رواية المتمرد والصغيرة الفصل الرابع والعشرون بقلم رسل
ادري بعيونك حبيبة
مسافرة بروحك گلايد
يا حسافة چفوفك الها
و أنا احضنك بالقصايد
_______
صار اسبوعين على سفرتة عبالك الدنيا فارغة مابيها احدد
مدري تعودت عليه احس روحي مخنوگة مگضية الايام بس افتر بالبيت مالي واهس لكلشي احس روحي متعلقة بي اصفن و اتذكر
شلون چان يحضني و يسولفلي
وبعدين اگول
حتى هم بدو يلاحضون و يسئلوني شبيج مريضة شو ضعفانة اكثر شي زيد و فدعة صار 18 يوم هو ماكو و لا يسئل علية و لا شي اني ادري بي يسوي هيچ حتى احبة و اشتاقلة
دگيت ع رقمة ماكو بس يطلع واحد يگول الرقم خارج نطاق التغطية بعد ما گدرت اصبر ماعرف هذا الحب الي اجاني فجئة شنو و يگولون الشي متحس بقيمتة الا تفقدة
زين هو اني ماخسرتة بعد فترة ويرجع ليش هيج احس روحي مفرفحة رحت لغرفة زيد دگيت الباب جان مقفول فتحة
زيد : ها دندن
اديان: اريد اخابر ابو فهد
زيد : ضحك و گال... صار بوية تعاي
اديان .. دگ عليه حچة ويا گلة هاك بوية هذولة ناس عزاز يردون يحچون وياك ..
انطاني التليفون و طلع
ابو فهد : الووو
اديان: شوكت ترجع
ابو فهد : شونج يابة
اديان: زينة
ابو فهد : مادري يمكن اكثر من الشهر لان صار عندي شغل
اديان: ليش تسوي هيج وياي
ابو فهد : شمسوي بوية انتي مو تردين تخلصين مني هاي اجتي لصوبچ
اديان : لتجي احسن
ابو فهد: صار تأمرين
اديان... سديت التليفون بوجهة ورحت انطيتة لزيد دخلت للغرفة الله ذب علية البچي يمكن ساعة كاملة اني بس ابچي بعدين گمت اخذت ملابس و سبحت مرت الايام و هو بعد ما خابر ابدد
محد من الي بالبيت حاچاني حتى ام محمد عايفتني لان انزل بس على كد الشغل و اصعد صار شهر و خمس ايام هو ماكو
زيد كال باجر يجي ابو فهد ابنة فهد كام يرگص هم كلهم انرسمت معاني الفرحة ع وجووهم مبينين كلهم يحبو
حتى اني فرحاانة حيل بس خنگة بصدري منين ماعرف
نضفت الغرفة مالتة و نمت مرتاحة ثاني يوم الصبح كعدت عطرت غرفتة و نزلت اسوي ريوگ وي بشرى
بشرى: خية اني اسفة ذاك اليوم ضوجتچ بس والله جانت سالفة بيني و بين ابو سراب وجنت ضايجة
اديان: عادي مصار شي
كملو الريوگ غسلت المواعين و هن بدن يسوون غدا
العصر اجة فهد كال عمو زيد
راح يجيب بابا من المطار راح يجي بابا راح يجي بابا
ضليت اباوع من شباك غرفتة اجوي وولد عمة كلهم يحضنونة واحد ورا الثاني وضلو يسولفون نص ساعة واني كاعدة ع الكرسي واباوعلة
لمن دخل للبيت اني نزلت كعدت بغرفة الخطار ما اسلم عليه لو يموت حتى يتعلم شلون ميتصل ورا ساعة طلعت من الغرفة فدعة و الحجي و ام محمد كاعدين بالصالة
الحجي : بعد ابوچ ستكان چاي
اديان.. رحت سويتلة و صبيت 3 استكاين فدعة و الحجي اخذ و ام محمد كالت وخري ما اريد رجعتة للمطبخ سمعت الحجي يصيح عليها بعدين نزلت بشرى تسوي كيكة
ساعدتها وهو ماكو يمكن نايم
بشرى : جا ليش ما سلمتي على رجلج
اديان: بعدين
بشرى : براحتج
