رواية زهور بنت سلسبيل الفصل الخامس والعشرون
أحلام نائمه بجوار الصغيره فاقت من نومها فزعه علي صوت بكاء الفتاه و خبطات علي الباب لا تتوقف
هبطت من علي الفراش تتعثر في مشيتها حتي وصلت الي الباب تتنفس بصوت عالي وصدرها يعلوا ويهبط دقات قلبها متسرعه تقترب من الباب تنادي بصوت ضعيف متلجلج.
احلام / مين ال بيخبط.
لترجع للخلف فور سماعها الصوت الذي بالخارج.
لتقترب من الباب مرة اخري لتتأكد مما سمعت.
أحلام /مين.
الواقف بالخارج افتحي يا أحلام انا روحيه.
احلام / لازالت دقات قلبها متسارعه فتحت الباب
بتردد.
روحيه / احلام متقلقيش ورحمة الغالي انا جايه واقعه في عرضك افتحيلي .
احلام / فتخت الباب وابتعدت قليلا لتدخل روحيه وخلفها شاب لتزهل مما تري تشعر بالارض تميد بها
وعلي وشك الاغماء تردد بشفتها بكر بكر انت لسه عايش ولا بيتهيقلي.
روحيه /تقترب منها اسندتها تساعدها في الجلوس.
وتلتف للواقف اقفل الباب بسرعه.
يغلق وائل الباب .
احلام / تشير عليه هو هو ده.
روحيه / ايوة هو يا احلام هو وسبحان الله زي زمان مكنتي السبب في نجاته في الاول ابوس على يدك ساعديني من تاني .
احلام / انا مش فاهمه حاجه .
روحيه رجعت للخلف امسكت بيد ابنها تقربه من يده
لاحلام.
احلام بصدمه تنظر له تارة ولروحيه اخري تنادي عليه بصوت يتردد بالمنزل بدييييير بديييير.
وائل / بدير مين يا خاله انا وائل.
مدت احلام يدها تمسكه من يده واجلسته علي إحدي الكنبات ، مش مهم الاسماء المهم الشكل.
لتلتف الي روحيه التي تتحدث بخوف.
أحلام / حصل ايه ياروحيه خلاكي مرعوبه بالشكل ده هو الزمن بيعيد نفسه من تاني قبل ميتت المرحوم بساعات جيتي بنفس الشكل.
روحيه / شفيق ناوي يكمل انتقامه وجيتك خالته مستعجل عاوز يعوض سنين بعادك عنه، بيخطتت
في بلوه يوقع فيها ابني ويخلص مني وكمان من نادرة ضربة واحده.
أحلام /ومال رجوعي بيكي وبابنك ونادرة مين.
روحيه / نادرة مراته وام ولاده اجوزها بعد ما مشيتي من البلد بسنتين قلب الدنيا فيهم عشان يلاقيكي كان بيجي يقعد بالساعات علي المصطبه
برة لدرجه ال يعرف حكايتكم يقول مجنون أحلام.
وائل / انا مش فاهم حاجة يا امي ازي بابا عاوز يورطني بمصيبه وينتقم مني ليه هو في اب ينتقم من ابنه.
احلام وروحيه بصوت واحد شفيق.
وائل /ليه سبب واحد يخليه يعمل كده.
احلام / لا تسالوا عن اشياء ان تبدوا لكم تسؤكم.
تلتف الي روحيه اقعدي وفهمنا كل حاجه واحده واحده.
روحيه جزبت كرسي جلست تلتقط انفاسها، لتحكي كل ما سمعته من شفيق ورجب الغفير.
وتأكدها من محاولة تدبير مكيدة لتوريط ابنها وينتقم من الجميع مرة واحده.
أحلام /وجايله ليا ليه يا ام وائل بعد السنين دي في ايدي ايه اعمله.
روحيه تنقذي ابن الغالي وتعملي بوصيته زمان اقسمتي علي كتاب الله انك تقفي جارة لو حاسيتي بالخطر حواليه.
احلام /في ايدي ايه عاوزاني اروح لشفيق واترجاه يبعد عنه انا مستعده.
روحيه /ياريت ينفع خلاص شفيق خططت وهينفذ كل ال بطلبه منك تاخديه وتبعدي من هنا
قبل الفجر والمخفي رجب يجي يراقبك زي سيده ما قاله.
احلام /هبت واقفه انتي بتقولي ايه ههرب بيه فين
ورجب يراقبني ليه.
روحيه / انا سمعته وقصت لها الحوار بين رجب وشفيق في مكتبه.
احلام جسدها يرتجف تتحدث بتوتر انا انا مقدرش ابعد عن هنا انا كمان في حاجه حصلت هي ال جابتني لهنا.
