رواية كريات الدم السوداء الجزء الثاني الفصل الخامس والعشرون بقلم زحل شريف
____قدر____
_عيوني ماشافت النوم احس گلبي ينزف
بس هل مرة انه ردتها تبعد،، كسرتها جبيرة لان تحبه وتعلقت بي وتريده وضلمها،،اليل كله اتگلب حاولت مابين بس هو مايفوته شي نضراته مسلطه
عليه ، تقرب يسأل بقلق .
ثابت::اكو احد غاثج ؟
_كوى مسيطرة على دموعي ،، لا بس تعبانه
حضني مقربني عليه،، دنك باسني
ثابت::حقج هاي الأيام بيتنا مافرغ يله أن شاء الله خلصت وباجر لاترحين .
_هزيت راسي اي وهو يتفحص وهجهي باصابيعه
يتلمس خدي وگأنو برسم ملامحي.
ثابت:: عيونج ذبلانه وحتى صاير بيهم
اثر هاي من السهر بعد ماخليج تباتين عند سونه.
_خنكتني العبرة عبالك نبهني حجيت بگلبي
هو انه بعد ماراح اشوفها ،بعدت عنه جريت الغطى وردت وجهي متهربة من نضراته،،غصب عني تحسرت بصوت .
ثابت::اسم الله يابه شو بله گومي شبيج
لييش تتحسرين .
_بعد الغطى وجرني عليه، ماسيطرت على دموعي خليت راسي على صدرة وبجيت .
ثابت:: شكو يابه احجي عيوني منو وياج?
_مالكيت غير هل عذر ،كتله مشتاقه لأمي .
ثابت::وعدتج اخذج بس انطيني مجال هل يومين.
_مسح دموعي،وهو يستغفر ،نوب متت قهر
ادري راح يكتشف طلعتها واكيد يعاتبني،،بس محد اله حق و حتى هو,,, ورغم هل فترة علاقتة بالباشا توترت بسببها بين تفكيري بيها و بموضوع حملي الي مافرحت بي ،، بقيت بحظنه لحد ماغفيت گعدت هو طالع باوعت الساعه وطفرت خرب شلون هيج خذتني النومه وقبل ماغسل وجهي اتصلت بيها ردت .
سونه::ها قيادة شنو الاخبار?
_نزلت دموعي ماكدرت احجي .
سونه::ترى مامهاجرة شوكت ماترديني اجيج
وعندج ثابت وحتى اهله قدر سمعيني صيري نبها
لانبقين تجبرين خواطر اذا احد غثج لاتسكتين
_وين انتي ؟
سونه::بعدني بالطريق من اوصل واستقر
انسولف روحي لان دزيت رسالة لثابت وهسه
اكيد عرف وراح يجي يسالج .
_انخبط معدتي من حجت وعيني كبل راحت
للكامرات حست بيه خفت.
سونه::ماله حق يحاجيج .
_سولفتلها عن الدار بينا البارحة،،سكتت
شويه ونوب ردت.
سونه::لاتخافين وحتى لو حجه انتي معليج.
_بس هو موصيني ماضم عنه شي
شلون لوسألني .
سونه::اي احجيله الصدك،، كليله امنتني
مااحجي وهيه عدها زوج مسؤول عنها .
_شو مافهمت .
سونه::هو يفهم ،يله وديري بالج تنطين
رقمي وطمنيني عليج .
_اذا عصب اگله انه حامل .
سونه::اي أول بشري الحجي .
_شمعنى ؟
سونه::الرجال منتضر هل فرحة وهيج تثبتيلهم
احترامج بلغي هو وأم الباشا وخليهم يفرحون
يله باي .
_ سديته وكمت مالي خلك اسوي شي
حاولت اشغل نفسي مااعرف ليش الخوف سيطر عليه سبحت وتمددت بغرفتي شويه وسمعت صوته
غمضت بس دكات گلبي تسارعت جر الغطى مني
خليت لديه على وجهي قاصدة احمي روحي
ثابت::ماضن تخافين وگله صوجي ماخوفتج.
_بقيت ساكته وهو خلص الدنيا بصياحه:
ثابت::مشاقه لامج مووو.
_دنكت راسي وهو مستمر بالحجي.
ثابت::هيج مالي وجود ولا أهميه زين مافكرتي
شراح يكون موقفج من يطش الخبر بسرعه.
خابريها شوفيها وين ؟
_بقيت ساكته رد صاح.
ثابت::شنو تفكرين .
_لزمت النقال ودكيت على رقمها القديم ،وهو واكف فوك راسي فتحت الصوت طلع مغلق
كررت الاتصال .
ثابت::عود هسه انه غبي وانتي ذكيه،، آخر مرة
اسألج احجي .
