رواية اخذوني دفع للدار فصليه الفصل الثاني والعشرون بقلم زينب نور
جنت ليّه الاهل انت وجنتلي البيت وبس انت الجنت بالدنيا عاجبني وجنت انت التذوّب قلبي لو عدّيت وأطيحن لو عيونك مرّه تنظرني جم مرّه الوكت يجرحني متأذيت بس زعلك عليه الجان يألمني بشر غيرك أبد بكليبي ما حطيّت وكل واحد بعد بالدنيا ما همني جنت بعيني ليلى وجنت جوليت وجنت آنه قيس وروميو بذنّي وصرت كبالي عبله ووالله لو مرّيت اصيرن عنتره وابن امه اليكظني شجاك تغيرت وبروحي ما خليت بس حسره ودمع وجروح أذتني وشجاك تغيّرت صدكني ما ظنيت تنساني بسهوله وتبتعد عني أشتريت محبّتك بالغالي كلّي شلون فلس ونص محبتك هسه باعتني يا ذنب الجنيته وكلي انه شسويت حتى انت بعذابي لوحدي تتركني جنت آنه الحبيب الما يزيحه الكون واحد هسّه زاحه شلون فهمني تمشي كبالي تضحك منشرح وياه ما عندك قصد كل قصدك تغثني مو صوجك ابد لا بيه كل الصوج قلبي بهل المواقف هوّه اليحطني صح آنه انجرح بس الجرح استاذ قاسي بشرحه لكن درسه علمني تعلمت ابقى صادق بالعشك للدوم ومنه اصنع تجارب خبره تكسبني روح خطيه انت ولا تظن بيوم تعرف شنهو حُب وتمسي متهنّي ما تكدر تحب تايه تظل حيران وقلبك ما يدك فد يوم صدكنّي وما تعرف بعد محبوب مثلي يصير واذا واحد يصح لك مثلي عاتبني تلث سنين احبك تالي هذا الصار طول المده وانت بحبي خادعني آنه اتكنّسلت هذا الغشيم شلون اذا ما عفته بعد اسبوع خابرني
********************************
نهر: صعدت فوك وصلت للباب وفتحته ضليت مصدومه من المنضر الي شفته حست الدنيا صارت سوده بعيني مادري شنو اجاني من احساس درت ضهري ردت انزل وصلت للدرج وراها ماحسيت بشي بعد
ليث : تعده الوكت وانه احوس اريد اشوفه تعمدت اطيح الكهوه ع ملابسي كتلهم سهله سهله دخلت بحجه ابدل وصلت للدرج صحت لبنت مياده كتلها صيحلي نهر كليله خالو يريدج فوك خليت وصعدت فوك جاي انزع الدشداشه ونفتح الباب عبالي نهر لتفتت وجان اشوف صدف واكفه كتلها انتي شسوين هنا بعدني ماحاجي تقربت مني وباستني بهاللحضه فتحت الباب نهر ماكدرت افسر نضرتها الي حاولت اصيح عليه ماسمعتني ولا اللتفتت الي وصلت للدرج وطاحت من طولها درت ع صدف وكتلها حسابج وياي بعدين ركضت ع نهر وشلتها خليتها ع الجربايه حاولت اصحيها ماصحت رشيت عليها ماي بدت تكعد صحت شويه بس حسيتها بدون روح من كعدت كبل كامت وكفت ع المرايه عدلت روحها ونزلت بدون متحجي ولا حرف كلت خلي اعرفها هسه لليل احاجيها خليت ونزلت جوه وانه بالي كله يمها حتى يحاجوني مارد عليهم ابدا بالي مشتت شويه وعمي كال
علي : شيخ تسمحلنه باجر من الصبح طالعين للسماوه مانضل اكثر العقد وتم
شيخ عكاب : الي شوفه ابو عبدالله بس الاسبوع الجاي تجون تراها مشيه غضب
علي : انشالله شيخ
