رواية كريات الدم السوداء الجزء الثاني الفصل العشرون بقلم زحل شريف
____سلاسل____
_رفعت راسي باوعتله ضحك ،،حجيت بتردد
هذا الي يگولون عنه،،،، من سابع المستحيلات
استغرب كلامي عدل گعدته وصار بمواجتي وسالني بأهتمام
طارق::مافهمت ليش .
_حسب كلامك والي حجته قدر عن امك،، ماضن
توافق ،، اله اذا انته متوقع مديحه سهله وتريد تزوجها بالسر.
طارق::لا لا مو هيج .
_چا شلون
طارق::مااكلج امي ملاك بس ماريد اغثج،، عمر واحنه عايشين سوى حالنه حال أي عائله بيها سلبيات وايجابيات أبوي .
_تحسر بصوت ورفع رأسه ليفوك عرفته ذكر
وابو ثواني هو يجاهد نفسه ،، حجه بصوت
مبحوح .
طارق::جانت قدر مدلله بينا ،،،،،مايوم غثها أبوي
وانه اعتبرتها كلشي ،، صح بالمراهقه نمت مشاعر بداخلي بس أبوي صدمني من كال اختك .
_شلون قنعك بالفكرة؟
طارق::گال انو هو جان مزوج وداد بالسر,, وفلم يطول شرحه,, من ساعتها تحولت مشاعري حب الأخ الاخته بس ادمرت ،،،،لان حسيت بتقزز من نضرتي الها سابقا وقتها گنت مصادق ولد وهمه يشربون وردت امسح هواي أمور من ذاكرتي اسهل طريقه هو الادمان .
_يحجي ويتحسر اباوعله كلامه مال شخص واعي
ومثقف ومؤدب ،، صحت على مديحه جابتلنا جاي
وهو استرسل بالسوالف.
طارق::المهم ،، ترى وداد سبب بالي صار،، لان اقترحنا عليها هواي حلول بس اصرت انو تأخذ
قدر وتطلع من عدنا .
_هم مو من حقكم تمنعوها.
طارق::لا مو هيج بس احنه ورانا عمام،، أبوي
جان مايكدر يكسر كلامهم،،،، لان ما عنده احد
ف متمسك بيهم،، ولان بيت حجي احمد شراكه
بكل عمل راجع لجدي تخبلو من سمعو وداد
تريد حصتها .
_حسيت الكلام يأذي وبالاخص من يذكر أبو نهيت،،الحديث بالموضوع . وسالته زين شتتوقع امك راح تتقبلها.
طارق::ترى انه مزوج مرتين سابقا وامي ماحبت وحده بيهن ..
_ضحكت ،، رد وهو يحاول يوصلي فد فكرة.
طارق::ماأكول انه وانه ،، بس ممكن ائثر عليها
بحكم محبتها الي وان كانت مديحه أو غيرها
راح تواجه صعوبه بالتعامل لان حاليا امي
نفسيتها محطمه ،، شلون اشرحلج .
_خلينا مانستبق الأمر وحاول تضبط الوضع
ويا امك،، وتقنعها يله تحجي ، بس لازم تعرف
مديحه أصلها من الغجر ،، صفن ثواني وتأكدت تفاجئ،، هزيت راسي بمعنى ها؟
طارق::ممكن تحجيلي تفاصيل اكثر.
_حجيتله كل الي أعرف. سكت محتار
نبهني صوت نقالي،، تفاجئت رنه وحده وفصل
بعده بيدي واشتغلت المسجات فتت لصفحته.
الباشا::گعدة المسامر ماخلصت .
_رفعت راسي اباوع هذا مركبلي گامرة لو شنو؟
بين تفكيري ونضراتي الي ادور على سياج الحديقة
گام طارق وهو يضحك.
طارق::اترخص انه ،، بس انتضر منج خبر .
_باوعتله بشك،،دنك يخفي ضحكته،،وبس طلع
دخلت لكيت مديحه تحوس بالمطبخ اشرتها تعاي
رفعت ايديها كلها عجين .
مديحه::جاي اسوي كيكه،، أكمل واجيج .
_كعدت افكر بكلام طارق ،،جريت نقالي اتصلت
بلي زارع عيونه بيتي رد بتعب.
الباشا::يابه اذا لزمتج شسوي بيج،،أدعي مااگوم على رجليه احسن لان ناوي افصلج تفصال .
_ليش طالبين منك قاط .
الباشا::لا يالحمزة نوب تحششين سهله .
_قاطعته ،،لاتضيع السالفه وگلي شلون عرفت
طارق عندي ؟
الباشا::مولي عابر وشايف سيارته.
_مااقتنعت بس راح اسوي نفسي مصدكه.
الباشا::لا يابه .
_احجي ويا وعيني لمديحه الي صايرة سولتها
الطبخ تخلص نهارها تخبط ،، نبهني صوته
الباشا::مو الج الصفنه،،احجي شنو الي شاغل
بالج وليش حايرة .
_تحسرت ،، بصوت مسموع
الباشا::اخ بويه هيج مشتاقتلي لاتتحسرين
اجيج لو زحف .
_ابتسمت،،انه وين وانته وين.
الباشا::شنو راد طارق ؟
_هههه گل عقلك تشك بي .
الباشا::لا ماشك بس سألتج لان حسيتج محتارة .
_ماگو شي ،، المهم طمني شوكت عمليتك
الباشا::ماسويها.
_ترى عمليه مو سلفه.
الباشا::إم اعطوب لسانج طولان
وصايرة تحششين.
_شايف الي عندة الف سالفه
ومالهن حل يمل ويتعب من التفكير .
الباشا:: يضل يشخبط.
_اي هيج انه حاليا .
الباشا::تعاي احلهن الج گلهن .
_يحجي وكل شويه يكتم الصوت عرفته متأذي
نزلن دموعي ،، ثواني الخط مفتوح وهو ساكت
تالي تحجج انو اجو ضيوف.
الباشا::بعدين اتصل سمرة.
_سديته وكمت للغرفه ،، اباوع اي ياسونه
خو ماتردين گلشي ،،وارجع اواسي روحي واتعذرلها
مو كل حلم يتحقق ولا نحصل كلشي نتمنا زين من طلعت من الصعده وضيمها ،,,,صح خسرت هواي
وأولهم جويسم ،،نار ماتطفى جرح يبقى العمر كله
ينزف مايطيب صحت بصوت عالي اخخخخخ اجت
مديحه وكل ضنها طحت .
مديحه::ها ها شبيج ؟
_باوعتلي مستغربه,,سندت روحي
وگعدت على الجرباية،، ومارادت تسالني وتهيج مواجعي حجت متجاهله حالتي.
مديحه::شنو راح تنامين.
_لا بس ارتاح شويه ،، باوعتلي وكأنو تريد
تعرف شنو الي شاغل بالي،،هزيت راسي شگو؟
مديحه::هو انه اريد اعرف شگو ،، بس خل تستوي الكيكه اطفي الفرن واجيج .
_استغليت عدم وجودها واتصلت بثابت الي
من رحت للمستشفى لليوم يحجي وياي بثكل.
ثابت::اهلا سلاسل .
_بدون مقدمات گتله عن طارق ،،سكت شويه
شلون الي تفاجئ ،،وبعدها رد.
ثابت::تمام بليل أمر عليج ونسولف.
_نهيت مكالمتي ويا،، وگمت للصاله اجت شايله
ماعون بي قطع كيك ،،،،،، باوعت شكلها يشهي
گتلها خلينا نگعد هنا ناكل گعدت وهيه گبالي.
مديحه::غردي ؟
_ترى اريد اگل مو احجي.
مديحه::خوش اگلي حته تحجين.
_صفنت احجي بكلبي يامديحه انتي دوى لام طارق.
مديحه؛:ترى جنت جيرانكم ،، ماكو داعي تتعرفين عليه من جديد , شبيج صافنه بوجهي؟
_غصيت خرب ،، عقلج .
مديحه::همزين غصيتي لان مايتلحك عليج
الفگر شبيج طيرتي الماعون ،، فضيها احجي.