روحيه/ نهضت من مكانها وانحنت تمسك بيد احلام
ابوس علي ايدك انقذي ابني شفيق حكم اللعبه وقفلها وهيلبسهاله عشان ينتقم من ال تحت التراب.
احلام سحبت يدها اتت ترفض لتتسع ابتسامتها
تلتف لوائل بص يا بني في حاجات زمان حصلت
مالكش زنب فيها بس سبحان الله ممكن تكون
هي السبب في نجاتك من مصيبه محدش عارف لسه هي إيه، انا هديك عنوان واحد معرفه هتروح ليه وتقوله انك من طرفي وتقوله محتاج سكن وشغل وهو هينفذ في الحال، بس لازم تاخد بالك
محدش يعرف اسمك الحقيقي ولا مكاني ولا للهبعتك ليه تعرفه انا فين وقعده فين.
وائل / فهموني الاول ليه بابا عاوز ينتقم متي وليه.
وازاي محدش يعرف انا مين هو انا هفضل محبوس
طول العمر مش هخرج واتعامل مع الناس والراجل ال هتبعتني ليه مش هيسالني علي اسمي، انا مش هتحرك من مكاني ال لما اعرف وافهم ايه السر
وليه اب ينتقم من ابنه.
احلام / مين قال هتتحبس لا هتدخل وتطلع وتشتغل كمان بس باسم غير وائل هتعيش باسم تاني خالص
بدير بدير بكر. هتروح لابو بولس وهو هيخلص ليك كل حاجه بطاقتك وشغلك ومكان تعيش فيه.
ولو ربنا راد تعرف الحقيقه كامله هتعرفها بس بلاش تسال عن حاجه لا هتقدم ولا تاخر بالعكس
دي هتزود المواجع اسمع الكلام خلاص معتش وقت
هدخل اجيب حاجه من جوه وديك عنوان وعلامه هتديهم لل هتروح ليه وهو هيقوم بالواجب. شويه ورجعه.
نهضت احلام ناحية غرفة النوم وهي تسمع بكاء الصغيرة الذي لا يتوقف.
احلام / معقوله يا سلسبيل سايبه البنت تعيط بالشكل ده دي قلبها انفطر من العياط طيب سكتيها
لحد ما احضر ليها الرضعه والناس ال برة تمشي
لتصمت بصدمه تتلفت في الغرفه تضع يدها علي فمها تشهق وهي لا تري سلسبيل
احلام / تنادي عليها بصوت هامس لكن لا تجد رد تتجه للصغيره تحملها وتهدهدها حتي صمتت قليلا
واتجهت الي حقيبة ملابسها واخرجت مجموعه من الاوراق وخرجت للجالسين بالخارج.
احلام / مدت يدها بل الاوراق لوائل، في الورق ده قسيمه جواز باسم بكر واحلام وشهاده ميلاد باسم بدير بكر خرجهم وهات باقي الورق.
قراء وائل الاوراق واخرج الاوراق التي قالت عليها احلام ومد يده بالباقي لها.
وائل/ ادي الورق ال قولتي عليه، المطلوب من ايه
وقبل ما انفذكلامكم مش هتحرك من هنا ولو خطوة واحده غير لما اعرف كل حاجه .
روحيه ببكاء ابوس علي ايدك يابني اسمع الكلام
واوعدك هحكيلك كل حاجه بس انفد بجلدك قبل فوات الاوان شوف خالتك احلام هتقولك ايه ونفذه بل حرف الواحد من غير ولا غلطه.
وائل / اغمض عينه وكور يده، وافتحها مرة واحده
حاضر يا امي هنفذ كل اوامركم بس هطمن عليكي ازاي وهتعرفي اخباري منين.
احلام / اوعك تبعت او تجي لحد ما يوصلك مني مرسال وانا هعرف كل حاجه واطمن امك عليك
اول باول.
روحيه / ببكاء ربنا قادر يقرب البعيد، في يوم من الايام بس اوعك تخاطر وتتصل ولا تبعت جواب
اخرجت حقيبه صغيرة ومدت يدها له.
دي كل الفلوس ال معايا ومصاغي كله اصرف منه بقانون لحد ما تلاقي شغل والباقي شيله للزمن اكيد هتحتاجه.
احلام / تهز الصغيره تسكتها مافيش وقت قربنا على الفجر روحيه لازم ترجع البيت وانت بوشك علي سكه القطار وعلي اول قطار لمصر تركبه وفي محطه شبرا وتنزل وهناك تاخد تاكسي للعنوان ده هتلاقي واحد اسمه ماجد ولقبه ابو بولس تقوله انك من طرفي وتديله شهاده الميلاد وقوله بتقولك بامارت
النايم علي الارض وقوله الشقه ال في الخامس مفتاحها في سلسله مفاتيح المحل يسكنك فيها.
