رواية كريات الدم السوداء الجزء الثاني الفصل الواحد والعشرون بقلم زحل شريف
____سلاسل_____
_اباوع لشاشه النقال بحيرة احس ضعت وتاهت الدنيا مني،،دكيت على الرقم وماتفاجئت من طلع مغلق دزيت رساله ضهر خط واحد،احتاريت شسوي
خفت اخابر مولي ويكلي العملية فشلت، ولو كلامه أثبت فشلها ،بس ماكو غير حل خابرته ، تلفون على أذني وگانو اجتني لحظة ادراك ، شو ثابت ماگال معقولة مايدري لو شنو،، نبهني من تفگيري صوته، وهو يسال بقلق .
مولي::ها سلاسل خو ماگو؟
_ردة خلاني اتوتر سالت بتردد شنو اخبار الباشا ؟
مولي::اليوم ماتصل كلش وحته على أبوي مارد
والخال يكول باجر عمليته .
_عرفت مأكايللهم ، احس روحي انسحبت مني
ماعرف شلون نهيت المكالمه نار واشتعلت بگلبي
_بقيت لازمه النقال بيدي واتلفت بالغرفه
اريد اي شخص يدخل ويطمني،،يگلي لا تخافين
ومدري شبي الوجع،، يظهر وقت القهر، باد حيلي كعدت بتعب،،،وگانو جنت اركض لمسافة طويلة دكات گلبي تسارعت قرأة الرساله اكثر من مرة
مثل الي يجذب روحه،يغمض ويتمنى من يفتح
يطلع حلم كتمت شهكاتي ماردت البنات يعرفن
و تنكسر فرحة مديحه،كافي موقف طارق وقدر
قفلت الباب ،،،وطلعت العلاگة البيها الرساله
سحبت العلبه البيها الحلقه البجي سكته يوجع الروح، ،،،مرة ابوس الرساله ومرة الحلقه
وعيني للنقال كل شويه ادخل اباوع بلكي يظهر خطين التفتت على الباب صوت البنات أقرب
گمت شمرت العلاكه بالكنتور وفتحتلهن طبن يباوعن بوجهي.
مديحه::شبيج ?
_هزيت راسي ماكو شي وتقدمت للجرباية
متهربه من سؤالهن بس ماعتقتني .
مديحه::اكيد رجلج هاجت عليج،، من الصبح
لهسه ادوسين عليها وماگعدتي خلصتيها فرة
واليوم ماضربتي ابرة وين ابرج خله اضربج .
_تحجي وتنفش بالعلاج ،، وقدر واگفه ونضراتها
مسلطه عليه،،،،تمددت وجريت الغطه خانكتني العبرة ورغم ماعشنا سوى بس دارستني وتعرفني سالت بقلق .
قدر::صاير شي،، فاطمة حاجتج ،لو وحده
من البنات اي اكيد اريج ماتعديها شكالتلج .
_لا يمعودة رگضتي على فاطمه ،محد حجه
بالعكس الكل محترم ،بس تعبت ورجلي اذتني
التفتت مديحه الابرة بيدها و تباوعلي بشك .
مديحه::شو مااقتنعت ؟ام عطوب خاف ضجتي
لان راح اعوفج،، ترى يوميه اجي مو عبالج ترتاحين
مني لو اخنگ فطوم واخذج يمي .
قدر::لا عيني خو تجي يمي.
_هنة يحجن وانه عيني للنقال ردت انفرد بروحي حاولت اغير الموضوع صحت بيهن ، ترى مانسيت گولتجن ،،بس ارد اعرف شوگت الفتيها ، ضحكت مديحه وقدر عبالك تذكرت .
قدر::هههههه واف من سونه العيارة.
مديحه::إف من سونه العيارة.
_فكيت حلكي لا هاي قدر اذا تبقه يم مديحه
اسبوع بعد مالزمها ،،طلعن اريد انام ساعه وگعدني وانه الجن ،قدر توجهت للكنتور خذتلها ملابس، ومديحه لازمه الابرة بيدها اشرتلي يله.
مديحه::انبطحي عزيزتي .
_ماجادلتها ردتها بس تطلع ،ضربتني وخذتلها ملابس وقبل ماتطلع التفتت عليه.
مديحه::يله ارتاحيلج ساعه بين ماتكف البيت
واكعدج تتعشين .
_هزيت راسي ،وبس راحت جريت نقالي
شبعت نوح ليش هيج، تحملت الم حبك
واگتفيت بشوفتك مرتاح ،خفت على منصبك اگثر من اهلك،، وبيني وبين نفسي مفتخرة بيك بعدت
عنك لاجل تبقى الباشا،اخ اخ من حظي الي شما
اريد اوكف على رجليه يدفعني لسابع أرض غمضت
من سمعت صوتهن رجعن عليه.
