رواية دعني احطم غرورك الفصل الثالث والعشرون
-ياسين بعد ان أبعد دينا عن لوجي وياسمين: الحمدلله كسبناهم
-دينا وهي تعدل ملابسها: اه ، خلصت عليهم
-ياسين: يا واد يا فان دام
-دينا: أفندم ؟
-ياسين: لأ مافيش ، انتي حلوة اوي!!
-دينا وهي تبتعد عنه : مجنون ده ولا ايه
-ياسين بسهتنة : هااااااااااااااااااااااااه ، قمرٌ ، غزاااااالٌ ، يهبلٌ ...
كان ياسين يشعر بالسعادة والراحة كلما رأى دينا ، ولا يعرف السبب ، تكررت الصدف ، ومازال يُمني نفسه بالمزيد .....
أصيبت دارين بكدمات وسجحات نتيجة عراكها مع جانا ،،،،
-دارين: اوووه ، بنت التـ......... دي بهدلتني
-لوجي: me too
-ياسمين: لازم يا دونا تطلبي من عز يجيبلك حقك منها
-دارين: شور ، أنا هعمل كده
اخرجت دارين هاتفها المحمول وطلبت رقم عز الذي كان جلساً في نفس الوقت مع جانا ، ابتعد عز عن جانا ليجيب على المكالمة،،،
-عز: ايوه يا دارين
-دارين بنرفزة: شوفت اللي عملته البنت اللي انت اتخطبتلها؟؟؟
-عز: أه شوفت
-دارين: ده مش اسلوب واحدة بنت ناس محترمة من المفترض انك مناسبهم تجي كده تهجم عليا وانا مش عملتها حاجة ، وطلبت منها بكل أدب انها تبعد عني لكنها صممت تحرجني قصاد كل صحابي !!!
-عز باقتضاب: والمطلوب؟
-دارين وهي تهدد عز: تجيبلي حقي من الـ vulgar دي ، وإلا واللهي يا عز هسجنهالك ، وانت شور متأكد ان ممكن اعمل كده ، وكتير هيشهدوا معايا ع اللي عملته
-عز مفكراً في كلامها و لم يرد:.........................
-ثم أكملت دارين: خليها تعتذرلي حتى يا بيبي وعشان خاطرك بس بيني وبينها ، وساعتها ممكن ، ممكن بس أفكر اني معملش أي إجراء قانوني ضدها ، أه don't forget مين أنا ،وأقدر اعمل ايه !! تمام يا عز ؟
-عز: طيب ، هشوف
-دارين: Now يا عز لو يهمك مصلحتها
-عز بقرف: طيب خلاص
ثم أنهى عز المكالمة وهو يزفر من الضيق ....
-دارين وهي تبتسم بخبث: هه ، انا هخليكي فرجة النادي كله يا.. يا لوكــال
-عز مخاطباً جانا: ها روقتي دمك؟
-جانا بفخر: اه ، الحمدلله
-عز: صحة آمعـــلم ... بصي يا جانا ، دي أول مرة هطلب منك حاجة ، وأتمنى لمصلحتك انك مترفضيش!
-جانا بعدم فهم: بمعنى؟
-عز: بمعنى ان دارين عاوزاكي تعتذريلها ع اللي انتي عملتيه معاها
-جانا باستغراب: أفندم أعتذرلها؟؟؟ ليه ان شاء الله
-عز: ايه مشوفتيش نفسك نيلتي ايه معاها ؟؟؟
-جانا بضيق : طب مسألتش نفسك أنا ضربتها ليه ؟؟
-عز: من غير ما أسأل ، انا عارف انك ورا كل مصيبة بتحصل ، فأكيد هتكوني انتي اللي عملتي ده معاها عشان هي تبعي
-جانا وبدى الحزن على وجهها: يعني انت بتثق في كلام البت دي وانا لأ ؟
-عز بتردد: آآآ......بصي .....آآآ... يعني ... بس...........قصدى ........