_طارق خطبج،،رفعت رأسها باوعتلي .
مديحه::ماعدنا بنات للزواج.
_ترى ماجاي اتشاقه.
مديحه::وانه هم .
_ليش ؟
مديحه::هيج ماريد وبس .
_لا تگليلي بعد عندج امل بمحابس.
مديحه::لا.واذا كعدتي عندج مضايقتج.
_لا تضلين تنعثلين ،، انه ماكلت شي هو
طلبج والعليه سألتج.
مديحه::وانه جاوبتج.
_براحتج،وخلي ابالج گعدتج وياي فايدتني
يعني مامسويه عليج فضل بس حبيت افرح
بيج واطمن عليج بزواج بي خير ،،واضن افضل
من محابس مو لو شتكولين
مديحه::لا
_فكيت حلگي ،معقولة صدك تحجين يعني بعد كل الي سوا ،،انه احجي وهيه مدنگه على الماعون تحرك الجطل عبث فتت قطعة الكيكه بالجطل وگانو جاي اذب قهرها بيها ،، سحبته منها وصحت ترى مايحبج .
مديحه::أعرف .
_ عفتها وكمت لحكتني تحجي.
مديحه::حقج وهم عيال اختج خاف .
_راح تضلين تنعثلين گافي ترى زايده منج،،انتجت
على باب الغرفه تباوعلي بحيرة درت وجهي اعدل افراشي صاحت والعبرة بصوتها.
مديحه::خاف عبالج من حبي اله ردته .
_التفتت عليها،، هذا شي يخصج وشكو بيها
اذا تحبينه ،، ولو هو حابج ،،،جان فرحت بس
صاحت مقاطعتني .
مديحه::لا بس ولا شي تحجين وجنج ماتعرفين.
_رفعت ملابسها،،شهكت بصدمه من قوة التشهوه الي صاير تخيلت الألم ،،تحجي وتضرب مكان الاثر بقوة غمضت عيوني بقهر منضرة يوجع تقدمت عليها ردت احظنها دفعتني ،، وكعدت تبجي بصوت عالي.
مديحه::شكول اذا طارق سالني عن هذا،،قبلت بمحابس لان يعرف بالنصافات ،،،،من حطني بيد
الموس وهو الي طلعني من الخرابه يعني مايسالني شنو هذا الأثر ولا يتقزز .
_عيني الاثر وبالي بغير شي ،،خفت اسألها وتصدمني
وتكول أي ،، ضليت محتارة ،،،،،وادعي بگلبي كون مامعتدي عليها الموس ،، شمرت العكازة وكعدت
خليت اديه على راسي،،، بجيت وحته سبيت اهلي
اباوع الها وادنك،،،،ولان تعرفني فهمت نضرتي
حجت بدون مااسألها.
مديحه::لاتخافين لان بيومها جان ماله خلك
وبوقتها هو وسلوم واحد يحب الثاني .
_هزيت ايدي ،، خوش حب ،، بس الي معجبني
ليش ما جانو يندكون بأمي ولا حاولو يجروني.
مديحه::ما جنتي حلوة .
_باوعتلها بعدم رضا ابتسمت رغم دموعها ،،حاولت
اغير السالفه حجيت بضحك ،،،،، عود ردت انقهر
عليج بس ماتستاهلين,, جرت طرف دشاشتها
مسحت خشمها صحت ترى لعبتي روحي .
مديحه:: هههههه خرب ابوج ،،ماتخلين الواحد يعيش الحاله ،صدك شجنتي تحسين من تلبسين
الصدريه الگصيرة ورجيلج سود،،، هههههه، بس سبحانه الي غير حالج وسواج اطكين بالگاع.
_ ويجيك واحد يگول خطيه،،والله مستاهله
كون گاص اذانج الموس،،بس اريد اعرف شصخمتي ؟وسوو بيج هيج.
مديحه::رادوني اعلس فيلق .
_مافهمت فيلق شنو بشغلهم ؟
مديحه::هو گدام الناس تاجر خشب .
_صحت شنوو ، هزت رأسها أي، تمام وبعدين.
مديحه::وجان واحد من العمال الي يشتغلون
بمخزن فيلق هو يوصل اخبارة للموس ،، وبيومها
بايع خشب لتاجر ومستلم مبلغ جبير.
_خو هو يعلسه الهم ليش حطوج بالسالفه
مديحه::لان جان رايدني .
_وخفتي عليه النذل هو جان عاشك امج،،القذر
شلون روحه تتقبل هيج سالفه.
مديحه::المهم عود صرت لوتيه كلت هسه يكأفئني هم استفاد ،،وهم خفت لان لو عالسته يلكفني يمثل
بيه غافلتهم ورحت گتله.
_حجتها واختنكت بعبرتها دنكت عصرت بطنها
بقوى وگانو تحارب الوجع ،،،لو تريد تمحي الاثر
خذتلها ثواني تبجي بصوت،، لمت رجليها
لصدرها ودنكت راسها وحجت.
مديحه::حجيتله خطتهم ودرت وجهي اريد اطلع
كام لزمني من ايدي،، ارتعبت عبالي يريد يدخلني
للمخزن بس اتفاجئت من طلعني يسحل بيه
للشارع وكف بالركن وهو لازمني وصاح مسمع
الكل
فيلق::موس سلوم محابس ،،شوكت تقتنعون
حته مصادركم الي،، هههههه هاي أولهن .
مديحه::والمصيبه محابس ماجان موجود
طلعت سلوم تباوع ونسوان المنطقه كلهن.
_هيه تحجي وانه اتخيل الموقف ساعتها
شصار بيها شلون بقت واكفه على رجليها نزلن دموعي اريد شي يطفي نار گلبي وكفت على حيلي
وهيه انهارت لطمت على وجها.
مديحه::لو معتدي عليه لو گاتلني خلاص
ولا الشفته اخخخخ شلون يوم ،،طلعن النصافات
من الخرابه وولد الصعده ألتمو،، دفعني وهو يجر
مسدسه من احزامه رمه طلقه بالجو ،،ودار وجه وراح ضليت انه أتلفت اباوع بوجهم تمنيت الكاع
تبلعني ،، تقدمت حربا جرتني .
_عضيت ايدي حيل اريد بس اهدء ماعرف
شلون اواسيها لو ابرد كلبي ،، التفتت للميز هيه مخليه دوكه مال ماي شلتها ،،،وطكيتها بالكاع
وهيه مستمرة تحجي.
مديحه::ماقاومت مشيت وياها بطاعه،، وعبالي
راح يكسرن ضهري مثل امي شمرتني بالخرابه
وطلعت ورا ساعه دخل الموس عليه .
_صحت ياربييييي شنو ذنبنا.
مديحه::قبل لا يطكني فقدت،، وهو جان
رايد يوجعني ف صحاني فكيت عيني اباوعله
سحب الشفرة وبرمشة عين حركها على
بطني طحت دنك عليه شالني من شعري وكفني
توه يريد يلوح وجهي وجفت محابس من بعدها
مادريت شلون وصلت لبيتنا .
_وامج شسوت.
مديحه::هنا المصيبه فكيت عيني لكيت بطني
مضمده والام ياكل بروحي التفتت صوله
نايمه يمي،، ماكدرت اتحرك گتلها صيحي امي.
_اگيد مطلعينا لغير مكان.
مديحه::ايام وليالي ربيع يداوي بطني وينكلون عليه
مسكنات لحد مانشف الجرح يله جابوها بس جانت مخلوسه ،، بحيث شكلها تكلي لا .
_وصعب عليج ماسحلتيها بعربانتها وتشتكين.
مديحه::سونه جنج غشيمه، ترى خلي ابالج
اذا طلعوا أهل الصعده،،، وعرفو انتي العلستيهم
الف سنه ويلكفونج,,وشفتي بعينج الحكومه تأخذ الي تريده منا ومايهمهم شيصير بعدين، ترى لو ما
ثابت رايد قدر وحب الباشا الج ،جان رجعنا للصعده وانتضرنامصيرنا بعد ليش مسويه روحج مطي.
