رواية كريات الدم السوداء الجزء الثاني الفصل الثالث والعشرون بقلم زحل شريف
_حجاها وسدة ، بقيت محتارة كمت وكفت گبال المرايه اباوع لروحي ، شعري طولان وهل شي بين
بعد ماسرحته ، وشكد احب هل ميك اب وهل الألوان تلوكلي،، تحسرت مبتعدة من المرايه،وانه
احجي ويا روحي هسه شنو ابدل لو شنو طلعت للصاله اباوع صدك وحشة البيت بدونها ، كل يوم
هيج وقت متمددين ونسولف ،خذتلي فرة بالبيت
اتاكد من البوب مقفوله,والوحدة تخلي الانسان يگلب بهمومه ، اي شكد جنت أتمنى يصير عدنا
بيت وشكد خططنا انه وجويسم ،وماتحقق شي
من حلمنه وحتى قدر ومديحه ياما حجينا هيج نكعد وهيج نشتغل تالي تفرقنا ، بس الحمد الله من استقرن ، رجعت لغرفتي اتصلت بي
رفضني شمرت،،النقال وخذتلي ملابس ودخلت للحمام دموعي تنزل ويا الماي ، طلعت بملل خذت
نقالي لكيت قدر متصله ودازة رسائل .
قدر::ها سونه وينج ليش ما تردين .
_كتبتلها جنت اسبح لايضل بالج راح أنام
عود الصبح نتخابر.
_نشفت شعري واخذتلي فراش شمرته كبال الشاشه مال الكامرة وتمددت اباوع بشرود صافنه ونبهني صوت النقال،،،،،،،،يعلن عن وصول رسالة من رقم طارق، استغربت بس من قريتها عرفت
هيه دزتها ، بس ليش
مديحه::ها نايمه گاعده بالي يمج انتي وين
بيتج لو رحتي ويا قدر ؟
_مارديت عليها حتى لاتقلق ،اتصلت بالباشا هم مارد
عفته گلت اكيد اتصل بثابت ومارد عليه ،خليت النقال يم راسي عيني للشاشه اباوع جهال تلعب طوبه بالساحه الي كبالنه ،،ولد شباب كاعدين على صفحه ، وهل شي خلاني أمن،توني غمضت ودك نقالي،،،،باوعت رقم ثابت،بس فتحت خط صاح
ثابت ::وزه هوه وزه هااا.
_سكتت ،_انحرجت منه ، گتله شبيك خو ماكو شي؟
ثابت::شنو نايمه ؟
_ اي.
ثابت::جا اذا نايمه شكو حرگ التلفون عليه.
_هو يحجي وتلفوني ، ينبهني عن مكالمة ثانيه
نزلته من أذني باوعت اووو قدر ،ضليت ساكته
صاح ثابت
ثابت::دصحصحي يمعودة
_سدة وانه اصفن خرب انه يعني هذا من كل عقله
راح گعد الولد ، رديت على قدر الي حرگت التلفون
شگو يمعودة شبيج.
قدر::بشرفج زواج بعد منتصف الليل.
_اسكتي ولج هسه شسوي نوب اخابرة
مايرد .
قدر::هههههه. غير ماخلانه انام بس والله زين يسوي حيل بثابت ، لو مخليني بايته يمج.
_هسه انتي متشمته فرحانه مافهمت، دروحي
خل اكوم اشوف المصيبه الورطني .
قدر::وعرس اختنا اليوم نلعب چولة .
_سديته وهيه تضحك گمت محتارة نوب مايرد
عليه ضليت افتر بالصاله ،لحد ماندك الجرس
باوعت للكامرة سيارة ثابت رگضت للغرفه لبست
شالي وفتحتله الباب
ثابت::فوتي يابه بس فتحيلنا الاستقبال لان سيد صلاح وياي .
_دخلت من الباب الداخلي للاستقبال فتحته
ورجعت للصالة لميت فراشي شمرته بالغرفه
امشي واحجي خرب عقلج سونه ، شلون إحراج
صاح عليه ثابت طلعت مدنگه
ثابت::انطيني هويتج .
_باوعتله ضحك وهز ايدة
ثابت::شبيج يابه بعدج غافيه شنو.
_لا بس ؟
ثابت::بس شنو يابه شو تعاي .
_تقدم گعد على القنفه واشرلي كعدت كباله.
ثابت؛:شو متردده اكو شي ابالج. احجيلي قبل مايوصل الغضب ومانفهم شي ،كولي لاتخجلين مني
ابالج مهر معين ترى هم فرصه وهم حقج.
_لا موهيج ابد ما مفكرة وبعدين احنى
اتفقنا عقد على مود ال.
ثابت::شوفي يابه خو انه ايدت العقد لاجل
تجنبين نفسج ذنب تواصلكم ، بس هذا مايمنع
لازم تفكرين لان هو زواج شرعي .
_مافهمت؟
ثابت::الي انه وانتي متأكدين منه ، هو يحبج
وانتي كذلك ف اكيد هل شيء راح يولد بينكم
تواصل دائم وافصاح عن مشاعر أن شاء الله يتحسن وضعه ويوثق هل عقد قانونا.
_قطع حديثنا صوت الجرس باوعت للكامرة سيارة
الباشا گام ثابت وهو يحجي
ثابت::يله يابه حضري الهويه بين ماادخله
_دخلت للغرفة اصفن ، طلعت هويتي وطلعت
اسمع صوته يضحك والضاهر الشيخ عرف لان
ماتقيدو منه شويه واجه ثابت .
ثابت::ها يابه؟
_انطيته الهويه اخذها وهو يباوعلي هزيت راسي شكو صفن ثواني ورد.
ثابت::سونه وياج بكل شي ، وراح اكون شاهد
بس ،وقت مواجهة اهله وزوجته هاي تعذريني منها
مو انج ماتهمني لا و الله انتي عرضي بس لاتنسين
زوجته بنت اختي يعني .
_قاطعته أفهم كلامك،بس احنى مامفكرين زواج
دائم لو غير شي.
ثابت::ابد لا ترخصين نفسج، اياج تبينين انو شوكت ماعجبه أو تعرض لمشگلة سهل يطلكج .
_سكتت محتارة عافني وراح ، ضليت واگفه
دقائق وصاح
ثابت::سلاسل اتقربي من الباب يابه، حتى تسمعين
_تقربت بخطوات مترددة ، سألني الشيخ
الشيخ:: سلاسل راضي ، تتقبلين أن أكون وكيلك
لازوجك من اسعد وادي على سنة الله ورسوله وعلى الصداق ومعجلة،،،،، ومؤجله ،،،،، فأن قبلتي
فقولي نعم ،وانت وكيلي.
_بلعت ريكي بتوتر ، رديت نعم قبلت ومجرد
ماتم وبارك النا الشيخ اسمع مولي هلهل بصوت
ناصي ضحكو بقيت استمع
الشيخ::عاد اطوني ماي،اغرب عقد مر عليه
ثابت::غير سوالف الباشا .
الشيخ::يمعودة دخلص منه .
الباشا:: مشكور سيد يله خلي مولي يشتريلك
سيت بيبسي من اسواق الود
الشيخ::اذا راني حبيبات أكون ممنون جدا.
_طلع الشيخ ومولي ويا، ركضت للصاله من
حسيت بيهم راح يجون، رفعت راسي اباوع
انعصر گلبي ،من شفته دخل بكرسي متحرك
وثابت ورا ، دنكت متهربه من نضراته وگأنو يريد
يشوف ردة فعلي خنكتني العبرة ، ماتخيلت بيوم
يوصل لهذا الحد مستحيل ،بدون انتباه تحسرت
بصوت عالي.
