النقال من أذني احس صوتها وصل لبنين
الي مغطيه رأسها وتنشاغ ،، ردت صاحت
سونه::ولج احجي شبيج انلصمتي .
_شحجي يمعودة مو گتلج ،،حسب مايكولون حالته خطرة ،، قاطعتني وردت بخوف وصوت مخنوك .
سونه::لا لا اسم الله أن شاء مابي شي .
_بقيت احجيلها عن قلقهم عليه نهيت مكالمتي
ونمت الصبح گعدت لكيت الناس زايده اباوع
كلهن بنات عم وخالات وخوال من اسال ادوخ
ضليت ياهيه تصير اكبالي اباوسها وترك نغم تعرف
عني للظهر وتفاجئ بجية مريم وامها ،، جريت الكرسي وكعدت احس رجليه وجعني صافنه ونبهني صوت اريج باوعتلها شايله ابنها وهو ناط يبجي.
اريج::شيلي عفيه موتني مالي خلكه.
_شمرته عليه وراحت ضليت محتارة بي لحد
ما نغم اخذته مني والتهيت ويا البنات ،،كم يوم والباشا حالته مامستقرة،،، أمه بس تبجي جابو الحجي يتجوله اباوع الرجال منتهي،،،،،رغم جنت اشوفه قاسي ويا وجاف بتمعامله،،،، بس اليوم
ثبتلي هو يحب أكثر من الكل،،بين الخوف والقلق لان اليوم يسوون عمليه ،،،،،،للباشا أمه وابو راحو للمستشفى ،الكل بحاله ترقب صاحن عليه البنات .
نغم ::كملت المرك راح اعبر اغير ملابسي واجي.
بنين::قدر عفيه بس عينج على التمن،،
بس أصلي الضهر .
_انتبهت لاريج دخلت خلت ابنها يم بنات عماتهم
ضل الوليد من وحده لوحده ،،،،، شويه وگامن ماانتبهت منو الي خذت دانبي،گمت جبت تقالي وگعدت لكيت سونه مراسلتني .
سونه::ها بشري شنو وضع الباشا .
_توني اريد اكتبلها ،، ودخلت اريج وابنها بيدها
يبجي وهيه تزمخ بي التفتت عليه وحجت بصوت عالي .
اريج::مو خليته يمج،،ليش عايفته يبجي.
_ضليت متفاجئه ،، ردت صاحت .
اريج::جان عفتي نقالج شويه لحد ما ينام لو
ماتگدرين اله تنطين الاخبار لاختج بگل وقت.
_ويا احجايتها دخلت نغم .
نغم::شكو ترى صوتج واصل للكراج.
_تجاهلت نغم والتفتت عليه.
اريج::دگومي اخذي نومي بغرفة بنين.
_گمت وانه احجي،لا عفيه مايسكت عندي.
اريج::لا اذا تشيلي يسكت.
_ردت عليها نغم .
نغم::ترى انتي تعرفين ميسكت عند احد وهو
يخاف ويتنحس من الهوسه نومي افضل .
اريج::مايقبل ينطمر خل تاخذله لغرفة بنين .
نغم::يمعوده تكلج ميسكت عدها ،، شسويله.
ترى زايده منج ،،كل شويه شامرته على وحده.
اريج::وانتي شكو ،، ليش مغثوثه .
_ضلن وحده ترد الثانيه ،، على صوتهن اجن
بنات محمد وكم وحده من قرايبهم وتفاجى
بمريم هاي شوكت جايه ،، قاطعتهن بنين.
بنين::شسالفه ردت بس أكمل صلاتي
شبيجن احنه بيا حال هسه وقت دهرتهجن.
_كمله من هاي وكلمه من ذيج صارت هوسه
اجت عمتهم صاحت بيهن اريج أخذت ابنها وراحت لبيتها,,بقن قسم متعاطفات ويه اريج ويكولن خطيه لان قلقه على زوجها ،،بنات محمد يردن كلنا قلقين.
مريم::بس مو مثلها كلنا ندري شكد تحبه.
نغم::اي وشنو اذا تحبه مسوي فضل .
بنين::يمعودات إسكتن يعني تشوفن الوقت مناسب
لكلامجن كومن خل انغدي الناس ترى كملو صلاه.
_خنكتني العبرة ،،انسحبت من يمهن دخلت اعرفه
بنين ودكيت على ثابت مارد كررت الاتصال بس اتفاجئت بمولي الي رد
مولي::ها قدر .
_جا ثابت وين .
مولي::راح هو والولد لمختبر الدم
_عفيه وديله النقال اريده ضروري .
مولي::خاب تفهمين شحجي اكلج راحو يسحبون
منهم دم ،، لان الباشا راح يدخلو للعمليات.
