رواية المتمرد والصغيرة الفصل الثاني والعشرون بقلم رسل
______
تخرب من يصير النشِد بالگوة
من صارت تحشّم بعد ما تسوة
______
- ضليت حايرة اصعد لو لا ؟
بعدين كلت خلي اصعد بس ما انام يمة شنو لوتي ياخذني يونسني علمود اروح يمة صعدت دكيت باب الغرفة گال ادخلي
- رايدني ؟
- اي هاي ملابسچ تعالي رتبيهن لو منتضرتني اني ارتبهن
- لا بس اني گلت اخليهم جوة
- الغرفة الجوة مال خطار و گعدة انتي شعندچ بيها هاي المن چا
- بس اني ماريد انام هنا
- ليش
- ما اريد
- شوفي بوية اذا تضلين تتعززين علية ترى كلشي و الة صبر اني صابر عليج سنة و ترى السالفة وراچ وراچ اذا مو اليوم باچر
ف انتي خليها برضاتچ ليش تصير غصب
- بس اني ما احبك
- هذا الحچي چنت گبل اهتملة لان چنت اگول ترجع لاهلهة بس هسة اني مشتريچ يعني هذا الحچي ميفرق عندي و اني زايدة مني
اخذ رأيچ
- وهسة شنو جاي تعيرني ؟
- لا ما اعيرچ بس جاي اذكرچ هاي انا وگفت بنص عمامي وگتلهم مرتي شريفة و هسة واگفة كبالي تگليلي ماريدك ماحبك شتردين اصفگلچ مثلاً
- و هسة شتريد
- طلعي وسدي الباب درت السَد لا رد
- انتة صحتلي ترى
- الظاهر تعودتي ع الضرب انتي
اديان...طلعت وسديت الباب قوي ونزلت جوة فرشت فراشي ونمت گلت كافي بچي الى متى شنو هالعيشة هاي گعدت الصبح غسلت وجهي و فرشت
رحت للمطبخ ما لگيت احد شعجب يومية هيچ وكت گاعدين رحت للصالة فدعة ماكو غرفة ام محمد مقفولة هي متقفلها بس من تطلع شنو هايي صعدت فوگ فتحت غرفة فهد ماكو
خفت اروح لغرفة بناتة دگيت باب غرفتة
گال ادخل لگيتة كاعد يبدل وريحة العطور تارسة الغرفة
- شو محد موجود
ابو فهد .........
اديان..عشتو هذا زعلان گلت ما اطول ويا اهم شي واحد منهم موجود سديت باب الغرفة و نزلت كعدت بالمطبخ ورا شوية نزل هو من فوگ لابس بنطرون اسود و بدي رصاصي حط تليفونة و محفظتة ع الميز و فتح الثلاجة اخذ بطل مي
دار المي نصة بگلاص و عصر ليمونة و شربة بسرعة بس حواجبة معقودات ابد ما فكهن يمكن اذا واحد يطخة يشتعل نار طلع و شغل السيارة وراح يمة اني كلساع اتخيل شبح
نظفت البيت و صعدت نضفت غرفتة و سبحت نوب ماكو شغلة اسويها و بس اضل كاعدة اتخيل شغلات نوب جعت فتحت بابزمن الكاونتر متروس اندومي و معكرونة لان فهد مدمن مال اندومي
يمكن جايبهن علمودة اخذت واحد و رحت للمطبخ الحار اجيت اشغل العين مال الطباخ متشتغل شلت القنينة مال الغاز شفتها خفيفة
يمها اكو هواي قناني
شفت اكو هواي ثگيلات خليت المنظم بوحدة منهن فتحت الطباخ وخليت جدر مي صغير و ضليت واگفة يمة خليت الاندومي ورا شوية شفتة صار اجيت ارفعة من النار اشتعلت القنينة نار
اني شمعرفني لهاي السوالف ركضت للگراج دگيت الباب
- ها اختي
- حباب خابر ابو فهد القنينة اشتعلت ناررر ليحترگ البيت
- سوولنة طريق خوية بسااااع
اديان.. دخلت للغرفة و قفلتها ورا شوية اندگ باب الغرفة حيل
ابو فهد : فتحي الباب
