رواية أسرار الهاربة الفصل الواحد والعشرون
دخلت سما اوضتها وهى متوترة
قعدت سما على طرف السرير تكلم نفسها هو إيه اللي أنا بعمله في نفسى دا أنا بحب راضي بجد ولا حبيته عشان هو طيب معايا وحنين عليا طيب أنا ازاى موافقة على اللى هو عايزه دا أنا لازم اوافق خلاص لازم ارضى بالأمر الواقع أنا حياتى مافيهاش حاجه عدلة من غير راضي حتي بدر اللى قولت هيخلصنى من اللى أنا فيه حظى بعدنى عنه ورجعنى لراضى تانى يبقى لازم افهم ان راضي نصيبى وقسمتى
وقامت فتحت الدولاب وبصت على الهدوم ونفخت في الهوا واخدت قميص نوم وقررت انها تعيش حياتها مع راضي
لبست القميص وعملت مكياج.
وبقت تبص لنفسها في المرايا باعجاب وهى مبسوطة
فجأة راضي خبط
سما اتفزعت
راضي هااا يا عروسة خلصتى عايز أدخل بقى
سما بتوتر بصت على نفسها وجريت على السرير واتغطت
دخل راضي بصلها وابتسم
وقرب من السرير
راضي مالك يا حبيبتي
سما بتوتر هزت راسها
راضي قرب منها اكتر ومسك ايديها لو تعرفى بحبك قد ايه وكنت مستنى اللحظة دى طول عمري
سما بتبصله بكسوف
راضى اوعدك هخليكى أسعد واحدة في الدنيا وانتى معايا وضمها لحضنه وطفى النور
🙈🙈🙈🙈🙈🙈🙈🙈
صحيت تانى يوم سما وهى فى حضن راضى كان حاضنها جامد وهى مش عارفه تخرج من حضنه قعدت تزقه لحد ما صحى
راضي بصلها صباحية مباركة يا عروسة
سما بصتله وبتحاول تخرج من حضنه
لكن راضي مسكها جامد
راضي رايحة فين
سما بخنقة عايزة اقوم
راضي تقومى ليه وتروحى فين
سما عايزة ادخل الحمام
راضي ابتسم ماشى وسابها
كانت سما هتقوم لكن بصت على نفسها ورجعت بصت لراضى
وغطت نفسها بسرعة
راضي ايه مش هتقومى
سما بصتله وهى ساكتة
راضي قام من مكانه وطلع روب لسما من الدولاب ورماه عليها
ادخلى الحمام براحتك
سما قاعدة بتبصله بذهول وتكلم نفسها هو في إيه هو ايه اللي حصل دا أنا مش مصدقة
راضي إيه مش هتدخلى الحمام
ولا ايه
سما لفت نفسها بالروب ودخلت الحمام بسرعة
راضي ولع سيجارة وقعد ينفخ الدخان في الهوا
دخلت سما الحمام وبتبص لنفسها في المرايا هو إيه اللي حصل أنا مش مصدقة نفسى. هو اللى حصل دا حصل ازاى
وفي الاخر وقفت تحت الدش عشان تهدى نفسها من التفكير
خرجت سما من الحمام لقت راضي واقف يشرب السجاير وينفخ في الهوا
راضي أول ما شاف سما رمى السيجارة وقرب منها بسرعة
إيه الحلاوة دى وضمها لحضنه جامد
سما واقفة مش بتتحرك
راضي ألبسى بسرعة عشان نخرج
سما بصتله وساكتة
راضي يلا بسرعه عقبال ما أدخل الحمام وخطف بوسة بسرعة ودخل الحمام
سما بتكلم نفسها أنا هتجنن هو ماله
وفتحت الدولاب وكانت بتلبس خرج راضي من الحمام لافف نص جسمه بالفوطة
أول ما سما شافته شهقت بصوت عالى
وخبت وشها بايديها
راضي ضحك عليها متتكسفيش بكرا تتعودى عليا كدا
ووقف يلبس وهى لسة مخبية وشها
راضي قرب منها وحضنها من ضهرها خلاص فتحى أنا لبست اهو يلا كملى لبسك عشان نخرج
وخطف بوسة
سما لسة في حالة ذهول
راضي كملى لبسك بقولك
سما هزت راسها
وكملت لبس وخرجوا سوا
