رواية الشيخ سلطان الفصل الثالث والعشرون بقلم زينب نور
شمس
غسان كال سلطان تصوب وطلع يركض
وهنا البيت نكلب كلاب وكعت بالكاع وبقيت ابجي بحركه يااربي كولشي ولاسلطان والله ماعندي احدغيره
عمه تهسترت لدرجه ممتوقعتها
تعيط وتملخ بروحها وتصيح يمه ابني راح مني
وزينب تبجي وتدك على رجلها
على عياط عمه بقت تطب علينه نسوان اول مره اشوفهن التمن عليها ويهدئن بيها
ايه حركت التليفون على غسان وماكو ميجاوب لحد اخر شي جاوب جانت فاتحه مايك وكلنه نسمع
كال سلطان اجتي طلقه بيده وطلقه قريبه حيل على كلبه وطوبوه عمليه حالته خطره حيل كلي لامي خلي تدعيله يحجي ويبجي
هنا انهارينه بلازيد اني ماحسيت بروحي بـٍْْـٍْ؏ـٍْْد
بين الصاحيه والميته وكعت سمعت صوت ايه كالت دزو على جارتنه المضمده تجي تشوف ضغطها اريد احجي اريد ً أگـِْۈۈل ودوني السلطان مااكدر احس لساني نعقد ماحسيت بشي بعد
صحيت لكيت نفسي نايمه وراسي بحضن ايه
بيدي مغذي معلكين ردت اكوم كالت اهدئي ضغطج فد نوب مصفر خلتلج مغذي
شمس/مخليه راسي بحضن ايه والمغذي معلكينه بيدي
واسمع عمه تحجي هي وتبجي للنسوان الي يمها
ومخليه هيا بحضنها
يمه اول امس كال رايح ابات يم صاحبي
راح ورا نص ساعه رد كتله ها يمه سلطان شو رديت
كلي يمه مارحت اجوي اخوته يمه انه صاعد انام يم هيا بغرفتها
يمه اول امس مخلي بته بحضنه للصبح ونايم وهسه بتك منو الها يمه سلطان
شمس/هنا عرفت سلطان مخاني ولارايح الهدى زادت حالتي وتهسترت بلازيد لدرجه اريــٍـد اشلع المغذي من ايدي وكوه لزمتني ايه بقيت اصيح اريد سلطان جيبولي سلطان كوه قاومتني ايه ولزمتني
اباوع زينب بحضنها حمزه ويبجون اثنينهم
وهيا بحضن عمه وتبجي على ابوها واني بحضن ايه
وكومه نسوان اسمعهن يكولون منو هاي البت عليه
عمه كالت هاي مرت الشيخ الصغيره بت عمه عشكها واخذها يمه سلطان مو تكلي عشكتها وسبت حالي بت عميً جا بعدك عريس يمه اشفت وشفتهمت منها
بقيت لحد ماخلص لمغذي وفصلته. والكل على حطيته
كمت رحت يم عمه وخرت هيا اخذتها بحضني وصحت كااافي عمه الله يخليج مستحيل سلطان ميموت متاكده ميعوفني كل مره اكله سلطان لتعوفني يكول مستحيل اعوفج والله مراح يعوفج ولايعوف عمو ولايعوف جهاله ولازينب هو بالعمليه ومحتاج دعائنه البجي ميسوي شي
انتي مو امه ودعاء الام مستجاب فدوووه عمه ادعيله يكوم بالسلامه بدال هالبجي هذا فدوووه ادعيله الله يستجاب دعاء الام وحته غسان ماسمعتي كال خلي امي تدعيله يله عمه كومي توضي وفرشي مصلايتج وادعيله
كومتها وياها مره كامت والكل ايدني وتصيح اي والله كومي ام سلطان ادعيله انتي حجيه وصايمه ومصليه ومحترك كلبج على وليدج الله يلتفتلج انشالله ويباوع الحالج والحال نسوانه وجهاله انشالله
بقه الكل يدعيله عمه بقت تصلي وتبجي وتدعيله اني مخليه هيا بحضني وادعي بكلبي ربي يكومه بالسلامه والله مااعوفه ابد حته ماارجع ابد ابقه يمه طول لعمر بس خلي سلطان يكوم بالسلامه
هيا رفعت راسها عليه وهي مرعوبه من صياح عمه وبجيها
كالت عمه بابا مات بعد ميجينه يعني
