رواية اخذوني دفع للدار فصليه الفصل الثالث والعشرون بقلم زينب نور
وما حاس بيها انت اعتقد
بالغرفة من تبچي الفجر
والباب من يندگ غفل
وتسوي نفسك نايم
******************************
نهر : حجه وجان حجيه صدمه عمري ماتوقعته والكل كاعد جان وحتى بيت عمه الحجا جان كفيل انو يخليني افقد الشعور بعد ماتحملت وصبرت وحبيته صحيح ايام قليله عاملني بيها زين بس جان بالنسبه الي عمر وكفيله انو تخليني احبه طول العمر
ليث : خليني انه احجي جدي ياجماعه الخير مثل ماتدرون انه قاري فاتحتي ع بنت عمي صدف واجلناها لسبب وفاه اخوي الله يرحمه وهسه قررت اتمم هاي الخطوبه احجي واباوع ع نهر الي وجهه صار اصفر وعيونها دمعت بس كلت اقوي نفسي هاي تضحك عليه وتكول ضحكت عليه حتى اخليه يعاملني عدل انه ادبها واباوع ع جهه ثانيه صدف طايره من الفرح قررت نعقد ورا خطوبه غضب انشالله شرايج يا مرت عمي
ام عباس : يا يمه هاي الساعه المباركه وين اللكه احسن منكم لبنتي عيال انشالله
ليث : خطوبه غضب الجمعه وانشالله احنه السبت .
ام عباس : انشالله
قسمه : ليث يمه موبعد وكت ع الخطوبه هسه خلي نعرس اخوك اول
ليث : لايمه انتضرت هواي وبعد ماصبر
فهد : الله يتمم ع خير
عباس : صافن ع حجيه وعلى نهر شلون ملامحها تغيرت وصارت مثل الانسان الميت حيل نقهرت عليها ماانكر شعوري تجاهه وبعدني احبها ومستعد انطي روحي حتى اشوف منها نضره رد ليث عليه وكال
ليث : ها يخوك شو صافن شرايك بالحجي
عباس : لا يخوي ماصافن الله يتمم ع خير واحنه قارين فاتحه اساس انشالله بالمبارك
ليث : الله يبارك بيك
نهر: صافنه ع حجيهم وانه وجهي احسه صار شاحب حسيت روحي راح تطلع قررت اقوي نفسي واكله الف مبروك شيخ شايف كل خير يوم الولد انشالله مبروك صدف
ليث : صدمني كلامها وقوتها عمري ماشفت بنيه قويه الدمعه واكفه باب عينها وتكلي مبروك وماطاحت منها واليقهر حجتها بأبتسامه معناها صدك ماتحبني جانت بس تسايرني رديت عليه بجبروت الله يبارك بيج نهر
صدف : احلا يوم بعمري واحلا خبر وباوعت عليها وضحكت ضحكه استهزاء هسه خليتها تتاكد جان يتسلى بيها هههههه كلتلي مبروك ورديت الله يبارك بيج .