_شحجي ترى انه ماگلتلها وهيه امنتني مااكول
رفع حاجبه يباوعلي بشك،،، هزيت راسي شكو
بدون جواب مد ايده،جر النقال حطه بجيبه وطلع
ركضت ورا ,تعال جيب نقالي اريد اخابرها مو من حقك تمنعني منها،التفت باوعلي.
ثابت::على يارقم؟
_اي رقم شي يخصني ويخصها.
ثابت::اي وبعد ؟
_طبگ باب الصاله برجله ورجع عليه،،بقيت أتلفت
كعد على القنفه واشرلي كعدت كبالة اتضاهر
القوة وعدم الاهتمام بس گلبي يريد يطلع من مكانه.
ثابت::وين راحت؟
_ماعرف ومن أعرف هم ماراح اكول.
ثابت::يعني شنو ؟
_هيه مو زغيرة ومحد اله حق عليها ،، كافي
تحملت هواي وتعبت وهو يريد يحكمها ويمشيها
على كيفه ،، مادام مايگدر يتزوجها علني خلص
ثابت::ولج مو امس اتفقنا نشوفلنا وقت مناسب نحجي ويا أبو وامه ،،بس ردنا نتفرغ من هاي الهوسه ،وخابرني گال اخذها للدكتور .
_احس كلبي رفرف من الفرح ،صحت
وليش ماگالها ؟شو مخلصها تهديد من يروحلها.
ثابت::وهيه ماتعرفه؟
_وانته ليش ليش ما بلغتني بهذا الكلام؟
ثابت::كلت لمن اتاكد يوافقون ماردت أملها
بشيء مامتأكد منه .
_انعصر گلبي من كلامه، يعني ممكن يرفضون؟
ثابت::من البداية كلتلها لاتتوقعين الأمر سهل
وبالاخص هسه زوجته حامل ، حرام يكسرها
بهيج خبر .
_وهسه شنو نسوي؟
ثابت:: شما احاول اجمل صورتها تجي تشخبط وتخرب كلشي، واكيد من يعرف راح ،،يتخبل ونوب يسويها اعناد واهله اذا سمعو بيها طالعه شيكولون
احجي وين راحت خلي الم الموضوع .
_ماعرف بس اكدر اخابرها.
ثابت::غير تفتح نقالها .
_بلعت ريكي وحجيت بخوف ،، على رقمها
الثاني نتصل ،، باوعلي وهز رايسه بأسف
نزلن دموعي.
ثابت ::هاي وانه موصيج ماتضمين عني شي.
_قطع كلامه صوت النقال رد
ثابت::هلا بيك أي كعدت الصبح لكيتها دزاتلي رسالة توصيني على اختها ،،،رحت لبيتها وشفت
القطعه شلتها نوب خابرني واحد من المنطقه
يسال بيش تردون البيت .
_من كلامه عرفت يحجي ويا الباشا ،سكت وهذاك ماعرف شنو يحجي ويا
ثابت:: لا تكول ماندلها
ماعرف يمكن عدها خط ثاني ،هسه اشوف
لا تتحيون دنتضرني شويه واجيك.
_نهى المكالمه وهو يطلع النقال من جيبه
قدمه الي تقربت اخذته.
ثابت::خابريها.
_دكيت وطولت يله ردت بصوت تعبان.
سونه::من اگعد اخابرج عفيه لان كلش نعسانه.
_سحب النقال مني وصاح .
ثابت::ماتوقعتها منج .
_سكتت وكأنو تريد تتاكد وأعرف شنو راح
تفكر صحت مسمعتها ترى لان كالي،مالحكت
أكمل كلامي سدته رجع هو اتصل غلقته
ثابت::عبالي صدك تفتهمن.
_حجاها وگام ، صحت انطيني نقالي .
ثابت::شلج بي اختج وغلقت خطها المن تخابرين؟
_اكيد تتصل بيه ،وحتى اذا ماتصلت هم اريد نقالي.
ثابت::انسي .
_ترى مالك حق تسوي هيج شتريدها تتحمل
مغثة اريج لو حكم الباشا عليها كون تبقى بالسر
لا هو علنها ولا عايفها بحالها ومبتعد .
ثابت::وهيه بعدت لو بقت تتواصل بي
_ومنو ايد فكرة العقد ؟
ثابت::لان خفت عليها من الحرام وهيه سالتني
واقترحت عليها الموضوع،،ماجبرتها هيه وافقت
وانه كلتلها قبل هل مرة الف مرةحجيت
لاتتوقعين ارتباطكم سهل .
_تحبه وماكدرت تتخلى عنه وهو جان بحاجتها.
