رواية اخذوني دفع للدار فصليه الفصل الواحد العشرون بقلم زينب نور
يالمفخور خصرك بي تباهي الناس
نسيت آنه الفخرته ابحر براكيني
اهمس جوه اذنك بين اديه اتذوب
اوتصرخ من المك بعد بديني
مشت بيك الشفايف مشية السكران
و شاماتك صحت هيه التدليني
اسد باب العقل من انسجم وياك
وافتح باب اطلّع كل سواديني
للكبير يحيى العلاق
*****************************
ليث : وصلنه للبيت ودخلت السياره للكراج وجان اشوف ابو نهر واكف منتضرنه وخوانهم هم حيل نقهرت من شفت ابوها شلون يباوع وتعبان ونضراته كلها امل بشوفه بنته بيني وبين نفسي خفت اخسرها خفت اخسر حبيبتي وبنت كلبي عافتني وركضت مثل الطفل حضنت ابوها وبوسته وبوست ايده صراحه منضر حيل مؤذي
نهر : وصلنه واول مانزلت شفت ابويه وخواني ركضت ع ابوي وحضنته حيل وبوسته وبوست اديه حيل مشتاقتله كتله مشتاقتلك بويه
علي : ياروح ابوج ونضر عينه متغيره يعافيتي
نهر: اخ بابا حيل مشتاقتلك درت ع اخواني وحضنتهم كلهم وضليت ابجي التفتت وجان اشوف ملك واكفه ركضت عليه وحضنتني حيل وهيه تبجي ملوكه عمري وحياتي شلونج
ملك : اخ نهر ماطلعتي من بالي لحضه والله مشتاقتلج
عباس : واكف اباوع شلون تحضن ابوها شويه وطلعت بنيه سبحان من خالقها حيل حلوه اجت حضنت نهر عرفت اسمها وكلت ماشالله اسم ع مسمى
ملك : جاي احجي وي نهر وشفت واحد يباوع عليه بس حيل حلو يعني اعجز عن وصفه شاورت نهر اكلج نهر منو هذا
نهر : عباس ابن عم شيخ ليث
ملك: اويلي نهر يموت
نهر: نجبي وخلينه ندخل دخلنه وشفت امي حيل حضنتها ولاول مرا ترجعلي الحضن بلهفه اخ ماما حيل مشتاقتلج
سميه : انه هم بنيتي
قسمه : حمدالله ع سلامتج نهوره حبيبتي ولج يمه البيت فارغ بلياج
سميه: باوعت بتعجب شصاير نهر
نهر : اسولفلج ماما بعدين اجن البنات وحضنني وياهن بنيه كلش حلوه عرفت اسمها همس وحيل حبابه صعدت ارتاح بغرفتي بدلت وغسلت وصليت ودعيت الله يحفضلي ليث ويبعد عنه كل شر خليت راسي ع المخده وراها ماحسيت بشي .
