رواية قصة زهراء الفصل الواحد والعشرون بقلم زينب نور
زهراء:صعدت بعدني ع الدرج واشوف منال طالعه من غرفتي تفاجئت ماشافتني
طلعت تركض دخلت لغرفته
دخلت للغرفه كمت ادو منه ومنه خاف ذابه شي فتح الكنتور اشم بالملابس
ماكو شي شلت فراش الجربايه
ماكو اي شي وره الكنتور هم ماكو دنكت جوه الجربايه ماكو رفعت راسي ورجعته شفت شي اسود
جبت التلفون ضويت شلون الشعر ماينعرف مديت ايدي طلعته وااااعععع لعبت نفسي
من شكله ريحته خايسه الله ياخذج منال ويفكني منج
جبت علاگه شديته بيه لبست اخذت العلاكه وطلعت لغرفتها دفعت الباب ودخلت
منال:ااانتي شلون ادخلين بلا مادكين الباب
زهراء:اسئلي روحج هذا السؤال شمدخلج الغرفتي
منال:وشعندي بغرفتج
زهراء:لااتغشمين روحج وهذا شنوو الي لگيته بالغرفه
منال:وانه شدخلني تتبلين عليه
زهراء:لاااا اتبله عليج ولااا شي بعيني شفتج طلعتي تركضين من الغرفه گولي شعندج
هم جايه اذبين سحورتج بعدد
عليه
منال:لاااا ماااسكتلج تتهميني
زهراء:تعاااي وين رايحه دفعتني ونزلت سوت روحه تبجي انه وراهااا
بالصاله كاعد جدي وعمي والولد
منال:جدددي ترضاهااا داخلت لغرفتي وتتهمني داخله لغرفتها
الجد:خير بويه شكووو
زهراء:بعين.... قاطعتني
منال:اجت هاده عليه ادگلي ماكافي لفيناج عدنه انتي واسحورتج ام الزلم
موو عيب عليها هل حجي ادري غلطت بس رجعت على موود ابني
زهراء:فكيت عيوني بكبرهن شلون الفت الها قصه الجذابه كتله
جدي والله جذابه وانه شفتها داخله لغرفه وطلعت تركض
منال:جذااابه خافي ربج
الجد: كااااافي شنهي واحده اجر طول وحده عررررض احترمن لاااااكسر راسجن
وانتي مووو عيب عليج هل حجي
زهراء:جذااابه والله ماكلت كامت تبجي
منال:جدي ماااريد شي منها بس خل اتكف عني
الجد:رووحي بويه روحي
زهراء:راحت عاط بيه جدي
والله العظيم جذااابه نسيتو سوالفها وصدگتوها ابسرعه
الجد:والج بويه مانسينه اتركيهاا
زهراء:واانه مالي دخل بيها بس شفتها طالعه من الغرفه وهااا شوووف هااي العلاگه
جووه الجربايه لگيتها
حجه جدي وطلعت خالتها اسراء من الغرفه
اسراء:مووو عيب عليج هل حجي من يمته اسوي اسحوره واذب عليج
زهراء:الظاهر ماوصلج الحجي
اسراء:ياااحجي
زهراء:اختج وبتها وسحورتهن
اسراء:اشووو ماتستحين
ولااااتحشمين احد ترضاها شيخ
زهراء:والله اتعلمن المستحه انتن وعود رجعي عليه كلت هج ومااسمع بس صوت هز البيت هزززز
ياسر:زهررررراءء
زهراء:عفتها ورحت للغرفه
فتحت الباب وعيونه كلتني اكل
اشرلي اجي يمه ماارحت ضليت بمكاني معصب ماادري شراح يسوووي
ياسر:تعااااي
زهراء:عندك شي احجي اسمعك
ياسر:اذاااا ماااااجيتي منيتج ومحمد
زهراء:تدنيت بيناتنه تقريبن نص متر مااحس بس سحبني من ثوبي عليه
وضربني راشدي وعاصر وجهي بيده