اديان ..فتحت الباب هو لزمني من ايدي و من وجهي ويردد
خو ماصار بيج شييييي .. أتذيتي ؟؟؟
اديان: هدددد ايدك ما اريد اشوفككك لتسوي روحكك خايف علية
انتةةةةة ليششش هيج انانييي ليشش هيج تعاقبني نفسياً عايفيني وحدي بالبيت بس علمود تخليني انذل و گلبك يرتاااح ترى اني مو مجرمة عندك حتى تخليني بسجن انفرادي والله تعبت منك عادييي
اضربني بس لتسوي بية هيجج كمت احسسس بروحي مخبلةةةةةةة
انتة ليششش متعاملني مثل بناتكك اني شنو بيدي اذا ابوية مابي حظ وباعني الك وخلاني مذلة لليسوة و الميسوة
والله تعبتتتتتت منكممم انتةةةة و ابويةةة وكلكم كلككم
اجة هو حظني يريد يهديني دفعتة حيل ودخلت للغرفة قفلتها وضليييت ابجيي لحد ما نمت من التعب كعدت لگيتة گاعد ع القنفة فوگ راسي باوعت للساعة دنيا المغرب انصدمت گمت من الفراش و رحت غسلت وجهي وهم ماكو و لا صوت بالبيت يعني بعدهم مو
هنا فتحت باب المطبخ الحار لگيت بطانية خاليها ع القنينة و الاندومي بعد بكانة ذبيتة و نضفت المكان هو راح گعد بالصالة ويباوعلي
وين اروح ووين اجي اخذت ملابس ودخلت وطلعت
ابو فهد : ادري شنو بطة كل شوية وطالعة من الحمام ؟
العشة بالمطبخ صبيلي
اديان.. كلت بكلبي هايهية هي بس هاي الفالح بيها
لگيتة جايب كباب يبو شكد يحبونة ولو هو حتى اني احبة رتبت المواعين ع الميز اجة هو حتى بدون ما اصيحلة
هنا السالفة مابيها زعل وشي اكلت و گمت غسلت ايدي
ابو فهد : چاااي بوية
اديان.. يمكن يگول چاي اكثر من اسمة والله
ابو فهد: هاها صدكك ماريد چاي بوية ماريد
هو اليوم مسوية اندومي حرگتينة
مشكورة بوية چايچ وصل
اديان : بعد احسن
ابو فهد : هيچ انا ثگيل عليج ؟
اديان : واكثر مما تتصور والله
مسح شواربة و لحيتة بأيدة و گال
ابو فهد : تهوووون بوية الها رب
اديان.. گلت بگلبي هو انتة هم تعرف الرب
نضفت المواعين ورحت للغرفة اباوع تلفزيون اجة هو گعد يمي
اديان: البيت ليش فارغ
ابو فهد : راحو للنجف و كربلاء
اديان: وليش ما خليتني اروح وياهم.
ابو فهد : بمزاجي عود من تجرين عدل و تحترمين نفسج
اني اخذج
اديان : اني محترمة غصباً ع اليرضة و الميرضة
ابو فهد : اي ليش لا الج و لأهلج
اديان : شتقصد
ابو فهد: المعنى في قلب الشاعر لتلحين
اديان: والله اذا انتة تنحسب من الشعراء خلي يعزلون احسللهم
طگها ضحكة ورجع يلعب بتليفونة ضليت اباوع تلفزيون لحد الساعة ب 11
دخلو كلهمم بس يبوو مبين عليهم التعب و كلهم راحو نامو مشت الايام عادية هو ميحچي وياي بس من يريد شغلة
اجني زهراء و حوراء المغرب
حوراء: اديان اني اسفة ونريد نرجع صديقات
زهراء : اي والله
اديان : شكرا عيني واني ماريد
حوراء: ليش
اديان: احسن
حوراء : شبيج ثول والله نريد نصالحچ
اديان: گتلچ ماريد شون سالفة هاي
راحن كعدن بالصالة اني رحت للمطبخ وي بشرى
وبشرى بس تصيح مدري شبيها ضايجة
گالت ابقي واكفة يم الجدر هسة اجي راحت فوك النص ساعة يلا اجتي
بشرى : هااايشنوووو يمعودة التمنننن احترگ والله اني مالي غرض