اديان.. لحد 8 بالليل هو ماكو بعدة مگاعد صارت بالعشرة و ماكو هم كلمن راح لغرفتة واني ضليت اروح منا و اجي منا صعدت فوگ دگيت الباب
ما جاوب نزلت جوة غطيت راسي ونمت گعدت الصبح غسلت و فرشت و بشرى دتسوي ريوگ ساعدتهة و بدو يگعدون واحد ورا الثاني نزل هو گال صباح الخير بس حتى ما باوعلي
عشتو و اذا همزين هو چان يتوسل بية
زيد: اني راح اروح اجيب هيفاء خابرتني
ابو فهد : مشتاقلها بويييييية
فهد : بابا يلا شوكت نسافر
ابو فهد : مو هسة حبيبي خلي اكمل شغلي و اخذكم
اديان... كملت المواعين و اجتي هيفاء سلمت عليها و ضلينة نسولف
ام محمد: اكلچ هيفاء اليوم يردون يجون بيت ابو عدنان صدك
هيفاء: اي عدنان هم گلي
بشرى : خير شعدهم
ام محمد: قابل شعدهم غير يشوفون بنات سهام
اديان... صدك العصر اجوي بيت جد فهد و اخواتة كلهم جايين يمكن 25 واخد و وياهم كمال اني خفت كلت خاف اكو شي كعدو بالصالة زيد و ابو فهد و ابو سراب چانو ماكو ورا ربع ساعة اجوي
اني چنت بالمطبخ واگفة و گرايبهم واگفات
ابو فهد : تعاي بوية اديان
اديان.. مشيت ورا هو صعد فوگ صعدت ويا دخلت للغرفة
لزمني من ايدي
ابو فهد : تبقين هنا نزلة جوة ماكو افتهمتي لو لا كمال الگو**
جوة اذا يلمح ضلچ اذبحچ
اديان.. هزيت راسي ب اي و طلع وقفل الباب من برا ضليت گاعدة وافكر عود اني مكيفة گلت يريد يحاچيني لحد الساعة ب 8 العصر محد فتحلي الباب اخذت التليفون و دگيت عليه
ابو فهد : هاااا
اديان: افتحلي الباب
ابو فهد : دمشيييي لا انعل والديچ هسة
اديان.. سدة بوجهي ضليت اكل بروحي شنو شكو شو حتى صوت فوگ ماكو لحد العشرة نمت فزيت الساعة ب 3 بالليل هو نايم بصفي و حاط ايدة على عيونة
گمت اخذت تليفوني و طلعت من الغرفة نزلت نمت جوة زين هو ليش ميحچي وياي معقولة لان گتلة ما اريدك ثاني يوم سئلت بشرى
اديان: اكلج البارحة شكو
بشرى: باعي ابن عم الحجي البارحة اجة يخطب زهراء و حوراء
لولدة
اديان: بس هاي
بُشرى : اكلج هو ابو فهد ماخذج
اديان: ليش
بشرى : بس مو تزعلين علي ترى مالي غرض
اديان: لا ما ازعل
بشرى : مو البارحة لمن اجة ابو عدنان كال لرجلج على اساس جاي واحد گايللهم مرة الشيخ مو بنية عمامهة دازيهة تشتغل بدرب مو خوش و گالولة نريد نيشانها
وهو طرد ابو عدنان من البيت و عمامة كامو يحچون عليه
اديان: اكلج هو الحجي مو ماعندة اخوان ذاك اليوم فدعة كالت
بشرى : اي صح بس عندة ولد عم و هم من الصغر يعتبروهم عمامهم
اديان: و هم شعليهم بهذا الحچي زين
بشرى : احنة سلفنة يدخل نفسة بكلشي
نزلو يتريگون خلصو و ابو فهد صعد و صاحلي
صعدت فوك الباب مفتوح دخلت جان كاعد ع الجرباية وحاط ايدة
على گصتة
اديان: ها
ابو فهد : سدي الباب و تعاي
اديان.. سديت الباب و كعدت ع القنفة هو صار مقابيلي
ابو فهد : اول شي شلونج
اديان: بخير
ابو فهد : عرفتي البارحة ليش اجوي عمامي لو لا
اديان : اي
كتلة اي علمود ميفتح الموضوع لان بسرعة اصخن
ابو فهد : همزين ....