صدف : جنت واكفه وسمعته يكلها صيحيلها تعمدت اصعد وابوسه وخطتي نجحت موانه الي اخلي وحده مثل هاي تاخذ حب طفولتي بس كلي حسابج وياي بعدين كلت معقوله هيج حباها ليث الي جنت اشوف بعيونه الحب نزلت جوه سويت روحي مامسويه شي وراها بعشر دقايق نزلت نهر خفت شويه كلت هسه تحجي بس عبالك مصاير شي ولا كانما شوفني وكملت الحفله وركصت وهلهلت وتكول
نهر : كعدت من اغمائي احس روحي انسانه بدون شعور حيل تاذيت لدرجه ماكمت احس بالالم حيل خذلني يعني يضحك عليه اخذني واخذ اعز ما ااملك تحت مسمى الحب وهيج يسوي بيه يكسرني نزلت ولا كاني اشوفه كبالي طبعي هيج الاتاذه منه اعتبره ماموجود هذا الي خلاني اكون قويه من يوم جنت صغيره بحيث الي يزعلني يعجز يصالحني ولازم يصبر نزلت وشفتها ولا جني شفته سالتني لجين
لجين : حبيبي شوتاخرتي فوك
نهر : رحت للحمام حبيبتي الضاهر اخوي مل وينه
لجين : صاحوله كلوله عمار صاحلك ولو شوفين همس دردم عليه هههههه ضحكتني
نهر : تصنعت الابتسامه
لجين : حسيت بيها شي نهر بيج شي حبيبتي
نهر : عمري مابيه شي زينه بس دايخه شو راسي يوجعني
لجين : حسدوج خيه طالعه كمر
نور: اسمعهن يحجن اي والله كمر
نهر : خجلتني عابت
من اللحضه الي واكفه بيها لوشمايسوي ماحاجيه ولا اللتمس اله عذر ليث انتهه بالنسبه الي رغم احس نار بنص كلبي مشتعله كملنه الخطوبه وركصت وهاي نويره صور بيه ادري بيها ليش كملت ركص وخلصنه وتعشينه وخلصنه والناس راحت واكفه بالمطبخ اجت امي
سميه : يمه باجر رايحين للسماوه تجين ويانه لو تبقين ابوج يكول بكيفها هيه
نهر : صفنت وكتلها وياكم ارجع يمه كلشي انتهى بهذا المكان وبعد مالي ضله
سميه : شبيج نهر الصبح فرحانه والصار بينج وبين الشيخ
نهر : يمه الصار وهم كلشي وهم الشيخ ماله وجود بحياتي بعد
سميه : صاير شي
نهر : ماصار الدم ووكع بعد ليش ابقى يمه تعبانه اريد ارجع الكم لبيتكم يمه بعد مابيه حيل اتحمل تعبت ضليت ابجي وامي حضنتني وزدت بالبجي ردت اصعد كلتلي حضري نفسج بال 5:00 🕔 نطلع كتلها اوكي صعدت اخذت ملابس وفتت للحمام وفتحت الماي البارد والجوًبارد اصلا جان بوقتها شهر 12 انه اجيت الهم نهايه شهر عشره سنه 2013 احس الماي البارد يجويني من كد ماكلبي محترك ماحس باي برد خلصت وطلعت فرشت فراشي بالارض ونمت ماحسيت ع نفسي غير من ليث ديحاجيني
ليث : خلصت ودخلت فوك مستعجل اريد اشوفها اريد ابرر الها الي صار دخلت لكيتها نايمه ومغطيه راسها كلش للاخير كلت يجوز متريد تحاجيني معصبه تمددت وضليت اسمع ونين جاي منها ترجف من البرد وتصيح ماما وينج تعاي راح اموت اخذيني طفرت يمها اريد اشوفها شبيها وخرت البطانيه وشفت وجهه كله مبلل مديت ايدي ع خدودها حارات كلش لكيت حرارتها كلش مرتفعه لدرجه الهذيان وعيونها تدمع وحدهن هنا ضليت اللوم روحي انه سبب مرا ثانيه بحزنها انه حاولت اصحيها سويتلها كمادات ضليت انده بيها انده (بمعنى اكعدها) شويه فكت عينها
