رواية بنات الحجي السعيد الفصل الواحد والعشرون بقلم شمس العراقية
ليال ـ كل هالأحداث الصارت ويانا من موت أيناس وموت بيداء وصدمتنا بدخول باسل السجن گأنما ورانا تعويذه ماكو هيج مصايب ما تنطينا مجال ، وبيتنا خرب من وفاة أمي أحس صار هيكل فارغ خالي من صوتها وأمانها ودعائها ألنا بكل صلاة .
وخايفه من باجر ومن اليوم ومن بعد ساعه والصدمني أكثر محد سأل علينا بس بيت عمي كريم بس عاذرينهم لان الناس ما جاي تنطيهم مفگه وعمتي سلوى كم مره اجتي وتعذرت من عدنا خطيه ملتهيه بنت ليث لان بس تبجي ما تسگت نهائي صوتها يوصل عندي أبوها يفتر بيها بالفرع وأسمعها تصرخ گلبي ينكسر عليها الله يكون بالعون .
ضليت بالغرفه متمدده ورأسي يريد ينفجر من كُثرة القلق والتفكير وشايله هم أذا باسل ثبتت عليه التهمه شلون الله لا يگولها والمشكله محد يحجلينا ويطمننا عليه وحيدر دوامه مو أهنا بالكوت بس عنده معارف بيهم أكيد رجل دوله بعد وشطالع بإيده هم خطيه ما مقصر ويانا أحسن من أهل أبوي .
نايمه ومنطيه رأسي للحايط وسمعت حركه صحت لقاء رجعتن حسيت بشيء مخيف گلبي دفر لان خيال بالحايط أنداريت أثنين ملثمين ولابسين كاسكيته گبل هجموا عليه وأني صرخت قبل لايخلي أيده على حلگه وصاحبه يحجي عليه
ـ سگتها ولك سگتتها راح تفضحنا خرب بعقلك
ـ شسويلك ما تنطي مجال ما تشوفها شسوت ترفس ملختني ديله بسرعه فضني وين المخدر!
ـ ولك ماكو بس لا وكع خرب مو گتلك ضمه يمك
ـ وهسه شلون ندبرها هاي ما تنلزم اكلت لحم ايدي .
ـ وخر اني جاي وتعبان واطلع فارغ لا حبيبي هيج صيده ما تفوت دباوع الجمال والشعر أمشي سد الباب وتعال الزمها اليه وخل أشوف شغلي وياها .
ـ تعال بمكاني سد حلگها لما أراقبلك بس لاتطول أدري بيك روحك بالنسوان ما تشبع .
ليال ـ ساد حلكي واني ارفس وادفع بيهم وأسمعهم يحجون عقلي تبنج يمه كلشي ولا يلمسوني والله أذبح روحي وخر ايده وعطت لحگولييييي ورجع صاحبه صم حلگي وهذاك الثاني شگ دشداشتي من طول ونام على ركبتي وأني ادفع بي واعض بأيده قوي صوتي وانفاسني انكتمن وهذاك يبوس ويعض بركبتي واني اعيط وابجي وادفر بكل قوه عندي .
ـ ولك عوفها خل نمشي بسرعه أخ ايدي
ليال ـ لحكولييييييي يا نااااااس يا عالمممم .
ـ امششي امشييي أنفضحنااا تحرك ينعل شيطانك كافي راح ننلكف .
ـ حاول وياها بس خل اخذها خرب بيومك أشتهيها ارجع الزمها .
ـ راح اروح واعوفك ما تلنزم .
ـ وين سجين
ليال ـ مخلي مخده على حلكي ما اشوف شيء وصوتي مكتوم بس أرافس وادفع برجليه
ـ ولك هاي ما تنلزم شلون .
ـ نام عليها والزمها .
ليال ـ ثبت جسمه عليه رجليه وحسيت روحي انشرحت بالسجين جرحني بإفخاذي من صفحتين فرع اللحم وأني أعيط بالمخده شفت الموت بعيني .
ـ هاي هي خلصت بس حرامات لو جابيبن المخدر كله منك
ـ أمشي بسرعه عوفنا من سوالفك خل نطلع بسرعه لان عيطت وراح تموت جوه ايدي ولك شدعوه هلكد جرحتها بالسجين خاف تموت .
ـ شيموتها شعلينا أحنه أمشي وخر منها المخده واركض وراي بسرعه .
ليال ـ وخر المخده وطلعوا وأني أشهك وأبجي رفعت نفسي والدم منكع كل جسمي ونازل على الدوشك واباوع الجرح مفروع وينزف بغزاره وثوبي مشگوك بس بملابسي الداخليه شهگت وصحت يمــــا وينج عني
دقايق لحگوا ما لحگوا دخلت عليه جواهر وگامت تعيط وأدك وتلطم وأني أغطي بجسمي وكلها التمت عليه عماتي نجاح ونجلاء ودخل نائل وگف يم الباب وأندفع نائل ودخل ليث باوعلي بصدمه وأني أغطي بجسمي
وأبجيييي .
جواهر ـ ولج منو سوه بيج هيج أنكسرتي صخام بوجهج ما عرفتي تحافظين على شرفج لو هذا صاحبج أخذ الأريده وعافج سودتي وجهونها الله يسود وجهج .
ليال ـ لاااااا لااااا تحجين عن شرفي محد لمسني ما خليتهم قبل لا اكمل كلامي نائل هجم عليه ويضرب بيه وأني أصرخ عوفنييييي والله ما خليتهم والله بيش أحلفك والله ما خليتهم ودخل ليث رفع نائل وتعارك هو وياه .
نائل ـ عوفني اذبحها هالسكط وأغسل عارها أدبسززيات أخوجن يقتل وأنتن تكودن وراه مو والله اليوم اذبحج وأطم عارج
ليث ـ هو بالضرب گبل گمت تضرب بيها أمشي أطلع برى وأنتن سترنها شگو تباعن عليها فرجه هي فرجه
نائل ـ ولك ما تششوف دمها مو كدامك أعمى أنت ولك شرفنا هذا وصار بالطين طمست روؤسنا السگط عوفني خليني اذبحها والله أشرب من دمج ساقطه أدبسزز شرفج هذا شرفج ما عرفتي تحافظين عليه .
ليال ـ يحجي ويغلط ويصيح بعلو صوته وليث لازمه وشمر للحاف عليه غطيت جسمي وسحب نائل وطلع وجواهر تحجي عليه وعمتي نجاح حضنتني وتبجي .
نجاح ـ خرب بحظجن ماتت أمجن عافتجن على أيد النسواوين متگوليلي منين أجتج هالمصيبه منو سوه بيج هيج .
جواهر ـ منين تجيهن المصايب من سوالفهن طبعاً أخوهن بالسجن وهنا ما مربايات الأم ماتت والأخ بالسجن لا صداد ولا رداد بكيفهن يلعبن لعب وتالي
ما تالي نطلع بفضيحتج التصخم الوجه ولج أنتِ صرتي عار .
ليال ـ ماكو عار غيرج أنتِ وكل هل المصايب من رأسج كله تخطيط منج ما حسيت غير گبل دفعت عمتي نجاح تضرب بيه وتجر بشعري موتنني حتى عمتي نجلاء ارحم منها جرتها مني واني اصرخ يمــــا وينج عوفينييييي عوفينييييي الله يأخذج .
نجلاء ـ جواهر گافي موتيها جواهر گااااافي البنيه راح تموت جوه أيدج .
نجاح ـ عوفيها تنكسسر أيدج .
ليال ـ يمــــه وينج وعلى صوتي أندفع الباب ودخلت لقاء شافتني وگعت جنطتها وباوعت على جواهر
لقاء ـ شمسسسسوين بـ ليال شششمسويه بيها
ليال ـ گبل هجمت عليها وجرتها من شعرها ونامت عليها وادك راسها بالكاع وعماتي يفازعن بيها راح تموتها واني لميت نفسي وابجي والنزيف اخذني والكاع جوه رجليهن صارت عباره عن دم .
نجلاء ـ ولج لقاء راح تموتينها عصماء ركضي صيحي نائل وليث لقاء الله ياخذج وخري راح تموت عوفيها ولج لقاء غضب الله على يومج خوما بغل أنتِ ولك نائل الحك أمك نائـــــل
لقاء ـ هو أني اريدها تموت وأخلص منها ولج أمي وباسل وجنات ما كفوج رجعتي على ليال رجعتي على أمي الثانيه ولج اشرب من دمج اذا تلمسين شعرره منها أموتج والله .
نائل ـ لقاء عوفينيييها لقاء
جواهر ـ راح تموتنيييي الحگليلي يمه نائــــل
ليال ـ عصماء غطتني بللحاف لان ليث گبال الباب ونائل يجر بلقاء ويضرب بيها هو وعمتي نجلاء ما يكدرون الها اخر شيء نبتتت سنونها وعضتها وجواهر تنكز وتعيط ودخل ليث سحب لقاء ونائل ضربها كف الا نضربت بالحايط ودفعها عليه وضربنا اثنينا وليث وعصماء يجررون بي ودفع عصماء انضربت بحافة الشباك
جواهر ـ كسرهن الادبسسززيات موتهن ايدك الك موتهن وطم عارهن .
لقاء ـ تنكسر أيدك يا عار وينه باسل يشوفك تضربنا والله يشرب من دمك وگت خلانا تحت رحمتك والله وگت ، عربانة أمك تصير علينا والي ورجال من تف
على هيج رجوله تمد ايدك على أخواتك روح طم روح بصف بيداء شگو الزين يموت والعار عايش .
ليال ـ ليث سحبه أخر شيء ضربه وكعه بالكاع لان تخبل فقد وضربنا ضرب مال موت ولقاء يضرب بيها وتحجي ما سگتت أبداً وعصماء سحبتني عليها حسيت روحي بغابه والذيابه تنهش بلحمنا راح سندنا راح والينا منو النا غيرك يا نظر عيوني يا أخوي عمت عيني عليك باسل تعال شوف حال مرتك وأخواتك من بعدك .
ليث ـ أمشي اطلع برى لا والحسين أطلعلك بتابوت
نائل ـ طالع بس حسابهن ما خلص وليال أني أغسل عارج أني أصبريلي راجعلج والله محد يخلصج مني .
لقاء ـ محد عار الا أنتَ وأمك .
جواهر ـ دنجبي وسگتي عود صايرتلي السباعيه بيهن
ليال ـ لقاء نفضت نفسها وهجمت على جواهر وليث سحبها طلعها برى
ليث ـ أمشي لخاطر الله أحنه وين وأنتِ وين وگتها هسه دكافي عاد متشوفينه بكد البغل أيده ثكيله لا يضربح ويطفي عينج .
لقاء ـ أي وگته كلشي وگته هسسه هي هجمت حياتنا وهسه رجعت على هاي الفقيره ليش تضرب ليال ليش والله اشرب من دمها أذا تمد أيدها على ليال .
جواهر ـ إدافعين عليها وهي مصخمه وجهونا ادفعين على اختج الادبسزز أنتِ عرفتي أختج شبيها ما بيها وگبل رجعتي عليه ، دروحي شوفي اختج ليال شمصخمه ما شفتي الدم التارس الجرجف والكاع لو تغشمين نفسج بنت هيفاء كلجن أدبسززيات قبل جنات هسه ليال الله يدري أنتِ شيطلع وراج .
لقاء ـ ليال شبيها ليث ليال شبيها ولج إشسويتي الها
ليال ـ طلعوا وعصماء قفلت الباب وأسمع عياطهن واني حاضنه عصماء وأبجي أخذيني الحمام أخذيني لعبت نفسي من الدم لوثوني
عصماء ـ بس احجيلي فهميني الدم منين منو لوثج! حاجيني ليال حبيبتي .
ليال ـ وخرت للحاف وشافت الشك من رجليه اثنينهن وشهكت بخوف .
عصماء ـ أمشي ناخذج المستشفى يحتاجلج خياط منو هيج مسوي بيج جواهر مو احجي جواهر رادت تذبحج .
ليال ـ بس أخذيني الحمام
عصماء ـ ماشي يله گومي .
ليال ـ لفتني باللحاف وأني گوه امشي وصارت المرايا گبالي شفت الأثار مبقينها برگبتي وگعت للكاع وبجيت
حضنتني عصماء وتبجي وياي
عصماء ـ احد أعتدى عليج ومنو هيج مسوي ليش ياربي ليش هيج شمسوين بيج ، ليال حبيبتي أحجيلي ولاتخافين محد يگدر يأذيج أنتِ أمانة خالتي وباسل والله مستعده أنطي روحي وما اخلي أحد يمد أيده عليج أحجيلي ولاتخافين .
ليال ـ ودخلت لقاء وحضنتني من وجهي وتباوع على جسمي والدم بالكاع والفراش ضلت صافنه وأني شعري متلصق على وجهي من كثر ما بجيت كبل حضنتها رادوا يعتدون عليه رادوا يأخذون شرفي أختج تعرضت لأغتصاب بس ما خليتهم والله ما خليتهم يأخذون شرفي شوفي شسوا بيه شوفي شافت الجرح
لقاء ـ هما هيج جرحوا رجلج .
ليال ـ أي
لقاء ـ يعني ما كدروا يغتصبونج قبل لاينهزمون جرحوا رجليج وخلوا الدم ينزف مو
ليال ـ أي أي .
لقاء ـ أبقي هسه اجيج رغم هو مصدگج بس خل يجي يشوف بعينه لان بس هو يكدر يسگت جواهر وابنها العار اوكفي مو تصيرين برأسي خجوله ومستحيه ومع تقبلين لان اذا ما شافج ما يسكتهم فهمتي عليه
ليال ـ صرخت بوجهه هو منو
لقاء ـ هسه اجي .
ليال ـ طلعت عصماء اخذيني هاي تخبلت اني ويني هسه والله راح أموت ، ودخلت لقاء وراها ليث وقفلت الباب گبل لميت نفسي لقاء لاتتخبلين مستحيل .
ليث ـ لقاء فتحي الباب
لقاء ـ ما أفتحه أريد تشوف بعينك وتصدگ علمود تعرف هذا الشيء مخطط اله وليال اشرف من الشرف .