عباس : ههههه عرفت سئلتها عليه سويت روحي مامهتم شويه ودخلت واحنه رحنه للديوان دخلنه وبده ليث يحجي
ليث : الله بلخير شيوخنه
الشيوخ : الله بالنور الحمدالله على سلامتك شيخ
ليث : الله يسلمكم جميعًا طبعا اليوم جمعتكم ودزيت عليكم لشغله وحده بس الدم البيني وبين بيت ابو عبدالله وبين سامر اعتبرو خلص وانتهى ومن اليوم احنه اهل الله يرحمه اخوي تعرفونه كلش زين شلون جانت مشاكله وانه سئلت وستفسرت وعرفت انو سامر ماله علاقه اخوي الي اتجاوز عليه الله يرحمه باوعت الكل ساكت
عمي شهم : بس يبوك الراح مو رخيص غالي
ليث : الراح الله يرحمه برحمته واخذنه حكه ثالث ومثلث اريد تنشرون بين كل العشاير الدم البين بيت الفارس وبيت ابو عبدالله طايح
علي : شكلك يا ابني الله يوفقك ويستر عليك
ليث : انت تأمر عمي ابو عبدالله
سامر : كبر بعيني الشيخ كلش لدرجه تشجعت وطلبت منه طلب من رخصه الشيوخ اريد احجي حجايه شيخ ليث
ليث : تفضل يخوي مرخوص
سامر : شيخ انه اسف على الصار وبما انو طاح الدم الي بينه
ليث : ديحجي وكلبي وجعني عبالي يكول اختي ترجع ويانه
سامر: طاح الدم الي بينه من رخصه شيخ عكاب وعمي ابو ليث ومن رخصتك ليث انه طالب القرب منكم ؟
ليث : اباوع الكل تفاجأ وانه اولهم ورديت عليه تم سامر الي تريده يجرالك كبع واخذ لازم نوطد ونقوي العلاقه وانا انطينك خلينه نقرا الفاتحه
سامر : رد عليه وحسيت الدنيا ماشايلتني من الفرح احس كلشي كبالي صار وردي
فهد : بس يابوك غير نسئل البنت
ليث : مايحتاج المثل سامر ماينرفض
سامر : حسيت راح ابجي ابوي واخواني فرحوً حيل وقرينه الفاتحه شوي. وعمار كال
عمار: ها رتاحيت هسه من خطبت حبيبه الكلب كتلك موخالي بس ماصدكتني
سامر : سد حلكك خليني فرحان
ليث : انشالله بعد يومين العقد مالتكم سامر انت واختي ع بركه الله
علي : عندي طلب ثاني شيخ اريد بنتي ترجع ويانه الدم وطاح حتى نترخص منكم ورا يومين نجي
ليث : صفنت ابو عبدالله طلعه ماتطلع منا لمن يخلص العقد وانتم اهلنه صرتو وبالنسبه لرجعه نهر هذا شي بيدها وهيه تختاره سواء تريد ترجع نهائي او تروح زياره يلا من رخصتكم
عمار : طلع وطلعت ويا ليث
ليث : هلا ابو ياسر كول
عمار : الله مشتاق الهلكلمه صدك صرنه اهل بس انه خايف شويه
ليث : من شنو
عمار : خايف اختي تدري بالسر البينه وتزعل
ليث : اختك ماتزعل
عمار : ضحكت ضحكه طويله
ليث : وسم شبيك
عمار : ياماتزعل مرا ضمينه عليها خطوبه اخوي عبدالله والله زعلت بالشهرين ماتحجي وي اي شخص طبعها حيل موحلو نهر من تقفل تقفل وتخليك تكره روحك
ليث : صراحه خوفتني خل ادخل ارتاح دخلت وبلغت الكل بلي صار وباوعت لجين وكلت لمي بعد يومين عقدها ع اخو نهر استاذ سامر اباوع لجين طارت من الفرح حسيت بينهم شي بس ميخالف خصوصا انو هوه بجامعتها ومرحلتها يدرس خليت وصعدت
لجين : اخ يانور خطف نهر جاب نتيجه
