رواية قصة زهراء الفصل العشرون بقلم زينب نور
زهراء:كعدنه الصبح انطيناهم الريوگ
وخلصنه ياسر نفسيته كامت تتحسن شويه صح يعصب بس شويه احسن
سوينه الغده و واره الغده العصر
اجونه عمام سهى
انطيناهم ماي وجاي ونسوان وياهم
بالصاله وياسر بالغرفه الباب مسدود
كامن يحجن ويه عمتي سعاد
يردون يعرسون قبل السنه الجديده
كلتلهم عمتي بعدنه مرت خالها
بالفراش وابن خالها صايرين هوسه
اخر شي كامن يلحن كلتلهن يصير خير للمغرب عطلهم جدي للعشه مارضو يضلون
راحو انطيناهم العشه وخلصنه كلنه ملتمين يم ياسر بالغرفه وعمتي كلت الجدي
الجد:لا بويه انتكلو على الله
والسالفه اذا طولت تخرب خلي الناس تفرح ببنهم
سعاد:باجر ادگ عليهم واكلهم
زهراء:طلعو من الغرفه شلت الاستكاين ورجعت ياسر بلا عشه
اسويلك شي تاكله
ياسر:لا مااريد بس تعاي يمي
زهراء:شويه واجي طلعت كصصت صحن فواكه مشكله وخليت شوكات ٢ خليته بصينيه صعدت لبست تراك لبست فوگاه دشداشه خاف واحد من الولد يطلع
نزلت اخذت الصينيه ودخلت بالغرفه اشوفه يخابر فيديو
اشرلي لا تجين خليت الصحن على الميز وقفلت الباب ونزعت الدشداشه التراك لونه وردي ضيگ
وكفت ع المرايه فتحت شعري
واعدل ببه
الفهمته يخابر بصديقه عماد نص ساعه وخلص اخذت الصحن وكعدت يممه
ياسر:يعض على شفته يوووول بويه ارحميني عاد خل اگوم
زهراء:بغباء شسويت
ياسر:لااا ماسويتي شي خل اكل موز احسلي
زهراء:اكلنه وتمددت يمه ع الجربايه اسولف ابداخلي مدري شلون كتله ياسر هم تتمنه يصير عدنه طفل
ياسر:جا ليش هاي نعمه من الله
زهراء:ارتكيت على ايدي وهوه نايم على ظهره كتله وشتحب ولد لوو بنيه
ياسر:كلشي من الله نعمه
زهراء:اريد كون اول مره توم
وبعد نقفل ماكوو
ياسر:اايي موو هوه بكيفج تقفل
ام عمار
زهراء:هههه ام عمار ومختار الاسم بعد
ياسر:ايي انشاءالله اذا اجانه ولد نسميه عمار
زهراء:واذا منال جابت ولد اسميه عمار
ياسر:الله كريم
زهراء:لا كول
ياسر:شوفي الي ابطنها ابني لو شمايصير الظفر مايطلع من اللحم
واذا الله راد اسميه وهسه عوفي هاي السوالف وخل اضوگ الكيك هاذا وبستها بخدها
زهراء:لا تغير الموضوع يعني اكيد راح اسميه عمار
ياسر:شجايج اليوم شمذكرج هاااا
اتركي الموضوع هسه ماندري ولد بنيه الله كريم
زهراء:ضجت من كلامه حسيت بالغيرة رجعت راسي على ايده وغفيت ثاني يوم رجعت منال
دعاء راحت لهلها امها مريضه للساعه ١١ انه بالمطبخ فاطمه يمي انسوي بالغده شفت احمد فتح الباب اباوع دخلت خالته الي ابغداد وابنها وبناتها اضوج من بناتها مايعات
شايلات خشومهن عشتو لان يدرسن
لمن دخلنه سلمت عليهن ورجعت للمطبخ اجت منال اخذت ماي
انه اكمل بالغده هنه دخلن يم عمتي ام ياسر
صلو ومدينه السفرة للزلم بالستقبال وهنه كعدن بالصاله
كملنه كلشي رجعت للمطبخ صبيت غده لياسر ورجعت للصاله اريد ادخل للغرفه كالت خالته
اسراء:ليش ماتاكلين ويانه نبززززز
زهراء:لااا خاله غده ياسر حجيت ودخلت للغرفه
ياسر:شكوو
زهراء:مااكو شي ياله اكعد عدل واتغده خليت الصينيه يمه رجعت جبتله ماي كال اكعدي اتغده
كتله لاا اروح يمهن فشله
طلعت كعدت يم فاطمه ومنال وبت خالتها يتهامسن ويباوعلي ايي بداخلي الطيور على اشكالها تقع
كملنه اخذت الصينيه من ياسر وغسل رحت الم بالماعين هنه دخلن يمه اخذت الجاي
انطيتهن وحده من بنات خالته اسمها اسمهان تدرس جامعه اباوعلها عينها ماطاحت عن ياسر
بس هوه مامنتبهلها يسولف ويه خالته كمت افور والله ابدي احط صينية الجاي براسها ماكافي عليه منال اجت واحده غيرها طلعت
للمطبخ اجت فاطمه وياي غسلن ساعتين هلكت والله كملت صعدت سبحت ولبست دشداشه ماروني لونها اقماشها فانيله مرتبه خليت كحل ومرطب بشره لفيت الشال ونزلت الدرج يطلع للصاله بعدني مانازله سمعت اصواتهم بالصاله نزلت اصخام ابن خالهم كاعد والله فشله نزلت كبل للمطبخ مادرت وجهي
لمن كامو طلعت رحت يم ياسر دخلت باوعلي عقد حواجبه
ياسر:شلابسه...