ليث ـ ما يحتاج أشوف وشرفها محد يحجي بي واليحجي أفرغ المسدس برأسه فتحي الباب وأخذي اختج غسلي الها وعقمي جرجها .
ليال ـ فتح الباب وطلع واجتي لقاء حضنتني شلون جايبته وجايه شلون ترديني أشوفه جسمي خبله أنتِ خبله وأذا ما صدكني اني ويني هسه ويردون يذبحوني خل يذبحوني ويخلصوني من هالقهر والكل عبالهم اني گبل سدت حلگي وتبجي وياي
لقاء ـ أش سگتتي گلشي ما بيج والله مصدگتج وين اكو عذريه هلكد تذب دم ، شنو ذابيحين هايشه حدث العاقل بُما يعقل أصلاً ليث من أول ما حاجيه الهم هو مصدگج بس ردت يتأكد لان اعرف الزلم عقولهم وسخه گبل أيدهم والذبح الله يقرضهم وحوش وهمج عقولهم تنك ، يله گومي وياي اسبحج وأعقم الجرح وأذا يحتاج خياط نخيطه .
عصماء ـ أي والله يحتاج فارعين اللحم وأذا يضل يلتهب
ليال ـ ما يحتاج بس أخذيني الحمام نفسي تلعب أخذتني وطلعت نائل كاعد بالكاع يدخن وليث واكف يم الباب باوعلنا گبل صد وجهه ، دخلتني سبحت والجرح يوجعني وعقمته وطلعتني لغرفة أمي وهما يفترون ويباعون الكاميرات وليث يباوع بتركيز وجگارته بإيده ونائل على گعدته بالكاع والبنات يم عمتي نجاح دخلت غرفة أمي وتمددت عالجربايتها وأسمع أصواتهم عصماء منو اجه
عصماء ـ عمج كريم وعمج رشيد وفارس وسجاد وزياد الظاهر وصلهم الخبر وعرفوا باللّي صَار
ليال ـ صخام يا فضيحتج يا ليال ومنو يصدكني أخاف صُدك يذبحوني غسل عار بس والله أني شريفه ما خليتهم والله .
لقاء ـ بكيفهم يذبحونج علمود أذبحهم واحد واحد وبشرط سجينه عميه والله .
ليال ـ لقاء ما نكدر إلهم هما جيش وأحنه ثلاثه .
لقاء ـ أكو الله ويانا ، ابقي هسه اجي
ليال ـ لقاء فدوه لطولج لسانج لايأذونج
لقاء ـ هو شمبقيني عايشه لما لساني ما تسكتين لخاطر محمد عصماء جيبي البنات يمج لان احنه بغابه لو نموت لو نعيش ما تحب غلط .
ليال ـ طلعت وعصماء جابت البنات واجتي كعدت تبوس بيهن وخايفه عليهن كمت موجوعه وگفت ورى الباب وباوعت شفت ليث يباوع وسجاد ولقاء بصفه ويأشرون وعمي كريم كاعد هو وعمي رشيد يفركون بأيدهم وعمي رشيد وكف ويصفك بإيده ونائل على گعدته يدخن جكاير وصافن واللحيه عاليه صاير وجهه المجرم .
جواهر ـ ترى ما يحتاج كاميرات هسه تطلع هي متفقه وياه ومدخلته البيت مو كدامكم صاحبه واكفله يم الباب وسد الباب يعني الشغله مبينه
ليث ـ أنتِ لـو بس تسكتين ماكو هيج قابليه سگتيي عاد لما بنات رجلج يهوديه أنتِ خوما يهوديه والله عمي اليهوديه هم ارحم عليهن منج أنتِ من أساسج ملحده
كريم ـ جواهر شُـــنوْ هالحجي خافي ربج يا مره سكتي عاد
رشيد ـ الصوج منكم شكو عايفينهن وحدهن طبعاً شافوا ماكو احد ودخلوا هما حراميه وهم أستغفر الله
جواهر ـ وليش أسكت هاي السالفه سالفة شرف ما ينسگت عنها هذا شرفكم گلگم لو هم مثل سالفة جنات گلگم سگتوا وخلتنا علج بحلك العالم تالي خلف الله على أبو كرار ستر عليها وأذا هيج خل نسوي الها فحص عذريه وتأكدوا
ليث بصياح ـ شتحجين أنتِ لا أنتِ مو صاحيه فحص شُـــنوْ ترديـــــــن تموتـــــين ترديـــــن تموتـــــين .
ليال ـ هجم عليها وسجاد وفارس لزموا
جواهر ـ أي احجي الشافته عيني وشفتوا انتوا بالكاميرات دخلوا عليها أثنين وقفلوا الباب وبالنص ساعه يله طلعوا لا حس لا نفس شجانوا يسسون يسولفون مثلاً والدم التارس الجرجف ومنكعها شنو عصير رمان هذا حتى المخبل يعرف .
ليال ـ ليث راد يضربها ونائل صاح بيها
نائل ـ يمـا گافي نلصمي عاد .
جواهر ـ سوا الها فحص وگتها أسگت وهذا شرفكم كلكم .
ليث ـ ليال ما توصل المستشفى لا والحسين اسويها مذبحه لا فحص ولا صخام برأسج وبرأس الجابج علينا وانتَ أذا ما تسگت امك اني أسكتها بطريقتي وهسه أخليك تشيل جنازتها سگتتتتها .
نائل ـ يمـــه
جواهر ـ سگت أختك ليش تسگتني مو أنت أخوهن ومسؤول عليهن سگتهن الأدبسززيات
لقاء ـ لازم الگتله ما كفتج تردين أقوى منها وليال شريفه واشرف من الشرف محد دنسها أنلطمي وسگتي .
جواهر ـ أي أسگت من نسوي الفحص ونتأكد ليش خايفات من الفحص!
لقاء َ ماكو فحص لاتحلمين ليال ما تطلع منا لو تطلع روحي ما اخلي أحد يفحصها والدم التارس الجرجف مثل تفضلتي بس اذا ذابحين ثور يله هيج واذا ذابحينج أي بس مال عذريتها لا اعذريني وين اكو هلكد دم بس گولي هاي مخططاتج وما كدروا الها گاموا شگوا رجليها وخلوها تنزف علمود الكل يشك ويطعن بشرفها
جواهر ـ خوش فيلم مسويه شفتوا سمعتوا شتحجي العوجه العرمه
لقاء ـ أحجي الحق لو على كص رگبتي وهذيج وينها رجليها مفرعه واذا ما تصدكون بيها وتقبلونها على نفسكم وشواربكم هسه اصلخها واجيبها كدامكم وشوفوا شلون فارعين اللحم بالسجين اذا بيكم شريف وأخو خيته يوكف هالمهزله ويصدك بـ ليال شريفه .
رشيد ـ جواهر گافي حدج لهنا حجيتي وسمعناج والبنت بنتنا نصدك نكذب محد يتدخل بيها واحنه عمامها واحنه نقرر نسوي فحص أو لا .
كريم ـ ليث جيب بنات عمك ومرت باسل للبيت وتعال خليهن يمي وبحمايتي وكلمه زايده ناقصه ما أسمع وهذا الموضوع ما ينحجي بي بينج وبين نفسج ما تحجين وبنات أخويه شريفات لا أنتِ ولا غيرج يسويلهن فحص ويتأكد من شرفهن يله ابني جيبهن والحكني .
نائل ـ لا عمي أخواتي يجن وياي .
كريم ـ بعدين نحجي بهذا الموضوع هسه يجن يمي .
ليال ـ طلعوا عمامي ونائل وياهم وجواهر غمت لقاء وطلعت هي وعماتي وليث كعد وطلع جگارته يدخن وباوع الباب وشافني گبل رجعت كعدت وبجيت أني أصير سالفه ينحجي بيها أني الأخاف من ضلي ينحجي بشرفي بيا وكت بيا زمن ليال ينحجي بشرفها اني من صوتي أستحي ليش هيج يصيير بيه حتى الفقير ما سلم على نفسه وتالي وياج جواهر وتالي .
ودخلت لقاء وصفنت على صورة أمي وتبجي
لقاء ـ شفتي يمه شصار بينا ، سجنوا أبنج وأعتدوا على بنتج وطعنوا بشرفها شفتي يمه شسوت بينا جواهر كسرت جناحتنا وسجنت باسل علمود بكيفها تتحكم بينا وتأذينا واليوم دخلت زلم لبيتنا وردات تكسر شرف ليال بس دعواتج هسه نقذتها جنتي دائماً تدعين يارب أستر على بناتي واحفظهن من كل مكروه هذا الدعاء أسمعه منج أكثر من أسمي شصير لو بعدج عايشه هم جان جواهر تكدر تأذينه يمه الدنيا من بعدج هي وناسها صارت تخوف يمه احس قوتي وشراستي مو كافيه اواجه بيها جواهر اخاف تاليتي تكسر رگبتي واني لوحدي أخاف ما اكدرلها يمتى أشوف بيها يوم
ليال ـ بجيت واجتي گابلتني ، تعبانه لقاء مصيبه وكعت على رأسي ما تصورين الخوف العشته لوحدي وأني أنازع مثل الطير المذبوح بين إيديهم بأي طريقه أحاول أخلص روحي منهم مثل الفريسه يردون يفترسوني ، شفت الموت والله موت بحد ذاته .
لقاء ـ كلنا تعبانين ليال بس شنسوي شفتي بعينج إشسوت وما احترمتهم وتحجي بالعذريه والشرف عبالك سالفه عادي وبدون مستحى وخجل حتى هما ما عرفوا شيجاوبونها وموقفهم ضعيف لان يعرفونها والله اضمن عليهم كلهم يعرفون جواهر بس ساكتين يخافون منها ومن شرها ولسانها .
ليال ـ شفت وسمعت وأنتِ شُنو شفتي بالكاميرات يعني معقوله يصدگون أللّي شافوا بالكاميرا وما يصدگوني لقاء .
لقاء ـ الله يأخذهم تنكسر أيدهم أن شاء الله هسه شفتهن بالكاميرات ليث طلعهم أثنين ملثمين وعدهم اداة فتحوا بيها الباب ودخلوا بأمان! ماكو هيج بعز النهار الا اكو واحد مأمن الهم الطريق واضحه ما تحتاج شرح جواهر بس تعالي المن تحجين وتشكتين بمركز تنفضحين ما كافي مفضوحين من ورى سالفة بيداء
عصماء ـ ما عرفتوهم
لقاء ـ لا منين يحظي ملثمين كلشي ما يبين منهم
بس واضحه والله هي دازتهم ويجوز دازتهم علينا كلنا بس لگو بس ليال وكالت خلي اسويلهن فضيحه وأجيبهن يمي وأتحكم بيهن ، حتى نائل سگت وهي ما سگتت گامت تموت تبحث بإيديها ورجليها بس تريد يأخذون ليال يسولها فحص عبالها بالسوالف انوب ننفضح بالزايد لو هي عبالها أخذوها وضامنه هالشيء وطلبت إلها فحص وين وين تروح من سوالفها لازم الها نهايه وخيمه تنهيها وتخلصنا منها ومن شـــرها .
" وگت الفقير والمظلوم بالسجون والظالم عايش حياته بترف ونعيم ويسرح ويمرح محد يحاسبه هذه مو عداله والله مو عداله ، تاليتي أرتكب بيها جريمه وألحك باسل لو أني لـو هي !
ليال ـ لا لقاء شهل الحجي عوفيها ختولي بس أنتِ ضليتي ما طعنت بيج وأذتج ديري بالج منها لاتبليج بسالفه والله گلشي گمت أتوقع منها .
لقاء ـ توقعي گلشي توقعي يله گومن عصماء جهزي نفسج والبنات وكل أغراضج وأني هم أكوم اجهز نفسي نروح بيت عمي كريم وليث ينتظرنا عيب من عنده .
عصماء ـ ماشي عيني هسه
ليال ـ وين ماشى لا ما نروح لبيتهم
لقاء ـ لعد وين نروح تردين نروح بيت جدي وجواهر تلعب بينا بكيفها شبيج أنتِ ، عقلج صاحي .
ليال ـ بس لقاء شلون نروح
لقاء ـ لا بس ولا هم يحزنون نروح يمهم والله كريم وأذا على ليث عوفي الماضي عالصفحه هسه خل نلگي مكان نأمن بي على نفسسنا .
ليال ـ طلعت وعصماء جهزت ملابسها هي والبنات وأغراضها بجنطه ولقاء جابتلي عبايتي وجنطة ملابسنا جبتي الذهب مالتنا وذهب أمي مو
لقاء ـ أي جبت گلشي راح اضمه يم عمتي سلوى
ليال ـ أي أحسن وگمت لبست وگوه مشيت الجرج يوجعني ولقاء سندتني .
لقاء ـ أكولج يحتاجله خياط أخاف يضل ينزف والجرج يلتهب .
ليال ـ عوفي بمعوده هو يطيب وين اخيطه هسه والعين علينا گبل تكول ليث أخذها يسولها فحص عذريه عبالج تسگت النا خلي هيج والله گريم علواه على جرج بالخارج .
طلعنا وليث گام وغنى تخطي كدامنا وتقدم باسها وشالها وطلعنا وقفلنا الابواب وصلنا لبيتهم وأجتي عمتي سلوى أستقبلتنا وتهلي وترحب بينا .
سلوى ـ يمه هلا هلا ، هلا بنات الغاليه ومرت الغالي هلا ببنياتي ، يمه ليال يمه يبعد گلبي أنتِ .
ليال ـ باوستهن بس أني حضنتني بكل قوتها وتبوس بيه وبجت ولزمتني من أيدي عبالك أمي واكفه گبالي ودخلنا البيت وليث دخل الصاله ونزل غنى يم نغم جاي تلعب وشافت أبوها گامت تبجي .
سلوى ـ هسه تگلبها علينا مناحه انوب شافتك شايل غنى شيسگتها ، شيلها يمعود .
نغم ـ بابي بابي .
ليث ـ تدلعي بعد تدلعي ، تعاي يا روح بابي .
سلوى ـ ليث يمه ملابسك وأغراضك صعدتهن بغرفتك فوك لان الغرفه جهزتها البنات .
ليث ـ ميخالف يمه .
