رواية الضابط واليتيمة الفصل الخامس والعشرون 25 بقلم بقلم مجهول

جنت مصدومة بين انو ديتعاركون بسببي ووليد كلش عصبي وبين اخر شي سمعتة خطيبتي شنو اني خطيبة منو شعوري ما اكدر اوصفة سعيدة ومصددومة كلشي مدا اسمع حسيت بشخص مقابيلي رفعت راسي شفت وليد ولزم ايدي 

واخيرا كدرت اسمع 

- اي مينا خطيبتي 

- انت مخبل وليد شنو هل حجي اذا ادكولها عمود لحد يحجي عليها ميصير 

- لا اني احبها وانتي تعرفين انو ما اخاف من احد والي اريدة اسوي 

- ام وليد انتي قابلة على حجي ابنج 

- هسة اهدئوا كافي ميصير احنا اهل وليد ماما اكعد خلي نحجي 

- ماكو شي احجي بي 

جر ايدي جنت امشي على كيفي بس طلعنا من الاستقبال شالني وطلعنا للكراج صعدنا السيارة واني جنت هادئة كلشي محجيت وهو هم 

صعد بالسيارة وشغلها وحركها ومشى وجنا ساكتين بعدين حسيت بايدة اخذ ايدي ودخل اصابعة وضغط عليها شوية 

- شو ساكتة 

- ما اعرف شنو صار ( التفت علي وحركت كل جسمي باتجاها ) 

- صرتي ملكي خطيبتي وحبيبتي وكدام الكل 

- وليد 

- خليني اكمل هسة ارتاحيت مجان عاجبني الوضع الزم ايدج او شي بدون زواج وبنفس الوقت ما اكدر امنع نفسي فجنت افكر بالموضوع والحمدلله خلص على خير 

- هههههه متاكد على خير من ارجع راح يذبحوني

- ماكو ميصير عليج شي واذا على اهلي اني اعتذر منهم لان محاجي بالموضوع وياهم وارجع اتقدملج رسمي واتقدميلي عصير واتوكعين الصينية

- ههههههههه ( رفعت ايدة وبوستها هواية ) احبك احبك احبك احبك ولو اكوله مية مرة متكفي انت ابوية وامي واخوية واهلي وحبيبي وصديقي وكلشي بحياتي 

- اني هم احبج 

- وين رايحين ؟

- نتغدة 

- ولييد شوف شلابسة 

- اوك اني هسة ادبرها 

نزل يم مطعم واني ضليت افكر معقولة الي ديصير عززة ممصدكة والله شفت تلفوني يدك طلعتة 

- ولج وينج غبية لا دقيقة ميصير اكول لمرة اخوية غبية عيب 

- هههههههههه مزعلانة مني 

- هذا شي ثاني انتي تعاي وشوفي اذا ما اموتج وين انتي هسة 

- ما اعرف وليد نزل يشتري غدة وما اعرف وين انروح 

- اوووف اريدد 

- هههههههههه ليش ما وصل الغدة 

- لا وصل

- شلونة البيت 

- ههههههه ولج غير اتعاركت خالتي عبالك وليد ابنها وامي اتكللها ميصير تحجين هيج ذيج اتكللها وبنتي مو عساس لوليد شنو ناصبة علية وامي اتكللها عيب ميصير اتكولين هيج اتقللين من قيمتها 

- اي؟ وريام 

- كاعدة مثل الحية تتكلة 

- حل 

- اووو مينا صايرة حقودة 

- ههههههههههه خالة وعمو شكالوا 

- ابوية محجة شي وامي ملحكت دتحجي وية خالتي وهسة ديتغدون وممبين ضايجين 

- باعي من يطلعون دكيلي ما اريد ارجع وهم موجودين حبابة 

- تامرين مرة اخوية 

- هههههههههه بيباي 

- باي

🌹صعد وليد 

- ويامن جنتي تحجين 

- ريهام اطمني على الوضع 

- من شنو خايفة انتي 

- كلشي ما اريد اخسركم وما اريد اخسرك وخالتك وبنتها مناوين يهدوني ارتاح 

- ( اخذ ايدي وباسها ) ماطول اني موجود محد ياذيج 

- الله يخليك الي شجبت غدة 

- همج على بطنج ما انطيج الة تنطيني شي مقابل

- شنو شتريد 

- بوسيني 

- شنو ( حطيت ايدي على حلكي) 

