رواية جذبني فمك البني الفصل الثالث والعشرون 23 بقلم عبير إدريس

مَسندي وسندي واتكائي ، عُمقي وقوّتي ومُلكي ومملكتي

وضلعي الثابت الذي لا يميل

أنت

الغريب القريب

_____________

اول ما شفتهم صارت رجفه بجسمي انتبهت عليه ايفين صاحت شكو ، جنت لازمه البرده وايدي ترعش من الخوف...

اجتي وكفت يمي باوعت وخرت السماعات من اذنها وطفت الموبايل..

ايفين : يااا ذوله شجابهم خرب ان ...

سيلين: شلون راح ياخذونه..

ايفين : لتخافين بابه شبيج قوي كلبج اروح اصيح عمو..

سيلين : عوفيه راسه وين صايحته..

تعالت الاصوات بره واحنه نباوع من الشباك ايمن يصيح وزاكروز يصيح سمعت صوت الباب مال عمو انفتح التفتت لكيته واكف كوه يفتح عينه حجه بصوت ناصي...

ادهم : شكو شنو هاي الهوسه...

شافني ارجف تقرب باوع من الشباك عقج حاجبه والتفتلي..ضل صافن بوجهي ومركز بعيوني عيونه منفخه وجها معصب خزرني ، ارتبكت ودنكت راسي ، حجه من بين اسنانه..

ادهم : يعني مو معقولة تعبي ديروح هيج هباء ..

رفعت راسي باوعتله..

ضل يباوع بوجهي ونتر..

ادهم : انتي شبيج جبانه تره اتخبل من هيج بشر منو يمج انتي وترجفين ..

رجع التفت على ايفين وكللها..

ادهم : اخذي اختج دخليها بغرفتي وقفلي عليها الباب وخلي تلبس السماعه علكي اي شي خليها تسمع وتكعدين يمها ممنوع توصل لهنا...

ايفين : عمو ..

عاط بيها واول مره يسويها ويعيط علينه..

ادهم : الحجيته تسويه واذا كسرتي كلامي ايفين ادزج وياهم....

خنست هزت راسها موافقه واخذتني ورحنه كعدنه بغرفه عمو سدينه الباب وقفل الباب علينه..

ايفين : هاج لبسي السماعه.

علكت اغنيه رادت تخليها باذني عطت بيها.

سيلين : دوخري يمعوده اريد نسمع شراح يصير...

ايفين : والله هسه اترزل اذا صار بيج شي سمعتيه شكال يدزني وياهم..

سيلين : ميسويها بس ديخوفج وخري خل اسمع..

وكفت وره الباب خليت اذني اريد اسمع كلشي ماكو بس صوت هوسه ومافهم الكلام ضليت الوب..

عاد دكيت على الباب دكات خفيفه وره شويه اجاني صوت نرمان ...

نرمان: ها بنات..

سيلين : عفيه فتحي الباب احتاجيت حمام..

كتلها هيج حتى تفتح الباب..

فتحته وباوعتلي.

نرمان : بسرعه فدوة ادهم شدد عليه متطلعين..

سيلين : اي شويه وارجع ..

رحت للحمام غسلت وجهي وطلعت وصلت للممر شافتني.

نرمان : فوتي وسدي الباب عليج ومن تحتاجين تطلعين فتحيها..

سيلين : خليني هنا ماسوي شي.

نرمان : ابد والله ميقبل عصبي وراسه يوجعه ما اريده يتأذه ويزعل مني بعدين ..

هزيت راسي وفتت للغرفه باوعت ايفين ماكو خرب بيومها شوكت طلعت وين راحت ، سديت الباب ورحت مددت على الجربايه مشتري غرفه نوم جديده هسه يلا انتبهت ،

اباوع على السكف وكلبي يدك سريع شلون بينه اذا اخذونه اني انتهي اتدمر وضلت الافكار تترادم براسي. ....

ايفين

اول مطلعت سيلين من الغرفه طلعت وراها شافتني نرمان كالت وين .

ايفين : عمو كال بس سيلين اني شكو محبوسه.

نرمان : كعدي يم اختج خاف تتخربط.

ايفين : ماعليها شي وانتي يمها حبابه بس اشوف شكو خاف ياخذونه.

من حجيت هيج انقهرت عليه وسكتت ركضت للطرمه وكفت يم شباك الاستقبال من جهة الحديقه جان الشباك مفتوح توني اباوع صار كبالي ايمن شافني خزرني مشيت ردت افوت للبيت وانفتح باب الشارع فات فهد لابس لبس عسكري وصاح..

فهد : تفضل سيدي ..

فات واحد وياه وكم عسكري وكفو بالطرمه ، شلون بيه وين اروح ركضت للممر الخلفي مال حديقه وكفت ودكات كلبي صارت الف ...

كل شويه اكول هسه يجي عمو ادهم ويرزلني ، بعدين افكر هذا شجابه وليش لابس عسكري ..