ليال ـ دخلنا الغرفه وجانت غرفته القديمه وين رجعت ليا وگت شجابني لغرفته ، كعدنا وأني عمتي ساعدتني وتمددت .
سلوى ـ شلونج هسه زينه
ليال ـ أي عمه الحمدلله .
سلوى ـ أرتاحن يمه أروح أجيبلجن الغده
ليال ـ راحت ولقاء غمزتلي وضحگت شگو تغمزين هم رجعنا .
لقاء ـ جرباية الحُوب ومخدة الحُوب أحم أحم .
ليال ـ وجع بطلي سوالفج السخيفه خرب حرگت رجلي من وراج گامت توجعني .
لقاء ـ أوكفي أجيب ديتول أعقمه وأشوفه
ليال ـ راحت وعطره بالمخده ترس خشمي گلبت المخده نفس الشيء تالي گمت ما نمت گعدت والبنات أجن يمي وأجتي لقاء عقمتلي الجرح أكولج خوما نبقى أهنا
لقاء ـ هسه شبيج هسه أجيينا وهو ما موجود طلع مو بحالج ترى بعده متأثر ومرته ما طالع أربعينها ما تشوفينه جان مختفي لما سالفتج ولا نشوفه ، يعني لاتفكرين وتضلين خايفه لاتلتقين بي .
ليال ـ سگتتي ، وگملت ورجعت تمددت وجريت المخده من لا جاره ونمت جسمي كله تعبان وأسمع صوتهن
لقاء ـ عصماء گومي كعديها خل تتغدى .
سلوى ـ لا عوفنها بعدين أني أصبلها تغدن أنتن ياقوت صعدي گولي لأخوج ينزل يتغدى .
ياقوت ـ ماشي .
ليال ـ راحت وباوعتلي جنت توني كاعده وگمت غسلت ورجعت صليت والجرح يدك بگلبي وضليت كاعده وغنى بحضني العب وياها وتعض بأصابعي طالعله سنون بس تعض والعب وياها دخلت ياقوت شمرت عليه مخده .
ياقوت ـ ليث يريد المخده مالته هاي مخده ثانيه لو عاجبج تنامين على مخدته علمود عطره! أعرف بيج حنيتي وإيناس وماتت وفرصتج هاي أجت لرجليج .
ليال ـ ما جاوبتها گبل أنطيتها لان أعرفها تريد تسوي مشكله ولقاء رادت تحجي بس عصماء منعتها وأخذتها ومشت عجيب بشر كظيت نص عمرك وياه ومعاشره شلون هيج يتغيير ويطلع عنده مية الف وجه .
لقاء ـ ليش سگتي إلها هسه تتمادى عليج لأن شافتج ساكته وراضييه هسه ثبتي التهمه عليج أنتِ فعلاً عاجبج الوضع وحنيتي لـ ليث! .
ليال ـ شبيج أنتِ شعاجبني من الوضع اليسمعج يگول كاتله نفسي علما أنجمع أني وياه بمكان واحد ترى الموت أهون وأرحم عليه ولا تجمعنا حتى النظره وأذا عبالج حنيت مثل ما تفضلت ياقوت لا حبيبتي لو مو مووت أيناس ليث بعد ما يرف عليه جفن عيني مو عاد گلبي ، وكعدتي اهنا مجبوره وجهي مصخم ونائل على بكلمه من أمه يذبحني لاتزيدينها عليه وأشيل رأسي وأروح اكابل جواهر وأخلص .
.. بجيت وأجتني عوفيني لقاء تحجين عبالج حنيت وأني كارهه حتى النفس بوجوده شُـــنوْ نسيتي شسوى بيه ليش كسرة گلبي قليله وهو مرته ميته شمدريكم بي گمتوا تحللون هم أنتِ هم ياقوت .
لقاء ـ ختولي أني انقهرت لان سگتي الها عاد تنجلب عليج تضل تسمعج كلام وتغثج ، شخص من تسكتين إلهّ مره مرتين يتمادى عليج مو كل مره السگوت حل .
ليال ـ شتردين أجاوبها وأحنه كاعدين بيت أهلها مجبورره اسگتلها عيني مكسوره لما تفرج علينا شلون تفض ما أدري .
لقاء ـ الله كريم .
ليال ـ سگتنا وما باليد حيله غير السكوت وأصعب شيء من تنكسر عينك وموقفك صعب تكرهه حتى أنفاسك
والعصر أبويه دز علينا لان جانوا كاعدين يمه من أجينا ما رحنا ، دخلـنا علينا بس شافنه گام يبجي تقربت حضنته وبجيت بابا حبيبي .
سعيد ـ يا يبعد روح أبوج
لقاء ـ شلونك
سعيد ـ على الله أني زين من أشوفجن زينات .
ليال ـ نزلت رأسي لايضل بالك أحنه بخير هسه أهم شيء صحتك صفن علينا وبعيونه هواي كلام لا احنه حجينا ولا هو وضلت غصه بالروح حتى لو ما إله موقف يضل أبونا وخيمتنا وهو جان حيل زين ويانا بوجود أمي بس جواهر حسبي الله عليها دمرتنا لصفر ...
وضلينا أسبوعين ما قصروا ويانا أبداً بالأخص عمتي أم ثانيه تسأل وتتفقدنا وأني داريت أبويه أغسل ملابسه وانطي علاجه وحتى أكله أني اسوي اله والحمدلله مأخذه راحتي لان هو ما يتواجد يا يطلع برى يا دوام بس بيوم يكون بالبيت ومرات يكعد بالأستقبال ويه عمي وأبويه ولد عمامي أني أبقى بالغرفه لقاء تكمل بمكاني ما أريد أنجمع وياه نهائي حتى بنته أبتعدت عنها علمود لا ياقوت تذب كلام ولو هي كلما تشوفني تجي تشيلها وما تخليها گبالي عبالها أتقرب منها وأبوها يأخذني ما تدري گلبي مات من زمان .
كعدت الصبح هو بالدوام وعصماء سبحت البنات من الصبح وكعدت تمشط الهن ولقاء لبست وطلعت لصيدليه ملتهيه احسن ما تضل كاعده وتشبع قهر
نظفت الغرفه وطلعت لكيت عمتي سلوى تشتغل صباح الخير عمه .
سلوى ـ صباح النور يعيون عمتج ، أكعدي أسويلج ريوك نتريك أني وياج .
ليال ـ لا عمه أني أسوي لاتعبين نفسج .
سلوى ـ لعد خل اكمل غسل الحوش .
ليال ـ أنطيني أغسل الحوش
سلوى ـ لا يمه أني أغسله متعلمه على شغلي أنوب اتعلم عليج وأشلع گلبج .
ليال ـ لا عمه تدللي أخذت منها الماسحه وخطيه كعدت تعبانه ولاحظت عليها كله برأسها بناتها أبداً ما عليهن ولظهر يله يكعدن وهي تسوي كلشي لوحدها وغسلت الحوش والمغاسل الخارجيه وسمعت صوت سياره ما عبالي هو لان متوقعته بالدوام ، شو أنفتح الباب ودخل گبل صديت وجهي أنطيته ظهري وهو راح وعمتي أستقبلته
سلوى ـ هلا يمه
ليث ـ هلا بيج يمه .
سلوى ـ شو رجعت شعجب .
ليث ـ بس جان عدنا كشف كملت شغلي ورجعت نغم بعدها نايمه .
سلوى ـ أي على نومتها هم لحد الان ما صعدتلها .
ليث ـ لا وصيت ياقوت عليها هسه اشوفها .
سلوى ـ ليال يمه خلصتي ، تعالي تريگي .
ليال ـ أي عمه هسه أجي هو باوعلي حس ما أريد أروح لان هو موجود ومشه عمتي صاحت وراه
سلوى ـ ما تتريك يمه اطلگ بيض .
ليث ـ لا يمه تريكت بالدوام .
ليال ـ همزين صعد لغرفته ورحت لكيتها مسويه ريوك عمه عادي أتريك بالغرفه .
سلوى ـ أي يمه عادي وأذا على ليث اطمئني ما ينزل هو قبل لا يمشي گالي خل تأخذ راحتها .
ليال ـ ما جاوبتها وهي فهمتني وتريگت بالغرفه بعد ما طلعت وللغده هو ما نزل ولا أني طلعت وعصماء هي غسلت المواعين ولقاء تغدت ونامت تعبانه والعصر أندك الباب وفزيت لان نايميين لقاء لقاء گعدي الباب يدك .
لقاء ـ منو كومي شوفي .
ليث ـ لقاء .
لقاء ـ هذا ليث أي أجييت .
ليال ـ وطلعت وتأخرت عصماء هم كعدت وجهه أصفر هملناها هالفتره عصماء شبيج شو وجهج تعبان .
عصماء ـ لا ما بيه شيء البنات متعباتني لان مكانهن وفراشهن متغيير ، ليث شيريد من لقاء أخاف علمود باسل .
ليال ـ والله ما أعرف هسه تجي ونفهم منها واجتي ها
لقاء ـ علمود باسل گتله نريد نشوفه وگال باجر يودينا بس وأخاف من نائل يسوي مشكله مخبل هذا .
ليال ـ أباوع عصماء گبل عيونها دمعت تباوعلنا بنظرات حزينه كأنما تگول خليني أروح أشوفه وتفرك بإيديها ونزلت رأسها ، خلي عصماء تروح تشوفه هي أولى خطيه وأحنه بعدين وهم نائل ما يگدر يحجي لان زوجته عايزه ما يرضىى مو ولي أمرها هو .
لقاء ـ ها ، عصماء تروحين أنتِ .
عصماء ـ بلهفه أي أي أروح شوگت
لقاء ـ باجر الصبح تجهزي وگال جهزوله ملابسه وغراضه هاي الورقه باسل كاتبهن بيها حضريهن اله لما أروح أبلغ ليث .
ليال ـ أنطتها الورقه وراحت على ليث وعصماء تباوع الورقه وتبجي وتبوس بيها وباوعتلي وأهتضمت الله كريم لاتبجين أدعيله الله يفرجها عليه .
عصماء ـ أمين يارب ربي يسمع منج ، لعد اروح البيت احضرله ملابسه وأغراضه ديري بالج على البنات .
ليال ـ بعيوني لايضل بالج لبست عبايتها وراحت وحيل ضعفانه الله يكون بعونها ، واجتي لقاء ها .
لقاء ـ شتكولين اروح وياها ، ليث يگولي شعندج رايحه ما قبل عليه
ليال ـ صح كلامه أحنه صح مشتاقين إلّه وصعبه علينا بس هي أولىّ من عدنا رجلها خطيه وهم تأخذ راحتها لاتنسين شگد واحد يحب الثاني وأجتهم هالمصيبه فرقتهم .
لقاء ـ ماشي احنه غير مره .
ليال ـ ما گالج شيء عنه شوگت يطلع شصار على قضيته .
لقاء ـ لا ما گالي ما اخذت لا حق ولا باطل يكول قضيته قيد الأستنفاء ما أعرف أحس جاي يكذبون علينا
لان ليث من يوم سالفتج ما عاجبني ويروحله ما عايفه بس أحس أكو شيء ضامينه علينا يا خوفي يطلع محكوم ومحد يحجيلنا .
ـ لا أسم الله ، گولي غيرها لقاء روحي سألي حاولي وياه لازم يحجيلج شيء .
ـ ما يحجي حاولت أخر شيء عصب لان لحيت عليه شسوي بعد ، بس اسأل حيدر لازم يعرف شيء حتى لو يسأل ، أخابر أمجد وأستفسر منه .
ـ تمام وأن شاء الله ماكو شيء والله گلوبنا بعد ما تتحمل قهر كافي علينا البينا ، عمت عيني عليك خويه وين جانت ألك وينك وين السجون شجابك شعرفك بيها والله هذا مو مكانك بس هذا الظلم ما يوكع بس برأس الفقير والما مأذي بَشر .
ـ أكوم أروح الصيدليه تأخرت انوب سيارتي خلصت بانزين وأستحي أكول ليث أحس ثكلنا عليهم، أروح أخذ تكسي وهي تدبر ، تردين شيء أجيبلج وياي .
ـ لا بس مسكنات تعرفين أجتي سليمه
ـ أي ماشي بس لاتكثرين الأفضل بدون مسكنات
ـ وظهري وبطني والوجع شيحمله قابل جديده عليج
ـ ماشي ديري بالج عليهن من الدرج يسمعن صوت نغم ويمشن ما يعرفن بنفسهن لايوكعن لما تجي عصماء
ـ لايضل بالج كاعده يمهن هنا هم فقيرات
ـ عليمن يطلعن ابوهن فقير وأمهم ما ألها صوت شابعه قهر عليها وأنوب أهلها ولا واحد سأل عليها فوك ما بنتكم انتحرت بغرفتها ورجلها بالسجن شتردون منها شتصير الله يكون بعونها صح قسيت عليها بالبدايه بس من قهري انفجرت بيها والأ هي ما الها ذنب لو تريد جان ما وگفت ويه رجلها وحجت عن ماضي اختها بس علمود تنقذ باسل بس هذا هم حظها المسكينه .
ـ هي ما هم خابرتهم ما سألناها
ـ لا أصلاً الموبايل ولا شايفته بإيدها عليمن تخابر أذا بس ماتت أختها دزولها خبر لاتجي ولا توصل هما هذول أهل أمر من عدنا حظ ما عدها بإهلها ، يله أروح تأخرت هسه انمار يضل يدردم لان وحده بالصيدليه .
ـ ليش وياج
ـ أي خطيه مرات ما اروح هو بمكاني بس اني طوختها وياه يوميه مغلسه أكوم أبدل ملابسي وأريد من الله نائل يوكفلي عالباب
ـ لا ولج عوفي لاتسويلنا مشكله خل يحجي ويسگت
ـ الله يصبرني عليه وعلى أمه السافله .
ـ گامت لبست وطلعت ورجعتلي
ـ أكولج عمتي سلوى مو أهنا راحت على أهل ايناس اخذت نغم وياها لخوالها ليث وصلها وعمي كريم أخذ أبويه عنده مراجعه هو وفارس يعني البيت فارغ ديري بالج من سليمه ياقوت خاف تحجي وياج لاتسگتين إلها
وفواز فوك صيحي إذا تمادت وياج لما تجيج عصماء .