_سديته منه ،،وطلعت لكيتهن ينكلن الاكل للصاله
راحت إم اريج جابت اريج الي مسويتلها زعله.
نعم::احنه خلي نتغده هنا شتكولن.
بنين::اي احسن.
_اشرلي يله كعدت يمهن .
بنين::شبيج ،، تصفنين.
_هزيت راسي ماكو شي ،، كفينا المواعين واريج
وحبايبها يطبن ويطلعن يخزرن بيه ،،راحت بنين
للصاله ونغم والبقيه گامن نضفن البيت والكراج
وكفت احضر جاي،، ومريم تطب وتطلع كل شويه ذابتلها كلمه .
مريم::شكد اكره الي يتلوكون.
_اشرت على نفسي ،،قصدج انه.
مريم::اي عود شوفوني حالي حالكم .
_اي طبيعي حالي حالهم لان زوجة ابنهم
و هذا الواقع ،بس الضاهر انتي ماجاي تتقبلين الأمر، وحاليا انتي الي تتلوكين ، قاطعتني تحجي بعصبيه .
مريم؛:ترى بعدني جنتهم ،، يعني حتى لو اطلكت
ابقه منهم وبيهم، وهذا الأمر الواقع الي مااتكدرين.
تغيرينه فلا تعبين نفسج.
_ترى انتي الي متعبه نفسج مو انه،، والدليل كلامج.
مريم::هههه شوفي قبل جنت اريد اطلك
بس هسه لا على اعنادج راح ارجع ،فلا تفرحين
لان راح اسوي ايامج بلون ابوج .
_دارت وجها وراحت ،،حجيت بگلبي انه شكو باقيه اروح لبيتي احسن ،،دخلت اخذت جنطتي وانتهزت الفرصه الكل مشغول،،،،بخطوات سريعه عبرت الاستقبال وطلعت،، وبس دخلت لبيتي دك تقاليد
باوعت رقم بنين فتحت خط .
بنين::وين انتي يمعوده ؟
_بيتي .
بنين::بشرفج شلون طلعتي وليش ماگلتي
تدرين انخبصنا ،،
_احتاجيت ملابس وانتي ملتهيه .
بنين::صدگتج لاتحلفين دتعاي تعاي .
_لا اريد اسبح واخذلي غفه لان تكسرت
من كعدت المطبخ عود بعدين اجي .
بنين::تمام بلغي ثابت.
_سدته بزعل ،، كمت سبحت وتمددت بغرفتي
اتصلت بسونه وحجيتلها الصار، خلصتها حسرات
سونه::لو كايلتله وجايه يمنا احسن
شكو باقيه لوحدج .
_هو غير يرد شكد خابرته ماكو .
سونه::اگيد ملتهين بالباشا.
_ضلت نسولف وياي لحد ماغفيت مادري بروحي
فززني صوت النقال،، باوعت يا هاي شوكت نمت
ركزت بالشاشه رقم ثابت فتحت خط حجه بعصبيه.
ثابت؛:ليش طالعه من بيت الحجي بدون ماتكولين
شوكت تبطلين هل حاله شوصيتج انه؟
_نرفزني اسلوبه ،، صحت غير تعرف ليش طلعت.
ثابت::مهما صار المفروض تخابريني تنطين خبر
للبنات مو دورين وجهج واطلعين بدون محد يعرف
_مو خابرت ورد عليه مولي شسوي.
ثابت::اي ماوماصبرتي لحد مارد عليج.
_صبرت على اهانت اريج،، بس مامجبورة
اتحمل مريم .
ثابت::ومريم شگو .عركتج ويا اريج .
_عركتي يعني انه الي عاركتها ؟
ثابت::قدر قدر ترى كوة واكف على رجليه
اتشوفين ،، الوقت مناسب لهل سوالف يله حضريلي ملابس راح ادز مولي ياخذهن وبدربه يرجعج .
_قاطعته لا ماروح .
ثابت ::تمام براحتج.
_حجاها وسد الخط بوجهي احس فحمت
بسرعه گمت حضرتله ملابس . اجه مولي
طلعتله الجنطه باوعلها وهز ايده.
مولي::شسالفه ترى بالمستشفى مو مسافر
_يحجي وبنفش بالملابس
مولي::كومي اطيني علاكه.
_جبتله علاكه اخذ بس غير مال يوم
ومعطر وخاولي طلع المشط شمر عليه
مولي::هذا انطي لاختج كليلها خل تمشط ،رحمه لوالديج لان انفضحنا ،،من طلعوه من العمليه لحد ماجيت هو يصيح إم اعطوب .
_فكيت حلگي ،، يا والناس تسمع ؟
مولي::لا سدينه اذاناتهم ،، دكومي كومي.
_وين اروح .
مولي::لبيتنا غير .
_لا وديني لاختي.