ثابت::هو شلعب بينا غير الحب،، حيل بينا
_ها شوجنك متندم ،، دنطيني نقالي.
ثابت::انسي .
_باوعتله ولا جنه يشوفني طلع وهو يتوعد.
ثابت::سهله ياقدر .
_طبك باب البيت بقوة ،بقيت انه محتارة
شسوي خرب عقلج سونه ،،غير تسمعيني تفهمين
عزمت امري ودخلت لبست صايتي وطلعت لبيت
الحجي تلكني بنين ونغم .
نغم:: عود هسه ردنا نجيج سالت عنج ثابت
گال مالها خلك .خابرتج ماجاوبتني
_همزين دبر العذر،،اي من امس نسيته
بسيارة ثابت واليوم طلع وانه نايمه.
بنين::يله همزين اجيتي لان مابيه امشي.
_باوعتلها بزعل ،، ضحكت وحظنتني.
بنين::شبيج شو وجهج مايطمن.
_مابيه بس اتصلي بثابت كليله انه هنا
هزت رأسها أي راحت جابت نقالها واتصلت .
بنين::ها عيني لا سلامتك بس قيادة يمنا
ها أي يمي .
_قدمت النقال عليه ،، اخذت وبعدت من يمهن
صاح
ثابت::اذا سألوج عن سونه كولي راحت للزيارة
بالجذب بيني محترماتني انتي واختج
وكولي ثابت عندة علم .
_سدة بدون مااحجي حرف رجعت النقال لبنين
سالني اذا متريكه،، كتلهن ماشتهي .
بنين::دتعاي على الواهس .
_لا والله معدتي .
بنين::شنو حامل .
_التفتت على نغم ،غمزتلي بمعنى لا تحجين.
بنين::شو تتغامزن شكو ؟
نغم::عوفي السوالف بنينه وكملي اكلج حتى تگفين الصاله يله ورانا طبخ كون نكمل غدانا ونسبح يله يجينا ضيوف .
_بعدنا واكفين ودخلت اريج صبحت ردينا
عليها جرت الكرسي وگعدت ايدها على بطنها وتتماوع نغم توجهت للفريز مدري شطلع وانه
دخلت سلمت على إم اسعد والحجي
وفيه::هلا ماما خيرج شو ثابت يكول
تعبانه .
ابو اسعد::تعبناها هل الأيام حقها
_لا عمو ماكو تعب بالعكس اشو متونسه
ويا البنات حتى صرت ماعرف اكعد بيتنا .
أبو اسعد::هذا هم بيتكم بابا .
_ترخصت منهم وانشغلت يم نغم واريج
بقت كاعده كل عقلها تريدنا نسويلها ريوك.
نغم؛:قيادة كولي لخاله تشريب لو مطبگ
_بعدني ماتحركت حجت اريج.
اريج::تشريب عفيه ملينا من التمن .
_انه سكتت ونغم هزت رأسها أي ،،اشتغل وبالي كله يم سونه نوب لاحافظه الرقم واتصل من بنين
للضهر وبعد الصلاه الحجي اتصل بي على مود الغدة بس الضاهر كاله مشغول .
أبو اسعد::صبو يابه ثابت ومولي .معزومين
يم صديقهم .
_گلت بگلبي ياصديق اكيد راحو يدورون على سونه
تغدينا والبنات گفن المواعين،،،، اريج خذت ابنها تنومه وانه واگفه اخدر چاي وبالي بي الف حسبه
نبهتني من صفنتي نغم .
نغم ::ها شنو وضعج شو تصفنين؟
_خل اودي الچاي واجيج، خليت الإستكاين
كبال بنين وطلعت لكيت نغم منتضرتني
نغم::اسمعج ؟
_شوفي سونه گالتلي ،،اول مرة ابشر الحجي
وخاله شتگولين؟
نغم::خوش فكرة،، دمشي مدام ماكو احد
_جرتني دخلنه عليهم الحجي كاعد واستكانه
بيدة وبنين بصف أمها ،،كعدنا انه ونغم وحده يم الثانيه.باوعتلنا بنين بشك سويت روحي مامنتبها ندستني نغم حتى احجي .
نعم::فضيها اريد اروح اسبح .
_استحي،،شو هاي هزت ايدها ماراضيه وحجت
موجهه كلامها للحجي.
نغم::عمو .
_رفع رأسه الحجي ،،بسرعة خليت ايدي على حلگها
وهمه يباوعون مستغربين،دفعت ايدي وحجت
نغم::تعاي لزميها بنينه.
أبو اسعد::شكو يابه؟
_وهاي بنين ماصدكت كبل طفرت من يم أمها
وكعدت يمي لزمت اديه،، وكالت لنغم
بنين::احجي لاتخافين.