نهر : فكيت عيني لكيت روحي ع رجل ليث نايمه كمت من يمه بفزه وكتله بالك تمد ايدك عليه لوتفكر تلمسني وخر عني
ليث : نهر بس خل افهمج الله يخليج لاتتسرعين بالحكم
نهر : هه ماكو داعي تفهمني لو تشرحلي كلشي باين وكلشي انتهى من هاللحضه انت متت بالنسبه الي
ليث : عصبتني طريقه كلامها وكتلها براحتج خليت وطلعت طبكت الباب حيل
نهر : طلع وسد الباب حيل كعدت ابجي ع حضي وعلى كلشي صار بحياتي ليش ياربي ليش شنو سويت بحياتي من اجيت لليوم متاذيه واخير شي بليتني بحب شخص طلع يضحك عليه ميحبني راد ياخذ بس رادته مني ويعوفني عفت الكلام لان ميفيد وكمت لميت ملابسي كلهن وصارت ساعه ب 4:30 🕟 الفجر خليت كمت توضيت وصليت ونزلت جنطي ونزلت انه صار ليث بوجهي
ليث : صليت وردت اصعد صارت بوجهي هيه وجنطتها باوعت بستغراب وين رايحه ؟
نهر : كتلك كلشي نكضه وخلص وانه راجعه وي اهلي ماطول الدم نفك وانت كلت بنفسك بكيفها تبقى لوتروح
ليث : باوعت عليها لاول مرا احس انه الضعيف وهيه القويه بنضراتها الي منعدمه بيها الحياه كتلها براحتج روحي بس بلحضه الي طلعين بيها منا خطوبه اخوج من اختي تنفك وانتي بكيفج
نهر : كلي هيج باوعتله بقوه بس داخلي مكسور كتله انت انسان حقير واناني وتفكر بروحك
ليث : عصبت ودنيت يمها هالمرا كلتيها المرا الجايه اكص لسانج كتلج القرار الج تردين تخربين فرحه ثنين براحتج
نهر : بوسط المي وحزني ختاريت سعاده اخوي ولجين لان واحد يحب الثاني ههه تذكرت قبل خطوبتها بيومين سولفتلي كلشي وصراحه حيل فرحت الهم سامر يستاهل لجين وهيه هم خليت ونزلت جوه دخلت اغراضي لغرفه مئساتي القديمه ونمت ع الجربايه احس جسمي مكسر والحراره بعدها بجسمي اخ وكت اتمرض هسه شهالفكر سمعت صوتهم كعدو طلعت صبحت عليهم وامي كالت
سميه : هايمه شقررتي
نهر : يمه ماروح ابقى هنا انتم روحو
سميه : انشالله يمه ديري بالج ع روحج
نهر : انشالله
قسمه : صباح الخير
نهر : صباح النور خاله رايحه للمطبخ اسوي ريوك
قسمه : ماشي يمه روح ها خيه ام عبدالله رايحين
سميه : اي والله خيه طريق طويل
قسمه : بالله ماطلعون اذا ماتتريكون
علي : مشكوره ام ليث ماتقصرين بس والله ورانه طريق وعندي شغل واصلا صارلنه يومين اليوم ثالث والشغل تراكم عليه
قسمه : براحتك خويه
فهد : صباح الخير شنو براحته لا عيني ابو عبدالله تاكلون يلا ترحون
علي : ماطول هيج تمام
نهر : اسمعهم يحجون وانه مرتاحه ع الاقل المشاكل نحلت شويه وسمعت صوت ليث نزل صبح وكعد خلصت الريوك وديته للصاله وكلهم كاعدين خواني ومجمعين حيل حبيت شكلهم كلت ماطول ضحيت لسعادتهم خليني ابقى للنهايه هيج و طبعا الريوك كله عمار وليث يداهرون وصدك ضحكت ع سوالف عمار