من دخل فهد والرجال الوياه صار هدوء بالاستقبال...

طولت الكعده فوك الساعه طلعو عمامي وماما وراهم تبجي وكف زاكروز عاكد حاجبه ويحجي ويه ابوه وعمي ينتر بيه راحو واني على وكفتي اباوع اريد افوت بس خاف يشوفوني ، انتظرت طلع فهد وصل الرجال العسكري ورجع وصل نص الطرمه طلع عمو ادهم وكف يمه ثنينهم صايرين نار...

فهد : انت شلون تفشلني كدامهم.

ادهم : لان ما طلبت حمايتك ولا ردتك توصل حليتها قبل لا تجي..

فهد : ايمن خابرني وكلي مليوصه يمك وجيت فوك زيناتي تركت الواجب والدنيا كلها وركضتلك..

ادهم : ممجبور تترك واجبك علمودي ..

فهد : تبيع اخوك وعشره عمر علمود بنات وضاح..

ادهم : ذني خاصات بيه راجعات الي اللي يأذيهن يأذيني واليدوسلهن على طرف اتبره منه..

فهد : هيج صارت الخوه تتبدل بنسوان..

نتر

ادهم : مو اي نسوان من ريحه ياسه ذوله الباقي من اهلها شلون تريد اشيل ايدي عنهم ..

فهد : متأكد علمود ياسة..

هنا عمو متحمل لزمه من ياخته ...

ادهم : شتقصد انت احجيها طك بطك لو انت صدك رجال.

فهد : ميحتاج احجيها والحجايه مزروعه بعقلك..

ادهم : مو صرت فهد ...

يا الله ثنينهم نار بس ليش كاعد انحاز لفهد ومن يحجي كلبي يدك استغفر الله ايفين شنو اتفقنه ، كمت اضرب على راسي سمعت حركه بصفي التفتت ايمن خازرني..

ايفين : ها شكو ؟

ايمن : شعندج واكفه هنا ..

ايفين : شو تخوزر انت..

ايمن : وين جنتي من

دخلو جماعه فهد..

ايفين : طبيت جوة وتوني طلعت.

ايمن: جذابه .

ايفين : بكيفك لتصدك ..

باوعت كبل لكيت عمو ادهم وفهد ماكو ردت افوت جرني من ايدي حيل ونتر بيه.

ايمن : من احاجيج ليش تستهزئين ومن وره خشمج تجاوبين .

ايفين : اني وين اكو اصلا كلش عادي كاعد احجي ..

ايمن : امشي فوتي يم اختج وممنوع بعد تعيدين السويتيه اليوم..

ايفين : شسويت انت لتخبصني .

ايمن : امشي فوتي كدامي .

دنكت راسي وفتت اركض باوعت الهول فارغ مابيه احد رحت لغرفتنه سيلين ماكو كلت اكيد بغرفه عمو فتحت الباب ظلمه علكت الضوه الغرفه فارغه مشيت لغرفه المكتب سمعتها تبجي فتحت الباب على كيفي لكيتها واكفه وهو كاعد على الميز خال ايده على راسه هيه تحجي وهو ساكت مغمض عينه ..ضليت اسمع.

سيلين : انت ممجبور تتأذه من ورانه اني هم ما اقبل اذا هدد يعني يأذيك ولتنسه امي قتلت ابويه عشرة عمر ويحبها وابو بناتها وفرطت بينه بكل سهوله انت الغريب متأذيك وفوكاها عمو هم وياها هددك. ...

ضل ساكت مجاوبها.

سيلين : عمو ماريد اي شي راح اقبل بزاكروز وهذا هو حلاً للاشكال..

من كالت هيج ضرب بيده على الميز حيل وحجة بملامح غضبانه..

ادهم : انطيج لواحد ماعنده غيره وشرف والله شنو اخاف من واحد هد عليه وياه مره شبيج انتي الزلم اللي اجتي اليوم امج ارجل منهم هيه تحجي وهمه ساكتين هاي شويه صلاح حجه حجايتين لطمته على حلكه وسكت وابن عمج الشفيه كل شويه يكمز يحجيله كلمه وارزله ويكعد شبيج ثبرتيني.

سيلين: خفت من سمعتها هددت خفت منها.

ادهم : لتخافين ميسوون شي وفهد هددهم اذا صار بينه شي لو تأذه واحد بينه همه المسؤولين.

سيلين : مادري شكلك ..

ادهم : كلشي لتكولين بس جوزي من سالفه العناد اكلج على شغله تسوين العكس..

سيلين :مكدرت من سمعتها تعيط طلعت ردت اشوف شنو تحجي وعلى شنو جانت ناويه..

ادهم : روحي ارتاحي واكلي ..

سيلين: منو اله نفس ياكل..

نتر بيها.

ادهم : انه ما امشي الج نفس لو لا عندج علاج لازم تاخذيه صار يومين جايبه الج ونفس مكانه لا شاربه ولا فاتحه جيس الدوة ، عاجبج تضل ايدج ترجف ..

