 |
رواية دعني احطم غرورك الفصل الرابع والعشرون بقلم منال سالم
بالفعل امسكت جانا برأس دارين ، ونظرت لجميع من حولها وخاصة عز ، والجميع مترقب لما سوف تفعله جانا...
ساد الصمت المكـــان ، ومازلت جانا ممسكة برأس دارين ، ولكن لاحظ عز الدين وجود نظرة حزن في عيني جانا .. نعم لقد استطاع أن يقرأ عيونها ، لقد خذلها !!
-جانا وهي تحاول أن تبدو متماسكة : بصوا يا جمااااااااااااعة ، ادي رأس سردين يوووه بنسى دارين أهي
قامت جانا بضرب رأس دارين بحدة أو كما يُقال أعطتها (( روسية محترمة )) ووصاية كمان
-جانا وهي تضربها بكل قوة: أبو شكلك !!!
-دارين وهي تمسك رأسها من شدة الآلم: آاااااااااااااااااااه
-جانا وهي تنظر لعز: متخلقش لسه اللي يذل جانا عاصم
ثم قامت بدفع دارين بشدة لتسقط في المسبح ...
-دارين وهي تصرخ من المفاجأة : لالالالالا
-جانا: اهوو ده المكان الطبيعي لأمثالك ياااااااا .. يااااا فسيخة
وهنا تعالى التهليل والتصفيق والتشجيع لجانا وخاصة من الفتيات ، فمعظم من في النادي يكره اسلوب دارين المتعجرف ، فقد نالت ما تستحقه ، ووقف عز الدين مصدوماً مما فعلته جانا ، فلم يكن يخطر بباله أن تتصرف على هذا النحو، انشغل الجميع بتصوير دارين والاستهزاء منها ....
وفي الوقت ذاته شعرت جانا بأن الرؤية من حولها بدأت تتلاشى ، فأمسكت يدها برأسها ، و...و... بدأت تترنح
لاحظ عز ما يحدث لجانا فأسرع بلهفة ناحيتها: جاااااااااااااااااااااااانا
سقطت جانا بين ذراعي عز الدين ، حاول إفاقتها ولكنها لم تستجيب .... فحملها بين ذراعيه ، واخذ ينظر لها بندم شديد
-عز: أنا أسف يا جانا، ارجوكي سامحني ، واللهي ما كنت اعرف انها هتعمل كده
اتجه عز الدين بجانا إلى خارج النادي حيث وجد دينا تحاول الوصول لجانا
-دينا: ايه ، جانا ؟؟ ايه اللي حصلها؟؟ طمني يا عز ، مالها ، قولي
-عز: اهدي يا دينا ، محصلش حاجة ، حاسبي بس ، ان شاء الله خير
-دينا بخوف: جانا حبيبتي ردي عليا ، بليز جاااااانا
-عز وهو يفتح باب السيارة ليضع جانا بجواره: اركبي يا دينا ، هنروح بجانا ع المستشفى
-دينا وهي تبكي : أكيد البت الغلسة اللي اسمها دارين هي السبب ، هي اللي جت تتخانق معانا ، اكيييد هي عملت فيها حاجة ، إهيء إهيء
-عز وهو منطلق بسيارته مستفهماً : بتقولي ايه يا دينا ؟؟ احكيلي اللي حصل بالظبط ؟؟
حكت دينا لعز الدين عما فعلته دارين معهم منذ لحظة وصولهم للنادي ، فشعر بأنه قد تسرع حينما حكم على جانا بأنها الجانية وليست المجني عليها ، استطاع الآن أن يفسر نظرة الحزن في عينها بكل وضوح .. نعم لقد خذلها ، ظلمها ، جرحها ، لم يساندها
-عز موجهاً حديثه لدينا : خلاص يا دينا كفاية عياط ، لعلمك جانا حطت عليها جامد وفضحتها
-دينا: انت بتكلم جد ولا بتقول كده عشان أسكت؟
-عز: لا واللهي ما بكدب، هي ادتها بالروسية في دماغها ،وحدفتها في البسين ، والنادي كله اتفرج عليها
-دينا: بجد ؟؟ بجد؟؟ حبيبتي يا جوجو ، ما يجيبها إلا بناتها
-عز: دينا يا ريت ماتجبيش سيرة عن اللي حصل لوالدك ؟ مفهوم؟
-دينا: اوك يا عز
وصل عز الدين للمستشفى ، حمل دارين إلى غرفة الكشف ولحقت به دينا ، ظل بجوارها واطمئن عليها من الطبيب ،،،
-عز: ها يا دكتور ايه الاخبار طمني؟؟
-الطبيب: حضرتك مين؟
-عز: أنا جوزها ، البشمهندس عز الدين يوسف الكيلاني
-الطبيب: أهلا وسهلا بيك يا بشمهندس عز ، غني عن التعريف ، متقلقش ان شاء الله خير وهتبقى أحسن..
-عز: يعني هي كويسة؟ اومال اغمى عليها ليه؟
-الطبيب: إغماءة نتيجة خبطة جامدة في راسها
-عز: يعني مافيش أي حاجة فيها يا دكتور؟
-الطبيب: لأ اطمن ، الأشعة كمان بتقول انها بخير ، هي محتاجة شوية راحة وهتفوق
-عز مقبلاً رأس الطبيب:الف شكرااااا يا دكتور ، طمنتني .. طب ينفع أخدها معايا
-الطبيب: اه ينفع تاخدها وتروح كمان
-عز: متشكر أوي
ثم دخل عز للغرفة التي ترقد بها جانا ،،
-عز لدينا: الحمدلله يا دينا هي كويسة ، الدكتور قال مافيهاش حاجة !