ليث : طول الاكل ماباوعت عليه اصلا بس نعمه عمار كلها تضحك طول الكعده يصنف علييه
عمار : ها ابن الفارس بشرني وغمزت
ليث : ولك اكعد راحه
عمار : كعدنه اكلج نهر ملك وين
نهر : نايمه هسه راح تنزل ماتعرفها لاتتريك ولا تكعد من وكت وتشتري الدقيقه مشتره
عمار : تعلميني بيها كاعد احجي ودخلت همس
همس : صباح الخير
الكل : صباح النور
همس : اباوع ع هذا عمار شلون يباوع عليه ماتعجبني نضراته ابد خايس مخلي عقله وي عقلي
عمار : جاي نتريك وطبت ام لسان اخ هيه حلوه هيج لوانه اشوفها بهالشكل
ايمن : لك عمار عينك من على البنيه اكلتها بعيونك
عمار : نجب هيج مبين عليه
ايمن : واكثر هههعه
ليث : شبيكم تتهامسون بينكم
عمار : والله يالاسد معليك لاتدخل
ليث : هيج صار الحجي
عمار: اي شيخ هيج يلا خل نكوم يلا يمه يلا بويه كومو خل نطلع ورانه طريق وعندي شغل
نهر : كامو خلصو اكل وهذا ليث كلساع يباوع عليه وانه مامهتمه اصلا لان بقيت لخاطر سامر ولجين بس خلو وطلعو سلمت عليهم وحضنت بابا وضليت ابجي ماريد افاركه اكثر شخص يحبني هوه حتى من جنت عدهم الوحيد ماجان يزعلني لاهوه ولا ساهر وايمن حيل احبهم انه هم حضنت ساهر وكلي
ساهر: لاتبجين يبعد اخوج تدرين بيه شكد احبج اي شي يصير وياج بس نطيني خبر وانه اجيج لو بابعد مكان
نهر : حبيبي الكبر وصار يخاف عليه كملت سلمت ع الكل وصلت العمار وتفاجئت من حضني وكلي
عمار : وصلت يمي سلم عليه وحضنتني كتلها نهر اريد تسئلين عن هايه همس شوفيها شنو عدها ماشنو تحب لولا
نهر : وليش اسئل
عمار: والله ياخيتي جنها غمزت السناره وضحكت بصوت عالي
نهر : كمزتني هههههههه
ليث : من طلعنه وهيه ولا باوعت من ناحيتي والحلو كاعده تحضن بخوانها بدي اكضها واموتها تموت شنو تحضنهم واذا خوانها بس اخ ياليث جنك صدك راح تتعب ع ماترضى عليك مثل مكال عمار
عمار : شيخ لاتنسى سولف النهر
نهر : شنو يسولفلي
عمار : يجيج الصافي حبيبتي يلا خويه اودعناكم
نهر : وراها سلمت ع ملك وحضنتها حيل وكتلها راح اشتاقلج عمري
ملك : انه الاشوق حبيبتي سلميلي ع الصاك الشفته ههههه
نهر : ضحكت وكتلها يوصل ههههه وراها خلو وطلعو وردت ادخل وجان يكض ايدي
ليث : جريت ايدها وكتلها اوكفي
نهر : سحبت ايدي وكتله رجاءا شيخ من هاللحضه معليك بيه ولا عليه بيك ولاتكض ايدي وماريد تبرر الي وماريد احاجيك اصلا خليت ودخلت بدون مايرد
ليث : يصير خير يا نهر انه اعلمج بسيطه
نهر : فتت وذبيت روحي ع الشغل وكلما اتذكر الي صار بينه وراها الشفته ازيد ع روحي والوم بنفسي لان رخصت روحي اله شسوي يارب ساعدني يالله راح اصبر على مايتزوج سامر ودقيقه ماابقى خلصت فتره الضهر وتغدينه ومحاولات ليث كلها ماتهمني بعد صار العصر وجو بيت اهل صدف وجت وياهم هيه وعسل
نهر : السلام عليكم هلو خاله
ام صدف : هلا
عسوله : هلو حبيبتي شلونج