ـ ماشي ، راحت وگمت سديت الباب وكعدت يم البنات وعصماء تأخرت أتصلت عليها ها عصماء وين صرتي حجت وصوتها مخنوك عصماء شبيج .
عصماء ـ ما بيه شيء بس جاي أجهز ملابسه هسه أجي البنات خوما يبجن عليه .
ليال ـ لا ساكتات بس تأخرتي ضل بالي عليج .
ـ لا عيني الله لايشغل بالج هسه راح أجي .
ـ سدت الخط ادري بيها هسه كاعده تبجي يارب باوع على حالنا وحالها وحال هالبنات والله تعبنا ، گمت وكلتهن غيرتلهن ملابسهن ونامن وجمعت ملابسهن وملابس لقاء خليتهن بالغساله أغسلهن وأجتي ياقوت خلت الملابس كدامي .
ياقوت ـ شفتج تغسلين ملابس گلت بطريقج تغسلين ملابسي اني وفيروز وملابس ليث ضالات فوك أمي ناسيه تدخل الحمام وتغسلهن ولو المفروض بدون ما نگولج تغسلين على أقل حللي كعدتج تأكلين وتشربين بلاش شنو كاعده بفندق .
ليال ـ أغسلهن ما عندي مانع بس أنتِ شبيج تخلين عمتي تغسل ملابسج أنتِ وأختج وهي تعبانه خطيه
ـ لا والله وتعلميني بأمي أشوفج شفتي نفسج شوفه وكمتي تأمريني وغسلي ملابسج ليكون أنتِ أم البيت وأني ما ادري .
ـ مـا حجيت شيء وگلت لان گلشي برأسها ومهما يكون هاي أمج ما يصيير .
ـ شعليج أنتِ شعليج فوك ما متحملج يعني بيت أهلي وما خلصانه منج ما كافي سالبه راحة أخويه لا يگدر ينزل لا يكعد بالأستقبال متقيد كله من ورى ست الحسن والجمال تستحي وأدك كرامه وثكل عود أنت ما تهمني عليمن دروبج عليه .
ـ شله داعي هالكلام وأخوج لا يمي ولا يمه ليش تتدخلين وتسوين مشاكل
ـ أني أسوي مشاكل صدك ما تستحين وصلفه ولج أني لو بمكانج ما ابقى دقيقه وحده مو ذابه نفسج هالذبه وكرامتج تلطم كل هذا بس علمود يأخذج بمكان ايناس لاتحلمين ليث من بعد أيناس ما تحلاله مره غيرها .
ـ منو گالج أرضى أخذ مكانها وهذا مو مكاني ولا راح أرضى وكعدتي اهنا بيت عمي ومن عمي يطردني هذاك الوگت أمشي .
ـ اصلاً ما صدگتي أجيتي امثالج يتمسگن ليتمكنن .
ـ عافتني ومشت وحيــل أنقهرت منها وغسلت ملابسنا وما ردت أسوي مشكله غسلت ملابسها هي وأختها وملابس ليث وصعدت نشرتهن عالسطح وتوني وصلت الدرج وهو صعد گبل عبرني ودخل غرفته بدون ما يباوع ونزلت سريع هو للأمانه حيل محترم نفسه ومحترمني بس أخته حقيره تتعمد تغثني .
كعدت بالغرفه وعصماء ما جايه ما أتصلت عفتها على راحتها الظاهر تريد تضل وحدها وحقها ، بالغرفه وبالباب مفتوح عالنص وأسمع عمتي تحجي وياها .
سلوى ـ أصعدي نزلي ملابس أخوج وگالي على قميصه النيلي وسخ نزلي اغسله علمود توگيهن .
ياقوت ـ ما يحتاج ليال غسلتهن هسه يبسن وأكويهن
ـ شُـــنوْ ولج شگلتي
ـ گلت ما يحتاج ليال غسلتهن .
ـ خليتي ليال تغسل ملابس أخوج
ـ أي هي جانت تغسل ملابسها هي واختها ونزلت ملابسنا وملابس ليث تغسلهن شگو بيها شمسويه قابل .
ـ وليال خدامه للخلفوج مسندوه بيج وبأخوج تغسل الكم ملابس اكسر أيدج اذا نزلتي ملبس من فوك عليها بيج خير أنتِ غسلي شبيج مكسره .
ـ وشگو إنفعلتي لو بنت بطنج هم مو هيج تحبينها واذا غسلت شصار يعني ترى كاعده لا شغل لا عمل خاتون مو مثلها عاد فوك ما كاعدات ومحد يحاجيهن
ـ انحبي ونصي صوتج والله اكسر رأسج اذا حجيتي وياهن بكلمه اجفص على راسج دماغ زز هنا من ضيمهن اجني كابلجن ، والأ هنا ما يهمهن شغل سباعيات خوما مثلج بس فالحه أكل ونوم ولسانج بطول نعال احترام ما تحترمين
ـ شمسويه أحترام ما أحترم بس هذا كله لان حبت طاري ست الحسن والجمال البرنسيسه ليال
ـ ولج نصي صوتج الله يأخذج لاتسمعج لاتفضحينا
ـ والله وخل تسمعني وتعرف مخططاتج عبالج ما أدري بيج ادللين بيها ورجعتي تتوددين الها علمود تحننين گلبها وتأخذينها ليث ولا كأنما أيناس ماتت شُـــنوْ نسيتي إشسوت بإبنج وشلون هانته كدام عمامي وولد عمامي نسيتي أشسوت بي من رفضته ومسحت بي الكاع .
ـ ولج غضب عليج سكتي نلطمي على حلگج منو حاجي وفاتح حلگه بكيفج تحجين .
ـ ليش أسگت وأشوفج تردين تزوجينها ليث وروح ايناس بعدها بالبيت شويه استحوا صبروا لو انفضحت ومحد ياخذها گلتوا تركبسونها براس ليث وهو شبع قهر من وراها ومن نفسها ماتت مرته وهسه ترمل وحاير بنته
لو ما تفكرين بإبنج بس تفكرين بـ ليال عبالك بنتج والله لو بنتج مو هلگد تحبينها .
ـ ولج الله يأخذج شهل الحجي على بنت عمج حسبة اختج شلون تطعنين بيها وهي شعليها بموت ايناس هذا قدر رب العالمين بس أني الج اذا ما خليت ابوج يكسر رأسج خاف عبالج ليث يحبج ومشتري خاطرج ويكول خطيه بس دواج عندي الا اكول لأبوج .
ليال ـ تحجي وأني ابجي شبعت قهر وصوتها صار عالي وسمعت خطواته سريعه على الدرج يمكن سمعها
ليث ـ ياقوت ووجع ينام بگلبج شهل الحجي اني فوك وسمعتج اكسر رأسج والله اذا تحجين هالحجايه .
ياقوت ـ قابل مجذبه هو أنتوا صدك تردون تأخذونها وعادي عدكم وتنسون أيناس وأنت تنسى أشسوت بيك
وعادي تجي ليال تأخذ مكانها شنو نسيت حبها الك ولو أنتوا الزلم بسرعه تنسـون .
ليث ـ وشعليج أنتِ أخذها ما أخذها شيخصج البنت بنت عمي شحارگج والغاثج شُـــنوْ ، وأيناس لا أنتِ ولا غيرج يحاجيني عن مكانتها لاتدخلين ولسانج اكصه اذا حجيتي حجايه وياها عوفيها بحالها لاتسويلنا مشاكل ياقوت .
ـ هسه أني طلعت أسوي مشاكل بس ما گلت عليها من حياتي أنهجمت بسببها وزياد طلكني من وراها لا اخذتك وخلت ايناس تتهنى بيك ولا أخذت زباد وخلتني اعيش حياتي عينها على الصوبين .
ليال ـ سمعت صوت الكف يمكن ضربها شلون قهر يربي اني شجابني على عالضيم .
سلوى ـ تستاهلين من ضربج هيج أحسن الج صارلج ساعه تحجين
ليث ـ شوفي ولج هالمره ضربتج مره ثانيه أقضي على عمرج أذا سمعت منج حرف لو محاجيتهن أعدمج والله الحكج بالمرحومه التسوى رأسج .
والمفروض من زمان مكسر خشمج العالي من يوم جانت المرحومه تجيني تتشكى منج ومن سوالفج الناقصه وتحجين عني وعن ليال وعن دگاتج وسوالفج وياها بالبيت بس ما سمعت منها گلت خطيه خاطرها مكسور وأنهضمت ما اريد ازيدها عليها وأهضمها بالزايد وإيناس تبالغ بس طلعت غلطان المفروض من حاجيتلي اني مكسر فجج الاعوج أخ لو بس مبرد نار گلبها ومكسر رأسج كدامها جان ارتاح گلبي وگلبها عللتيلها شلعتي گلبها هسه عاد صارت عزيزه وما تردين أحد يأخذ مكانها ةأني لو اريد أتزوج ليال خايف منج من غيرج بس ما أبالي الزواج لا يوم ولا بعدين فه نلطمي على حلگج واحترمي روحج لا اسويج ممسحه .
ـ يمه ليث على گيفك لاتكسر رگبتها ايدك ثكيله يمه
ـ وكسرت عين جدي ، يابه أذا سمعتلج صوت لو تتأمرين عليهن ارجعج على زياد لان الظاهر بس هو اليكدرلج عمي زين طلگج ما ينعاش وياج واكفه بوجهي وتحاجيني وتحاسبيني لا مستحى لا أحترام بس حقج شفتي مني عين ودلال زايد استجلبتي عليه بس أني الج منا وهيج الا أربيج واعلمج الأحترامات يا قندره يله ولي .
ليال ـ سمعت خطواتها صعدت الدرج وعمتي تحجي
سلوى ـ شگد عيب سوده بوجهي أكيد ليال سمعت
ليث ـ ليش كاعده
سلوى ـ أي وگت نوم أكيد سمعت وأنهضمت وأني گلشي ولا ليال ما أريد أهضمها لا من وراك ولا من ورى أختك ما كافي عليهن أمهن ماتت عافتهن مكفخه على أيد جواهر وأبنها وأنوب أخوهن انسجن منو ضل الهن واجتي ياقوت العوجه جملتها عليها خاف جرحك الها بعده ما طايب رجعت فتحته الها وعيني ومناي تأخذها منو يگول ترضى بيك .
ليث ـ يمه سدي الموضوع ما أبالي الزواج .
سلوى ـ لاتتزوج على أساس ليال كاتله نفسها عليك من ألاول من اخذتها وفرحت صدري هسه عدما هضمتها
ليث ـ يمه كافي .
سلوى ـ أي كافي كافي أمشي روح تسوك النا واشتري لبنات أخوك حليب وحفاظات وحلويات وكرزات للبنات .
ليث ـ أن شاء الله .
ليال ـ وسگتوا وسمعت صوت عصماء فتحت الباب وصار گبالي صديت وجهي ها تأخرتي باوعتلها عيونها مورمه جنتي تبجين انطتني ورقه مال تحليل
عصماء ـ رحت سويت تحليل وتأخرت وطلعت حامل
ليال ـ ليش تبجين هذا رزقكم والله كريم ان شاء الله باسل يطلع وتكمل فرحتكم
عصماء ـ ان شاء الله هذن لقاء وصتني عليهن جبتهن وكويت الها قمصانها وهذن ملابسج ، شكو شصاير حسيت صاير شيء .
ليال ـ ما صاير شيء ، علمود ياقوت
ـ ليش خوما رجعت حاجتج
ـ أي ، أكولج أحجي ويه عمتي سلوى خلي نروح بيت جدي ما أريد أضل اهنا بعد يمعوده تصير مشتاكل بسببي .
ـ بس أخاف تزعل خطيه عبالهم ضجنا منهم
ـ لا بس أنتِ فهميها بطريقتج ما أريد تصير مشكله بسسببي أني أستحي أكول الها ومهما يكون ياقوت بنتها .
ـ ماشي عيوني أكول الها .
ـ تسلمين ، راحتلها وأني من سمعت كلام ياقوت عقلي وگف معقوله يطلع كلامها صُدك لا يا ربي مستحيل أوافق لو شيصير وأنوب هو يگول الها بنت عمي لا والله متأكد الأخ خليت بيها بنت عم مستحيل هالشيء يصير والبينا مات ما يرجع يحتيي گلشي أنتهى من زمان وما يعود وباب گلبي قفلته يا ليث وياريت تضل شايل الزواج من بالك مني أما عن غيري عادي عندي ما تفرق بعد المهم أني وياك ما ننجمع بعد
ورى شويه أجتي ها حجيتي وياها .
عصماء ـ أي ما قِبلت وگالت هسه تجي تحجي وياج
ليال ـ لا ياربي شتحجي وياي مو گتلج فهميها بِطريقتج لا أدخليني حبابه ما أريدها تزعل مني
ـ مـا زعلانه منج لاتخافين بس هي حاسه بيج علمود ليث تردين تروحين وهسه تجي وأفهمي منها .
ـ شويه وأجتي وأبتسمتلي وگعدت يمي .
سلوى ـ ليال يمه حقج علينا أدري بيج سمعتي كلام ياقوت وادري بعقلها التنك شاده وياج وأنتِ محترمتها لان هاي أخلاقج وتربيتج علواه أنتِ بنيتي بس يزيديني فخر أنتن بنات هيفاء صديقه عمري وحسبة بناتي وماكو فرق وأنتن أمانتها وأن شاء الله ما أقصر وياجن وبالأخص أنتِ معزتج جبيره بگلبي وليل نهار دعيت تكونين جنتي بس حظي ما حواج والحمدالله ربي ما قصر وياي دزلي أنوسه معزتها من معزتج حبيتها مثل بناتي وأكثر هم جانت طيبه وحنينه عالكل ما يوم وجه ثكل لو بينت زعلها أبداً ما شفتها منها الأ كل طيب بس أني ناقصه حظ وراحت لدار حقها .