نور : نجبي البنيه رادت تموت
لجين : بس صارت سبب يالله ماتنوصف فرحتي احساس كلش غريب عليه والله انو انجمع وي حبيبي
همس : ماتنجبين شويه اذا مصير زحمه انه طالعه اشتري من هذا المحل خوش اذا سئلت امي كليلهم راحت تشتري
عمار : واكف ادخن وطلعت ام لسان لابسه بدله حمرا بيها طوبات بيض وشعرها مفتوح كتلها ها خير وين رايحه
همس : وانت شكو شنو قابل من اهلي وتحاسبني
عمار : عصبتني صدك دخلي جوه وماكو طلعه لا اكسر رجليج
همس : لابله خوفتني
عمار : كتلج دخلي ولا تخلين صبري ينفذ
همس : ما ادخل طالعه اشتري
عمار : حلو تشترين بهذا لبسح بويه ماعدنه بنات هيج يطلعن نوب بالبصره وبالريف دخلي لا اكسر راسج
همس : تكسر راس ورجلين شنو حضرتك كصاب
عمار : لا انه راهب الي الكل يخاف منه دخلي يلا
همس : عصب حيل صراحه خفت منه دخلت ادردم عليه الغبي
نور : شبيج دردمين
همس : لج هذا ماخلاني اروح اشتري
نور : منو
همس : هذا اخو نهر المغرور الغبي
لجين : ضحكت عليها يلا حبيبتي لاتعصبين هاي انتي الهاديه
غضب : شبيها هموسه
نور : تكول اخو نهر ماخلاني اطلع
غضب : صراحه حقه ولج احنه بالريف وطالعه هيج زين يسوي بيج
همس : ماطول هيج روح انت شتريلي
غضب : ايبا وشنو تردين حضرتج
همس : كلشي حلو جيبه الي
غضب : تامرين طلعت اشتريلها
عمار : ها وين
غضب : اشتري الهمس تكول واحد غبي ماخلاني اطلع
عمار : ها هيج كالت
غضب : اي يلا رايح اشتريلها
عمار : يصير خير يا همس يصير خير
نهر : نايمه واحس واحد يلعب بشعري وعيوني فزيت مخترعه عبالي بعدني هناك وضليت ابجي
ليث : اسم الله حبيبتي انه هنا يمج
نهر : حضنته قوي لدرجه حسيت روحي اريد ادخل بصدره من خوفي
ليث : لتخافين وليث يشم الهوه حضنتها حيل وامسح ع راسها وشعرها الي مذوبني
نهر : شلون صرت
ليث : زين نهر كعدي اريد احاجيج
نهر: شنو شصاير
ليث : نهر رفعت الدم البينه وبينكم قبل شويه بالديوان
نهر : فرحت كلش من كال هيج بس بنفس الوقت خفت كلش
ليث : وخبر ثاني سامر طلب ايد لجين وخطوبتهم ورا يومين
نهر : يااااااااا صحت حيل صدك تحجي مالحك مالحك اجهز نفسي منو لجين صير مرت اخويه
ليث : عندج يومين بعد روحي وشتري الي يعجبج بس
نهر : بس شنو
ليث : ابوج طلب ياخذج ويا ماطول الدم وكع بينه بس كتله القرار يم نهر اذا تروح نهائيا او تبقى كم يوم يمكم
نهر : فرحت من كال ارجع بس ضجت ماريد اعوفه ماريد ابتعد عنه ليث ماريد ابتعد عنك اريد ابقى يمك بس
ليث : فرحت وخفت من كالت بس بس شنو نهر
نهر : صدف خطيبتك
ليث : تدرين جنت ناسي لاتخافين انه احل السالفه كلها لاتخافين انتي يكفي وجودج يمي
نهر : اكول الحمدالله والشكر ع نعمه الفرحه الي بديت احس بيها ضاعت من دخلت لهذا البيت كل حقدي وكرهي تجاه ليث راح كتشفت انوًاحبه اضعاف الحب الجنت احس بيه الحمدالله يارب يتمم فرحتي يا الله