نهر : بعد ماخلصت المسرحيه ماله ليث خليت وكمت رحت الغرفتي وطشرت كلشي ملابسي واشيائي اقلامي واوراقي مالات الرسم شككتهن كلهن خليت ع وجهي المخده وضليت اصرخ حيل كل قوتي شلت المخده وشفت واكع دم من قوه الصرخه انا كله مني انه السبب دمرت روحي تنازلت عن نفسي كباله بلحضه ضعف اخ يانهر كون ماتكعدين الصبح بعد وتفتكين من هذا الاحساس الي دتحسين بيه شمرت روحي ع الارض بنص اغراضي المطشره وضليت اباوع ع السكف وخذتني ذاكرتي لهذاك اليوم الي حسيت بيه فعلا انه احبه جنت نايمه بالكاع وصافنه ودخل عليه بدل ملابسه وانه اراقب حركاته كلها وادري بيه يعرف جاي اتابعه بكل خطوه شويه وتمدد ع الجرباية وطلع تلفونه وشغل يوتيوب وفضولي اخذني اشوف شنو جاي يباوع وكتله ليث
ليث : عيونه
نهر : رتبكت من كال هيج شدتباوع
ليث : مسلسل كوميدي تباوعين وياي
نهر : ها لا خاف ازعجك
ليث : ماكو ازعاج نهر تعاي يمي نامي وباوعي
نهر : نمت يمه وباوعت وخلصت المسلسل التفتت عليه مغمض عبالي نايم صفنت بملامحه الجانت كلش حلوه ورسم وجهه جان كلش حلو لدرجه يخلي اي بنيه تلتفتله بدون ماتحس ع روحه مديت ايدي ع لحيته جاي اتلمسها وجان يفك عيونه وحيل استحيت من هالموقف خلي وكمت جاي اكوم وجان يسحبني عليه ونفتح شعري وطحت فوكة وعيني بعينه صارت عيونه الي كلما اباوع بيهن اضيع وكلي
ليث : تدرين انتي اول انسانه احب طول شعرها لاتشدينه وانتي بالغرفه هنا اريده ع طول منثور مثل هيج
نهر : تقرب عليه وباس خدي كل قوته وانه دفعته ورحت لمكاني وغطيت وجهي كله وكلبي احس دكاته صارت الف هذا الموقف صار ورا مانقلت غراضي بيومين يمه هنا تاكدت من مشاعري تجاهه هنا حسيت انو صدك احبه رجفه كلبي من اشوفه لو اسمع صوته وهسه احساسي من تقرب عليه وباسني حيل زادت احساس لدرجه تمنيت ارجع واحضنه حيل رجعت لواقعي وانه عيوني نعمت من البجي الدموع الي ماطاحت كبالهم طاحت بيني وبين نفسي تمنيت اروح اكله لا احبك لاتعوفني حجيت هيج حتى اسكتها لان اذتني اخ ياليث كسرتني وكسرت كلبي ليث ورجعت ابجي باوعت ع الساعه وشفتها ب 12:00 🕛 بالليل اخ شكد صارلي نايمه هاي النومه التفتت وشفت اوراق واقلام الي طشرتهن اخذت قلمي ورقتي وبديت ارسم مادري شنو ارسم بس الي تخطه ايدي هوه الي جاي ينرسم ع الورقه شويه وسمعت حركه يم بابي لتفتت وشفت خيال ماهتميت كلت يمكن خالتي لو نور لان لجين راحت البغداد عدها دوام شمرت القلم والورقه ومانتبهت اصلا شنو رسمت خليت ونمت نوم عميق لدرجه حسيت نفسي ميته مو نايمه .
ليث : كامت وروحي راحت وياها شويه وراحو بيت عمي ونور هيه الي شالت المواعين ضليت كاعد بحدي شويه واجه غضب كعد يمي وبيني وبين نفسي كلت اي يا ليث كسرتها اي اذيتها بس هيه اذتني ليش هيج كلت دائما متسرع بقراري اخ يا نهر شسويتي بيه راحت وبعد ماطلعت من غرفتها اي عافتني ونامت جوه تعلمت ع ريحتها ع صوتها ع مشيتها وخطواتها الي تزعجني وانه نايم ابتسمت وصاح غضب
غضب : الي شاغل بالك فرحان بصدف ها
ليث : اسكت غضب اسكت لا احركك
