رواية المتمرد والصغيرة الفصل الثالث والعشرون بقلم رسل
گاعد اتنطر بطولك
مثل ذيچ التنتظر لمة جهال و هي عاجر !
چنت اعشگك كثر ما عشگو ولدنة
أرض السواتر
_______
انفتح باب الغرفة دخل .. فهد
انفتح باب الغرفة دخل .. فهد
اديان: ها حبيبي
فهد: طلعيلي هدوم زهراء و حوراء ميقبلن
اديان: اي هسة حياتي ...
رحت لغرفتة طلعتلة ملابس و دخل سبح نزلت جوة لگيتهم جايين الحجي مرتفع السُكر مالتة
ابو فهد صعد فوگ صعدت ورا حضرتلة الحمام و نزلت ساعدت بشرى بالغدة بس بدون اي كلام نزلن زهراء و حوراء صاحني للصالة لگيتة فدعة گاعدة اطمنت رحت يمهن
اديان : تفضلو
حوراء: اديان شبيج احنة مو اعتذرنة منج شكد خبيثة
اديان : اول شي اني مو خبيثة شي ثاني لتلحين كتلججج
فدعة : يا شجاج ولج ما تصالحيهن
اديان: اهوووو شلون سالفة هاي بابا ماريد
ابو فهد : هااااا خيرجن
حوراء: لا بوية ماكو شي بس اجينة نعتذر من اديان صار مرتين و تطردنة
ابو فهد : ليش اديان
اديان .. شفتها تبچي و تحچي وي ابوها انصدمت هي قبل شوية دكلي خبيثة سويتها شغلة عنااد گتلة ...
-هسة مو تگول عني خبيثة يلا اني خبيثة و ماريد اصالحها مالي خلگ مشاكل
حوراء: هايهية چا واحنة اسفين بس والله اني علمود ابوي كلت يحب يشوفنة متصالحين
ابو فهد : امشييي اديان بوسيها يلاا رحمة لوالديجن مالي خلگجن ترى
اديان : هو شنو اراضيها اني لو انتة متعود تذلني
ابو فهد : اديان و حق ربچ اذا كسرتي حچايتي و ما صالحتيها تشوفين مني شي مشايفتة
اديان: عادي تريد تضرب اضرب بس ما اصالحها
ابو فهد : اديااااااااااااان
فدعة :خايبة استهدي بالرحمان وراضيهة والعباس ما بينة حيل المشاكل
زيد : اديان بوية لتعاندين بوسيهة وانتهت السالفة اني بعدين اتصرف
اديان : مااااا والله ماااااا
بعدني ممكملة و ضربني راشدي شفتهم كلهم واگفين زيد مسح لحيتة و دار وجهة اتمنيت اكو هذا الجهاز اليخفي الواحد والله بلحظتهة اتمنيت اختفي
اديان: هسة عود فرضت شخصيتك گدامهم ..
اجة يريد يلزمني اني طفرت للغرفة و قفلت الباب
ابو فهد : لجججججججج فتحييي الباب كلبةةةة
بس و وروح امي اذا ما ربيتچ و خليتچ تمشين ع السراط
المستقيم انا ما اطلع من ظهر ابوييييي
زيد : عوفها خوية شجاك جاهلة و عاندت
ابو فهد : ياااااااااا جاااهلة لجج فتحي الباب و حق هو علي اذا صعدت و جبت المفتاح من فوگ اخلي اليهود تبجي عليجج
افتحيييييييي ادبسسسز
اديان.. يابة هسة انيي شورطني و حچيت هاي الحچاية و مابية حيل ضرب بس همما انزل كرامتي الة و افتحلة الباب هسة اكيد يسحلني علمود اراضييها خلي انضرب ولا اضعف كدامة
ورا شوية ما سمعت صوت بعد الحمدلله ضليت الحد العصر نوب متت من الجوع و اخاف اطلعع لحد المغرب بعد انتهيت طلعت من الغرفة لگيتهم بالصالة بس هو ماكو نوب خفت خاف اسوي اندومي وهم
تشتغل القنينة لگيت بطيخ ع الكاونتر اخذت وحدة صغير قطعتها بالماعون و خليتهة بالثلاجة اخذت ملابس و سبحت وضفرت شعري اجيت اخذ الماعون لگيت نصة طاير
ورا شوية اندگت الباب گلت منو سمعتة صوت هيفاء
اول ما دخلت حضنتها والله شكد مشتاقتلها وضليت ابچي هي ضلت تحرك بأيدها ع شعري
هيفاء: ليشش اليوم ضاربچ
اديان : والله اني مو مني السبب هن اجني كالن خلي نتصالح كتلهن ماريد لان ادري يريدن يسوولي سالفة و اني مالي هلگ
هو من شاف حوراء بجت كال راضيها
اني شنو اراضيها فوك ما هي ذيج المرة وكعتني بمصيبة تالي ضربني راشدي كدامهم
هيفاء: اوفففف اني شلون وي الحياية ذني الا يتزوجن يلا تخلصين و اني متأكدة ناويات على شي وهو ليش يضربچ كدامهن اني اليوم احاچي
و بس ترى الصوج هم منج من اجة كلج راضيهة جان راضيتيها و اتجفيتي الشر
اديان.. ضليت ساكتة غمضت عيوني واني راسي على رجلها
تالي نمت ......