مديحه::سلوم الصغيرة گومي يله
قدر::لا بروح امج اكره هل تشبيه.
مديحه::ولج غير زايدة عليها بس، انه مغطيه
الموضوع شايفتها شلون من اطنگر .
_يداهرن فوك راسي ،لفيت الغطه على
روحي واشرتلهن اطلعن .
مديحه::خاب گومي ترى جعنا .
_ماريد ماريد خلني نايمه عفيه،اذا كعدت اطير النومه ومااغفه روحن عود من اگعد اكل .
قدر::وين اگو واحد نايم يسولف هلكد؟
سونه گومي واحجي شبيج بدون لف ودوران.
مديحه::اي صح ،هم بيج فايده البلكه
قدر::شنو بلكه ؟
_نكتت الغطه وصحت ، صدك ماعدجن احساس
اكلجن نعسانه وانتن تداهرن فوك راسي ،
مديحه::إم عطوب شغلتج مو خاليه راح
اسكت والصبح يصير خير ، امشي قدر
حمدت الله لان طلعن ، وهمزين نامن بالصاله
للصبح ماغمضت،،،، طلعت امشي على اطراف اصابعي ماهنه اكيد نامن بالغرفه الثانيه عبرت
للمطبخ ردت اسويلي جاي احس راسي موتني
اتحرك بدون عقل بالي يمه ذبيت القوري وجريت
الكرسي وكعدت صافنه شلون احصله منو يوصلني اله احجي وحسيت بخيالهن فوكي رفعت راسي يباوعلي ،،،مديحه دارت وجها على قدر وهزت رأسها باستفهام وذيج مطت شفايفها بمعنى مااعرف
عرفت ماراح يعتقني گمت وانه اجاهد دموعي الي واگفات برمشي ،طلعت من المطبخ وهنه وراي التفتت عليهن، وينه العشه الخبصتني بي .
مديحه::ترى هسه ريوك دكعدي
هسه اجيب الصينيه .
_كوى متمالكه روحي احس الكمه
توكف بلعومي ،، نقذني صوت نقالي كمت بهمه
ناسيه رجليه طفرت واحس العضم طك ماكدرت اوصل الغرفه رگضن عليه لزمني .
مديحه::شبيج صدك جذب شلون گمتي هيج.
_ولجججن انطني النقاااال .
قدر::اكو شي سونه ،، هاي رگضتج مال واحد
منتضر خبر احجي يمعوده .
_سندت روحي على قدر كعدتني على القنفه
راحت مديحه جابت النقال اباوع رقم مولي
مالحكت افتحه انتهت المكالمه وهنه يباوعن بوجهي دنكت عصرت رجلي ، كأنو اجتني رحمه
اتحجج بيها بجيت بصوت عالي.
مديحه::عود من تشبعين بواچي احجيلنا.
_رفعت راسي باوعتلها، التفتت لقدر كالتلها.
مديحه::خابري رجلج شوفيلنا شنو الموضوع.
_دنكت للنقال اتصلت بمولي رد وصوته مخنوگ
عرفت وصلهم خبر ، اريد الكلمه تطلع من حلكي
ماكدرت احجي ،جرت النقال مديحه وفتحت صوت.
مولي::مارد علينا بس الخال حجه ويا أبوي
يگول العمليه مانجحت .
_حجاها واختنك ,سدت الخط ،صحت ليش
هيج ليش ، قبلت بنار البعد وحسرات اشتياقي
اله ،، واگتفيت بصوته ، ياربي موتني وخلصني .
مديحه::مگتوب علينا مانفرح .
قدر::يمه شلون حال أبو وامه يموتون هسه
لا مستحيل هو شلون راح يتقبل الأمر،رغم اخوانه
واگفين وگفه وهو نفسيته تعبت بحيث گالهم لاتخلون احد يدخل عليه.
_نوب كلامهن زاد همي،،خلص النهار وانه
الوب وشكد دگيت ماحصلته تعبت كلش والنبات
حالهن من حالي،،،،،خفت اكول لقدر روحي ادري
من كلشي تتحسس ،للعصر واحنه متكابلات گل وحده صافنه بصفحه ،حجت مديحه موجه كلامها
لقدر
مديحه::لو مخابرة بنين .
قدر::شكلها حتى اخجل لان أعرف شما اكول ماواسيها ولج همه گلهم يحبونه حب ماصاير
هسه تلكين بيتهم مناحه .