5
نغم::بما انو رب العالمين فرحنا بالباشا
على كولت قدر ،،حابه ابشركم بخبر .
_وبعدها مامكملة طفرت خالة وهيه تسأل
وفيه::خير ولج انه حلمانه بيج گلت اكيد هسه
تحمل .
_متت. قهر على نغم خطيه هزت رأسها لا
و أشرت عليه .
نغم::لا هل مرة قيادة حابه تفرحكم.
_احس صخنت ،،بس ولا توقعت فرحتهم
الحجي ماعرف شيسوي وكف على حيله
أبو اسعد::الف الحمد الله والشكر
الحمد الك بارب .
بنين::عااااااا ولكم وين نقالييييي.
_لزمتها نغم .
بنين::شكو وخري والله ولا اخليج تاخذين
البشارة ، صار اشكد انه أخطط لهذا الخبر.
نغم::هيه رادت الحجي يبشر ثابت .
وفيه::فدوى للمحترمه.
_كمت بوستها.
وفيه::ربي يرزقج ويتتم عليج بالصحى .
_جرني أبو اسعد بأس راسي،،شكد تمنيت
سونه تشاركني بهل فرحه نزلن دموعي .
أبو اسعد::مسحي دموعج يابه ربي يحفظج
ويقر عينج بالضنى الصالح .
_يمكن الموقف عادي بس انه ردت عذر
ابجي بي لان حيل مقهورة على سونه.
وفيه::لاتبجين ماما ربي يشهد ماقصر وياج
وحالج حال بنتي وضيفي فوگها انتي زوجة الغالي.
أبو اسعد::كومي بنونه جيبي نقالي .
_عرفت راح يخابرة ،، وفعلا اتصل بي
وهو يضحك عجيب شلون يحبه
أبو اسعد::وين متكون،، وحتى اذا عندك شغل تعوفه وقبل ماتجي تمر تجيبلي ذبيحه.
_مانطاه مجال يفهم سدة وهو مبتسم .
أبو اسعد::خل أصلي ركعتين شكر، بين مايوصل.
_بقن البنات يبوسن بيه ،، جرني نغم وبنين
نغم؛:يله بسرعة ترحين تسبحين وتغيرين ملابسج.
بنين::اي لان هسه اكيد أبوي يبشر عماتي.
_رغم فرحتهم بيه بس انه مكسور خاطري
كوى اخذني لبيتي ،طلعلي ملابس اختارتهن بنين.
بنين::حلوة هل دراعه چنها فستان .
_اي هاي سونه جابتها الي.
نغم؛:صدك خابريها تجي تفرح ويانه.
_دنكت بقهر ،، تقربت عليه حظنتني.
نغم::اكو شي شو وضعج ماعاجبني؟
_ماكدرت اضم عليهن گلتلها سافرت من امس.
نغم؛:وين راحت؟
_للزيارة وكالت ابقى كم يوم .
بنين::اي حقها لان الوحدها اكيد تضوج.
نغم::ترجع بالسلامة خليها تتونس.
_رجعنا لبيت الحجي،،البنات راحن جهزن نفسهن
كاعدين بالصاله والحجي بالاستقبال العصر دخل مولي يعت بالخوف كوى لازمه طفرنا انه البنات .
وفيه::ولك وين مدخله علينا شبيك.
مولي::كلت اعرفه على بنينه قبل مانذبحه
اذا تريد تاخذ ويا صور .
وفيه::امشي ربطه بالكراج .
_الخروف خبصنا يمعمع ويريد يفلت نفسه من
قضبة مولي وهذا مجلب بي ،،انوب دنك يتفحص
الخروف.
مولي::شوبله خل اشوفه خاف حرارته مرتفعه ميصير ينذبح لازم انعالجه.
بنين::اي ضربة ابرة .
_نقذنا الحجي دخل كفخه من ورا على علباته.
أبو اسعد::لك انته غبي شكو مدخله اهنا
امشي ربطه برا .
_دار وجه مولي عود ماقابل طلع الخروف
للكراج ورد يسأل.
مولي::هسه غير نعرف المن نفدي.
أبو اسعد::ثابت وين ؟
مولي::عندة شغل ،، كال اخذ الخروف وروح
خاف عدنا خطار ،، هسه شنو اخابر الگصاب ؟
أبو اسعد؛:لا خل يجي ثابت .
مولي::يابة ترى هاي شغلة مايحتاجلها حضور
قابل تريد تفتتح مشروع ولازم يحضر مدير الشركه
_اتصل الحجي بثابت وگاله .
