رواية بنات سهر الفصل الثاني والعشرون بقلم فراقد حسن علي
همــسات لـمن أحــب....
الى من جعــل لحـــياتي....معـنى جمـــيل
الى من أيقـــظ قــلبي........من ســـبات طـــويل
اشـتاق اليك...كماتشتاق الطيورلحضن سمـاء وسيع
احن اليك...مثلما يحن الى صدر أمه طفل رضيع
كأن في عينيك سحر ساحر
وبـت احلــم بيــدك...
تمتــد الـيّ....
تــوقظــني.....
من ظلـــمات لــيل مريـع.
🌷🌷🌷🌷🌷🌷🌷🌷🌷🌷🌷
((((مامراجعه الحلقه حبايب 😁
غمضوا عن السحك 🤗)))))
سوار /اني مااعرف شلون اتصرف خجلانه ومرتبكه
بقيت هادئة واضحك
على واهس ضحكة طارق وفرحته
يمسح على بطني ويضحك
ويدفعها بصبعه وكل ماتصير حركة
و كال / فدوة لله والعباس حسوا بيه ،
ماحسيت غير كال /شنوووو هذاا
وشمر تيشيرت همام بوجهي
حتى ما ادري شلون اجي بيده
اني مخليته يم المخده
يمه خرعني وخفت من شفته مخنزر عليه
كتله / هذا تيشيرت همام ....
بعدني ما كملت وهو طفر من السرير
وكف على حيله واجى عليه من الجهه
الثانيه صاح / شنووووووو
خفت من عنده مخنزر عليه
وصام جف ايده خفت يضربني
بسرعة كتله / بس اصبر اكلك شي
والله هذا تيشيرت همام العطر مالته طيب وحبيته ، وماقبل ينطيني الشيشة
ورش العطر هنا كال يبقى بي لان قطني
وحتى كالي هو بخمس الاف جيبي عشره آلاف
وانطي الج، وحتى خالتي حلفت يمين
بس اجيب الجهال تمسحهم بهذا التيشيرت
هو لزمني من ايدي وعصرها قوي وجعني كالي / واذا اكو غير هذا الحجي وطلعتي جذابه
بجيت خفت من عنده
كتله / والله العظيم هذا الصحيح
وحتى اسأل خالتي
هو عاف ايدي وصاح / لا تبجين
سكت شويه وانوب كال / كافي لا تخافين
انوب سألني/ انتي بس علمود حبيبتي العطر
لو مخليه تيشيرت همام يمج
يعني تحبي لو معجبه بي
ترى من حقج اذا تردين اطلكج واتزوجي
وره ما تجيبين
بقيت أبجي خايفه من عنده
حتى مااستوعب معنى كلامه شنو
يعني حتى ما اعرف شنو اجاوبه كمت اخيط واخربط
كتله /لا والله همام حباب واني حاسبته اخويه
وهو يشتريلي كومه حلويات ومرات اكل
من يجي من بره
واني مااريد اتزوج اريد اجيب جهالي
واربيهم والعب وياهم
واني ماحب ولا رجال
ترى اني اعرف شنو يعني الحب عرفته
من مسلسل نور ومهند ،
بس مااعرف ولا رجال حتى احبه
كال / جا شلون تكولين للحجيه
انتي حابتني وما ترضين ازوج علياء
وتكولين بعد مااخاف من عنده
جاوبته / اني اخاف منك لان مره تصير حباب
ومره تبقى تصيح وتعيط
وهاي علياء اني ماأحبها اشوفها وكحه
واخاف تزوجها وتخليك تطردني
اني وجهال من البيت وخطية يصيرون
بدون ابو
هو كال / يعني لان ما تحبيها
وتخافين أطردج من البيت ما ترضين ازوجها ؟؟
بقيت ساكته وبس ابجي
هو اكثر من مرة كالي/ ما تجاوبيني
بقيت ساكته شريد اكله ،
انقهر لان يجبون طاري زواجك من علياء ،
لو اكو شي تغير بروحي ومااعرفه شنو هو
وكمت افكر بيك وانقهر اذا تزوج مرأة ثانيه
هو كالي/ راح أسال همام والحجية وأجي
واذا طلعتي جذابه اموتج تموت
طلع من الغرفه واني شبعت بجي وراه
مااعرف شبيه ،
والله العظيم أني ما فاهمه نفسي شبيه
ساعه اكول ميخالف اريده
وميخالف خلي يجي يمي ومااخاف من عنده
بس المهم لا يروح يتزوج علياء
ومره اكول لا اخاف من عنده خاف هم يشرب
ويكتلني ويأذيني
هو رجع يضحك وقفل الباب
كال / جبتلج شيشه العطر وبلاش
خلي يولي هذا الجحف لو ماهو تعباه
كتله/ رحت كتله على تيشيرت ؟؟
كالي / تؤ اني اصدك بيج أنتي حبابه وما تجذبين عليه
رجع كعد يمي على السرير
كالي / اكلج عادي أبخ من العطر على بطنج
خطيه خاف الجهال يردون يشمونه
يمكن هاي نساوة خاف تخرب خشومهم
كتله / بكيفك
هو بقى يباوع بعيوني ومد ايده مسح أدموعي
كالي / ترى عيونج تكفر المؤمن
ولج ما تكليلي شكد الله يحبج
حتى انطاج هيج عيون
كتله/ اني مااحبهن هوايه اضوج منهن
كل الناس يصحولي من وراهن العميه
لو ام عيون البزون
كالي/ والعباس يغارون منج
تقرب على كيفه وباسني من عيوني
يمه فد خجلت بقيت ساكته وهادئه ولا تحركت،