ياسر:ولج كدام الزلم واتراددين بالسانج شطوله ماتستحين انتي ماتخجلين شيكولون لفي كحبه هناااا
زهراء:وخرت ايده حيييل كتله موو انه الكحبه تعرفها يااهي
ردت اطلع سحبني همزين مانخلعت ايدي تقربني عليه لزمني من شعري حييييل
ياسر:السانج لاطولينه اسمعج كلت راح تسكت ماسكتي اتراددين
انه كلشي ولااا المره اترادد كدام الزلم حتى لوو اهلها
وانتي واكفه والسانج ابطول النعال
هاااااا اذا مااااربيج مااطلع انه ياسرر كلبه امشي عن وجهي خلقتج ماااريد اشوفها لا والحسين الشهيد موووتج على ايددددي
زهراء:دفعني طحت بالگاع شعري تشلع بيده كعدت ولميت رجليه لجسمي
ياسر:ااااطلعيييي گتلج
زهراء:طفرت طلعت اركض للغرفه فوك وعيوني عبالك ماي وانفتح
اريد اسكت ماااكووو
الله ياخذج من حياتي ويخلصني منج
رجع عليه يغلط ويصيح ماايحجي وياااهااا
الله ياخذذذذك حقيررر همجي
ياسر:منااااال منااااال مننننناااال
منال:دخلت هاااا حبيبي تريد شي
ياسر:تعاي اجت لزمتها من شعرها
ادگولين شعندج بغرفت زهراء
لاااااموتج
منال:جذابه اصلا ماداخله غرفتهااا
ياسر:لج شنووو هاااي سوالفج سولفيها على غيري عاجنج وخابزج
بيدي احجيييي شعندج بغرفتهاااا
منال:ماااعندي شي شالي ضاع وكلت يجوز امدخلته ويه ملابسها من الحبل بس مالكيته
ياسر:وووهسه شنووو المطلوب مني اصدگج
منال:صدگني
ياسر:ولج والله جذابه واعرف سووووالفج كلهااااا لااااا عبالج نفس البره ضحكتي عليهم بكم دمعه انه ماتعبر عليه بس والله بيج بخت جااااا والله كسرتج اتكسر
وهسه وجهج لا اشوفه ولووو تدخلتي بيهااا
وخالتج فهميها لااا تدخل بين اعيااال البيت لاا اشوووف شي ماايعجلهاااا امشي اطلعي ..
وانه الججججح
منال:طلعت بعدج مااشايفه شي زهراء والله اله اسود عيشتج
مااطلع مناال
زهراء:غسلت وجهي ونزلت
ماريدهن يشمتن بيه
مادخلت يم ياسر انه الك للمغرب توضيت وصعدت فوگ صليت ونزلت دعاء اسوي بالعشه اجتنه طيبه صبينه العشه
صبتله طيبه العشه وخذته اله للغرفه
ياسر:دخلت طيبه جايبه العشه
من طردتها مااجت بعدد
خويه صيحي زهراء ويااج
طيبه:صاار
زهراء:اجت كالت يصيحلج غلست مارحتله ساعه يضرب ويطرد وساعه يصيحني لوو يموت مااروحله لو تطلع براسه نخله فوگاها بعد هوه ابو الراهي يضربني على مود هاااي خلصنه عشه كامت بنت طيبه جابت صينيته غسلت الماعين ومنال وخالتها وبناتها ملتمات
كلجن صنف واحد حقاره
خلصت الماعين للساعه ١١،
طشو ينامون صعدت للغرفه كلت ماانام يمه والله تمددت ع الجربايه
وغفيت
ياسر:تجاهلني بس انه الج تانيتها
هيه جابتها الروحها بصيطه
منال:صارت الساعه ١طلعت من الغرفه كلت اكيد بغرفتها نايمه نزلت ع كيف فتحت الباب على ياسر
نايم سابع حلم امشي على اطراف اصابعي مديت افراش بالگاع
وتمددت وغفيت
زهراء:فزيت بصلاة الفجر نزلت اتوضه تقربت يم الباب ماكوو صوت فتحته ضويه يدخل من الصاله شفت احد نايم دخلت على كيف لازمه الباب بيدي مديت روحي شفتهااا منال تخبلت