اديان: لعد اني شكو انتي كلتي شوية و اجي و اني ماعرف لطبخ
لتشمرين السالفة براسي
بشرى: الگبر للفاهية
اديان: لتغلطين افتهمتي لو لا مو ياهو اليجي ضايج يطلع حرگتة بية
بشرى : وانتي منو يگلبچ بابا
اديان: هسة انتي منو حارگ حمامج يگلبوني لو لا
بشرى: دمشي لچ انتي لو غيرچ ابوچ وعمامچ اهل الشرب والدعارة
اديان: اني اشرفچ و اشرف عشيرتچ و اشرف الاكبر منچ بعد لو كافي ؟
ابو فهد : هايييي شكووو اصواتچن واصلة للشارع وانتي شبيچ لچ
اديان.. يحچي و يأشر بأصبعة علية گتلة سلامتك
بشرى: خوية ترى ميصير انا اديان تغلط علية چي كتلها حطي عينچ ع التمن تالي لگيتها حاركتة
اديان: خرب عرضچ شگد چذابة
ابو فهد : ادياااااااااااان امشي فوگ
اديان .. صعدت و هو صعد وراي
ابو فهد: موعيييييييب تگوليلها خرب عرضچ هااااااا
اديان : عادي احنة منعتبرها غلطة
ابو فهد : واحنة نعتبرهاااا غلطة
اديان : وهسة شتريد
ابو فهد : لج ليش متغيرين هذا اسلوبچ ترى وعلي امرد حلگچ
اديان : هو انتة گدرتك على اديان قابل منو غيرها تتحملك
ابو فهد: باعي لچ ترى گوة متحملچ لتخليني ارجع اهينچ مثل قبل جاي اكول كبرت و صارت تفتهم بس الظاهر بعدچ لسة زعطوطة
اديان: شعندك عايفني هنا يمك لعد
ابو فهد : غير ابوجً باعج و انا مو ثوبي نسواني تصير عالة على واحد
اديان.......
ابو فهد : استغفر الللللللله
اديان ... طلع و سد الباب حيل ورا ضليت بالغرفة ما نزلت وخلي هن يغسلن المواعين والله لو يموتون ما انزل فتحت التلفزيون و ضليت اباوع لحد ما نمت ع الجرباية فزيت
ع صوت بيبان الكنتور تنفتح وتنسد لگيتة هو ديبدل گمت بسرعة من الچرباية هو طفة الگلوب و نام رحت افتح بباب الغرفة مينفتح
اديان: افتح باب الغرفة
ابو فهد : هي غرفتي ترى
اديان: اريددددد انزل
ابو فهد : متنزلين منو يمج
ابو فهد : متنزلين منو يمج
اديان... گعدت بالگاع و خليت راسي ع حافة الچرباية
وضليت مغمضة عيوني حسيت واحد باسني من راسي فتحت عيوني لگيتة گاعد بصفي
ابو فهد : بس اريد اعرف الشي الترتاحيلة وعلي كلشي يجرالج بس اشري
اديان : نزلت دموعي گتلة .. ماريد شي منك
ابو فهد : ترى وروح امي گلبي يفرفح من اشوفچ هيچ احچيلي يوجعج شي تردين شي اكو احد مضوجچ
اديان : مخنوگة والله مخنوگة بس محد يفهمني ابوية باعني وانتة بأقل سالفة تعيرني بي
ابو فهد : بس هاي المضوجتچ وعلي هذا يمين علية بعد اذا طلعت مني اناا مو ابو فهد شو دتعاي بحضني دتعاي
اديان: انتة ليش هيچ
ابو فهد : شبية
اديان: مادري انتة مرات احسك محبوب مرات مكروه
ابو فهد : خلفلة عليج بوية بس باعي يابة انا خلگي گصير و هذا طبعي والله بلاچ بية مو يگولون المؤمن مُبتلى هايهية الله جاي يمتحنچ بية
انا لا عشت طفولة لا شباب كلة گضيتها شغل و دراسة بعدين صرت ضابط و نوب سري يعني حتى اذا احقق و اعاقب شخص اني ملثم هسة راح دگولين تخاف