انوب كالي / بعد لا تبجين انا اتسودن
من اشوف مراة تبجي
مو انوب اشوف ام جهالي تبجي وماأسوي شي
اليبجيج اعلكة بالبنكة
انوب ضحك وكال/ اكلج لا تنسيني
خل ابخ عطر الجهالي
اني عبالي هيج يرش العطر من وره الثوب
كالي / غير اخلي على بطنج حتى يصير على جلد
ويروح للجهال
اني هنا بس اباوع عليه واستمع
والغبيه على كلشي اكله بكيفك
هنا أستحيت كتله / لا شلون يصير
عيب اتشوف جسمي
كالي / لج مسودنه ماارح اشوف شي منج
اتغطي واني من جوة الغطة ابخلج العطر
كتله / هااا بكيفك
اني ماانام على ظهري اختنك
احس الجهال يزحفون على قلبي
انام على صفحة، تمددت وتغطيت
هو بس مد أيدة من جوة الغطة ورش العطر
فد كشيت ومتت من الخجل من لزم بطني
وبقى يمسح عليها،كال / حتى بسرعة
يوصل الهم خطيه ،
وهو اخذه الواهس واني شو هم بقيت هادئة
وكالي / مو ضهرج يوجعج ادلكه الج
هم كتله / بكيفك
وهو أتمدد بصفي وهوايه لزك عليه
وجهي على وجهه ومد ايده وبقى يدلك بظهري
شو ماحسيت على روحي غير هو يبوس بوجهي
بس على كيفه
شو أني ما منعته حبيت هيج يبوسني
غمضت فد شعور حلو
صح شواربه اجكك بخدي بس شي حلو
شكد ماحيست بخجل
شكد ما حبيته وكيفت
اكو شي بداخلي يريد هاي البوسات تبقى
ما حسيت الا هو وخر من عندي وكال / خطيه
الجهال خنسوا يمكن هم ناموا
انا هم انام شويه تعبان
انطاني ظهره وتغطي ونام
اني بقيت صافنه شصار بيه ؟؟
شو تغيرت ؟؟
شنو كمت ما استحي وعادي اقبل يبوسني؟؟
شو اكو شي بداخلي مااعرف شنو
يريد يرجعه ويكله ابقى قريب ؟؟
شعور حلو أول مره بحياتي احس بي
بقيت على حالي ابد ما تحركت
لحد ما نمت
مر العصر عادي مابي شي جديد
بس ما طلعت من الغرفه حدي للحمام وارجع
خالتي خابرت طارق تسال عليه
وهي كاعدة بالصالة
بس ماتريد ادك الباب وتحرجنه
واني حجيت وياها كالت/ بالي يمج
طارق صاح عليها / عود مااكلتهاااااا
كالتله/ وجعة امي وسدت الخط
هو كالي ممنوع تطلعين هسه اجي
وراح جاب اكل وحلويات ومي
وانوب جاب اقراص و( DVD)
ورجع للغرفة وقفل الباب
وبليل سهرنه اني وياه
شفنه فلم جديده
وانوب مالحك على الترجمة
اكله شنو كالوا ، شصار
وهو يختصرلي الحجي
بس شنو كلساع فاز ومفززني وياه
يندمج ويه الفلم ، مانمنه للفجر
ثاني يوم فزيت باب الغرفة يندك
صوت خالتي تكول/ يمه نايمة كاعدة
ولج صار العصر بيج شي
صحصحت طارق نايم بصفي
ومغطي حتى راسه
تحركت على كيفي وكمت فتحت الباب الخالتي
اباوع عليها تضحك ومكيفه
كالتلي/ هاااا يمه بالعافيه اترضيتوا
بقيت ساكته استحي اكلها شي
طارق صاح / يوووم ناس نايمين ومرتاحين
شكو تجين وتكعديهم
لو هذا الطبع أتبطلي انا بخير
كالتله/ طويرق كوم من فراشك صار العصر
وامشي جيبلنا عشا من بره
اختك مالها خلك ،
ومرت اخوك تعبت اليوم كرفت كل البيت
هو كام من السرير مزعوج
عزه وصخام فد خجلت نايم بس بالشورت
هذا شوكت نزع هدومه والله عفته نايم بالتراك
هو كام يبدل
وخالتي كالتلي / غسلي وجهج
وتعاي اكليلج شي بين ما يصير العشا
رجعت اخذت حجابي مخليته يمي على ميز السرير، لبسته وبقيت اعدل بي
هو طارق كالي / هااا اوصلج يم الحجيه
كتله / لا هسه امشي على كيفي
كالي / تدرين حظن وبوسات الحلال طيبات
ولا رديت عليه استحي
هو طلع قبلي من الغرفة
واني غسلت ورحت يم خالتي بالمطبخ
-
اجتي لمى تركض جانت بالصالة كاعدة
وبيدها تلفون اكيد تحمس بحيدر
كعدت يمي على ميز الطعام وكالت / هااا
بشري تراضيتوا انتي ورجلج
ما حجيت شي وبقيت بس اضحك
كالت /لج ملعونه خدوج مورده
بالعافيه عليج
والله انتي حبابه وتستاهلين كل خير
صيري سباعيه ولا تخافين منه
وهو هم ما يأذيج بعد
-
امي هوايه حجت وياه ،
وكاللها /وعد عليه من اشرب مااجي يمها
خاف أاذيها وماادري بنفسي
انتي كسبي وشويه شويه علقي بيج
وخلي يترك الشرب الخاطرج والخاطر جهالج
هنا اجانه صوته صاح / يالزريكه انتي بس مالج
دخل بيها ، وعوفيها لا تخربيها
واحنا نتراهم
هي كالتله/ بسيطه انا الك
الا افر راسها عليك