كيف مااعول اطلع ويصيحه
تفوو عليها وطلعت كمت افوووررر
اكيد هوه صايحه ماتجي وحدها
وين راح حجيك
على مود الطفل على مود الطفل
جذاب انه غبيه صدگت بيه حقيررر نذل توضيت وصعدت والقهر اكلني اكل
صليت وعدت الفرض مرتين من التفكيرر
خلصت ورحت للجربايه
ماغفيت النوم طار من عيوني ساعه اكول لو نايمه جوه وساعه اكول لاااا مو يضربني ويريدني ارجعله
لرغبته
للسبعه عيني مااخذت نوم لبست ونزلت كلها كاعده
منال:كعدت بالسته صعدت فوگ كبل لا يگعد ويشوفني
حسيت عليها من دخلت بعدج ماشفتي شي
زهراء:عمتي سعاد اسوي بالريوگ
وگفت وياها خلينه الريوگ بالصاله كلنه جدي والولد كالت شيلي صينيت ياسر دخلت بعده نايم رجعت كعدنه نتريك بالكوه اكل كل مااذكر نامت يمه البارحه تطلع روحي خلصو جدي والولد طلعو للبستان ضلينه بس احنه كاعدين انه خلصت ورجعت لي وره ماكمت
اجت منال كالت صباح الخير مارديت كعدت يم خالتها
اسراء:متئخره اليوم مووعاتج
منال:يااا خاله البارحه ياسر مانام خطيه
سعاد:وانتي نايمه يمه
منال:ايي عمه صاحني
زهراء:تحجي وتتمضحك هيه وبنات خالتها قهرتني عبالك عدها عيد بس كله من هاذ صايحها المن
كمت بس اضل كاعد وعلى حجيها احط الصينيه براسهااا
غسلت ورجعت للصاله
ياسر:كعدت شفت الساعه٩
صحت زهراء زهراء
زهراء:غلست كالت عمتي
سعاد:شمالج عمه مااسمعين زلمتج يصيح
زهراء:استحيت ودخلت ورديت الباب وراي ماحاجيته ضليت واگفه
ياسر:ضلت ساكته تكتلني بتجاهلها
امشي انطيني سم اغسل بيه
زهراء:😒طلعت جبتله ماي وغسل بس ودي اخلي الباديه براسه على عملته هاااي طلعت صاح خاولي
الصبر الهي رجعت انطيته
التفتت اطلع صااح
ياسر:اذا طلعتي اكسر رجلج
زهراء:شتريد مو هسه اصيح وبعدين اتكفخ وتضرب
ياسر:اااي لعلعي بصوتج اكثر
زهراء:اووو والله حرت وياك شنو الي تريده ماعولد مانمت هنااا رحت صحت لذيج يمك
ياسر:ياهي شتقصدين
زهراء:والله تعرف شقصد وبعد مالي دخل بيك روح المرتك ذيج موو جايبها بس تعلف وتنام
ياسر:زهراء احجي عدل احسلج
شنو صايحلها شنو خرالبيط
ياهو كايلج هل كلام
زهراء:محد گلي بعيني شفتها نايمه هناااا
ياسر:يمتى
زهراء:البارحه..
ياسر:اطلعي وصيحيهااا...
عرفتها لعبه من منال بس شيخلصج مني شويه ودخلت اجت بصفي لزمتها من رگبتها
منال:ياسر شبيك هدني راح تخنگني
ياسر:لج انتي يمته اصيرين ادميه هااااا
منال:شمسويه شئلفت عليه الحيه
ياسر:والله ماكو حته غيرج
منو كايلج تجين تنامين هناااا
انتي ماعندج احساسس هااا
قوندره ماشفت مثل صلافتج وعرامتج
شوكت انه صايحلج احجي
كفيلج محمد اذا ماااحترمتي نفسج مره ثانيه ورقتج بيدج ولهلج وانعل ابووو اليطلع وراج
وهسه مااريد اسمع صوتج ووجهج ماريد اشوفه كلبه...