واوعك تقوله علي مكاني قوله اني مشيت مع سلسبيل ومتعرفش مكانا انت ركبت القطار وجت علي مصر متعرفش احنا روحنا فين كل ال تعرفه
انها هتتصل علي تليفون المحل وتطمن كل فترة والتانيه عليك وعلي كل ال في الحارة.
روحيه وقفت وجزبت وائل لاحضانها تضمه وتبكي.
بسرعه يابني معتش وقت يادوب تلحق توصل قبل الفجر بلاس تمشي من السكه العموميه خود طريق
المدرسه القديم ومنه شاور لاي عربيه نقل معاديه واركب فيها لاقرب مكان وكمل طريقك زي ما قالتلك خالتك احلام.
وائل امسك يدها قبلها واخد الحقيبه وفتح الباب برويه ونظر يمين ويسار وخرج مسرعا تجاه الطريق التي اخبرته عليه والدته.
روحيه/ اقتربت من احلام جميلك ده مش هنسهولك طول العمر هيفضل علي راسي من فوق ربنا يقدرني وارده هولك.
احلام / انا معملتش حاجه وده رد جميل لابوة وبنفذ وصيته اني اخلي باله من ابنه واحافظ عليه
امكن ربنا رجعني في الوقت ده عشانه ياريت تنسيني خالص وبلاش تجي هنا من تاني وجودك مش مرغوب فيه.
روحيه / اومت براسها واتجهت ناحية الباب لتقف وتلتف لاحلام ، انا معنديش كلام ااقوله بس ورحمة الغالي والشدة ال ابني فيها لردلك جميلك ده
لو كان اخر يوم في عمري لتخرح وتغلق الباب خلفها دون ان تنتظر رد من احلام.
احلام بعد رحيل روحيه ذهبت للداخل تنادي علي
سلسبيل لم تجد اي رد توجهت الي الحمام لعلها تكون به لتفتح بابه تجده فارغا دب الرعب في اوصالها ظلت تنادي وتصرخ باسمها .
احلام / بسم الله الرحمن الرحيم سلسبيل رحتي فين يا سلسبيل لتدخل لغرفة النوم لتبدل ملابسها
وتخرج تبحث عنها لعلها تكون جالسه بالخارج
لتقع عيناها علي ورقه علي الكمود بجوار السرير
لتضع الصغيره التي لا تكف عن البكاء علي الفراش وتمسك الورقه
باستغراب تجلس علي حافه الفراش تقراء ما فيها بصوت متحشرج ودموع تسيل علي وجنتيها انا دورت كتير علي ورقه وقلم ملقتش غير الورقه القديمه دي وقلم الرصاص ده يارب تعرفي تقري كلامي المكتوب ويكون واضح .
خالتي لما تقري الورقه دي هكون انا في طريقي لمصر متزعليش مني اني مشيت من غير ما اقولك
انا مسافه الطريق هوصل للمستشفي اجيب بيان بالتطعيمات والتحليل واعدي علي البيت اجيب لبسي انا بقالي كام يوم بنفس الغيار هحاول اروح
لزياد اجيب منه شهادة ميلاد البنت واعرف ليه عمل فيا كده.
سامحني انا فتحت شنطت هدومك واخدت قرشين
اجرتي بالطريق دعواتك ليا بالتيسير.
احلام انهت قراءة الورقه ودموعها تسيل تشعر بضيق في صدرها ونغزه بقلبها تسقط الورقه من يدها تلتف للصغيرة بجوارها تحملها تربت علي ظهرها.
ليه يا سلسبيل تقلقيني عليكي بالشكل ده ربنا يسترها معاكي يا بنتي وترجعي لبنتك بالف سلامه مجبورة الخاطر. لتنهض متوجهه الي المطبخ لاعداد الرضعه للصغيره.
تردد دعواتها لسلسبيل مع تذايد نغزة قلبها انتهت من تحضير الرضعه وخرجت ترضع الصغيرة حتي نامت ووضعتها بفراشها وتمددت جوارها واسندت راسها علي ظهر الفراش تفكر فيما حدث لها وقدومها للبلده وما حصل منذ قليل وروحيه ووالدها لتفزع فور تذكرها لكلمات روحيه عما سيفعله شفيق ومراقبته لها.
لتنهض من علي الفراش وتتجه لخارج الغرفه
تسير ذهابا وايابا تفكر ماذا تفعل لابعاد شفيق عنها
ظلت هكذا حتي اذن المؤذن للصلاة الفجر ليدب الرعب باوصالها تذهب للوضوء والصلاه وتدعوا ربها
وبعد الانتهاء من صلاتها اتجهت للغرفه وتسطحت مرة اخري بجوار الصغيرة وغافت بعد وقت طويل من التفكير .
