رواية الشيخ سلطان الفصل الواحد والعشرون بقلم زينب نور
سلطان
فقدت عليها وتحلفتلها اله اشوفها المتخلف شراح يسوي بيها
اندك لباب
وخرت منها
سلطان/وحق دين محمد الله رحم بحالج لوما الباب اندكت اله جا موتج جواي
شمرت الشرشف عليها وكلت اتغطي زين
رحت فتحت الباب
حمزه/بابا اهل بغداد راح يرجعون همه وعماتي وبيبي كالت صيح ابوك وعمه شمس يسلمون عليهم
سلطان/اي حبيبي روح انزل هسه احنه ننزل
شمس/سلطان صار عبالك جبل فوكاي اريد بس اقاومه مااكدر كولت بكلبي شسويت بنفسي خلاص مراح يرحمني ومن اندك لباب وخر مني صدوك حسيت ربي لطف بحالي ورحمني لفيت نفسي بالشرشف وبقيت ابجي
اجه حجه وياي بدون ميباوعلي وهو يلبس بدشداشته
سلطان/كومي بسرعه بدلي ننزل نسلم على الوادم يريدون يردون لديارهم يله استعجلي عطت بيها
شمس/كمت واني لافه نفسي بالشرشف اخذت دشداشه وملابس وطبيت للحمام غسلت شِفـٍــٰٰتْ ركبتي زراك كولش قوي بيها غسلت وجهي وبدلت وطلعت لبست حجاي ونزلت امشي ورا سلطان لكينه اخواته كولهن متحضرات دا يرجعن وبيت عمي حسين وعمي حاتم والكل بالصاله سلمنه عليهم كولهم ومهند لازال بنضراته القذره حاولت ابد مااباوع عليه لحد ماطلعو الكل حسيت براحه من خلصت منه كاعدين بالصاله. بس احنه بقينه اني وسلطان وعمو وعمه وايه غسان
سلطان/صعد بقيت اني جوه شويه ونزل
كال لعمو
سلطان/بويه انه رايح اجيب زينب وارد
الشيخ/روح بويه الله وياك
طلع. سلطان بقيت جوه ماصعدت ورا سـَاعات
طبو سلطان وزينب وهيا اول ماطبت اجتي تركض عليه
شمس/حبيبتي مشتاقتلج كووومه حضنتها وابوس بيها
لنوب راحت باوست الكل
زينب/هلا خيه بالمبارك عليج انشالله
شمس/حضنتها وبستها كولش استفقدتها واشتاقيتلها عمررري زنوبه والله مكانج خالي كولش اشتاقيتلج بشريني اهلج شلونهم واخوج شلون صار
زينب/بعدعمري خيه بـﺨـيـﺮ الحمدالله نعمه شفتهم وشبعت شوف منهم
سلطان ابد مخله عينه بعيني ولاعبرني اصلاً بليل صعدت
بدلت ملابسي لبست تراك مال نوم.
طب سلطان بدون ميباوع بوجهي اصلاً كال
سلطان/رايح انام يم زينب الليله والي تريدينه يجرالج يابت عمي بشهر ال11 انه مطلكج وردي الديرتج انتي حره
وطلع
شمس/اختنكت حيلل مولان راح يم زينب بالعكس اني اريد هالشي بــَس ضجت من تعامله وياي لدرجه بقه حته ميباوع. بوجهي لهل درجه كرهني
سحبت نفس قوي وكولت اهم شي راح ارجع البلدي والحياتي القديمه والدراستي
رحت نمت بالجربايه يرربي حته الفراش متروس عطره بقيت اتصفح بالفون لحد ما غفيت
سلطان/طبيت لغرفه زينب
زينب/هـْﮩـااا شيخ جاي تشوف هيا
سلطان/لا ام حمزه اجيت آنام يمكم الليله
زينب/ياااا صدك تحجي شيخ
سلطان/شبيج متريديني آنام يمكم
زينب/لااستغفر الله هو هاي غرفتك بس مو بعدكم عرسان هاي ثاني ليله الكم شلون عايف البت وجاي تنام يمنه
سلطان/عادي هو منا ورايح ليله هنا وليله هناك
زينب/صدك شيخ بس جا بقيت يمها للسبعه عاد
سلطان/رحت شلت هيا هي ونايمه ونيمنها على الجربايه بحضني
كافي زينب اني اصلاً كلبي طاك على بنتي اول مره افاركها هلكد حضنت هيا وغفيت
كعدت على المنبه عندي دوام
كمت غسلت وبست هيا وطلعت رحت لغرفتي فتحتها على كيف طبيت شِفـٍـت شمس نايمه على الجربايه تقربت بقيت صافن عليها
اوووووف ياشمس شسويتي بحالي وحق علي احبج شلون بيه هـًُّـيًُْـچ واشوفج تروحين مني ولديره بعيده عليه لااكدر اوصلج ولااكدر ابقيج بالغصب يمي منين طلعتيلي وشسويتي بحال سلطان استغفرت ربي ورحت طلعت ملابس بدلت وطفيت لضوه. ونزلت لكيت زينب كاعده ومسويتلي ريوك تريكت وطلعت
شمس/كعدت ساعه 9 شِفـٍـْت برموده سلطان ع القنفه عرفت جان هنا يمكن جاي امبدل
كمت غسلت وبدلت ونزلت
شِفـٍـْــٰٰتْ زينب بالمطبخ
شمس/صباح الخير
زينب/صباح نور
كمت طلعت الجبن والصمون ودااسوي حليب
زينب/يا خيه اني اسويلج اكعدي عروس انتي بعدج