الباشا::يايابه هيج حالتي يرثى لها بحيث
حسرتج وصلتني .
_سبقني ثابت بالرد.
ثابت::لا وانت الصادق ، گول مركضنا مبجينا
احنى الي حالتنا يرثى لها من طلعتني من بيتي بهاي الساعه .
الباشا::من حبي الك ،ماردت غيرك يحضى بهل اجر
مو يكولون من جمع راسين بالحلال اله قصر بالجنه
_گامن وهو يحاول، يخفي ضحكته التفت عليه دنكت محرجه ، احس صخنت من گال
ثابت::مبروك يابه .
_هزيت راسي كرد ، التفت على الباشا باوعله بنضرة
فاحصه وهذا انفجر من الضحك
الباشا::هههههه ههه شگو شبيك مو حتى خجلتني
ثابت::مااضن تخجل .المهم شنو هسه اروح
لو تريد اوديكم المزرعة ؟
الباشا::الصبح خلي مولي يجي عليه.
_تفاچئت يعني يريد يبات هنا ؟
ثابت::تمام تعاي يابة قفلي بابج.
_وبس عبرت الصالة نزلن دموعي.
ثابت::يمعودة هيج راح نأذينا هو بدون كل شيء
نفسيته منتهيه حاولي تعاملينا وكأنو الأمر مؤقت
اكيد يتعافى بس مسألة وقت وبلكي يقنع يجري العملية ، يله تصبحون على خير
_ قفلت الباب , ورجعت لگيته منتقل من الكرسي
للقنفه ،وجگارته بأيدة شعلها ،وبدون ما يباوعلي أشر بمعنى نفاضه وكأنو نقذني طلبة رحت للمطبخ
ابتعدت عن انضارة ،كتمت صوت شهكتي,صاح عليه
الباشا::وينج يابه.
_غسلت وجهي بالسنك واخذتله نفاضه وماي
سحبت الطبلة خليتها كباله،، وخليتهن عليها
ردت أبعد بحركة سريعة جرني صرت يمه
لمني مقرب راسي لصدرة ، وگانو يكلي ابجي براحتج وهو يتحسر، رفعت راسي من كال
الباشا::گتلج وضعي وانتي اصريتي ماردت اضلمج.
_قاطعته ، لا ابد مو هيج وروح امي بس بس
ماگدرت احجي غصيت بعبرتي دنكت ودموعي مثل المطر ، خله ايده ورا جتافي وسحبني عليه .وبأيده
الثانيه مسح دموعي
الباشا::هيج تحبيني سمرة؟
_ماعرف شنو احساسي فرح لوحزن لحالتة,
ابتسم ونضراته تتجول بوجهي .
الباشا::جا وين المكياج ؟
شو بله گومي راويني فستانچ.بس لا غيرتي؟
_هزيت راسي اي .
الباشا::مو گتلج انتضريني؟
_عبالي تشاقه .
الباشا::دگومي البسي وتعاي.
_يااا شلبس ترى حفله وخلصت والعرسان
هسه يشخرون
الباشا::واحنى شكو يابه، ناس بعدنا كاعدين
ولاتنسين هسه تزوجنا ،،،،دكومي تلبسين وتخلين
مكياج يعني شلون جنتي بالعرس،،،، اريدج بنفس الهيئة.
_مانطاني مجال احجي ،
الباشا::بسرعه بدون جدال يله.
_گمت وانه احجي بگلبي خرب روحج مديحه
هسه المن عرستي وخليتني ،وكفت كبال المراية
محتارة ،خليت شي بسيط ولبست الفستان،رشيت
عطر باوعت لروحي بنضرة اخيرة ،دنكت لبست حذائي وطلعت رفع رأسه باوعلي .اشر بمعنى افتري
وهو مسند اديه على تاج التخم لبيت طلبه.
الباشا::يخبل .
_شنو قصدك الفستان؟
الباشا::لا يابه القالب مجمله ، شو بله تعاي
خل اشوف قماشة .
_ضحكت ورحت كعدت يمه،تقرب خطفله
بوسه من خدي ،وهو يباوع بعيوني
الباشا::مشتاقلج سمرة.
_حته انه، سكت ثواني ورد كال
الباشا؛:مامرتاح بكعدتي اذا بيها مجال اتمدد
بالغرفه .
_كمت واني احجي أي اي .
الباشا::دروحي رتبيلي الفراش خلي مخدتين
حتى اسند ظهري عليهن .
_عفته وركضت رتبت الجربايه ورشيت معطر جو
سحبت مخده ثانيه بعدني الم بالمكياج الي على الميز ،دخل بعدت مسويتله مجال قرب كرسيه للجرباية دنكت مجنبته الحرج .
الباشا::بس اتاكدي من باب الصاله اذا مقفول
_طلعت خذتلي نضرة ،رجعت سألته اذا جوعان
الباشا::لا بس جيبيلي ماي.
_خليت البطل يمه وجاي اطلع صاح
الباشا::وين رايحة؟
_اغير ملابسي .
الباشا::لا خليج .
_رجعت كعدت بطرف الجربايه،عم الصمت بينا
لثواني فاجئني بسؤاله.
الباشا::متندمه؟
_باوعتله بزعل .
الباشا:جا شبيج شاردة تعاي يمي .
_وين شاردة مو هاي انه يمك.
الباشا::واذا كتلج تعاي بحظني.
_مو خاف أذي رجليك.
الباشا::لا .
_تقربت ابتعد امسويلي مجال بصفه تمددت بحذر ،خله ايدة جوى راسي درت وجهي علية ابتسم ، ودنك باسني بعمق مثل واحد عطشان حجه بخدر .
الباشا::ماتركصيلي شويه؟
_بعدت وانه احجي ها يعني بعدك تشوفني
خله اصبعه على شفايفي مانعني من الكلام
الباشا::يابة غير زوجتي شبيج انتي شو انطيني
نقالي خل اتصل بشيخ ثابت ونسأله،حرام لو خلال
المرأءة تركص لزوجها .
_حجاها ومد ايده جر نقال ضليت فاكة
حلكي تقربت اخذته منه شبيك ترى الناس نايمه.
الباشا::جا شسوي غير اريد اثبتلج حسن نيتي.
_شمرت نقاله على الميز وكمت وانه اهز بيدي
الباشا::ها شكلتي ؟
_ترى بصفي ناس والصوت ينسمع شيكولون عليه.
الباشا::جيبي الديجي هنا وقفلي الباب.
_طعلت جبت الديجي لكيته يگلب بنقاله عرفته
يدور أغاني .اطانيا وهو يحجي
الباشا::طلعي خشابة.
_ربطته وخليت الصوت متوسط طفيت
اضوية البيت كلها ،ورجعت يمه بديت اتمايل
وهو سند نفسه على تاج الجربايه المخاد ورا
ضهرة ويباوعلي ، شكد احب نضراته .
الباشا::خرب عقلج على هل رگص.
_وكل مااخلص الأغنيه يتطلب مني اعيدها قالت
الصوت واضائت الغرفه ،،وبخطوات راقصه تقربت عليه سحبني لحظنه ،،،،،،اتفنن بوساته مرة يلين
ومرة احسه يعاقبني يبعد ينطيني مجال اخذ نفس
ويرجع يلتهمني حاوطت رگبته بأاديه،،،، ، وغرگت بحظنه شوگ لهفه عقاب مااكدرت اميز فعله
فاجئني من اتسللت ايده لسحاب الفستان ابتعدت،باوعلي مستغرب .