سيلين: هسه اكل واخذه بس لتعصب راسك موزين..

ادهم : لعد سمعو كلامي لتعبوني..

سيلين: صار..

اجتي تمشي ورحت وكفت على صفحه شافتني دنكت وراحت للمطبخ رحت وراها..

ايفين : شنو الصار احجيلي..

سيلين : ما الي خلك.

ايفين : عليج الله لج كلشي مسمعت ..

سيلين : ولا اني السمعتيه وره الباب هو نفسه السمعته اني.

ايفين : مسمعت كلشي..

سيلين : عود روحي ايمن يسولفلج..

ايفين : زين فهد شنو ضابط عسكري شرطي شو لابس مثلهم..

سيلين : علمي علمج هم ماعرف..

ايفين: خرب تفتين الكلب انتي ..

طلعت من المطبخ تدردم واني وكفت اسوي عشا اجتي نرمان يمي..

نرمان : اساعدج.

التفتت عليها..

سيلين : كيفج .

نرمان : شنو اكلي ..

سيلين: اني اكلي وانتي سوي زلاطه.

نرمان : يمعوده موصين عليج ، خليني اني اسوي وانتي كعدي يمي..

سيلين: تره مابيه شي عمو مضخم الامور زياده..

نرمان : لتنسين انتو مسؤوليته شيصير بيكم هو يتحمل.

سيلين: ثقلنه عليكم اعرف...

سكتت مجاوبتني وهذا القهرني بالازيد يعني صدك احنه مثقلين عليهم كمت اكلي سريع اريد بس اكمل واروح انام خلص العشا راحت صاحت مريم وايمن وايفين كعدو كلهم ياكلون واني اكلت بس زلاطه كوه واريد بس اكوم الدمعه بطارف عيني جانت بس واحد يكلي شبيج ابجي ، الكل ساكت ومتوتر ، كمت من الاكل ..

سيلين : الحمدلله..

رفع راسه ايمن وكال .

ايمن : ما اكلتي.

سيلين: اكلت منتبهت عليه ..

ايمن : وين اكلتي عيني عليج...

مجاوبته لان كلمه وحده بس وانفجر كدامهم رحت ركضت لغرفتي مددت وغطيت راسي ، ماريد ابجي ماريد كافي كافي تعبت...ضليت افكر بكلامه وكلام نرمان يدك بكلبي يعني اذا احنه ثقيلين عليه ليش مرجعنه اذا احنه عبئ على صدره ليش متمسك بينه لهدرجه ، عقلي راد يوكف من التفكير وموصلت لحل اخر شي دخت ونمت لان عقلي تعب...

كعدت ثاني يوم الصبح هوسه بلبيت وصياح كلت ياستار ياربي هاي شكو التفتت على سرير ايفين لكيها كاعده وتاكل بضافرها ..

سيلين : شكو ؟

ايفين : اهل عمو ادهم كلهم هنا ..

كمت كعدت عدل ..

سيلين: منو يعني..

ايفين : ابوه وامه واخواته وفهد..

سيلين : شيريدون جايين..

ايفين : البارحه عمو صلاح من طالع منا رايح كبل لبيتهم وكايللهم اذا ماسلمتو البنات بالطيب نكاومكم عشائريا.

سيلين : عزه بعينه وصخام ان شاءالله اي وشصار..

ايفين: عمو ادهم راسه يوجعه ضل ساكت مجاوبهم ..

سيلين : لعد منو ديصيح هسه مو هذا صوته.

ايفين : مادري خاف طكت روحه ومتحمل وحجه.

سيلين : خلي اشوف بله..

كمت لبست شال وطلعت وكفت بالممر البين الهول والغرفه وكمت اسمع ادهم يحجي بس صوته كلش تعبان شنو اليوم حتى للدوام مارايح هاي صار يومين يغيب..

ادهم : حجي مو صغير انه وتعلمني اعرف شنو اسوي كلش زين هاي النصائح ضمهن لفهد .

يوسف : هاا من متريد نصائح طلع البنات من بيتك ورجعهن لامهن وفضنه من المش

اكل انه هم اخاف عليك.

نتر ادهم وحجه بصوت ناصي علمود لنسمعه ميدري احنه واكفين قريب منهم..

ادهم : اكله امهم كح***** لتخليني الوث لساني بيها مو ماريد احجي اكثر خليني بالع لساني ..

يوسف : خلص ننطيهن لعمهن هو يفتصل بيهن وهنه من دمنه ولحمه احنه غربه عنهم الناس شتكول وانت اعزب واخوك اعزب وبنات حديثات حلوات بلبيت.

ادهم : وانت متعرف اخلاقي واخلاق ايمن لازم خايف من عدنه حجي ..

يوسف : يابه اعرفكم انتو شنو مو ولدي ومربيكم على ايدي بس الناس تاكل وجهنه صدكني..

جاوبه بهدوء..