أبو اسعد::وين انته يابه موگتلك تعال،ديله مر
على اسعد جيبه وياك ،لا ماكو شي بس حاب نتعشى
سوى البنات اليوم رادن اكل من برا .
_ماعرف شنو رد عليه ،بس الحجي مانطاه مجال
كاله انتضركم ،سدة والتفت على مولي.
أبو اسعد::كوم احجز عشى من برا .
مولي::جا هذا الخروف المن جبنا؟
أبو اسعد::معليك لاتدخل انته مهمتك تضرب ابر.
_متت ضحك والبنات غصن ومولي ضل يتلفت
تالي طلع مسوي نفسه زعلانه . خاله كالتلي.
وفيه::اي والله تعبن البنات من الطبخ خلونا
اليوم ناكل من برا .قيادة عزمي اخيتج خطيه
هم تجي تتونس وهم تبشريها بحملج.
_مو هنا امس سافرت،، التفت عليه الحجي
أبو اسعد::وين راحت؟
_للزيارة وثابت يدري ترخصت منه.
أبو اسعد::يابه شلون تخلوها تروح وحدها.
وفيه::ماعليها شي والبنيه معدله وشاطرة
هم حقها ضلت لو حيدتها تمل .
_همزين خاله سدت الموضوع .
أبو اسعد::الله يحفظها ،،كومن بابا سجلو قائمة بالتردو ،، وحسبو حساب الولد بالعشى.
_عاد بنين ماقصرت،، حتى جبس ليز گالتله
جيبلنا حجم كبير و على العدد.
مولي::شنو هل تبذير خو كل اثنين بواحد.
نغم::وانته دافع من جيبك ترى عمو الي
راح ينقط .
مولي::اجيبلج معمل جبس بس كليلي
شنو مناسبة هل شغله أبوي ماعوزة بس يخلي
جناحات ويطير ،، رحمه على والديجن غششني.
بنين::لا تعب نفسك لان أبوي مايقبل
نحجي .
مولي::چا شيصبرني ؟
_ملتهين ويا مولي نسجل الي نريده
ودخلت اريج باوعتلنا مسنغربه سالت
اريج::ها شكو منو راح يجي؟
نغم؛:مفاجئة.
_لا صدك منو جاب هل خروف .
بنين::جابو هدية جماعة أبوي .
_سكتت اريج بس مامقتنعه دخلت للصالة
واحنى كملنا طلبات لمولي اخذ الورقة وراح
نغم::خل اتصل بااياد اذا يكدر يجي لان هو اليوم
على أساس يبات بلكي يفلت ساعه .
_ضلت اريج كل شويه تسأل شكو وهمه يتهربون
من الإجابة ،،لحد مانجمعو والحجي هم مو هين
خله الكل بحالة فضول اجه ثابت جايب الباشا ويا
وشكد ارتاح الحجي من شافه سلمو وكعدو.
ثابت::ها يابة شو ماذابحين عبالي عندك خطار.
أبو اسعد::باجر أن شاء الله.
الباشا::شمعنى ؟
أبو اسعد::حاب اعزم اخواتك وعماتك ذيج الفترة
يجون ويرحون وانه مشغول بيك وبخطارك .
الباشا::ربي يحفظك.
_شاورتني نغم :
نغم::حضري نفسچ هسه ثابت يطير من الفرحه.
_اسكتي اصلا ميته من الخجل .
نغم ::هسه من تشوفين البشارات الينطوجياها
تتمننين يوميه تحملين .
_ضحكت، بنين گوى ساكته ولو ما تخاف من ابوهما
جان فجرت الخبر ادنت علينا تحجي بصوت ناصي.
بنين::من هسه نتفق ترى شينطوج بالنص:
نغم::ليش شايله وياها ايد رجل؟
_هنه يحجن وانه بالي مشغول بسونه
رفعت راسي ثابت مسلط نضرة علية،صفنت
على الباشا الي يلاعب باابنه ،،واريج طول الكعده
ايدها على بطنها،، انشغلو بمواضيع عامه.
أبو اسعد::شنو اخبار خالك
الباشا::امس يمي مكمل معاملتي والادارة
موافقين على إجازة لحين ماابلغهم بشفائي .
أبو اسعد::خير ان شاء الله .
بنين::يعني شوكت يحجي أبوي ترى تعبت.
_وگانو سمعها ،،حجى موجه كلامه الكل.
أبو اسعد؛:جنت اسمع يكولون اعز من الولد ولده
بس هاي المقولة غيرصحيحه لان من خلف اسعد زادت معزته بگلبي .احساس حلو من تكون جد
وتحس بفخر ،،بس يبقى الابن هو صاحب المكان
الأكبر بالقلب .
_هزو روسهم مؤيدين كلامه.