كعدت باوعت للساعة ب 11 بالليل و الغرفة ضلمة واني نايمة ع
القنفة و مدري منوو مغطيني گمت فتحت الضوة البيت سكون هم بالعشرة كلمن تصعد لغرفتها بس الزلم يبقون بالشارع و يومية ع بيت من
بيوتهم يتكفل بالچاي و الفحم شفت فدعة نايمة نوب اني شبعانة نوم اشتهيت چاي و جبن بعدين تذكرت هيفاء وين لعد شبسرعة اجتي وراحت
اخذت القوري وسويت چاي اني اسوي و ادعي يارب ان شاء الله متصيرلي سالفة الحمدلله صار بدون اي اصابات سويت لفة و گعدت ع الميز اكل كملت غسلت الكوب
و رحت للغرفة قفلت الباب و فتحت التلفزيون ع مسلسل تركي جان اسمها الارض الطيبة خلصت ب 12 ضليت اصعد بالقنوات
ورا شوية سمعت طگة مال قفل و انفتح الباب بسرعة
اني من شفتة هو اطمنت عادي هو و لا غيرة و اذا ع الكتلة هي وراي وراي لزمني من زندي حيييييل ....
ابو فهد : اششششششش صوت ماريد بساع للغرفة
اديان : مابية حيل حتى اعاند غمضت عيوني اتنهدت و فتحتهن مشيت ورا هو يمشي سريع و يجر بأيدي فتح باب الغرفة دخلني و قفلة
شمرني ع الچرباية هو نزع الدشداشة و الساعة و المحابس و اجة ع الچرباية اني جنت گاعدة سحبني من ايدي و خلة راسي ع صدرة
ابو فهد : بوووية و حگ علي احبچ
اديان ......
ابو فهد : ليش خليتيني اضربچ انا البارحة مو گتلچ اتچفي شري
هن مو اجني اعتذرن منج صالحيهن وفضي لسالفة انا توبتهن من هذيچ الكتلة بعد ما يگربن صوبچ
واني من گتلج راضيها حتى ماريدهن يكرهنچ لان هي بجت كدامي لازم ارد اعتبارها من راح اكللها روحي صالحي اديان راح دكول ابوية ابن مرتة
بس من كتلج روحي راضيهة هم راح تبتعد عنچ وهم راح تكبرين بعيون الكل ترى هنَ بناتي ميكرهنچ بس يغارن علية منچ و هن ميدرن اني لسة بوسة ممحصل
هذا شي و انتهينة من بس من گدامهم تگولين فرضت شخصيتك كدامهم اني شخصيتي فارضها عليچ و على الاكبر منچ و على السلف كلة بس من تحچين هاي الحچاية العيب يصير عليچ انا ما انضر
بس راح يگولون مرتة ما مرباية و عديمة اخلاق وتتجاوز ع رجلها اني من صوبي ما يضرني شي ف انتي بهذا لسانچ و عنادچ تعمين ع نفسچ خوش لو لا
اديان .......
ابو فهد : شنو صرتي خرسة
اديان ......
ابو فهد : اناااا اخوككك يلا حتى لو خرسة ابقة احبچ ما ابدلچ بالعكس تسهليلي الطريق
اديان: ترى مووووو خرسة
ابو فهد : اناااا ابن ابوي چا عود كيفت
اديان: بنتك من تبچي ترد اعتبارها اني من ابچي مترد اعتباري
ابو فهد : انتي منو مبچيچ ؟
اديان: انتة
ابو فهد : چا منين ارد اعتبارچ بوية
انا لو واحد مبچيچ اخذلچ حگچ من عين السبع
اديان: بس لو انتة تعوفني محد يبچيني
ابو فهد : ما عوفچ انا للموت بعد قفلت عليچ
اديان: بس اني چان حلمي ما اتزوج هيج واحد
ابو فهد : هاي بعد قسمتچ امرچ لله شسوين
اديان: يي
ابو فهد : صدگ بعد نومة جوة ماكو خلي بالچ
اديان: بس اني ماريد يمك
ابو فهد : هففففففففففففف تهووون بوية
انا مسافر شهر خلصي مني
اديان : وين
ابو فهد : شلچ غرض
اديان: هيفاء ليش راحت
ابو فهد : هو اني خابرتها گتلها روحي للبيت هاي ضربتهة و و رجلها عاشگها من تالي ميقبل تبات و چنتي نايمة من اجة رجلها و ماگعدتچ
اديان: وانتة شمدريك
ابو فهد : جنت كاعد يمها غير
اديان: هاااا ....