ليال ـ الله يرحمها
سلوى ـ لحد الان يگلبي ينزف عليها وعلى شبابها ماتت وهي ما يوم زعلت أبني منها وصح هو تزوج وگلبه معلك بيج بس من تزوج رضى بنصيبه وما قصر وياها
مرتاحين بحياتهم گلت الحمدلله ربي عوضت أبني وأريد تعوض بنيتي ليال ولاتهضمها لان أبني كسر گلبها بس هذه أقدار رب العالمين .
لما وصلنا لهذا الحال وحياتنا ضاعت بين هالمصايب ما أعرف گلبي يوجعني على أبني لو على شباب مريته لو على بنته لو عليج وأذا عبالج أخذج لأبني لان صارت هالسالفه وأريد أسترج لا يمه أبداً لاتخلينها أبالج وأكص لسانه اليطعن بيج وبشرفج وبعفتج لو جان أبن بطني وأني اعرف هاي سوالف مرت أبوجن بس منو يصدكني كلها تتراجف منها غضب عليها سليمة الگبور مية الف درب عدها ، وهسه هو ما مخلي الزواج أباله وأعذره وحجيت وياه وگال..
ليال ـ عمه فدوه لعينج لاتكملين وسالفة الزواج شيليها من بالج نهائي وأذا تردين تزوجينه أبنج ومن حقج وحقه هم والف وحده تتمناه بس أني لا عمه .
سلوى ـ ليش لا بنيتي هو أبن عمج والزعل ينسي والأيام هي تنسي وتطيب الجروح لا أبني ولا اني الكه أحسن منج .
ليال ـ لا عمه مستحيل فدوه أروحلج سدي هذا الموضوع لان أني قفلته ونهيته من زمان لخاطري أذا الّي خاطر عندج
سلوى ـ شلون ما عندج خاطر عندي بس عبالي گلت تفكرين هسه ومنا لوگتها الله كريم فد سنه زمان هيج وأني بس أقنعكم ومن تنجمعون تنسون الزعل .
ليال ـ لا عمه ما يحتاج تفكير .
سلوى ـ هذا هو بنيتي يجرالج هو هم قافل عالزواج شطالع بيدي بعد ردتكم تنجمعون ما نجمعتوا لا قبل ولا هسه من ورى هالعزة النفس العدكم هم أنتِ وهم هو ، وطلعه من البيت ماكو وموضوع الزواج حجيت وياج وما وافقتي هذا ما ينحجي بي بعد وماكو شيء غصب فهمتي عليه .
ليال ـ أن شاء الله عيني عمه ، گامت وتقربت عصماء عليه أذا تحجين بنفس الموضوع فدوه اروحلج عصماء سگتي .
عصماء ـ أي شگو بيها وهسه ما يتزوج گالتلج فد سنه زمان يعني فكري وتأقلمي انطي فرصه لنفسج واله وما تلكين واحد أحسن منه وأبن عمج وخاصه أنتِ هسه بإمس الحاجه اله ومرت ابوج تخوف أني گلبي ما مرتاح وألى متى نضل كاعدين يمهم والله شاغلات بالي أكثر من نفسي وبناتي .
ليال ـ مستحيل عصماء لو أيديه بالدم ما أرجعله حتى لو ما عندي أحد أبويه يصير زين ونرجع البيت وباسل يطلع من السجن ان شاء الله ربج ما يكطع بعباده .
ـ من حقج وأعرف صعبه عليج بس مرات ننجبر
ـ على حساب كرامتي مستحيل أنجبر على شيء كان السسبب بإذيتي وكسرتي ما أنسى هذيج الليالي العيشهن اليه بغصه ودمعه وطفاني وتزوج وعاش حياته كدام عيني بإيديه عذبني وعقابني على رفضي
لشروطه لو تعيشين تحت رحمتي لو حبج ما إلهْ قيمه عندي ، الباعني بالرخص ما أشتري ولا أباوعله بعد وخلي يتزوج منو لازمه خلصت النسوان ما ضلت بس ليال .
ـ هو ما يريد الزواج هسه ما شفتي أمه شگالت منا لسنة زمان وها الا تقنعه يله بس مجرد حجتلج لان هي تحبج تريدج الج ما تريد غيرج ويجوز هو ما يريد يظلمج وياه وأنتِ بعد أعرف بي .
ـ لا أظلمه ولا يظلمني خلينا هيج أحسن
ـ هذا هو براحتج عيني والله يعوضج الأحسن منه .
ـ ما حجيت تمنيت أمي عايشه جان ما هذا حالنا صح ما مقصرين بس صعبه وحيل صعبه بالأخص عليه وأنوب عمتي طلعتلي بسالفة الزواج شيخلصني بعد .
ضليت بالغرفه واجه أبويه سألت فارس شلونه شکال الدكتور عن وضعه .
فارس ـ لا الحمدلله زين وأسبوع الجاي يسون اله عمليه
ليال ـ رحت عليه وبسته من ايديه ونزلت دمعتي صير زين لخاطر بناتك ومن تصير زين تروح ويانا بيت أمي ونعيش سوى وننتظر باسل مو بابا هز رأسه ونزلت دموعه مسحتهن وأبوس بي لاتبجي كلشي يرجع مثل قبل وأحسن لاتبجي حبيبي مخليه كل أمالي عليك بابا والله محتاجتك والدنيا تخنك من دونكم هم أمي وهم أنتَ ، كام ييجي وعمي كام يحجي عليه
كريم ـ على بختج عمي ليال أبوج وينه وين البجي صحته تعبانه عمي وأبوج يحتاجله راحه ، سعيد شنو حجيت وياك ، ليش يا بنتي .
ليال ـ مـا تحملت وطلعت أبجي وصار ليث گبالي نازل من الدرج گبل دخلت الغرفه وبجيت صعبه حيل صعبه وينج يمه والله لو عايشه كلشي ما اريد من الدنيا بس هسه عرفت الدنيا من دون الأم والأب ما تنعاش أبداً .
___________________
جنات ـ عايشه حياتي رغم كل الصعوبات والمشاكل ومبتعده عن الكل ومكتفيه بحيدر وحبه بس ماكو سعاده دائمه لازم يصير شيء يخرب هالسعاده .
أول فرحتي من طلعت حامل وحيدر هم فرح بس كرار حيل ضاج ولحد الأن ما ينزل يأكل ويانا كله لوحده فوك
واذا ينزل يضل يباوعلي بنظرات لدرجه حيدر من راح وصاني وكالي عوفي لاتحجين وياه
________________________________
وتمر الأيام وجانت أيام حيل صعبه وفاة بيداء وباسل
سوده عليه منين اجتكم هالمصيبه وما مصدومه بحقارة نائل وأمه اللي سوه وياي يسونا وياهم كلشي اتوقع منهم .
ما عفتهم لا اني ولا حيدر ب وأخابر أخواتي وأطمئن عليهن لان اكعد الصبح متضايقه وعندي وجع قوي ما مرتاحه على طول عندي وجع لازم اروح دكتوره ، گملت الغده وطفيت النار وتأكدت ودخلت سبحت والوجع ذبحني وحيدر جان بالدوام وبلغته برساله وأتصل عليه
حيدر ـ شوگت صار عندج وجع
جنات ـ من يومين بس هسه زاد عليه
ـ وليش ما حجيتي
ـ عبالي طبيعي لان بداية حمل
ـ ما يصيير أبوي شمعرفج طبيعي حبلانه قبل
ـ ما عرفت شجاوبه لان هو ما يدري بسالفة الحمل لا عادي هو يروح
ـ أجي وأني أخذج الدكتوره
ـ تمام هو أنتظرك
ـ گلتي لفاطمه
ـ لا بعد
ـ لاتگولين گبل تأخذج عوفي من أجي أني أوديج
ـ هو أني أريد أروح وياك
ـ ماشي يعني يبين الجنس مو أريدها بنيه ها
ـ لا بعد بس أني أريده ولد وشرط يشبهك
ـ أحم
ـ شوگت تنزل
ـ بعد يومين ليش ضجتي
ـ هو أني ضايجه من دونك.
ـ أدري بيج يابه مشتاقين
ـ خجلت وأني هم أشتاقيتلك أصلاً البيت موحش من دونك .
ـ فدوه
ـ وتوه بلشنا نحجي بالغزل وأشتم ريحة حرك حيدر لحظه
ـ شگو جنات
ـ ما أعرف أوكف هسه اجي
ـ جنات شگو شبيج .
ـ ذبيت الموبايل والدخان طالع لصاله يمه عزه ركضت المطبخ النار شابه وصاعده لسكف وركضت صحت أمجد الحك أحتركنا أمجد الحگلييييي ، ورجعت افتر مثل المخبله والنار ثاكبه بنص الطاوة مالت الزيت ، جبت الجرجف مالتنا واطفي واجه امجد شال سطل ماي ويطفي وكرار واكف يباوعلنا .
أمجد ـ وخري جنات لاينگلب عليج الزيت
جنات ـ واني اطفي النار شبت بثوبي من الجرجف لان كطن اخذ نار بسرعه وأمجد شمره مني بالحوش وصاح بيه .
أمجد ـ وخري احترگتي .
جنات ـ گبل طفاني بس ثوبي بسرعه لحگلي وفصل المنظم والحمدلله طفه النار وكعدت أبجي وفحطانه
أمجد ـ أمشي غسلي أمشي الحمدلله لحگنا .
جنات ـ گمت غيرت ثوبي لو أمجد ما موجود جان شصار الحمدلله هو سبع كدر يطفيها ورجعت لكيته يخابر يمكن يحجي ويه حيدر وأني اباوع المطبخ كله سماد والساحبه محتركه وتقربت باوعت الزيت والطاوه هاي شجابها عالطباخ!! .
أمجد ـ يمعود أنطيني مجال أفهمك لا هي شعليها قدر وصار ربك لطف بينا لاطفيتها وهي هم جان أحتركت خطيه ، أي يمي هاج حيدر يحجي وياج .
جنات ـ ها حيدر أجاني صوته يصيح عليه
حيدر ـ شلون تعوفين الزيت عالطباخ غير تتنهبين قبل لاتدخليين الغرفه لو محتركين لو أمجد رايح المكتبه على أبويه جان شصار .
ـ والله گملت طبخ والزيت فرغته بالحافظه بمكانه والطاوه غسلتها حتى الدجاج مگلي شوفه أمجد وتأكدت يله دخلت الغرفه يعني متأكده ما عفت الزيت عالطباخ والله حيدر .
ـ شلون يعني أحجيلي بس على كيفج .
ـ الطاوه غسلتها وگملت شغلي وهسه من طفينا الطاوه عالطباخ والنار جانت شابه بالزيت .
ـ خاف متوهمه ونسيتي الزيت عالنار
ـ لا أبداً والله ما نسيت مو تدري بيه قبل لا انام اطفي الغاز من المنظم مال القنينه أنتَ علمتني هيج والله حيدر .
ـ ماشي على كيفج ليش تبجين
ـ خاف متصدكني والمطبخ احترك بسسببي
ـ لا مصدگج والمطبخ فدوه الج المهم ما بيج شيء يله الحمدلله على سلامتكم .
ـ الله يسلمك
ـ أنطيني أمجد احجي وياه .
ـ تمام أخذه مني وأباوع المطبخ شبعت قهر هسه عباله ثوله بس والله طفيته واجه أمجد فتح الجدوره وشاف الدجاج مگلي بنص التمن .
أمجد ـ مگليته حتى بارد وهي تسوي الغده من الصبح يعني ما ناسيته والله ما ادري شكولك .
جنات ـ طلع يحجي وياه برى ما فهمت منهم وباوعت كرار ماكو! معقوله يكون هو لا شجاه تخبل يحرك البيت
يربي أني راح أتخبل ، تالي گمت غسلت ونظفت وأجه أمجد خطيه ما قبل هو صعد عالدرج وغسل السراميك كله من الدخان والسماد ونظفه عاشت ايدك .
أمجد ـ لا يمعوده شمسوي وأذا توكعين شيخلصني من حيدر ما يلفيني بالبيت .
جنات ـ لا صدك جذب ما نسوى شيء بدونك .
أمجد ـ فدوه أنتبهي مره ثانيه هالمره الله ستر .
جنات ـ أن شاء الله ، وصعد وصبيتلهم الغده واجه عمي خطيه ضل يحجي على أمجد وخاف عليه
عبد السلام ـ شعندك نايم فوك أنت وكرار ما تنزلون جوه لو محتركه هي طفله ، كرار جدي انزل نام يمي
جنات ـ تغدينا وصعدوا وأسمع أمجد يحاسب بكرار
أمجد ـ أذا طلعت أنتَ وراها أبوك يقضي على عمرك فه أحجيلي احسن الك .
كرار ـ شبيك عمي وليش أحرك بيتنا لازم تخبلت يعني عفتها ما حاسبتوها رجعتوا عليه ليش جاهل اني احرك البيت بس هي الثوله ناسيه الزيت عالطباخ اني شگو
جنات ـ عفتهم ودخلت الغرفتي والله راح اتخبل بيدي غسلت الطاوه شلون هيج صار وهو فوك ما شفته نزل ياربي والله ما أريد اظلمه وتصير مشاكل ، تمددت ارتاح من الهبطه دمي نشف من اتذكر اموت .
ومر يومين وتجهزت وأنتظره وأجه بعده بالباب عيونه أدور عليه طلعت أخذت منه الجنطه هلا بيك نور البيت بجيتك .
ـ هو البيت منور لأن أنتِ بي .
ـ گالها ودخل يسلم على أبوه أبتسمت كل كلمه منه تشرح روحي ، دخلت عزلت ملابسه وأجه هو يباوعلي وأني اباوعله حسيته ينتظرني أبادره وگبل حضنته وبادلني بحنيه أشتاقيتلك .
ـ وأني هم أشتاقيت لگلشي بيج هدوءج حنيتج دلالج
ـ أخذني بحضنه بكل حب والعصر رحنا اني وياه على الدكتوره هو ضل برى ودخلت سوتلي سونار ها دكتوره
الدكتوره ـ الجاره نازله ماما أنتبهي على نفسج أنتِ بداية حملج ورحمج حيل ضعيف أذا ما تنتبهين على نفسج طفلح مهدد بالأسقاط .