أبو اسعد::حمدت ربي من رزق اسعد وبنفس الوقت شكرته من خلفن البنات،،وتدرون بمحبتي لثابت تختلف فكنت ،دوم ادعي اللهي عيشيني احساس فرحتي بثابت ،، ردت اجرب شعور محبتي لابنه، وسبحانة الكريم الي زرع محبتك بگلبي
مارد دعوتي واليوم فرحتني قدورة بهل خبر .
_نزلن دموعي شكد حلو كلامه ،، كام ثابت حظنه
والولد فرحتهم ماتنوصف دنكت خجلانه .
الباشا::مبروك قيادة .
اياد::ربي يرزقج بذريه تعوضج عن اهلج
ويكونولج سند مبروك .
_كلامهم خلاني ماعرف ارد،، ماتوقعت هيج
يفرحون ،،الكل باركلنا اريج رغم صدمتها بس هم
باركتلي،، اشرلي الحجي كمت صارت كعدتي بينه وبين ثابت،، دنكت متهربه من نضراته،،حجه مسمعتني
ثابت:'حتى هاي هم ضميتها عليه.
_باوعتله بزعل .
أبو اسعد::الف الحمد الله على فضلة قيادة
بابا الج التردي شنو ابالج هديتج حسب طلبج
_كوى طلعت الكلمه مني ، اشكرك عمو .
وفيه::ثابت من زمان مخلي فلوس ذهبها عندي
وكل ماريد اروح اشتريلها تصير شغله عاد هسه
اجه وقتهن يله الي انطوها حتى تشتري بيهن
قطعة ذهب تبقى ذكرى .
الباشا::انه انطيها راتبي هل شهر .
ثابت::كفو ،، بعد أبو فليس شو مغلس.
_باوعت اريد اعرف يقصدمن تفاجئت من حجه اياد
اياد؛:يابة غير مايغلى عليك شي وانه هم انطي
أربع ورقات.
_الكل ضحك،، كام أبو اسعد شويه ورجع
بيدة علاكه حطها بحضني صاحت بنين .
بنين؛:يابه شكد انطيتها.
أبو اسعد::الهديه ماينحجي بيها .هل شي
بيني وبين قيادة .
_تشكرت منه،،بس شنو احس بروحي عركت
من الخجل التهو يحجون عن عزيمتهم لباجر
أبو اسعد::باجر اعزمو عماتكم واخياتكم
ومحمد خل نبشرهم .
_فززنا مولي بصوته من وهو بالكراج يصيح .
مولي::وينجن تعالن اخذن الأغراض
رايح اجيب صمون تردن شي بعد .
_طفرنا انه والبنات والحجي يضحك علينا
لحكتني خاله .
وفيه::ولج قيادة شلون غير ديرين بالج ماما .
_ههههههه نسيت ،، راد يطلع مولي صاحته أمه.
وفيه::تعال ترى فاتك الموضوع.
بنين::يمه كليله قدر حامل،وفضيها.
_وگف يباوعلنا طبك الباب ودخل،، متوجه على بنين مالحكت تشرد،، لزمها عبالي مدري شيريد.
مولي::ادري هاي سوالفج حتى تاخذين البشارة
عاد خلينا نتفق النص،، ليش اسحلج سحل
وروح جدي ، اضربج ابرة .
بنين::دعوفني هو غير كون انه محصلة
ولك قدر لعبتها صح وهيه بشرت أبوي.
_احس صفحتي گامت توجعني من الضحك
وهو مجلب بيها مامصدك تالي أمه دفعته
باوعلي يا اريد اسكت ماكو ونغم وياي .
مولي::يعني شسوي هسه
نغم::بعد فاتتك انتضر من تريد تعرف جنس الطفل
عود انته اخذها وتعال بشرهم .
_عافنه ودخل عليهم اسمعه يهوس
مولي::يابه عاد خلوني انه ابشر عماتي وعمي محمد
_دخلنه الأغراض ونغم وبنين كعدن يجهزن بالاكل
صاحن على مولي
نعم::تعال جيب الصمون يمعود.
مولي::مخليني بس للگراب.
وفيه::شد حيلك وعرس واشبع هداية وبشارات.
_وكف باوعلها شو هذا راح للكراج ورجع
بيدة خيط لفه على بطنه .
مولي::هيج قصدج يمه لو بعد إضبة اشويه.
وفيه::دمشي جيب الصمون .
_گملنا عشى ولمتهم وسوالفهم ماينشبع منها
تاخر الوقت كام ثابت وكالي يله،،طفرت بنين
تتوسل بالشقى.
بنين::عفيه ثابت عود من تعرف شنو بالعلاكة
دزلي مسج ترى ماراح انام.