الباشا::شبيج ؟
_رديت بخجل ،ها لا مو خفت عليك لان أعرف.
الباشا::شتعرفين ؟
_دنكت رد بضحك .
الباشا::ترى بعدني شغال.
_جرني ، ونفس تعاملة قبل وهل مرة
زاد لهفه يشمني برغبه ، ما عافني لحد ماارتوى حاظني ويحجي بهمس.
الباشا::اعشقج واحبج .
_حظنه وأجواء الغرفه ، خلني انعس گوى افتح
عيوني خليت راسي على ايده وغمضت وهو كل
شويه بايسني.
الباشا::ها نعستي .
_اي لان هاي الأيام خلصتها فرة اجهز بمديحه
وهم ردنا نستغل الوقت البينا فبقينا نسهر .
الباشا::دنامي .
_ ماعرف شلون غفيت بس نمت بعمق ،فزيت مامصدگه اباوع على مكانه فركت عيوني خرب يعني شنو معقولة حلمانه ،التفتت اباوع بالغرفه شفت الديجي، تاكد مو حلم كمت وانه احجي وين راح ،
طلعت للصاله ماكو رديت لاستقبال هم ماكو رجعت للغرفه جريت نقالي،،،،،،،،، باوعت مكالمات من قدر ومديحه وحته هو دخلت على الرسائل كاتبلي.
الباشا::من تكعدين اتصلي بيه.
_صفنت ،معقولة راح حتى ماكعدني، وارجع
اجاوب روحي ، اي جا شعبالج هو هذا مستواج
يخلص ليلة يمج وبس تطلع الشمس يروح خاف
احد يشوفه ، طبج مرض انتي الي قدمتي روحج
اله ،فرگت وجهي بقهر ،يعني حالي حال أي عشيقه
نبهني من ملحمة تفكيري اتصال مديحه بس فتحت
خط استلمتني .
مديحة ::انفكت جبستچن انتي واختج شني جنتن أمتانياتني اعرس ، حتى تعرسن وياي ، الوووو تسمعي .
_حاولت مابين قهري ، صحت ثول شبيج
تصيحين ،عروس لو دلاله مال غراض مستعملة
مديحة::چا شسوي شو ياهي اخابرها تصفن
شمالجن انتي وذيج جنجن محششات.
_وشعدج ادگدكين علينا ،ولج شوكت تتصرفين مثل البشر عروس عروس احجي بدلع بخجل
مديحه::مگرودة يروحي، عمي انتن العرايس.
_وين انتي شو تحجين وگأنو محد يمج
ولج بس لا شردتي الولد؟ احجي بت التالف
مدينه::لا اطمني اصلا مالحكت اسويلي فعاليه.
_شنو يعني؟لا صدك شنو شوكت تسافرون
مو على أساس اليوم تطلعون،سبوع مدري شهر
عسل .
مدينه::لا ابشرج حتى الكباب مال العشى
مالحكنا ناكلة، لان فطوم سوتلنا مفاجئه ،وطلعنا من الفندق ب3 باليل وهاي انه جاي اغمس كعك بالجاي .
_يمعودة احجي ترى البية مكفيني.
مديحه::خابرت عليه خالتة مالته
امك تخربطت .
_اي وشنو خو تاخذها للمستشفى .
مدينه::مو العلاج مايشتغل ولا اتطيب اذا
مو طارق ياخذها،،، واصلا ماتأمن لاي شخص
حتى اكل ماتاكل اذا مو هو گباله
_ومن جان بالسجن ، يعلكولها مغذي
لو تشرب ڤايتمن حتى تعوض نقص التغذيه
مديحه::مادري هسه من يجي اسألة، المهم
انتي شنو وضعج صدك مبروك .
_على شنو ؟
مديحه::على ابوج لان سألت ناقلينا
من النجف لحضرة موت، بت الصخل ترى
مالي خلك احجي وفضيها.
_وهاي شنو منطقة .
مديحه::اي بس الزين والعندة حسنات هواي
يودنه الها، حتى الصبح دعيت لابوي كون ياخذونه
الها خطيه لان هو هم خوش رجال .
_نبرتها خلتني اشك،،،، والضاهر واصل حدها
مقهورة حيل، أعرف طبعها من تنغث تصل تسفط
وتحتار شتحجي ،ضحكت جذب وسألتها وانتي
منين تندلين هاي المنطقة؟
مديحه::من جنت يمج افتر باليوت يوب
وشفت واحد يحجي عنها.
_هواي تفرفرين بدون علمي
مديحه::شسوي عود ردت اجمع معلومات
_ماعرفتج ست المثقفه.
مديحه::اي مو من كثر ماافتريت بين
المقاطع والمحاضرات تثقفت.المهم لاتغيرين
الموضوع ترى ماانسه،شنو شلون شتفقتو وهو
وين شو ماله صوت؟
_مااتفقنى هو اجه باليل كعدت الصبح مالكيته
مديحة::يعني شنو؟
_يعني شگد جاهدت وعاركت وتعبت في سبيل
ماصير مالت بس بالنهايه صرت وصار الي يريدة
مديحه::بت الصخل رجال ساحل،ثابت بنص الليل وجايب الشيخ وعقد بعد شنو مالت ماخذج للخرابه مثلا.
_وشنو فائدة العقد، واهله مايدرون
مديحه::وانتي شنو تستفادين اذا درو ،،ولج مو امس عرسي وعشيرتة كلها حاضرة،وعرفو شنو الي استفاديته، مثلا من فطوم خابرته،اكو واحد كالها لا خطيه عيب عرسان ؟
_هاي تختلف.
مديحه::اي لونها بنفسجي، اخ لو يمي جا هلست اعطوبج ، ماتولين لان هيج اضل احرك بروحي.
_سدته بوجهي نسيت سالفة الباشا وضليت
افكر بيها ،كمت سبحت سويتلي ريوك ،نوب
مااشتهي الاكل رجعت كلشي بمكانه ،،وحاولت الهي نفسي بأي شي نضفت ،،،،رغم حركتي بحذر بسبب رجلي كملت وكعدت كبال الكامرة اباوع الشارع
بشرود لحد مااذن الضهر كمت صليت ،،، ملل مو طبيعي مستحيل الانسان يكدر يعيش لوحده
گلت ولا اخابرة ،،،،،،،بله اريد اشوف شنو تاليتة
وعبالك واكف وراي وسمعيني كمزت من دك نقالي
فتحت خط.
الباشا::صباح اسمر .
_ سكتت گوى متمالكه اعصابي .
الباشا؛:ها سمرة شبيج.
_مابيه .
الباشا::جا ليش ساكته يابه مو صبحت عليج.
_شوكت من طلعت بدون ما ادري.
الباشا::غير جنچ مانايمه صار شهر، بوست
تحارشت حجيت حته عضيتج ومافزيتي.
_تدري من كعدت ومالكيتك شنو حسيت.
الباشا:: شحسيتي .
_وكأنو انه بالصعدة ومثل ما جنت تجي .
الباشا::لايابه ابقي بدون احساس افضل
شنو هل كلام انتبهي وسمعيني زين هاي المفردات تنسيها وتشيلينها من بالج كلش فهمتي ؟
_سكتت صاح بعصبية.
الباشا::تسمعيييييني؟
_وين انته ؟
الباشا::بالمزرعة،تريكتي لو بعدج.
_لا توني كعدت.
الباشا::دروحي اسبحي وصحصحي وخابريني.