_مو مطي ولهذا السبب تحملت أهل الباشا
لاجل يحمونا وهمزين قدر استقرت ، ومن كتلج
على طارق هم ردت احميج .
مديحه::خو فكري بروحج ليش.
_قاطعتها ،،مو فكرت وردت اخلص من العراق
كله ومارهمت شسوي بعد كليلي.
مديحه::الرجال لهسه يصيح وانتي مثولتها.
_ترى ادقني بحجيجن ،ولج ثابت يحجي
بخشمه لان عرف رحت للمستشفى .
_وخل يحجي بأذانه، جا بس حللها لروحه.
_وضعه يختلف اول شي هو محد يحكمه ومسولف
لقدر انو قبل لا يشوفها هو مقرر يتزوج لان مرته ماتخلف ،، الباشا اهله يخافون على منصبه.
مديحه::وبعدين صدكتي إم طارق تقبل بيه
ولج هيه بقدر مارضت.
_هم فكرت وسالته ،، بس حسب كلام قدر
المرة خافت من نسبنا .
مديحه::خاب شافيتلها لو تسالني واحجيلها
عن رجليج گبل وتشوفج هسه .
_ترى لحد الان انه دايخه امي ما جانت تطلع
وحته تلفون ماعدها شلون تعلسهم وشلون
ماكدرو يجرونها وياهم،،ولا تكليلي لان موحلوه.
مديحه::خاف احجي وتزعلين.
_وعلى شنو ازعل ،،حيل وزين تسوي بيهم.
مديحه::امج لوتيه تبين فقيرة بس من جوى
ليجوى واگثر شي جانت توصل اخبار الصعده لخالج.
_قطع حديثنا صوت الباب كامت فتحته
دخلت وثابت وراها . سلم وكعد هيه ترخصت.
التفتت عليه حجه بدون مقدمات.
ثابت::انه مامقتنع بطلبه،، بس ماريد أكون
عارض اذا البنيه قابله.
_هيه رفضت ،،بس انته ليش مامقتنع؟
ثابت::ماعرف شكلج ،، بس بالعقل هيج
أمه سهله وتوافق على مديحه،،هاي اذا گايللها اصلا، بس شكي خاف يريدها جسر يوصل منه لقدر وهيج راح نواجه مشاكل لان مستحيل اسكت عنه .
_صفنت بكلامه وصار عندي شك.نبهني
ثابت::لاتستعجلين ،، بلكي الله يصحلها شخص
على عرفنا مااكلج بالمستوى المطلوب بس
يجوز كبير بالعمر أو مطلق وعنده جهال
_نرفزتني طريقه كلامه,,رديت بعصبيه ،منو كالك اقبل بهيج زواج،، ليش تنضلم الي رايدها يتقبلها بعيوبها ،،،،مو تزوج شخص يحملها منيه بسترها وتصيرلها خدامه،، ،،،احجي وهو صافن بوجهي متفاجئ مااهتميت ،، كملت كلامي ان صح شاب وهيه تقتنع بي خير واذا ماكو هاي احنه كاعدين الحمدلله الكمه دابرة.
ثابت::تمام اترخص وغير وقت نسولف
الضاهر اعصابج تعبانه ارتاحي.
_ضليت مدنكه وصل لباب الصاله ورجع عليه .
ثابت::واذا قررت توافق خل تحجيله كلشي.
_رفعت راسي باوعتله ،،ورديت برود هو يعرف
واكيد تحجيله مثل ماحجينالكم عنه .
ثابت::بيج شي.
_لا بس انته البيك.
ثابت::ترى قصدي تحجيله حته لأبعد يومين
يسوي نفسه مايعرف أمها واصلها ويلكاها حجه
يطلك الولد جيته مامريحتني .
_ماكو داعي هو طلبها وهيه رفضت خلص.
ثابت::الله يسهل أمرها. يله محتاجها شي
_هزيت راسي لا، طلع ومديحه ركضت سدت
الباب بقيت اصفن محتارة ،، اجت كعدت
كبالي
مديحه::ترى حته انه مامقتنعه بطلب طارق.
_مادري مادري دخت ،حته نسيت اكله يدبرلنا
مواجه لسليمه.
مديحه::اي محابس هم راسلني.
_باوعتلها بشك.
مديحه::إم اعطوب منتبه لنفسج صايرة نسخه
من سلوم هيج تباوع وحته عصبيتها.
_دكومي اطيني نقالي .هزت حواجبها جريت العكازه
ردت اطكها شردت تضحك ،، جابت النقال باوعت
للرسائل شنو الحل وياك لا كادرة اتقرب ولا بيه أبعد دكيت رد ونفس كل مرة
الباشا::سمرة مشتاق لصوتج .
_هو انه اريد واحد يغنيلي.
الباشا::اغنيلج لحن ماعزفته البلابل .
_تحسرت بصوت.
الباشا::يابه هيج انه معذبج.
_لا بس محتارة.
الباشا::سولفي.
_حجيتله والغريب ماتفاجئ يستمع
بدون ماقاطعني . سكتت انتضرة يحجي
الباشا::الولد خوش ولد واتمنى يصير من نصيبها.
_مافهمت شو جنك تعرفه اكثر منا.
الباشا::المعرفه مو بعدد الأيام والسنين،، سمرة
من خلال عملي صار عندي خبرة مجرد ما اكعد
ويا الشخص ساعه افتهمه.
_وشوكت كعدت ويا طارق.
الباشا::اجاني مرتين ترى الولد معدل ومرتب
ورجل رغم صغر سنه ، وحسب كلامه هو حاليا
معتزل عمام أبو . بس خلي ابالج أمه مريضه نفسيا والزاد حالتها موت زوجها
_هيه من زمان مريضه
الباشا::هيج إم تكون متعلقه باابنها بحيث
تعامله كانو كل ماتكلك تخاف وتغار وتريده بس
الها ماعرف اذا فهمتي كلامي ؟
_شسالفه ترى عندي عقل.
الباشا::ابوسه .
_بس خلينه من البوس، المهم هيه رفضته.
الباشا::غلطانه لان هو أفضل من محابس بهواي.
_اعرف بس.
الباشا::تفكيرها صح بالنسبه الها .
_شلون مافهمت؟
الباشا::يابه لو تجين يمي وافهمج وجها لوجه.
_بعدت النقال من أذني وضحكت.
الباشا::هههههه افهمي يابه خوفها من ماضيها
خلاها تقبل بمحابس لان هو يعرف كلشي
_اي هيج كالت.
الباشا::أن تردون رأيي لاتفوت الفرصه خلي تكعد ويا وتحجيله كل شي,,, ماعرف الي تعرضتله بس الأفضل ماتضم شي،وهو حر أن تقبلها فهاي من الزينات .
_بس ثابت ماايد الموضوع.
الباشا::لا تلومينه يغار على مرته وطبيعي يشك
بنوايا طارق ،،انتو ضبطو الأمر وثابت يمي ، وهسه
بيها مجال تسمعيني مقطع زغير بلكي اغفه
_اريد اريد اشكي على صدرك مشتهي النووح
واريد اكعد كبالك واحسب جروح.
الباشا::وانه ماريد اسمع لغيرج وتعاي
نرمم جروحنا سمرة مشتريج .
_بقيت مرة اغني ومرة اسمعه لحد ماسكت
ركزت مايوصلني بس صوت انفاسه عرفت نام
سديته وگمت ،،وهيج ايام وليالي مرات كوة
يرد من شدة المه ومرات يتغزل ينسيني واقعي
طارق مافتح الموضوع بعد وانه غلست لحد ما
اتصل بيه يسالني .
طارق::ها سلاسل شو مغلسه.
_ماعرف شگلك بس تريد الصدك مامقتنعه
امك شلون قبلت .
طارق::ماقابله بس اكيد اقنعها .
_تمام شتكول لو تكعدون
انته ومديحه وتتفاهمون
طارق::ماشي وين وشوكت؟
_هنا بيتي افضل.
طارق::مسافه الطريق يمج.