غضب : اوي يحركني انه هسه سعيد لدرجه مايهمني اذا حركتني خلص سمر راح تجي يمي
ليث : الله يتمم ع خير
غضب : اكلك نهر راحت بعد ماطلعت من سبعه وهسه 11:30 🕦 خاف بيها شي
ليث : لتخاف مابيها شي زينه زينه
غضب : والله هاللبنيه كاسره خاطري
ليث : شبيها
غضب : اول ماكلت احبها وجنت فرحان بيها وفجئه كلت جانت مجرد رغبه واخذتها وهسه اريد حبيبه عمري مادري شكلك
ليث : اي كتلك الي صار وختولي تنسه بعدين
غضب : لعد طلكها ليث لاتخليها هيج معلكه حرام عليك تاذيها اكثر
ليث : حجه هيج وكلبي وجعني ماريد افاركه اريد اشوفها اريد اسمع حسها شلون اطلكها رديت عليه بتكبر عود اي انشالله
غضب : شفته شلون نز من كتله طلكها ادري بيه يحبها بس اخ يا ليث تبقى هيج شايف نفسك واهم شي كرامتك كتله اي انشالله وبداخلي اكول ميت مرا كتله الحب مابيه كرامه لويشوفني شلون اتوسل بسمر شيكول ههههههه خليت وكمت كتله يلا تصبح ع خير خليت ورحت نمت
ليث : وانت بخير ماكدرت انام وكلبي وبالي يمها اخ يا الله احبها والله احبها واموت عليها بس هيه الي رادت هالشي هيه الي خلتني هيج اسوي رحت تقربت يم الباب وماجرئت ادكه بس ماسمع شي هدوء يمكن نامت خليت وصعدت فوك بعد ماحست هواي يم بابها تمدتت بملابسي وجه بالي هذاك الموقف من باوعت يمي وجريتها عليه وبست خدها حيل اخ ياريحه شعرها تموتني خليت ونمت وانه الم بصدري من وراها كله منها كله منها كعدت الصبح ونزلت صبحت ع امي
قسمه : صباح الخير بعد امك
ليث : وين البنات
قسمه : نور راحت للمدرسه ونهر نايمه يمكن
ليث : شعجب نايمه مومن عوايدها كل مرا ب 6:00 🕕 تكعد
قسمه : مادري يمه انه هم متعجبه حتصير ب 8 وهيه بعدها ماكاعده هسه شوي وشوفها
ليث : مادري ليس احس بيها شي كتلها انشالله حضروا نفسكم يمه انشالله بعد باجر نروح مشيه غضب
قسمه : انشالله بعد شوي اخذ البنات ونروح للسوك ونشتري ملابس لان تدري نور شيلنه
ليث : ولجين يمته تجي
قسمه : كالت باجر اجي
نهر: كاعده بس مابيه اكوم بلعومي يوجعني كلش التلمست حلكي كله دم خترعت اسمعهم يحجون برا بس ماكدر اصيح ولا اكدر احجي ردت اكوم ماكدرت عيوني يدمعن وحدهن شصارلي انه شصارلي راح اموت من الوجع وجع كلبي طاغي ع كل مشاعري بكلبي احجي ليث وينك تعال شوف حالي ليث راح اموت
ليث : المهم لوتنتضرن نهر اقصد لجين من تجي وروحو
قسمه : غلط باسمها وكتله يمه ادري بيك تحبها بس مادري ليش خطيت هالخطوه
ليث : لا ما احبها يمه انه احب بنت عمي وخطوبتي عليها يوم السبت مابقى غير يومين
قسمه : ولو ادري بيك جذاب ومن ورا كلبك بس ميخالف الله يتمملك ع خير
ليث : انشالله امي تحجي وانه بالي كله يمها وعيني كلساع تروح ع غرفتها واكول يلا وينج يمته طلعين نهر اريد اشوف طولج قبل لا اطلع جاي احجي ونفتح باب الغرفه باوعت وفتحت عيني ع وسعها
نهر : سندت نفسي ع الحايط وكمت امشي اريد بس اوصل فتحت الباب وشفته شلون باوع عليه جاي امشي اريد اطلع وراها ماحسيت باي شي