خاف امي صارلها شهر تقنع بيها
هسه اكلها كلمتين وافر راسها
هو كالي / هااا شدكولين لمى تكدر تفر راسج عليه ؟؟
مارديت لان مااعرف شكول
ومااعرف شنو لازم أحجي وارد عليهم
بس بقيت اضحك وساكته
هو كال / الزريكه وين الغموس
كومي طكنه جوع
هي كالتله/ زعلانه خلي مرتك تكوم تسويلك اكل
كالها / هاااا حسبالي اخذ هذولك العرب
فره بالسيارة بس بطلت
هي بسرعة طفرت وكالتله/ بعد دلبي
شتريد اسويلك اطلب على لسانك
هو كال / لج اتسووودن من الملاقه
بابا اتعلمي الملاقه والمجامله من صفات نفاق
خليج جبل ما تهتزين كدام الريح
وانطيها بالكصه لا تخافين
وامشي سويلي اي شي ناكله انا ومريتي وجهالي
هي سوت هاي الحركة مال سلام العكسري
وكالتله / حاضر سيدي المهندس
والملاقه تصير حلوة اكثر من تحرك ايدك
وتريشني بكم فلس
هو جرها من اذانها وكاللها/ بس كليلي هذا الخمط
شسوين بي ، لغفتي مال الله وعبادة
ودورين بعد
كالتله/ تعرف كرسي جابر معوز شويه
حتى يجي
هو صاح / عوووذ منجن يالنسوان عدجن
الذهب اهم من الهواء بابا اكو شغلات اهم
مثلا هذا الخمط من تجمعي روحي
سوي بي تجميل لهذا خشمج جنه صفاره الحكم
هي كالتله/ والله خوش فكرة
حرك ايدك اجيب كرسي جابر
وخشمي انت لو منتصر تتبرعولي بتصليحه
هو صاح / يبوووووو على عمر سراب
شورطني وحجيت
بابا امشي سويلي شي ناكله
صحت وره لمى راحت للمطبخ الثاني
كتلها / لمى شنو كرسي جابر ؟؟
شنو هذا؟؟
هو كالي/ ماتعرف شنو يعني كرسي جابر
كتله / لا والله اول مره اسمع بي
يعني شنو هو كرسي عادي ؟؟
هو بقى يباوع عليه وكال/ الخاطر الله وين
جنتن مظمومات بيا كهف وهيج كلشي ماتعرفن
اني شحسبالي كلمه مو زينه ويكولون هيج
يعني يضيعون بيها المعنى
كتله / هااا العفو مو قصدي احرجك
اسفه بعد مااسأل
هو كال / وليش الاعتذار
واعتبري اجاج بيوم ولادتج هديه سلامتج
وشوفة الجهال بسلامه
سكتت لان ماعرفت هو شنو اليحجون بي
لمى جابت الاكل،، اكلنا ثلاثتنا سويه
سألت لمى على حسين ، ومسرة
كالت / راح هو واخته لبيت اجدادهم يشوفون امهم
همام وصلهم بطريقه
ومسرة متلاغيه هي ومنتصر وعازله روحها فوك
بس تلطم وتبجي من الظهر والهسه .....
طارق كاللها / من تخلصين اصعدي ناديها
خليها تبدل وتجي ويانه افركم شويه
غيروا جو
اني كمت غسلت وبدلت والله ولا طالعه
كله كاعدة بس بالبيت يادوب على كد
طلعه الطبيب ،
لمى بسرعة بدلت وحضرت روحها
ومسرة ما قبلت تروح ويانه
وخالتي هم ما قبلت تطلع
كالت عندي مسلسل متابعتها مااطلع واعوفها
طلعنا بس اني وطارق ولمى
كعدني يمه بالصدر،
ولمى كعدت ليوره
وانوب كامت تضحك كالت / هسه رجال ومرته طالعين
انا شكو حاشره خشمي وياهم
ترى عيب لازم احس على روحي وانزل
بس يم الطلعه يختفي الأحساس
اخويه الغالي فرنا بكل شوارع بغداد
خل نشتم هواء اختنكناااا
طلعنا وبقينا نفتر ماكو مكان محدد نروحله
اني بقيت اتفرج واباوع على كلشي حلو
الطلعه بغداد من يظلم الجو حلوه
وتصير غير شكل
هو طبك يم محل جبير
قريته مكتوب عليه مرطبات الفقمة
نزل اشتري النا موطا ، وجاب سفري للبيت
هو ولمى حبوها ، بس اني مو هلكد
مااحب الحلا ادور الحموضة
انطيت كلاصي اللمى كملته
بالطريق اشتري اكل للعشا
وانوب اشتري كرزات وحلويات ونسأتل
وانوب جاب بقلاوة وزلابيا
سألني / شتردين اجيبلج
كتله /طرشي مدبس بس منتصر يجيبه طيب
خابر على منتصر وكاله جيب وياك طرشي مدبس
يمكن ثلاث ساعات بقينا نفتر يلا رجعنا للبيت
كلش تونست واحس روحي صدك
شويه تغيرت
بس وصلنا ونزلتني لمى ،
بوجهي العفو للحمام
كمت اكرهه حتى من النوم العميق حرمني
من اجمعنا على العشا
شفت مسرة عادي مابيها شي وتسولف ويه منتصر
وهو عادي لا ضايج ولاابد
وهمام خلص العشا علينا
يصنف على هذا ويحش بهذاك
همام المايعرفه زين يكول عليه خشمه يابس
بس من يأخذ ميانه على الواحد
لا غير شكل حباب
والحلو طارق اليوم ماطلع
كعدنا اني وياه بره بالحديقة
كتله / يوميه اني وحسين نكعد
اليوم هو ماكو ضايجه عليه .