_تحجي وتمسح بدموعها ،،گلت مااحجي خليها
هيه تگول ودوني افضل . ضلن مرة يواسني ومرة
يحجن بااهله ،،،،،،دك نقال مديحه رفعت رأسها باوعتلي عرفت طارق الي اتصل ،،،اشرتلها ردي يمعوده هذا هم ما عنده حظ من امس اليوم
بس قهر ،ردت مدري شكالها جاوبته وعينها عليه،
مديحه::لا بعدها هنا مو احنه ماندري اليوم
يله مولي اتصل .
_سكتت بس تعابير وجها تدل على انزعاج ،احس معدتي وجعتني،،، اشرتلها شكو گامت متجاهله
نضراتي سندت روحي ولحكتها دخلت للغرفه لكيتها كاعده وتنافخ درات وجه تحاول تشتت
انتباهي رادت تگوم لزمت ايدها
مديحه::خل اشوف وين حطيت علاجج .
_گعدت بصفها،وسالتها بشك شنو گالج.
مديحه::ياهو ؟
_لا تحاولين ولج انه وياج روح وحده ، دنكت
تحاول تغير الموضوع.
مديحه::خرب روحج دهديني ترى تعبت من البجي
شگو مفاوله على الولد ،، وروح امي عندي احساس
يطيب ويجي ويلزملج الباب ويوميه ساحلج.
_ياريت خل يبلط الشارع بيه بس كون يرجع
يوكف على رجليه ، بس هم مو هذا الجواب
الي اريده ، مديحه احجي .
مديحه::شلون بسلوم من تنبش شبيج شحجي
_شكالج طارق؟
مديحه::وروح امي ماكو شي عبالج
گالي شي عن الباشا ؟
_لا ، بس شسألج ؟احجي بروح امج .
مديحه::ماكو شي بس انه مالي خلك ،وگلت بلكي يحس وما يجي لان صدك مو مال جيه .
_سالج عن قدر؟
مديحه:خاب وخري مال الثول تبقين صخله،هو
انه صوجي مقهورة عليج ، خل اكوم ابدل واستقبل خطيبي احسن ماگابل جهرتج.
_نكتت ايدي وگامت ،فتحت الكنتور تنفش
و كل ماطلع قطعه دور تسالني
مديحه::شتكولين البس هاي .
_لبسي اي شي يلوگلج ،هزت رأسها أي رادت تطلع گلتلها صيحيلي قدر، التفتت باوعتلي وعرفت بالها شي ، صحت احجي عاد ؟سكتنا صوت الجرس .
مديحه::شبسرعه وصل شنو واكف بالركن؟
_دبدلي انه افتح الباب فضينا.
مديحه::على كيفج عيني .
_عفتها وطلعت ،،باوعت بالصاله قدر ماگو عرفت هيه راحت للباب ضليت واگفه ،،شويه وسمعت صوت مرة دخلت قدر وتفاجئ بنغم وراها ، رحبت بيها گعدت وهيه تحجي بأاستعجال .
نغم::اجيت على قدر .
_التفتت على قدر الي بقت محتارة.
نغم ::ترى محد يعرف جايتج،، گلت لبنين
تغطي على غيابي يله بسرعه, شوفي لو مااحب
ثابت واحبج جان ماجيت بس صدگيني هل موقف
راح ينذكر ، ماكو داعي احجي انتي تدرين وضع بيتنا هسه والله لو تشوفين عمي يبجي الصخر .
_طلعت مديحه سلمت عليها واشرتلي
تبعيني ترخصت من نغم الي بقت تحجي
ويا قدر ، وگمت للغرفه طبكت الباب وانه احجي
ها شنو شبيج ،حجت بتردد
مديحه::خاف اگلج خليها تروح لبيت الحجي وتحسبينها غير شي بس وروح امي.
_قاطعتها بدون حلفان,اصلا المفروض تروح
لان اكيد ثابت هسه مو بحال يجي عليها
مديحه::اي ترى عيب منهم.
_طلعت موجه كلامي لنغم
هو انه ردت اخابر ثابت يودي مولي.همزين انتي
اجيتي رحم الله والديج ، يله قدر گومي ، تنفست
براحه من گامت بدون جدال خطيه حتى مالمت غراضها بس لبست صيتها وشالها ،،وصيتها عود طمنيني بلكي يخابركم .
قدر::اي بس ديري بالج على نفسج.
_وبس طلعن دخلت لمديحه جريتها.
مديحه::شبيج شو لا ادفعج وكسر رجلج الثانيه .
_قري شگالج وگلب حالج.
