رواية المتمرد والصغيرة الفصل الواحد والعشرون بقلم رسل
و يا هلي لو ضعت منكم
عني لتنشدون وادم
مالي بالوادم ربع
روحو خمو عيون كل متعوب تلگوني دمع
_______
اديان.. دخلت للمطبخ الانظار كلها توجهت علية
يمكن عرفو بي جان نايم بالغرفة
بديت اسوي ريوگ و بشرى وياي
ام محمد : تعااي هدي الريوگ امشي نضفي المضيف
ابو فهد : بسچ انا چنت معاقبها و خلاص مو تكيفين ع الشغلة امشي كعدي البنات خل ينضفن
اديان.. هي عوجت حلگها وهزت ايدها و طلعت ورا دقايق نزلن تلاثتهن يفركن بعيونهن شافوهن گامو يضحكون
زيد : هاي ذيبة ههههههه
-كملنة الريوگ هم گاعدين ع الميز منتظرين يگعدون حسب المزاج يومين ع الميز و عشر ايام بالگاع خبلوني گعدو الكل ياكل
الحجي : بوية مدام تصالحتو انتي و ابو فهد و ان شاء الله متصير بينكم عركات ليش شردتي بوية
- ضليت ساكتة ماحچيت رفعت راسي باوعت لابو فهد هو هم يباوعلي
الحجي: بوية مو جاي احجي وياج
- عمو ضربني ابو فهد
الحجي : هيج بدون سبب
ابو فهد : يابة مشاكل بيني و بينها لحد يتدخل
الحجي: ردها لاهلها يابة هي السنة و خلصت اذا متريد البت
اديان: دنگت راسي شحچي و هو ابوية البايعني
ابو فهد : لا بوية انا مرتي اريدها
الحجي : الله يهدي سركم بوية
فهد: يعني بابا بعد عادي احجي وي اديان
ابو فهد : عادي يابة
اديان: صح هو دافعلي بس احس اني ما الي قيمة هو يمشيني حسب مزاجة يعني 3 اسابيع خلاهم و لا واحد ينطق وياي حرف و ذلني
و هسة هم يردون يحچون وياي يسئلونة يلا هم احس روحي نذليت مرة ثانية
خلصو بديت اغسل مواعين وكملت نضفت الغرفة الجوة ردت اصعد انضف غرفتة بعدين كلت لا خلي بناتة اني شكو بدن يسوون غدا و اني بس اساعدهن بعدين رحت سبحت
هم كلهم يجون ع الغدة ابو سراب عندة محل اجهزة كهربائية و زيد يروح للشركة بس مو هواي هو منتظر تعيين و هذاك اخوهم ميطب للبيت بس بالمناسبات
بس يوگف برا هم يومية بالليل يلتمون و يضلون ودي جاي جيبي الجاي و حطي الفحم ع النار
المهم جان الغدة مقلوبة كعدو بالصالة اكلت شوية و كمت رحت بالغرفة بين ميخلصون اروح اغسل المواعين ضليت اباوع تلفزيون ورا نص ساعة طلعت لكيت حوراء و زهراء يغسلن مواعين
لكيتهم بالصالة هو صاحلي رحت يمة گال بعد چاي
رحت صبيتلة و اني اقرا ايات لا بناتة يسوولي شي بس الحمدلله ..
رحت وديتلة الجاي
زيد صاحلي هم كلي جاي رفعتلة حاجبي و كعدت ع القنفة
ابو فهد گام يضحك هو وزيد و گام زيد صب چاي لروحة و گعد
فدعة : شونج ولج صخمان
اديان: ........