كالي / ابن المطي مستفاد اكثر مني
جاوبته/ يااا عيب تغلط على منتصر اكبر منك
كالي / انا مااعرف بهاي المثاليات البقلبي على لساني ، شيجي كلام براسي اكوله
وبقينا شكد كاعدين نسولف
ونكرز ، وناكل حلويات ونساتل
بس هو هواية اكل بقلاوة وزلابيا
وما شاء الله راح جاب ٤ قواطي من سيارته
يمكن سفن ماادري ببسي
بس شكلهن غريب ما شايفته قبل وكلهن شربهن
ومن كتله/ اشرب شويه
كالي / هاي مشروبات غازيه مال طاقه
مو زينه على جهال تأذيهم
بس شكد حلو بقى يسولف ويضحكني ويشاقه
من ردنا نفوت جوة للبيت
العفو هو لملم الهوسه والكشور مال الحب
وراح ذب الزباله بحاويه الشارع
دخلنا جوة كلهم نايمين
اني من رحت اتمدد بغرفة خالتي مالكيتها
دورت عليها لكيتها نايمه بالغرفه الثانيه
انقهرت عليها، رحت كعدتها
كالت / ولا اتحرك من مكاني عوفيني نايمه
روحي بمكانج
اني هم رجعت المكاني
ومن انام بليل ألبس دشداشة خفيفه كودري وعريضه
كاعد امشط شعري حتى اظفرة وانام
اجي طارق بقيت اباوع عليه
فات وقفل الباب ، لابس بس شورت طويل
وكله مي هسه طالع من الحمام
ركض وشمر نفسه جوة الغطه
لان سبلت مشعول وبارده الغرفة
خلصت تمشيط وهو صاح عليه / تعالي اتغطى بارده عليج ،
رحت بمكاني
هو كالي / شلونه ظهرج
كتله / يوجعني
كام طفى السبلت واجى اخذ العصاره من ميز السرير
وكالي / يلا تغطي خل أدلكج
هاي من ثقل الحمل يصير عندج وجع
سألت حيدر وكال شي ما يخوف
بقيت كاعدة لان يوميه خالتي تسويلياه
يعني اني كاعده اغطي نفسي من جوة بالجرجف
وهي ترفع ثوبي وتبقى ادلكلي
هسه شلون استحي من عنده
كتله/ عوفه اليوم باجر خالتي تسويلياه
كال / هااا براحتج
تمددت ونمت على صفحة
هو طفى الضوة وشغل الكلوب خفيف ضواه
واجى تمدد بصفي،،
ظهري عليه ، حسيته قريب عليه
بس ابد ما تحركت استحي من عنده
هو لزك عليه ومد ايده يمسح على بطني
باسني من ركبتي كشيت
مااعرف ليش ما امنعه ولا آوخره من عندي
من هذيج الليله وبديت اتغير
وشويه شويه كمت مااخاف من عندة
وهو من يلزمني شويه شويه يأخذه الواهس
ويلفس بيه على راحته وبكل هدوء
واني ابقى ساكته وهادئه هم استحي من عنده
وهم اخاف لا يصير عصبي ويضربني
وهو شو كام ما يطلع بليل
ويوميه نكعد بالحديقة ونخلصها كرزات
واكل حلويات ونساتل
بس كام ما يشرب هاي القواطي مال طاقه
لا يجيب دولكه ويملاها ثلج
ومااعرف شنو يخلي بيها من سيارته ،
ويعوفها لحد ما شويه يموع الثلج
ويبقى يشرب بيها
بس ابد ما ينطيني من عدها
يكلي / هاي مشروبات مال طاقه
يشربوها بس الشباب بالعسكريه
من يلزمون واجب حتى ما ينامون
ومرات العصر يكلي يلا بدلي خل نطلع ضوجه
ما نروح لمكان معين ، لا بس نبقى نفتر
وبليل نرجع للبيت
يعني خلصت شهري السادس بدلال طارق
حتى مالتحق للعسكريه
عمو حاتم كاله ابقى
داري مرتك انا أسدلك
ودخلت بشهر السابع وما شاء الله
بطني كبرت بالزايد ،
وصارت حركتي كلش صعبه
بالكوة أتحرك وظهري يكطعني من الوجع
ورجليه بس تصل عليه
خطيه حيدر يجيبلي كله مقويات وفيتامينات
ويجيبلي عصاره زينه لوجع ظهري
وهو طارق وساهرة هم اخذوني للدكتوره
ماشاء الله أوضاعي كلها زينه
وجهال كبرانين وزينين
بس الرمل عندي يزيد ما ينقص خبلني
وشكد اشرب مي بس ما يروح
وطارق يكول الخالتي/ والله علاجها يمي
بقوطيه وحده اغسل كلياتها من الرمل
وخالتي تكله / كول يالله لا يصير شي بالجهال
اني وطارق أحتلينا غرفه خالتي
وأستقرت هي وحسين ينامون بالغرفة الثانيه
طارق علمني عليه وكله ينومني بحظنه
ويموت على التكمش والعض بس ما يوجعني
وابد ما تقربلي هو علمني وكعد حجة ويايه
بس كالي / اخاف على جهال لحد ما تجيبين
نصير متزوجين من صدك ،،
يعني نبقى الليل كله كاعدين
صار عندي الليل حلو وانام بالنهار ،
بهذا الشهر السابع سمنت بالزايد
حياتي عباره عن اكل ونوم
يمكن اكل سته لو سبعة وجبات باليوم قليل
ونايمة النهار كله ، وباليل اخلصه
اكل حلويات ونساتل ويه طارق
حتى حسين كمت مااهتم بي مثل قبل
تخيلوني صرت دوشك مال كطن وكاعد
هو فد يوم سألني كالي / انتي ليش تضوجين
من علياء ..وما تضوجين البنات الأروح يمهن ؟؟
شنو الفرق عندج ؟؟
جاوبته بالصدك كتله / هذن البنات مااعرفهن
واني من اصلي اختم السبحة واكول بدل نيتك
(( اهدنا الصراط المستقيم )) حتى تعوفهن
وانوب اختم على ايدي بطريقه ماما
اساور حلمانه بيها وذكرتها
قبضه ((كهيعص )) وفتحة ((حم -عسق ))
واني قلبي يكلي راح أصير حباب وتعوفهن
من يجون الجهال لان انت دوم تكول انا احبهم
بس هاي علياء وحده حقيرة
كلشي ما مسويتلها وغمتني بيوم العرس
وبيوم قبل الحنه صاحت ورايه ام عيون العمي
انتي صدك حبلة ، بس ما جاوبتها
ولهذا السبب اضوج منها
هو كال / لا يابنت المطي واكول قبل الزفه
خبصتني خبص بالرسايل
لحد ما رزلتها غسلتها غسله مال جلاب
يلا فكت ياخة
بالعباس الا أجرعها المر واشربها من نفس الكاس
السكتني منه ....
ومشت ايامي حلوه بدلال طارق
وهنا خلصت شهر السابع بسلامه وراحة
بس يا يوم يكعد الحظ ويه وحده مثلي
من يوم يومها كصتها فكر
وعيب وحرام تفرح .........