/////////////////////
روحيه خرجت من عند احلام تسير بالطريق تدعوا ربها بان ينجي ابنها وتتوعد لرد الجميل لاحلام
وفي نفس الوقت بالانتقام من شفيق ورجب.
تعود بذكرتها قبل قليل
روحيه وضعت يدها علي فمها تكتم صوت شهقاتها بعد سماع جزء من حديث شفيق مع رجب وتلك الخطه التي لم تعرف ماهيتها لتبتعد مسرعه عن المكتب قبل ان يراها احد وخاصه نادرة زوجه شفيق لتصعد مسرعه لغرفه والدها تفتح باب الغرفه عليه دون ان تستاذن لينتفض من جلسته وهي تقترب منه تهمس له.
روحيه / امسكت الهاتف من يده تغلقه وتضعه علي الفراش بسرعه غير هدومك دي والبس جلبيه من غير ولاوصوت هتروح معايا مشوار حياة او موت.
وائل / بفزع ماما في ايه مالك مخضوضه كده ليه تعالي ااقعدي لحد ما تهدي وفهمني في ايه.
روحيه /تنفد يده بقلك مافيش وقت بسرعه نفذ ال بقوله من غير ولا كلمه هروح اوضتي اجيب حاجه مهمه تكون غيرت ونزلت من الباب الوراني من غير ما حد يشوفك زي ما دخلت استناني علي اول الطريق جنب التوته وبلاش تاخد تليفونك خاليه هنا.
وائل / ليه كل ده ماتفهمني فيه ايه قلقك وليه اخرج تاني وانا لسه واصل وليه مش عاوزة حد يشفني؟ واسيب تليفوني ليه حصل ايه خلاكي مفزوعه بالشكل ده.؟
روحيه /هحكيلك في الطريق كل حاجه بس ارحمني يابني ونفذ ال قلته من غير نقاش.
لتذهب لغرفة نومها تحضر حقيبه يد صغيره وتقترب من خزانة ملابسها تحضر صندوق وتسكب محتوياته
بداخل الحقيبه وتخرج بسرعه من الباب الخلفي مستغليه عدم وجود احد يمر من تلك الجهه لتسرع بخطواتها تحمد ربها فور وقوع عينها علي والدها يقف في نفس المكان التي اخبرته به لتقترب منه
وتمسك يده وتسير بالاراضي حتي وصلت لبيت احلام لتعود من تذكرها تنظر خلفها تتنهد براحه
لعدم وجود احد بالطريق راءها لتدخل مرة اخري للمنزل من نفس مكان خروجها وتصعد الي غرفتها دون ان يشعر احد بخروجها.
غافيه عن تلك العجوز التي راتها وهي تدخل للغرفه
وتوجهت مسرعه لسيدتها تخبرها بما راءت.
/////////////////////
مبروكه لازالت جاسه مكانها جسدها ينتفض تتذكر وجه سعاد تسيل دموعها وتتردد كلمات سعاد باذنها
ترضيها لبنت من بناتك لتضع يدها علي وجهها يارب يارب سامحني انا غابانه والله بحبها زي بنتي بالضبط دي انا ال مربياها بس الحوجه وحشه
والعمدة لما يحط حاجه في دماغه بياخدها بالرضا او بالغصب لتصمت وتجفف دموعها مع سماعها صوت ينادي علي سعاد.
لتنهض مسرعه تحاول ات تتحدث بصوتها العادي حتي لا يشك بها احد.
مبروكه / اهلا يا توفيق حمدالله علي سلامتك جيت امته امال من الجيش.
توفيق / بابتسامه يتلفت يمين ويسار الله يسلمك يا مرات عمي لسه واصل يادوب من القطار علي هنا طوالي امال فين سعاد مش شايفها.
مبروكه / بتوتر سعاد سعاد لسه مرجعتش من شغلها في بيت العمدة حتي انا قلقانه عليها مفروض كانت رجعت دن ساعتين تلاته عشان نروح نزور عمك بالمستشفى بس اتاخرت مش عارفه كده ليه.
توفيق/ بوقولي ايه يامرات عمي سعاد بتشتغل في بيت العمده ليه بتشتغل وازاي تتاخر للوقت ده برة البيت اومال فين سعيد سالم..
مبروكه / مع عمك بالمستشفى .
توفيق / في المستشفى ليه كفالة الشر.
مبروكه / ريحلك شويه يا بني عقبال ما ترجع
توفيق / وضع الحقيبه التي يحملها بيده، ويحدثها وهو يخرج من المنزل هروح اجيبها وارجع.
نتعشوا كلنا سوي.
خرج توفيق من المنزل لتتنهد بخوف من القادم.
///((((((
سلسبيل اشارت الي تاكس وصعدت اليه واملته العنوان وضعت راسها علي زجاج.