نهر : عمري زينه ليش مااجيتي
عسل : والله نهوره تعبانه وتمرضت امس كلش تمرضت وهاليوم شفت نفسي احسن كلت اجي اشوف لجين
نهر : اي هسه تنزل
ام صدف : شنو حضرتج نقدملج تقرير كومي جيبيلي ماي يلا
قسمه : ام عباس موهيج تحجين البنيه موخادمه هاي مرت الشيخ ليث وشرعا صارت مرته وتدرين شنو قصدي
ام صدف : ع كيفج عيني شكتلها هسه كتله اريد ماي
نهر : حيل نهضمت من كلامها شمسويتلها انه قابل شامره روحي عليه شو اخذوني دفع من داري فصليه وباهانه مومثل الناس كتلها صار خاله راح اجيبلج
عسل : جايه وياج
نهر : رحنه للمطبخ شويه واجت صدف كالت لعسل امها تريدها
صدف : هه شفتي بعينج شلون يتسله بيج ويحبني انه بعينج شفتي
نهر : مايهمني الي شفته وبالعافيه عليج ليث ماريده ولا احبه ولو يبقى اخر واحد وخلي بالج من الاول ماحبه بس جاريته حتى يعدل اسلوبه وياي مو انه الي احب شخص اذاني وهاني فهمتي
جاي احجي وجان اشوفه واكف وعيونه حمر من العصبيه وكال الصدف روحي يم امج صدف
ليث : دخلت للبيت اريد اخذ ماي وسمعت كلام نهر لصدف نصدمت وعصبت الدرجه انه تستغفلني لا ومسويه روحه زعلانه وماتريدني وانه جاي احاول حتى اراضيها هيج ترد عليه دخلت وصحت ع صدف تروح وراحت ولتفتت وكتلها تستغفليني مو كلشي طلع جذب مو نهر بسيطه
نهر : حيل نقهرت اريد اقهر صدف قهرني نوب انه ردت اجاوب واكله
ليث : كلشي صار واضح نهر ماريد اسمع منج حرف يصير خير بس اكلج كلمه وحده انه صحتلج بيومها وهيه الي اجت وذبت بلاها عليه وشفتينه ماشفتي شلون دفعتها ورزلته انه اكلج هالحجي هسه حتى يصير بعلمج انو مو الشيخ ليث يكسر كلب انسان حبه بس للاسف طلعتي ماتستاهلين هذا الحب نهر ومنا ورايح تحملي الي راح يصير بيج
نهر : حجه هيج وانه عيوني تصب وحدها وابجي ع حضي لو ع فهمي للموضوع غلط والغباء مني مانطيته فرصه يبرر خلي اكلكم شغله شيخ ليث مايجذب بحرف ولا يتبله ع احد وهذا الشي الخلاني احبه لدرجه كلش مالها وصف ولا حد مطلق خله وطلع واحس الهوى حواليه صار بيه لهب من شده العصبيه حاولت اصبر روحي ع مابلاني خلصت واجه وكت العشه صبينه وكلهم مجمعين حتى عباس كاعد
عباس : هلو نهر شلونج
نهر : باوعت ليث وحسيت بعيونه برود مًومثل قبل هلو عباس شلونك زينه انه
عباس : دومج عيوني
نهر : بتسمت شكرا وتذكرت ملك صدك عباس
عباس : عيونه
نهر : رجعت باوعت ع ليث شفته عصبي كتله ملك تسلم عليك
عباس : كحيت وتذكرتها من شفتها بخطوبه لجين جانت طالعه تخبل هيه اصلا مو محجبه كتلها الله يسلمها
نهر : شكرا
شيخ عكاب : بما انو انتم مجمعين اريد احجي بموضوع مهم
الكل : تفضل جدي
ليث : جدي خليني انه احجي
نهر : رفعت راسي باوعتله بأستغراب وعدم فهم كلت شنو راح يحجي بس صدمه عمري صارت من كال انا .........
شكرا لزيارتكم عالم روايات سكيرهوم