مولي::هو كلي رجعها لبيتنا .
_خلص انه اروح .
مولي::وين ترحين يمعوده فضيني .
_گتلك ماروح لبيتكم توديني لاختي .
مولي::خل اخابرة
_عفته يتصل وگمت جبت نقالي وجنطتي
رجعت لكيته گايم ،،سالته ها شكال
مولي::بس الله يگدر عليج .امشي
_لاختي لو وين،،التفت عليه
مولي::لام اعطوب .
_قفلنا البوب وطلعنا قبل مانوصل سالته شلونه
صار الباشا،،رد وهو يتحسر
مولي::يم الله .
_يعني شنو ،، مو سوى عمليه
مولي::اي بس ،،كسور بكل جسمه .
_نزلني وبقه واگف لحد مافتحلي الباب يله راح
تلكني البنات وبس حظنتها بجيت .
سونه:: اتعودي ولازم توكفين بوجهن لان اتوقعي
بكل مناسبه يغثنج خو ماتردينهن يتقبلن وجودج.
مديحه::وشبيج عوزج گبر خو الي تندك بيج
طيحي حظها ونعلي والديها،، حته يتوبن .
_هنه وحده تحامي للثانيه ،،كلهن بنات عم
خال عمه خاله،، الغريبه بيهن بت عم عم ابوهن.
سونه::شلون صار الباشا.
_ باوعتلها القلق ماخذ من حيلها،، حجيت وانه
انزع صايتي ،، ومادام يهمج وخايفه عليه وتحبينه جا ماتزوجتي ؟ هزت ايدها ماراضيه صحت أي
غير نعرف شنو السبب .
سونه::نفس السبب الي خلاج تجيني هسه.
_اي لو مزوجته جان ،،وحده سندت الثانيه
جرت عكازتها وگامت تتوجه بالم
سونه::متت انه متت،، الله اخذني
_حجتها وبجت،، التفتت على مديحه
مديحه::يمعوده هيه روحها خلصانه
ليل نهار هيه تلوب ،، ومنا الم رجلها وصفحتها
الهاجت عليها .
_نزلن دموعي ،، يعني تتعمد ماتتعالج
تريد تموت وتخليني ليش هيج تسوين
مديحه::يله يعني شحجي يربي شنو هل عقوبه
مخليني بين بنات الصخل شذنبي .
_اوو ترى مو وكت سوالفج
مديحه::ماترهم ماترهم الرحمه اضن عقوبة
راضي خلفجن حته يشبع نسبه،،ولج زرفتها
تزورف من الابر،،، وتسفت كبسول .
_جا ليش ماطابت؟
مديحه::لان انتي اختها.
_ضحكت سونه وهيه تمسح بدموعها
رفعت حاجبي وصحت،،ها ضحكتي لان حجت عليه.
سونه::لا هسه فعلا ثبت كلام مديحه صح
ولج شبيج انتي شبيج ماتكليلي .
مديحه::ترى وراثه مو بيدها.
_وقبل مارد عليهن دك نقال سونه باوعتلي
هزيت راسي شگو ؟
سونه::ثابت .
_أي ردي شبيج ,, فتحت خط تقربت يمها
دفعتني وفتحت الصوت اجانه صوته
ثابت::ها يابه شلونكم .
سونه::الحمد الله ،، طمني على الباشا.
نجحت عمليته
ثابت::وبعد ورا عمليتات ادعيله لان حالته مامستقرة.
_بس گالها هيج خنكتها العبرة ،،شلت النقال
ولغيت الصوت ورديت عليه ، أن شاء الله يتعافى.
ثابت::ان شاء الله ،، دنطيني سونه اريدها
_فشلني شمرت النقال عليها هزت ايدها ماراضيه
وردت عليه مدري شگالها ،، بس حسيتها انزعجت
ادنيت يمها خليت اذاني اسمع.
سونه::خو ماطرده بس اكيد ماخلي يلتقي بقدر.
ثابت::خاف احد يستغل عدم وجودنا
وتصير مشكله واي شي تحتاجو خابري
مولي راح ادزلج رقمه.
سونه::ماكو داعي اذا ردت شي ادز مديحه.
ثابت::يله اخذي راحتج .
_سدته ودارت وجها علينا،، گامت مديحه جابت علاجها اخذته ودخلت لغرفتها سالت مديحه،، شعنده طارق يجي.
مديحه::مايجي مرات يمر يشوف سونه
بس يخابر يوميه يطمن عليها الولد درة مال الله.
_صفنت واخذتني ذاكرتي لايامي بيت فاروق
وغصب عني أحن الهم بالاخص طارق
مديحه::لاتصفنين هيه تصفى.
_شوكت يمته يايوم ؟
مديحه::لحد ماربج يريد.