_نهيت المكالمة وكعدت صافنه، هو الصار صح
لو غلط لو شنو ،,,,, زين هسه راح يكول لاهله
واذا عرفو شيصير ؟بقيت محتارة لحد اليل
خابرت قدر حجيت وياها ، عن مديحه.
قدر::هاي سوالف فاطمة من زمان لاتستغرب.
_مادري بس حسيتها كلش مقهورة،خابريها
وفهميها
قدر::مااكدر لان ،ثابت من شاف رقم
طارق تخبل وحذرني اتصل لو اجاوب .
_خلص لا تتصلين انه هسه اخابر طارق يجي يأخذ نقالها حتى نكدر نتواصل وياها .
قدر::ماشي عود بلغيني حتى اخابرها.
_سديته منها واتصلت بطارق ردت هيه
مديحه::ها شعندج متصله بزوجي ؟
_شمسوية من ذنب حتى تتعاقب بيج.
مديحه::لان ابوج راضي .
_لا مو انه ، قصدي فاطمة.
مديحه::من الأخير شتردين.
_وينه طارق يمج, انطينيا.
مديحه::وهذا شلون ادزه الج دلفري.
_خل يجي يأخذ نقالج ، لان قدر تريد تخابرج.
مديحه::ماتكليله يجيبني ويا .
_لا عيني استحي .
مديحه::منين تستحين من طروقه.
_سديته بوجها وكمت روحي فايرة دك الباشا
ماجاوبته دخلت لغرفتي تمددت بفراشي ، اتوسل
بعيوني تغمض ردت اشرد من الواقع الي ابد ماجاي
يقبلنا رغم احنى تقبلنا،،، بس سمعة اهلنا وفقدانهم
بضيم الصعدة وكل شيء مر بحياتنا،،،،،من همي
غفيت وماكعدت اله نص الليل ، كمت وانه اسب
بروحي بسرعة سحبت نقالي يبووووو كلها متصله
بيه دخلت على الرسائل
الباشا::يابه مو اذا اجيت اسحلج .ولج ردي
شبيج ماتكليلي .
_دزيت مسج لقدر طمنتها، ونفس الشي لمديحه
ونوب اتصلت بي رد بعصبيه
الباشا::بشرفج عود ليش هيج،يعني توازيني
لو تتحديني لو شنو فهميييني
_ترى جنت نايمه، شبيك؟
الباشا::هذا كله نوم
_اي يعني وين اروح مليت من الكعدة
كبال الكاميرات وتعبت من التفكير والخوف نمت.
الباشا::اجيج .
_وتطلع الصبح مثل الحراميه؟
الباشا::لج بابا افهمي ، ترى انه وضعي تعبان
نومتي وكعدتي صعبه شبيج انتي .
_اي وانه طردتك من الغرفة مثلا.
_لا بس هنا جربايتي متحركة،،،،، اشوكت ما تعبت ادوس على ازرارها ترتفع شلون ماريد،ترى كتفي لحد الان مأذيني وحتى رجلية، وهم علاجي هنا ولاتنسين عندي ابر واحتاج مولي خو مايبقى
رايح جاي على بيتج.
_سكتت.
الباشا::هاي هيه وصل جوابج اخذي راحتج.
_سدة بزعل ،نقهرت واحتاريت شسوي خلصت
ليلي بجي وتفكير حتى للبنات ماخابرت ثاني يوم
اجه طارق اخذ نقال مديحه ،لليل اجت قدر تلكيتها
قدر::ها شخبار مديحه؟
_ماخابرتها بعد ، تدرين متندمه على هل زواج
قدر::ترى عادي شبيج ، ويمكن احسن كولي الحمد الله ماعدها شريجه ونسوان حمى عاد بس فاطمة تكدر عليها .
_باوعتلها، تحجي بحركة، سالتها صاير شي.
قدر::دخل اخابرها هسه.
_دكت عليها ردت ذيج وهيه تضحك.
مديحه::ها قيادة شنو اخبارج .
قدر؛:زينة انتي شوضعج فطوم شلون صارت ؟
مديحه::كاعدة بالمطبخ تخبط ماي وملح، جنها أبو الخيطوط،,مشددة من كل صفحه،المهم انتي
شلونهن وياج رية وسكينه.
قدر::مشيتهن على السراط، وداعتج ومتحلفه
لاريج اله اخلسها ، بس خلي الهوسه مال الخطار
تخلص واريد اراويها العب على اصولة.
_ضلن وحدة ترفع وحدة تكبس، صحت بيهن
حرب جديده هاي شعدجن بنات التالف .
مديحه::شبيها مزعوجه عروس ما بعد الواحدة ليلا
_فكيت حلكي فشلتني،ونوب استلمتني
تعيب
مديحه::اهله مايدرون شلون وخاف معتبرني
عشيقه ، خاب قدر ماتعضيها بدالي.
قدر::لا توني متغديه خليها لليل خاف اجوع, صدك
على طاري الاكل ترى إم اسعد كالت لازم نعزمج
يوم سابع.
مديحه::بعد كلبي الوافيه غير تخبل بوسيها الي
_نوب الوافيه ؟
مديحه::معليج عمت اوختي وادلعها
_طارق وين ؟
مديحه::عزيزتي عوفي زوجي وانشغلي بزوجج
لان هو أولى بالسؤال .
_انتن شوكت منين اتعلمتن كل هذا المكر
امشي مديحه وبعد لاتخابرين قدر لان راح تخربين
عقلها
مديحه::هههههه ولج هيه من الأصل ابليس،
يله باي مؤقتا ونلتقي الأسبوع القادم.
_بس سدته لزمت قدر تعاي انتي شنو فلمج.
قدر::ماكو شي بس مليت اغلس واسوي نفسي
مااسمع وحاولت اتجاهلهن بس مابطلن مني
لحد ماسحلتها .
_زين تسوين بيها، وهو مو على أساس نهى موضوعها ليش ماطلكها
قدر::مو كتلج الحجي حاجاهم واتفقو من تخلص
هاي الهوسة مال الباشا يطلكون بس هيه مستغلة
الوضع عود بيت عمي وحتى لو اطلكت ابقى ادخل
_واريج شعدها وياج.
قدر::هاي ماتفهمين فلمها،كارها الناس كلها
متضايقه من نفسها، ونوب صافه ويا مريم
بس ادبتهن الج.
_هي تحجي وانه صافنه ، زين اريج اذا تعرف
بالباشا عقد عليه شراح تسوي .
قدر::بس ماقصر الحجي صفكها على حلكها
ورادت تروح ويا أمها وكالها اذا طلعتي ماترجعين
عاد خابر الباشا وكاله.
_ونوب شلون انحلت؟
قدر::أبو كاله ترى ضربتها، رد عليه هيه بنت اختك
قبل متكون زوجتي يابه،غلطت تعتذر وان ماقبلت
خابر ابوها يجي يأخذها وبلغة يومين ويحضر حتى اطلكها .
_وهيه شكالت ؟
قدر::ماكالت شي ضلت تبجي نوب وانه
گتلهم ماكو داعي تعتذر بس اذا تجاوزت عليه مرة ثانيه اسحلها مثل ماسحلت مريم .
_وثابت شسوى.
قدر::أول بداية لأمني وماقبل بس من فهم وعرف هنه تجاوزن علية لعب بيها لعب اياد راح جاب مريم وابوها واعتذرت بس جانت نضراتها كلها توعد
_تحسرت يعني شوكت نرتاح ،ليش هيج
الناس كارهتنا .