مديحه::ترى يتراوالج .
_خوش دكومي فتحي الباب اكيد هوه، بس اول شمري عليه شال گامت وهيه تهز ايدها، دخل طارق يتلفت سلم وگعد ، ترخصت منه اخذو راحتكم انه اليوم رجلي تأذيني.
طارق::اخذج للدكتور .
_لا عندي علاج ،اگلك انته عندك تواصل
بالولد شنو گالولك وين الباشا هسه.
طارق::تواصلي بمولي واليوم خابرته ردت ابلغه
انو يكول لابو على مود الولد الي يأثر على سليمه
خطيه ماراد يكلي بس من صوته عرفت اكو شي وتفاجئت من كال عملية ماناجحه، بس واضح منهارين .
_بلعت غصتي ومشيت للغرفه ،دزيتله صوتيات اترجاك ترد عليه باشا يهون عليك تخليني حايرة
بس سمعني صوتك ترى انه مشتاقه ،زين انته
مامشتاق لصوتي رد وانه اغنيلك شتريد تسمع
امسح بدموعي واحجي شوف ترى حته ثابت زعل
لان گتله انته صاحبي.
مديحه؛:يطيب وحته احريشي مابي .
_رفعت راسي باوعتلها بزعل.
مديحه:: من يسمع كلامج يگوم يركض.
_دنكت حظنتني وبجت بعبرة،سالتها راح طارق
هزت رأسها أي، وهيه تحاول اطمني .
مديحه::گون يرجع واشوفج اطنگرين وتكولين
أبعد عنه اريد احمسج حمس .
_بس يرجع ماريد شي.
مديحه::وتالي تبقين تنوحي گومي .
_جرتني خابرت قدر اطمن عليها.
قدر::اسكتي ولج بيتهم عبالك عزه اسم الله
ماقابل يحجي وياهم بس الخال يرد عليهم.
_نوب زاد قهري ،وهيج يخلص النهار ويجي اليل،
أيام وهو رافض حته اهله ،اخابر قدر وترد على
گد السؤال .
قدر::أبو توسل بس يشوفه، فتحله
گامرة حجه ويا وسلم على أمه ومن امس الحجي
ضغطه معلگ نوب فوك الضيم الناس الي گاعده
عدهم .
_ماعرفتي شوكت يرجعون ؟
قدر::على أساس هل ايام بس الخال گالهم
ماجيبه للبيت لان هو رافض احد يشوفه بالعربانه
وراحو الولد يجهزوله المزرعه .
_سديته منها احس بروحي تعبت كلش، يوم يجر
يوم بيمن افگر بقدر شكواها من مريم لو مديحه
الي شما تحاول تبين انو هيه وطارق متصافين
اباوع الها واگفه بالمطبخ مدري شتخبط التفتت عليه لكتني صافنه بيها ضحكت .
مديحه::شلون نسيت اجيب حرمل
_صحت دروبج مايمشن عليه غسلي اديج
وتعاي لان اذا كمت اغط راسج، بهاي الخبطه
المسويتها.
مديحه::هههههههه ذكرتيني ولج مرة الحكومه
رگضو ورا سويكه وجانت ام دعدوش مطلعه عمال
وخابطيلهم خبطه مال اسمنت يمكن جانو يبنون غرفه ،
_تبني مخزن للبضاعه.
مديحه::يمكن المهم سويكه سكران،ورگضو ورا
مالحك يفلت يركض ويلتفت عليهم وماحس اله
هو بنص الخبطه مال السمنت.
_ضحكت بقهر خرب عقلج.
مديحه::هههههه اجو يتراگضون ضل واكف
بنص الخبطه صاحو عليه اطلع وهو متنحر
تالي دخل واحد منهم سحله ،، گالهم اوكفو
بس اسبح جا تاخذوني هيج، رد عليه الضباط
اي هيج احسن حته للصبح انته صاك ونخلص
منك .
_ههههههه ، دتعاي لا اكوم اخبط
مديحه::خرب عقلج سلوم ماتنسه شتردين
ها شتردين ؟
_اجت تمسح اديها بدشداشتها ،اشرتلها كعدي
مديحه::كعدنه
_لاتگليلي ماكو شي.
مديحه::شكو يعني؟
_قطع حديثنا صوت النقال باوعت الرقم هاي قدر؟
مديحه::دردي بلكي خبر عن الباشا.
_رديت بخوف ها قدر بشري؟
قدر::هلا شلونجن؟
_زينين بس احجي .
قدر::اليوم يوصل الباشا بس مايجي لبيت اهله ياخذونه للمزرعه والحجي وأم اسعد راحو قبل
لا يوصل .