_تجبرني احجي التفتت عليها اي شيخه مديحه
ماعرفت صايرة مؤمنه وتحجين مواعض هاي
منين شوكت تعلمتي .
مديحه::نهار كله مكابلين البلازمه
مرة قرايات ،،مرة محضارات
_ومرة أغاني ؟
مديحه::لا انه من اريد اسمع اغاني
مايطربني غير سونه.
_اي دخل اگوم مشتاقه لصوتها .
مديحه::لا ابشرج هل ايام ذابتها على لطميات.
_وتعده يومين احنه نخلص وقتنه بين
سوالف مديحه وبين قلق وخوف سونه على الباشا
صبحت رحاتي تأذيني راحت مديحه جابتلي غرغرة
ومسكن مافاد موتتني .
سونه::خابري ثابت بلكي يدزلج مولي ترحين تشلعيها خو ماتبقين موجوعه.
_صارله يومين ماكال اخابر اطمن .
مديحه::يمعوده غير ملتهي بالباشا .
_شمرت عليه النقال دكيت مارد كررت الاتصال
ماكو ضليت الوب الألم موتني احسها ادك براسي.
مديحه::خابري مولي .
_اسكتن رجاء ماخابر لاي شخص
سونه؛:جا اتضلين هيج يمعوده ترى بليل ماكو أطباء دخابري,, هسه عليمن احجي شوجيبي نقالي.
_گامت مديحه انطتها نقالها ،،، دكت من أول رنه
جاوبها احس نار واشتعلت بگلبي،، ضليت واگفه
يمها سلمت عليه وكالتله.
سونه::قدر رحاتها تأذيها ومافادها علاج
اتصلت بيك بلكي ادز مولي ياخذها تشلعها
_وقبل ماتقرب باوعتلي ،،بسرعه فتحت الصوت
رد عليها
ثابت::اي هسه خل تحضر نفسها .
_دنكت اخذت النقال ،، وصحت لا يجي وسديته.
سونه::طاح حضج .
_التفتت على مديحه گتلها كومي .
مديحه::لاتسويلج سالفه هسه يجي حماج ياخذج.
_عفتهن ودخلت لبست صايتي وخذت جنطتي
گامت مديحه ،، صحت بيها اذا وكفتي گبالي
اسحلج وخررري .
مديحه::دوكفي بت الصخل بس البس صايتي.
_طلعت وهيه اجت تركض وراي التفتت عليها
وگفي تكسي فضيني .
مديحه::وين اگله؟
_لابوج ولج للدكتور بعد وين،،,, هزت رأسها أي
وكفت تكسي وصلنه لشارع الأطباء حجزت ودخلت
ماقلبت الدكتورة اشلعها انطتني علاج
الدكتورة::ينزل الورم ونحشيها حرامات
تخلعينها.
_الم ماينحمل دكتورة شلعيها.
الدكتورة ::هسه بس تاخذين هذا الكبسول تصيرين افضل .
_طلعنا احس الم گلبي اقوى من الم رحاتي
وكفت مديحه جابتلي بطل ماي اخذت العلاج
رجعنا تلكتنا سونه تسأل گعدت دموعي مابطلت.
سونه::ها شلعتها.
_حجتلها مديحه
سونه::هسه عليمن تبجين ؟
_على حالي على وضعي على الضياع الانه بي
انه لو عندي أهل جان ما اتحكم بيه هيج
جان حسب حساب لاهلي مثل مامحسبين
احساب لمريم واريج وبقيه نسوانهم .
سونه::وهذا الي خلاني اتواصل بطارق رغم رفضهم.
_مافهمت شدخل طارق؟
سونه::حته لو صار بينج وبين، أهل طارق مشاكل
عادي هذا علاء هم يوميه مشكله ويرجعون يتصالحون لان يبقون أهل.
_اي وحته مريم كالتلي ،حته لو اطلك يبقون بيت عمي يعني مستحيل يمنعوها من دخلتها عليهم.
مديحه::اليوم شنو بالايام.
_التفتنا عليها ،، كامت وكفت باب الغرفه هزيت راسي شكو ،، دنكت سونه تخفي ضحكتها.
مديحه::وروح امي الخميس يخوف ،، بنات الصخل
گعدتن وحده ترفع وحده تكبس مو يعلكونجن من
اعطوبجن ،، طناكيرجن خلنها على صفحه.
_ردت اكوملها طبكت الباب.
سونه::دختولي وسمعيني ،، من يطلع الباشا بالسلامة تحجين ويا ثابت حته تلتقين بطارق
_اكيد مايقبل .
سونه::واحنه مو كيفه يردون يتحكمون بينا ونبقى
تحت رحمتهم ،، بيت فاروق يعتبرون بيت عمج
حته لو بالتبني المهم الولد معتبرج هيج .