-
-
-
أساور / هوايه مرتاحه بالكعده بيت عمو حاتم
بيداء صارت اختي وصديقتي مو مرت عمي
جهال عمي هوايه احبهم
يخلص اليوم ويه هوستهم ولعبهم
عمي حاتم من يداوم قبل يوم
يسوك مسواك كامل للبيت ،
ويعوف مصرف يم بيداء خاف تحتاج شي
واذا اعتازت شي وتريد تطلع
مثلا للسوك ،
لو للطبيب هي تروح لو تاخذ واحد من الجهال ،
لو تروح للخياطة
لو واجب للجيران
تخابر عليه وهو عادي يقبل تطلع
بس لازم جواد يروح وياها
هذا جواد بوق ما تنضم بحلكة حجايه
يسولف للغريب والقريب
شكد بيداء تعلمه ، وتضربه ، وتعاقبه
وحتى مرات عمو يضربه بس مايفيد وياه
تكولون كامرا وتصور ،
هذا راح،، فلان اجي،
هذا اكل ، ذاك شرب
فبيداء دوم حابسته بالبيت ما تخلي يطلع بره
لان يفاتن الجهال اليلعب وياهم ويتعاركون من وراه
ومازن بقى يعتذر من عندي
ويدزلي رسايل كلها اشعار غزل
واشعار حب ، وكلمات حلوة
ودزلي رساله من انزل اريد نكعد وحدنا
اعلمج عليه واتعلم عليج
واسولفلج كل العندي احسن من التلفون
كلت البيداء على اعتذاره ورسايلة
كالتلي / ميخالف اكعدي واسمعي من عنده وشوفي
لا تحكمين بسرعه وتستعجلين وتخرب حياتج
بيداء مخلصه ابتدائي مثلي
بس هوايه شاطره وتعرف كلشي
واحسها متعلمة ومثقفه
تسولف وتناقش وتكول هذا صح وهذا غلط
اني مااعرف اتصرف مثلها
يمكن لان هي اكبر من عندي
بيوم النزل مازن من دوامه
وكال العصر يجي يشوفني
عمو حاتم جان ملتحق بالعسكريه
هي كالت / عادي خلي يجي الف هلا بي
هذا بيت أخوة ، وبيت مرته
والعصر اخذ جواد واروح للخياطه
هم ابعد جواد عنكم ،
وهم اكعد يمها شويه انطيكم مجال
خاف يستحي مني مازن واعرفه زين
وحجت ويايه بصوت ناصي
وعلمتني على كلشي يصير بين المتزوجين
وكالتلي ممنوع تطمعي بشي اثكلي عليه
هاي دنيا ومانعرف شضامتلنا بيها
واكيد هو راح يمد ايد ، رجل ، ياخذ بوسه مايخالف
رجلج مو حرام، بس غير شي لا تنطي حافظي على روحج
انوب كالتلي /عيب راح تكعدون وحدكم
وراح يركز عليج
شنو هاي شواربج وحواجب وايديج كلها شعر
كتلها / ماما ما تقبل احف حواجبي
بس شواربي صار هوايه ما مسويتهن
وايديه ابد ما تقبل تكول الشعر يكثر
كالت / امج توفت الله يرحمها
ربتج صح وصلتج لهنا قمة بدينج واخلاقج
هسه اجى دورج تربين نفسج بنفسج
ومابيها شي لو رتبتي نفسج شويه
عدلي حواجبج حف بناتي
وشيلي شواربج عود لا تحفين وجهج
وايدج سويهن بشيره ومن تخلصين غسليهن بملح
واذا طلع بعدها شعر تعاي عاتبيني
ومن حقج تعدلين روحج انتي هم شابه
وتشوفين باقي البنات ويعجبج تتغيرين للزين
وما مسويه شي غلط ،
ومن حق رجلج يشوفج متغيره وصايره حلوة
ومنتظرة جيته بسلامه
بقيت ساكته مااعرف شكلها
عاد كتلها / بكيفج
هي ما قصرت وكتلكم من قبل هي سباعيه
كامت سوتلي شيره ودكت وياها حباية راس
وبين مابردت بلشت بيدي نظفتها
شالت الجلد الميت كله ،
طلعت ايدي تلمع من النظافه ،
ومن خلصت كالت/ دكومي غسليهن بمي بارد
واني اغسل على المغسله
جابت ملح ناعم وكالت/ هسه دلكيهن بالملح
واذا طلع بعد شعر تعاي عاتبيني
وبين كل مده ومده هيج نظفيهن شيلي الجلد الميت
ومن خلصت تغسيل كالت / هذا مرطب
مال جهال اخلي من عنده النوره خلي من عنده
حتى لا تمشك ايدج ، وصدك هي شنو ادكلي
اني اسوي
انوب حفت حواجبي يادوب نظفتهن
وشالت شواربي ،
ما شاء الله ايدها خفيفة بالخيط
كالتلي/ اكلج عندي زي هندي بجامه وقميصه
وعلي لبسته مرة وحدة وصغير عليه
اشتراه اليه عمج بعده بالعلامة نظيف
تلبسي احلى من الدشداشة
كتلها / هااا اي بكيفج ميخالف
طبيت سبحت ولبسته شويه جبير عليه
بس حلو وخياطة مرتب
وقميصه طويل يوصل جوة الركبه
من طلعت وشافته عليه
كالت / بالعافيه يخبل عليج
بس جتفه شويه جبير عليج
هسه اخليه كتافيه يكعد وزن على جسمج
وهاي الجوة غيرها والبسي ام السفنجة حتى تشيل القماش ويترتب اكثر
وفعلا شنو تكلي اسمع كلامها
ومن صدك بعد التعديلات
طلع الزي عليه حيل حلو
انوب كالت /تعاي اشسور شعرج
وبقت يمكن نص ساعه هي تسحب
بشعري بالفرجه والشسوار
وبس رفعته نص رفعه بالقراصه
خلتلي كحله وحمره خفيفه وبس
ورشتلي عطر
كامت تضحك / كالت اليوم مازن يعلسج علس
اذا اجيت ولكيته ماخذج البيته ماألومه على هذا
الجمال الحلو ،
والله اني مو هلكد حلوه حالي حال كل بنيه ،
ماعندي شي يميزني عن باقي البنات
بس شو حسيت نفسي صرت حلوة
من كلامها ، وتغيير الصار بوجهي
واللبس هم حلو
مازن دزلي رساله / عشر دقايق واجي
اريد جاي
من كتلها راح يجي مازن
وكمت اسويله جاي
هي كامت تبدل وبدلت الجواد
كالتله / امشي نروح للخياطة