_شعجب اريج ماراحت؟
قدر::گالولها خل يوصل ويرتاح وندزج تبقين يمه
كم يوم بلكي من يشوف ابنه نفسيته تتحسن.
_اي اكيد .
قدر::دروحي هسه وبعدين هم اخابرج.
_سديته منها ودخلت على رقمه ماكو ضهور.
مديحه::ترى بعده ماواصل اكيد من يستقر يفتحه.
_زوجته تروح يمه .
مديحه؛:جا من حجينا الرجال مل وهو يكلج
نعقد شفتي هسه جان حالج حالها .
_كل عقلج يخلوني حالي حالها يله اهم شي
رجع بسلامه خطيه اهله .
مديحه::وانتي؟
_ابقه مكابلتج؟
مديحه::وانه ايام وهم اروح لبيت رجلي.
_مأتكده؟
مديحه::اي أثبت على اجابتي.
_وشكد حاولت وياها ضلت تراوغ تعبت منها
لليل وانه عيني معلكه بين الساعه والنقال.
مديحه::وعليمن كل شويه رافعه راسج ترى
النقال بي ساعه، تبقين متخلفه.
_گمت بدون مارد عليها
ايست منه اكيد ماراح يخابرني التهى بااهله
وأوسي روحي شتردين ياسونه مو كلتي اهم شئ
يرجع عوفي بين ناسه ،،،اكيد همه أقرب منج
وتاخذني الذكريات لأيام ويا مرة ابتسم ومرة
دموعي تنزل، لحد ما نمت ،وتعده اسبوع طارق
ومديحه مثل مد وجزر خليتها هيه تقرر رغم
مابدر منه شي،، بس ماعرف ليش گلبي ناغزني
ومكالمات قدر الي تصبرني ردت بتعب.
قدر::ها سونه شلونج ومديحه شخبارها.
_زينين٫ انتو شنو وضعكم؟
قدر::هلكانين ناس تجي وناس تروح وثابت
كلش تعبان خجلت اكله يجيبني الجن .
_خلي تكف عنكم الناس وتعاي.
قدر::المهم هو كالي ، تشوفين طارق شوكت مقرر
يزوجون لان قبل فترة كايللهم ماسوي شي لحد مايجي الباشا.
_ماعرف اسال مديحه واشوف اكيد متفقين على موعد بس انه ردت ثابت يتواصل بمحابس بلكي
نحصل عنوان ابوها عاد يعقدون محكمه.
قدر::أوك ابلغه واشوف شيكول.
_رادت تنهي المكالمه سالتها شنو اخبار الباشا؟
قدر::اوو بعده مايريد احد يزورة.
_زوجته راحتله؟
قدر::اي بس يومين واجت مزعوجه.
_ليش شبيها؟
قدر::ماسالت بس من خلال اطراف الحديث
بينها وبين أمه، عرفت بسبب عصبيته تكول
متنرفز من كلشي ،عاد كلولها لاترحين اذا ما تتحملين حالته ، عاد الولد سوو جدول يوميه
واحد يروح يبات يمه .
_هو كلش مايتحرك ؟
قدر::ثابت يكول بس رجليه .
_نهيت مكالمتي وياها. ودكيت على مولي.
مولي::هلا بسلاسل.
_اريد احجي ويا الباشا ضروري .
مولي::غير كون يحجي ويانه شبيج اصلا
اروح واجي ماجنه يشوفني .
_اترجاك تحاول بس خلي يفتح نقاله لايحجي
بس يقرأ رسائلي.
مولي::باجر اروح لان اليوم اياد يمه.
_ماشي الله وياك، سديته وصحت على مديحه
بلغتها بكلام ثابت .
مديحه::اي هو جان منتضر جيت الباشا.
_انه اگول مانستعجل خلي نشوف بلكي نحصل
شي عن التالف الي اسمه ابوج.
مديحه::ليش ماتخليني اخابر محابس وأساله؟
_يمعودة خاف طارق يسمع وهم يسويها سالفه.
مديحه::ترى مامخابرة اتغزل.
_كيفج مادري، هزت رأسها أي وكامت جابت
نقالها دكت اشرتلها فتحي صوت رد عليها.
محابس::هلا بدوحه.
_خزرتها نوب يدلع ، هزت ايدها وردت بثكل.
مديحه::هلا بيك ،أكلك عود ردت منك شغله.
محابس::كولي بخدمتج بس اول كليلي شلونها
إم اعطوب وشخبار الباشا يگولون تگرم.
_يحجي بشماته، متت قهر گوى لزمت روحي
و ماحجيت ردت هيه .