زهراء:انه بالمطبخ وشفتها طلعت
صلفه نايهمها شي كعدت يم خالتها
بعد مادخلت يم ياسر ولا رحت لليل
اجه جدي والولد يمه وهنه كلهم التمو يمه انه بالمطبخ وده جدي عليه رحاب رحت
الجد:شعندج بويه وحدج كاعده تعاي هناا يمنه
زهراء:رفعت راسي يباوعلي ماهتميتله كعدت بصف جدي
الجد:شجاج مضايگه احد مضيگ خلگج كليلي انعل والديه
زهراء:هههه لااا جدي ماابيه شي
صالح:بويه هاي زهرتنه شحده الي يضيگ خلگها
سعد:المدح بس الزهراء واحنه اولاد البطه السوده انه ومريتي
الكل:ههههه
زهراء:سويتله حركه حريگه لسعد غماني هههه وياسر عينه عليه ماريحته وباوعتله خليته بناره
طلع جدي فلوس من جيبه
الجد:هاج بويه زهرة
زهراء:مامحتاجه جدي
الجد:ميخالف بويه اشتري شنهي بخاطرج لحنة بت عمتج
زهراء:خذتهن منه
سعد:احمممم احححم
الجد:وسم شجاك
سعد:واحنه مالنه حصه
الجد:انته شكوو هاي لفطيم هاج بويه
زهراء:انطه فاطمه ودعاء
وطلع روحي من انطه منال انطيها سم بگلبها كووون كامو ينامون
طلعت ردت اصعد صاح ياسر فتحت الباب
ياسر:اهنااا نامي
زهراء:مااااريد
ياسر:مااخذ رايج غصبن عليج تفرشين وتنامين هنااا
زهراء:دخلت وطبگت الباب حييييل
صااح
ياسر:ااادب سززز
زهراء:وانه امد الفراش كلت مخليه الأدب الكم
ياسر:شگلتي
زهراء:تمددت ودرت وجهي عنه مارديت عليه ضل يحجي انه الج ومدري شنو لفيت راسي ونمت
كعدت الصبح
وره الريوگ كالت عمتي امشن للسوك بعد محتاجين كم حاجه وانتن اشترن ملابس
صحت لرحاب كلتلها روحي كلي لعمج ياسر عمه زهراء راح اتروح ويه بيبي سعاد للسوگ
ياسر:اجت رحاب كالتلي كلتلها كليها ماكوو روحه
زهراء:كالت رحاب عصبني رحت للغرفه وانه فايره عليه
شنوو ماكوو روحه ليش شنوو السبب
ياسر:ماكو اي سبب بس ماترحين
زهراء:شنووو مااروح بعد كم يوم للحنه وحد انه عن الناس
ياسر:البشر تجي وادگو بنفسها موو مسويتلي رحاب مرسال بينه
زهراء:ايي وهسه دريت ارووح لوو لاااا
ياسر:لااااا
زهراء:ياااااسر
ياسر:وسم حتى انكسحي عن وجهي مالي خلگ لسوالف الجهال مالتج
زهراء:طگيت رجلي بالگاع كتله والله اله اروح وطلعت اركض
ياسر:مخبله والله
زهراء:بدلت وطلعنه للظهر ياله رجعنه اشتريت فستان طويل من وره الگصه مالت الظهر مثلث وشيفون يبين شويه الظهر منه
ومن گدام لا بيه شذر وهل سوالف لونه احمر دم الغزال
وشال وحذاء اتكرمون وكم حاجه
بعد من وصلنه صعدت الغراض وبدلت ونزلت
فاطمه اشترت مال حوامل بطنها كامت تبين شويه تغدينه وخلصنه سعد اتغده يم ياسر مادخلت يمه
لمن اخذتلهم الجاي سعد اخذ استكانه وطلع اجيت اطلع صاح
ياسر:ششتريتي
زهراء:وياااي
ياسر:لااا ويه الحايط..
