رواية الضابط واليتيمة الفصل الثالث والعشرون بقلم بقلم مجهول
- اول شي ماكو اي اتصالات بالداوم ممنوع ادكين علية
- هاي شنو واذا اشتاقيتلك
- دزي مسج واني ادك اذا فارغ
- هاي شنو
- ثاني شي ممنوع المناقشة باي قرار اخذة اني
- ميصير هيج
-اني الاعرف بمصلحتنا اثنينا ودتلاحضين كل احجاية ميصير وميصير هاي هم ممنوعة
- وليييد
- عيونة
- صدك الي ادكولة
- تقريبا نصة
- متروح للمول وحدك
باوعلي وخنزر
- اني شكلت بهذا الموضوع
- حتى لو ماكو يعني ماكو
- يلى انزلي خلي انباوع الغروب
نزلنا وطكينا صور وصعدنا بالسيارة شغل اغنية جنت اباوع علي شلون يسوق وايدة على الستيرن وايدة الثانية على الكير
جنت ابلوع علي وصافنة
- مراح اعرف اسوق
- ليش
- حبيبتي صافنة بوجهي شلون اسوق
- اوي يمة فدوة لليستحي
- شراح اتكول لخالة
- مالج علاقة انتي يلى انزلي كدامي
نزلت وطبينا للبيت رحت لغرفتي راسا
نزلت من السيارة طبيت للبيت دخلت للهول
-ها يمة السلام عليكم
- وعليكم السلام عيني يمة شنو ماخذ مينا وطالع ميصير اذا مو عمودك الناس تحجي ترة وهي ابنية وراها مستقبل
- يمة شبيج اكلتيني يا عيني اخذتها اتشوف ناس ايدورن على بنتهم عبالي اهلها
- ها اي وشصار
- لا مو اهلها
- يا خطية الله يصبرها يا رب
- اروح ارتاح يمة
- لتنسة الوصيتك علي احميها هي مثل اختك وعرضك صارت من طبت هذا البيت
- بعيني
صعدت واني اعرف امي شاكة بشي بس خليها فترة واكللها نمت وارتاحيت بنومتي
كعدت الصبح نزلت شفت ام كفشة كاعدة اتسوي ريوك
- صباح العسل
- وليد صباح النور
- شلون نمتي
- مرتاحة الحمدلله
كاعد اتريك وكبالي مينا لكمتها بايدها واتكلب بالفون بالايد الثانية انتبهت على تفاصيل ممنتبه الها خشمها الحاد وعيونها الكبار وارموشها الحلوة صافنة على التلفون
- مينا
- ها وحتى ما رفعت عينها
- مينا من احجي وياج اتباوعيلي
-رفعت راسها
- ذبي التلفون من ايدج وكملي اكلج
- وليد اني مو زغيرة اتعاملني هيج
- اذبي لا اكسرة
سدتة وحطته بعيد
- ما عدني وقت اشوفج بي غير الصبح وانتي ملتهية بالتلفون
- اسفة مو قصدي
- اريد اشبع من عيونج هاي
ابتسمت بوجهة ما اعرف شنو ارد علي اجتي ريهام وانقذتني كعدت اكلت وهو راح بدل وطلع يخبل بالزي فدوة يربي يجنن
راحوا وبديت اسوي اكل وارتب البيت طلعت للحديقة حاولت اكعد بالمرجوحة وجان اوكع وكعة على رجلي راسا كمت ابجي رجلي كلش توجعني صحت لخالة ماكو دكيت على وليد
- ولييييدد
- ها مينا شبيج شصار
- رجلي رجلي
- شبيها وين انتي
- بالحديقة
دكت علية مينا قريت اسمها بلة اني شكلت البارحة رديت سمعتها تبجي فهمت صاير شي راسا فريت السيارة ورجعت طبيت للحديقة شفتها بالكاع ولازمة رجلها رحت يمها لزمت زندها اريد اكومها
- شو حبيبي كومي وياية
- ما ما اكدر
- ولج لتعاندين دا اشوف تكدرين تمشين عليها
كومتها راسا صاحت بس حطت ثكلها عليها شلتها وهي جلبت بية وديتها بالسيارة
- وين تاخذني شوف شلابسة والله عيب
- هم عبالهم طفلة وكعت وجبتها شمدريهم مرة عليها العيب
- ولييد
وصلنا شلتها ودخلتها للمستشفى الناس اتباوع علية حسيت بمينا ختلت راسها بركبتي دخلتها للطوارئ وحطيتها على الجرباية وكعدت يمها لزمت ايدها
- هسة يجون ويعالجوها اتاذيج هسة ؟
-اي شوية
اجة طبيب
- السلام عليكم
- وعليكم السلام
- شنو الحالة بلة زحمة
- دكتور وكعت من المرجوحة على رجلها ومتكدر تمشي عليها ومثل مشوفها زركة وعبالك ورمت
- اي طبيعي نيرس سويلها اشعة لرجلها ومن تطلع انطيني خبر شكد عمرها
-١٩
باوعلي بصدمة
- ولي الامر
- اني
- شنو اتصير منها
- تشتغل عدنا بالبيت
- اوك
سولوها اشعة ورجعنا للغرفة
دزيت رسالة لصديقي ابلغة راح اتاخر وذبيت الفون لزمت ايدها
- بعدها توجعج
- شوية بس اكلك شلون خاف بعد ما اكدر امشي عليها
- ليش متدرين هو بعد متكدرين
- صدك والله عزة لعد خالة راح اتبطلني وبعد ما اشوفك لا لا عزة انوبة اتجيب وحدة وتطلع حلوة واتعوفني
ضربتها على راسها
- راح ازوج ريام حتى ريام عقلها اكبر من عقلج
- هو انت كول اريد ازوجها
رفعت ايدي - راح اضربج والله
اجوي الطبيب والممرضة
- الحمدلله على السلامة ما بيها صاير عدها تمزق بسيط وتحتاج فترة راحة متضغط على رجلها وهذا دهن ادهنوا الها مرة باليوم واهم شي قبل متنام ويا تدليك بشكل دائري
- تحتاج عكازة؟
-احسن حتى متستخدمها لرجلها ابد
جان هذا الحجي اثناء ما الممرضة تدهن الدهن وادلك رجلها وبعدين لفتها بباندج وجانت مينا كلشوية تضغط على ايدي بس مطلع صوت طلعوا من الغرفة
- اتريدين عكازة ولو اشيلج وافتر بيج
- ههههههه عكازة
- براحتج
طلعت اضحك رحت جبتلها عكازة ورجعت طبيت وبما انو ملابسة حذاء شلتها ووديتها للسيارة وصلنا للببت طبيت استقبلتني امي
- ها يمة خير شبيج مينا ولج عزة
- ما بيها شي الغبية وكعت من المرجوحة
- هسة انتي قزمة شمصعدج المرجوحة
- خالللة
-ههههههههههه
-راح اروح لشغلي
- بالسلامة..
شكرا لزيارتكم عالم روايات سكيرهوم