_سدة بدون ماارد عليه باوعت لمديحه هزت اريدها
ماقابله،،رادت تكوم صحت بيها ،، اي شوفي احجي
ويا يجوز تقتنعين ترى الولد مبين مو مال لعب.
مديحه::خفيف ومطكك ترى قبل لا تجي قدر. للصعده انه شايفته
_فكيت حلكي ،، شنو؟
مديحه::اي جان يجي يسال عن ابوج ويستفسر
عن وضع بيتكم ،، وكتلج. اذا تذكرين .
_كملي كملي،، شلون عرفتي خفيف؟
مديحه::جم مرة الكاه واكف بنفس المكان الجنت
اجدي بي ويضل يباوع عليه ,,,لحد ما ارجع لبيتنا
ومرة طاكه روحي ومامحصله شي وهو اجه صحت
عليه شعدك مكابلني خاف تريد تحفظ الشغله
_هيه تحجي وانه فاكه حلكي.
مديحه؛:ضحك ورد اي شكو بيها،، كتله شكد تدفع
واعلمك ،، كال خوش نزل من سيارته كعد بركن
الاسواق مد ايده لجيبه طلع 25 اخذتها ،، كتله
ضل كاعد وانته وحضك تحصل ماتحصل معليه.
_خرب ابوج .
مديحه::عليمن دريت بي بزر عز وضال محتار
وين يودي الفلوس .وعبالي يدور مكان يسهر بي
لو يريد يدخل يشتري من الجماعه.
_كملي وبعدين؟
مديحه::مشيت صاح عليه التفتت كتله،، ترى ماارجع 25 لو تنط شو هذا مات من الضحك عفته ومشيت لحكني،، خفت يطب للصعده وكفت اشرلي تعاي تقربت عليه كتله ترى اذا تدخل يفصخونك
كال لا أريد احجي وياج وروحي ماقتنعت بس من شفته مد ايده لجيبه وطلع الف.
_واكيد نفسج الدنيه رجعتج حته تاخذين الالف
باوعتلي وضحكت حيل ،، كامت للغرفع وهيه تحجي.
مديحه::مااستفاديت منه طلع كاتبلي عليه الرقم.
_طلعت بيدها الالف . شمرته عليه وكعدت تضحك
باوعت الالف وتذكرت 25 مال قدر من ثابت كاتبلها
الرقم عليه شنو الفلم طريقه حديثه للتعارف هزيت ايدي وهاي تضحك ،، صحت بيها خوش مادام
مرقمج من زمان عليمن مخليني بالنص.
مديحه::بيومها شبعته مسبه.
_عليمن جا غير خاطمه منه 25 .
مديحه::دكيت عليه,, واستلمته صلي شوف
ولك اذا طلعت باجر ولكيتك واكلفلي اخلي ولد الصعده ينخلونك نخل ،، روح شوفلك وحده غيري
ترى ماتحصل مني شي لو امشي بهذا الدرب مااجدي
_تحجي وگانو انه طارق وكاعد كبالها شمرت عليها
العكازة ،، بت التالف أرقام وتعارف وسوالف .
مديحه::سوالفيش ،، هو من بعدها ماشفته
اختفى وماضهر اله ذاك اليوم .
_اندك الباب اشرتلها ،، روحي فتحي
خو تعرفينه، ماكو خجل.
مديحه::لو تذبحيني.
_عافتني وركضت للغرفه ، كمت استقبلته
ماقبل يدخل جوى.
طارق::خليني هنا احب كعدت الحديقة.
_دخلت لمديحه لكيتها واكفه كبال المرايه وتحسس مكان الاثر ،، التفتت عليه جرتيتها لحظني
مديحه::شيروحه؟
_انتي رتبي أمرج وتفاهمي ويا
وكله سهل الاثر يروح.
مديحه::خاف يلعب عليه.
_حتى العب عليه وعلى الدنيا كلها هو انه منتضرة
زله لان كلش محمل كلبي ،، لفت شالها ولزمتني
من ايدي طلعنا سلمت وكعدت ،،،رفع رأسه باوعلها .
مديحه::من الأخير مااعرف أبوي وجنسيتي كلك.
_وكل يوم اتفاجئ بطارق الي شما اكول عنه قليل
هز راسه تمام ،، ثواني واسترسل بالكلام
طارق::من يمي ماتواجيهن تعب بس امي
راح تاخذ وقت يله تتقبل وجودج،، اما بالنسبه
للجنسيه وهاي الأمور انه اشوف شلون يترتب الوضع ،، شوفي ماخطبتج عبث ومن اول يوم شفتج علكتي بعقلي بس الضروف ماجت عدله.
_حجيت بگلبي واضح من الالف انسحبت
من يمهم ، وانه ادعي كون ترهم ،،كعدت محتارة
ابلغ ثابت لو لا،،جريت نقالي دكيت على قدر سلمت عليها وسالتها عن وضعها ردت احجيلها عن طلب طارق بس ترددت حست بيه عندي شي.
قدر::اسمعج ترى .
_شلونه الباشا؟
قدر::وراح استغبي واسوي نفسي مااعرف بتواصلج
وياج،،مو زين صاير بارود يعارك نفسه،اهله محتارين
شيسون اليوم اجه الخال كالهم اخذ برا العراق هم يرتاح وهم يسوي العمليه .
_واقتنع .
قدر::هو رفض بس الخال ماتحرك صاح على الولد
گالهم صعدو بالسيارة ولج لو تشوفين شلون متخبل عليه تحسينه ابنه .
_من زمان علاقتهم قويه،، المهم وين اخذه.
قدر::ماعرف كالهم ابعده كم يوم بمكان يرتاح بي
وهم من هوسه الخطار ولج ليل نهار بيتهم متروس
كل شويه. جايه وجبه يشوفونه خو جماعته يبووو
انوب كلها شخصيات .
_هيه تحجي وانه صافنه اكيد خذة للمزرعه.
قدر::الوو تسمعيني ؟
_اي
قدر::خوش ماكلتيلي شبيج.
_خلي ثابت يجيبج بليل ونسولف يله باي، ماانطيتها
مجال تحجي نهيت مكالمتي وياها وبسرعه غلقت النقال لان أعرف بي اكيد راح يتصل بيه ويطلب اروحله ، دخلت مديحه باوعتلها شمرت الشال وكعدت كبالي محتارة اشرتلها احجي.
مديحه::ماكدرت احجي كلشي وهو هم كال
اعتبري نفسج بنت اليوم سجلي تاريخ لولاتج
بيوم الي تصيرين بااسمي.
_خلص خلي الباقي عليه،،سكتنا لليل اجو ثابت
وقدر الي تفاجئت من سمعت ،، حجيتله عن كلام طارق
ثابت::خلص الله يسهل ، بس تبقى مشكله الجنسيه ،، زين مااكو شخص يعرف والدها
_صفنت ،، ماكو غيرها سليمه اكيد تعرف بس
منو يكول الأب يعترف.
ثابت::انتي بس جيبيلي راس خيط ومعليج غصبن عن الخلفه يعترف بيها القانون يجبرة وبعدين هيه مارايده تكعد عنده مجرد تثبيت نسب.
قدر::اي ولج نعلي والديه مثل ماسويت براضي
_حجت بدون ماتنتبه التفت عليها ثابت
قدر::اي شنو مجذبه.
ثابت::صايرة عدائيه.
_وتفاجئت شلون ردت عليه.
قدر::والله اليسكت ينوكل.
_حجيت حته تسكت قدر.هاي هيه دبرلي مواجه لسلوم بلكي تنطينا عنوان اسم ،،
ثابت::ماايد روحتج خو خلي طارق يأخذ مديحه
ويرحون الها بلكي تحجيلهم حته لو بس تاريخ
زواج إم مديحه أو اسم الشيخ العقدلها.
_لا انه اروح احسن .
ثابت::تمام خلي اشوف اياد يرتبج الأمر
_ياريت باجر.
ثابت::تمام بس كون انه افرغ باجر حته اخذكم.
