رواية الشيخ سلطان الفصل الثاني والعشرون بقلم زينب نور
سلطان
بقيت صافن على الفون بصدمه
حسيت كٓٓلٍٰــْـٍ❤️ــبْْي يدك سريع هدى هدى نفسها معقوله صار سنين شذكرها بيه
بقت تدز
الووو وينك لَيــِْش متجاوب
اتصلت فتحت خط وايدي ترجف
سلطان/الوو
هدى/الوو
سلطان/بكلبي ايي والله صوتها حته صوتها مناسي لهسه باذني حاولت اصير قوي
جاوبت ابرود
هلا هدى شلونج
هدى/انت شلونك شخبارك وين صفى بيك الدهر
سلطان/الحمدالله اني بـﺨـيـﺮ وتوضفت بشركه النفط وحالياً مدير قسم والحمدالله بخير عايش حياتي اي وانتي شخبارج الاستاذ شلونه شكد صار عندج اطفال
هدى/اني تطلكت قبل سنتين ابد متوالمنه اني وياه ولاكدرت احبه وصار عندي بس ابنيه وحده وحالياًعمرها 6 سنوات
سلطان/اهاا لَيــِْش موجنتي مبين عليج تحبينه وطبات وطلعات بالكليه
هدى/امثل جنت كدامك حته احرك كلبك مثل ماحركت كٓٓلٍٰــْـٍــبْْي بيوم الي تزوجت
سلطان/مو تدرين زواجي غصب والابنيه هديه نطوها النه وتعرفين احنه ولد عشاير وميصير ترد الهديه مو فهمتج بوقتها كلشي وكتلج احبج واريدج وردت اخطبج وماقبلتي ورفضتيني ماكو ورا شهر رحتي انخطبتي بــَسرعه
هدى/غلطت والله وتهورت بعمري محبيته ابد ودائماً افكر بيك لحد ماتطلكت منه ومخليت شي مادورت بيه عليك اخر شي كدرت اتوصل لحساب فراس ودخلت على اصدقائه وشفتك صديق وياه متعرف شصار بيه من شفتك فرحت حسيت ردت روحي اليه
سلطان آٌني بعدني احبك واريدك والله واذا الك نفس بيه مستعده اكون الك حته لو الثانيه اصير
موافقه ماكدرت انساك وانسى حبك
سلطان/جريت نفس اييي يا هدى من جنتي ابنيه وردتج وتوسلت بيج ولج حته بجيت كدامج وكتلج احبج ومااكدر اشوفج وي ثاني انتي شسويتي كسرتي كٓٓلٍٰــْبي وبسرعه رحتي وي ثاني وكدامي الضحك والسوالف وطبه وطلعه خليتيني اتكطع تكطع وهسه بعد ما تطلكتي اجيتيني تكولين موافقه عليك حته لو الثانيه لا قصدج الثالثه لان اني تزوجت اثنين
لاولى الي هدوها اليه وصار عندي منها حمزه وهيا والثانيه اما الثانيه هاي بت عمي هاي هي حبيبتي وحياتي وعمري كله هي اخذت كلبي وكلشي بيه احبها واموت عليها متتصورين شكد احبها اعشقها بجنون
هدى/لتكذب مستحيل انت تحب وحده بعدي
سلطان/واني هيج جنت اشوف وداعتج بس لمد قبل اشهر اكتشفت نفسي اكدر وبس اجتي شمس ودخلت حٍيآتـَّي اخذت حبج وضعف حبج بالف مره
لو جايتني قبل اشهر يمكن تقبلتج بس هسه كل مكانه آلُـ✿ـجُ. بكلبي ماكو اعتذر و رَبّــيٌ يعوضج انـ شـاء الـلّه
هدى/وشنو الي يثبت انت متزوج
سلطان /لحضه ادزلج صورتها حته تتاكدين
عنده صوره وحده لشمس من جنه بالشمال اخذتها الها بدون متنتبهلي
دزيتها الهدى شافتها
هدى/مستحيل هاي بنت عمك اْكّــًّيّدْ ساحبها هالصوره من ٱڵـڼـت اصلاً مبينه وحده اجنبيه هاي
موعراقيه وحته لابنيه كولش صغيره هاي
سلطان/ايي صح هي. اجنبيه