واحنه ابد ما سمعنه جواد مازن راح يجي
طلعت من البيت قبل جيه مازن
اخذت جواد وياها ونوره صغيرة
وهي تمشي توصي بيه اصير سباعيه وادير بالي على روحي ، واكعد ويه مازن وافتهم من عنده
دكت الباب ماطلعت عليها
طلع قاسم يركض ومن عرف مازن بالباب
فتحها اله ،
مازن تفاجئ محد موجود بالبيت
من دخل وسلم عليه من بعيد لان قاسم واكف
وهبة ركضت وسلمت عليه
كتله قاسم / روح اكعد بالصالة
واتفرج على قناة الاطفال
عمو مازن راسه يوجعه خطيه مريض
لا تسون هوسه عيب
هو اخذ اخته وراح خطيه يسمع الكلام
احسن من جواد
اني ومازن بقينا كاعدين بالمطبخ
سويتله جاي وخليتله كعك وياه
هو بس كاعد على كرسي ميز طعام
ويباوع عليه من أتحرك وساكت
اني كتله/ شبيك
كالي / اسمعي مني يا بنت الناس
حتى اطلع من خطيتج كدام الله والعالم
وضميري يرتاح
اول شي انا مااخلف ما يصير عندي بزره
مو عيب ولا حرام من الزلمة ما يخلف
هذا ابتلاء من الله وانا قابل بي ،
ولا انا اول زلمة ما اخلف ولا اخر واحد بيهم ،
الحمد لله من ورثنه الشغلات
التعبانه من الأهل
وثاني شي انا مو شكاك حتى اكون وياج على بينه
يعني مو افكر بيج حشاج انتي وحدة مو زينه
لو عندج درب المواعد ورفكة الشباب
بس من تصيرين بيتي
اريدج الي وبس
عينج ما ترفعيها على غيري
كلمتي ما تصير اثنين اكلج هذا الشي ابيض
تكولين ابيض ، اسود تكولين اسود
ومااريد سرنا وكلامنا ينذاع بكهوة
اليصير بيناتنه لباب الهول مااريد يوصل
واهم شي عندي ممنوع تطلعين وحدج
وين ما تريدين كليلي وانا وياج نروح سويه
وباقي امور الحياة عندي سهله
وان شاء الله ادللج ومااقصر وياج
اذا موافقه على السولفته الج
بعد أقل الشهرين ان شاء الله نعرس
ولمى وحيدر هم يعرسون ويانه
واذا عندج اعتراض هذا حقج
وشوكت ما يعجبج افكج من ذمتي
اني كل الكلام الكاله مااهتميت اله
بكد اهتمامي بسالفه الجهال
كتله / يعني من نزوج ابد مايصير عدنا جهال
اقصد ماكو علاج ، لو عمليه ،لو غير شي
كالي / لا اكو علاج بس يدمرني و يحطمني
كووومه اخذت علاجات من جنت متزوج
خمس سنوات واني اخذت اشكال الوان العلاجات
وكلشي ماكو انوب اتحطمت نفسيا وجسديا
كتله / يعني يجوز يصير عدنا جاهل اذا تزوجنا
وانت رجعت تاخذ العلاج
كالي / بعد بكيف الله
اذا يريد يرزقنا لو لا
بس لا تتأملين وتحلمين زايد
قبل سنتين اخذت تحليل النسبه اقل العشرين
وهاي الوراثه عمت على الكل
ووزعت العقم على الزلم والنسوان
بقيت ساكته لان والله مااعرف بهاي سوالف
ولا عندي اي معلومات عليهن
هو كالي / تدرين اليوم طالعه كلش حلوة
يمكن اليوم اول مرة اركز عليج هيج
صدك انتي وخواتج هوايه تنطن شبه لأمجن
جا عدنان شكد جان يحبها
هم بقيت ساكته مااعرف احجي واسوالف
بالتلفون احسن افكر بالجواب شويه
وارجع اكتبله
كالي / اكلج انا مااريد ارجع اعيد اخطاء الماضي
بهذاك زواجي ما ارتاحيت
بلشت بناء وعزلت مشتمل من بيت أبويه
صح صغير بس يكفينا ، هول وغرفه
ومطبخ ، وصحيات ، وطرمه صغيرة
يعني ٨٠ متر بس كلش مرتب
انا عندي امكانيه اشتري بيت جبير
بس فكرت من اروح للدوام منو يبقى يمج
وحيدر نفس الحاله يفكر بمرته
وشهلاء وين تروح
فااحسن حل لكيناه انا وحيدر نقسم البيت
ونعزله مشتملات انا ابني بحصتي
وحيدر يبني بحصته ،
وحصة فاتن وشهلاء تبقى شهلاء كاعده بيها
وهم مجموعين واحد بصف الثاني
كتله / ترى اني مااعرف بهاي الشغلات
انت التشوفه صح سوي
كالي / يعني انتي هسه موافقه
تكملين حياتج ويايه؟
سكت وبقيت ساكته افكر شنو اختار
ماادري ليش كتله / اي موافقه
كالي / يالله بيها الخير
وانا هم مااخفي عليج خبر
صليت صلاة الاستخارة
واخذت أستخارة بطريقه الامام علي
استخارة الحروف بالقران وطلعتي
تجد بهذا الزواج البشارة والخير
وان شاء الله كلشي خير
وهسه بعد شغله بقت
حتى اطلع من ذمتج وخطيتج فرد نوب
كالي /وين غرفتج
كتله/ فوك
كالي/ اصعدي قبلي هسه الحكج مااريد الجهال ينتبهون
اني بهذيج الساعه لا فكرت ولا ابد
رحت صعدت الغرفتي
بس خفت من هذاك الموضوع لا يصير
بس بعدين كلت لا مازن طبعه ثكيل
ماتوقع يسوي هيج شي ،
شويه وصعد ورايه وقفل الباب
هو قفل الباب واني زعت العافيه
كتله / هااا مازن ليش قفلت الباب
كالي / لا تخافين بس دقيقه
هو لابس تراك رياضي شبابي وبوتين رياضي
كلش انيق ومرتب ،وشواربه سوده طوخ
ماعنده لحيه، وحواجبة ثخينه وطويله
وشعره من جوة مزينه صفر
بس من فوك صاير طاسه بس هم مزينه خفيف
تقرب عليه وفتح سحاب التيشيرت مال تراك
وكف كدامي ونزعه وشمره على السرير
تقرب عليه اكثر