ليث : رفعت عيني وفتحتهن ع وسعها شفت حالها وخفت عليها تمنيت اموت ولا اشوفها هيج ركضت عليها اريد اكلها شبيج ورئسا طاحت وماحست بشي بعدين شلتها وامي بس تبجي وديناها للمستشفى وحلكه يصب دم مستمر دخلتها للمستشفى للطوارئ وبس امي راحت وياها وانه الخوف عندي يصعد ماينزل
الدكتوره : انتي وياها مو حجيه
قسمه : اي يمه هاي بنيتي
الدكتوره : البنيه حالتها موتمام احس عدها قطع بالاوتار الصوتيه وهوه السبب بالنزيف الي دشوفيه راح احوالها اشعه
قسمه : سوده بوجهي يمه خلولها مغذي وضربوها ابره شويه وحولوها ع الاشعه وطلعت وجان الدكتوره تكول
الدكتوره : حجيه رجلها وين
قسمه : برا واكف
الدكتوره : خليه يجي
قسمه : راح اصيحله
ليث : واكف واحس الوقت يمشي بطيء الدقيقه بسنه تمشي يمي اجت امي وكالت الدكتوره تريدني خفت ومشيت سريع ودخلت وكتلها خير دكتوره احجي
الدكتوره : شوف ابني البنيه حالتها موزينه كلش واحتمال ماتكدر تحجي لفتره سويت اشعه وشوف بعينك عدها واحد من الاوتار تالف ويرادله هواي يلا يطيب اريد منكم تعتنون بيها هسه النزيف وكف بس اهم شي الحاله النفسيه الها وكون كله اشياء بارده خلي تكثر منه حتى يطيب جرحه لان الثلج والبروده بهيج حاله يساعدها ع التئام الجرح اسرع
ليث : تحجي وانه مصدوم بحجيها كتلها شلون صار عدها قطع يعني شنو السبب
الدكتوره : ممكن تكون حاجيه بصوت عالي او صارخه او بسبب صدمه او قهر عادي تصير انشالله بالعلاج طيب واهم شي من تكعد حتى لوتحجي ماريدها تحجي بعد لمن طيب وعشر ايام وجيبها الي هذا مكان عيادتي
ليث : تمام كمت وانه دايخ بسالفتها كله مني انه اذيتها من اخذتها لحد هسه مارتاحت وياي رجليه اخذتني الها وهيه نايمه وجهه شاحب باوعت عليها بقهر امي يمها شويه وكعدت رادت تحجي ماخليتها كتلها لاتحجين
نهر : كعدت بس حيل احس بالم بلعومي شفته كبالي ماكدر احجي كلي لاتحجين باوعتله بعتب وقهر خليت ودرت وجهي خل اكلكم شغله بهاي الثلاث شهور الي عشتهن يمه تغيت حيل وكلش ضعفت لدرجه من اباوع بالمرايه ماعرف روحي شويه وخلص المغذي طلعنه وخالتي تكلي
قسمه : بعد ممنوع تحجين لمن تصيرين زينه
نهر : هزيت راسي بكلمه اي
قسمه : سوده عليه يمه ولا رتاحيتي يلا هسه نوصل نامي رتاحي والعصر نطلع نشتري ملابس لخطوبه غضب
نهر : ذكرت خطوبه غضب وعيوني ضلت يصبن وحدهن اي تذكرت وراها خطوبه ليث وراها راح اخسره للابد تمنيت اكدر احجي جان حجيت صعدنه بالسياره وانه ورا وخليت راسي ع الجامه واباوع بعيوني بس احس حركه بصدري فتحت الجامه والهوه بارد كلش جان شهر 12 نصه تقريبا كلش بارد الهوه شميته حيل وهوه يباوعلي من المرايه
ليث : اباوع عليها متغيره حيل وضعفانه مونهر الي اجت اول مرا شويه وفتحت الجامه خفت عليها لاتتمرض بس ذكرت الدكتوره كالت كلشي بارد زين عليها وصلنه للبيت وتلكاني ابوي وجدي وسالوني وطمنو عليها وراحو
نور : جنت راجعه للبيت لان ماعدنه هواي دراسه جاي نستعد لامتحانات نص السنه تمنيت نهر وياي تدرس وصلت للبيت وسمعت بالصار اخ ياليث راح تموت البنيه بسببك اكيد من القهر شويه وصلو وتلكيتها وحضنتها ضليت تبجي بحضني اخذتها للغرفه وكعدتها كتله لاتبجين لا تاذين روحج حبيبتي محد يستاهل دمعه وهوه الي خسرج ياعمري مماكله اكيد هسه اجيبلج اكل