هدى /شلون بت عمك وشلون اجنبيه
سلطان/شمس بت عمي الي عايش ابريطانيه مو كايلج قبل عندي عم عايش هناك وهي امها بريطانيه مو عراقيه وعمي توفه قبل اشهر اجتي شمس يمنه عاشت وانه حبيتها وعشكتها واخذتها وصارلنه فوك لشهر من متزوجين يعني بعدنه عرسان
وصدك هي صغيره شمس مواليد 97
هدى/شعجب اخذت وحده اصغر منك ب12 سنه
سلطان/ والعمر شعليه كلبي الي اختارها يا ام منوو
هدى/ام جنه
سلطان/اُهُــ❀ـُاُ ام جنه عاشت لاسامي
ربي يحفضها الج
هدى/شكرا
سلطان/حسيتها تبجي
هدى/اكدر اشوفك بمكان او تجيني للبيت اشوفك اني كاعده وحدي بس اني وبنتي
سلطان/الله كريم يله عن اذنج انتهى دوامي واريد اطلع للبيت
هدى/ماشي عود نتخابر
سلطان/انشالله مع السلامه
سديته. فركت وجهي بيدي منين طلعتي ياهدى
بــَس بنفس الوقت حسيت ماكو اي مشاعر اتجاها ابد معقوله كلبي مادك الها ولاحن عليها هيج شمس كدرت تنسيني حته هدى ابتسمت وحسيت جبل انزاح عن صدري راحه نفسيه مو طبيعيه رجعت للبيت طبيت لكيت شمس بالحديقه تفتر وتخابر ناطيتني ضهرها بس سمعتها كالت اسم سالي ارتاحيت عرفت تحجي وي بت صديق ابوها طبيت جوه لكيت زينب كالت اصبلك غده كلتلها صبي بين ماابدل وانزل
طبيت ابدل
طبت شمس وراي راساً انداريت وباوعت عليها صار شكد ممخلي عيني بعينها بس عجبني اشوفها خصوصاً بعدما حسيت بنفسي طلعت هدى تماماً من كلبي ابتسمت ورجعت كملت تبديل وطلعت نزلت تغديت وصعدت تمددت على الجربايه اجتني رِســٰالـٌـه من هدى جاوبتها
بقيت اراسلها
شمس/طب سلطان تمددت على الجربايه والتليفون بيده انتبهتله يكتب ويبتسم بقه بالساعه تقريباً كتلني لفضول وي منو يحجي
مر اسبوع كامل وهو نفس الحاله على طول ماهو بالغرفه تليفونه بيده ويراسل ومندمج ويبتسم حته بليل يبقه لوقت متاخر يراسل
كولت لازم اعرف شدا يسوي
مره جان نايم سحبت تليفونه على كيف وطبيت للحمام اتذكر الرمز جان مواليدي بس كولت اْكّــًّيّدْ غيره خلي اجرب دكيت مواليدي وانفتح طبيت للواتساب مابي شي للرسائل مابيهن شي طبيت الماسنجر اول محادثه اسم ابنيه مبينه فتحته وهنا شِفـٍـْْ👀ــٰٰتْ العجايب عرفت هاي هدى اسمها كولت اكيد حبيبته كلبت شفت صور مال جامعه ماخذتهن من صور فوتوغرافيه ودارتهن اله هي وياه بقيت اقره ودموعي تنزل وجسمي يرجف ومتواعدين الخميس يبات يمها بلبيت
تخبلت هنا حسيت نفسي شكد اغـًار على سلطان لدرجه شكد جنت احب انس بس من عرفت بيه متزوج مصاربيه هـًُّـيًُْـچ مثل مصار بيه هسه من عرفت سلطان يتواصل وي حبيبته القديمه انجنيت اعترفت لنفسي اني احبه السلطان ايييي احبه واعشقه واغار عليه صح اشوفه يروح ينام يم زينب بس كولش عًـًـًآدًيً عندي يمكن لان زينب زوجته قبلي ويمكن لان اعرف علاقته بيها شنو
بس اعرف بي شكد يحب هدى جان وصار سنوات ومكدر ينساها لنوب هسه رجعتله ومن هذا 24 ساعه تليفونه بيده ويبتسم ويكتب ﭐﯗﯝﯝﯝﯝﯝﯝڦ😔 سلطان اْكّـ✔️ـًّيّدْ فرح لان حبيبته رجعت تتواصل وياه