-جانا بضيق أشد : خلاص مش محتاج تبرر ، ردك وصل يا عز باشا
-عز: جانا... أنا مقصدش ، بس ده لمصلحتك!
-جانا: خلاص ، وريني هي فين؟
-عز: شكرا يا جانا انك عــ...................
-جانا مقاطعة: بليز No need for talking
وبالفعل توجه عز الدين مع جانا حيث تجلس دارين بجوار المسبح ، لاحظ عز الدين أثناء سيره مع جانا شرودها وحزنها .. ولكنه فضل ألا يسألها عن السبب ..
-دارين وهي عاقدة ذراعيها أمام صدرها: ييس ، جاية ليه؟
-عز: دارين جانا جاية عشان تصالحك
-دارين بصوت عالي : يا جماعة ، بليز come here ، تعالوا شوفوا البنت دي جاية تقولي ايه؟ مش مكافيها اللي عملته ، تعالوا اتفرجوا !!
-عز بضيق: دارين !!! انتي بتعملي ايه ؟؟؟
-دارين: زي ما انت شايف يا بيبي ، بخلي الناس (( تتلم )) عشان يشوفوا الـ بت دي ، ماهو لازم الكل يتفرج ، ولا أنت رأيك ايه ؟
ثم اقتربت دارين من عز ،ودارت من حوله وتلمست أكتافه بأصابعها بطريقة مستفزة لجانا ثم أكملت
-دارين: مش انت وعدتني يا زيزو يا بيبي انك تجيبها لحد عندي مذلولة عشان تطلب السماح مني قصاد الكل.. بجد انت my hero ، وبتنفذ وعدوك دايما .. صح يا عز ولا أنا غلطانة؟
-عز مصدوماً: دارين احنا متفقناش على كده !!!
-دارين: Don't worry babe ، ماهو لازم تعرف انك بتقف دايما مع صحابك الغاليين والقريبين من قلبك
نظرت جانا بحزن لعز الدين ،
-جانا: اوك ياااا.. اسمك ايه انتي ؟
-دارين بتباهي: My name is Dareen
-جانا: ماشي يا سردين ، يعني انتي عاوزاني اعتذرلك ، وعــــــــــــز باشا جابني هنا مخصوص لأنه بينفذ أوامرك ، صح ولا أنا غلطانة؟
-عز بحنق : ايه اللي بتقوليه ده يا جانا؟ اوامر مين اللي بنفذها؟؟
-دارين مقاطعة: بليز بيبي ، سيبها تكمل ، هي بتقول الحقيقة
-جانا مشاورة لعز بالصمت : متدخلش يا عز باشا ، مش انت وصلتني للهانم ، خلاص دورك لحد هنا وستوووب !!
-عز: جاناااا ، من فضلك اسمعيني
-جانا: ششششششششش ، خلاص الرسالة وصلت ، تعالي يا سردين هانم ، هنا قدام الناس دي كلها
-دارين وهي تتحرك تجاه جانا: اسمي دارين ، ايه سردين دي ؟؟
-جانا: مفرقتش كتير .. أهو كله بيتعمل فسيخ !!
وقفت دارين في مواجهة جانا ، وكل منهما تحمل مشاعر غيظ وغضب وحنق وحزن
-جانا: هاتي دماغك يا ست سردين ، لا مؤاخذة قصدي دارين عشان ابوسها .. ياااااااااااا جمااااااااااعة تعالوا شوفوني وأنا بعتذرلها ، لأ وببوس دماغها كمان
-دارين بتباهي أمام الجميع : اوووه ، ييس بليز تعالوا بصوا وصوروا الـ special moment دي كمان .....
وبالفعل امسكت جانا برأس دارين ، ونظرت لجميع من حولها وخاصة عز ، والجميع مترقب لما سوف تفعله جانا...
ساد الصمت المكـــان ، ومازلت جانا ممسكة برأس دارين ، ولكن لاحظ عز الدين وجود نظرة حزن في عيني جانا .. نعم لقد استطاع أن يقرأ عيونها ، لقد خذلها !!