ليث : خلت ونامت ع ايدي وهيه مبتسمه وكلت يارب لاتخليني اخسرها احبها وماكدر ع فراكها ثانيه بهاليومين الي ختفت بيهم حسيت روحي ضايع بلا روح امشي ومن لكيتها حسيت روحي ردتلي اخ يا نهري شكد احبج محد اخذ كلبي غير عيونج وشعرج اف خليت ونمت وفزيت ع دكه باب كلش قويه ونهر هم فزت
نهر: شصاير
ليث : مادري صحت منوووو؟
نور: انه نور شيخ مادري بيك نايم هنا
ليث : فوتي
نور : فتت للغرفه واباوع النهر حيل متغيره كتله شيخ امي ودتني تكول خلي نهر تبدل وتجي ويانا للصالون وباجر نروح الصبح للسوك حتى نشتري لعقد ملابس
ليث : منين طلعت بسالفه الصالون
نور : هيه هيج كالت
ليث : شنو رئيج نهر
نهر : شيخ ياريت اروح وياهن هذا هم اخوي
ليث : اوكي بدلي وروحي بس يالمعقول
نهر : انشالله شيخ
ليث : نور خلي تاكل قبل لاتطلع ماماكله شي ترا
نور : صار شيخ
نهر : دخلت للحمام وحسيت بدوخه خفيفه كلش كلت يجوز لان مضروبه براسي خلصت وطلعت وحسيت الدوخه زادت اف يا الله وكتج دخلت للغرفه بدلت وخلصت وليث يباوع عليه
ليث : دخلت بس حسيت بيها شي مشيتها مو طبيعيه نهر شبيج
نهر : ليث مابيه شي
ليث : دتكمل حجي وماشوفها الا كضت راسها ركضت عليها وجان اللزمه وطاحت بين اديه حيل خفت عليها ركضت جبت ماي ورشيت ع وجهه شويه شويه صحت
نهر : اخ راسي ليث شصار
ليث : شفتي لان ما اكلتي كومي اكليً
نهر : ماشتهي
ليث : اذا ماتاكلين ماكو روحه
نهر : لا رايحه رايحه نزلت جوه وسويتلي لفه واكلتها وشربت ماي بعدين رحت للصالون وياهن شو خالتي مادري شنو شاورت ام الصالون
تهاني : هاي جنتج عنيني صلاوات على محمد تخبل
نهر : تسلمين خاله
تهاني : تعالي حبيبتي
نهر : ستلمتني حف وسوت وجهي طبعا ملك وهمس وامي ويانه ونصفن جسمي كله وصلت لشعري رادت تكصه وصحت لااااا عوفي لاتجيسينه الشيخ مايقبل هيج حجيت وباوعت للبنات حيل خجلت
تهاني : لضاهر الشيخ يحبه هيج
نهر : حيل خجلت منها ومن البنات عزا العزاج نهر بس باوعت لوجهي ختلف كلش وصار احلا ويضوي اكثر ورا ساعات رجعنه دخلنه محد كلهم بالديوان صعدت فوك ابدل حتى اسوي عشه نزلت لكيت الشيخ ليث جايب اكل من برا وبدينه نصب الاكل واجه غضب اخذه
غضب : اي بس خطوبتي محد يسوي هيج
نهر : انت حدد الخطوبه وشوف منو ما يسوي ازيد من هيج
غضب : لعد لجونه وين
نهر : راحت لبيت عمو
غضب : ها اوكي
همس : ديلا نهر متنه جوع ماشوف الا
عمار : يلا نهر صبيلها لاتاكلج
همس : عزاا شجابك هنا
عمار : والله الشيخ ليث وداني كال كوم ساعد غضب ميكدر وحده الشباب راحو كلهم للحلاق
وكال طب كلهم خوانكً
همس : خوانك مو صدك ماتستحي
نهر : اباوعلهم وضحك حيل احسهم لايكين البعض كتلهم بطلو عرايك ويلا عمار اخذ الباقي جاي نجهز ودخلت صدف
صدف : مساء الخير وتباوع بحقد حمدالله على سلامج نهر
نهر : الله يسلمج صدف دنكت وكملت صب وهيه مابطلت تشمر حجي
صدف : شفت المطبخ فرغ دنيت عليها كتلها شنو كتلج انه شنو كتلج ماتفتهمين بس يصير خير يانهر انا اعلمج