_عاذرتك وادري مشغول بالباشا ،، فخلي طارق
ياخذنا ويجيبنا .
ثابت::ماشي ارتبها واخابرج.
_اخذ رقم مديحه لان جهازي مغلق,, رفع رأسه باوعلي وهو يسال بشكل
ثابت::شنو عاطل؟
_لا انه طفيته،، كام واشرلي اتبعه ضلن قدر ومديحه
وحده تباوع للثانيه،، عفتهن وتبعته للحديقه التفت عليه
ثابت::صاير شئ لو مو من حقي اسال.
_لا من حقك ياصاحبي.
ثابت::ما اعتقد بعدني صاحبج واشك
صار عندج صاحب غيري .
_هو من زمان صاحبي ،، بس انته غير .
ثابت::ترى خوفا عليج زعلت لان مو حلوى بحقج
وهم حرام لقائج بي ،، ولا تكليلي لان أعرف بي
_قاطعته بااحراج ،، الحرام كلبي المتعذب وهو الي يتمنى وجودي يمه بهيج ايام ،، باوعلي متفاجئ
ثابت::أفهم من كلامج عندج استعداد تواجهين
وترتبطين بي ترى انه مامعارض واتمنى.
_مو هيج .
ثابت:'جا شلون تبقين عشيقه خلي ابالج
حته الكلام حرام
_اعرف بس .
ثابت؛:خلص خو عقدو شيخ حاليا لحد ما يكوم على حيله وهو يتصرف شوف شلون يقنع اهله وزوجته
_ غلقت النقال حته لايتصل وعرفت الخال اخذه
يعني لاتفكر انه مأيدته ،، وارتباطنا مستحيل.
ثابت::هاي حياتج وانتي حرة العليه اكلج الصح
من الغلط والحرام من الحلال.
_اباوع رغم يحاول يكون هادؤ بس نبرته بعصبيه
محد يحس بالالم غير صاحبه ،،سكت منتضر مني
رد ،، كتله بس تخلص شغله مديحه انه اسافر لغير
مكان اهم شي اطمن عليهن .
ثابت::وهيج عادي بكيفج .
_محد اله حكم عليه اريد اعيش بالمكان الي يناسبني اضن مو حرام .
ثابت::جاي اتفاجى بيجن ليش بهل كم يوم تغير
اسلوبجن مو بس انتي.
_تعبنا،،المهم بس رهملي مواجه لسلوم،، حجيتها
ودخلت ضل واكف يباوعلي شويه ودخل وراي
كال لقدر يله وهاي زادت الطين بله
قدر::خليني ابات اريد اسولف وياهن وهم
بعد ماكو عذر يمنعني التقي بطارق يعني عادي اشوفه.
ثابت::دمشي لا اشوفج انجوم الضهر.
قدر::لا والله ما روح كتلك أريد ابقه شنو وحد
مو هاي بناتكم يرحن لاهلهن ويباتن.
_مديحه انسحبت وانه ضليت محتارة وهو يباوعلها
شلون تحجي ،، حاولت أبسط الأمر كتلها روحي
وان شاء الله ربج يسهل أمرها ونوب يصير طارق
نسيبنا،، التفت عليه ورد عليها
ثابت::واذا انه مااقبل بلقائج ويا ؟
_ضليت محتارة خفت من تسرعها بالكلام
والضاهر،حيل متاذيه ومضغوطه بحيث بجت
بصوت
قدر::ليش ها ليش ماتقبل كتلك اعتبرة اخوي
يعني تشك بيه ها تشك كول اي كول .
_تقرب جرها لحظنه
ثابت::لا ماشك بس اغار وهم لقائج بي حرام
ورغم هذا كتلج انه ناوي اخليكم تلتقون
قدر::اذا تغار وتعرف الغيرة جا هم انه اغار من
مريم يله من هسه اكلك ماريدها تدخل عليكم
ولو اطلكها لو انه بعد ماادخل لبيت الحجي .
_ابتعدت منه وكفت كباله منتضرة منه رد باوعلي
هزيت راسي معليه ،،، كعد واشرلها كعدي وطلع جكاره شعلها وسحب نفس ونفخ الدخان ليفوك وهل حركه نفس حركة الباشا وحته سلوم من جانت تريد تخطط لشئ ،،،،، هزيت راسي نافضه
الذكريات وركزت بيهم قدر مثل الي يريدله حجه
والضاهر هو فهمها وأعرف ماينغلب رد بذكاء
ثابت::اول شي مريم مو غريبه سواء بقت على ذمتي
او طلكتها مااكدر امنعها من دخول بيت الحجي
وانتي شفتي بعينج وقت الحادث كلهم متجمهرين عدنا اما اذا كلتيلي ماريدها تدخل لبيتي اكلج أي
حقج بيتج ومحد يفرض عليج.
_وشكد ماهو ذكي قدر داهيه ردت برود عكس
نار كلبها الي خلت خدودها يصيرن بلون الجمر
قدر::لا الي حق اطلب منك اطلكها لان انته من زمان كتلي علاقتكم منتهيه ،، بعد شكو مخليها
_خرب عقلج نوب هو يباوعلي،، وكأنو انه الي كايلتلها احجي هيج. دنكت اتهرب من نضراته رد
ثابت::اي هيه جانت طالبه الطلاك بس قبل كم يوم
وصلني خبر انو تريد ترجع ،، خو ماتشرطين عليه
اطلكها لان انتي اتزوجتيني وهيه على ذمتي.
قدر::اي وماجنت محسبه حساب
زواجنا يصير هيج.
ثابت::يعني شنو هيج؟
قدر::جان اتفاق بس بعدين اختلف، وانه ماگدر اشوفك وياها ولا أتحمل اتروح تبات يمها يعني
بين قوسين مااتقبل تشاركني بيك نفسيتي ماتتبقل
ثابت::بس هل الأمر واقع ولازم تتقبلين.
قدر::تعذرني مااكدر.
ثابت::يعني شنو ؟
قدر::يعني لو انه لو هيه؟
ثابت::واذا كلت لا؟
قدر::اطلكني انه وابقى وياها.
_من الصدمه حته مديحه الي جانت بالغرفه تتسمع طلعت ايدها على حلكها ثابت مارمش،وهيه دموعها
تصب باوعلها هزت رأسها أي كام وبدون مايلتفت طلع زفرت نفس مثل جان مختنك خرب ابوج
مديحه::لو ماده خدج للرايح والجاي،، يصفك بيج
لو تشوتين وبالكول بت الصخل ماكنالج هيج.
قدر::اسكتي تعبت مليت يدرون بيها تتعمد مغثتي
وجيتها بس حته تأذيني وساكتين بحجت مانكدر نطردها بس ام اسعد دوم ترزلها ونوب تريد ترجع
مااكدر اشوفها ويا افتهمتن لو لا،، أحبه خو مو عجيب.
_من ضيمي نزلت كعدت بالكاع وهنه ضلن وحده
ترفع وحده تكبس صحت بيهن كافي ترى انسطرت
مديحه::انتي ساطرة روحج،، وليش غلقتي الجهاز
خايبه لو منج هسه اخابرة واخلي يجيب الشيخ
ويا وطز شيصير خلي يصير.
_باوعتلها شبيجن شبيجن انتن شاربات شي؟
قدر::شوفي خل اگلج ،،صح ثابت اله كلمه بينهم
بس الباشا اذا كال شي,, محد يكسر كلمته ذاك
اليوم بالصدفه سمع اريج تحجي وياي وصاح لبنين سالها وحاجيتله دز على اريج ومن يومها بعد مااندكت بيه ولا حاولت .
_ترى ثابت يحبچ،، لا تستجلين بعدين تندمين
قدر::اذا يحبني ينفذ الي اريده، معليج إم اسعد وياي ماخاف المهم هسه شنو قررتن .
مديحه::انه فد فقييييرةةة وزوج
قدر::لا ولج تعاي اكلج ترى فاطمه يرادلها وحده
مثلج لان مرة تسوي روحها مخبله مرة تلكينها العقل كله ، بعد انتي وشطارتج
_فكيت حلكي،،هاي اختي لو مبدلينها،،انوب صفن
ثنينهن ومديحه ماتعرف تفكر اله تاكل كامت جابتلها صينيه وكعدن يخططن
مديحه::احجيلنا عن طارق .