مديحه::وليش تحجي وگانو
هو الي طلك امك من الخال.
_فوخت گلبي بردها صاح متعصب
محابس::بنت القندرة ، وشبيج انزعجتي الضاهر مغزر بيجن الباجة.
مديحه::اي لان گد كلمته وشوفت عينك گاعدين
بحمايته هو واهله.
محابس::اذا هيج، شكو مخابرتني.
_ادنيت عليها اخذت النقال منها سديته ،ودخلت
على رقمه حضرته ، مو گتلج ماينضف النذل.
مديحه::أبن التالف ولج ماتوقعته هيج.
_عوفي وخلينه نشوف سالفة طارق لان مامقتنعه
مديحه المخطوبين,,, يخلصون ليلهم يسولفون
وحتى لااضلمه خلي نأجل الزواج لحد مانلكه
خيط للسافل ابوج.
مديحه::هاي هيه بكيفج.
_اي بس هاي الفترة حاولي تگعدين ويا وتفهمين
فلمه وحته أمه هم لازم تتقربين منها .
مديحه::وهاي شلون اتقرب منها اخابرها ورا ال12
_ترى مالي خلك اداهر، صفنت شسوي
قبل ذابه ضيمي على ثابت، ضحكت التفتت عليها .
مديحه::موخوش صاحب بسرعه يزعل.
_وهاي سالفتها مالها ساعة جد تخلصها تصنيف
لثاني يوم اجه طارق طلعت سلمت عليه وسالته
عن أمه
طارق::ساعه زينه و23ساعه موزينه، المهم انه
أجيت حته نحدد وقت للعرس ماعرف شنو الي
انتو مقررينه اگول لو نسافر كم يوم افضل لان العرس معازيم وانه اصلا مو على صلح ويا عمام أبوي
_مو مشكله العرس احنه نسويلها حفله هنا
وبعدها سافرو بس تريد ثابت يفرغ حته يشوف
منين يحصل ابوها، فلا تستعجل وهم فرصه تتعرفون على بعض .
طارق::ماشي ماعندي مشگله.
_عفتهم وكمت شويه وراح طارق دخلت تضحك
سالتها ها سولفلج نكته.
مديحه::لا بس اعتقد راح اشبع نكت.
_احجي وياها وعيني بنقال باوعت لصفحة الباشا
رسائلي واصله نزلن دموعي يعني سمعهن ومارد؟
مديحه::يكلولج ماطايقه اهله ترى موهين
واحد مثله ينكسر هل كسرة .
_وانه شرايده بس اسمع صوته، ويا حجايتي
رن نقالي يعلن عن وصول رساله فزيت مامصدگه
بس كسرني رده.
الباشا::سمرة اترجاج لاتوجعين گلبي عبالي
ارجع امشي واجيج بس مارهمت .
_بسرعه دزيتله لا لا تجيني ،، انه اجيگ وشتعبرني ياحبيبي ،نذر لعيونك يباشا فدوة للدرب البعيد
سمعها ومارد احس يعاقب بيه .ليششش
مديحه::ها جا اذا من أول رساله مليتي.
_مسحت دموعي ورجعت دزيتله،،الي يخصك
حبيبي الواجب اتخصه يامالك دليلي وعايش بنصه .
مديحه::بروح امج گملي .
_قصتي وياك حلوة بأول المشوار ،مثل صحبة
گليم الله والعصه.
مديحه::بس الضيم تالي بااخر القصه .
_گتلك خيط ستلي وگوم گصه وياي.
مديحه::من أصبح سناسل جايني اتكصه.
_باوعتلها وگأنو تريد تندب حظها بسد حزني
شمرت النقال وتعمدت اقرأ هل بيت،غلطان اليلاعب عگرب وعربيد .
مديحه::بس يمته يتندم لمن ايگرصه.
_وجوابها أكد شكي أكو شي تخفي عليه,گتمت حزني وقلقي وگمت مثل الينكت همه من حظنه
اشرتلها تبعيني .
مديحه::لا تعبين روحج ماكو شي .
_اسمعي احنه مو بحاجة احد ولا مجبورة
تقبلين بي وانتي شاگه ارتباطه بيج مو بقناعه
وروح امي اسحله وخلي عبرة لكل شخص يحاول
يندگ بينا ، احجي خليني افتهم.
مديحه::مادري بس يخلص وقته يتصفن وأكثر
كلامه عن أمه ومرضها بدال مايطمني خوفني
لان من حجيه عرفت وراي ضيم .
_هم سالج عن قدر.
مديحه::اي كل جيه يسال سؤال عادي.
