رواية أسرار الهاربة الفصل الرابع والعشرون
نجاة يعني مصمم متاخدش حد معاك يوصلك ويطمن عليك وأنت مسافر
بدر مالوش لازمه يا ماما
هلال بحزن خلى بالك من نفسك يا ابنى وانت يا جابر خلى بالك منه زى عينك
جابر الشاب المساعد لبدر حاضر يا حاج متقلقش
بدر بصلهم بحزن اشوف وشكم بخير
وركب العربية بمساعدة جابر ومشى
---------------
في العربية
بدر زى ما اتفقنا يا جابر
جابر متقلقش يا استاذ بدر أنا واخد التعليمات كلها من استاذ علاء
وفضل ماشى مشوار طويل
-------------
دخل راضي المستشفى وهو مش قادر يشيل سما اللى لسة فاقدة الوعى
بسرعة استقبال المستشفي اخدوها منه ودخلوها للدكتور
وفضل راضي واقف برا
بعد وقت طويل
خرج الدكتور يبص لراضى
راضي بلهفة قولى يا دكتور هى عاملة ايه الوقت
الدكتور أنت تقربلها إيه
راضي بتوتر أنا جوزها
الدكتور جوزها وأنت اللى ضربتها بالشكل دا
راضي بخوف لا يا دكتور أنا مضربتهاش ولا حاجه
الدكتور واضح أوى على جسمها الأزرق ووشها اللى وارم
راضي بقلق لا يا دكتور أنا كنت
الدكتور علي العموم مش وقته المهم هى تفوق الاول
راضي بصدمة إيه هى مفاقتش
الدكتور بسخرية لا مفاقتش وادعى ربنا متكونش دخلت في غيبوبة الا كدا الموضوع هيكون خرج من ايدينا
راضي قعد مصدوم من اللى سمعه من الدكتور
طول النهار راضي في المستشفى ولسة سما مفقتش
راضي راح للدكتور قولى لو سمحت يا دكتور هى مفاقتش ليه
الدكتور قولى بصراحه انت ضربتها ليه
راضي اتوتر وسرح شويه وبص للدكتور
الدكتور اتكلم يمكن دا يكون في مصلحتك ومصلحتها
راضي بتوتر وصوت واطى أصل يا دكتور اكتشفت انها بتعرف واحد واما واجهتها ماانكرتش وكانت بجحة وهى اللى عصيبتى لما اعترفت أنها على علاقة بيه ومش همها أنها ست متجوزة فضربتها غصب عني
أنا كنت ممكن أطلقها لو هى طلبت منى وكنا خرجنا بالمعروف لكن هى لقتنى البنك بتاعها وهو عاشقها وحبيبها
الدكتور بيسمع وهو ساكت
راضي أنا في عذاب يا دكتور بين مراتى اللى بتمنلها الرضا ترضا وخيانتها ليا يمكن عشان أنا أكبر منها شوية بس كانت ممكن ترفض تتجوزنى بس ازاى وهى اللى لفتت نظرى وخلتنى اقع في شباكها وقعد وحط ايده على راسه
الدكتور باستسلام للموقف طيب ممكن تهدا
راضي أنا مش عايز حاجه منها غير تفوق وأنا هسامحها عشان بحبها وهنسى كل اللى حصل صدقنى ووعد قدامك هنسى اللى حصل ودموعه نزلت
الدكتور أن شاء الله تفوق وأما هتسامحها يبقى بتحبها زى ما أنا شايف اهو
راضي أنا ممكن أعمل اى حاجه عشانها
الدكتور مافيش حاجه نقدر نعملها غير الصبر وتقدر تقعد جمبها وتقولها انك مسماحها عشان الخوف يروح عن عقلها الباطن وتطمنلك وتخرج من الغيبوبة
راضي أنا هعمل أى حاجة عشان تفوق
الدكتور تعالى ندخلها
راضي اتفضل يا دكتور كتر خيرك ووقف اتنهد بصوت عالى وكلم نفسه الحمدلله عدت على خير بس أنا عايزك تفوقى بجد يا سما
--------------------------------
وصل بدر وجابر اخيرا بعد مشوار طويل
وقغت العربية قصاد عمارة كبيرة
جابر حمدالله على السلامه يا استاذ بدر
بدر الله يسلمك يا جابر
بدر دخل الشنط وبعدين تعالى دخلنى
جابر حاضر
-----------------------------
دخل راضي أوضة سما لاقها نايمة على السرير بصلها بحزن وحنيه
ومسك ايديها وباسها سامحينى حقك عليا غصب عني اللى عملته دا
انتى السبب في اللى حصل
الدكتور طبطب على كتفه
راضي مسح دموعه
أنا بحبها أوى وممكن اعمل أى حاجة عشانها
الدكتور يبقى تهدا وتكون اقوة من كدا
راضي هز راسه
الدكتور أنا هسيبك معاها وأنت اقعد فكرها ازاى بتجبها وكنت بتنفذ أوامرها
راضي حاضر يا دكتور وفعلا قعد جمبها
------------------------------
بدر دخل الشقة اللى فى الدور الأرضي
جابر أحضر لحضرتك الغدا استاذ علاء مدينى التعليمات من ساعة ما خد الشقة