_صحت شتحجي خو الرقم عندج ،،طفرت سدت حلكي وقدر تباووع بشك
قدر::شنو الفلم ؟
_عضيت ايد مديحه وحجيت ترى مرقمها.
قدر::العلاسه هم بيج بله.
_ضلن للصبح يداهرن عفتهن ،،وتمددت احسب وحسابي بكل الأحوال اطلع خسارة،، شوگي يجبرني
وعقلي يبعدني لحد ماغفيت كعدني طلعت لكيت
مولي تفاجئت سلم اشرتله اكعد .
مديحه::تريد جاي؟
مولي::لا شربت خب دمشي عود تعرف تضيف.
_الضاهر واصل حده ،،هزت ايدها مديحه وعافتنا.
مولي::ثابت دزني يكول خل اتروح اياد رتبلكم الموضوع .
_خوش خل اخابر طارق . روح انته .
مولي::لا ابقه يم قدر لحد ماترحون وتجون.
_ماحرجته ،، تمام بيتك براحتك بس طمني
على الباشا شلونه؟
مولي::سافر اليوم الفجر,,ودزلج بيدي أمانه.
_احس شي حار وصار بصدري،، جاهدت دموعي
لاتنزل,, بس من كام وخله بيدي صرف وعلاكه
فتحت العلاكه بيها مبلغ كلش جبير,, مديت ايدي
سحبت علبه زغيرة فتحتها بيها حلقه لزمتها واطلقت سراح دموعي .
مولي::انه راح اكعد بالحديقه.
_طلع تاركلي مجال اقرأ الي بداخل الضرف فتحته
واديه ترجف اريد دموعي توكف لان حجبت الرؤيا
فركت وجهي بشالي وبديت اقرأ
الباشا::من سنين هذا الگلب مادك ومن شفتج
ضحكت اعتبرتج حاله غريبه ،، ما جنت محسب
ولا مفكر اوصل وياج لعشك ، حته من عقدت عليج
كلت فترة واعوفها،،، بس لكيتج مستوطنه روحي
_عضيت ايدي احاول اخفف الم گلبي.
الباشا::خفيت مشاعري لان خفت وردت احميج
لان ادري يقتلوج تحملت وجودج بالصعده والغيرة
تحرك بگلبي،،، ردت انسحب من المهمه بس كالو تعرض جماعتك للخطر،،، وحته هيه تروح يخفوها
سمرة صوت طرب روحي وشغل عقلي واخذ گلبي
اريدج تبريني الذمه ،،لان عمليتي مو هينه بالحالتين
اموت اذا نجحت خير وان متت. هم خير بس اذا فشلت انتحر مستحيل اتقبل حياتي مقعد.
_هزيت راسي لا لا وگانو يشوفني طلعن البنات
متفاجئات كملت اقرا بصوت مسموع.
الباشا::وأن رجعت امشي على رجليه وشفتج لابسه الحلقه،،،، ثقي افرضج على روحي مو بس الناس إم اعطوب لاتبجين بس لاتتزوجين غيري حته لو متت.
_طبكت الرساله وحطيتها على كلبي استجدي
منها تواسيني ،،لملمت حسرتي وشوگي وكمت وانه ادعيله يرجع متعافي ودعيت لروحي اكدر أبعد عنه
ضميت الضرف والفلوس،،،، وكلت لمديحه تحضر نفسها اجه علينا طارق ،، وشكد ماكول انانيين أهل الباشا يصدموني بتصرفهم طلعنا لكينا مولي مرحب بي وسوالف عبالك يعرفه من السنين.
طارق::ها جاهزين؟
مولي::اياد بالمركز أي شي يصير بلغه.
_تشكر منه ومشينا ماانتبهت السوالف طارق
لحد ما ندستني مديحه باوعتله بغباء.
طارق::اعتبريني عدو .
_مافهمت؟
طارق::الفرصه مرة بالعمر الي مايستغلها
يبقه عايش بندم .
_مو عمل هو .
طارق::شوفي ثابت المقرب للحجي وكلمته مسموعه بس يتصرف بعقل ،، اما الباشا اله مكانه
ولان يعرفونه مايوكف بوجه احد بين قوسين اله يريده يصير لهذا السبب همه ينفذون الي يطلبه
اساليني لان انه جنت هيج أعرف اهلي يحبوني ورغم رفضهم لطالباتي بس بالاخير يرضخون لان يردون راحتي وسعادتي .
_مو بهاي السهوله انته تختلف .
طارق::يجوز .
_وصلنه للسجن نزلت مديحه وساعدتني انزل
طارق::أدخل وياكم ؟
_لا خلينا نفهم .
طارق::تمام راح اتصل بااياد ابقه يمه.
_دخلنا تلكانه الشرطي فتشو الأغراض ودخلنه
شويه وجابوها عجيب مامتغيرة ونفس الشكل والمشيه ،، باوعتلنا ضحكت مديحه كمت ومثل المرة السابقه حظنتني بجيت احس ضلمتني وضلمت روحها .
سليمه::ها إم اعطوب جنج موجعه .
_هزيت راسي اي. كعدت واحنه كبالها.
سليمه::مصدكتجن جايات تشوفني.
مديحه::الكذب خيبه يختي اكيد لا.
_باوعتلي وجنها تدرس تعابير وجهي،،ضحكت متهربه من نضراتها حاولت اخلق حديث ,سالتها شنو وضعها هنا,?
سليمه::نفس الزبالة الجانت بالصعده
مكابلاتني هنا.
_صابني الفضول سألتها عن إم طيبه.
سليمه::بس لا بعدج تغارين منها?
_مااطيتها مجال،، رديت لا اكيد وعليمن هو وينه
علسنا اثنينا وانتي تدرين اصلا انه ماجنت اريده ولا هو رايدني,,ماجنها تسمع تباوعلي وبعيونها الف سؤال نقذتني مديحه .
مديحه::هسه انتن جاي تگلبن بالبوم الذكريات.
_التفتت عليها سالتها.
سليمه::وانتي شنو وضعج ؟
_وبغباء حجتلها عن روحتها لبيت الاعرج ،،وهمزين
بس ماذكرت الباشا وثابت .
سليمه::وشلون رجعتن، اقصدمنو طلعجن منه.
_وهنا اتاكدت هيه دزتنا بغايه ،، سكتت ومديحه حاولت تراوغ.
مديحه::لا هل مرة فاول،، لان ندري بيج ماتنضفين
فحسبنا احسابنا قبل لانروح.
سلوم::اي هو انه اريد اعرف حسابجن
منو اعرفه لولا ؟
مديحه::لا ماتعرفينه جديد.
_مدت ايدها لصدرها طلعت باكيت الجگاير سحبت
جكارة ومن نفس الباكيت طلعت الجداحه شعلت ورجعتهن لمكانهن جرت نفس وزفرته بوجه مديحه
وردت برود .
سليمه::أول وتالي أعرف من اطلع.
مديحه::الله لايكولها .
_خزرت مديحه وحجيت ،، وانه احاول اتمسكن
اول شي جيتنا الج لان محابس طلب نجيج.
سليمه::والسبب الثاني لجيتجن شنو؟
_وسبقتني مديحه الي دوم بيها طفكه وملكوفه.
مديحه::من الأخير اجيت اسالج اذا تعرفين
لو ذاكرتج بعدها شغاله وماطاكج زهايمر تتذكرين
الشخص الجلب أبن الجلب الي عقد على امي .
_باوعت لمديحه مستغربه،،وهزت اريدها.
سليمه::وشنو الي استجد وخلاج تسألين؟
_قبل ماتحجي الملكوفه ،، كتلها اي مو اكو رجال
شافها وكلها تتزوجيني انه استر عليج وانتي تلمين جهالي لان هو جبير ومرته ميته وعنده جهال ،، دارت تباوع بالمكان تالي ذبت الكطف مال الجكارة بالكاع وداسته ،، رفعت رأسها ونفس ذيج الابتسامة
الي جانت ترسمها بوجهها من تكشفني اجذب.
