رواية الضابط واليتيمة الفصل الرابع والعشرون بقلم بقلم مجهول
(الخطبه)
ثاني يوم الصبح كمت اتعكزت على العكازة وطلعت للمطبخ شفت الميز بي اكل ويخبل
- شوية والجاي يصير
سمعت صوتة وراية
- حبيبي صباح الخير
- صباح النور شلونها رجلج
- بعدهي توجعني ( كلتها بدلع )
- اكعدي خلي نتريك
- امم
ورة دقايق
- صباح الخير
- هلو خالة صباح النور شو كاعدة
- مو اليوم فد ب١٠ يجون بيت اختي فكلت الحك على وليد ابلغة
- اوك يمة اعتقد اتاخر اليوم
- زين الغدة شلون
- اني اوصي الولد يشون هنا ها اليوم دوام ماشي اني ادزلكم جندي ويا الاكل من برة
- ليش من برة اني اسوي اكدر
- انتي يا يمة اسكتي ام المصايب
- اني ام المصايب
- اي لعد شعندج صاعدة بالمرجوحة بالظهاري
- ههههههههههه اي حل وزيادة رزليها يمة
- والله لو مكسورلج ايد ركبة جان اسويتي وبعدين لتنسين انتي بنية ميصير هلسوالف
ياااا اني معت من الخجل عزة كدام وليد احس صخنت باوعت علي جان يباوعلي ومبتسم
طلع وليد ورحت كعدت على الكرويتة ولزمت التلفون
محسيت الة اندكت الباب دا اكوم اجتي خالة
- اني اني افتحها
- هلة هلة بام مريم شلونج عيني
اتباوسوا وطبوا بناتها مريم وجهالها وريام وثنين شباب ما اعرفهم وابوهم اتسالموا وطلع عمو سلم عليهم
- كومي عيني كومي متعرفين اتسلمين لو عبالج ام بيت ولازم انسلم عليج
- لا بس رجلي ما اكدر اكوم والعكازة بعيدة علية
- ليش عيني شبيها رجلج
- وكعت من المرجوحة وصار عندي تمزق
- اوي عيني بنتي انكسرت رجلها وكلشي ما بيها واتكوم وتتحرك
- اسفة
وحاولت اكوم
- اكعدي يمة شبيج ام مريم اتشاقيج ام مريم شبيج وية البنية عوفيها خليها ترتاح
اني اعرف ام وليد شكد حبابة ومتكدر اترد عليهم اني كلش انهضمت وحسيت ببلعومي غصة جبيرة ما اكدر ابلعها راح ابجي حاولت اكوم اجتي يمي ريام
- هلو اووو عدج العافية
- الله يعافيج
- وين كايمة اكعدي خلي انسولف شلونة وليد
- الحمدلله ليش اتسالني علي
- عبالج ما اعرف شنو خططج انتي ذيج المرة عبرتها بمزاجي بس صدكيني يا مينا اذا ما اخليهم يطردوج من هلبيت
- انتي شبيج وياية شنوسويتلج
- ههههههههه كافي كاعدة هنا واتلعبين على الولد بت الشوارع
- ما اسمحلج
- لا بلة شنو منتضرتج تسمحيلي راح اهدج هسة بس اصبريلي اليوم ما اعدي على خير صدكيني
كامت وشمرت العكازة وراحت
كمت اخذتها ورحت لغرفتي طلعت الفون وطلعت رقم وليد ما اكدر اكلة يا ربي وليد عصبي وخاف يكولون حركتة بس اريد احجي ويا اريد اسمع صوتة ويطمني بجيت بدون صوت حسيت بالتلفون يهتز شفت منو وليد فدوة حس بية اكيد بس خاف يعرف جنت ابجي كحيت عمود اغير صوتي
- الو حبيبتي
- هلو حبيبي
- شبي صوتج جنتي تبجين ؟
- لا لا بس كحيت وهيج صار
- والله جنت حاس على غفلة اختنكت والنفس كمت ما اكدر اتنفس عرفت بيج شي كليلي شنو صار
بجيت وبجيت وبجيت وكلشي محجيت ضليت ابجي بعدين سكتت
- خلصتي بجي
- امم
- هسة كليلي شبيج
- شوية ضجت واختنكت بس
- اوك ديري بالج على نفسج ساعة واخابرج ماشي
🌹راح وليد مسحت ادموعي كمت لازم اطلع اساعدهم او اسوي شي ميصير ابقى بالغرفة
طلعت شفتهم كاعدين رحت للمطبخ شربت مي اجتي ريام وجرت العكازة ووكعت بالكاع
- اي شبيج
- وشبابة ما اسمع صوتج اني اعلمج
طلعت كمت رحت كعدت على الميز اجتي ريهام سولفت وياية وضلت تحجيلي على المدرسة مالتها واجوي الجهال لعبت وياهم شوية وراحوا صارت ب٢ وليد ما اتصل كلش قلقلت بس ما اكدر ادك دا اكتب الرسالة وانفتحت الباب وجان وليد
- وليد
شفتة يباوع يلتفت يشوف اكو احد وطب اجة يمي
- حبيبتي اجيت اشوفج واشوف الي مزعلج منو دا اموتة
- حبيبي
جان واكف كبالي واني كاعدة وجان حاط ايدة اثنينهن على خدودي
- شغلك شلون
- خلصتة من وكت
- اسفة قلقتك وتعبتك
- اششش ما اسمع هذا الحجي مرة ثانية انتي مشفتي شحسيت والله كلبي انقبض عبالك احد ينبهني اكو شي اول شي طرة على بالي انتي ومن سمعت بجيج كلبي جان يتكطع ما اريدج تبجين بعد
لزم ايدي وبوسها
- وليييد لتسوي هيج يالله
-ههههههه فدوة للخجول اروح خلي اطب على اسلم عليهم وابدل واجي تعاي وياية
كومني وطبيت ورا كعدت على التخم سلم وكعد
- يمة لعد وين الاكل
-هسة جاي
- شنو ام وليد ليش مطبخت خدامتكم واذا رجلها المن جايبيها
- اولا هي مو خدامة وثانيا متكدر تشتغل مثل مدشوفين خالة
- ريهام (وليد )
- شوف حتى هاي القردة ادافعلها غاسلة مخكم بت اشوارع
- خالة ( بعيطة) ما اسمحلج اتهينين مينا مينا الي يهينها يعني يهني والي يضرها يضرني وكرامتها من كرامتي
- شهل حجي وليد شنو اتخبلت انت على يا اساس كرامتها من كرامتك
- على اساس خطيبتي
- شنو
- مينا خطيبتي وما اسمح لاحد ياذيها او يجرحها بكلمة وانتوا تعرفون شنو وليد...