-دينا: اومال مش بتفوق ليه؟
-عز: معلش من أثر الخبطة.
-دينا: الحمدلله
-عز مقترباً من فراش جانا : شوية كده يا دينا ، جانا هتروّح معايا الفيلا ، مش هتروح عن عمها بالشكل ده
-دينا: what ؟ لأ مش ينفع ، دادي ممكن يعمل مشكلة
-عز: ماهو انتي هتساعديني ، هتطلبي أبوكي وتقوليله ان عايدة هانم اتصلت بجانا عشان تقعد معاها شوية ، وانا هظبط مع أمي الحكاية
-دينا: بس دادي ممكن يعرف اننا بنكدب!!
-عز وهو يحمل جانا بين ذراعيه: لأ مش هيعرف ، انا هظبط الليلة ، وانتي كمان هتيجي معانا عشان يبان انكو روحتوا سوا ومش هي بس لوحدها اللي راحت ، تمام؟
-دينا: اوك تمام ...
حمل عز الدين جانا ووضعها برفق داخل السيارة ، وانطلق مسرعاً في اتجاه الفيلا ، واتصلت دينا بعائلتها وأخبرتهم أنها وجانا مدعوين على الغذاء مع عايدة هانم ،،،
تفاجئت عايدة بعز الدين وهو يحمل جانا
-عايدة : جااانا؟ مالها ؟ ايه اللي حصل
-عز: مافيش ياماما
-عايدة: لأ في يا عز ، ايه اللي حصلها ؟؟
-عز: اطمني يا ماما هخليها تنام بس في الأوضة ، وهرجع احكيلك ع اللي حصل
-عايدة: طب تعالى بسرعة ورايا، اوووه ، سوري يا دينا يابنتي مخدتش بالي منك انشغلت بجانا.
-دينا: It's okay انطي ، ولا يهمك
وبالفعل صعد عز الدين بجانا إلى غرفته ، وتركها تستريح ، ثم نزل للطابق الأسفل ليقص ما حدث على والدته ،،،
-عايدة: بقى دارين تعمل كل ده يا عز!!
-عز: تخيلي يا ماما دي بقت شيطانة
-عايدة: بس انت غلطان يا بني انك تصدقها وتكدب مراتك
-عز وهو يشعر بالندم: ما انا متوقعتش ان جانا تكون بتقول الحقيقة ، وهي طول عمرها يعني لا مؤاخذة ساعة الجد تلبسها لأي حد !!!
-دينا: لأ يا انطي دارين وصحابها كانوا عاوزين يموتونا بس احنا طحناهم
-عز: هههههههههههههه أه لو تشوفي يا ماما جانا وهي بترزعها روسية ، يااااااه ولا الشحات مبروك في زمانه
-عايدة: ياريتني كنت معاكو
-دينا بلهفة: بصوا بصوا ، الصور والفيديوهات اهي ع الفيس بوك .. دارين اتفضحت
-عز : أحسن هي اللي جابتله لنفسها ،
ثم أضاف: هذا الشبل من ذاك الأسد اللي هو أنا يعني هههههههههههههه
-دينا: بيقولوا عليها سردين ههههههههههههههههه
-عز : اهوو ده احسن لقب ليها ، عن اذنكو هطلع اطمن ع جانا
-عايدة تهمس لعز: عز ، ايـــاك !! ها انت فاهمني
-عز مقبلاً جبين والدته: اطمني يا أمي والله
-عايدة: ربنا يهدي سركم
-عز: اللهم اميييييييييييييييين
توجه عز الدين إلى غرفته ، وجلس بجوار جانا ، أخذ يتأمل ملامحها بهدوء
-عز هامساً: ياااااااه زي الملايكة وانتي نايمة كده
-جانا وقد بدأت تفيق: ااااااه ؟؟ انا فين ! أنا.. أنا.... كنت ...أه النادي، روسية، انا مين فين؟
ثم نظرت بجوارها فوجدت عز ناظراً إليها برومانسية
-جانا: انت؟؟ اه ياض يا بن الـ..... !! بقى تبيعني ليها كده ؟؟
-عز: اعوذو بالله ، بابور شاطح ، يا بنتي الله يهديكي ، خدي فاصل شوية ، ده حتى النهاردة شكلك قمر و....
-جانا مقاطعة: انت هتسبلي ؟
-عز: أنا جوزك يا بت ، هو انا حد غريب ، هاااااه ده انا بعلك ؟؟؟
-جانا: ايه بعل دي ، حمار يعني ؟؟؟
-عز واضعاً كفاً على كف: نقول تور يقولوا احلبوه ، يا بت بعل يا جوز بس بالفصحى !!
-جانا: أها ، بس فكرك كنت هاقولها سوري يا دودة
-عز: الصراحة توقعت ده
-جانا: أهي خدت كفايتها وزيادة
-عز ضاحكاً: هههههههههههههه الصراحة انتي جيبتي من الأرض وحطيتي بالأوي عليها ، ده انتي جيبتلها تربنة في مخها هههههههههههه
-جانا: ده انا كنت هفرمـ....... ،
ثم نظرت حولها بتمعن لتجد أنها في غرفة عز: الله ، بس ايه اللي جابني هنا؟ انا... أنا بعمل ايه في اوضتك؟؟؟ اوعى ياض تكون ساقتني حاجة أصفرة
-عز: نعم ؟ أصفرررة؟؟
-جانا : ايوووه ، انت جبتلي لمووون وده حاجة أصفرة
-عز : ياااااااااااادي النيلة بوظتي الرومانسية ، ده انا لو شربتك المحيط كله استحالة أعمل دماغ زي اللي انتي عملتيها مع سردين قصدي دارين ,,,,,,,,,,,,