رجعت لتليفون بمكانه وردت انام ماكدرت بقيت الوب احس نار بكلبي مشتعله متت اًْعًۤـيًٗــ👀ــؤَّنُِـيِ ورمن بقيت للصبح كاعده دك منبه سلطان راساً سويت نفسي نايمه
حسيت بي كعد تقرب عليه بقه كاعد كولش قريب عليه مد ايده على شعري اخذه على خشمه بقه يشم بي وكام طب للحمام فتحت عيوني استغربت من تصرفه شعجب هيج تقربلي وليش يشم بشعري شنو معناها
كمل ونزل باوعت من الشباك شفت سيارته طلعت
نزلت جوه متريكت بقيت افتر ردت ً أگـِْۈۈل لزينب.
بس شاكولها اني اعرف بطبع زينب ابد متغار واكيد متهتم وعدها عًـًـًآدًيً
بقيت وحدي احترك صار وقت الغده متغديت واني من لبارحه لانايمه ولاماكله شي
ضليت افتر بالكراج وبالي كله بالمحادثه واتخايل لخميس يبات يمها اشتعل نار لدرجه سلطان طب بسيارته واني محاسه عليه بقه يدك هورن حته اوخر من كدامه
فزيت على صوت الهورن وطبيت صعدت لغرفتي لنوب نزلت شفته دا يتغده رحت للبراد دااشرب مي وحسيت بدوخه كولش قويه والدنيه فترت بيه
سلطان/كاعد آتُــُغُـده شفت شمس واكفه تشرب مي شو راساً وكع الكلاص من ايدها تفلش وهي تكومت فوك الكزاز
طفرت عليها
صحت شمسسس
اجتي امي والبنات على صوتي يتراكضن
شلتها بحضني شفت كصتها مجروحه بالكزاز وتصب دم صحت بزينب جيبي كطن
شلتها وكعدت على القنفه وهي بحضني مخليها مسحت الدم بقيت اضرب بوجها على كيف شمس حبيبتي شبيج اصحي غسلت وجهه خليت عطر على خشمها بقت تصحى باوعت لعيونها كلت الحمدالله
شمس/محسيت بروحي بس صحيت شفت عيون سلطان صارت بعيوني وحسيت نفسي بحضنه راساً تذكرت الرسايل فزيت ودفعت ايده حيل كوتله انت وخر من يمي ابتعد
كمت وحسيت الم وحركه بصتي مديت ايدي اتلمس المكان اكو لزكه باوعت على زينب كولتلها شكو شصار وياي وشبيها كصتي تاذيني
زينب /شبيج خيه شو واكفه تشربين مي ووكع الكلاص من ايدج وتكومتي بالكاع وشويه انجرحت كصتج ماكوشي لتخافين
سلطان/اني متت خوف ورعبه عليها من صحت حمدت ربي شو اول ماصحت دفعتني وتصيح وخر انت من يمي بقيت صافن عليها وهي تحجي وي زينب
لنوب امي كالت
الحجيه/يمه اخــّّـّّاف انتي حامل ولهذا دختي هاي اعراض الحمل
هنا شمس راساً باوعـت عليه بقينه واحد يباوع بعيون الثاني وكالت لاعمه اني موحامل
الحجيه/ليش يمه ماتعرفين بيا ساعه الله يرزق كوم يمه اخذ مريتك سويلها تحليل شوف اذا واطلعت حامل
زينب اصعدي جيبيلها جبتها
صعدت زينب جابت الجبه والحجاب لبستنياهم
الحجيه/يله يمه روحو قبل لايعزلون المختبرات
سلطان اخذت السويج واشرتلها يله امشي
صعدت بالسياره وهي يمي دايره وجهه طلعت
شمس/حجيت وياه بدون مااباوعله شنو انت وين ماخذني واثنينه ندري كولش زين حمل ماكو واني اصلاً بعدني بنيه حمل شنو
سلطان/طبعاً ادري بس شاكل لامي خلي نفتر شويه ونرجع ونكللهم سوينه تحليل وطلع ماكو حمل