زهراء:باوعت على ملابسي دشداشه شلابسه يعني
ياسر:امشي غيريها لطشه ع جسمج
زهراء:تقربت كعدت يمه كتله وين لطشه اصلا ممبين شي انه ضعيفه
ياسر:ميخالف انزعيها فانيله تلزگ
وبعدين تعاي شلون عبرتي وهمه كاعدين بالصاله
زهراء:لاا والله جنت بالمطبخ من طلعو دخلت
ياسر:ياله كومي غيريهااا
زهراء:هسه لطشت
گرصني من خصرري
ياسر:كومي احسلج
زهراء:اووووي ياسر والله اذيتني كمت افرك بالكرصه واباوعله
شويه راده روحه لان مايشتغل بس كاعد حتى صاير ابيض
وشعره ثخنان كتله
اكلگ انته شدعوه صاير هلگد حلووو
ياسر:هههههه شنوووو
زهراء:والله صدك لا تضحك
مساعه بت خالتك ماشالت عينها عنك لو موو عيب جا خليت الصينيه براسها بس فشله اكول
ياسر:الله الله هاي لان باوعتلي اتخلين الصينيه براسه
جاا شلون لو نامت ويااي😉
زهراء:طكيته بوكس ابطنه..😠
ياسر:اااااخ خرب ههههه
مصارعه مومره
زهراء:حتى ماتعودها بعد
والله شنو ياهي الجايه حاطه عينها عليك شنووو فاتحتك سبيل
ياسر:ههههههه سبيل لوتدرين هنااك شيسون جاا متي
زهراء:شيسون
ياسر:اهااا مرره طالعين انه ولولد مطعم اجن كعدن كدامنه بنات ٣ بس موو بنات صاكات صاحبي كام يصووفررر
ضلن يباوعلنه وحده تباوعلي وتبتسم
بس يالله شايله جمال اتخبل
زهراء:على اقل احترمني شوي شنو تخبل شدعوووه
ياسر:شبيج هاااي قبل الزواج
صالها سنتين
زهراء:وبعدك تذكرها حلوووه مووصوجك صوجي انه كاعده يمك خل اكوم اشرفلي
ياسر:هههه لزمتها وين رايحه كل عقلج اعوف الجمال العندي وادور غيره ولج ماتحلي بعيني غيرج
زهراء:😒
ياسر:امووت على الي يغار ياله كومي غيري الدشداشه
زهراء:خرررب ماتنسه
ياسر:كومي بسرعه لا يجي واحد من الولد
زهراء:كمت كام يصوفر التفتتله
شبيك
ياسر:لطشه 😉
زهراء:سخيف والله ههههه طلعت صعدت غيرتها ونزلت
جلبنه بالعشه تعشو وخلصو كلهم اجو يم ياسر حتى ابن خالته
انه مادخلت فشله من الولد مااعرفه شويه اخذه سعد وطلعو دخلت سوالف ومدري شنو كالت خالته
اسراء:زهراء ماصار عندج شي
زهراء:باوعتلها لا خاله بعدني
اسراء:بس موو طولتي اخاف بيج شي ماراجعتي
زهراء:سؤالها نرفزني
لاا مابيه شي وبعدين لاحگين شعدنه
اسمهان:شمخلصه دراسه
زهراء:سادس
اسمهان:سادس اعدادي
زهراء:لاا ابتدائي انه كلت هج وهنا طگنها ضحكه هيه واختها وامها
متت منهن
اسمهان:شنوو بيااا عصر كاعدين سادس ابتدائي هههههه
زهراء:ليش عمري الحياة ماتوگف على الدراسه
اسمهان:هسه انتي لاطفل لا دراسه المن عايشه
زهراء:قهرتني والله من اكضهاااا
اباوع ياسر عينه بتلفونه ولاامهتم
عمتي سعاد غيرت الموضوع
سعاد:خيه ام رافد الاسبوع الجاي حنه سهى موو ترحيين
اسراء:يااا على الخير بس اهواي مانكدر انضل للسبوع الجاي