غمضت عيوني عفتة و نمت گعدت الصبح هو بعدة نايم فتحت الكنتور اخذت دشداشة من الملابس الي اشتريناهم هذاك اليوم
نزلت سبحت و لبستها واو طلعت اجنن ضفرت شعري صفح و رحت للمطبخ بِشرى تباوع صفح
ام محمد : هي بس بذني فالحات بنات الليل
اديان.. عفتها ما حاچيتها حضرت المربى و الجبن و الزيتون
هو بدو يگعدون واحد ورا الثاني هو نزل اخر شي باوعلي ورفع حاجبة بدو يتريگون
ابو فهد : انا راح اسافر شهر و ارجع عندي شغل
الحجي :وين بوية
ابو فهد: تركيا بوية
فهد : بابا خل اروح
ابو فهد : غير مرة يابة
اديان بوية عود ورا الريوگ حظريلي الجنطة
اديان.. هزيت راسي اني اگول ماحبة و ما اريدة بس ليش اضوج من يسافر كملت ريوك صعدت فوك طلعت الجنطة مال السفر
حسيت واحد حظني من ورا درت وجهي باسني من خدي
ابو فهد : راح اسافر بوية اسافر ما تحنين علية
اديان: وخر يمعود
ابو فهد : انتي الى متى هيج ترى انيي مو طول العمر انتضرج خلي بالج مال تعزين نفسج عود چبير و بلكي يموت واني اروح اتزوج شاب
لا بوية كاعد ع گلبچ اني ومتخلصين مني لو اكبر راس يجي
اديان... گمت ابچي اني والله مو هيج تفكيري بس مادري اكو شي يمنعني انطي نفسي الة احس راح يذلني اكثر من قبل
ابو فهد : ليش تبچين بوية احچيلي بيچ شي ؟ موديچ عمامچ بدرب مو زين ؟ ترا انا ابو فهد ما متعلم اشمر حريمي عندچ غلط اصلحة الچ ما هدچ اني
اديان: لا والله كلشي مابية
ابو فهد : چا ليش هالشكل سنة و شهرين تتعززين ؟
اديان : مادري
ابو فهد : تهوووووووون الله موجود بس ترى بوية خلي بالچ الگلب ميال و انا رجال ماحب امنع نفسي من شي يوم الاجيب عليچ ثانية مالچ حق علية انا ابو الحق
ومال تردين لاهلج انسيها بيج حيل انتي تشوفين مرة ثانية تشاركچ بية
اديان: اصلا خل تاخذك كلك اني ماريدك
اديان .. طلع من الغرفة حظرت جنطتة
ونزلت نظفت مواعين المطبخ سوون غدا هو تغدة و صعد نام
اني ضليت يم فدعة
والعصر هو نزل كاشخخخخ سلمو عليه كلهم اني عفتة و صعدت ماسلمت عليه بعدين تذكرت تليفوني ما لگيتة على الشحن
دورت الجرارات ماكو بعدين لكيتة جوة المخدة مالتة
اخذتة و نظفت الغرفة و گعدت العب بي صاحولي ع العشة وما نزلت لحد الوحدة اني العب باليوتيوب من فيديو لفيديو و نزلت العاب
بعدين بطني كامت توجعني من الجوع فتحت الثلاجة البغرفتة صغيرة بس متروسة حلويات و قواطي تايگر بس اني ماحب طعمهة و كرزات نزلت جوة اخذت بطل مي
و صعدت اكل بالنساتل و الككوات لحد ما نعست حطيت التليفون على الشحن و نمت مررت الايام ملل احس بروحي مشتاقتلة هواي
زيد كال امشو بدلو اخذكم اونسكم
واني كيفت اكيد گلت بلكي اطلع من مود الكأبة هذا و هو يخابرهم كلهم بس اني ميخابرني مادري ليش هيج يسوي
تونسنة وي زيد رحنة لمدينة الالعاب و للمطعم
وحوراء وزهراء حچو وياي بالطلعة واستحيت افشلهن ضلينة نحچي بس هم لازمة گلبي