بقه يفتر بالسياره وابد مادرت وجهي اله بقينه ساعه ورجعنه اول ماطبينه تلكتنه عمه كالت ها يمه بشروني
سلطان كال ماكو يمه سوينه تحليل وطلع ماكو
صعدت للغرفه ميته نعس وكفت مقابيل المرايه باوعت على كصتي وخرت اللزكه طلع جرح بس ماكو دم مكطوع ذبيت اللزكه وبدلت ملابسي لبست شورت وفانيله ونمت على القنفه
سلطان/ورا شمس بشويه صعدت لكيتها نايمه كعدت مقابيلها شِفـٍـْْ👀ــٰٰتْ الجرح مالتها صفنت بوجهه واحجي بكلبي
شلون وياج ياشمس وشلون وي كلبي الي صار روحه بيج شسويتي بيه ولج دمرتي حالي شلون راح اتحمل بعدج عليه شراح يصير بيه اذا رحتي وعفتيني
صار وقت العشه وهي نايمه صعدتلها العشه للغرفه اكعدها حته تاكل ماقبلت تكول عوفني نعسانه خليت الصينيه على صفحه كلت من تكعد تاكل
اجتني رسايل من هدى بقيت اراسلها اسولف وتذكرني بايام الدراسه كوه رادت تحنن كلبي عليها بس كل مشاعر ماعندي اتجاها ابد هيج اراسلها بدون مشاعر كلبي كله الشمس وبس اخذت كلبي وعقلي وكلشي بيه
شمس/فزيت ميته جوع وراسي موتني كعدت باوعت بتليفوني ساعه 1 كمت من مكاني وشفت سلطان مندمج بتليفونه ويبتسم حته محس عليه من كعدت عرفت دا يحجي وياها
طبيت للحمام
سلطان/انتبهت لشمس طبت للحمام راساًشمرت لتليفون وكمت فتحت الضوه وخليت الصينيه على القنفه طلعت من الحمام تباوع عليه وعلى الصينيه كالت وخر اريد آنام
سلطان/بس تعشي كالت زينب انتي اليـوم لاريوك ولاغده تعشي حته متتخربطين بعد
شمس/شي ميخصك عسى ما متت وخر الصينيه وبعدين اليوم مو المفروض انت يم زينب شعندك اهنا لحد هسه
سلطان/غثتني حيل بطريقه كلامها بس سيطرت على اعصابي مريضه ماريد اغثها وتتاذه
سلطان/ بقيت يمج اليوم خفت عليج لا يصيرلج شي ومحد يمج
شمس/والله واااااااو برافوووو عليك شيخ خايف عليه ومن شوكت تخاف عليه انت اصلاً
سلطان/صكيت سنوني عصبتني حيل ومتحمل كوه. كلت شمس لتعصبيني كاافي وخرت لصينيه خليتها بالكاع كلتلها يله. نامي
وجعت للجربايه انغثيت حيل اخذت لتليفون ورجعت اراسل هدى
شمس/عافني وراح يكمل سوالف بقيت افور بالزايد غطيت وجهي اريد انام ماكدرت. شفته عاف تليفونه ونام
راسلت صديقتي بقيت اسولف وياها
كالت انس الابنيه الي تزوجها نصب عليها خلاها تحوله املاكها كولهن باسمه لان هي كولش متمكنه وحته اكبر منه بالعمر شويه واخذ كل املاكها وطلقها بس بقه عايش بامريكا هــًـًســًه صاير ملياردير
شمس/انصدمت عززززا هذا شنو طلع انس شكد مقرف الحمدالله متورطت وياه جان اني المفروض بمكانها وربي خلصني منه الحمدالله
وتذكرت الفضل يرجع لسلطان
مسحت لمحادثه وسديت لفون ونمت
بقت معاملتي بسلطان مثل ماهي
صار يوم الخميس كاعدين نتعشه
ورا لعشه سلطان رتب نفسه خفف لحيته وسبح وكشخ والعطر والساعه اباوع عليه اكيد رايحلها
نزل نزلت وراه.