نهر : رجعت خفت منها كلش تمنيت ليث يمي احس بامان وهوه وياي خلصنه الاكل والبنات كلهن غسلن وياي لاول مرا اكل هالكد اكد
همس : الله يساعدج لجين جانت هواي تحجي بيج
نهر : الحمدالله خلصت
همس : الحمدالله
نهر : خلصنه وصعدت فوك لبست بدله قصيره لونها احمر وفتحت شعري وكعدت انتضر الشيخ
ليث : من راحت وبالي يمها خاف تتخربط ومحد الها وضليت افكر بيها سمعت بيهم رجعو بس عدنه ناس وخطار دريت بيها مابيها حيل دزيت اكل من برا بطلاع الروح الديوان فرغ صعد فوك وريت ماصاعد فوك ابد شفتها لابسه احمر ومتمدده وشبه الغافيه عيوني نسحرن بيها وتقربت عليها وهمست باذنها نهر نهر نهري حبيبتي
نهر : نايمه وتقرب مني شميت عطره وعرفته هوه قبل ليحجي سويت روحي نايمه ماريد اكعد لان ادري بيه شراح يسوي
ليث : باوعت عليها وجهه صار احلا من قبل بهواي شدني لون خدودها تقربت عليها وبستهن مادري منين اجت الجرئه تقربت عليه وخلت راسها ع ايدي ونامت
نهر : تقصدت اتقرب يمه ونمت ماحسيت بشي وراها غير الفجر يكعد بيه
ليث : فزيت ايدي توجهني كتلها نهر نهر
نهر : كعدت مفزوعه شبيك ليث شنو يوجعك اسفه اذيت ايدك
ليث : تخافين عليه
نهر : شلون ماخاف افديك بروحي انه
ليث : باوعت ع عيونها ماتحملت بستها كل قوتي وهيه ابد مامنعتني حسيت بيها بادلتني وتقربت عليها وكلشي بينه تم وصارت مرتي شرعا باوعت عليها خجلانه
نهر : باسني ومامنعته ابد شويه بادلته وكلشي بينه صار وصرت مرته وبهالليله سلمت نفسي اله وصرت مرته رسميا وخرت شكو خوف بداخلي وكتفيت بوعده الي نايمه بحضنه وحيل خجلانه باوع عليه وكلي
ليث : خجلانه يروحي
نهر : مارديت بس ضميت وجهي بصدره
ليث : ابتسمت عليها وكتلها اروح فدوه للخجلان بهذا الليوم حسيت ملكت الدنيا حبيبتي صارت الي وبعد متكدر تبتعد عني هذا اكثر شي فرحني كتلها يلا نهر خل اكوم اسبح
نهر : كام يسبح وانه احس طايره فوكً الغيم بس بداخلي شعور موحلو ماكدرت ابعده عني رغم فرحتي غمضت عيوني حيل حتى اوخر هالشعور طلع واجه بدل وكام يصلي وانه رحت طلعت ملابس ورحت للحمام وسبحت وخلصت ورجعت صليت ونمت كعدت الصبح ع دكه الباب ملك المجنونه
ملك : نهر كعدي تكول خاله ام ليث مالحك بعد
نهر : فزيت ولكيت ليث ماكو لعد بيش الساعه هسهً باوعت لكيتها ب9:00 صبح خرب كله نوم طفرت بدلت ولبست عبايه ونزلت لكيت امي وخالتي يتبسمن بوجهي وكللي ع الخير عزا ليث كايل الهم اكلت وطلعنه للسوك مناك لجين جايه وياها اختها المتزوجه واحنه البنات فترينه هواي محلات معجبني شي غير بدله لونها حمرا طويله ستن وبيها فتحه لفوك الركبه وضهر مالتها مفتوح
ملك : متاكده يقبلً بيها ليث
نهر : مادري بس ماكو شي عجبني غير هايه
ملك : اوكي
نهر : شتريتها وشتريت وياها حذاء اسود بيه اشياء ذهبيه كل حلو والبنات هم شترن ملك بدله وردي قصير بس ردانها طويله