واني اجيت اتخربط من الخوف والمستحه ،
كالي / باوعي عليه زين
تلعب روحج من عندي
اقصد تلعب روحج من لون جسمي ؟؟
اني استحي اباوع عليه
بقيت مدنكة راسي بالكاع
مد أيده ورفع وجهي عليه
كالي / لا تستحين هذا حقج
باوعي عليه زين تلعب روحج من لون جسمي
جر ايدي وخلاها على صدره
كالي / باوعي عليه زين والزميني مو حرام
هذا حقج ،
اني كتلني الخجل من عنده
باوعت عليه لون جسمه افتح بهوايه
من لون وجهه وركبته
بس ما ضجت لو لعبت روحي من عنده
عادي هو بشر ، خطيه مو هو اختار لون بشرته
كتله / والله العظيم عادي مااضوج
ليش قابل تلعب روحي من عندك
هو جر نفس كلش طووويل
وكال / مو انا اسمر طوخ مو مثلج ابيض البشره
خاف هذا الشي يسوي عندج عائق
كتله / لا والله عادي
ترى حيدر،وماجد ، واحمد هم مثلك سمران
وحتى عمو حاتم هم اسمر
بس عمو شامل الجبير لا هذا استغفر الله اسود
بس انت ليش جسمك يختلف عن وجهك
شو صاير طبقتين
ضحك وضربني خفيف على خدي
كال / ولج غير هذا وجهي مكشوف بالحر والبرد
وجسمي مضموم
هسه انتي وجهج بلون جسمج ؟؟
بسرعة كتله بدون ماافكر/ والله صدك كلامك
اني جسمي ابيض بهوووايه من وجهي
هو كال/ اكلج انتي ليش ما تفكرين بالكلام
من تكولينه ، ولج هسه بس انا وياج
وشيطان ثالثنه ، من اخنكج هسه احد يلومني
سكتت ولا جاوبت عليه
كالي / اكلج اريد ابوسج مادام مستغلين الفرصه
ومحد موجود،
هم بقيت ساكته،
هو تقرب عليه وباسني ،
اني مااعرف بس هو لا والله يعرف
ما صارت بوسه مال اوادم
لا كام يتعارك ويايه لان اني مااعرف شصار بيه تخبلت
لفني بحظنه ومانطاني مجال اتنفس
بس شنو أحجي الصدك فقدت بيده
شعور كلش حلو ، ماحست الا هو كال / خرب شيب اهلج طبيعتج حارة وبعدج خامة
أموت على ربج الخلقج الا اخليج بلبه قلبي
يمه ما وخر من عندي الا اني منتهيه من التعب
يتعارك والله ،هو عاف الغرفة وطلع
واني بقيت متمدده على سرير
مو بوسه هذا احتلال وعود بيداء وصتني
واني من بوسه وكعت وتفلشت
كمت الملم بروحي والملم بشعري
شويه يلا نزلت وراه
لكيته راجع كاعد بالمطبخ
وصاب جاي مره ثانيه لروحه
ضحك وكالي/ انتي تخوفين بانزين سريع الاشتعال
من نزوج لازم اغير دوامي علمودج
كتله / ليش
كالي / هذا الليش
وخر تيشيرته واشوف العضات مالتي طابعه على صدره
كتله/ اعذرني مااعرف شصار بيه
وكمت اعض بيك
كالي / لا عادي بس همزين طلعتي بانزين
حسبتج فاهيه لان بيضه بس الحمد لله
اجت عدله عبن النيه صافيه
بعدين كال / كولي البيداء بعد لا تعوفج وحدج بالبيت
ومن اريد اجي اشوفج اذا تقبل اصعد يمج فوك
وهي وجهالج خليهم موجودين لا تطلع
ما طلع من البيت الا رجعت بيداء
وهم هم رجع حاجاها / كاللها بعد لا تعوفيها وحدها بالبيت
من طلع حجيت مختصر البيداء بالصار
كالتلي / وليش مستحيه مو عيب
ولا تضوجين اذا كالج طبعج بانزين
يقصدج طبيعتج حارة وتحبين قربه
وهاي فطرة بالبشر مو عيب
بالعكس المراة الحارة يحبها رجلها وماتشلع قلبه
وهو ذكي شكد بقى يراقبج وهو ساكت
و لكفج من اول بوسه
حاتم من لبسني الحلقه
كالي / حظي وكعني بقالب ثلج
وشكد انطي واحاول ارضي
يكلي هي عجينه انتي بارده
مايفيد بيج لا خمرة زايده ولا تخمير
بليل راسلني مازن وكال/ بعد عرفنا وطلعت عينج
منا وهيج راح افسد اخلاقج الحلوة
وصدك نبقى الليل كله نحجي بشغلات
هو هواية يعرف شغلات
اني مااعرف ابقى اسأله وهو يجاوبني
ومن عمو حاتم ماموجود هو يوميه العصر يجيني
وبيداء خطيه تحبس جواد بغرفتها من يجي
ويصعد يمي بغرفتي فوك
ومن يطلع ادزلها رساله اكلها راح ينزل
هي هم تضم جواد وره شويه تطلعه من الغرفة
ويبقى مازن يتعشى ويروح
عساس جاي خطار
بس هو ما يطول يمي فوك يكول عيب
نص ساعه اقل وينزل
بس شنو نكلب الغرفة ونسويها ساحة معركة
بسرعة اخذت عليه وتعلمت عليه
وياه من صدك نزعت الخجل والمستحه
على كولت بيداء سجين وطلقوا سراحة
اول ما يفوت للغرفة اجيت عليه
واعض شفايفه وهو يتخبل
وهنا اول مره قنعني وصار بيناتنه تقارب
اني هووايه خفت ،
بس هو كال / والله لا تخافين مااذيج
هذا تقارب سطحي حتى تتعلمين عليه اكثر
وهم جربت شعور جديد
وهو كام شيسوي يفلت بليل من دوامه
يجي لبيت عمو حاتم بهدومه العسكرية
انزل على كيفي افتحله الباب
نصعد الغرفتي اكله وياكلني
هو شكد ماانطي ما يشبع
يكول/ مااكتفي من مره ومرتين
و لحد يفر دماغج بيوم
ويكلج هذا غريزي انا الله هيج خالقني
راحتي بفراشي وماادور بالحرام
اريد راحتي منج ،
وانتي هم حاره اجيت على نيتج
وصلت بينه الخبالات تعدينه مرحله
الملامسه السطحيه وصار تقارب ...