ف اني گتلچ بوية السالفة وراچ وراچ واني اريد اكسر عيونهم و اگلهم كلامكم چذب لان انتي هسة بنظر الكل مو بنية
اديان: انتة من تسافر و متسلم اني لازم ما احاجيك
ومن تخابرهم كلهم و متخابرني هم ما احاجيك
ومن تجي اربع ايام متحجي وياي هم لازم ما احاجيك
و من تسب امي الميتة هم ما احاجيك
بس انتة من تريد شغلة مني تجي تحاجيني
ابو فهد : انا من ما حاچيتچ لان ضايج منج ليش اكو وحدة دگول لرجلها اني ماريدك بس العدها رفيج ترى
و حتى اعلمچ ترى اني اكدر اتجاهلج بس ادري بيج متتحملين
انا شهر بس ما حجيت وياج لكيت حالج شصاير بي
مو نوب تشوفيني متزوج كدامج وعلي انا صابر علمودج ترى
ماريدج تبجين بعد اني اريد اعوضج الدلال الماشفتي عد ابوج انا مشتريج اريدج ام بيتي
اديان: بس اني ما اريد
ابو فهد : هسة كعدي وي نفسج احجي وياها انا ماريد اخذج غصب و اخليج تكرهيني بس ترى انا لو ما احبج ما اصبر عليج هلكد و ادور رضاج بس انا صبري بدة ينفذ و مو الشيخ ابو فهد التطلع عليه حچاية
اديان: يعني تقنعني انتة متحجي وي بنات
ابو فهد : تردين الصراحة لو بت عمها
اديان : الصراحة
ابو فهد : انا ضابط و شغلي بالليل يعني اشوف اشكاال و من جنت مطلگ سهام جنت متزوج اثنين مُتعة و قبل خمس اشهر طلگتهن
من حبيتچ لهسة وحگ علي ما دنت نفسي على حرمة و شگد ضلن يتوسلن بس بعد هويتچ
اديان: وهسة تريدني اصفگلك
ابو فهد : انتي مالج غرض بالايام الما جنت اعرفج بيهن و حتى من عرفتج انا شمدريني راح احبچ كلت سنة واردها لاهلها
اديان... عفتة و طلعت من الغرفة ضليت اليوم كلة افكر
مرت خمس ايام وهو كل ما يجي بالليل يفتح باب الغرفة اسوي روحي نايمة و هو يتنهد و يطلع
هو بهاي الخمس ايام صار عصبي بس يصيح حتى بالبيت محمد يطلع من غرفتة و ام محمد فتحت ويا موضوع خطوبة زهراء و حوراء و عاط بوجها يمكن المنطقة كلها سمعت صياحة
جنت كاعدة بالغرفة اباوع مسلسل اجاني لزم زندي
ابو فهد : باعي لچ اني طالع اليوم بالليل اجي الگاج بالغرفة فوگ مو عبالچ اعوفج على مايچ كافي استهتار الظاهر بالعيني و اغاتي متجين انتي من ورا حظرة جنابج وين اكو گو** بالسلف صاير بسالفتچ
و ما راح اخذج حباً بيج بس الا اكسر خشمچ هذا و مو ابو فهد التنحط كلمة فوگ كلمتة افتهمتي لو لا يا اديااااااااااان
