رواية اخذوني دفع للدار فصليه الفصل الرابع والعشرون بقلم زينب نور
صفة رسمك حلم عذب حنايا الروح مثل طيفك أبد ما شايف بعيني نهر طولك عذب صافي ويرد الروح وأنه الميت عطش وبكطره ترويني أكتبلك شعر وأسطرلك الأبيات وانته بلا بخت بالفركة تجويني قيس بعام واحد وتيبّس من الشوك وآنه سنين مرّت ما غفت عيني
كلي شلون رايك والعمر محسوب وجلمات الشماتة تكول ناسيني طلابه وي العشك وأيامي كلهن ليل وشمس حبك ظلم من ما تضوّيني كافي من العتب راح أختم الأبيات وأحجيلك سطر بي كل عناويني مثلك ما شفت ولا رايد ولا ريد وأحبك موت عنوان لدواويني
*******************************
نهر : جاي امشي وهذول زعجوني كلش وجان اسمع حس وراي اللتفتت وجان اشوف ليث جاي بكل عصبيه كضاني من ايدي حيل ومشاني وخله واخذني لمحل ذهب ودخلنه
ليث : جاي اسولف وي عمار عن الشغل وتمشينه وجان اشوف واحد تحركاته غريبه ورا نهر ونور والعرفته مبين ع نهر اي موصوجي انه حتى حلقه مثل البشر مالبستها عفت عمار حتى ليحس بشي وصلت يمهم وصحت عليها التفتت وعرفت بيه عصبي يمه من اروح فدوه لعيونها الزرك السحرني سحر كضيتها من ايدها ادري حيل بس ميخالف حتى اثبت ملكيتي الها جريتها ودخلتها محل ذهب وختاريت الها حلقه ولبستها الها وكتلها هاي ماتنزع من ايدج
نهر : باوعت بستغراب كانو ماعاجبني ولبسنياها كوه وكلي متنزع باوعت عليه وطلعت بلا ابالي
ليث : اخ يابرودها راح تخبلني كملت مشي وراهن وعمار يمي وسامر وهنه ماتعبن من محل المحل
نور : اخ رجليه يوجعني
همس : من الفرا ماكعدتي ابد شنو فلمج
نور: يا اختي غير خطوبه اخوي وحبيبي
لجين : اشوفه مهتم اخوج هاليفتر ورا سمر بس ماشالله شفتنها شكد حلوه
نهر : اسمعهن وهزيت راسي عود اي شويه واجه ايمن يمي
ايمن: عيني ماشلتها من حضره جنابها ورحت ع نهر صحتلها كتلها لاتحجين انه احجي
نهر : هزيت راسي
ايمن : باعي نهر انه اعترف معجب بنور كلش واريد اتقدم الها تدرين بيه انه جدي وصريح بعيدا عن البنات الجنت اعرفهن حيل معجب ويجوز حبيتها هم دباعي شلون تمشي وتضحك تخبل
نهر : بتسمت وهزيت راسي اي وانه بداخلي اكول نور تستاهل حبابه وفقيره ماخيرها عن لجين وهمس واحت بالي سالفه اتمنى تصير همس العمار صح يتعاركون 24 ساعه عبالك توم وجيري ههههههه بس لايكين البعض واجتني بوقتها فكره بس بعدين اشوف طلعت التلفون وكتبت اله تمام ايمن نور خوش بنيه وماتخسر اذا اخذتها وبس ترجع كول الامي وخير البر عاجله
ايمن : حيل فرحت من قريت كلامها وادري بيها هيه هم معجبه بيه بس تخاف ههههه فدوه لطولها يلا روحي رجلج راح ياكلني
نهر : باوعت صدك عاكد حواجبه وباوعتله بحزن تذكرت بعد يومين خطوبته وكلبي ضل يوجعني حيل انه ادري يجوز راح اتخذ اجاراءات صعبه بس ميخالف اتحمل الي يصير اهم شي ارتاح لان تعبت بهاي الثلاث شهور كلش تعبت خليت ودرت وجهي ورجعنه للبيت كعدنه بغرفه همس وطلعت تلفوني ودزيت ع الكروب صدك هاي نور سوت كروب بيه انه وهمس ونور ولجين وملك ملك كلش ضاجت من ماجت كتلها ع العرس تعاي وديت رساله كتلهم تدرن شنو صار ههههههه
الكل : شنو شنو شنو
نهر : كتبت