جنات ـ أسم الله
ـ عندج أسقاطات قبل
ـ أي سقطت مره ليش هم اله تأثير
ـ أي شلون لعد هسه كملي باقي الفحوصات وانطيج علاج ومثبتتات وتوصيات .
جنات ـ تمام وگملت باقي الفحوصات وأخذنا العلاج وطلعنا وأني اباوعله خايفه يصير على ابني بداية حملي وهيج معقوله لان حملت وسقطت قبل هيج صار .
حيدر ـ شبيج من طلعتي من الدكتوره وأنتِ صافنه شگالتلج الج خوما اكو شيء يخوف .
ـ حجيت اله وضاج
ـ ما فهمتي ليش شنو السبب خوما من شغل البيت وحدج عوفي الشغل عمي .
ـ لا أنطتني علاجات الله كريم ان شاء الله ماكو شيء
ـ ديري بالج على نفسج أحتمال من الهبطه من أحترك الزيت عالطباخ .
ـ أي يمكن ووصلنا البيت وخابر أخته بلغها خطيه اجتني خايفه وسوت العشه ونظفت وغسلت البيت حتى ملابس حيدر غسلتهن ما خلتني اسوي شيء .
فاطمه ـ يله اني اروح وكملت گلشي وباجر ضلي نايمه لان بداية حملج عادي تصير بس ديري بالج على نفسج
جنات ـ أن شاء الله عيني وراحت ورجعت كعدت يمه وسألته على باسل .
حيدر ـ بعد والله وباجر أروحله واسأل عليه
جنات ـ أكدر أشوفه
ـ لا وين تروحين ماكو روحه جنات
ـ بس أخويه
ـ حتى لو ، يطلع وروحي شوفي أما بالسجن ممنوع
ـ هذا هو عيني
ـ أي عيني وأنتِ وحامل وضعج وحملج مخطر كعدي وأرتاحي واني اطمنج على أخباره .
ـ أدري بيك ما تقصر
ـ شلون لعد كم جنات عندي .
ـ خجلت منه وسحبني نومني بحضنه وضل هالأجازه بالبيت غير الساحبه وضبط الطباخ خاف غاز يعبر والكهرباء والاجهزه أجازته كلما ينزل يضل يشتغل بيها بالبيت .
ولكيته يصلح بالسياره گمت خليت اللحم عالنار ونظفت وغسلت وصعدت الفوك هم نظفته رغم وصتني أدير بالي
بس البيت يريد منو ينظف بمكاني وهما كلهم زلم وفاطمه خطيه هم ما مقصره وياي
وبيوم كاعده أسوي الغده أجتي فاطمه هلا بيج أكوم أسويلج جاي .
جنات ـ لا كعدي مو وگت جاي أذا اريد اني أكوم أسوي
گملي غداج ، حيدر وين لعد
حيدر ـ راح يتسوك هسه يجي .
ـ هم رايحه على أخواتج
ـ لا والله هالايام ما رايحه من نزل حيدر ورحت الدكتوره ما رحتلهن بس أخابرهن .
ـ لا غلط منج ما يصيير المفروض كل يومين تروحين عليهن حتى لـو بالليل ..
ـ والله من ورى حملي تعرفين الدكتوره خوفتني ولقاء گالت لاتجين أكعدي وأرتاحي بس اليوم بالليل أروحلهن
ـ والله ما أدري شگولج!
ـ گولي فاطمه
ـ أم أنس جارتكم اليوم جانت يمي والله ما أعرف شحجي بس أني كلت اسألج وأتاكد من إليّ سمعته لان والله أنقهرت عليهن ما يسـتاهلن .
ـ عفت گلشي من أيدي فاطمه أحجيلي شسامعه أم انس شحجتلج أخواتي بيهن شيء .
ـ لا لا تخافين يمعوده هي العالم شغل وعمل ما عدها تحجي وتلطش وأم انس أني صوجي دخلتها بيتي وسمعت منها
ـ فاطمه لاتخبليني وياج أحجيلي أم أنس شنو حجتلج أخواتي شبيهن
ـ گالت طافرين عليهن أثنين وأستغفر الله ربي أستغفر الله مغتصبين أختج ليال ومن داخلين عليها أهلج لاگينا مأخذها النزيف
ـ ضربت على صدري ووجهي يمه أسم الله يمه عمت عيني عليج خيتي سوده بوجهي شتحجين فاطمه وأني لقاء يوميه تخابرني ما جابتلي طاري يعني كل هذا يصير وأني ما ادري ملتهيه بحملي شسوي بالحمل وأخواتي هذا حالهن ، گمت ادور على عبايتي وهي وراي عوفيني فاطمه هسه أمشي هسه يمه ليال ابجي وهي لازمتني .
ـ على كيفج جنات گولي يالله وهنا مو بالبيت وين تروحين عليهن
ـ شلون مو بالبيت لعد وين
ـ يم بيت عمج كريم مأخذيهن يمهم صارلهن أسبوعين
ـ أسبوعين أني الصوج مني ما رحتلهن
ـ أوكفي خابريهن وأفهمي منهن هسه تروحين وحيدر يجي يضل يسأل عليج شگوله .
ـ أنتِ متأكده من أم أنس يعني صدك طافرين عليهن ولقاء ليش ما حجتلي شلون تضم عليه وتوصيني ديري بالج على حملج وما تحجيلي عن اللي صاير وياهن .
ـ أي والله مو بس أم أنس وأم رسل هم شافتني بالماركت وگالتلي وأختج جانت وحدها بالبيت وأستغفر الله گالت أثنينهم مغتصبينها .
ـ وگعت بالكاع وبجيت سوده بوجهي يمه ليال وين جانتلج هالمصيبه طين على رأسي ليش ما كالن اليه خابري حيدر وين صار خل يجي يوديني عليهن .
ـ دكعدي ياعيني وتأكدي بالأول وحجي الناس ما يتأخذ بي تجيب وتلطش خابريهن وتأكدي منهن .
ـ شخابر مصيبه مصيبتهن سوده بوجهي وفزيت على صوت حيدر يصييح
حيدر ـ جــنات جـــنات .
فاطمه ـ خير يا ستار شبي يصييح گومي شوفي شيريد منج گومي بسرعه .
جنات ـ مسحت دموعي وگمت ها حيدر باوعلي وشاف أخته وسگتت بس شگله مزعوج .
حيدر ـ أمشي نزلي المسواك .
فاطمه ـ عوفي أني أنزله
جنات ـ نزلته وياي وكعدت أعزل وفاطمه ساعدتني وأني أيدي ما تأخذ على شيء ودموعي تنزل ورجلها خابرها
فاطمه ـ يله أني أروح تأخرت ، عود خابريهن ورجعي خابريني لان والله بالي يمهن خطيه وحدهن جان أخوهن على رأسهن منين أجتكم هالمصايب الله يكون بعونكم
جنات ـ ماشي عيني وراحت وضليت بالمطبخ صافنه وأبجي واجه حيدر گبل وگفت عالسنك وأنطيته ظهري
ما أريده يشوفني أبجي ويسألني وأني ما أعرف بيهن
حيدر ـ فاطمه راحت
ـ اي هسه راحت
ـ تعالي أريد أحجي وياج
ـ أي لحگته للغرفه ها حيدر
ـ شوگت أخر مره رحتي لأخواتج
ـ ما رايحه من التحقت أنتَ واجتي سالفة حملي بس أخابرهن يوميه لقاء تحجي وياي .
ـ وتدرين شصاير وياهن لـو لا .
ـ أي دريت
ـ ليش ما حجيتلي عن أخواتج شصاير وياهن ليش أني غريب عنكم أسمع من الناس .
ـ لا والله هسه فاطمه گالتلي وأني مثلك مصدومه ما أعرف وهسه جنت اريد أكولك تأخذني الهن .
ـ خابري أختج وگوليليها خل زلمه منهم يضب مرت أبوجن عيب هالحجي الطالع على أختج ليال حتى لو نفرض صاير ليش الواحد يركض يفضح نفسه وهي بنت بيت شلون تحجي هالحجي عليها مو عيب قسم بالله لو هالمره بيتي وعندي سلطه عليها ما أخليها تشوف الشمس شنو هالحجي عمي .
ـ منو گالك
ـ هسه مو مهم منو گالي المهم خل مرت أبوجن تصم حلگها عيب أعراض الناس ما ينحجي بيها والصوج منهم شلون نسوان يباتن وحدهن بالبيت طبعاً يفوتون عليهن حراميه وهنا لوحدهن
ـ يحجي وأني أبجي وبگلبي أوف لو تدري بالأهل العدنا كواويد مو أهل والله
ـ والله ما بيكم واحد شريف وأخو خيته أني أعوف نسوان لا حول ولا قوه يباتن لوحدهن بس اذا مكرن وكل هالفتره عبالي أخوج بالليل يروح يبات يمهن طلع الافندي عايفهن وحزنان على مرته بيك خير الطم حلك أمك الما تخاف ربها على الحجي الحاجيته .
ـ طلع وركع الباب وراه وخابرت ليال وجاوبتني عصماء الو عصماء شلونكم ليال شلونها وينها
عصماء ـ زينين موجوده بس ما بيها تحجي ما الها خلك بعدين هي تخابرج أنتِ شلونج حملج شلونه
ـ عوفج مني هسه ، ليش ما حجين اليه عن اللي صاير وياجن ليش اسمع من الجوارين ومن حيدر ولقاء يوميه تخابرني ما گالتلي وانسحب الموبايل وحجت لقاء
لقاء ـ ماكو شيء حراميه والحمدلله لحگناهم وهسه احنه بيت عمي كريم وما حجيت الج لان حامل ما ردت أخوفج علينا هاي كل السالفه .
جنات ـ بس هيج موضوع ما ينضم عني صار أسبوعين هسه يله اعرف وليال شلونها هسه
لقاء ـ هسه رجعت وما الها خلك خل اشوف شبيها وبعدين أخابرج
جنات ـ أنقطع الأتصال عفت الموبايل خفت وگلبي نغزني يربي شبيها ليال وركضت على حيدر وديني لاهلي
حيدر ـ شکو وين اوديج هسه .
جنات ـ أخواتي أريد أخواتي الله عليك حيدر وديني عليهن گلبي ما مرتاح وليال ما الها خلك گلشي ما فهمت من لقاء گلشي وعالموبايل ما أطمئن عليهن الا اشوفهن بعيني الله يخليك وديني الهن .
حيدر ـ بس هسه وگت غده أدري خوما مطروده خليها عالعصر اوديج
ـ لا حيدر فدوه وديني هسه گلبي مثل النار الله يخليك
ـ لا اله الا الله أوف منجن يالنسوان تخبصن الجو يمعوده أستهدي بالرحمٰن مو وگته هسه
ـ لا فدوه لطولك أخذني هسه والله نار مشتعله بگلبي
ـ أنتظري هنا ساعه ساعتين أوديج بس هسه بهل الظهريه واكفه ياعيني
ـ أروح فدوه لعيونك حبيبي أخذني لأخواتي .
ـ أنوب گامت تتغزل شلون نسوان يربي تعرفن تأخذن التردنه .
ـ أنت بس وديني ومن أرجع أشبعك غزل .
ـ امشي لبسي أمشي .
ـ لبست عبايتي وتجهزت وطلعت وأجه أمجد من المكتبه
أمجد ـ ها وين رايحين هسه
حيدر ـ تشوف أخواتها دكت رجلها الا هسه .
أمجد ـ ليش صاير شيء .
حيدر ـ لا ماكو شيء ، أدخل البيت طفي نار الطباخ لاتحترگون هسه اوديها وارجع وخل كرار ينزل يتغده جوه لا من ارجع اصعد اكعدله گلب ما مدشن والله
أمجد ـ ماشي جنات صاير شيء .
جنات ـ هزيت رأسي وصعدت وطلعنا بالطريق يوصيني .
حيدر ـ لاتخبصينها عليهن وكلام الناس نصه جذب تطمني عليهن وبس كلام زايد ناقص ما أريد جنات ونبهي على وحده منهن خل تكول لواحد منكم يضب مرت ابوجن فاهمه عليه جنات .
جنات ـ أي عيني فاهمه والغده كامل والخضروات مغسوله بالثلاجه هي واللبن كلشي محضرته عالكاونتر .
ـ تدبر عيني تدبر .
ـ لاتضوج باوعلي وأبتسم ووصلنا نزل وياي دگ الجرس وطلع ألنا ليث سلمت عليه هو ضل واكف ويه حيدر ما لكيت احد من باب المطبخ گبل دخلت شفتهن بالغرفه شافتني لقاء ركضت حضنتها وبجيت شلونجن
لقاء ـ زينين شجابج هسه ، خير شبيج ليش تبجين
سلوى ـ أني اخليجن اروح اصب الغده جنات يمه شلونج
جنات ـ سلمت عليها الحمدلله عيني عمه وطلعت ولقاء سدت الباب وتقربت حضنت ليال شلونج شلون صرتي
ليال ـ زينه الحمدلله ليش تبجين .
جنات ـ ابجي على حظجن ليش ما حجيتن أليّه حتى لو حامل وتخافن عليه هذا ما يمنع تگولن اليه وتبلغني بگلشي يصير وياجن لعد اسمع من الجوارين وأخر الناس ليش هيج عازلتني .
ليال ـ ما ردنا نخوفج وأنتِ هم وراج رجلج وعيالج وحامل ما نريد نقلقج ويانا .
جنات ـ شلون هيج صار ، وصُدك مثلما سمعت
عصماء ـ ليش شُـــنوْ سمعتي .
لقاء ـ أنتِ جيتج بهل الوقت مو خاليه أحجي شسمعانه
جنات ـ گوه حجيت وابجي وشهگن وليال وجهه أصفر ولقاء صاحت بيه
لقاء ـ مغتصبينها أثنين شهل الحجي منو مصخم وجهه وگال الكم .
جنات ـ أم أنس جارتنا وفتحيه أم رسل بالماركت شايفه فاطمه وحاجيه الها وحتى حيدر أجاني وسألني ما أعرف منو گايلن وگالي خل واحد منكم يضب مرت ابوجن ترى عيب هالحجي التحجي حاجيه حجي ما ينلبس عليه ثوب
لقاء أحجيلي طمنيني ليال حاجيني ما سوه الج شيء مو طمني گلبي والله جاي أموت من القهر وين جانت النا هالمصايب ما تنطينا مجال نرتاح .