ادهم : اخر همي الناس وكلامهم ليش من شوكت ماشي وره كلام الناس لو حاسب حساب الهم كضيت عمري امشي باليعجبني واشوفه صح واسوي اليمليه عليه ضميري...

يوسف : يابه حرام محرمات عليك..

ادهم : شفتني نايم وياهن وحرام تره بزعتوني انت وابنك كل شويه واحد شامرله حجايه شكبرها ...

يوسف: الله ميقبل على الدتسويه.

ادهم : بس يقبل انطي بنات يتيمات لام تشغلهن بطريق غلط لو انطيهن لعمهن اللي ماعنده غيره ولا شرف لا هو ولا ولده اساسا مامربي ولده يكعد يربي بنات.

يوسف : وانه باقي يمك لحد ما اقنعك ترجعهن.

ادهم : اذا قنعتني اتنازل عن مريم ذاك الوكت اتنازل عن البنات ..

يوسف : فهمني شنو سبب تمسكك بيهن مو راح اتخبل والحجي كثر عليك بين الكرايب..

ادهم : ويحجون ميهموني دام ماشي

صح وماعايل بأحد وراضي ربي خلص ميهموني ...

يوسف : جاوبني ليش متمسك بيهن..

ادهم : لان من ريحه ياسه وقبل لا تموت وصتني بيهن كالت متعوفهن اله وهنه ببيوت ازواجهن..

يوسف : خاف ناوي تبقيهن لحد ما يتزوجن.

ادهم : شابات وكبار اذا اجتي قسمتهن وناس زينين انطيهن ليش لا ..

يوسف : من يومك عنودي وراسك يابس.

ادهم : عليش متعب روحك وياي اذا تعرفني ، تره تعبان وراسي راح اموت تدري صار ليلتين ماعرف شنو يعني نوم خلوني ارتاح تعبت..

حجت امه .

فردوس : كوم يمه نام سوده عليه من تزوجت ياسه لليوم انت ما مرتاح.

ادهم : لا حول ولا قوه الا بالله حجيه انتي كاعده بيتها تره..

سكتت مجاوبته كام من الهول واجه شافنه بالممر ضل واكف يباوع النه مصدوم عباله نايمين بعدنه ..

ادهم : صباح الخير ..

حجاها بكل ثقه وثكل..

هزيت راسي مكدرت اجاوبه..

تقرب مني وهمس..

ادهم : اليوم ضلو بغرفتكم والاكل يوصلكم لتطلعون علمود متضوجون يومين بالزايد ترجع حياتنه طبيعيه وضاملج مفاجئة من قبل يومين ومالحكنه نكلج عليها شتكولين افونه ..

دنكت راسها مجاوبته، جر نفس وراح لغرفته فات وسد الباب احنه هم رجعنه لغرفتنه ...

مرت اليومين كل شويه سامعين حجايه شكل وتعياره شكل اختنكت ردت انفجر..بس ايفين تسكت وتصبر بيه خلصت اليومين وراحو بس روحي طلعت العصر ساعه خمسه اجه عمو دك الباب فتحته ايفين كمت لبست شالي وفات ابتسم وكال..

ادهم : عندج شي ...

جاوبته ايفين ..

ايفين : لا ماعندي..

التفت عليها جانت واكفه وراه..

ادهم : اقصد سيلين..

ايفين : ها عبالي عليه

ادهم : انتي ضاملج غير مفاجئه..

ايفين: الي .

ادهم : اي الج بس مو اليوم انتضريني نهايه الاسبوع بس اتأكد من كم شغله..

ايفين : شكرا عمو..

ادهم : الشكر لله..

رجع التفت عليه..

ادهم : ها عندج شي ..

سيلين : شعندي مثلا كاعده وساكته..

ادهم : كومي بدلي انتي ومريومه.

سيلين: ليش وين نروح.

ادهم : معليج كومي ..

سيلين : ليش كاعد تعب نفسك تره مابيه شي..

ادهم : منو كلج متعبها اريد اشتري ملابس لمريم وماعرف بذوق البنات واريدج تجين ويايه..

باوعت عليه لابس بنطرون كتان ابو الجعب لونه اسود وبدي ابيض نص ردن بس طالع كلش حلو ...

ادهم : صفنتج طولت شلون نروح نضل.

سيلين : نروح انتضرني بس ابدل..

ادهم : يلا انتضركم بالمكتب عندي بريد ادزه بين متكملون..

سيلين : تمام..

طلع واني كمت ردت اطلع ايفين كالت..

ايفين : شنو بس انتو تطلعون والله ضايجه.

سيلين : انتي صدكتي بسالفه الطلعه والمفاجئة اني اكلج يريد يغيرلي جو عباله راح تتغير نفسيتي اذا طلعت ولو ما وكف ولح عليه فلا اطلع...

ايفين : لا الله عليج تونسي غيري جو.