سليمه::مو من مصلحتج تعرفين لان خطر.
_هزيت راسي شنو ؟
مديحه::ليش بس لا يطلع الموس ؟
سليمه::اخطر.
_ترى ماتريد منه شي بس جنسيه .
سليمه::سونه شنو مصلحتج بهذا كله انتن وين ويمن احجيلي بالتفصيل ؟
_فاچئني سؤالها ،، ومديحه فهمت حيرتي ردت.
مديحه::اجرنا بيت وجاي نشتغل بمول وهذا الرجال ويانه بنفس المكان يشتغل حارس.
سليمه::اعقدي شيخ ونلصمي .
مديحه::هسه انتي كليلي ومعليج.
سليمه::مااكدر.
_تحجي وعيونها عليه هزيت راسي شكو
سليمه::محلوة .
مديحه::عينج فكس اقصد عين الباردة.
_كفختها ضحكت بقهر ،، انتي تشوفين رجلي
لو لا ؟
سليمه::اطيب .
_خوش دكليلي منو محروك الصفحه؟
سليمه؛:بشرط .
_وكل ضني تطلب مبلغ كتلها كولي؟
سليمه::يجيني الباشا واكله منو أبو مديحه.
_ضحكت مستهزء ،، ومديحه استلمتها.
مديحه::خاب إميلت إم طيبه ياباجه،، هو وينه
مدري ميت مدري وين وله منين نجيبلج الباجه
دطلبي نعل نجيبلج محابس.
سليمه::ترحين فدوى لااسمه.
مديحه::ليش شنو اسمه من حشى النعمه.
_هنه يحجن وانه صافنه بطلبها .
سليمه::ها إم اعطوب صفنتي؟
_اي اكول بعد كل الصار وبعدج
تفكرين بهل سوالف؟
سليمه::من يجيني تعرفين بشنو افكر.
_كمت وانه احجي هو انه، صوجي اجيت
عبالي السجن غيرج بس ذيل ،، قاطعتني
سليمه::بت الجلب لاتخليني اكسر رجلج الثانيه
واخليج تزحفين مثل أبو الزمير.
_اشرت لمديحه كومي وطلعنا بدون مانودعها.
مديحه::ماتنضف عجوز السكك .
_احس روحي تعبت من كلشي. وصلنه السيارة
اتصلت مديحه بطارق.
مديحه::وينه عريس الغفله.
_اجه وهمزين هيه حجتله الدار بينا وبين سلوم.
طارق::هو ماضن الباشا يرفض بس.
_صحت لا بس ولا شي،،طارق هاي مديحه اعتبرها
نغله اتريدها اخذها ،،،،،ماتريدها جنى ماحجينا
لا تحاول ولا تفكر تكول للباشا لان هيج راح تخلي سلوم تتاكد وتندل وتعرف كلشي عني وعن اختي.
طارق::لا مستحيل اقبل بااذيتكم،،
مديحه::اي لان اكيد ابالها شي.
طارق::خلص انه اتصرف.
_وياريت قبل كلشي تتاكد من موافقة امك،
هز رأسه أي وصلنه طلع مولي تلكانه.
مولي::دنزل شويه.
طارق::لا والله عندي شغل عود اخابرك باليل.
_راح طارق والحلو بمولي سأل عن روحتنا.
مولي::يله محتاجين شي ؟
_لا سلامتك ،راح مولي واستلمتنا قدر عفت مديحه
تحجيلها دخلت للغرفه طلعت نقالي فتحته ماكو اي مسج منه دكيت وانصدم مغلق ،، ضليت الوب
شلون اطمن عليه استحي اسال مولي نوب فوك الضيم قدر وثابت الي كل دقيقتين يجي بحجت موضوع مديحه. كاعده كباله وبالي يم الباشا.
ثابت::ماكو غير حل انو يعقدون شيخ ونشرط
عليه مهر وحته الغايب ينطيهيا ولو عقد المحكمه ضروري اذا يصير اولاد ، بس شنسوي
_گل شيء سهل بالكلام بس وكت الجد تواجها مصاعب واعتراضات ،،يعني شبيدي بعد بكيفها
ثابت::بلكي يجي محابس وندفعه على سليمه.
_عبالك نبهني ،، اي شلون فاتتني .
ثابت::خير ان شاء الله انه راح احجي ويا طارق
ونشوف شلون يرتب امورة،، يله اترخص.
_كام وهو يباوع لقدر،، ماجنها تشوفه،هز رأسه
بتوعد وطلع ،، وهيج خلصوها خجلت منه كتلها
مو هيج واصلا سالفتج مو وكتها تشوفينهم قلقين على الباشا.
قدر::بس ارجع يستسهل الأمر.
مديحه::مو نريدج ترجعين حته تجيبلنا
اخبار الباشا.
قدر::ها سهله هاي. باجر اخابر بنين
_ويوم يجر يوم وكل الي نساله على الباشا يكول
بعده مامسوي العمليه . ثابت مبلغ الحجي بطلب طارق والي عرفته عمام طارق رافضين وهو فاض شراكته وياهم ، اتفقو يعقدون شيخ ويبقى الامل بمحابس ،، ويوميه تتاجل خطوبة مديحه بسبب
إم طارق الي عذرهم بالزيارة.
مديحه::ترى مبين ماتريد تجي.
قدر::واخذيها مني الحجي وثابت ماينطوج اله تحضر
_وبعد معانات حددو يوم خطوبه وعقد امشي واحجي وبالي يمه ضليت ادور بوجوه اهله عن أي تعبير يطمني مخبوصه بين مديحه الي كوى اقتنعت تروح صالون والله يستر عليها إم الباشا ماقصرت
وفيه::حجزتلج عنده. هاي كل بناتنا عدها.
قدر::خاله انه اروح وياها.
وفيه::انركعي بكاعج، ترى يريدله حجه.
_بردت گلبي ،،ضحكت بنين وجرتني
بنين::تعاي حبيبتي انتي العاقله خل العب بوجه.
_هو ملعوب بي .
بنين::يخبل كون هيج العب تعاي خلي كولجي
وشوتي بوجهي .
_وهذا اسلوبهم الي بنى حاجز أعلى من الجبل بيني وبين الباشا شلون اگدر اخذلهم واسبب مشكله
بنين::لاتصفنين الها رب اسمه الكريم.
_وصلو الزلم رغم بيتي زغير بس همزين شالهم
وتفاجئ بجية اريج صح نغم وياها بس ما توقعت تجي رحبت بيهن ،،اباوع كاشخه كل حيلها نزلت الشال من رأسها وشنو المكياج والشعر نبهتني من صفنتي قدر .
قدر::جابو مديحه.
_دكعديها بهذاك الكرسي .
قدر::هسه ليش ماخليتني اروح صالون.
_بدون كلشي انتي تضوين وهم مامقصرة مخططه
تخطط لايكاتلج العدسات, شمرتلي بوسه وراحت.
_لحد ما وصلت إم طارق انوب هاي زايده توجهت لمديحه اطمنها ها شوفي عمتج مبينه طاكه.
مديحه::تتنفس نفط .
_عضيت شفتي خرب عقلج.
مديحه::والله دباعي شلون مختنگه.
_ترى هو گالج كلشي ماضم عليج.
مديحه:'واحنه هم راح نتصرف على طبيعتنا مانخفي شي.
_باوعتلها دارت وجها ،، المكان مثل القنبلة الموقوته منا اريج ومنا فاطمه ونوب الصفكه الكبرى من وصلت مريم وامها ضليت أتلفت
كامت إم الباشا رحبت بيهن .
وفيه؛:سلاسل لاتحتارين هيه ساعه وتفض.
_شماكول قليل بحقج خاله .
وفيه::ادعي لوليدي.