_نحجي والباب اندك التفتت عليها منو يجي؟
سونه::اكيد واحد من اعيالج.
_كمت وفعلا لكيت مولي.
مولي::يله قدر امشي ترى مانلحك على دكتور.
_باوعتله وهزيت ايدي تفاجئ اشرت ادخل
ومشيت اجه وراي ، سلم على سونه وكعد.
مولي::يله يمعودة .
_رحت وجيت,,فك حلكه يباوعلي مامصدك
مولي::منو اخذج؟
سونه::مديحه خذتها انه ادري انتو ملتهين .
مولي::والله كلش ملتهين,,,,,, بحيث نوم مانام
تدرين لازمين خفارات ونوب الناس الي متجمهرة بالمستشفى من السلام تعبت .
سونه::شلون صار؟
مولي::مو زين لان الألم مضاعف كل جسمه
مكسر والمصيبه ،، لايفيد مسكن ولا شي
لان هو بشرب ويدخن كوة البنج يأخذ بي
يله انه اترخص محتاجين شي .
سونه::لا بس طمنا على الباشا.
مولي::دسجلي رقمي حته اذا ثابت مشغول
اتصلي بيه فضل،، اودعناكم
_راح مولي ويمكن بعده ماعابر الشارع ،،دك نقالي فتحت الصوت شمرته على سونه ضلت تعض بايدها وقبل ماتحجي ،،اجانه صوت عبالك مگروص .
ثابت::مولي رجع عليج ترحين لبيت الحجي.
_رديت برود لا ماروح لحد ماتجي انته نرجع لبيتنا.
ثابت::قدررر لا توازيني ترى .
_قاطعته,, ترى شنو تعوفني لو شنو؟
ثابت::هينه ادللي يصير خير انطي التلفون لسونه
_ردت عليه .
سونه::اسمعك.
ثابت::مع الأسف عليج هاي وانه وصيتج؟
سونه::ماضن سويت غلط،، اتصلت بيك مارديت عليها
ثابت::وجاوبتج وگتلج مولي راح يجيها.
سونه:: ياصاحبي ،، ادري بيك خوش زلمه
ترى راحت واجت يله وصل مولي .
ثابت::يابه باالله ماشايفين دربنا
_ومثل ماانته ماهان عليك الباشا يتألم انه ماكدرت
امنعها لان موجعه خو ماتبقه لحد ما انته تفرغ .
ثابت::تمام خير ان شاء الله دخلي تحضر نفسها
راح يجيها مولي ،، تروح يم اهلي افضل حته اذا
تحتاج شي همه .
_قاطعته سونه.
سونه::لا خليها يمي لحد ماتطمنون على الباشا
افضل لان انته تعرف الجو بينكم مشحون منا اريج
ومنا مريم ومو دوم البشر يگدر يلزم اعصابه.
ثابت::تروح لبيتها .
_صحت لا ماروح شعندي ضاله لوحدي .
ثابت::من الأخير قدر شنو تردين .
_مااريد شي عود من يطلع الباشا ،،
من المستشفى تعال عليه .
ثابت::تمام اخذي راحتج.
_سده بزعل مااهتميت ،، وهيج مر اسبوع
على تواجدي يم سونه الي تحاول تخفي
خوفها على الباشا .
مديحه::يله حضرن قائمه اكتبن شنو تردن؟
سونه::شتلكين گدامج جيبي.
مديحه::خوش كلشي وكلاشي.
_وهاي سوالفها الي مهونه علينا الي احنه بي.
سونه::جيبيلي صبغ لشعر قدر .
مديحه:بدون ماتوصين،،هو انه ناويه اگلب خلقتها
_استلمني هلسني هلس بس صدك تغيير
احس ارتاحت نفسيتي،، طول هل مده طارق يتصل بسونه ماحجيت ويا بعد 15 يوم طلعوا الباشا اجه عليه مولي.
سونه::روحي واي شي يصير خابريني .
_دخلت ابدل لحكتني مديحه ،، باوعتلتها
مديحه::هيج حطي اصبعج بعينه الي يحاجيج.
_تحجي وماده اصبعها بوجهي
دفعتها خرب ابوج جا فكستي عيني.
مديحه::مو استيعابج ثكيل شسوي،، وستعملي
مكرج شويه,,, مو يروح الصبغ بلاش .
_بدلت ورتبت وجهي بمكياج خفيف،، ودعتهن
وطلعت بس وصلنه توترت تلكتني بنين دخلت
سلمت على الحجي
أبو اسعد::هلا بابا شلونها اختج.
_تمام.
وفيه::هلا بقيادة تعاي ماما مشتاقتلج .
_نضرات اريج مثل الصواريخ ،،ماهتميت ضليت
گاعده اجت نغم وندمجنا سوالف سالتهن عن الباشا .