باوعتلها ومشيت بطرانه اني مال تغير جو رحت لغرفه مريم لكيتها تلعب شافتني ضحكت..

سيلين : ها مريومه بابا كال بدليلها علمود نطلع تشترين ملابس..

اجتي تضحك لزمت ايدي ومشينه للحمام ، احنه ونمشي كالت...

مريم : سيلين راح اسجل بالروضه واتعلم اكتب مثلكم..

سيلين : اي فدوة حبيبتي واني اجي وياج اول يوم اوصلج..

مريم : بابا كال اول يوم هو يوديني وبعدين خط ياخذني انتي تعاي ويانه..

سيلين : ماشي اجي وياكم..

غسلت الها واني هم غسلت رحت لبستها ملابسها وهيه اصلا تعرف بس ساعدتها ورحت لغرفتنه بدلت.

سيلين : افونه وين راح تضلين هنا لو فوك يم نرمان.

ايفين : يمعوده ماروح يمها تخبلني خليني هنا اتفرج مسلسلات على ماتجون ..

سيلين : بكيفج بس راح يضل بالي عليج..

ايفين : شكو عليه قابل هنا غزوان لو تماره وتخافين عليه..

سيلين : هم صدك ..

كملت تبديل لبست جنطتي وطلعت لك

يت عمو ادهم جاي من المطبخ بيده كوب جاي وبيده الثانيه لفه وموبايله على اذنه كاعد يخابر اشرلي بعينه وهمس تعاي ورايه..

رحت وراه للمكتب اشرلي على ورقه وقلم ، همس..

ادهم : راح اردلج الرقم سجليه يمج.

سيلين : تمام ..

دار وجها على الشباك ويحجي ويهز براسه متفهم ردلي الرقم ..كمل مكالمه سده التفتلي و كال.

ادهم : رديلي الرقم ...

رديته على الغيب باوعلي وصفن عليه.....

ادهم : وين كتبتيه بوجهي اقريه بالورقه ورديه لتغلطين برقم...

سيلين : حافظته شبيك ..

ادهم : صدك تحجين ؟سيلين هذا شغل مو لعبه..

سيلين : اي والله اطلبه واذا مو نفسه عاتبني..

لم شفته لداخل حلكه وهز راسه ماراضي، عباله الرقم بيه غلط ، اتصل ،باوعت عليه ابتسم يعني نفس الولد طلعله ، اشرتله يعني هاا اشرلي اوك ...

خلص المكالمه سده وباوعلي ضحك..

ادهم : شلون حفظتيه هذا رقم دولي طويل وصعب..

سيلين : قدرات هههههه.

ادهم : ههههه

ضحك وهز راسه ..

ادهم : كملتو نطلع..

سيلين : اي ماعدنه شي انت كملت اكلك..

ادهم : اي كملت يلا...

طلعنه صعدت ليكدام ومريم ليوره صعد والتفت على مريم..

ادهم : بابا لبسي الحزام ولتكعدين بالوسط..

مريم : صار بابا..

ادهم : عفيه بالبطله حبيبه ابوها..

مشينه بالسياره وصلنه صف السياره بالكراج ونزلنه مشي ...

اول شي افترينه على ملابس الاطفال ضلينه اني ومريم نختار واكدر الها وهو يأيدنه ب اي ومرات شي ميعجبه لو فصال لو لون يكول لا محلو وانتو بكيفكم نتركه ونختار شي ثاني ، المهم اشترينه الها قطع متفقين عليها تلاثتنه بالاختيار..

شال هو العلاليك واني لزمت مريم نمشي كدامه وهوو ورانه التفتت عليه.

سيلين : وين نروح هسه؟

ادهم : نشتريلج ملابس..

سيلين : شسوي بيهن عندي.

ادهم : وانه كايل ماعندج ؟

سيلين : اتمنه فد يوم تجاوبني على سؤالي..

ادهم : ليش شكلت انه .

سيلين : على طول تجاوب السؤال بسؤال ثاني ..

ادهم : هسه فهميني شلون حفظتي الرقم ..

سيلين : عمو ذكاء عن ذكاء يفرق.

ضحك ومشينه ..

دخلت لمحلات مال ملابس كلبت بيهن اجه يمي همس..

ادهم : اختاري ابيض رصاصي نيلي غيرهن لتشترين.

رفعت عيني باوعتله

سيلين: ليش ماحب هاي الالوان..

ادهم : معليج راح تحبيها وهواي تلبسيها..

سيلين : عمو شنو هلمره الالوان هم تتحكم بيهن ..

حسيته ضاج ..

ادهم : اختاري بس ٣ الوان واشتري ملابس تمشيج ايام واذا عجبج قطع الوان اشتري منتضرج بره..

لزم مريم وطلع وكف بره ، استحي اشتري هواي وهو يكلي اشتري هواي حيره يربي...

اخذت ٣ لبسات وطلعت بره كتله .

سيلين : رهمت ٣ لبسات هذا هو..

ادهم : اخذي بعد.