ليث : اخ اخذها ابن الحلو وراحو يحجون شبيه انه حتى من اخوها اغار باوعتلها بعصبيه التفتت الي ونضرته كفيله انو تاخذني سابع سمه وتشمرني مناك مافسرتها خلت ودارت وجهه وراحت ورجعنه للبيت شفتها مااكلت شي وماتغدت بس لامريضه وماتكول كعدت بالحديقه صفنت ع السمه وتذكرت يومين وتصير صدف ع ذمتي اخ شسويت بروحي صدك جذب ليث عود انت الجبير اجه عمار طبعا جبناهم ويانا حتى لمه تصير ونتونس
عمار : ها العاشك شخبارك اي بعديومين عريس
يباوع عليه ليث حسيت بيه ماقبل على لبسي كلت بكلبي شعليه هوه خل يحتار بخطوبته باجر جاي انزل وحسيت باختلال بتوازني صار كضيت الدرج ولتفتت عليه همس
همس: نهر شبيج وجهج صار اصفر
نهر : مابيه يمكن لان ماماكله شي من امس
همس : تسودنتي ماماكله شي تردين تموتين
نهر : اوي همس شبيج خلينه ونزلنه وليث بس يصيح وصلنه ودخلت جوه وصار بوجهي ولد شكله كلش حلو وطويل واسمر صفن بوجهي وكلت وجع شبيه هذا صفن عليه
همس : امشي امشي وجع مايستحي طبعا من طلعت شفت عمار وحركت كلبه لان ادري بيه مايقبل ع لبسي هههههه حبيت اضجه دخلنه وشفت سمر ضليت صافنه كلت بنات شنو هاي
ردن : شكو
همس : اللهم صلي على محمد وال محمد شهالجمال شهالنزاكه يمه يمه هنيال غضب عمي وصلنه يمها وسلمنه وهيه عرفتنه كلحنه بدون ما نعرفها عن نفسنه وطلعت حيل حبابه
نهر : سلمنه وكعدنه وهيه عينها ماشالتها عني صاحتلي
سمر: دخلن البنات وحده احلا من الثانيه بس اكثرر وحده حبيتها مرت ليث جان جمالها طاغي عليها رغم احس بيها تعبانه شويه صحتلها واجت
نهر : كولي حبيبتي
سمر : شبيه صوتج
نهر : مريضه شويه يعمري
سمر : شهالجمال صحتلج حتى اسولف وياج اريد اتعرف عليج اكثر وتصيرين صديقتي تدرين بيه مابقى شي واتزوج كلها سبوعين هههه غضب مستعجل
نهر : حقه حبيبتي غير جنج كمر نوب لابسه بنفسج غير تخبلين
سمر : تسلمين مو بجمالج اصلا صرنه يمج صفر ع الجمال خلت وكامت من كالو اجه الشيخ يعقد
بس اباوع عليها صدك جمالها طاغي رغم وصفها غضب اليه بس هيه حيل جانت احلا طبعا انه
دخل الشيخ واخذ الموافقه وعتلت اصوات الهلاهل وانه احس بيها من تباوع ماعاشت اي شي من العشنا احنه ولا فرحتنه شويه ودخل غضب ميت ضحك وصل يمي وسكت كتله ها ماعجبتك
غضب : ولج ياماعجبتيني شعلتي اهلي هههه
سمر : يروحي لعد شبيك تضحك
غضب : بعدين اسولفلج بس صارت سالفه تموت ضحك دخلت وانه اضحك
سمر : انشالله خير لبسني الحلقه والذهب طبعا جايبين اشكال واكلنه الكيك وركصنه سلو وطلع وضلينه احنه نضحك ونسولف ونركص والناس بدت تروح بقينه بس احنه كلش تعبت انه اجه غضب ورحنه للاستوديو نصور طلعنه واجت ويانه لجين. سامر .
نهر : اخ شفت الكيكه ماقاومت تخبل ولونها بنفسجي طبعا سمر ذوقها كلش حلو بس نفسي راحت للكيكه ورا ماطلعو الناس وراحو للتصوير دنيت يم نور كتلها نور اريد من هاي الكيكه شتهيتها
نور : صار غالي والطلب رخيص مبين ضليتي تشهين لان ماماكله من امس
نهر : شكد مكروهه يلا جيبيلي عاد راح اموت
حقي اشتهيها صح ههههههه جابتلي منها واكلتها كلها احس اول مرا اكل كيك كلت شبيه انه وراها بشويه كالو خل نروح اجت سمر سلمنه عليها واكدت علينه العرس بعد سبوعين ع مايجهز الغرفه طلعت وجان اشوف ........
....................\\\\\\\\\