قدر::وعلى كولت ثابت ،اكسبي محبة الله وراه
وعوفي الناس .مالهم علينا فضل ولا عيشتنا بينهم
_نصبر والله كريم .
قدر::انتي شنو وضعج ليش الباشا رجع للمزرعه
_سولفتلها عذرة
قدر::اي صح ، ترى هو من جان بيت اهله
جابولة هاي الجربايه شلون مال مستشفيات، دقنعي بلكي يسوي العملية .
_هو أبو ماقنعه انه اأثر عليه؟
قدر::بلكي الله يقتنع؟ هيج ويتعافى وتعلنون زواجكم وارتاح .
_دكومي خل نسوي عشى انتي تباتين غير؟
قدر::اي والصبح يجي عليه.
_خلصنا اليل سوالف لحد ما اجه عليها ثابت
راحت بقيت انه بين مكالمات مديحه وبين زعل الباشا ،الي مارد عليه بعد ، اليوم سابع مال مديحه
وحسب تعليمات إم اسعد عزمتها ، اجت هيه وطارق تلكيتها .
مديحه::إم اعطوب جني ضايعه بلياج.
_تبوس بيه وتحجي.
مديحه::سمنانه بت الصخل،بختج بطارق دخل يروح اله انزل وزنج، من الاسألة، يله خابري قدر ترى جوعانه
_خابرت واجو هيه وثابت صبينالهم بالاستقبال
واحنى بسطنا بالصاله ، وبس كملوا وشربو جايهم
راحو وهنه كامن .
مديحه::تعالن احجيلجن.
قدر:؛اريد وصف دقيق للحاله .
مديحه::ولجن موتتني حصرة عليه افتح باب
غرفتي واطلع تركض وراي شلون الحارس افتح
الثلاجة هيه واكفة فوك راسي اطب للحمام الكاها بالباب ونوب حمضت لعبت روحي البيت عبارة عن محل طرشي ريحة الخل سدة نفسنا
قدر::من زمان هيه ترش ملح وماي وخل
_خلخلتها الج اتخلخل، خليتها تمشي وتتلفت
بحيث اذا طارق ماموجود ماتطلع من غرفتها
وانه اخذت راحتي بالبيت .
قدر::بروح امج بالتفصيل.
مديحه::بيوم هو طالع وتاخر وانه كتلني الجوع
نزلت لكيتها بالصالة بس شافتني طبيت للمطبخ
كأمت وهيه تقرأ .
_شتقرأ؟
مديحه::نشيد الوطن ،شمدرين هيه اربعه وعشرين
ساعه شفايفها تتحرك وتبسبس ، عاد انه ماقصرت
بسرعه فتحت الثلاجة واخمطلي كم مشمشه
واطلع للحديقة ، اكلتهن التفت اباوع لكيتها واكفه
باب المطبخ وعيونها عليه تراقب كل حركة مني ومدرين منين اجتني هل فكرة الجهنمية، خذتلي نضرة على الحديقه ، تقدمت متجاهله وجودها
سويت روحي ماشوفها صرت بصف نخله مدري
سدرة دنكت حفرت بيدي وحطيت الفصمات مال المشمش ورجعت عليهن الطين وطلعت غلست اديه يم الماطور .
قدر::هههههههه خرب عقلج يمه بطني راح اموت.
_هزيت ايدي ، يعني من كل عقلج مو هيج
راح تزيد ماتنقص شبيج انتي شبيج ؟انه احجي
وذيج تكلها كملي.
قدر::ولج احجي شسوت
مديحه::شايفه المتعارض شلون طشه،من طاحت على الجمريه وضلت اطفر فطوم مالحكت تركض من خوفها طلعت للكراج تصيح، ها عطل بطل .
_غصب عني ضحكت ، وهيه تحجي وتمثل
الحاله كامت وكفت وتقلد إم طارق.
مديحه::ولا جني اشوفها دخلت جابت بطلها
مال الخلطة السحريه ورشت للكراج من الباب
لحد شجرة التكي، ونوب راحت خابرته اجه
قدر::والله يكسر خاطري.
_لا والله هو منطيها مجال المفروض ياخذها
لدكتور نفسي يعالجها شو مخليها تخوط وتخربط
وفلوس بيدها وكل يوم رايحه لواحد جايبتلها
دبة ماي وعلاكة مااوارق وتحرك
_دكملي نوب شصار؟
_تلكته من الباب تجرجر بي الحديقة وهيه تگله
هنا دفت عملها انه شفتها بعيني
باوعلي هزيت ايدي صاح
طارق::يمعودة شكو بس فهميني شنو خليتي
هنا شدفنتي؟
مديحه:رديت برود، يعني مصدك انه اسوي سحر
مع الأسف عليك ، زين منين جبته طالعه ماشيه
بس هو مو صوجك ، صوجي لان باقيه ومتحمله سوالف امك يله هسه توديني لسونه.
_ تمثل شلون تمسكنت بوقتها وكل شويه
جارة كلنسه ماسحه عيونها وخشمها ، دفعت
قدر وكفختها، شتمسحين بت التالف, انتي مجذبه الجذبه ومصدگتها.
مديحه::لا يعني بوقتها بجيت وهيج مسحت دموعي.
قدر::لا لا ولج كلاتي گامن يوجعنييييي.
مديحه::اضحكي ضحكي على جروحي.
_ ياجروح ولج لاعبة بالمرة ياجروح.
مديحه ::المهم صحت اماتخطين باب البيت قبل ماطلعين السحرالدفنتي وطلعين من بيتي ياسحارة يادجاله ياصايعه .
قدر ::ونوب.
مديحه:دنكت وانه احجي ، وامسح بدموعي ، يعني هيج خذتوني تلعبون علية لان يتيمه وما عندي احد
طارق؛:دخلي يمه خلي احجي وياها.
مديحه::كتله ،ابد ماعوفك يمها ولك وروح ابوك
انه شفتها بعيني ماتصدك بيه ،ضل طارق يباوعلي ويباوعلها ،دنكت حفرت ،جرني ودنك هو طلع الفصمات . باوعلي متفاجئ.
طارق::شنو هذن.
_اي شگلتيله، باوعتلي وسحبتلها كلنسه
وحجت بصوت ناصي
مديحه::مسحت دموعي ورديت ، فصم
مال مشمش أكلته ولان من جنت صغيرة اسمع يكولن الي ياكل تمرة ويدفن فصمتها تطلع بمكانها نخله وانه من ضيمي وجوعي .
_سكتت شويه عود خنكتها العبرة وقدر متفاعلة
وياها وتواسيها
قدر::الله يأخذ حقج منها تولي على شنو تبجين
_التفتت اباوعلها ،ولج ياحق ، بت الصخل
وينهن ادموعها البجتهن وانتي مقهورة عليهن
شو گومن لا ارفس ابطنجن .
مديحه::كومي خيه كومي هاي ضالمة
لو ماضالمة ماهج الباشا بمصباح العرس.
_شهكت ، فاكه حلكي ولج انتي شنو غير حتى الهندي وطشه وشيطانهم مايلحكون مكرج گومي من كدامي .
قدر::لا بروح امج كملي كملي شصار بعدين
مديحة::يعني خو ماينطي باامه شمر الفصمات
ورمقني بنضرة حارقه.وتوعديه وتنذر بالعقاب
_لا يابه نضرة وعقاب ولج انتي كلش متأثرة
بمسلسلات الهندية،
قدر::ترى عادي ماكالت شي ، نضرة توعديه
قصدها يتحلف بيها يعني مثل واحد يكول لواحد
اوكفلي اذا مانتفتك نتف ونعلت والديك.
