رواية قصة زهراء الفصل الثاني والعشرون بقلم زينب نور
زهراء:صعدت الغراض ونزلت بالصاله عمتي سعاد وسهى وفاطمه ودعاء گاعدات بس مستحيه من عمتي هههه سوني سالفه البنات ياسر بعد مادخلتلها للمغرب صلينه وتعشينه كفينه البيت سبحت ونزلت يم ياسر الخاولي على راسي وفوگه الشال بعدني ماداخله يم ياسر شفت خيال بالمطبخ مشيت على كيف مديت راسي اسمهان واگفه باب المطبخ ووجها على الكراج اتخابر بهمس ماادري بيمن خليت ورجعت دخلت نايم شغلت الضوه لان اريد امشط كعدت امشط وحجه ياسر جفلني
ياسر:هااا ام بوسه
زهراء:والله طفرتني شگعدك
ياسر:كاعد بس مغمض ايي انشاءالله هسه واحد يدخل شدگولين😉
زهراء:تحلم اجي يمك بعد سوني نكته اليوم
ياسر:بعد طحنه بحلگ عمتج اذاعه
موو مره
زهراء:خلصت امشاط نزعت الدشداشه لابسه جواها وحده نص شعري رطب ماشسورته خليته مفتوح شفت عطر ياسر ع الميز رشيت منه وسحبت الفراش امده
ياسر:تعاي نامي يمي
زهراء:ياسر والله متكسرين تكسر المكان ضيگ
ياسر:وحضني المن اريده 😉
زهراء:لااا
ياسر:تعاي گتلج هي بوسه وبالگوه
زهراء:طفيت الضوه ورحت تمددت يمه على ايده
ياسر:شعرج رطب
زهراء:ايي سبحت
ياسر:ولبسه نص هسه تتمرضين عليه
زهراء:لا متغطيه شويه وغفيت
اجه يوم الحنه البيت عزلناه باليل
گعدنه الصبح اتريگنه وخلصنه
ياسر راح هوه وسعد لبيت عمي حاتم يكره هوست النسوان
سهى راحت للصالون هيه و اسمهان وطيبه
للساعه ٢:٣٠ صعدت ابدل لبست البدله مكياج خفيف
مااحب اخلي هواي كملت سمعت هوسه جوه اجن شفت التلفون ع الميز كلت خل اطگلي كم صوره بيه على هاي الكشخه اخذت كم صوره خليت الشال على راسي ونزلت
اوووو كلها جايه بنات عمي حاتم وجناينه ومرته واهلي وخوات ام ياسر وبناتهن واسمهان هيه العروس لبخه الوجه لبخ كبر حتى
سهى طالعه حلوه ماكو لا غنيه ولاا شي بس من دخلت طشن عليها الجكليت
وهوين جتج يالزهرة تلگيها ... هاي هيه
للساعه ٤ اجو اهل العريس هم جايات نسوان شگد الصاله والاستقبال نترسن كالو راح يدخل يحنيها انه وگفت على صفحه
الشال لفيته عدل دخل الولد مدنگ
لبس قاط
حناها وكملوو للمغرب راحوو
ضلو بس كرايبنه صعدت بدلت ونزلت للعشه التمينه كلنه انسوي
صبينه العشه تعشو وخلصو اهلي راحو وبيت عمي حاتم هم راحو وخوات ام ياسر بس العله اسمهان وامها ضلن
غسلنه تل مال اماعين طيبه باتت وزينب راحت ياسر والولد بعدهم ماجايين للساعه ١١ قفلت كلش دخلت للغرفه مالت بيبي وذبيت روحي ع الجربايه شويه ودخلت طيبه اتنوم ببنها هم خلتلها مخده وتمددت غفيت ماادري بشي
حسيت على صوت ياسر عبالي اتحلم اول مره بعدين ندسني طفرت عيوني منعسات
ياسر:يووول ليشوفج يگول مانايمه من سنه انده وماكوو
زهراء:😵😵
ياسر:تگومي كومي خل انام انسمط ابوي اليوم مامتمدد
زهراء:كمت عنه ساعته لمن اتمدد طيبه نايمه هي وجهالها طفيت الضوه الغرفه ضلمه
كاعد امشي ماشوف شي عبالي
هذا الدرب اعبر منه مااحس بس انه فوگ طيبه على وجهي
طيبه گعدت مفزوعه
طيبه:يمممممه اجوووو........ دهررر اجاج انشاءالله مرتي بطني
زهراء:هههه حصرتني الضحكه وانه منعسه منو الجوووو شغل ياسر ضوه التلفون وداره عليه
طيبه:ولج عبالي البلحلم كاعد اتحلم وطحتي خرتيني العافيه خرررب يومج
زهراء: كمت شعري منفوش وطيبه تضحك
وياسر ماله صوت بس لازم التلفون
اشر انام بصفه غلست فشله من طيبه مديت فراش وتمددت غفيت
للصبح كعدت على صوت ياسر يحجي وهوه منعس وابن طيبه يبجي مابيه اكوم النوم مثگل عيوني
ياسر:زهراء زهررراء شسالفه الفرخ نط من البجي وين امه