أبو اسعد::مو كيفه هل شي بس لقدر.
_التفتت تباوع لابوها بزعل،، اشرلها الباشا تعاي
ركضت يمه مدري شنو شاورها بس مااقتنعت عاد
انه عجبتني السالفه وحالة الفضول الي صابت
الكل مو بس بنين ،،وحلفت مااحجي عن الي بيها وداعناهم وطلعنا بس صعدت السيارة كتله انطيني نقالي مد ايده لجكمجه طلعه وشمرة بحظني
باوعت اكو مكالمات من سونه اتصلت بيها ماردت ضليت اكلب بي ماكو رسائل .التفت سالته جاوبتك
ثابت::اي
_حجاها وسكت وصلنه للبيت ،،عفته يقفل بالباب ودخلت كررت الاتصال بسونه، ماجاوبتني دكيت
على مديحه
مديحه::ها قيادة شلونج.وين انتي ضل بالي شكد اتصلت بيج ليش ما تردين
_حجيتلها مختصر عن الصار
مديحه::اخبارج تحير مثل نسبچ ابوج اسود
وامج شگرة .
_ترى مالي خلك سوالفج طمنيني على سونه
مديحه::زينة قبل شوية جنت احجي وياها.
_وين هيه ؟
مديحه::بغداد وبلغت ثابت بكلامها،،هو يحجيلج.
_يمعودة دحجي ترى انه ويا متزاعلين.
مديحه::هسه تصالحون ،،المهم هيه ناويه
تدخل دورة مال تجميل يعني عند مركز معروف
كالت فرصه هم اتعلم وهم أبعد عن الباشا.
_وشكال ثابت ؟
مديحه::مجبور سكت لان مايندلها بس اكيد
الباشا راح ينبش العراق عليها.المهم رفض يبيع
البيت كايللها ماتطليعين من يمنا .
_اذا هيج ليش ماجاي ترد عليه؟
مديحه::اكيد تخابرج يجوز زعلانه منج،،ويله روحي
خليني انزل اشوف فطوم شبيها تصيح بلكي طفر عليها جني .
_سدته بوجهي بقيت محتارة دخلت للغرفه تمددت احس ضهري انكطع من الكعدة دخل باوعلي وهز ايده ماراضي .
ثابت::شنو راح تنامين .
_رديت بزعل ،لا بس ارتاح شويه رايد شي.
ثابت::اي كومي .
_حجاها وطلع ،،كمت بدلت ملابسي وتبعته
لكيته كاعد بالصالة كعدت كبالة وقبل مااسأله
حجه .
ثابت::اعتقد عندج علم بتخطيط اختج.
_هسه مديحه كالتلي.
ثابت::المهم اذا اهلي سألوج تكولين ثابت عنده
علم حتى ماينتقدون تصرفها ،، لحد مانشوف الباشا
شراح يسوي.
_مافهمت يعني شيسوي.
ثابت::الصبح كلتي عدها رجال هو مسؤول عنها
بعد ماندخل هو وياها .
_خو مانعوفه يأذيها .
ثابت::لو تدري بي يأذيها جان ماطلعت هيج طلعه.
_ليش احسك ماقابل .
ثابت::لان أعرف هل شي يخليهم ياخذون عنها
نضرة سيئه لان اختج وسمعتها تأثر عليج.
_مادام محد يعرف بعقدها من الباشا فطلعتها
مابيها شئ ،، نكول مثل ماكالت عادي راحت تزور
وهم تدخل دورة تتعلم بيها،، هز رأسه تمام كمت
من يمه دخلت سبحت ،،شعور الحمل حلو احس
شيء داهم مشاعري ،،وشكد اتمنيت امي موجودة
وتشاركني فرحتي،،بقت هل حسرة بگلبي نشفت
شعري وتعطرت كمت غيرت فرشه للجرباية سمعت خطوات قربت بسرعه جريت الغطى
وتلفلفت ،، ثواني وهو ماكو رفعت طرف الحاف باوعت شو الغرفة ضلمه صدك حز بداخلي يعني
شنو مافرح بحملي لو شنو گمت امشي على اطراف اصابعي باوعت بالصاله ما لكيته ،، مديت راسي للغرفة الثانيه فارغه خذتلي نضرة بالاستقبال
بدة الشك يتسلل لگلبي ،، والف فلم وسالفه خطرة
على بالي فتحت باب المطبخ وطلعت لمحته بالحديقه تلفونه على اذنه.حاولت استمع لحديثه
ويا من يحجي بهيج وقت.
ثابت::لكل بداية نهاية ،، كنت خايف الله بيج
وعاملتج بااحترام رغم اسائتج واغلاطج.