فدعة : يا و الغسل مو احچي و ياج
اديان : ها
فدعة : و قز القرط تراه هو ابو قرد گال اليحچي وياها اطردة من البيت انا اذا طلعت من البيت منو يفليني شحصل اديان العرمة
اديان: ادري مو صوچچ
فدعة : صوچ الكاعد يمج زين تعاي اكلچ شني هاي العرامة ترحين تشردين وحدچ انا چان المرحوم ع الصاعدة و النازلة يضربني
چا تدرين مرة راد غدة دهن ماعدنة رحت كتلة ماعدنة دهن شون اسويلك
نزع حزامة وضل يضربني شلل بيدة كون لا لا الله يرحمة
اديان : هههههههههههه هذا خبل
الحجي : منو الخبل بس لا ابوي
ابو فهد : لا يابة مو وياك
الحجي : ضل سترلها ضل
اديان.. كامو يضحكون اني ورا شوية رحت للغرفة طفيت الضوة و شغلت البلازما ضليت اصعد بالقنوات ماكو شي حلو اندگ الباب گلت منو
زيد :اني
-اديان فتحتلة الباب كعد ع الكرويتة عفت الباب مفتوح
زيد : شونج اديان
اديان........
زيد : شوفي اني مو لان ابو فهد كال لحد يحجي وياها خلي تحس بغلطها ما احجي وياج لا بس اني ضجت منج لان شردتي و اني جنت اكول من بين البنات اديان وبس و جنتي ناوي حتى اذا
اريد اتزوج اخذ بغدادية بلكي تطلع مثلج انتي اني مو دزيت عليج ورا ما كسرت باب الغرفة ردت اخذج اطلعج تغيرين جو و اذا ضايجة من عندا روحي بغرفتي نامي اني انام بالمضيف
بس السويتي اكبر غلط انتي بنية و طلعتج بذاك الليل صعبة يعني حتى الگو** هم غيرتة متقبلها تدرين لو اني مرتي مسويتها وحق موسى ابن جعفر اذا ما كتلتها خلاص اطلگها
بس ابو فهد غير اعتبرج مراهقة و گاللهم مخابرة ابوها و ماخذها بس ما گالتلنة خليتي اليسوة و الميسوة يحچي علينة و صح ضجت لان ما جنت احجي وياج بس هذا عقاب الج حتى تتعلمين
وبعد لتسويها ديري بالج ترى ابو فهد لسة انتي ماشايفة وجهة الثاني هذا كلة زين ترى و هاي اني هسة جاي انصحج وبعد بكيفج اني مثل اخوج الجبير و هسة نتصالح لو شلون
اديان : لا
زيد : دمشي لج حتى حلگي كام يوجعني من الحجي و دگلي لا
هو ابو فهد ابو المصيبة صالحتي اني متصالحني
اديان: هو اني غير مرتة يعني حقة من يعاقبني انتة شكو صرت ويا
زيد : اني اخو للي تصيرين مرتة
اديان: والله معلومة
زيد : شعبالج غير دكتور اني
هسة شلون راضية لو لا
اديان: وهاي هيج انتة ماعندك شغل و عمل كاعد تدور رضاية
زيد : غير مرت العزيز انتي
اديان ... ضلينة نسولف شوية و هو راح واجة فهد كال بابا يريدج
طلعت لكيتة كاعد بالصالة كال حضريلي الحمام يابة
صعدت لكيت الغرفة نضيفة بس ممرتبة حضرتلة الحمام و رتبت الغرفة هو دخل للغرفة
ابو فهد: حياهم الله
اديان: ابتسمت
هو دخل للحمام و اني فتحت شبابيك الغرفة وعطرتهة و نزلت لكيت بشرى دتسوي زنود الست كالت سوي كهوة سويتها و نزل هو لابس دشداشة جوزية يمشي و يسد الدگم مالتها
هو صح تصرفاتة مو مال واحد مغرور بس الواحد من يشوفة وجهة يحسة مغرور مادري اعتقد السبب معاني وجهة الحادة و حركة حواجبة اربع و عشرين ساعة عاقد حواجبة وجهة مال واحد عصبي بس بالصدف تشوفة مرتاح