مديحه::اي صح كلامج ، بس هو مانعل والديه
صح عاتبني ، بس عود شنو گوى لازم ضحكته.
قدر::اي هو طيب وحباب، بس شيسوي
مهما كان تبقه أمه وهو يحبها ترى .
_لا يابة شنو هاي عود هسه انتي حجيتي
الحق لو شنو .
قدر::أن لم تكن ذئبا اگلتك الكلابو.
مديحه::نعم احسنتي القول.
_كمت وهنه طفرن، عفتهن وطلعت للطارمة
جبت الماسحه وانه احجي وروح امي اريد اكسرها
عليجن اليوم ،،،ولجن شنو هل مكر جا كون انتن هيج شاطرات ،ماعشت بالصعده شو لعبت بينا
سلوم طنب كل دهرها ساحلتج .
مدينه::هناك الحرب مختلفه ، سلوم ماتعاركنا
وجها لوجه بس جانت تعلسنا للساقطين
_اسمعي انتي وياها ، الي مامرتاحه ، ويا زوجها
تعوفه وتجي لا تعاركن ولا تخططن كافي الضيم
الي عشنا بالصعدة .
قدر::انه ماعندي مشاكل بالعكس ثابت يموت
علية وحتى الحجي وأم اسعد وكلهم بس مريم
وان شاالله راح اخلص منها واريج بس يرجع
الباشا ماتفك حلكها وياي .
مديحه::وانه بالنسبة الي مشكلتي سهلة فطوم
وسوادينها، وان شاالله اطيبها.
_خوش اذا هيج الله يسعدجن واعذرني اذا ادخلت
حجيتها وكمت من يمهن،،،، وقبل م لحكني دخلت للغرفة وقفلت الباب،،،، احس دموعي مثل الجمر
بجيت لحد ما تعبت وهنه كل شويه يدكن الباب
مديحة::جا اذا هيج كارها شوفتنا المن جبتينا
_صحت مسمعتها، بيتجن شوكت ماتجن
بس مالي دخل بيجن بعد ،،،، مادام تضمن عليه وبالاخص انتي،،،، خاف عبالج غشيمه وتقشمريني
بسوالفج ترى اعرفج جاي تشردين من الحقيقي
مديحه::اووو بعد شيخلصنا مو ازوجتي الباشا
وتردين تطبقين ذكاء زوجج بالتحقيق واكتشاف
الجريمه افتحي الباب لا اكسرة .
قدر::لا عليمن يخرب الباب خو امشينا لبيتي
_گمت فتحت الباب وجريت قدر اكفخ بيها، ومديحه تريد تخلصها مني .
مديحه::عوفي اختي يا مجرمه .
_ماسيطرت على ضحكتي دفعتها وكعدت.
مديحة::وروح امي مااكرها ولا ودي اذيها،بس
هيه تعبتني مليت ولج تريدني محبوسه بغرفتي
ماطلع لحد مايجي هو .
_سكتت محتارة مابيدي شي ، لليل اجه ثابت
اخذ قدر بقت مديحه استفردت بيها، اي هسه
غردي .
مديحه::گبل سليمة تگول ، الي ماينطي ربة خسران
_يعني؟
مديحه::يعني طارق اخذني عناد بأامه واكثر شي
عمام أبو بيت حجي احمد ومحمود شلون يريد
يكلهم ماقبلتو بقدر جبتلكم الاسوء منها
_شصار ليلة عرسكم؟
مديحة::ماصار لان خابرونه ورجعنا
_وهم صار 10 ايام انتو بيتكم
مديحه::اي أول ايام انشغل بأمه وامس حاول
بس انه رفضت .
_احس نار واشتعلت بگلبي ، دنكت متجنبه نضراتي
صحت بيها ، ماترجعين ويا لو يبنيلج قصر .
مدينه::لا ارجع .
_شنو يعني؟
مديحه::ارجع واعلمه العب شلونه اريد ابرد حركت گلبي وكسرتي اذا ماخليته يبوس الأدين .
_كل عقلج ترى مايهمه غير حاضر وغايب
يشمرهن عليج ويطلكج خل يولي.
مديحه::تذكرين من كلتي اخلي الباشا لازم الركن.
_وشنو الفايدة بكثر نار گلبة،،، گلبي مشتعل
وهاي انه اگبالج وعيني بالنقال انتضر المسج منه .
مديحه::اخذي كلامي، ولا تزوملين الباشا يحبج
وغبية اذا تفرطين بي ، ولج خلي اهله گدام الأمر الواقع وبعدين شنو الغلط بالموضوع .
_زوجته وابنه.
مديحه::الزلم متزوجه 3 وا4.
_تعبت ماعرف شسوي ، بقينا الصبح
نسولف متت قهر عليها ، لحد ماخابرها كالها انه بالباب
مديحه::تمام جايه لاتنزل لان سونه نايمه.
_حتى ماطلعت سلمت عليه وقبل ماتطلع حظنتني.
مديحه::بروح جويسم ماريد كلمه توصل لقدر.
_بس طلعت انفجرت بجي بصوت عالي
ليش هيج ليش كله مني انه الي قنعتها بي شسوي
وخاف احجي لثابت وتصير مشكلة هو بدون كلشي
يتخبل منه نوب مايخلي قدر توصلني.واحتمال يمنع
تواصلها بمديحه، ماعندي غيرة اي لازم احجيله
بدون تردد دكيت طول يله رد
الباشا::هلا بسمرة.
_سكتت ، اكتم عبرتي بس مايخفى عنه شي.
الباشا؛:ها منو غاثج ليش تبجين يابة
_عبالك منتضرة احد يكلي شبيج انفجرت ابجي
واحجي سولفتله كلشي وهو ساكت لحد ماكملت
الباشا::تردين شوري؟
_اي جا المن خابرتك؟
الباشا::عبالي مشتاقتلي ؟
_انته متريدني مو خابرتك.
الباشا::شخابرتي تكليلي حسيت روحي بالصعدة
هيج ترجمتي لبيتنا وزواجنا .
_يعني خليك بمكاني ؟
الباشا::شرحتلج السبب .
_اي وانه شسويت عاركتك، هسه كلي شنو الحل؟
الباشا::ليش ماتجين يمي ونحلها سوى.
_استحي لان مولي يمك تعال انته.
الباشا::يابة مااكدر ثقي أتاذة ترى الحرگة
مو زينة عليه وهنا مانتقيد .
_جا ومولي ؟
الباشا::مو هذا مايكدر يرجع للبيت هم يكلوله
ليش عفته وتدرين بالحجي معناها هو يجي يمي
_جا شلون ؟
الباشا::دروحي حضري نفسچ بين واشوف حل.
_كمت حضرتلي جنطة صغيرة وسبحت وبدأت
خابرته ها شنو ؟
الباشا::راح يجيج يوصلج الي ويرجع هو يبقى بيتج
_والى متى نبقى هيج ؟تحسر بصوت عالي
الباشا::سمرة وضعي مو مال مواجه تركي الأمر للزمن ، وماجبرج اذا ماتردين تجين.
_لا اجي يله بس باجر يرجعني .
الباشا::تمام .
_بقى يسولف وياي لحد ماجاني مولي
مولي::يله اخت سلاسل .
_الطريق كله يحشش عليه وصلني ورجع، دخلت لكيت الباشا متمدد على التخم عدل نفسه من شافني تقربت بوسته .
الباشا::إم عطوب طناكيرج ماتطلع بس عليه
شو تعاي خل اسلكج سلك
_جرني بصفه يكفخ بيه ويضحك حاوطت رگبته
باوع بوجهي هزيت راسي شكو .