شمس/ابتسمت كولتلها لا حبيبتي اني اسوي النفسي تسلمين
بكلبي ياعروس خبصتوني عروس وعروس هو وين العرس مجرد بدله بيضه وبس
كملت ريوك غسلت المواعين وكعدت بالهول اجتي هيا يمي بقينه نلعب اني وياها ونتفرج كارتون لحد ماصار الغده تغدينه وصعدت لغرفتي بدلت ملابسي وتمددت على الجربايه ردت اغفى والباب انفتح طب سلطان شمر لسويج على الميز ونزع ملابسه طب للحمام سبح وطلع
اني راساً كمت على القنفه نمت لان اعرف هيج وقت ينام
سلطان/طبيت من الدوام حته ماباوعتلها نزعت ملابسي وطبيت سبحت بقيت بالشورت والفانيله شفتها كامت من الجربايه وراحت للقنفه نامت
رحت آٌني نمت على الجربايه
كعدت العصر مموجوده هي لبست دشداشتي ونزلت طلعت للمضيف بوجهي
رجعت تعشيت بقيت كاعد يم امي بالهول لحد ساعه 11صعدت حته انام طبيت انتبهت لابسه كيمونه فوك الصره وشورت لونهم احمر وهي بيضه
بكلبي كلت الله يصبرني عليج
نزعت دشداشتي وتمددت على الجربايه سويت نفسي نايم احس بيها تفتر بالغرفه مدري شبيها تحوص منا ومنا لو تفتح الثلاجه وتسدها لو تفتح لكنتور وتسده
صحت كااافي حركه اريد انام
صدك راساًصار هدوء
ونمت
شمس بقه تعامل سلطان وياي هيج صار شهر مر على زواجنه وهو. نفس ماهو ابد ميحجي وياي ولايعربني ابد بقه يوم يمي ينام ويوم يم زينب
هو ع الجربايه واني ع القنفه حته غرفتي القديمه اخذها سلطان غير لاخشاب جاب غرفه ورديه لهيا وسواها الها بقت تنام وحدها بيها
صرنه بنص شهر التاسع
بقيت احس بملل وضوجه خصوصاً من تعامل سلطان وياي اشوفه كولشي يطلبه من زينب مايوم كلي اغسليلي قميص او اكويلي قميص او سويلي جاي او صبيلي اكل كانما مموجوده بحياته اصلاً
بــَس ملابسه كولهن بكنتور غرفتنه حته من ينام هناك يجي الصبح يبدل بالغرفه والضهر من ينام كوله بالغرفه مالتي ينام
علاقتي برينب كولش قويه وهي حسيتها تغيرت نفسيتها وفرحت من بقه سلطان ينام يمها حاولت اعرف هم يتقربلها لو مجرد ينام يمها الفضول كتلني
بيوم جان هو نايم يمها كعدت ب7 ومكدرت آنام نزلت جوه شويه ونزل سلطان مبدل يروح للدوام تريك وطلع
بقينه اني وزينب
كالت خلي اصعد اسبح حته اصلي بعدني لهسه ممصليه صلاه الصبح
هنا افتهمت السالفه وعرفت عًـًـًآدًيً يتقربلها
مضجت بالعكس فرحت لان يعاملها طبيعي وزينب كولش حبابه وتستاهل بــَس انقهرت من تعامله وياي كولت بسيطه سلطان اله اسويها حرب نفسيه وياك
حته لو اني طلبت منه فتره ويطلكني واتفقنه بشهر ل11 ارجع بس ضجت من تعامله وياي ممتعوده هيج يعاملني دائماً جان يعاملني بحنيه
سلطان/يوميه اشوف شمس كدامي تفر ومااكدر اتدنالها جنت روحي تحترك عليها بس عاهدت نفسي مااعبرها ولاكانما هي موجوده بحياتي بالضاهر هيج بس بالداخل اتابعها خطوه بخطوه ويوم على يوم احبها واتعلق بيها اكثر وروحي ونفسي وكلشي بيه يريدها كل يوميه الصبح اشم شعرها واصفن بوجهه هي ونايمه مااكدر اباوعلها من كاعده اشبع اًْعًۤـيًٗــ👀ــؤَّنُِـيِ بيها هي ونايمه
جنت احترك عليه اروح افرغ قهري يم زينب اكثر من مره حاولت اتخايلها شمس بس ماكو اي شبه بينها وبين شمس
اخر فتره حسيت شمس تحاربني وتتحداني بقت بالغرفه لبسها كله سيتات نوم شفاف وقصير ومكياج. قوي والعطر الي احبه وكل مااطب للغرفه احسها تتعمد تفتر كدامي لو تدنك ابقه اتكطع من جوه الوب عليها واني مسوي نفسي ممهتم ابد
شمس/قررت احاربه حرب اعصاب
طلعت السيتات الي اشتريتهم بنيشاني. بقيت يوميه البس واحد وهنا واحد اضرب من الثاني والمكياج والعطر وافتر كدامه بدون مااباوعله بس هم حسيته ممهتم ولايباوعلي كولت معقوله شنوو ماعنده مشاعر هالانسان كل هذا وكدر يقاومني
حسيت نفسي اشتاقيتله حيل
جنت بالغرفه اخذت عطره من على الميز وخليته على خشمي وغمضت اًْعًۤـيًٗــ👀ــؤَّنُِـيِ جريت نفس اشم بعطره
محسيت اله الباب انفتح
شكرا لزيارتكم عالم روايات سكيرهوم