_متأكده ؟
مديحه::شنو ابالج؟
_ابالي الولد خطبج حته يعاقب أمه لان رفضت قدر.
مديحه::ماعرف شگلج بس هم مو مال
يورط نفسه بزواج .
_مديحه اترجاج لاتعبيني احجي.
مديحه::وروح امي ماعرف شنو الي اگوله
خاف اكلج أي ويطلع تفكيرنا غلط .
_خلص نأجل كلشي عذرنا لحد ما نحصل ابوج
وهم فرصه تراجعين دگتور تجميل .
مديحه::كيفج .
_وضليت بين تفكيري بمديحه وبين الباشا
الي كل محاولاتي ماهزته ،،،،كاعدين نصفن
وندك بابنه التفتت عليها تدرين لازم نخلي گامرة.
مديحه::هسه شنو اكوم اشوف منو لو اتانيج تركبين كامرات.
_شمرت عليها الكوشه راحت تضحك سمعت
صوت ثابت گمت للغرفه لبست شالي وطلعت
لكيته هو وقدر وهاي عبالك صار سنه ماشايفتها
قدر::طك گلبي ،، والله لو مالخاطر إم اسعد
مابقيت هل فترة .
_خذتلها مشوار هيه ومديحه يداهرن وثابت
يضحك عليهن سالني عن طارق بلغته بالي اريده.
ثابت::صاير شي؟
_لا بس افضل انته گلت ضروري عقد المحكمه .
ثابت::اي صح بس اذا ماحصلنه ابوها شلون؟
_ورغم ملتهيه بقدر ، بس بالها يمنا ردت.
مديحه::اذا مو عقد محكمه ماازوج لان معناها
جهالي يعانون معاناتي.
_باوعلها ثابت وطول بنضرته الها والتفت عليه.
ثابت::كلامها منطقي جدا ، المهم انه باجر احجي
الخال بلكي هو يبلغ محابس .
_ضلو كاعدين شويه وقبل مايطلعون قدر كالت.
قدر::صدك سونه اذا اجه طارق كليله يجيب
غراض امي .
مديحه::اي انه اكله.
ثابت::يله يابه امشينا خو مامحتاجين شي.
_سلامتك ، راحو بس ثابت مو على بعضه
خابرت مولي سالته شلونه الباشا.
مولي::تعب وتعبنا امس الخال محصل دكتور ودازله كل التقارير وحسب تشخيصه كايله
ممكن بعد ست شهور نجري عمليه.
_اي خوش بلكي الله .
مولي::بس هو رافض إجراء عملية ثانيه
تردين الصدك مالومه لان موهين الألم.
_وهاي اخبار الباشا الي دمرتني يمكن ربي
رحم بحالي أمور قدر مستقرة حسب كلامها.
قدر::لو تشوفين الحجي شلون دافعلي گالهم
بتكم مو مال طويله ، ليش تضيعون عليها فرصه
خل يطلگون وبلكي الله يجيها نصيب . اذا مخلين
ابالكم برجعتها يطلك قدر ف هل شيء مستحيل
وانه وكل ولدي مانقبل هاي البنت صارت تخصنا.
_همزين عاد انتي هم خفي على ثابت.
قدر::لا ماحجيت لان إم اسعد كالتلي افضل شي
السكوت خليج خارج هل معمعه،المهم شخبار مديحه ذاك اليوم ماعجبنني؟
_زينه بس الي مضوجها سالفه الجنسيه.
قدر::ترى ثابت سولف للحجي وكاله بلغ خالك
يعني ماساكتين ، لاتخاف.
_ تكدرين تنفردين أريد احجي وياج .
قدر::اي اصلا انه بغرفة بنين گولي خو ماكو شي .
_لا بس ردت اسالج عن وضع بيت طارق
يعني هو أمه .
قدر::ترى هيه من زمان هيج وحسب كلام امي
بسبب شكها بالناس تسويلها سحر ، حته اهلها
مو هلكد علاقتها بيهم ، وطارق ماكو منه صدكي.
_زين بيها مجال تنطين التلفون لام الباشا
قدر::اي خليج وياي.
_بقيت على الخط لحد ماوصلت عمتها
سلمت عليها .حست بيه محتارة.
وفيه::كولي ماما شبيج حايرة.
_خاله ماعرف اذا اكدر احجي والكلام
مايوصل قاطعتني
وفيه::لا تحجينها عيب يوم المن يوصل احجي .
_حايرة بمديحه خاله لان طارق كل كلامه وياها
عن أمه ويحاول يقنعها تتحمل طبعها الصعب وقدر تكول مريضه تشك بالسحر.