ليال ـ طعنت بشرفي وشوهت سمعتي أني أنتهييت أنتهييت تصخم وجهي أنفضحت وكدام رجلج وعيالج والجوارين ومغتصبه وأثنين يمه يا فضيحتج يا ليال
جنات ـ كامت تضرب على نفسها قوي وعصماء تسگت بيها سحبتها عليه حضنتها ليال خيتي سوده بوجهي
لقاء ـ جواهر منو غيرها سوت هالسالفه من تخطيطها وفضحت ليال وصلت گلشي لفاطمه ولعيالج كله لان أمجد يريد يتقدملي وحيدر محاجي نائل ومبلغه وأكيد عرفت وتريد تمنع هالزواج هم تفضح ليال وهم تكطع وتخرب قسمتنا بس والله أشرب من دمج وحق القرأن اليوم أذبحج
عصماء ـ لقاء اوكفي لقاء فدوه لعينج اوكفي
لقاء ـ عوفيني اليوم اذبحها اخلص عليها والله ما أخليها عايشه لعد تطعن بشرفها وهي شريفه ليش هيج تسوي بيها ليش شمسسسوين إلها وكل هذا وتردين مني أوكف واسكت وهي فاضحتها بالمنطقه ما تسكتين عصماء وخري عني وخري .
جنات ـ فتحت الباب وطلعت وليال انتهت خليتها وطلعت وراها وليث شافنا وصاح علينا .
ليث ـ شگو شبيجن .
لقاء ـ ماكو رجال يسگت هالعاهره ويطمها بحفره بس اني راح اذبحها اني راح اخلص البشريه من شرها أني .
جنات ـ لحكتها وخفت يضربونها ولكيتها تحجي وتصيح ودموعها تجري بقهر
لقاء ـ بس گوليلي وفهميني شمسوين ألج ذابحين أهلج ناهبين ماليتج مأذينج بشيء جنات فضحتيها وأميي وماتت وباسل وأنسجن وابويه وكع مريض ليش رجعتي على ليال فضحتيها بكل المنطقه ما تخافين ربج
من گايله مغتصبينها أثنين ولج أنتِ شُـــنوْ من بشر حتى اليهوديه أرحم منج .
جواهر ـ اييي دگافي عاد يوميه هاده عليه گلشي يصير تذبينا وراي وأني شعليه أختج هي مفضوحه مو بعز النهار فتحوا الباب وطلعوا شُـــنوْ العالم ثولان جايتني تلعليلين بصوتج أشوفج انجلبتي .
لقاء ـ أني لا أكتلج لو تكتليني ما تحب غلط وأعرف بسوالفج سويتي هالسالفه كلها علمود تكطعين بقسمتنا وتخربين عيال جنات وتخربين قسمتي
بس اليوم دواج عندي .
جنات ـ هجمت عليها تريد تضربها وأجه نائل وتقربلها ضربها موتها من الضرب وجديتي تريد تخلصها منه ما تكدر واجه ليث ركض سحبها من جوه ايده وهي أنتهت .
ليث ـ تنكسر ايدك بغل أنت بغل أشسويت بيها تريد تموتها ، بيك خير ضب امك فاضحتنا بالمنطقه وكدام أبو كرار شلون تحجي على ليال وتگول داخلين عليها أثنين ومغتصبينها .
نائل ـ منو حاجي أمي
ليث ـ لا أمي طبعاً أمك مخابره أبو كرار هسه جاب مرته وسولفلي من عدا نسوان الجوارين ما مخليه وحده ما گايله الها خاف أحنه ما مفضوحين هسه أنفضحنا علني مناك أنتحار مرتك وهسه سالفة ليال .
نائل ـ يمه شهل الحجي الأسمعه .
جواهر ـ يجذبون لاتصدگهم وهما گلشي يصير يذبونه برأسي واني شعليه وأبو كرار يجذب لان نائل طرده وهو طلع علينا حجي .
ليث ـ ماكو غيرج أنتِ هجمتي الدنيا بسوالفج الله يأخذج ويخلصنا من شرج الله يأخذج .
نائل ـ لا ها هي السالفة أخذت من حجمها وأني صوجي عايفجن على حل شعرجن أمشي دخلي جيبي اختج وانكبري بالبيت
ليث ـ وين وين تمشي شُـــنوْ بكيفك
نائل ـ أنتَ لا تتدخل الأخوات أخواتي وأني المسؤؤل عليهن محد اله كلمه زايده ناقصه يله تحركي وأنتِ صفيره جيبي بناتج وتعالي وياهن شگو باقيه عند ناس غربه عنج وأهلج ما يردونج ورجلج نحكم ٨ سنوات سجن كعدي ولمي بناتج .
جنات ـ ٨ سنوات!
لقاء ـ منو گال يعني نحكم ٨ سنوات ، ليث صُدك هالكلام ليث حاجينييي صُدك باسل نحكم .
جنات ـ أنصدمنا وبجينا وعصماء كعدت بالكاع تبجي وعمتي سلوى تسگت بيها وليال باب المطبخ تباوعلنا ودمعتها على خدها ورجع نائل صاح بينا
نائل ـ يله كلبتنها مناحه لعد يقتل شيدري يوم ويومين واصلاً قليل بحقه ، يله فضني وامشن يله وأنتِ أم المشاكل أمشي خابري رجلج خل يجي يأخذج واكعدي بيتج موزين أنسترتي وأذا وصلتي أكسر رجليج .
كريم ـ وين يمشن البنات يبقن يمي وأنت تماديت وعلى صوتك وساكتين الك هواي والبنات بناتي ما يطلعن من بيتي لاتصير والي عليهن بيك خير صير والي على أمك لو سيطرتوا على كلشي وشفتوا الكل ساكت الكم گمت تسبعت على هالنثايا .
نائل ـ وين يبقن يمك عمي وبيتك مليان زلم عزابيه مخبل برأسي كرشه ابقيهن يمك تريد تاخذهن نسوان لولدك تعال اخذهن حسب الأصول بس مال يبقن يمك لا ما ارضاها ولا غيري يرضاها وبالبدايه وافقت لخاطرك گلت كم يوم واجيبهن يمي بس هسه الشغله صارت فلت وهاي الأدبسزز كلما تسمعلها حجايه تجي تهد وتصد ماكو هيج يوميه مشكله عمي .
كريم ـ ما الك شغل بيهن وابوهن عايش وموجود وياهن من يموت صير والي ورجال عليهن ويصير زين ياخذهن ويجمعن ويكعد بالبيت لما يطلع باسل من السجن بس مال ابقيهن يمك لا لاتحلم ما يطلعن من بيتي الأ ابوهن يصير زين يله عمي امشن جنات لقاء بابا تعالن .
جنات ـ نائل سحب لقاء من ايدها من ظهر ليث وشمرها بالصاله وليث يحجي عليه كبل ضرب ليث وخله خشمه ينزف ودفع عمي كريم من الباب بدون أحترامات ولا كال رجال جبير ليث وفواز رادوا يضربونه بس عمي منعهم ودخل سحب ليال
نائل ـ والله اليمنعني هسه احط طلقه بروسهن وأخلص منهن خوش والله ابوهن يصير زين وياخذهن البيت هو صاحي عملهن العمل عاد من مريض دروح عمي دروح وياريت لاتتدخل خليك بولدك وعائلتك لحد يصير طرزان برأسي وأنتِ گومي جيبي بناتج وتعالي يله تحرگي
جنات ـ دفع ليال الا وكعت بالكاع ولقاء كومتها وجديتي ولا حجت خو جدي ولا اله أي دور
ليث ـ لاتصيييح عليها تخبلت أنتَ تخبلت ما تحترم لا صغير ولا جبير ومتسلط على أخواتك وصاير رجال عليهن وتضرب بيهن
نائل ـ وأنت شگو وشعليك بيهن بصفتك منو ابن عمهن!! ، أحترم نفسك وأمشي ولي لبيتك ومال صايرلي سبع كدامهن عود تصيرلي الفارس وترجع لدروبك القديمه وتأخذ ليال لاتحلم دكاتك الناقصه ما أنساهن ، يله كلمن على بيته يله .
جنات ـ صفك بإيده وعمي كريم هز رأسه واشرلهم ودخلوا بيتهم ، جان اكو باب فتحوا بينهم من فاتحة ايناس وضل ، اباوع أخواتي دخلن وعمتي نجاح أخذتهن
أختنگت عليهن ورجعت عصماء تبجي عمت وعمتي تسگت بيها .
سلوى ـ ولج يمه بنياتح يبجن عليج خطيه ورجلج اله الله واحنه ما نعوفه والله ليث ما عايفه بس هذا هم حظه
عصماء ـ عمه تعرفين شگد ٨ سنوات يعني بناته ثاني أبتدائي وين اولي وين انطي وجهي هو صارله شهرين نلعب بينا لعب وانطعن بشرف أخته وانفضحت بعد سنه شيصير .
جنات ـ گامت على البنات يبجن حضنتهن وتبجي وليث يحجي بالأستقبال وعصبي هو وعمي وشفت أبويه بالغرفه منزل رأسه وباوعلي رحت عليه حضنته شلونك يابه ما حجه بس شفايفه ترجف الله كريم يابه تهون بجيت ومسح دمعتي وحضني بسته من أيديه أني راح اروح لبيتي عود أجي عليك هزلي رأسه تمنيته يحجي بس ما حجه وطلعت وعفته يبجي وكعدت يم عصماء جمعت ملابسها وملابس أخواتي وموبايلاتهن .
سلوى ـ أنتِ ضلي ما عليج منه خيولي البنات اخذهن غصب خوما أنتِ هم يأخذج غصب وين صايره هاي
عصماء ـ لا عمه خليني أروح احسن وأني ما أعوف البنات وحدهن وين ما يروحن اني وياهن رجلي على رجلهن لو يروحن عالموت أروح وياهن ، لهذا خليني اروح أحسن ما تصيرلكم مشاكل وكلمه منا وكلمه منكم واخاف اصير مشكله وأنتِ صاحبة ولد وليث بسلامته هم ما يتحمل ، يله عيوني عمه مع السلامه وكثر الله خيركم ما قصرتوا .
سلوى ـ لا يمه على بختج البيت بيتج والله ياريت تضلين يمي واصلاً بالي ما يرتاح اذا مو كلجن گدام عيني هسه عاد تروحن يم جواهر أني ادري شتسوي بيجن
عصماء ـ الله كريم الله ما يكطع بعباده تفرج .
جنات ـ تقربت حضنتني ديري بالج عليهن فدوه هدي لقاء خايفه عليها من جواهر .
عصماء ـ أن شاء الله وأنتِ ديري بالج على البطنج ورجلج وعيالج .
جنات ـ راحت وليث حجه وياها ما أقتنعت كسرت الشر ومشت وبس دخلت من الباب نائل شال غنى وقفل الباب قوي .
ليث ـ والله حرامات باسل بالسجن وأنت باقي وگت العارات صارت زلم على النسوان .
جنات ـ دخلت خابرته حيدر تعال أخذني
حيدر ـ هسه
ـ أي ليش نايم
ـ أي والله جنت نايم
ـ لعد أبقى نايم العصر تعال
ـ لا أجي عادي بس خوما صارت مشكله
ـ لا بس أخواتي نائل اخذهن يمه هنا وعصماء
ـ تعاركتوا .
ـ جريت حسره وأختنكت بعبرتي .
ـ يطلع باسل وينهي هالمهزله الله كريم عيني ، يله تحضري راح اجي أخذج .
ـ ما عندي شيء أنتظرك
كريم ـ جنات عمي تعالي كعدي
جنات ـ كعدت يمهم وياقوت وفيروز صبن الغده وعمتي جابت الصينيه
سلوى ـ سوده عليه حضرتها البنات سوا الغده سم عليهن مشن وما تغدن حسبي الله عليك من أخ .
جنات ـ ليث گام وصعد فوك
سلوى ـ وين يمه تعال تغدى
جنات ـ ما جاوبها ودك هورن وصل يله أني اروح
كريم ـ وين عمي رايحه بهل الظهريه أكعدي تغدي
جنات ـ لا عمي عليكم بالعافيه حيدر اجه يأخذني مع السلامه .
كريم ـ فواز كوم وصل بنت عمك عيب من رجلها
جنات ـ طلع وياي وصعدت وشغل وبس دخلت البيت روحي انشرحت الامان الوحيد هو حيدر وبيتي .
حيدر ـ متغديه .
جنات ـ ما جوعانه بس تعبانه أريد أنام تقرب عليه حضني من وجهي كبل بجيت وحضنته صدك باسل أنحكم ثمان سنوات
ـ منو گالج
ـ نائل يعني صُدك
ـ ما أدري والله ، باجر أتاكد
ـ حيــل مقهوره ضعنا من دون أخويه وأنسجن ظلم بله أني أنت موجود ما مقصر وياي وأخواتي وزوجته وبناته شلون والله صعبه .
ـ الله يفرج عنه كافي تقهرين بروحج جنات گافي تبجين أدعيله الله يفرجها عليه .
ـ شلون ما أدعيله هذا أخويه وحبيب أمي وروحي من الدنيا .
ـ الله يحفظه الجن ويطلعه بالف سلامه
ـ حيدر
ـ ها عيني
ـ أني دونك اضيع أنت العوض من رب العالمين أنت سندي وأهلي كلهم وأنطيك روحي .
حيدر ـ روحج الج والله يحفظج اليه أن شاء الله ما أقصر وياج يا بنت الأصول الله يرحم أمج على هالتربيه المعدله گلشي بيج حلو خوش زوجه ومعدله وأم بيت
وأم جهالي .
ـ تلمس بطني وأبتسم
ـ أمشي تغدي لازم تتغذين
ـ بعدين .
ـ لا ماكو هسه ، يله كدامي .
ـ مشينا أني وياه وصبيت الغده عالميز وهو كعد يمي يگلب بموبايله وأني أكل بس گوه غصه بصدري وكلام نائل ودموع أخواتي وعصماء والبنات كلهن گبالي .