راح تبدي امتحاناتهم
سعاد:بعدهم هسه ضلي شوراج
زهراء:قنعتها رضت اضل
اجت اتكحلها عمتها
اسبوع بعد وهذن يمي المايعات النهار كله يطگن بعلجهن
كامن ضايجه من كلامهن فرشت بالگاع تمددت كال تعاي هنا
كتله لاا تعبانه اريد انام
ياسر:تعاي لشوف باله ضجتي من كلام ذن يرحلج فدوه هنه وعشيرتهن شلع قلع
زهراء:فتحلي الغطه وتمددت ابصفه
ياسر:گلبي لا تهتمين لحجيهن
بس يردن يضوجنج
زهراء:انته تسمع ومارديتهن
ياسر:ماااحب ادخل بين حجي النسوان
زهراء:من للسبوع الجاي هنه هناا
مااطيقهن
ياسر:ماعليج بيهن كلبي
ياله خل انام باجر وراي روحه للطبيب
زهراء:نمنه كعدت قبل كويت دشداشته وكلها كعدت سمعته يصيح رحتله انطيته ماي غسل
ولبس طلعت جبت العطر مالته ومشط رجعت خالته واكفه بالباب اصبح عليه دخلت شويه اجت اسمهان لبسه ثوب لازگ عليها الشال شامرته جذب وتلفونها بيدها
اسمهان:صباحؤؤؤ
زهراء: بهمس صخااامؤؤؤؤ بعينج
كلت هج وياسر بس اكتافه ضلت تهتززز اباوع وجها صار احمر
وهمس
ياسر:صخمتي المايعه من الصبح
اسمهان:ضحكونه وياكم
زهراء:حبيبتي شغله بين المزوجين الجهال مايصير يسمعونها
ياسر:شوفي احمد خلص حتى نطلع
زهراء:كاعد خل اجيبلك الريوگ بس اول امشط كفشت حبيبي
هههه طلعت ام دو...
اخذ المشط والعطر مني طلعت خليتله ريوگ اتريكو وطلعو ابن خالته راح وياهم
كملنه الريوك واجت دعاء شافتني واكفه وحدي بالمطبخ ع الغده اجت ابمكاني وانه عجنت
دخلت اسمهان واختها
اسمهان:يااا بعدكم اتعجنون
زهراء:ليش العجن والخبز لغوو من الحياة واحنه ماندري
اسمهان:لاا بس احنه مانخبز كله من الفرن
دعاء:بهمس اي ذني الخايسات
زهراء:صدكتي ام حمودي
دعاء:ههههه ياله خيه خلصي ورانه شغل جثير
زهراء:من عيوني
كملت العجن لمن اختمر اجت عمتي سعاد خبزت
نظفت الخضره وخلصنه كلشي
صلو بس على مايجون الولد ويتغدون صارت ساعه ١ همه ماكو
كلت خل اتصل على ياسر اتصلت
دگ..دگ..دگ...رد
ياسر:الووو
زهراء:الوو ياسر وين صرتو اتئخرتو
ياسر:جايين بالطريق
زهراء:سديته ربع ساعه ودخلوو
انه بالغرفه دخلوه ابن خالته وسعد ردت اطلع الولد سلم وهوه مدنگ
رديت عليه طلعو وسديت الباب
شنوو اليوم تئخرتو
ياسر:مررينه على احمد للمحل
مليت من كعدت البيت
خل اكوم شهر ماادخله بعد
زهراء:شدعوه وانه هم مال مني
ياسر:افاااا امل من الكبد شلون
زهراء:هههه شكالك
ياسر:ماكوو كال كم تمرين تدرب بالبيت
زهراء:يعني اكوو تحسن
ياسر:الله كريم خليلي ملابس اسبح
زهراء:خليتله ملابس ودخلته نزع التيشيرت بسرعه بس البنطرون بالگوه لان رجله تئذيه
طلعت سبح وطلع لبس
راح اصبلك غده
ياسر:لاا بس طفي الضوه مااريد شي
زهراء:مارتاحيت لحجيه حسيت بيه شي طفيت الضوه وطلعت كلت اسئل سعد شفته واكف بالمطبخ