سلطان/انَه طالع وابات بره اليوم ماارجع
الحجيه/يمه وين بايت
سلطان/صديقي مسوي عمليه ومحد وياه رايح ابات وياه بالمستشفى
شمس/بكلبي اييي صديقك مسوي عمليه وكاشخ بكل قوتك علمود تبات بالمستشفى يا خاين
بقيت الوب هو طلع واني صعدت لغرفتي ابجي بكل قوه ردت اتصل عليه واكوله لتوصلها ارجع اني احبك ماكدرت كل ماريد اتصل واتراجع بقيت ابجي لحد ماحسيت نفسي شوكت غفيت
فزيت ساعه9 نزلت لكيت سلطان كاعد يتريك فتت من يمه سويت كوب خليب وطلعت بالحديقه اشربه وافكر اْكّــًّيّدْ بقه للصبح نايم بحضن حبيبته ومشتاقلها ايي طبعاً كل مااتخيل المنضر ابقه افور
والغيره تاكل بيه اكل
طلعت هي اجتي يمي تلعب بلعابتها بيدها شويه واخذتها وطبينه لكيته ماكو. صعدت شفت نايم بالغرفه
كولت طبعاً للصبح باقي سهران وياها حته منايم اكه يم شمس ينام شيخ سلطان
عفته ونزلت
العصر شفته بدل وطلع للمضيف الي عرفته اكو واحد من ابن ابن عم ابويه مسوي مشاكل وي عشيره ثانيه وضارب ابنهم وع لاساس كعده صايره بالمضيف
لليل طبو
الحجيه/هااا شيخ بشر انحلت
الطلابه
الشيخ/والله يا حجيه الشغله صعبه والناس مايتفاهمون ويريدون يسوها دكه ولنوب بقو يهددون الدكه تصير على المضيف لان مايندلون بيتهم
الحجيه/ياستار جا المضيف شعليه
الشيخ/غير هو وليدنه محسوب علينه شنسوي الله كريم نشوف شلون. تصفى الولد بالمستشفى وحالته خطره
عمو عًـٍُُيُِِِِوـنُه كلها قلقل ومبينه السالفه جبيره
بليل سلطان نام يم زينب
وثاني يوم صادف. سبت ومن الصبح همه بالمضيف مخبوصين للضهر شفنه سلطان طب سريع كبل صعد للغرفه ونزل لابس حزام مال سلاح على ضهره وخصره. يصير فوك الدشداشه ومخلي بي المسدس والرشاشه بضهره وطلع مستعجل
عمه صاحت شكوو شصاير يمه سلطان شنو هالاسلاحه
هو مجاوبها راساً طلع
بقت تلطم وتصيح يمه الله اليستر بس لامات الولد وراح تصير دكه يمه وليداتي راح يروحون مني
اني مااعرف شكو بس من خلال كلامها متت قلق على سلطان
سالت ايه شنو يعني دكه.
فهمتني يجون هذيج العشيره ويرمون عليهم وتصير بينهم واحد يرمي على الثاني
بقيت خايفه على سلطان
ولان المضيف صاير بضهر البيت يـعـنـي قريب كولش شويه وسمعنه رمي كولش قوي وهوايه المل بقه يبجي اني هم اخــّّـّّاف من الصوت وهم بالي يم سلطان وايه تبجي وزينب وعمه اصلاً انتهت ورا نص ساعه اجه غسان يركض اخذ سويجه وطلع بس صَـَـاح سلطان اتصوب
وطلع يركض
هنا وكعت بالكاع بــَس سمعت بسلطان تصوب نهاريت
فد نوب عدا عياط عمه وتملخ بروحها فقدت وتصيح ابني