سيلين : شسوي بيهن غير اعرف.

ادهم : اخذي ومعليج..

دخلت اشتريت وبلغته كملت دخل حاسب ابو المحل وشال العلاليك واني اخذت ٢ منه ، مشينه للسياره خله الملابس بالجنطه وكال ..

ادهم : يلا صعدو..

صعدنه ومشه ، شويه وكال..

ادهم : انه جاي اضغط عليج هواي وماحاس بنفسي..

سيلين : عرفتك فهمتني غلط مو قصدي هيج ..

ادهم : شنو قصدج سيلين تره ملامحج كلها تدل انتي ضايجه مني .

سيلين: لا جان حلفت بس ما احب احلف اني ضايجه لان كاعد اكلفك ماريد اضغط عليك وتضل تصرف عليه اصلا هواي افكر شلون افتح وياك موضوع بدون متزعل علمود نشتغل اني واختي.

التفتلي عاقج حاجبه.

ادهم : تشتغلون ؟

حجاها ودار وجها على الطريق..

سيلين : اي ..

ادهم : ليش مقصر عليكم احد مداعيكم بفلوس ..

سيلين: عمو الانسان عظمه ثكيل واحنه منقربلكم بشي وكاعد اختنك واتضايق هواي ...

ادهم : معليج بالحجي السمعتيه من اهلي ياسه ياما وياما سمعوها حجي وجانت متدير بال الهم تكلي اهم شي انت عندي ،،

انتو هم صيرو مثل ياسه اهم شي انه حجايتي هيه التضوجكم وتفرحكم غيرها كنسلوها..

سيلين : بس عمو انت صير بمكاني تقبل تعيش عاله على احد.

ادهم : انتو مو عاله بالعكس من جيتو هواي غيرتو بحياتي التهيت وياكم ونسيت حزني ولو شويه جنت داخل بحاله اكتئاب نسيت شلون واحد يحجي وشنو الضحكه وبنتي تبهذلت بيت جدها بعيده عني وعينها عليه شوكت اروح اشوفها بيتي جان مهجور اكله التراب بالفتره اللي اهلي رجعو بيها لبيتهم وضليت وحدي انه وايمن هسه افوت صوت بلبيت وكلشي نظيف واكل طيب شريد بعد اذا اكو واحد بينه ممنون ف انه الممنون منكم ..

سيلين : ياعمو تعرف شلون تحسم الامور لصالحك وتسكتني..

ابتسم وكال..

ادهم : نقاش عن نقاش يفرق..

سيلين : هههههه كاعد تردلياها مال ذكاء عن ذكاء يفرق..

كرها بضحكه بحيث اني ومريم ضحكنه على ضحكته ، دخلنه بمطعم تعشينه ورجعنه للبيت اول ماشافتني ايفين بوستني وبرطمت..

سيلين : شبيج شكو؟

ايفين : ايمن زعلان عليه وكم مره حاجيته ميجاوبني اخر شي دزيتله مسج حضرني..

ذبيت الملابس من ايدي وكتلها..

سيلين : شمسويه؟

ايفين : والله ممسويه.

سيلين: جوزي من الحلفان مو موتيني..

ايفين: هاي بطارف حلكي تعويد شسوي ، هسه عوفج مني وكليلي شلون اصالحه ضجت اني اذا ما اداهره يومي كئيب..

سيلين : هسه اني اح

جي وياه واشوف شبيه.

ايفين : اي حبابه واحجيلي عود.

سيلين : ماشي تعشيتي..

ايفين : اكلت تفاحه .

سيلين: شنو هالعجز مالتج طبعا عرفتج متاكلين تتعاجزين لهذا كلت لعمو يجيب سفري ..

ايفين : الله شنو جبتو..

سيلين: بالمطبخ خليته اخذي عشاج والباقي لايمن ونرمان..

ايفين : ماشي..

راحت تتعشه واني بدلت ورحت للحمام فتت غسلت من طلعت صار بوجهي عمو ادهم خال الخاولي على كتفه ويريد يفوت شافني ضحك..

ادهم : شلون حفظتي الرقم هههه.

سيلين : عمو قدرات قدرات ههههه..

حجيتها ومشيت وهو دخل للحمام ....

رجعت للغرفه اخذت موبايل ايفين دكيت على نرمان جاوبتني..

سيلين : هلو نرمان كاعده.

نرمان : اي دا اطبع ظهري انكسر..

سيلين: الله يساعدج ايمن يمج..

نرمان: توه طب جان بره

سيلين : ها خطيه اكلج متعشين

نرمان : اني اكلت شي بسيط وهو يكول شبعان ضايج مدري شبيه.

سيلين : احنه جبنه عشا ويانه راح اصعده الكم بس فتحيلي الباب..

نرمان : اني انزل خاف زحمه تصعدين.

سيلين: لا ماكو زحمه جيتج..

سديته ورحت للمطبخ لكيت ايفين تاكل ومريم كاعده تشوفها الملابس وايفين تسوي الله وتحرك بعيونها هههه..