بنين::بالاستقبال،، مارحتي سلمتي عليه،، ترى بعد اشوي تلتم العشيرة كلها يمه.
_استحي عفيه گومي وياي.
نغم::دمشي انه هم اريد اشوفه.
_دخلت وانصدم بحالته ملفلف من كل مكان التفتت ثابت گاعد على القنفه الي كباله،،لزمتني نغم من ايدي تقربت يمه بس شافني ابتسم.
الباشا::هلا بقيادة .
_نزلن دموعي ماسيطرت على شهكتي بجيت
حرك نفسه بصعوبه اشرلي كعدي جريت الكرسي
الباشا::يابه هيج انه عزيز عدكم ؟كون إم اعطوب هيج تبجي عليه.
_حجيت بغباء,,,,اي والله لو تشوف شلون
ليل نهار هيه تبجي وتدعي وروح امي.
الباشا::هههههه ،،اذا هيج يوميه اسوي حادث.
ثابت::دطيب من هذا الحادث.
نغم ::لا اسم الله عليك.
_حسيت بجفصتي،، ضليت فشلانه. شويه وطلعنه من يمه دخلت لكيت إمه تبجي . شالت رأسها باوعتلي نزلن دموعها.
نغم::عمه گولي الحمد الله ترى اليوم افضل
حته نفسيته مو مثل امس ،،،لو تشوفن شلون يتشاقه ويه قدر .
وفيه::وين الله واهل بيته ، كون بس يمشي على رجليه ماريد شي اللهي فدوتك .
_وعلى هل موال بقينا لليل ،، وهمه كل شويه
جايتهم ناس تكسرت من الكعده صاح عليه ثابت.
ثابت::امشي اريد اسبح وغير ملابسي ونرجع.
_طلعت ويا بس وصلنه لبيت جرني.
ثابت::اي ست قدر ،،هسه احجيلي
شنو ابالج .
_مافهمت شنو يعني،، مد ايده بوجهي مالحكت أبعد عصر شفايفي يمسح بيهن دفعته شبيك.
ثابت::المن محمرة ومنو كالج تلعبين بخلقتج؟
_شنو العب,, ترى جاي تأذيني شو وخر
ثبت وجهي بايده ودنك باسني احس اختنكت
مو بوسه عقوبه .
ثابت::خاف مامتروح بالغسل هيج خلصتج منها.
اياج المح شي بوجهج گومي حضريلي الحمام.
_گمت بدون ماجادله ،، حضرت الحمام وصحت
عليه يله روح اسبح ،، دخلت للغرفه غيرت ملابس
وبديت انضف بيتنا صاير كله تراب طلع ينشف بشعرة باوعلي غاطه بالماي .
ثابت::جان خليني باجر .
_لا كله تراب .
ثابت::مو نتاخر فضيها .
_روح انته عود من أكمل دز عليه مولي.
ثابت::اي وبعد .
_يحجي ونضراته تدور بكل شبر بيه،،ملابسي مبلله تقدم جرني ،، صحت بس هدني راح ازلك يمعود مو الكاع كلها ماي.
ثابت::احسن حته تسبحين انتي وبالبيت،،مشتاقلج
ومتحلف بيج بيمن نبدي .
_گيفك .
ثابت::احبج بس لا تستغلين هل شي.
_بين غزل وتحذير انتهى بيه المطاف بحظنه بقينا لثاني يوم يله رحنا لبيت الحجي ،، الباشا تعب كلش طلب منهم يرجعو للمستشفى .
اياد::ترى احسن لان الناس ماتكف منه
وهو متأذي مو مال مجامله .
أبو اسعد::خلص حجزوله بمستشفى اهلي
ورتبو الوضع بينكم ماتعوفونه .
_نقلو للمستشفى وضلو يوميه واحد يبات يمه
والد عمامهم لازمين حراسه ،،اباوع شكد يخافون عليه بحيث داخلين انذار .
وفيه::قيادة سون گباب انتي وبنين .
بنين::انتي عجني وانه اگلي .
_وهيج يخلص وقتي ،،واريج ومريم يتصيدن
الفرص لمغثتي ،، بس تعليمات مديحه وسونه
خلني ارد عليهن بحيث مافوت كلمه .
_____سلاسل_____
_صفنات توجع الروح ماكدرت اروح اسلم عليه
وتوصلني اخبارة من مولي وقدر مابيدي شي
بس دموعي تصب.
مديحه::إلى متى ؟
_لحد مانموت.
مديحه::اريد اكلج شي .
_وشنو لازمج بس لا مستحيه
مديحه::لا
_مو اكول انتي ماتستحين.
مديحه::راح اسكت لان تحملت ذنوب،هواي
لو يعلكوني بسمار بجهنم هم مااخلص
عقوبتي من مسبة ابوج الصخ.