الباشا::اعشقج يابة شكد احبج
_شمني بلهفه وماخلص ليلنا لحد ماغفيت
براحه احس بأمان بحظنه انام بعمق.
الباشا:: سمرة كعدي يابة ترى ايدي خدرت.
_بعدت عنه وانه اسأل ها شبيها، دنك باسني
الباشا::نايمه عليها من امس.
_كمت سبحت وحضرت ريوك بين ما كملت اجه
هو سحبت الطبلة كبالة، تريك وقبل مااشيل
الصينية فتح موضوع مديحه.
الباشا::شوفي لا تستجلين وهيه تفكيرها صح
خليها تبرد كبلها بي بس انه واثق راح تتغير الأمور
لصالحها .
_مادري بس كاسرة خاطري، لان مافرحت.
الباشا:؛الله يعرف ويعلم واكيد الها نصيب من الفرح
_كمت وانه ادعيلها ، خابرتها اطمنت عليها
ونوب خذتلي مشوار ويا قدر التفتت لكيته يباوعلي
الباشا:: جنج امهن .
_مالنة غير بعض
الباشا:: راح اسوي نفسي ماسمعت سمرة
شوكت تقتنعين انو انتي هسه مسؤليتي لاتخافين من شيء وحتى هنه مادامهن عند زلم .
_بالنسبة لثابت متأكدة من حبه لقدر, ابتسم
واشرلي كعدت بصفه
الباشا::وانه شلون اثبتلج حبي؟
_ماعرف بعد راسي من حظنه ورد يدندن بأغنيه
الباشا::المشاعر مو كلام الفعل أصل الغرام .
_صفنت اباوع لوجه وشكد تعجبني تفاصيله
نوب الحيه لايكتله مديت ايدي اتلمست وجها.
الباشا::اقترب مني ترى الدنيا فرص واخذ من شوكي اذا شوگك نقص زيد ناري خلي لجروحي
ملح خلي نسهر ليلنا لحد الصبح لاتفكر حبنا
غلطة ولا صح .
_وهيج يخلصها وياي مرة يتغزل ومرة يغني
ومرة يطلب ارگصله ، بس حسيت بي يخفي
المه افز باليل الكاه كاعد ، مر اسبوع وهو مايقبل ارجع خطيه مولي بالنهار يجي يضربة ابر ويبقى يمنا لليل ويروح.
الباشا::سمرة تعاي بس عدليلي الفراش
_اموت قهر من اشوفه متألم ،،،،، اهله يوميه
يتصلون بي وبالاخص أبو لازم يفتحله كامرة ويشوفه
بس الي حبيته ابد ماجاوب اريج بوجودي دائما الاحظة يطلع برا يحجي وياها .،،، اباوعله من الجام مال الصاله والضاهر فاتح كامرة تقربت الشباك. اسمعه يحجي ويا ابنه.
الباشا::بابا حبيبي .
_بعدت بسبب صوت نقالي باوعت ثابت رديت بخجل سلم اعتيادي .
ثابت::سونه بيها مجال تبعدين من يمه أريد احجي وياج بموضوع .
_اي اصلا هو برا جاي يخابر ابنه
أسمعك خو ماكو شي ؟
ثابت::لا يابه بس كلت نستغل محبتة الج ونطلب منه يجري العملية.
_انه هم فكرت ، حسب ماگلتو بعد 6 أشهر وهو ماصارله 3 أشهر .
ثابت::اي بس اريد اخذ منه كلمه حتى نهيئ نفسنا
وهم نقدم طلب لدائرته يسووله إجازة علاجيه
_اي ااحاجي اليوم .
ثابت::تمام يله اخذي راحتج
_سديته وطلعت اباوعله اجه وعيونه تنضرلي
بفرح حسيته ارتاح من حجه ويا ابنه .
الباشا::ليش مانطلع بالحديقه شويه.
_اي بس خل البس صايتي.
الباشا::يله .
_خلصنا نهارنا بالحديقه دخلنا سبح وتمدد
سويت اكل وجاي.
الباشا؛:ترى هيج يزيد وزني يمعودة.
_بس حلو عليك السمن يعني ماعندك كرش،،هز رأسه أي وهو مبتسم ، كلت فرصه احجي ويا باوعلي بشك .
الباشا::اسمعج يابه .
_هههههههههه شلون عرفت؟
الباشا؛:حافظج مثل إنشاء الوطن.
_تحبني؟رفع حاجبة باوعلي، ورد بصوت ذايب.
الباشا::تعدينا مرحلة الحب .
_انه ماعرف مثل ما انته تحجي بس الي اعرفه
اذا ردت تتاكد من معزتك عند شخص اطلب منه
اذا نفذ معناها يحبك
الباشا::رغم هل معلومة غلط ، بس طلبي.
_اريدك تسوي العملية .
الباشا::لو أعرف الي بيها فائدة جان سويتها
ياسمرة شكد ماتحبيني واهلي يحبوني بس
مستحيل توصل لمحبتكم لمحبتي لنفسي اكيد موهين عليه حالتي عدى خسارتي لصحتي بس خسارة حلمي الي سعيت اسنين لتحقيقه.
_ميخالف نجرب .
الباشا:: اطلبي روحي ماتغلى عليج.
_كمت بزعل صاح عليه مارديت خلص ليله
عصبي لثاني يوم وهو،،،، مايتحاجه تعب وتعبني
تأزمت حالته وصار يخلص نهارة بالحديقه شبعت
بجي نوب بعد عني كلش حاولت اصالحه رفض خابرت ثابت كتله.
ثابت::ميخالف لاتستلمين ابقي لحي عليه.
_وهيج مر اكثر من عشر ايام انه يمه،خابر مولي
كاله تعال رجعها لبيتها لميت غراضي. وطلعت بزعل
الطريق كله ابجي.
مولي::ترى حتى ويانه هيج لاتلومينا والقران مرات اكول زين منه واتحمل تدرين جماعته بالدوام
وحتى المدير ماله رفضو من كنالهم يريد يقدم تقاعد.
_ضليت ساكته وصلني وراح بس دخلت
خابرت على البنات اجن
قدر::مشتاقتلج ياحقيرة هيج نساج الباشا.
_وتالي طردني مثل الچلبة.
قدر::ترى أهله حسابهم مو افضل من حالج.
مديحه::ولو انه منج ماعوفه .
_اگلها طردني خابر مولي وكاله رجعها لبيتها.
قدر::اي وحتى اريج من راحت هم يومين
وكالهم تعالو اخذوها .
_سكتت ، بس مقهورة ،حيل راحن البنات
وضليت لوحدي وشكد اكره هل وحدة ، يومين
هو مااتصل ولا راسلني من حركة گلبي تمرضت
مدثرة بالبطانيه وكوى رديت على مديحه
مديحه::بشرفج يعني ماعرفتي تتصلين بيه
_ترى عندي علاج ،
مديحه::وهو بس العلاج.
_المهم انتي شنو وضعج؟
مديحه::ازهو بالنصر لعبتهم حية ودرج .
_وشنو جابرج يولون ، عوفي .
مديحه::هو مايعوفني.
_يعني شنو؟
مديحه::يعني يحبني . هسه شنو اجيج.
_لا عيوني خليج بالحب مالج, سديته وكمت
سويتلي اكل واخذت علاج بس الم كلبي ماسكن
بكبسولة ، خابرت قدر ردت فحطانه
قدر::اوكفي بس اطفي الماطور.