وفيه::اي انه هم لاحضت بس ياماما الولد خوش ولد ومديحه مبينه شاطرة،،، وان شاء الله تكدر تحتوي وامه أول وتالي تتقبل الأمر وحسب ماكالو الولد هو متقاطع ويا أهل أبو يعني شدتها بس أمه.
_ماعرف شكلج.
وفيه::ولا تحتارين شوفي هو المفروض هيه
بعد العقد تعزم جنتها لبيتها وهم لازم تجي
وتشوف شنو احتياجاتها بس ماعرف يجوز همه عاداتهم تختلف وهسه ليش نحتار انه بس افرغ اعزمها وفرصه نعرف طبعها.
_تشكرت منها يربي شنو هل طيبه البيها
سديته وكمت سولفت لمديحه .
مديحه::وهو جان يحجي وياي يكول باجر
اجي عليج اخذج لبيتنا امي عازمتج على عشه.
_اي خوش ، روحي .
مديحه::غير انتي وياي .
_انتم مخطوبين انه شكو بنصكم ولد شارد مني
يريد يحظن يبوس ماخذتني عضم رحه.
مديحه::ديله وهو مستحي لو لازمته انتي .
_باوعتلها ،يعني شنو ولج معقولة وانه مكسور خاطري ، واگول جفاف .
مديحه::لا عيوني فكري بروحج.
_شفكر وهو حته مستگثر عليه صوته.
مديحه::ضلي لاطشه بي لحد مايمل ويرد عليج
يله روحي لغرفتج وخابري الزكي دكي عسما للصبح تضلين ادكين .
_دكومي شعدج گاعده هنا .
مديحه::انه هم اريد ادكن.
_ماطتني مجال احجي گامت جرتني للغرفه
يا ولج رجلي رجلي،دفعتني وطلعت وشكدحاولت مارد تالي كلت بعد ماخابرة ،، لثاني يوم اجه طارق اخذ مديحه ،ضليت لوحدي صفنت أي ياسونه أول وتالي تبقين لوحدج ،،،،،نبهني صوت نقالي عگدت حواجبي رقم مديحه رديت بخوف ها شبيج
مديحه::أكلج سونه تذگرين طشه من جانت
تعالج المسحور ، تطلب منه دجاجه سوده؟
_نزلت النقال من أذني اريد اتاكد هاي
هيه لو لا وشنو دجاجه ردت صاحت.
مديحه::وينج سونه تسمعيني؟
_ولج شنو دجاجه شبيج انتي وين؟
مديحه::بيت طارق بس ردت اتاكد هيه طشه
جانت تذحها الدجاجة لو تملصها ملص ؟
_ضليت أتلفت وهيه مستمرة تحجي .
مديحه::ها متأكده اي خوش.
_حجيت وانه صاگه سنوني,ولج هو شنو الخوش.
مديحه::لا لا أعرف أي سوده يله روحي
عود من اجي انسولف.
_سدته بوجهي خرب ابوج ، من قلقي دكيت
على طارق .
طارق::هلا سلاسل ها تأخرنا عليج.
_لا بس انتو وين، رد بضحك.
طارق::يم امي مديحه خوش لكتلها علاج.
_عرفت سوتلها فلم ، اتعذرت منه يله اخذ راحتك
سديته وانه اتحلف بيها ، تاخر الوقت وهمه ماكو
استحيت ادك ضليت مگابله النقال اندك الباب
گمت وانه اسب بيها خليت شالي على راسي
وطلعت فتحته اباوع سيارته وأكفه فز گلبي
من ضلوعي نزل الجامه مال الصدر باوعتله.
الباشا::ماكو ؟الحمد الله على السلامة؟
_ضليت محتارة مدري فرحانه لو مرتبكه
عرفت مايگدر ينزل والاگد شكي مولي الي اشرلي من ورا ، مسحت دموعي وماردت احرجه حجيت
بزعل مو خابرت وراسلت ومارديت عليه خو ماالزملك الشارع اذا ماتريد ترد عليه.
الباشا::ومستگثرة عليه كم مسج.
_مسند ايده على باب السيارة ويحجي
ادموعي الي انهدن واستگثرن عليه النضر رديت بعبرة اذا مكالمتي ماتهمك شسوي .ابتسم واخ ياهاي الابتسامه شسوي بيه حجه بتعب.
الباشا::وحق صفين والخندق وحطين
أشلع شيب البراسي واحط طين
اطير من الفرح گلي واحطن
من اشوفن رقمج يرمش عليه.
شكرا لزيارتكم عالم روايات سكيرهوم