_هزيت ايدي ضحكت.
مديحه::خرب اعطوبج ،، دسمعي صار كم يوم
رقم غريب يدك عليه وعبالي الشركه لان مو مثل ارقامنه .
_تحجي وتعلس شاميه جريت الماعون من يمها
كملي سالفتج ونوب اكلي .
مديحه::خوش ،، اي ف ما رديت خفت يبوكون رصيدي ،، شو كام يدز رسائل
_فضيها.
مديحه::من الأخير محابس.
_باوعتلها ،، طفرت كعدت يمي وهيه. تحتلف
مديحه::وروح امي مو الي ابالج
وهذا النقال شوفي.
_شيريد؟
مديحه::يكول بلكي ترحين لسليمه ضال باله
يمها لان محد يروحلها واكيد تحتاج مصرف
_اي صح ،، منو يروح ؟
مديحه::كال احولج فلوس وديلها.
_خل اشوف بلكي ثابت يرتبها النا.
مديحه::اي خطيه،، اكلج ليش ماتكلفين طارق.
_لا يمعوده ،، الولد مو مال هيج وهم ذكرتيني
اخابره حته يتصل بثابت الي غلس على شوفته لقدر
وهم يجيب غراض أمها.
مديحه::لا تستعجلين، وضعهم مو مال
حجي ترى ابنهم منتهي.
_جريت نقالي خابرت مولي ومثل عادته رد بضحك
مولي::بنت الحلال بذكرج.
_صرنه ذكرى.
مولي::عزيزة وماتغيب انتي هسه جروح بالباشا وماتطيب .
_شلونه ؟
مولي::كتله من نار .
_حقه الألم ماينحمل.
مولي::بس مرات اكو بشر يهون الألم ،، ثقي
مو استنقاص ولا حاسبج غير شي بس .
_تحسرت بصوت عالي.
مولي؛:ها اجيج ترى فرصه اليوم خفارتي.
_التفت على مديحه هزت رأسها شكو.
مولي::إذا دخلت مااطلع .
_تعال عليه،، حجيتها وسديت الخط كمت بسرعه
لبست صايتي وگفت مديحه گبالي دنكت
مديحه::متاكده واذا احد شافج.
_خلي ابالج لولا خوفهم منه ماخلونه بنصهم
مديحه::بس هم مايسكتون اذا شافووج.
_رفضو زواجه بيه من حقهم بس مالهم
سلطه وحكم على گلبي ،ترحين وياي ؟
مديحه::اي .
_اجه مولي طلعنه لحد ماوصلت المستشفى
هو يخطط شلون يدخلني،، تالي خابر واحد
مولي::سجاد بس امن الممر.
_بقت مديحه بالسيارة ،، نزلت امشي واتلفت.
مولي::هاي عكازتج خوش عذر .
_رجليه خدرن،، اريد بس اوصل للسديه ،، نايم
وجسمه كله ملفلف ،،،،تقربت ودموعي تنزل مثل المطر لا مو الك هاي النومه ،،،،،، ليش هيج ترى
انه أعرف،، ،، لو لا وجودك ماخلوني بنصهم گوم
حجيتها وغصيت بعبرتي،،،، دنكت على وجهه اباوع ذبلان بس بس بعدك حلو مديت ايدي اتلمست لحيته عطرة نفسه بصعوبه دنكت بوست وجه
اريد أبعد ماحست اله ايده حاوطت ركبتي
الباشا::سمرة دموعج رون روحي .
_مدري اشتياق لو توتر لو ماعرفت شتصرف
لان فاجئني ثواني غركت ويا بوسه عميقه .
الباشا::طبت وكل مرض مابيه.
_بعدت بخجل . ضحك .
الباشا::وتالي ؟
_لحد مانموت .
الباشا::اهون عليج؟
_بگثر عذابك متعذبه.
الباشا::يجوز ماامشي على رجليه بعد وهذا افضل
عذر للتخلي عن المنصب .
_تمشي وترجع اقوى من قبل وابقى محتميه بيك.
الباشا::منو كال انه حاميج ثابت .
_قاطعته گتلك قبل ترى عندي عقل .
الباشا::ابوسه.
_لاتستغل الوضع .
الباشا::اذا اموت خلي هل كلام ترجيه باذنج
ثابت مايتخله عنكم . بس هم لا تصيرين ضعيفه
_كوم على حيلك .
الباشا::اذا تتزوجيني اكوم ؟
_تدري طول فترة نومتك قدر عندي ،،هز رأسه شكو
سولفتله عن الصاير بينها وبين زوجته ومريم ولهاي الحظه هنه يسمعنها حجي.