راضي تحبى نروح فين
سما أى مكان زى ما تحب
راضي أنا بحبك انتى وبس ومسك ايديها وباسها
وقعدوا في كافتريا
فجأة وهما قاعدين سما شافت واحد على كرسى متحرك
فجأة افتكرت بدر وسرحت يا ترى عامل ايه يا بدر يا ترى بتقول عليا إيه
نفسى أعرف حصلك ايه بعد ما مشيت
بدر قاعد في اوضته وأمه وابوه قاعدين جمبه
نجاة بحزن والله حرام اللى بتعمله في نفسك وفينا دا يا ابنى
بدر بعصبية محدش ليه دعوة بيا ولو سمحتم اخرجوا عايز اقعد لوحدى
هلال ليه كدا بس يا بدر يا ابنى كفاية بقى اللى بتعمله في نفسك دا عشان واحدة متستهلش
بدر بصوت عالى غضبان حرام عليك أنت انت السبب في كل اللى أنا فيه
أنت اللى جبتها هنا وانت اللى طردتها وضيعتها منى
هلال مصدوم من أسلوب بدر معاه
وبقى يتكلم هو كمان بعصبية أيوة أنا اللى جبتها بس مقولتلكش حبها ولا اتعلق بيها
بدر بحزن حتى الحب بتحرمه عليا بس دا مش بمزاجى ولا زرار هدوس عليه عشان اوقف قلبى عشان ما يحبهاش
مش بمزاجى يا بابا مش بمزاجى ودموعه نزلت
هلال بعصبية لسة بتحبها حتى بعد ما عرفت أنها متجوزة
بدر بحزن وانكسار أيوة يا بابا لسة بحبها بحبها وعيط
نجاة بحزن كفاية بقى يا هلال سيبه ربنا يهون عليه وجع قلبه
بدر بص لامه ودموعه نازلة
هلال خرج وسابهم
نجاة قربت من بدر أنا حاسة بيك يا حبيبي بس عايزة اقولك ان كل واحد بياخد نصيبه في الدنيا دى وانت مالكيش نصيب فيها لو ليك نصيب كان القدر قربكم من بعض بس أهو زى ما أنت شايف القدر هو إلى بعدكم عن بعض
بدر عيط بصوت عالى
نجاة حضنته وعيطت هى كمان
فجأة دخلت بنتهم سحر واولادها
نجاة مسحت دموعها وابتسمت شايف مين جه هما دول اللى هيفرفشوك
سحر طبعا احنا لو نتفق أنا وعلاء نعمل فرقة رقص وضحكت هههه
قاعدة سحر هى ونجاة
نجاة اتنهدت بصوت عالى
سحر معلش يا ماما كله في الأول بيكون صعب والايام كفيلة تنسيه
نجاة يارب يا بنتى
سحر متقلقيش احنا كمان هنقعد أسبوعين العيال خدت اجازة نص السنة واهو مش هنمشى غير لما نفرفشه وحضنت امها
سما ماشية هى وراضى على البحر
راضي ماسك ايد سما مبسوطة يا حبيبتي
سما اتنهدت بصوت عالى
راضي مالك انتى مش مبسوطة ولا ايه
سما لا مبسوطة طبعا
راضي انتى زعلانة من اللى حصل امبارح صح
سما فتحت عيونها على الآخر وبصت بعيد
راضي وقف وركز في عيونها أوعدك اكون حنين عليكى من هنا ورايح
سما بتبصله بصدمة
فضل طول النهار يتفسحوا
ورجعوا اخر اليوم للفندق
سما قاعدة ساكتة
راضي قرب منها مالك ساكتة ليه
سما مافيش حاجه أنا بس تعبانة وعايزة انام وقامت خدت هدومها ودخلت الحمام
راضي نفخ في الهوا وغير هدومه هو كمان وسبقها على السرير
خرجت سما أول ما شافته على السرير اتوترت
راضي ابتسم لها تعالى يا حلوة
سما قربت بتوتر وقعدت جمب راضي
راضى شدها بسرعة انتى لسة هتقعدى تعالى وشدها لحضنه وطفى النور
وكان ليل طويل على سما نامت بعد قلق وتعب مالوش حدود
وبتعدى الأيام على سما من غير احساس باى شئ لحد في يوم حصلت حاجه غريبة