_هدمت قواي وفلشت اخر شي جنت متخبيه بضهرة نزلن دموعي،، شردت للمطبخ غسلت وجهي لحكتني قدر
قدر::لاتشمتيهن بينا .
_طلعت وبعد فترة صاح ثابت،،،، حضرو مديحه
كامت إم الباشا لزمتها من ايدها وكفن باب الصاله
وسالها الشيخ لحد ماتم العقد احس دمي نشف
وفيه:مبروك إم طارق وان شاالله يعوضج بااحفاد
يملون عليج البيت.
_فاطمه ماعاجبها هزت رأسها مجامله،، طلعوا ثابت والحجي والناس الي ويا طارق ،،، شو كامت قدر وتفاجى طلعت ديجي من الغرفه وجنها مانشوفني شغلته اشرتلها تعاي ولج .
قدر::عرس اختنا اليوم نلعب جوله.
_والله انه الراح اجول ابطنج .
قدر::هيه ليله .
_دروحي سلمي على فاطمه.
قدر::سلمت من جنتي تبجين,،،،، فكيت حلكي غمزتلي وراحت لمديحه مدري شنو شاورتها,,وهاي بنين وياهن ونضرات اريج والبقية عليهن ،، شغلن ساجده عبيده وتكابلن نوب إم الباشا تغمزلي عود خليهن يممه شلون صدمني شوكت اتفقن نوب يردن ويا الديجي.
مديحه::وهذا لعبنا ولاتكول استهتار.
قدر::وشكول لأمي من اروح انكسرت الشيشه.
_احس انسطرت ،، عيوني تنتقل بين الكاعدات
فاطمه وياها جم وحده ،،حته ماعرفتنا عليهن
إم الباشا حاولت تتصرف طبيعي رغم حزن عيونها وقلقها وزعت كيك وعصير وهذن يردحن ،،طفن الديجي تنفست كلت همزين.
وفيه::اي شبعتن همزين ترى سطرنا هذا .
_ضحكن بمكر وبنين تكترت على صفحه باوعت
شعدهن ،،،وانصدم بمديحه الي ردحت وتهوس بهوسه مدري منين جايبتها والكارثه قدر ترد وراها
مديحه::اوف من عمتي،واف من عمتي
قدر:'العيارة .
مديحه::امسويه جوي وتكول ادوي لعويناتي اوف من عمتي العيارة،، وصار اسبوع بالزيارة واف من عمتي
قدر::العيارة كلللللووووووش.
_والضاهر نغم مثل ذكاء رجلها كامت مجامله
كابلتهن وجرت بنين وضيعن الكوله .
نغم ::مديحه ياجكليته حامض حلو باكيته
بنين::طارق طفي الگلوب خدها يشع ويه الثوب
_صاحت إم الباشا،
وفيه::ولج لمن ماتعرفين ليش اتچبرين يثوله.
بنين::يمه شمدريني .
_وخذلهن ساعه ردح،،،، وادري سونها عناد اما قدر
نارها من الصفحتين ،،،،منا مريم ومنا فاطمه الي
كاعده على اعصابها تالي ترخصت وطلعت متحججه بمرضها اريج حفضت معاني وجهي وخزنتها بعقلها بحيث بعد الف سنه ماراح تنسه شكلي باركن لمديحه وطلعنا ومريم من ضمنهن.
وفيه::ترى الولد ماكدر يدخل يلبسها ذهب وخليهم
يصورون حته لو بالنقال يله سلم عليجن انه جان بقيت بس ناس رايحه جايه علينا.
_تشكرت منها،، راحن اتصلت بطارق كتله تعال
وهذا ماصدك وشكد فرحت من شفت الذهب الجايبه الها ،
طارق::ها شنو رايج ؟
_تتهنون يارب يله بس انطي خبر لقدر تلبس حجاب
هز راسه ولمعت عيونه ،،،، بعدني ماديرة وجهي اندك الباب التفتت مستغربه ضحك وعبالك يعرف
منو الي جاي؟
طارق::روحي بلغيهن انه افتح هذا ثابت.
_دخلت كتلهن راحت قدر لبست صايتها ولفت حجابها ابوعلها مرتبكه وتتلفت ،،دخل ثابت اشرلها تعاي تقدمت يمه باوع بوجها سحب طرف شالها
مسح وجها بي ضحكت وهيه ادفع بي
قدر::ترى وجهي مو ميز تواليت.
ثابت؛:انتي وجهج ملكي مو من حقج تصرفين بااملاكي وهذا التشخبط ماحبه.
_ماانطاها مجال تحجي التفت وهو يصيح لطارق
الي دخل وعيونه ادور عليها وكف باوعلها نهارت كل قواي،،،، بجيت من شفتها تقدمت ورجعت بخوف لو خجل لو تردد تعلكت عيونها بثابت،الي بقى محتار .
صاحت بقهر
قدر::لييييييش ليش؟
_موقف ماتمنيته لبشر مرة تخلي ايدها على حلكها ومرة تصرخ همزين تصرف بحكمه لزمها من ايدها
ثابت::اهدي يابه اهدي.
_سكتها ،واشر لطارق تقرب .
ثابت::شرعا مايجوز.
_صاحت معترضه.
قدر:: هو اخوي والله يعلم .
_وجان طارق اذكى من ماتوقعت ادنه خله ايده على رأسها ودنك باسها بس هيه نست كل شي وحظنته
وبجت بصوت عالي.
قدر::كله منهم محمود محمود النذل
لو تدري شسوى بيه فوك موت امي .
_ضل رافع اديه ماحظنها انهارت مفرفحه،،كسرت خاطري مديحه الي كامت وهيه تعادل الكبع مال البدله على رأسها جرتها لحظنها وبجن ثنينهن
مديحه::ويبقى اخوج ونوب انه
ولج غير راح انعل أبو محمود .
_ابتسم طارق وهو يمسح دموعه كعد وهو مدنك وقدر اخ ياقدر ماسكتت لحد ما كام ثابت جرها .
ثابت::يابه الولد يريد يلبس عروسته ذهبها
يردون يصورون كافي كسرتي فرحتهم خطيه.
_وفعلا نكسرت فرحتهم لان طارق ماكدر يمتلك
نفسه ترخص من مديحت
طارق::باجر اجي عليج اخذج وين ماتردين مصور
_وخفت لاتزعل بس دومها عاقله .
مديحه::لا تعال هنا حته نكعد براحتنا.
_سلم وطلع وهو يتحسر.
ثابت::شفتي شلون مو خطيه ماخليتي يفرح
ومديحه الي نكسر واهسها.
مديحه::لا مانكسر شي بالعكس فرحت واشكرك
هواي وربي يشفي الباشا شماكول قليل وكفتكم انته واهلك .
قدر::اي ولاتنسين هم شكري عن جية مريم.
_غمض وهو يحاول يخفي ضحكته .
قدر::ما اتنازل ولا اغير رأيي طلبي واضح.
ثابت::كلشي بوقته ماتفرضين عليه.
قدر::ولحد مايصير وقته انه ابقه بيت اختي.
_طلع مزعوج لحكته للباب التفت عليه
ثابت::سلاسل ماكو داعي احجي .
_اول شي لا تنسى الولد جيته صارت رسميه
خو ماطردة وماضن اكو داعي لهذا كلامك
ثابت::اكو داعي لان حرام وميصير .
_اذن حلو موضوعكم لان مستحيل اكسر بخاطر مديحه،، وهاي الأيام فرصه تتعرف عليه ويحجون
كلشي وهيه ماتريد تطلع ويا .
ثابت::تمام اذن حاولي تفهمين اختج وتعقليها.
_ماجادلته راح وانه دخلت لكيتهن مبسطات بالكيك
دخلت ادور نقالي وفز كلبي من شفت رسائل من رقم دولي بدون تردد دخلت عليه بس صدمني القريته .
الباشا::تمنيت اكلج يوم الي النا بس الضاهر
راح تبقين امنيه ماتتحقق ،، سمرة ياذكرى
واتمنى ماتغيب،، وخليج جرح بيه مايطيب.
شكرا لزيارتكم عالم روايات سكيرهوم