زهراء:گعدت لان صوته مبين عصب تطلع روحه اذا هوه نايم ويصير صوت يمه كمت لفيت الشال وشلت عبودي وطلعت
انطيته لمه غسلت وجهي وصعدت لبست غير دشداشه ونزلت
اسمهان بعدهن مارايحات
خلينه الريوگ وانطيت ياسر خلصو دخلت خالته اسراء اسلم عليه قبل لا تروح انه واگفه بالباب
سلمت عليه واسمهان ام علج عابت هلحلگ متهورشه تعلج من الصبح
طلعن فكه البيت صار شخفه
ركبت دعاء الغده سعد راح حجز بالدكتور لعمتي ام ياسر لان الجبس بعدهم مافاتحينه
وره الغده اجت زينب واحمد اخذوها عمتي سعاد اخذت سهى يكملن غراض العرس ضلينه انه ودعاء وفاطمه وجدي وعمي بالمضيف دعاء بغرفتها وفاطمه تغسل ملابس
دخلت يم ياسر مدري شلون ذكرت التلفون مالي ماهوه استغربت ضليت ادور عليه بالغرفه
ياسر:شبيج شدورين
زهراء:التلفون مدري وين خليته
ياسر:خاف فوگ
زهراء:صعدت دورت منه ومنه ماكو اتعجبت وين راح
نفشت الغرفه نفش انه من صورت بيه خليته هنااا انجنين
نزلت جوه بالصاله جوه القنفات على الثلاجه ماكووو دخلت لياسر
مااااكوووو
ياسر:شنوو
زهراء:التلفون ماكو دورته نالكيته
ياسر:لا تخبليني شنو مالكيتيه خرزه وضاع
زهراء:انه مخليته فوك من امس ونزلت
ياسر:والله عفيه على هل ثول الي براسج ولج تلفون من امس لليوم ياله ذكرتيه
شنوو براسج عقل لوو تنكه
زهراء:وانه شدراني اخذت صوره وخليته فوگ ونزلت ماادري بعد خليته بيدي على الميز هسه مالكيته
ياسر:شنو اخذتي صوره شلون وشلابسه
زهراء:بالبدله
ياسر:عفيييه عفييييه ولج موتيني انتي الله بلاني بيج
انشاءالله اخذه واحد من الجهال وطلع وهوه بيده
ماكووو عقل ماكووو تفكيرررر
زهراء:انه شعليه يوميا هوه مخليته فوگ ماراح اليوم مالگيته
ياسر:ولج شلون شعليج والصور والطرگاعه انشاءالله طاح بيد كلب ابن كلب هل ساع وشيخلصج من ايدي انهيج ومحمد
زهراء:طلعت والخوف صيطر عليه شافتني فاطمه كلتلها ضلينه اندور طلعت دعاء شافتنه مخبوصين
وياسر كالساع وصاح ويغلط عليه يمكن لو يكوم والله يموتني
دورنه البيت نفشناه نفش ماكوو نزلت منال
سئلت انه طالعه روحي مارديت عليها
دعاء:ماشايفه تلفون زهراء
منال:لاااا والله
زهراء:اباوعلها خاف هيه بس شكلها مايوحي عدهااا
دخلن عمتي سعاد وسهى كالت شمالجن كلتلهن
سهى:شفته بيد كرار ابن قاسم كتله وديه لعمه زهراء وراح بعد ماشفته عبالي منطيج اياه
زهراء:اصخام الصخمني هذا عمره ٣سنوات بس لو اجانه يگلب البيت كلاب كل مره نقفل باب المحجر مال الدرج بس لان هوسه ونسوان مفتوح ضال وحضي حلوو هل صعد انشاءالله طلع بيه للشارع
سمع ياسر طايح بيد جاهل اتخبل عليه رزايل وغلط انه كذه وانه كذه وانتي موو مال تلفون وانتي وانتي
والعمله هوه مابيه شي بس صوري بالبدله ولا حجاب ولا شي
ضليت افتر اجه احمد من الطبيب كملها عليه انتن تفهن لو شفتن احد ومدري شنو كم مره كلنه الغرف اقفلنها من اصير لمه بالبيت ماكو فايده
دخلت للمطبخ گعدت للمغرب صليت ركعتين الى ام البنين اريد كون اذا بالشارع يطيح بيد شريف بجاهج يا ام البنين
صليت ونزلت صبو العشه ماردت بس صبيت لياسر اخذته اله زهك بيه وطلعت انه شنو ذنبي عباله متعمده خليت الصينيه بالمطبخ وكعدت على الكرسي حايره شسوي
شويه وگمت دخلت للغرفه
متمدد وايه على عيونه مااهتم من دخلت رحت بصفه سحبت ايد وتمددت عليها هوه ساكت
شويه ودگ تلفونه سحب ايده من جوه راسي واخذ التلفون من الميز
ماشفت من المتصل
بس هوه بسرعه سحبه ورد
ياسر:الووو.....
شكرا لزيارتكم عالم روايات سكيرهوم