_شجاي تسوين؟
قدر::اغسل بالكراج مال بيتي، اي شلونج
_زينه شنو اخبار الباشا ؟
قدر::اليوم راحلة الحجي وهم رافض يسوي العملية
وحتى الخال هم محاجي واريج توسلت نوب كام مايرد من يتصلون بي.
_خلي عازل روحه.
قدر::لا سونه بروح امج خابري ترى خطيه.
_دروحي خليني اسبح,سديته وكعدت اصفن
اخابرة لو لا تالي كمت المطبخ طلعتلي حبات
فاصولية وكعدت اسوي مثل قبل من اريد اسوي شي اشمر وحده منا واكول اسوي واشمر الثانيه
اكول ماسوي لحد اخر وحده شتطلع امشي عليها
خلصن وبقت الأخيرة بايدي جريت نقالي دكيت مارد كررت الاتصال ، طول ونوب جاوب بثكل
الباشا::هلا يابه عود هسه ردت اخابرج.
_ابتسمت بفرح وبكلبي الوم روحي جا صبرتي
يم اعطوب وهو ماخابرج ، عود مسويه روحي فهيمه
دخل الفاصولية تفيدج ، نبهني من تفكير المتخلف
وهو يسال.
الباشا::الوو تسمعيني.
_ايي.
الباشا::دزيتلج مصرف بيد مولي واذا تحتاجين
شي كليله هو يجيبلج خاف مسواك شي؟
_احس حرارتي صارت 100من حركت گلبي
صحت على هاي ردت تخابرني؟
الباشا::ايي .
_مشكور مامحتاجه شي ، سديته الخط بوجه
بسرعة دك مارديت دز رسالة .
الباشا::يابة وداعت الحجي ياسونه اذا متجاوبيني
اجي اسحلج من اعطوبج.
_دكيت احجي بعصبية ، شنو تسحلني عليمن
شمسوية كتلك ماريد تجبرني .
الباشا::اييي.
_لا والله مو كيفك.
الباشا::اذن تردين اسحلج
_يااا يعني لو اخذ منك لو تعاركني كتلك
عندي رحم الله والديك
الباشا::العندج مالاتج وهذن مني،، ومنا ورايح
مصرفج يوصلج كل شهر ومولي يتسوكلج
_مايحتاج واذا اريد شي انه اطلع اجيبه.
الباشا::اذا انتي مرة اخطي الباب .
_يعني شنو تحبسني؟
الباشا::لا احكمج مادامج على ذمتي انه مسؤول بكل احتياجاتج حجي زايد ماريد اسمع وأياج
تفكرين تعاندين،،لو يوزنج طناكيرج .وهاي مال سدةالخط بوجهي بعدين احاسبج عليها.
_يعني انته كون شتكول إنفذ؟
الباشا::ولج شمنفذة حاكم عليج لو مقدرج
مثل النسوان واريدج تتستتين بيتج.
_وكون حاسبني مثل النسوان جا مافكرت
تسوي العملية لخاطري .
الباشا::انكسحي مال خلك تنعثل .
_سدة بوجهي ويمكن صدك طنكرت رديت
دكيت عليه فتح خط وصاح .
الباشا::شكوووو؟
_يعني من انته تسدة عادي بس غير كفر.
الباشا:: سونه نصيحه لاتلحين وتوازين اجيج.
_وتعال وشنو يعني ؟
الباشا::ما طلبتي غير حقج.
_نزلت النقال من أذني اباوعلة ، كمت وانه احجي
أي وشبيج خفتي ، مايجي وحتى لو يجي مايسوي شي احسن خليني هيج ويا لحد ما يكول اي، فركت
وجهي بملل كابلت الكامرة،،، اكثر من ساعه وانه عيوني معلكة بالشاشة،،، كمزت من شفت سيارتة طبكت قبل مايدك الباب اتصل رديت جني ما ادري بي بالباب.
الباشا::افتحي،الباب لاتخليني افلشه ومنا الجيران.
_مثل الحبابه طلعت فتحته دخل بكرسيه
بس وصل الصالة صاح.
الباشا::تستغلين حالتي، وتعانديني سونه
عود شنو ترى ماعندك رجلين ومابيك حيل .
_نزلن دموعي وانه احجي لا لا مو هيج والله مو هيج بس اريد تسوي العملية حتى تجيني براحتك
ليش باقين بالمزرعة مثل الحراميه ومولي ضال
يفتر من مكان لمكان.
الباشا::ومن شوكت اتفكرين عني لو هيه فرصه
تمشين كلامج علية هيج مستضعفتني ؟
_تقربت علية اريد اتعذر منه دنكت ابوسه
جرني وماحسيت اله عضني حيل كتمت ،وجعي خليته. يطلع حرگتة لحد ما دفعني شهكت .
الباشا::ادوسين ابطني ولج تستغلين حبي الجو
وانه مارد على أبوي ولاتقبلت بشر يشوفني غيرج.
_ضليت مدنكه صاح.
الباشا::بسرعة لمي ملابسج تمشين وياي
بعد ماتبقين بكيفج.
_رديت عليه حظنته وبجيت ، ليش هيج تسوي
ليش مو من حقي افرح بيك وبرتبك وطولك وهيبتك بعدت عنك من جنت بصحتك وكتمت،شوكي وغيرتي .
الباشا؛:اششش اسكتي وسمعيني عملية ماسوي
وهاي آخر مرة اكلج، هذا انه عاجبج تبقين وياي
اخليج بعيني ماعاجبج اطلكج .
_خليت ايدي على حلگة سكت اباوع
بعيونه كفخني وهو يتحسر.
الباشا::يله مولي بالباب .
_بسرعه اخذتلي كم قطعه وعطر وياج
وطلعت وصلنه مولي انطيته المفتاح وراح
الباشا::عقوبة تركصين للصبح.
_ليلي ركص ونهاري اقنع واهلة من صفحه
اجه ثابت مرتين،وابو مامل ،،،ويوم يجر يوم
اسبوع وهو ماغير رايه فزيت مالكيته طلعت ادور
شفته برا عرفت يحجي ويا اريج حضرت ريوك واشرتله تعال دخل فاجئني من كال
الباشا::إم اعطوب اذا سويت العملية ماتلعبين بذويلج .
_التفتت وانه اتلمس مكاني ضحك .
الباشا::عود شنو .
_ادور على ذويلي.
الباشا:اعطوبج.
_طفرت أبوس بي ،اليوم اسويلك سهرة اله
عمرك ماتنساها .
الباشا::من يوم ماشفتج وسمعت صوتج
بعد ماجذبني صوت ولا عجبني رگص غيرج
_يومين انه بين السماء والكاع اتمرجح
دلللني دلال بلغ اهله وحيل فرحو بقرارة.
خابرني ثابت يضحك
ثابت::عاشت ايدج .
_اهم شي يرجع متعافي.
ثابت::أن شاء الله .
_وهيج نحسب بالايام ، واكفه بالطبخ
وهو بالحمام طلع ينشف بشعرة باوعلي وغمز
الباشا::عسل اسمر.
_دك نقاله اشرلي اجيبه ناوشتهيا ورجعت
جبت الصينية باوعتله شو توجه للكامرة، من كلامه
عرفت يحجي ويا الحارس البرة
الباشا::لحظه لا تفتح الباب .
_ادنيت اباوع شكو التفت عليه ورد باوع للكامرة
فكيت حلكي من شفت اريج وأمها وهذا أكيد ابوه
شكرا لزيارتكم عالم روايات سكيرهوم