سيلين : طلعتي اكل الج..

ايفين : اي اخذي الباقي.

سيلين : حروح اصعد وافتهم من ايمن شكو.

ايفين : ماشي انتضرج..

اخذت الاكل وصعدت فوك لكيت الباب مفتوح دخلت وصحت عليهم..

سيلين : نرمان ايمن..

نرمان : جيتج لحظه..

سيلين: على راحتج..

طلع ايمن من غرفته شافني ابتسم.

ايمن : عاش من شافج..

سيلين: انت العايش وينك هزام..

ايمن: هاي انه.

سيلين: اي مختفي قابل كذب..

ابتسم وكال..

ايمن : كالو جايبه اكل دسم .

سيلين : معليه اني هذا اخوك

ايمن : فديت ربه لاخويه المهتم..

حجاها وغمز..

سيلين : شنو القصد ايمن.

ايمن : اخويه مهتم بينه شبيج مدارينه وخالنه بنص عينه..

حجاها وضحك.

سيلين : اكل اكل عندي موضوع وياك..

ايمن : اذا يخص اختج سديه احسن اريد اسويلها درس..

سيلين : ليش شصاير علمود دروس وعبر وبلوكات شسالفه.

ايمن : اتعشه واسولفلج وانتي حكمي ترضين بالسوته.

اجتي نرمان كعدت واني سكتت مجاوبته.

نرمان : عاشت ايدج اجه بوكته جوعانه..

سيلين: اكلي بالعافيه.

نرمان : الله يعافيج..

اكلو ساكتين واني هم ساكته كملت نرمان وكامت..

نرامان : راح انام ورايه كعده من الصبح تحتاجون شي.

سيلين: لا حبيبتي نوم العوافي..

نرمان : وانت ايمن؟

ايمن: سلامتج ماعندي شي..

راحت للحمام وبعدين فاتت نامت كمل ايمن راح غسل واني اخذت الاكل وديته بالمطبخ مالتهم الباقي ضميته بالثلاجه ..ورجعت كعدت اجه كعد.

سيلين: قبل كلشي اريد تحجيلي السالفه من البدايه من يوم طلعتنه الظهر لحد زعلتك ويه ايفين..

ايمن: انتي لوتيه تردين ادهم يشنقني.

سيلين : اوي عيني يشنقه احجيلي حباب.

ايمن : تره انه اكبر منج بخمس سنوات ملاحظه روحج تحجين وياي عبالك اخوج الصغير..

سيلين: من زود الميانه ما اكبرك دحجي عفيه..

ايمن: متكليله انه كلتلج.

سيلين : لا ماكول.

ايمن : كليله ايفين علمود يحقد عليها..

سيلين : هههههه شوف بله ايمن عوفك منها واحجيلي كأنما اني وياكم جنت هيج اريد تفاصل..

ايمن : عفيه نسوان تموتن على التفاصيل..

سيلين : هاي ايفين مو اني بس لان شي يخصنه اريد افهم كلشي واعرف كل كلمه انكالت.

ايمن : صار صار سمعي يابه..

جنه كاعدين انه وادهم بالهول اجاه تلفون حزري منين ..

سيلين : من ماما اكيد

ايمن : لا من زوجه عمج صلاح..

سيلين: شتريد.

ايمن: الضاهر عدها علم بنيه ابنها يريدج فرادت تفركش كلشي امج جايه تريدكم وزاكروز يريدج صايره مشكله جبيره بينهم ومتفقين اخر شي انتي لزاكروز وايفين لهذا الرجال الخطبج قبل لا تجون لهنا الظاهر امج قابضه فلوس المهر مالتج مقدم وصارفتهن ومتورطه ، ادهم سألها.

ادهم : هسه همه وين؟

بسعاد : مضل شي ويوصلون ..

ادهم : يعني شغله ساعه ازيد غير اعرف..

بسعاد : اقل خابرتهم قبل شويه عبرو الاقواس مال بغداد.

ادهم : وليش كاعد تبلغينه شنو تستفادين..

بسعاد: ماريد بنت وضاح تصيرلي جنه لان اذا اجتي لبيتي اهججها ...

ادهم : والنعم منج والنعم.

بسعاد : حسب حساب احتمال دوريه شرطه وياهم ومتهمتك على اساس انت رايح وماخذهن من البيت غصب عن امهن..

ادهم : انه ما خايف منها لو جابت جيش كامل ميهزون شعره من راسي اخذي راحتج..

سده والتفتلي ..

ادهم : ايمن راح اخذ البنات وانت ضل هنا يمك مريم ونرمان واذا سألوك عليه كلهم رايح ايفاد..

ايمن :ابقه هنا شنو صدكت بحجيها لو خايف..

ادهم : ماخايف بس البنات ماريد اعرضهن كدام اليسوه والمايسوه ويسألوهن ويصير استجواب شلون تريدني اوكفهن بنص الزلم.

