رواية الضابط واليتيمة الفصل الثاني والعشرون 22 بقلم مجهول

ضليت مترددة انزل لو لا ما امبدي اعوفة وانزل ابد 

- ولج اريد انام بربج من اكعد اني اجي ونحجي شكد متريدين

- اوك اوك عفتك 

نزلت جوة احس الفرحة مو طبيعة السعادة الي دا احسها فدشي ثاني محاستة قبل ابد ابد نزلت شفت كبالي ريهام كمزت عليها 

- اني احبج احبببج مممموح 

- ههههههه اني هم بس شبيج فرحانة هلكد 

-خلي اروح اسوي كيكة 

- الله مال شنو 

- هو وليد شيحب كيك 

- وليد شكواني مو صديقتج شو وليد 

- شبيج غير صالة كومة مماكل اكل بيت 

- اي صحيح 

- يحب الشوكلا عيني وبيهة فرولة 

- ما عدنا فرولة دقيقة خلي اجيب تلفوني 

- الو ايمن عفية جيب فرولة وياك ..لا حباب دور دور ضروري 

بديت اسوي الكيكة وميتة فرح كملتها وطب ايمن جاب الغراض وزينتها جنت ملتهية بالكيكة وحدي للخمسة بالمطبخ كلمن بغرفتة وحسيت بايد على ظهري 

- بسم الله   

- شلونة الحلو ( صوتة كلش خشن مال واحد هستوة كاعد من النوم ) 

التفت علي مكفوش جان رفعت ايدي اعدل شعرة 

- كلش كلش زين ويخبل 

مد ايدة واخذ شوية من الكوكو وحطة بحلكة 

- اني دا اسال على الكيكة ( وابتسم ابتسامة جانبية ) 

ضربتة على جتفة - شكد مكروه يربي 

- هههههههههه اكثر شي احبة بيج هو من اضوجج عشق ملامحج 

- هههههههههه لتضوجني ما اريد شوف شلون صالي ساعة اسويلك كيكة

- اي امفضلة علية ست مينا 

والتفت عزة هذا زعل رحت لزمت ايدة مو قصدي والله دا اشاقة 

خنزر علية وبعيوني 

وبعدين ابتسم - ههههههههههههه 

وعافني وراح والله راح اذبحة ابتسمت يا ربي ادوم هاي السعادة علية 

كمل اليوم بين الطبخ والشغل جنت اغسل المواعين وحسيت بايدة يفرك بجتفي 

- حبيبتي تعبتي اليوم 

- اممم تعبكم راحة 

- اضل افركلج 

- ههههههه هاي ادغدغ مو تفريك ههههه اه اه 

- موعدنا بال١٢ مو تنسين 

- اي 

راح وخلصت شغلي ورحت بدلت وحطيت عطر من ريهام وطلعت برة اجة وليد 

- اريد اكعد بالمرجوحة 

- يدلل الحلو 

كعدت عليها وهو كعد مقابيلي 

ممصدكة ليهسة ضليت اباوع علي وهو هم نفس الشي يباوعلي مستمر 

- شنو الي اكدلج انو انتي عندج مشاعر الي 

-ببساطة اذا شفتك حسيت براحة وابتسمت بدون ما احس 

واذا مشفتك حسيت انو ضايعة والدنيا متسوة بعيني 

ابتسم ابتسامة حلوة كلش 

- وانت 

- الخوف من تختفين من تتمرضين يصير بيج شي الخوف يمتلكني اني دائما هادئ واعرف اتصرف بس من يصير بيج شي احس ايدي مرتبطة وافقد السيطرة على نفسي 

اكثر شي افكر بي بالشغل هو انتي حتى اصداقائي انتبهوا اكو شي يشغل بالي 

ضليت اباوعلة هواية وهو هم عيني بعينة فترة طويلة محسيت الة على تلفونة اجالة اشعار فتح تلفونة وكلب بي شوية وسدة 

- حبيبي 

- ها 

- ههههههههه 

- شبيج خبلة تضحكين 

- ما ادري احسها غريبة حبيبي حبيبي حبيبي 

- هههههههه اتعودي عليها 

- اي وتاليها اخطا واكولها كدام اهلك 

- مابيها شي واخطبج ونتزوج 

- ها 

- شنو ها 

- ما اريد بسرعة اريدك تتاكد من قرارك ما اريد تتندم 

- مينا اني مو طفل ولا مراهق حتى احجي شي اني ممتاكد منة 

- مو هيج قصدي شبيك 

مجاوبني ولاف وجهة 

- حبيبي وليددددد حبيبي 

شفتة ابتسم ارتاحيت 

- باجر اداوم ؟ 

- اي حبيبي 

- شكد وترجع 

- ما اتوقع اطول يلى طبي نامي اتاخر الوكت 

- وانت 

- منعسان راح اضل شوية اكلب بالفون 

- ما اريد ابقى 

- دروحي انتي اصلا طفيتي 

- ما ما 

- لتعاندين ولج 

- حباب اريد اشوفك باجر راح اتروح 

- اوك 

ضليت اباوع علي وهو يكلب بالفون الى ان محسيت على روحي.