ولمن جنت بالغرفة انام يمة لا شوية يبطل هاي الحركة مال الحواجب گعدو بالصالة و ضلو يسولفون بناتة ابد مينزلن بس وقت الاكل واذا مرات صاحت عليهن ام محمد
ورا شوية بدت بشرى و ام محمد يسوون عشة و هم يصلون جان هو واكف يم الدرج صاحلي
اديان: ها
ابو فهد: امشي بدلي
اديان: وين
ابو فهد : هسة انتي شعليج بس امشي
اديان.. طفرت للغرفة لبست بنطرون و بدي فوگاهن الجبة و شمرت الشال ع راسي طلعت لكيتة كاعد بالصالة گام و اجة يمي
ابو فهد : شنو هذا امشي لبسي عبا
اديان : ماعندي
ابو فهد : لا گولي ما عاجبج تلبسيها عدلي شالچ و امشي گدامي
اديان... طلعت هو طلع وراي صعد بالسيارة ردت اگعد ليورة اشرلي بأيدة ليگدام گعدت و داس ع الهورن فتح الحارس الباب سيارتة بيضة عالية بس جامها اسود اعتقد مضلل
بعدين الباب الچبير چان مسدود الي صاير بنهاية الشارع هم فتحو اول شي نزل يم مطعم نزلت ويا هو حاچة شاب والشاب اشرلة
لزمني من ايدي و گعدنة بقاطع خاص مسدود محد يشوفنة
ابو فهد : شمشتهية
اديان: بكيفك
ابو فهد : لا اليوم انا اريد اكل بكيفچ
اديان : بيتزا
ابو فهد : هايهية صار
اديان .. اشر للولد اجة گالة بيتزا اثنين ورا شوي جابو بيتزا و فنكر و مقبلات و ببسي هو اكلها بقة بس قطعتين اني بقيت اربع قطع
حاسبهم و طلعنة رحنة للمول هم يسمو سنتر گال اخذي شنو يخطر ع بالچ و ملابس اخذي الوان مو اسود
اخذت ملابس بيت تراكات اثنين و دشداشات اثنين و 3 شالات ماريد ماحب اشتري هواي رحت لگيتة واگف برا گتلة اخذت ذولي
ابو فهد : شنو جايبتني تضحكين علية هاي شنو
اديان : شنو
ابو فهد : امشي بابا اشتري اليعجبج ترى مو يومية اخذچ
اديان: لا ماريد والله ذني كافي
ابو فهد : امشي شنو بكيفج
اديان ... دخلنة لقسم الملابس چانت بنية واگفة گاللها بعد اخوچ اخذيها اختاريلها ملابس عزاا شلون خجلت يالكعبة
ضلت البنية تگلي هذا واني اهز براسي
بعدين رحنة لقسم المكياج گال تردين لو لا اني هنا ماگدر ارفض
هزيت راسي ب اي
هو ضحك گال يلا منتضرج بس مو ياخذج الواهس تحطين ام المحل بالعلاگة متتت من الضحك انطاني ورقة گال عود انتي حاسبيها اني هنا منتضرج
دخلت اخذت كم قطعة و حسبتهم البنية رجعتلي الفلوس اجيت يمة انطيتة الفلوس
ابو فهد : رحمة لربچ شگد قنوعة دهاچ شو هاچ اني شسوي بالفلوس انطيتينياهن
اديان... طلعنة من المول صعدت بالسيارة گال هسة اجي راح جاب موطة و اجة بعدين نزل الجامة مالتي و مالتة ضلينة نفتر اول مرة بحياتي واحد هيج يطلعني صارت ب 11 گال يلا نرجع گتلة اي
وصلنة لمناطقهم صعد الجام و و دخل السيارة نزلنة اخذ هو الغراض بس ما خلاهن بالغرفة الجوة صعدهن ويا البيت محد بي كلهم بغرفهم بس فدعة و نايمة نزعت الجبة دخلت سبحت و ظفرت
شعري فرشت فراشي ودخل فهد گال بابا يريدچ كتلة هسة اجي
ضليت حايرة اصعد لو لا