ايي ويااج
زهراء:😒 ششتريت يعني ملابس
ياسر:روحي جيبيهن
زهراء:شنوو اجيبهن ملابس نسوان عيب
ياسر:امشي كتلج بلا نقاش
زهراء:اعرف تفكيره شيطان خاف تطلع البدله كصيفه لو بيها شي
بس خفت لاا يعلق على الفتحه الي وره بس ياله اقنعه واصلا بيناتنه بس نسوان جبت العلاليگ ودخلت يمه كمت انفش اول مره ماطلعتله الفستان كال هاي العلاگه شنو بيهاا
طلعته بس مادرت الوره عليه كلت لاا يعيط
ياسر:دوريه ليوره
زهراء:نفس الشي
ياسر:دوري
زهراء:درته خزيني
ياسر:من البدايه وگولي هج
خايفه اشوفه وظهرج يببن منه مووو
زهراء:كعدت على الطرف يمه
كلت خل اتمسكن شويه كتله
ياسر والله بس احنه حتى محد غريب بس بناتنه مابيها شي والله
ياسر:لااا لاااا
زهراء:فتحت عيوني تقربت عليه
كمت امشي اصبعي على خده ورگبته يمووت من هاي الحركه مايحبه همستله
عفيه يسوري ياهي حبيبتك
عفيه😳
ياسر:لاا تقشمريني وخري ايدج
زهراء:برطمت ودرت وجهي عنه سحبني اله
ياسر:ماااريد واحد يشوفج غيري
انتي بس الي زهرة ياسر
زهراء:انه زهراء محمد
ياسر:زهرة ياسر
زهراء:ياله زهرة ياسر بس خل البسه شبيك والله بعد كلشي اتريده اسويه الك بس هل مره ياله يسوري
حبي
ياسر:ماشي
زهراء:يعني البسه
ياسر:اييي
زهراء:كمت الم الغراض سحبني من ايدي صرت قريبه حيل عليه
ياسر:مادگومين لمن اسوين الي اريده
زهراء:شنوو
ياسر:بووسه
زهراء:بسته بخده
ياسر:لاا لا يحلوه موو هنااا
تعاي ماكو شرده اليوم
زهراء:سحبني مثل العطشان الي يتروه اول مره بادلته وتخبل انسحبت دفن راسه برگبتي
ماندي شوكت الباب انفتح بس صحاني صوت عمتي سعاد وهيه ادكول
سعاد:ياا ياااا دهر صابكم انشاءالله ولاا تستحون
زهراء:طفرت من الجربايه ماادري شسوي الم بشعري منه ومنه
والضحكني ياسر يكف بالغطه منه ومنه طلعت عمتي صاح
ياسر:نعلعله 👌 والديج
كل ماابوسج داخلي واحد شنوو منبهتهم عليه
زهراء:طگيت ضحك كعدت بالگاع واضحك شكله يموت مستحي ومعصب وينافخ
شمرر المخده عليه
ياسر:اضحكي الفطيرة روحي طاحنه بحلگ سعاد شيفضنه
بعد
زهراء:ههههه اگلك الغطه شبيه كمت اتلف بيه
ياسر:ياغطه....اهااا شوفي وين مشمووور خره بعرضج على هل عمله
زهراء:موو بس انته تفشلت هم انه من وراك ردت اطلع مارضيت تستاهل
ياسر:اااخ لووو الزمج ثوله والله الباب ليش ماقافلته
زهراء:لااا گلبي بعد ماتلزمني
لميت الغراض وطلعت شافتني فاطمه ودعاء يضحكن لزم وصلتها سعاد ههههه صعدت للغرفه.....
شكرا لزيارتكم عالم روايات سكيرهوم