كولتلها لا حبيبتي بابا عايش وراح يجينه بابا يحبنه ومراح يتركنه ابد حضنتها وابوس بشعرها هالطفله روح سلطان بيها يموت عليها اتذكرت من كالها اي بابا جانت عندي بنوته وحده وصارن عندي اثنين واتذكرت كل مره يكول سوالفج وحركاتج مثل سوالف هيا واتذكرت من يكولي ابنيتي والهيا هم يكولها ابنيتي
نهاريت بس ماريد ابين الهيا اخذتها بعيد عن النسوان وكعدنه بالصاله اني وياها بقيت اُدُعُيےّ🙏
لسلطان ياربي اذا مولخاطري الخاطر اطفاله الخاطر امه
بقينه على وضعنه لليل اجني اخواته الي بالعماره والي بالناصريه وهم بجي ولطم اخذت هيا وصعدت لغرفتي سديت الباب فرشت المصلايه وبقيت اصلي وادعيله وابجي مادري شكد بقيت شِفـٍـْت هيا نامت على القنفه كمت غطيتها ورجعت لصلاتي
حسيت لباب انفتح رفعت راسي من المصلايه وشفت مهند هنا عطت انت شجابك وشرايد مني
ايه/بليل كلش وصلو اهل بغداد عمامه واخته نرجس
سالو على شمس كلتلهم بغرفتها فوك
انتبهت لمهند سحب نفسه وصعد محد انتبهله بس اني صعدت وراه اريد اعرف وين رايح هذا شفته فتح باب غرفه سلطان وصلت للباب وسمعت صوت شمس تصيح عليه
انت شجابك وباي حق تصعد لغرفتي لك اطلع حقير والله لويدري بيك سلطان انت داخل لغرفته اله يموتك
مهند/هو كل عقلج سلطان يعيش هسه يموت وتشوفين واله اخذج وغصباً ماعليج وعلى سلطان
راساً فتحت لباب وطبيت
ايه/ ولك هييي انت شتسوي بغرفه لابنيه
مهند/معليج اني وبت عمي لتدخلين
ايه/هيوووو لاتخوف بلابنيه وصاير رجال براسها امشي ولي اطلع بره لا انتف شعراياتك الي موكفهن جنك ديج
مهند/شو انتي ماتحترمين والله لوما مره
ايه/عشتووووو جان شسويت دمشي ولي اطلع لاتخليني اسويك فرجه لامه محمد لا اطلع خياساتك كلهن شنو نسيت من سلطان كسر رجلك من لكفوك تتناكز فوك لسطوح مال الوادم دمشي ولي لااخابر غسان اخلي يجي يدفنك هنا
مهند/اهوووو دولي
خله وطلع
شمس/كل هالحجي واني فتحه عيوني وصافنه
ايه صاحبه لسان مو مثلي فاهيه واخاف
اجتي كعدت يمي
شمس/فدوووه لحد يعرف والله تصير مشاكل بسببي
ايه/لتخافين وهو شنو هذا وتخافين منه شبيج انتي
شمس/لان خطبني واختاريت سلطان
ايه/اي ادري غسان كلي بالسالفه
دخلي يولي هذا مره اني اكتله شبيج
شمس/ابتسمت على حجيها شنو تكوليله سلطان كسر رجلك
ايه/قبل سنتين تقريباً بليل طافر على بيت ناس مصادق بتهم واهلها لكفو وصارت طلابه وكعدة عشاير بوقتها
سولفلي غسان
سلطان لازم بوري حديد وطايحله دك على رجله
يكله خلي اعلمك شلون بـٍْْـٍْ؏ـٍْْد تتناكز فوك سطوح الوادم بنص الليالي مثل القروده
وابوه يكله حيل رَبّــيٌ ماعرفت اني اربيه
وكسرله رجلها بقه فوك لشهر مجبسات
ومن هذاك ليوم وهو يرجف من سلطان
شمس/ابتسمت اوووف ياسلطان فدووه ايه ماخابرتي غسان
ايه/والله كومه اتصلت ميجاوب
خلي اجرب بعد اتصل
بقت ايه تتصل لحد ماجاوب غسان
فتح خط واني كليي فز
ايه/الوو غسان بشر شصار موتتنه خوف لَيــِْش متجاوب
غسان/هـْﮩـااا ايه طولت عمليته كلش مساع ياله طلع الحمدالله نجحت العمليه بس هواي نزف كوه وكفو النزيف وخلوله دم خلو بالعنايه المركزه فايت بغيبوبه
طمني امي ونسوانه عود
ايه/الحمدالله انشالله يله مع السلامه
سمعتي باذنج لاتخافين اهم شي العمليه ناجحه خلي انزل اطمن خالتي وزينب خطيه
شمس/ايي روحي
ايه نزلت واني سجدت لربي ابجي واتشكره
الحمدالله والشكر ياااربي الف الحمدالله