ايمن : اذا عمامها جايبيهم انت غيرتك تتحرك لو همه .

ادهم : المفروض همه بس الماعنده غيره نشتريله يعني كوم بسرعه روح للبنات كللهم يلمون ملابسهن بجنطه وصعدهن يم نرمان ...

ايمن : ليش؟

ادهم : احتمال يصير تفتيش من انت تنكر راح يفكرون الملابس لنرمان.

ايمن : انطيني ربع عق

لك..

ادهم : امشي بسرعه راح اشغل السياره واستعجلي البنات..

ايمن : واجيت عليكم وتعرفين الباقي..

سيلين : زين من اجوي شصار

ايمن : اجتي امج تبجي وتهمتنه حققو ويايه

وفتشو البيت شافو ماكو الكم اثر حتى فوك صعدو من شافو نرمان نزلو امج صعدت دورت بيتي كله وحتى مشتمل فهد فتشوه وطلعو ..

سيلين : ومره ثانيه من اجوي شصار..

ايمن : اول مادخلو للأستقبال كعدو وصارت مشاده كلاميه بين زاكروز وامج هيه تريدكم ثنينكم وهو قافل عليج وهنا ادهم مدنك يباوع بالكاع حتى عبالي باله مو يمهم طلع محضرلهم قنبله ههههه

سيلين: شسوه الله عليك احجي..

ايمن : حجو حجو اخر شي رفع راسه وكال.

ادهم : هسه اللي يهد على زلم غير يجيب زلم وياه لو يهد بمره..

الكل رفع راسه على ادهم ضاجو وكلمن يحجي حجايه شكل عاد ادهم جاوبهم..

ادهم : وين الزلم صار نص ساعه انتظر واحد بيكم يحجي ماكو بس المره تحجي..

صلاح : غير بناتها ومحروك دمها عليهن..

ادهم : عندك علم وين تريد تودي بناتها والمن تبيعهن رحتو سألتو عليهن شنوو اشتغلن وعد منو سألتو على امانه اخوكم ويه منو عايشات وشنو يعانن اكو زلمه مشورب يعوف عرضه عد قاتل اخوه وكلكم عدكم علم بهذا الشي واتحدى واحد منكم ينكر كلامي..

هنا انقلبت الطاوله على امج وعمج صلاح لان عمج فرات ومحمود ميدرون شنو السالفه ولا ولدهم صارت عركه بينهم وكام عمج فرات ضرب امج راشدي. ضلت تعد وتصف عليه وذاك الفشار اليعجب اخر شي حجه صلاح.

صلاح : اخذهن يمي واني اربيهن بنات اخويه ميربن بيت رجال غريب..

ادهم : ماهو الغريب احرص على بنات اخوك منك ومن ولدك.

صلاح : ما اسمحلك تتجاوز احترم نفسك.

ادهم : محترم نفسي وعارف شداكول و ويه منو كاعد احجي بس اللي متعرفه انت ماعرف تعرف ومغلس عنه سوايه ابنك العوجه ويه وحده من البنات..

هنا عمج فرات راح كعد بصف ادهم وضل يحجي وياه من حجاله ادهم تخبل وكله اريد دليل من بعد ما طلعت روحه عمج يلا ادهم شوفه التصوير مال فديو والباقين ذبحو روحهم علمود يشوفوه مقبل ،

كام عمج فرات وضرب زاكروز، وراها كالو شلون يضلن وحدهن ادهم كللهم هنه عايشات فوك يم اختي واحنه الولد جوه ههههه

سيلين : واكول ليش عمو اصر نرمان تجي يمنه تعيش شكد ذكي ياالله ...

ايمن : اي ههههه سمعي ولهناك فات فهد و وياه ضابط جبير صاحبه هم حضرو الكعده بس جانت محسومه البنات يضلن هنا وادهم مخلاهم يتدخلون ، فهد والضابط هددوهم اي شي يصير علينه لو عليكم همه مسؤولين لهذا كامو يطكطكون..

سيلين : وفهد منين عرف.

ايمن : انه خابرته من شفتهم كلهم جايين وادهم مريض خفت يتخربط وياخذوكم كلت على الاقل فهد وكح ميكدروله ..

سيلين : ماعرف شحجي وشكول غير بس فشلانه منكم.

ايمن : معليج انتي المفروض عمامج وامج همه اليخجلون انتي واختج ضحايا عوائل مشتته..

سيلين : وشبيك ويه ايفين ..

ايمن : واكفه بلا حجاب وجماعه فهد جانو بره وهيه ظاله بره رغم خزرتها ومفاد خليها يصيرلها درس يلا ارجع احاجيها..

سيلين: شمدريني تعبت اني اكلك والتهديد مال ماما وعمو خوما يأذوكم..

ايمن : كتلج فارغين وفهد هددهم لتخافين

سيلين : الله يستر..

شكرا لزيارتكم عالم روايات سكيرهوم