وهمس بدله سوده كلش حلوه كلش تصميمها بسيط
نور : طبعا فترينه السوك كله ماعبجتني غير هاي البدله السمائيه كلش لطيفه وبيها فراشات الوان ع الصدر
نهر : بالعافيه حبيبتي
نور : الله يعافيج
نهر: اما لجين اجرت بدله حيل حلوه لونها بصلي فاتح يعني وي بشرتها تصير كلش حلوه رغم فرحانه بالتجهيز بس احس اكو شي حيصير وياي احس شي موحلو شعور حيل ماذيني خلصنه ورجعنه البيت بعد ماحجزنه صالون وخلص اليوم عادي وكالعاده نمت بحضن حبيبي وحياتي ليث كعدت الصبح بدلنه وخلصنه ورحنه للصالون وكلحنه خلصنه بنفس اللحضه لان هواي بنات يشتغلن خلصنه والبنات كلهن طلعن يخبلن اجه علينه غضب تمنيت ليث جاي بس للاسف طبعا خليت حمرا كلش بسيطه وصلنه للبيت وكلها صلت ع محمد صعد فوك نزعت ملابسي شويه ونفتح الباب ودخل ليث
ليث : كالو اجو وانه صارت بيه نار الا شاوفها البارحه ماقبلت تراويني تكلي مفاجئه صعدت فوك وفتحت الباب وضليت صافن اجمل ماخلق الله يمكن هيه شطالعه ولج كتلها شهاللبس نهر تردين اعصب عليج
نهر : حبيبي هيه خطوبه اخوي شنو طالعه موحلوه
ليث : ولج ياموحلوه ولج تخبلين خرب حضي نزعلي هالملابس نهر ماريد احد يشوفج
نهر : الخاطري حبيبي خطوبه اخوي ترا وماعندي غير علي
ليث : بس انتي ضحكتي عليه كتيلي حتقبل ع لبسي
نهر : قابل اغشك شبيه لبسي
ليث : لا كلشي مابيه بس رجلح نصها طالعه وهاي شخاله خاله وشم هم
نهر : اي حبيبي مؤقت والله
ليث : حتركت عشيرتي حتركو بيت الفارس
نهر : صحيح عصب بس بعدين قبل وطبعا باسني وخرب حمرتي يلا نزل نزل وانه عيني ورا تمشي حسيت هاي اخر شوفه الي اخ كلبي يوجعني اخ ليث
ليث : ماخليتها تطلع لمن اخرب حمرته بنت اللذين طالعه تخبل خرب حتى انه هسه يطكونها عين والنسوان مايخافن ربهن نزلت ودخلت للديون وتممنه العقد والرجال سامر ماقصر كفه وفه بالمهر والمقدم دخلنه جوه واخذنه موافقت البنيه وكلها هلهلت تمنيت اشوفها هسه شوي واشوفلي حجه دخل سامر يمهم وانه رجعت للديوان
عمار : طلعت اجيب دله من المطبخ ودخلت وجان اشوفها ضليت صافن
همس : درت وجان اشوف هذا العله خير شرايد هيج تباوع
عمار : حبيت اشوشها شويه تقربت منها كلش وكتلها طالعه تخبلين بستها بخدها وفلتت
همس : تقرب مني لدرجه جمدت بمكاني شوً هذا باسني وشرد ايا حقير ايا نذل انه اللك بس مادري ليش ابتسمت ورجعت دوه
نهر : بنص فرحي والناس كلها تباوع عليه نركض وفرحانين واجه ليث والشيخ وسامر واخذو الموافقه وكلحنه هلهلنه شويه ودخل سامر حسيته مو بالدنيا ابد باس راسها ومادري شكللها وضحكت انه مامريت بهيج شي حيل نقهرت ع روحي بس كلت ميخالف الله عوضني هسه بيه وبحبه الحمدالله خلصنه تلبيس الذهب وسامر طلع ورا شويه اجت بنت مياده كالت خالو ليث يريدج فوك هههه فرحت ورحت بكل فرحتي صعدت وصلت للباب فتحته وجان اشوف ..........
............