نهر : تحجي وانه ابجي راحت جيب اكل الي ورا عشر دقايق اجت
نور : طلعت وكتلها يمه اكل لنهر لييث واكف كالي اخذيلها كلشي بارد لا تنطينها حار ولا دافي حتى هزيت راسي واخذت الها حليب بارد كلش وجبن وخبز وديت الها شو شربت بس الحليب
كملي الاكل ليش بس الحليب
نهر : اشرتلها كتلها ماكدر ابلع
نور : مافهمت قصدها خلت وكامت
نهر : مافهمتني كمت جبت ورقه وقلم وكتلها ماكدر ابلع اتاذه بس حليب اشرب وجيبيلي بعد شكله طيب
نور: قريت وضليت اضحك هيه هم ضحكت كتلها اي شربي هذا هسه واجيبلج الي تردينه وراها
نهر : شربت الحليب وهيه راحت ع اساس اترسه مرا ثانيه خليت ونمت ماحسيت بروحي وراها
نور : رحت جبتلها بعد وليث سال
ليث : شو الاكل ما مجيوس
نور: تكول بلعومي يوجعني بس طلبت بعد حليب
ليث : برفعه حاجب موكنالها لا تحجي
نور : منو كلك حجت ها كتبت كتابه وياريت جيب الها تلفون حتى تحاجيني رسايل
ليث : شلون فايتتني هاي رديت عليه عود خوش
نور : رجعت ولكيتها نايمه بتسمت غطيتها وطلعت ابجي من يمها
قسمه : ولج شبيج ماتكليلي عيونج بس يصبن جنج مرت اخوج
نور : يمه مقهوره ع هاي البنيه من اجت لليوم متاذيه ومضلومه وهسه كسرها ابنج خوش كسره حتى خسرت صوتها بسببه وفوك هذا كله حتى حلمها ما حققته بسبب العادات يمه خليني مكانها وشوفي شلون كلبج يصير
قسمه : شبيدي عليها يمه قابل رايده هالشي انه لو مرتاحه اله ماصار سبوع من كلت اي هانت وراح يستقر شو كلب عليها فجئه اخ يا يمه مادري شلون يفكر
نور : اذا صار بيها شي بحياتي كلها ماسامحه
ليث : تعديت وسمعت كلامها صدفه صدك اذيتها هواي واخير شي صوتها خليت وطلعت من البيت رحت يم عمر وكلشي سولفت الها
عمر : انت غلطان ليث المفروض قبل ماتحكم اسمعها يجوز الها غايه بالسوته يجوز جانت تفكر بشي ليش هبح ورطت نفسك
ليث : مادري مادري عوفني هسه خليت وطلعت رحت ع السوك لفت انتباهي محل تلفونات وكفت يمه نزلت ورحتله شفت شنو عنده لفت نضري تلفون هسه نازل اسمه ايفون 7 لونه وردي يجنن كمت شتريته وشتريت ويا خط واخذته وياي للبيت اول مادخلت صارت بوجهي عيونها ذبلانه شافتني ودارت وجهه وراحت صحت عليها نهر
نهر: شفته ودرت وجهي وكفي صوته لتفتت اجه وخله بيدي علاكه وكال
ليث : هاي الج نهر
نهر : اخذتها بدون اي شعور ودخلت لغرفتي شمرتها ع الجربايه وطلعت ملابس ولبست رايحين للسوك لازم اثبتله انه مامهتمه شويه ورحنه للسوك طبعا هوه يوصلنه وضل يشمر حجي
ليث : نور ماوصيج اشتري ملابس مستوره اذا شتريتي شي فاضح ماطلعين من للباب عوزنه عين
نور: ادري بيه يقصد نهر ضربتها لتفتت كتلها يمه الحب يمه
نهر : ضحكت ع سوالفها شويه ورجع كال
ليث : يمه ديري بالج من تمشين وضلي مدنكه ماريد احد يشوف عيونج
قسمه : ولك ياهو يباوعلي ماشوفني شلون حالي
ليث : احجي واباوع بالجامه ميخالف يمه دنكي وانتي تمشين