ـ زين بقيت الج ، گلبي گالي جناتي ما تغدت .
ـ صفنت عليه فدوه أروح لگلبك .
ـ أبتسم وأني أكل وهو عاف الموبايل ويباوعلي جنت ما جوعانه من كابلتني اتفتحت شهيتي وجهك يجيب العافيه يا عافيتي .
ـ بالعافيه .
ـ گملت ورحنا الغرفه هو نام وأني بقيت بحضنه صافنه وشايله هموم الدنيا ليش هيج صار بينا وباسل والسجن ليش هالظلم بجيت وكاتمه صوتي تالي نمت ونار مشتعله بصدري وينج يمه وتشوفين شسوا بعزيز گلبج وحيدج باسل .
ومرت أشهر وحملي كبر وصورت طلع بيه ولد وبدأ الدوام وعلى أساس أداوم بس أجلت هالسنه حالنا ما تغيير وحيدنا بعده بالسجن وأخواتي ما رايحتلهن ولا شايفتهن عليمن أروح وأني الطردني أخويه وطگ گلبي عليهن
متحضرين يرحون يخطبون لقاء لـ أمجد ويا خوفي هم يرفضون مثل ما رفض نائل أول مره ، حيدر أروح وياكم هم اشوف أخواتي .
حيدر ـ بس أحنه رايحين بيت عمج كريم لان أخوج نائل رفض بلكي عمامج يضغطون عليه والا هو كل أحترامات ما عنده وأمجد غالي عليه ما أريد أكسر گلبه وأهضمه وهو يريدها قافل عليها .
ـ عادي اروحلهن
ـ يله تحضري بينما أشغل السياره وأشوف عمامي وين صاروا ، أمجد أذا خلصت أنزل .
ـ لبست وكملت ونزل أمجد كاشخ بس ضايج لاتضوج بلكي يكدرون يقنعونه .
أمجد ـ ما أظن لأن أختج مأيسه بس نروح ونشوف يابه لو أخويه الأ اشرب من دمه .
جنات ـ طلع كدامي وأجو عمامهم أربعه زلم أثنين لابسين رسمي وأثنين عكل سلمت عليهم وضيفتهم
وتجهزنا وطلعنا اني وياه حيدر وعمي وصلنا نزلوا وحيدر نزل دگ باب أهلي وطلعت عمتي نجاح سلمت ودخلت
ولقاء واكفه يم الباب سلمت عليها ها شلونج
لقاء ـ شلوني طايح حظي
جنات ـ الله كريم بلكي يقنعوا .
لقاء ـ وجواهر شُـــنوْ شغلها بس يابه أذا رفضوا شسوي بيهم ، أمشي خل نشوف تاليتها .
جنات ـ دخلت سلمت عليهن وعصماء بطنها مبينه وليال حيــل ضعفانه سوده عليه ليش هيج مخلصه
ليال ـ الحمدلله منو ومنو أجه
جنات ـ بس عمامه وأمجد وحيدر وعمي .
ليال ـ الله يفضها عالخير يارب يوافقون وتزوج التحبه وأرتاح من همها
جنات ـ ان شاء الله ليال وأنتِ .
ليال ـ كافي عليه كعدة البيت خيتي ، لا الزواج يريدني ولا أني اريده ، قصص وروايات عراقية كرار صلاح جواهر ما خلتلي سمعه شسوي بالزواج هذا وعدي الحمدلله ما اريد كلشي بس يطلع باسل من السجن حتى لو أخدمه هو وبناته كافي عليه .
جنات ـ كاعدين بغرفة عمتي نحجي ولقاء ساكته وصافنه والبنات يلعبن يمنا ومر الوقت ولقاء شمرت الموبايل ها بشري
لقاء ـ رفضوا الكواويد رفضوا ومنو الرفض ليث يعني ناقصه أني تطلعلي سجينه خاصره ما كافي نائل أنوب عليه ليث نعلة الله على الزين ما بيهم .
ليال ـ شلون عرفتي ليث .
لقاء ـ هسه دزلي رساله گال أبن عمج ليث رفض مو بس أخوج وراح نكوم .
ليال ـ ليش يرفض! هذا شبي الثاني هم تخبل .
لقاء ـ خبال يخبلهم ان شاء الله صار ست اشهر جارعتهم وهسه الافندي الثاني هم صار عليه والي ويرفض كلها صارت علينا زلم .
ليال ـ أعصابج ديري بالج تتجاوزين عيب ترى يشك أكو شيء بينكم ويعاند بالرفض من يرحون احجي وياه بهدوء وأفهمي منه ليش رفض .
لقاء ـ هو هم هيج لازم أكو سبب
جنات ـ وأتصل حيدر جاوبته ها عيني
حيدر ـ يله تعالي راح نروح .
ـ عادي أبقى
ـ لا
ـ حسيته عصبي أي هسه أجي ، يله اني اروح
ليال ـ ابقي بالليل روحي ما شفنا منج گلشي
جنات ـ لا اروح حسيت حيدر عصبي أحتمال ضايج من ورى رفضهم
عصماء ـ لا روحي أي طبعاً يضوج هاي ثاني مره يرفضون وحقه .
جنات ـ مع السلامه طلعت ودخل نائل وصاح على لقاء
نائل ـ عبالج أني غبي وما أعرف أدبسزز يوميه جايني بس لو يموت ما أنطيج اله لو مو بينا نسب وأنتِ الثانيه وگولي لرجلج أبو صماخ خل ينفخ نفسه بعد ويطگ ويريد يزعل هم خل يزعل ويركع راسه بالحايط ما عندي نسوان لأخوه والله مأخذ كلمه من باسل وأني عبالك يحاجي كواد مو أخوها ما يعترف بأحد بس باسل يابه دطير أنتَ وباسل .
جنات ـ عفته يحجي هو ولقاء وطلعت سريع لان حيدر يتصل لكيتهم رايحين بس حيدر باقي واكف ويدخن وشگله مزعوج حيل وصلته
حيدر ـ وين صرتي عاد ساعه من خابرتج صعدي .
جنات ـ طلعنا للبيت وصوت أمجد واصل للباب وطلعوا عمامهم ونزلت وحيدر وصلهم وأجه دخل الاستقبال
أمجد ـ وليث شعليه يعارض
حيدر ـ شبيك أنتَ شُـــنوْ شعليه بابا أبن عمها وما يردون ينطون هي گوه نكعد نتوسل بيهم .
ـ بس أنت أخذت موافقه من أخوها قبل لايدخل السجن وأخوها نائل وأبن عمها ليث ليش معارضين وأحنه بينا نسب هالرفض هذا ليش بس أريد اعرف ليش .
ـ البنت بنتهم وهما المسؤولين عنها أخوها أو ابن عمها وخلص كدامك صار الكلام ما ينطون هي مو كوه
وهذا الموضوع ينسد ما عاد تفتحه حتى لو يطلع باسل ما تحاجيني بي وتريد تتزوج أكو الف وحده تتمناك
ـ بس أني أريدها
ـ منين أجيبها الك مشيتلك مرتين شسويلك بعد وتگدر تتنظر لما أخوها يطلع من السجن لو اهلها يعوفونها بدون زواج ، خلص ماكو نصيب أرضى بنصيبك واسكت .
ـ حيدر لاتسدها بوجهي
ـ لا أسدها بوجهك ولو هسه يخابروني موافقين بعد ما أخذها الك أنت شفت أخوها شلون يحاجيني ويستحقرنا لو بس تهمك لقاء اني مو ناقص كرامه أمسح وجوه علمود حضرتك وين جنت قبل لايدخل اخوها السجن
ـ وشمدريني راح يدخل السجن عندي علم الغيب .
ـ هذا هو سد الموضوع والبنيه تنساها وتريد تتزوج باجر أخلي فاطمه تسأل وندورلك على مره
ـ لا ما أتزوج لو لقاء لو شيلوا فكرة الزواج من أساسها
ـ تعال لك ليكون عندك علاقه وياها عالموبايل!
جنات ـ أمجد سگتت ورجع صاح بي بتهديد
حيدر ـ شوف لك اذا عندك علاقه بيها أعدمك والله عوف البنيه لا اهلها يكشفونها وتوكع بإيد أخوها ما يرحمها اقضي على عمرك والله .
جنات ـ أمجد طلع وعافه وحيدر كعد لزم رأسه خفت منه وعليه تهربت منه وكعدت بالمطبخ وشوية وصاحلي
حيدر ـ جنــــات .
جنات ـ ها حيدر .
ـ حب باندول رأسي راح ينفجر .
ـ ركضت جبت أله شربه وركع الكلاص بالكاع وشال السويج وطلع وراسلت لقاء ما جاوبتني ها ليال .
ليال ـ ها جنات
ـ شصار
ـ كالعاده جواهر تهمتها بعلاقه هي وياه الوضع حامي بعدين أراسلج
ـ اني هم حيدر حيل ضاج بس أريد اعرف ليث ليش رفض
ـ شمدريني يجوز يريدها ألهّ .!
ـ لا عزه هاي أنتِ تحجين هيج
ـ ههه لا ولج أتشاقه أصلاً ما يتوالمون أثنينهم مخابيل بس ما عرفنا السبب هسه جاي تحجي وياه وتفهم منه ليش رفض!
ـ تمام عيني عود بلغيني
ـ أوك .
ـ رجعت غيرت ملابسي وسويت العشه وأنتظرتهم ما اجو خفت اخابره راسلته وينك شو تأخرت .
حيدر ـ أمجد رجع
ـ لا والله .
ـ كرار بالبيت
ـ لا طلع وراك
ـ لاتسوين عشه لعد
ـ سويت يعني ما تجي
ـ لا أجي .
ـ كعدت أنتظره وأجه جايب عشه وياه كباب خله عالسنك ودخل الحمام يسبح حضرتله ملابسه ورجعت جهزت العشه وأجه كرار .
كرار ـ شمسويه عشه
جنات ـ كبه وحمست طماطمه
ـ بس هذن تعرفيهن يوميه مكيفه بنفسج أم بيت
ـ هنا هذن للعشه ، ابوك جايب كباب
ـ أي طبعاً يجيب مرته كل خير ما بيها يغطي عليج يغطي ، هاي نسوان تصير بمكان أمي والله وگت
ـ عبرني ومشه وحيدر طلع من الحمام صاح عليه
حيدر ـ وين مولي تعال تعشى ويانا
كرار ـ گتلك ما أكل وياها لو تذبحني وأنت شفت شمسويه عشه يوميه تحمس طماطمه ما تعرف تطبخ
حيدر ـ أصعد كدامي أصعد
جنات ـ عصب عليه وحيدر صعد وراه واسمع صوتهم عالي يربي بس لا يضربه .
حيدر ـ أنتَ يمتى تبطل تصرفاتك وتصير أدمي تريد تولي لخوالك هذاك الدرب امشي أوديك بس مال تقلل احترامات وكدامي اكسر رأسك كرار .
كرار ـ أي تريد توديني لخوالي علمود يضل البيت الك ولمرتك .
ـ وأنت شعليك بمرتي أحترم نفسك وبس وأذا حاجتك او قللت أحترامات الك حق تحاجيني بس مال تزومل أكسر رأسك .
جنات ـ رجعت لان سمعت الباب أنفتح ودخل أمجد سلم وصعدلهم وشوية نزل حيدر ، اصبلكم عشه .
حيدر ـ أبويه اجه .
ـ لا بس أمجد
ـ صبي لعد .
ـ صبيت ومحد أجه وحيدر كاعد ينتظر وصاح بعلوا صوته
ـ ما تنزلون تزقنبون .
ـ صاحلهم ومحد نزل
ـ تعشي وشيلي واليريد يتعشى هو يحير بروحه .
ـ تعشينا وكملت شغلي واجتي فاطمه تعللنا وراحت فاطمه ورجعت اريد أنام لكيت المطبخ مگلوب ماكو ماعون نظيف السنك كله بيض حتى بالكاع واكع بيض ما حجيت واجه حيدر باوع وهز راسه ما راضي كملت تنظيف ورجعت نمت سحبني نومني بحضنه .
ـ تحملي لخاطري والله زارف گلبي بإطباعه
ـ لا عادي عاذرته حقه أمه
ـ يوم عن يوم يتعبني أكثر
ـ أبداً ما يشبهك أصلاً أنت محد يشبهك .
ـ لازم اني نادر الوجود
ـ أي نسخه وحده وصارت من نصيبي .
ـ راضيه بنصيبج جنات
ـ كلش راضيه
ـ يعني ما ضايجه من الوضع وتصرفات كرار
ـ لا والله أبداً ، أني ما يهمني اي شيء غيرك حضني من وجهي واني كذلك واحد صافن بوجه الثاني .
ـ تحبيني جنات
ـ ياريت لو أكو أعلى من درجات الحب أوصف بيها حبك.
ـ أحبج .
ـ يالله صار شگد منتظرتها .
ـ أدري بيج بس أني طبعي هيج تعلمي عليه ولاتضوجين .
ـ بالعكس أحلى طبع
ـ الله يرضى عليج
ـ ويخليك اليه حبيبي .
ـ حبيبتي جناتي .
ـ حضني ويبوس بيه كل يوم أدعي الله يدوم سعادتي وياه لان من كثر حبي وتعلقي بي ما اتخيل حياتي من دونه ...
مرت أشهر ودخلت الشهر الثامن وحملي مستقر الحمدلله وأخواتي أجن عليه كم مره بس صارتلهن مشاكل جواهر ضلت تحجي وتسمع لقاء كلام وتطعن بيها وبطلن كامن مـا يجن عليه حسبي الله عليها يمتى نخلص منها ومن شرها .
حيدر نايم وگمت سبحت وغسلت الملابس وبالعاده انشرهن عالسطح مسوين حبل صعدت نشرتهن وباوعت أمجد نايم انقهرت عليه وعلى حظه وحظ أختي ورادها بس رفضوا هم نائل وهم ليث وكاعد وساكت ينتظر باسل يطلع من السجن ..
نزلت بأيدي سلة الملابس وباقيلي درجتين واجه كرار دفعني بظهري قوي ما سيطرت وكعت على بطني وصرخت حيـــدر .
شكرا لزيارتكم عالم روايات سكيرهوم