الباشا::خو مايبوسنها براسها ،، وراح يبقى هل جدال بكل مناسبه ويكبىرن ويخلفن وهنه وحده
تضد الثانيه .
_عدلت شالي وهو يباوعلي ،، رديت منو احسن الحب لو الزواج؟
الباشا::كل شيء بدون حب فاشل بس لاتكليلي
انتي لهسه ماحابتني.
_حجها وغمز،،ضحكت لا قصدي خليني ذكرى.
الباشا::انعوفها الزمن.
_قاطعنا مولي دخل يتلفت.
الباشا::شكو ؟
مولي::أبو حيه باب المستشفى .
_احس صخنت ضليت محتارة
الباشا::شبيج يابه؟
_عيب هسه يكول.
الباشا::شيكول تحبه واجت تشوفه.
مولي ::يله نطلع .
_طلع قبلي گمت اشرلي على الميز الي بصفه
ادنيت كال انطيني نقالي ناوشتهيا.
الباشا::خل اخابرة اگله يجيبلي اكل حته تطلعون
_خابرة وشكد طلب شغلات احسه يتعمد يغثه
نهى مكالمته سالت ها ننزل
الباشا::شيلي الحضر أريد احجي وياج.
_طلعت أتلفت لكيت مولي لازمله عربانه،،شنو هاي
مولي::صعدي افرج .
_دمشي لا يرجع ثابت ترى راح يجيب اكل.
مولي::اصعدي وغطي وجهج لان ولد عمنا باب المستشفى
_خوش مايشوفوني وانته مايعرفونك
مولي::مديحه راح تسلمج من باب المصعد
وانه الحككم .
_كعدت مجبورة لفيت الشال على وجهه.
مولي::يله احرك.
_تبطنش بيه ترى عربانه راح اطيحني وانكسر
مولي::نحجزلج يم الباشا.
_تلكتني مديحه صعدت السيارة وهيه رجعت العربانه للمستشفى اجه مولي بعدنه بالطريق
اتصل بي ثابت رد برود.
مولي::أبو حيه الغالي.
ثابت::وين انته؟
مولي::اختنكت طلعت اغير جو يمعود ريحة الديتول والمعقمات تموت.
ثابت:: ماضن العطر الي بغرفه الباشا يخنك.
مولي::اي انه رشيت لان رادو يجو ضيوف.
ثابت::واجو ؟
مديحه::يمه.
_التفتت كفختها حطت اريدها على حلكها.
مولي ::بعد انه طلعت مادري .
ثابت ::بوجهك للحجي ينتضرك.
_سده ومولي التفت لمديحه.
مولي::صار ساعه نتختل مثل الحراميه ماخفتي
ولا صحتي يمه ؟
_ضحكت ،، ترى واضح كشف الموضوع
وراح يلزمك الحجي،، شلون تخلص
مولي::زوج الي يوصل للبيت هسه اشمرجن
وارجع انام جوى جرباية الباشا.
_نزلنا وراح شويه ودك ثابت.
مديحه::ها شتكليله؟
_شوكت هسه لو الصبح .
مديحه::اندري؟
_دكومي انام والصبح الله كريم،، وفعلا ثاني يوم
اتصل ثابت وسالني
ثابت::انتو طالعين امس؟
_لا ليش؟
ثابت::لا بس اجيت والبيت اضلم.
_نايمين ،،ادري مااقتنع مااهتميت بس
انشغل بالي الباشا ماتصل بيه،هو طلب اشيل الحضر .
مديحه::خاف همه يمه .
_عفتها تحجي وخابرت مولي سالته.
مولي::شگلج ياسونه نفسته كلش تعبت
نوب عنده عمليه لكتفه ومايقبل يسويها.
_حقه الألم مو هين ،، يله عود طمني سديته ،،
وهيج تمشي الاايام ،كعدت محتارة قدر وضعها
يوم زين ويوم تخلصها بجي بسبب سوالف اريج وامها باوعت لمديحه الي طلعت تلف بشالها ،
ها وين .
مديحه::اجيب مسواك اريد اسوي كبه
_خوش بس شعجب ماخلصت افلوس المصرف.
مديحه::تف تف من عينج بيهن برگه.
_طلعت ،، وبعدها بشويه اتصل طارق كتله تعال
گعدنه بالحديقه ،، وشكد يسالني عن وضع قدر
سوالف هواي ومن ضمنها أمه.
طارق::هل فترة ماعدها غير اريد اشوف جهالك
_مدنك ويحجي بخجل ،، شكد تعجبني اخلاقه
التفتنا على الباب دخلت تذمر من الطريق
جنها أفلام كارتون وهو يباوعلها
طارق::حلوة
_الله يستر عليها.
طارق::ويجوز الله دزني حته استر عليها .
شكرا لزيارتكم عالم روايات سكيرهوم