نهر : اضحك بداخلي عليه خليت ونزلت فترينه الدنيا كلها ماعجبني شي
نور : اكلج يمه ماعجبني شي مو الخطوبه بغداد عد قرايب سمر مناك نروح نشتري
قسمه : نجبي ماعدنه وقت انه حتى لجين كتلها لاتجي تبقى هناك لان احنه اصلا رايحين باجر العصر
نور: اي من نوصل نطلع هناك
قسمه : براحجن
نور : ههههه
قسمه : ضحكتج هاي تخوف ادري بيها وراها مصيبه
نور : يماااا شبيج هسه شوفين طلعت تلفوني وخابرت ليث
ليث : هلا نور صاير شي بيكم شي
نور : لا حبيبي بس نهر تعبت وماتكدر تمشي بعد وماعجبنه شي فتكول من نوصل لبغداد باجر العصر نشتري بالليل
ليث : ها هيج يعني نهر لو انتي
نور : لا والله نهر
ليث : يلا جايكم تعالو
نهر : تحجي ويا وانه اضحك هههههه واكول خرب يومج نور شويه وجه رجعنه للبيت ودخلت كبل غرفتي بدلت وحضرت نفسي وشنو اخذ وشفت العلاكه فتحتها وجان اشوفه تلفون يخبل لونه وردي وانه اصلا اعرف للتلفونات لان جان عندي ايفون بس مونفس هذا لا يصير ايفون 4 شفته كلش عجبني فتحته بس واتساب ورقم ليث اول رقم دازلي
ليث 💬 : عجبج التلفون
نهر 💬: اي شكرا بس ماله داعي
ليث : كاعد وصلتني رساله كاتبه بيها اي بس ماله داعي رديت
ليث 💬 : كلشي لعيونج يهون
فتحتها وماردت عليه خليت ونمت لان الدنيا لليل كعدنه ب 5:00 🕔 لصبح وطلعنه بدون ريوك لبغداد وانه عيني عليها صعدت ني غضب ماقبلت تجي وياي طول الطريق الباوع عليها نايمه ولاكعدت نزلنه وتريكنه وهيه نايمه اخذتلها اكل وراها بساعتين دخلنه بغداد وصلنه لبيت خالتي تقريبا وصلنه ب1 الضهر صلينه وتغدينه وبدت نور تزن ع راسي
نور : يلا ليث كوم ودينه ليث يلا
ليث : شوفي البنات اذا طلعن اوديجن
نور : طبعا يطلعن شتكولن بنات
ردن : طبعا نروح
ليث : حضرو روحكم ل5 نطلع نور اوكفي
نور : ها ليث
ليث : نهر وين ماشفتها وما تغدت
نور : اي صعدت صلت ونامت كالت لاتكعدوني اريد انام هسه اكعده تبدل واخليلها اكل صعدنه فوك وهمس كالت
همس : وشلون تبقى هيج الله يعين كلبها
نور : مادري يا همس كلبي يوجعني عليها
لجين : هسه تطلع وتصير زينه انشالله خل اخابر سامر حتى يجي ويا ايمن وحنه نفتر وحدنه
نور: كالت ايمن وانه توترت هههه من شفته لليوم بالي يمه
في بغداد سكن الطلاب
سامر : ولك ايمن كوم خرب يومك شكد تحب النوم لجين خابرتني وكالت جيب ايمن وياك لان جايين من البصره اهلها ويردون يطلعون من للمول ع مود ملابس
ايمن : سمعت اهل لجين طفرت اي كايم كايم
سامر : ضحكت كلت والله عندك شي موخالي هههههههه
ايمن : من يوم الرجعنه من البصره ونوب رحنه البغداد وانه افكر باخت لجين بالي كله يمها انه مرحله رابعه وعندي شغلي الخاص بيه عمري ماتكلت ع ابوي صح احب النوم بس شغلي ماتهاون بيه 24 ساعة 🕰 فاتح الكاميرات ع الموضفين عندي شركه صغيره مال رسومات هندسيه انه مهندس معماري ادرس بس قبل لا ادخل هالاختصاص جنت اشتغل وي والدي بالبناء ف فتحت الشركه صح لفلوس ابوي بس رجعتهن هههه من يوم الشفتها بالمول وانه كلبي دك الها ومن شفتها بخطوبه سامر طالعه تخبل اخ وهسه وراها كعدني يكلي اجو ويريدني ماروح الا خبل ههههه كعدت بدلت وخلصت وشويه واتصل عمار