كتله سعد شكلكم الدكتور
سعد:ماكال شي
زهراء:شلون يعني ماكال
سعد:خويه اليمنه بيها تحسن بس اليسره خوفتنه مابيها اي ردت فعل
زهراء:وهسه شلون
سعد:الله كريم انشوف هسه بعداله اربع جلسات بالكت تتحسن
زهراء:ضجت عليه
صبينه الغده اتغدو انه ماتغديت
مالي نفس دخلت للغرفه نايم سحبت تلفونه
اجته رساله عالواتساب بالشاشه فوگ نزلت الشاشه
يعايدونه عيد ميلاده اليوم
جماعته تدري وانه ماادري اصخام طفيت التلفون وطلعت
للمطبخ اسويله كيكه خبطتها وخليتها بلفرن
لمن خلصو الغده لمينه الاماعين
وغسلناهن طشو كلمن لمكانه ضليت بس انه بالمطبخ
طلعت الكيك زينتها صارت تحفه
اخذتها للغرفه بعده نايم
خليتها بالثلاجه لان اذا اخليها بالثلاجه مالت المطبخ ماالگاها
صعدت سبحت وبدلت ونزلت
شفته كاعد صبيتله غده اكل شويه ماله خلگ
لليل وره العشه التمو كلهم يمه
بس هوه سكته لزم تلفونه ماشارك وياهم
ماله خلگ كامو عنه صعدت لبست دشداشه ربع ردن خليت مكياج خفيف لبست عليها ثوب طويل
ونزلت اخذت العصير من الثلاجه وسجين وشوكتين
ودخلت ايده على عيونه
قفلت الباب ونزعت ضليت بالدشداشه النص طلعت الكيكه من الثلاجه
ردت اسويه واهس شويه
اخذت الكيكه وكعدت ع الطرف يمه
وخر ايده باوعلي سكته
خليتها ع الميز وتقربت بسته بخده وهمست يم اذنه
كل سنه وانته ابو بيتي وحبيبي
وحياتي كلها ربي مايحرمني منك
ياسر:شكوو شنو المناسبه
زهراء:عيد ميلادك
ياسر:اهاا شمدريج انتي اليوم
زهراء:الصدك ماادري بس شفت تلفونك جماعتك موديلك رسايل يعايدونك
ياسر:منو كلج اتفتحين الرسايل
زهراء:والله مافتحت بس نزلت الشاشه وقريتها
ياسر:وهسه شنووو
زهراء:شنووو
ياسر:مادكصين الكيكه
زهراء:اكعد انته كصه مالتك كعد رجع ظهره للتاج مال الجربايه
وكصهااا ههههه
وكلني ووكلته كام يضحك شويه
رجعت الكيكه للثلاجه وتمددت بصفه
اجه يبوسني كتله ماتستحي
ياسر:شبيج
زهراء:عمرك يوم وتبوس ابنات العالم
ياسر:هههه والله عبالي عندج شي
وهنا بنات العالم شعدهن يمي
زهراء:باوعتله معجبه بكفشتك هاااي ملشته
ياسر:كلشي ولااا الكفشه انعل والديج على موودهاااا
زهراء:هااااااا
ياسر:شوتعاي موو مليت مكضيها نواشف وبالكوه اصح
زهراء:هههههه نمنه كعدنه من الصبح طلعن للسوك خالت ياسر وبناتها ومنال وعمتي سعاد وسهى
بس انه وفاطمه ودعاء ضلينه عمتي نايمه بغرفتها جدي وعمي والولد طلعو للمظيف
طبخنه الغده صعدت خليت الملابس بالغساله
ونزلت يم ياسر يخابر طلعت للصاله عزلتها للساعه ١٢ دخلن من السوگ
جايباته كله
تغدينه وخلصه غسلت الماعين وتبللت دشداشتي
باوعت ياسر نايم صعدت بعدني ع الدرج الفوگ واشوووف.......
شكرا لزيارتكم عالم روايات سكيرهوم