هو قنعني هذا التقارب ابد مو حرام ،
هو يعرف شلون يستغلني
واني اعرف شلون الوعه
يعني من يفلت من دوامه اول الليل
يطول يمي هوايه
يطلع ويه اذان الفجر
واقل شي هو مرتاح ثلاث مرات
يسبح ويرجع يلبس ملابسه ويروح
-
-
واهمداني تونست على هاي السوالف
وهو رجلي ، وما مسويه شي بالحرام
وعود بيداء تدري بكلشي
واطلعت اني المو خوش ادميه
وبنات الليل اشرف من عندي .....
-
-
-
-
مسرة / حياتي عاديه مابيها اي شي جديد
بين شغل البيت المتقسم عليه وعلى لمى
ومساعدة خالتي
ومدارات سوار وحملها ونساوتها
وكفيان شر تبارك
اني خالتي حجت ويايه كالت/ خاف تسالج سوار
كليلها طارق يريد يتزوج
انا شفتها اشتعلت من الغيرة
بلكت الله نكدر نصلح بينهم
وصدك خالتي ولمى انطن باص الطارق
وكلنا اتفقنا عليها حتى حسين لمى حجت وياه
كالتله / سوار وطارق يردون يطلكون
لان هي تخاف من عنده
راح نغورها عساس يزوج علياء
بلكت تبقى وياه وتجيب جهال صغار هنا بيتنه
وماتطلك وتروح تعيش بيت حاتم مثل اساور
وبالصدفه سالفه تيشيرت همام لعبت دور حلو وياهم
لحد مخطط الها ولا ابد
هي بعد صارت وطارق استغلها
والحمد لله من الله لم شملهم سويه
عاد الخاطر الجهال شنو ذنبهم
يبقون بدون اب
اني ومنتصر تكبت بيناتنه العركة
بسبب غيرتي من ساهرة
وبسبب خباثه تبارك
هو كام ما يتحملني بس افك حلكي
كالي / اوووو هم رجعنا للغوه الزايده
اويلي على عمرك يامنتصر وين خليت حظك وكعد
جنت بوحده صرت بثنين
هذيج جانت تنك على ساهرة
هسه انتي تنكين ياساهره ياطلابة تبارك
وبيوم جنت ميته من التعب
نظفت البيت كله اني ولمى
لان دزينا على ام احمد تجي تشيل الزوالي
وتنظف البيت الجو صار حار ،
تعذرت وكالت / مااكدر
اريد اروح خطار لاهلي بالمحافظات .....
وبلشنا انا ولمى وهمام وهو خابر على حيدر
بس شالوا الزوالي طلعوهن بره
واني ولمى بلشنا شغل
هي تبارك مو صغيره بعمر سوار
تكدر تشتغل ، نتوسل بيها
تعاي ساعدينا ما تقبل
واني منا مشغله الغساله ومخليه بيها الهدوم
صعدت لكيت مي مابيها موشل
وتكويك المي على الصرف بعده
نزلت وسالت منو فرغ مي الغساله
هي جاوبتني بكل عين صفله/ انا
كتلها/ عود هاي ليش تخبثين شيسموها بالخير
جاوبتني / يسموها ك.....ده التعلمتها منج
همام سمعها أجى عليها وسطرها بكفخه
من صعدت اكمل غسل الهدوم
هي واكفه باب غرفتها اجتي عليه وتفلت بوجهي
اني هم ما كلت باطل لزمتها وجريتها من شعرها
وهي كامت تعيط وتكفخ بيها
واني نمت نوم بشعرها هوووايه متحمله عليها
صعدلنا حيدر وهمام يركضون ولحكتهم لمى
مااجذب واكول الصدك هي سكطتني من الكتل
بس اني ابد ما عفت شعرها
ومنا تعيط بصوت عالي لزمها همام خبزها خبز
لان كامت تفشر فشار فضيع
خلت لمى تضربها على حلكها ودمتها
حيدر خابر على منتصر كاله بسالفه
منتصر كاله / خلي همام يوديها يم امها
اذا اجيت ولكيتها ادفنها وهي عايشه
اخذها همام هي وحسين
وداهم لبيت اجدادهم اهل امهم
شبعت بجي وقهر من وراها الادبسزز
وخالتي لازمه قلبها
خاف يسمع طارق نايم بغرفتها
ويطلع يخبزها ، همزين العركه صارت فوك
وغرفه خالتي صايرة جوة والسبلت مالتها مشعول
وبابها مسدوده لو يوكع صاروخ الواحد مايدري
اجي منتصر كلشي ماحجيت
لان الف مره اشتكيت يمه
بس من هو دخل للغرفه اني كمت وطلعت
وكتله مو اني الف واحد..... من جنت يم امي
وانت اعرف بشرفي
هو صاح ورايه/ تعاااي شنو هذا الحجي
ما جاوبته ونزلت جوة
هو بدل ونزل وبالمطبخ بقى واكف فوك راسي
اني كاعده على كرسي ميز طعام
كالي / موو اصيح وراج
شنو هذا حجيج ؟؟
كتله / اسال بنتك المؤدبة
هو صاح على لمى بهذاك المطبخ
هي اجتي وشهدت بالحق
وكالت كل الكلام الخرطت بي تبارك عليه
وخالتي كالتله/ سوي حل البنتك لو تسويلك مصيبه
ترى همام كالي اسمعها تبشبش بليل
ومن ادك الباب عليها تطلعلي وتسوي نفسها نايمه
بس انا متأكد هي تخابر
منتصر تخبل كم يدك على راسه
اتصل على همام جان نايم فوك بغرفته
نزل وهم اكد كلامه
راد يروح يجيبها من بيت امها
بس خالتي كالتله /عوفها كم يوم
ومن تجي راقبها
من صعدنا هوو اتصل على امها لعب بيها طوبه
وكاللها /بس اشوفها الا اخلي نفط واحركها ادبيها شويه
بمكان ما تزرعين حقد وخباثه براسها
وهذيج تصيح / بصايه مرتك وبختها بخت اك....
تحرك بنتك
هو صاح بيها /ااانجبي مرتي اشرف منج ياادبسزز
وسد الخط بوجهه
بقى يبوس ويحظن ويتعذر
وواعدني ياخذني عمره لبيت الله
وهم رجع وكال /ساهرة اختي لا تخليها بالج
بس اني عقلي مجلب يغار من ساهرة
وبيوم نايمين مااحس الا صار هجوووووم ...
شكرا لزيارتكم عالم روايات سكيرهوم