عمار : لك ها كلب
ايمن : وجع شرايد
عمار : لك انه الرائد راهب الاسد تكلي هيح
ايمن : مويمي جان عرفت شلون اتصرف
عمار : ههههههه سرسري موبيدك بله اكلك شي
انه بغداد اجيت عندي شغل وامي خبصتني تكلي روح شوفهم
ايمن : اي تعال شويه ورايحين للمول سامر يشوف خطيبته وانه اشوف نهر
عمار : ليش نهر هنا
ايمن : اي اجو ع مود خطوبه غضب
عمار : وبنت خالهم وياهم
ايمن : اي وياهم
عمار : جاي جاي هههههه
ايمن : بدلنه وطلعنه للمول واجه عمار وجنه لابسين
وعمار هيج لابس يموت ع الرسمي رحنه ولتمينه نتاني الجماعه شوي واجو بس شنو شطالعه نور اخ دخت بالزايد شفت عمار صفن شويه نوب عصب عكد حواجبه
نور : كعدت نهر وبدلنه وخلصنه طبعا احنه بغداد منلبس عبي وحتى الشيخ مايلبس دشداشه اصلا غضب مايلبس دشداشه ابد يضوج منها ويكلهم مالبس بعرسي موتكولون ههههه. نضل نضحك طبعا بالتواسيل يلا اجه استاد غضب لان سمر كلتله انه بالمول رايحه اكمل اشيائي وراح يشوفها
انه بدلت ولبست هيج
هذا لبسها طبعا نهر حيل احب ذوقها يجنن باللبس وانيقه بشكل هذن شترتهن من رحنه ندور بدلات حفلات ههههه تكول عجبني
ليث جان هيج لابس 👇🏻
خلصنه وطلعنه وانه كلبي مثل الطبل راح اشوف ايمن واخيرا
همس : اكلجن بس لا هذا الغثيث هنا عمار
لجين : ولج شيجيبه الولد بالبصره
همس : همزين ماريد اشوف وجهه
نهر : اباوع واضحك عليهن وانه عيني ع ليث مانزلت اشوفه شلون طالع حلو بس من يلتفت عليه ماباوعله لان ماريد يكول تباوع عليه وصلنه وشفت خواني وع كوله همس الغثيث موجود ستغربت شجابه رحت عليهم وبوستهم وحضنتهم كوه كتلهم زينه
ايمن : نهري شبيج شبي صوتج ردت نور
نور : اخذت بروده والدكتورة كالت لاتححي هواي ع ماطيب
ايمن : ها واكول بكلبي يمه الصوت جنه ترانيم عاشق اخ
همس : هم هذا الغثيث خرب
عمار : اجت وبكل مرا تثبتلي هيه تخبل واللبس الناس كله تباوع عليه اخ لو مرتي اكسر راسها سلمنه عليهم شويه وغضب راح كال رايح اشوف خطيبتي ههههه
عمار : بصوت مسموع اي ماتتحمل لباجر دصبر فشلتنه
غضب : كيفي يارب يبليك بوحده شيب كلبك
عمار : ههههه بلاني بلاني لاتخاف
همس : يحجي ويباوع عليه وانه بنص عين اباوعله هههه اكلكم سر ماخفي عنكم كلش عاجبني وخصوصا اناقته وطوله يحسسني بانوثتي ياناس ههههه يلا كافي خل ارجع للواقع خلينه وكمنه ندور ع ملابس وكلعاده شتريت الاسود الي ما افاركه
نهر : فترينه المحلات كلها ماعجبني شي احس كلشي مكرر اف
نور : شبيج حبيبتي حايره
نهر : طلعت تلفوني
نور : اخ عندج تلفون
نهر : هزيت راسي وكتبت الها اخوج الغثيث جابه حتى اكتب الاريده اكلج كلشي مكرر وممل
نور: انه هم هيج كلت لازم نشتري
نهر : وانه امشي وجان انتبه ع ثنين يمشون ورانه واحد بس يريد يحجي وياي وانه حيل تعصبت دخلت لمحل مكياج كوزمتك يعني وشتريت الاحتياجات الي اريدهن وطلعنه وهم بقى يفترون وراي شويه وسمعت حس وراي لتفتت وجان اشوف .........
شكرا لزيارتكم عالم روايات سكيرهوم