بدر لا أنا عايز انام شويه وأما اصحى أكل روح كول أنت بلاش تستنانى
جابر ابتسم أنا كمان هنام شويه وأما نصحى ناكل سوا
بدر ابتسم نديها نوم
جابر ابتسمله وكل واحد دخل ينام
فضل راضي مع سما طول الليل لحد ما نام على الأرض وهو مش حاسيس بنفسه
تانى يوم صحى راضى لما دخلت ممرضة صباح الخير
راضي صباح النور
ممرضه حضرتك نايم في الارض كدا ليه
راضي معلش الظاهر نمت من غير ما اخد بالى
الممرضه حضرتك ممكن تدفع مبلغ كدا كمرافق ونجبلك سرير هنا
راضي بجد
الممرضه أيوة
حضرتك ممكن تنزل الحسابات وفي دقيقة نجبلك سرير هنا جمبها
راضي خلاص ماشى أنا هنزل الوقت الحسابات
وكمان هروح اجبلها لبس واجى على طول
الممرضه تمام
راضي طلع فلوس وادها للممرضة خلى بالك منها عقبال ما اجى
الممرضة خدت الفلوس حاضر من عيونى
راضي باس راس سما وخرج
خرج راضي بعد ما عدا على الحسابات
----------------
تانى يوم في شقة بدر وجابر
جابر صحى يااااه الواحد كان هلكان
يا ترى أستاذ بدر صحى أما اقوم اشوفه
بص جابر علي اوضة بدر اللى كان لسة نايم
اتحرك بالراحة ودخل المطبخ وبعد شوية خرج يصحى بدر
جابر استاذ بدر استاذ بدر
بدر بصوت النوم أيوة
جابر اصحى بقى يا استاذ بدر
بدر ايوة صحيت أهو هى الساعه كام
ابتسم جابر الساعه كتير
بدر ياااه احنا نمنا كل دا
جابر معلش السفر كان طويل
بدر أيوة
جابر المهم تحب تاكل
بدر معلش جوعتك معايا
جابر لا مافيش حاجه
بدر طيب حضرنا الاكل عقبال ما ادخل الحمام
جابر جه يساعد بدر
بدر لا استنى أنا بعرف اقعد لوحدى على الكرسى
جابر باحراج معلش مش قصدى
بدر ولا يهمك بكرا تعرف أنا بعرف اعمل إيه والحاجات اللي مبعرفش اعملها اهو معلش هتعبك معايا
جابر تعبك راحه
بدر وجابر قاعدين ياكلوا
بدر تسلم ايدك الأكل حلو أوى
جابر ابتسم بالهنا والشفا أصل أما دخلت الجيش اشتغلت في المطبخ عشان كنت خريج سياحة وفنادق
بدر عشان كدا اكلك طعمه حلو
فضل بدر وجابر قاعدين مع بعض
وبقوا أصحاب
----------------------------
بتعدى الأيام على سما وهى لسة في الغيبوبة وراضي قاعد معاها ندمان أنه عمل كدا
أما بدر وجابر قاعدين مع بعض لحد في يوم جه تليفون لبدر
بدر بص في التليفون ورجع بص لجابر بتوتر
جابر في حاجه يا استاذ بدر
بدر لأ مافيش
ورد على الاتصال
بدر الوووو
بدر معقولة بسرعة كدا
بدر طيب المفروض اروح امتى
بدر خلاص بكرا هكون جاهز واكلمك وأنا جاى مع السلامه
جابر بص لجابر في إيه يا استاذ بدر مالك وشك أتغير كدا ليه
بدر أصل المفروض اروح بكرا خلاص
جابر ارمى همومك على ربنا وان شاء الله يقف معاك
بدر يارب
تانى يوم صحى بدر وجابر بدرى
بدر لميت الشنطة يا جابر
جابر أيوة
بدر طيب يلا خلينا نمشي
ومشى بدر وجابر لطريق مش عارف اخرته إيه
وصل بدر قدام مستشفى كبيرة ونزل هو وجاير
ودخلوا وكان في اوضة محجوزة لبدر
دخل بدر وجابر
الممرضه الدكتور هيمر عليك كمان شويه
بدر شكرا
جابر بص لبدر وسكت
بدر مالك يا جابر
جابر مافيش حاجه يا استاذ بدر أنا بتمنالك تقوم بالسلامه وتحف
بدر بحزن يآرب يا جابر
بعد شوية دخل الدكتور لبدر
الدكتور اخبارك ايه يا بطل
بدر قلقان وخايف اوى يا دكتور
الدكتور ابتسم دى حاجة طبيعية بس أنا عايز اقولك حاجه مهمة أوى
بدر بصله الحالة النفسية أول مراحل العلاج وعليها عامل كبير اوى عشان كدا عايزك تهدا وتكون عادى خالص ومتفكرش في حاجه لحد يوم العملية
بدر بحزن أنت متأكد يا دكتور انى ممكن امشى تانى
الدكتور ابتسم أنا مش وريتك الحالات اللى خفت بعد العملية لما جيت المرات اللى فاتت
بدر بس بردوا خايف
الدكتور ارمى خوفك على ربنا
بدر ونعم بالله
الدكتور الوقت عايزك ترتاح شوية عشان من بكرا هنبدأ التحاليل والأشعة
بدر هز راسه
وبدأت رحلة علاج بدر من غير ما حد يعرف غير علاء وجابر