لا مو قصة خوف بس هذا شغلي اني ماتعينت ضابط اعتيادي الا سري و بهذاك الوكت جان ماكو شغل ف غصباًً علية قبلت اصير سري وهسة اكدر اصير مثل كل الضباط
بس انا بعد تعودت ع الشغلة صارلي 13 سنة اني امارسها مو سهل اكدر اتعود ع غيرها ومن كثر الجرائم الاشوفهة و الاشياء الي متخطر البال هيچ صار طبعي
و هذا العمر كلة جبتة ماطبت براسي وحدة سهام الله يرحمها جانت شابعة قهر مني بس جانت هي هم طبعها شكوكي وتغار وهم جانت
عدها بعد سوالف بس يكولون اذكرو محاسن امواتكم
و بيداء الي هي شبعتني ذل من جنت صغير اني اكدر هسة اطردها من بيتي و حتلو ابوية راد يروح وياها الله وياه
بس اني اريد اعيشها نفس الذل
جانت حارمتنة من الاكل اني و زيد و هيفاء هسة تاكل بخيري ابوية فضلها ع امي وهي خدامة يم رجل امي ما اشغلها
وهاي گتلج صارلي اربعين سنة عايش شفت بنات اشكال و الوان بس مكتوبلي العشگ تالي العمر و عشگتچ
اديان: زين شلون صرت شيخ و ابوك بعدة عايش
ابو فهد : مو سنة من السنين ابوية تمرض كلش و هو گال انا ابراهيم هو الشيخ بعدي و ابوية حتى بعد من صار زين ما استلم الشيخة خلاها بيدي
واني صح صعبات علية شغلتين بس متعود
نعستي لو بعدج ؟
اديان : لا بعدني
ابو فهد : خوشش چا خا اسئلچ چم سؤال
اديان : اوك
ابو فهد : ليش ابوج هالشكل تصرفاتة يعني مو كلش يحبكم او ما براسة غيرة
اديان : هو جان يحب وحدة ولمن اجة كال لماما و حركت نفسها هي من سمعت هيج البنية عافتة و گام يشرب بس اذا ع الكره هم ميحبون البنات حتى عمامي و جدي
ابو فهد: احسن خليچ بس الي
تدرين جايبلج تليفون قبل شهر و كل ما انوي انطي الج
اتعارك وياج
اديان: ماريد نوب هم تسويلي سالفة بي
ابو فهد : لا واثق بيج بس انتي تچفي شري
اديان: اوك
گام راح جابة من الكنتور فتحة جان شحنة 40 كال هذا سيم كارت و خليت بي اسمي و اسم زيد و هيفاء
بس ممنوع اي برنامجج بس اشوف بي برنامج افلشة
اديان: بعدنة بسم الله
ابو فهد: هههههههه وعلي احبج من تخافين
اديان : ما اخاف ترى اني
ابو فهد : يي واضح بوية
اديان... نمت واني فرحانة واوو صار عندي تليفون
كال حطي ع الشحن حطيتة ونمت كعدت الصبح هو ماكو اباوع للساعة ب 12 شنوو هاي
معقولة هيج مرتاحة بالنومة زين شعجب محد كعدني نزلت جوة لكيت بشرى دتسوي غدا و مطنگرة و فدعة كاعدة تشرب جكاير
فدعة : هلا بالمسعدة لازم حلتلچ النومة يمة
اديان.. عزا هاي شلون هيج متستحي عفتها ورحت اخذت ملابس و سبحت لان متعودة هيج وقت اسبح دخلت للمطبخ بشرى تمشي و تأفأف
گلت العفو الحظي اذا حتى وي بشرى ما كعد اخذ تفاحة من السلة غسلتها ورحت يم فدعة
اديان : شونج فدعة
فدعة: زينة
اديان: وشبيج ضايجة
فدعة: خايبة ولي وليدي مريض
اديان : ياااا الحجي ؟
فدعة: جا عندي غيرة
اديان : الله يشافي ان شاء الله
فدعة: اي عفية ادعيلة ولو ادري ما مستجاب
اديان..ضحكت وعفتها صعدت نضفت الغرفة فتحت الكنتور لكيت ملابسي و المكياج الاشتريتة كلة موجود حتى جنت ناسيتة
انفتح الباب ودخل .....