جنت اكلب بالفون ملتهي بي رفعت راسي شفت مينا نايمة 

اني مو كلتلها اطب اشكد اتعاند رحت شلتها وطببتها للبيت ولغرفتها 

غطيتها وباوعت على وجهة دنكت على وجهة بستها من راسها وعفتها وطلعت 

كعدت الصبح فتحت الفون لكيتة بال٧:٣٠ 

كمت اركض طلعت برة ماكو وليد واكو ريوك يعني طالعين 

رحت فتحت الفون 

- وليد 

- صباح الخير 

- هاي شنو ليش هيج سويت ( وبجيت بقوة ) 

- شكو شبيج 

- ليش طلعت بدون ما اشوفك اهئ اهئ 

- لو يمي جان خبزتج والله عبالي بيج شي خلي ارجع واعرف شلون اكرص اذنج بسيطة 

وسدة بوجهي  

شوف انوبة زعل هو اني الزعلانة مو انت كمت ورحت اتريك واني ضايجة كلش منة مر نص اليوم واني الوب 

خاف وحدة اطب للمركز اوف خاف يروح لهذا المول وحدة 

دكيت علي مرة اثنين ميشيلة هذا وية ابنية اكيد رحت لغرفتي وابجي ابجي 

رجعت دكيت دكيت...

جنت بالمركز عندي تحقيق بقضية من دكت علية مينا نرفزتني بتصرفاتها الطفولية واني ما عندي وقت لهل شغلات سديتة ورحت للتحقيق 

طبيت وبديت ورجع دك التلفون سديتة مفاد رجع دك غلست علي بنص التحقيق هم دك طلعت برة 

رديت

- شبيييج 

- الو 

- مينا عندي شغل بعدين احجي وياج 

- شغل مو اكيد دتحقق وية ابنية حلوة وشعرها اصفر وحاطة مكياج مو مو 

ابتسمت وانذكرت شكل الي دا احقق ويا اصلع ووجهة اصفر وكرشة ٣ مترات خرب 

- اي وانوبة ومليانة وخدودها مال اكل كيكة مو بنية 

- شنو وليد ها ( وتبجي بقوة) 

- ولج كافي كطعتي الكلبي والله دا احقق وية واحد سمين والله 

-جذاب جذاب 

- مينا لتعصبيني 

- شوكت ترجع 

- باعي بدلي هسة جايج واذا احد سالج كليلة ما ادري هو رادني ودزلي مسج ماشي 

- دا اسالج ماشي 

- اي اي كمت 

هاي مو حالة هذا ثاني يوم وبدت المشاكل مالت المزعطة وصدك مالي واهسهة رحت وطلبت من صديقي يكمل التحقيق طلعت 

وصلت للبيت دكيت عليها طلعت فاردة شعرها ولابسة قميص امدخلتة بالبنطرون هاي اتخبلت اظاهرصعدت 

- لمي شعرج وطلعي القميص انتي الظاهر تتقصدين اتعصبيني زايد 

- هاي شبيك

- شششش ولا كلمة لمي شعرج قبل لا اكصة الج وطلعي القميص 

من شفتة هيج عصبي ضليت ساكتة محجيت شي مع العلم ضايجة منة كلش 

رحت ووكفت السيارة على جسر الجادرية وضلينا ثنينا ساكتين 

- ليش مكعدتني الصبح جنت بس اريد اشوفك قبل لتطلع

- اجاني اتصال لازم اكون هناك بدون تاخير ومكدرت اكعدج ما الحك 

- وليش جنت عصبي من عاتبتك 

- هو انتي خبلتيني مو عاتبتيني عبالي صاير بالبيت شي انتي طفلة على عبني وراسي بس ما اريد هلتصرفات

- اني مو طفلة 

- تصرفات المزعطة ما اريدها اني مو طفل وما مبية حيل هلشغلات 

- شنو هلشغلات اني مسويت شي وجتفت ايدي 

- لا ابد بس ادكين على وتبجين ومن ميرد لان عندة شغل اطلعينة كاعد وية بنية وباعي هاي صورتة شفتي خدودة شلونها 

بلكوة حبست الضحكة 

- لتعيط علية مرة ثانية 

- لتبجين بالتلفون ولا تبجين على شغلات تافهة 

- لتسدة بوجهي ومتروح للمول وحدك ابد ابد ابد 

- المول شبي 

- كومة بنات حلوات 

- اني لو اريد بنات جان من زمان اختاريت منهن افتهمي اني ما اشوف غيرج حلوة وبعدين ليش اتحسسيني انتي محلوة ترة بس عيونج كافية اتجنن وخدودج ذني الي احارب حتى ما اعضهن 

ابتسمت بوجهة 

- يلى خلي نتواعد على الشغلات الي منريدهن 

اوك