- شنو شنو بوسيني بسرعة قبل ليبرد الاكل 

قدمت راسي علي وبست خدة ووخر وانطاني العلاكة 

شنو احساسي كلش خجلانة وكلبي يدك يدك بقوة حسيت صارت كلشش حارة التفت على الشباك هو بدة ياكل واني هم خلصنا اكلنا حط السيوج لزمت ايدة

- ما اريد اروح 

- اني شكلت 

- ميخالف ما اريد 

- مينا راح افصخ الخطوبة 

- شنووو ليشش

- متسمعين كلامي 

ضليت اباوعلة 

- لتشاقة هيج حباب 

- هههههه ماشي هلكد اتخافين 

- اييييي 

- زين اذا اخذت ريام وياج شتسوين 

- اعوفك وقبل ما اطلع اكلك خلي اتفيدك الوكحة 

- ههههههههههه

حرك السيارة والطريق كلة جانت اغاني حلوة وسوالف وليد اني اعرف انو يريد يخفف خوفي 

وصلنا للبيت نزلت فتح الباب طبيت اني وبعدين هو وراية 

- روحي لغرفتج 

- وليد 

- مينا 

طبيت وسديت الباب

🌹🌹رحت للاستقبال جانت امي كاعدة والولد وابوية 

من شافوني الولد طلعوا رحت يم ابوية بست ايدة وراسة وامي هم 

وكعدت مقابيلهم

- اني اسف 

- على شنو 

- مكتلكم واتخذت القرار وحدي ولا عبالك عندي اهل استشيرهم 

- وهذا اسفك وين اصرفة من اشوف موضوع مثل هذا واني مثل الاطرش بالزفة 

- كلشي صار بسرعة اني اسف غلطان واطلب السماح 

- فهمني 

- اول شي جان عدي مشاعر الها وبعدين جست نبضها من ناحيتي وجانت موافقة وبدت علاقة بس بسيطة كلش واني اصلا جنت افكر بشغلة الخطوبة وانو ابلغكم لان انزعجت من شفتها بالبيت واني ولدكم عيني زايغة ههههههه

- اي؟

- ومن شفت خالتي اتهينها متحملت وصار كلشي بسرعة واني هسة اطلب منكم رايكم بيها وهم انو اتخطبوها الي 

- وانتي ام وليد شو متحجين 

- جنت شاكة

- ها

- ها 

- اي شبيكم لعد وليد يجي الساعة ١٢:٠٠ ياخذها مستشفى اذا ممهتم ومن شافها مريضة وجهة اصفر ويلوب ترة اني ام واعرف واحس وهي هم لوتية نضراتها عليك مو طبيعية 

- اي وشنو رايج 

- والله هي اطب للكلب بدون استاذان وحبابة وشاطرة واتحبني بس لازم تسال على اهلها وهلشغلات 

- وانت يابة 

- حجي امك صح واني فخور بيك كلش والحمدلله ابني رجال اسند ظهري علي 

كمت بوستة 

- بس هاي العوبة ما اعديها الها ليش ماكالتلي 

- غير تستحي 

- شوف من هسة يدافعلها 

- ههههههههههه روحي اذبحيها عادي 

- لا عيني اسم الله 

- يلى اروح احجي وياها تلكيها خلفت من الخوف 

- احسن تستاهل 

- هههههههههه

جنت الوب بالغرفة بس ماكو صوت يعني مديتعاركون كلش زين 

اندكت الباب 

- منو 

دخل وليد 

- ها ها ها 

- اسكتي واكعدي مصار شي الحمدلله كلشي بخير بس امي زعلانة منج لان مكلتيلها عود راضيها 

- اي عمتي تدلل 

- صارت عمتي 

- اي ههههههههه

- ولييدد اطلع من الغرفة كافي 

- هسة اتحملي برج المراقبة الي راح يصير علينا 

- ههههههههه

طلعت ابوس بخالة واراضي بيها الى ان رضت وكالت مزعلانة ..

الفصل السادس والعشرون من هنا 

شكرا لزيارتكم عالم روايات سكيرهوم