_عرفت يحجي ويا مريم احس نار واشتعلت بگلبي
مشيت بخطوات سريعه وكفت كباله باوعلي ورد
مكمل كلامه .
ثابت::لا ماترهم بعد وماخفي عليج انه مااكدر
اتقبلج كزوجه لان قدر ملت عقلي وروحي .
_رغم رده الها ،،بس ماكدرت اكتم غيرتي
نزلن دموعي درت وجهي اريد ادخل بسرعه
نهى مكالمتة وياها ولزمني .
ثابت::شكو تبجين .
_انته مو تفقت ويا ابوها تطلكون.
ثابت::أي وهيه اتصلت طالبة فرصه ثانيه.
_وانته تريد تنطيها فرصه
ثابت::سمعتي الدار بينا.
_وليش كاعدة هنا تحجي وياها.
ثابت::ماردت اغثج.
_خوش ، ابقى كمل كلامك وياها.
ثابت::خلص الكلام ومابينا غير الخير تبقه عرضي
والله يوفقها بزوج يسعدها ،، أن شاء الله باجر ادز على ابوها نحدد موعد للطلاق.
_هزيت راسي اي،،مد أيدة رفع وجهي غمضت متهربه من نضراته عرفت دنك عليه من انفاسه
الي وترتني .
ثابت::مشتاقلج،، واريد احتفل بيج وتكون هل ليله
مميزة،، شو فتحي عيونج
_يحجي ويبوس بوجهي ،باوعتله ابتسم بمكر
ماحسيت اله شايلني ..
ثابت::بس مو ،، دخلين بشهر التاسع
وتكولين شيلني
_حاوطت رگبته بأديه ،، وسالته انته فرحان بحملي
ثابت::شعور يعجز السان عن وصفه بس ممكن
اترجمه الج بالفعل .
_شكد صارلنا متزوجين ،،واعرف يحبني
بس اليله كلشي اختلف وفعلا ترجم مشاعرة
غفيت وانه بحظنه كعدت الصبح على دفو بوساته
ثابت::صباح ابيض مثل قلبج.
_ترى اخجل .
ثابت::احب خجلج رغم وكاحتج البارحة
_جريت الغطه لوجهي .
ثابت::هههههه يله كومي جهزي نفسج بين ماروح
لبيت الحجي وارجع اخذج
_لحظه تعال خل انشوف العلاكة سوى
ثابت::دكومي ولو متأكد من محتواها
شيء يخص امي .
_وفعلا من فتحناها لكيت داخلها فوطه بيضه
ريحتها تخبل وسبحه وكاتب صغير زيارة عاشوراء
محبس بي شذرة زرگه ،ومبلغ مبين من الحجي
كسر خاطري دنك يشم بالشيله ويتحسر جريتها
منه بضحك ، عوفها لاتخرب عطرها لان انته ادخن.
ثابت::بس لا تكليلي اتضوجين من ريحه
الجكارة ؟
_لا بالعكس احبها من تنخلط بعطرك
ثابت::وانه احب كلشي بيج
_يااا عوفني اريد اكوم اسبح. وبعدين انته توك
قاطعني وهو ياخذني بوسه
ثابت::أي ونسبح مرة ثانيه .
_لحد ماصار الساعه ب11كوى خلصت نفسي من حظنه سبح وطلع يضحك .
ثابت::يله الحجي منتضرنا خواتي كلهن جايات
كملي وخابريني .
_ضميت الأغراض ولبست المحبس ورتبت
نفسي ،، وقبل ماخابرة اتصلت بسونه طولت يلعب
ردت
سونه::رغم زعلانه بس مشتاقتلج،،طمنيني شلونج
_حجيتلها بالتفصيل
سونه::الله يهديهم الج وديري بالج على نفسج
_شوكت ترجعين؟
سونه::أكمل دورتي شهر أن شاء الله.
_وين كاعدة ؟
سونه::فندق قريب على المركز وهواي بي بنات
جايات لاجل هل موضوع .
_خوش بس تتوقعين الباشا يسكت
سونه: تفكرين انه ويا نتصافه .
_نهيت مكالمتي وياها واتصلت بمديحه.
مديحه::ها قيادة شو الاخبار طنينا عنك
_اليوم گالبة الموجه على السوري.
مديحه::شسوي من كثر ما باوعت مسلسلات
_خوش ماتجين اعيالي مسوين غدة.
مديحه::لا خليها غير يوم لان طارق طالع
روحي ومن ترجعين وافيني بالاخبار، يله باي.
_اتصلت بثابت گتله انه اجي لادز مولي
طلعت اباوع الشارع كلها قرابيهم بحيث نسوانهم
تمشي بأامان وصلت تلكني خوات ثابت وبنات محمد ومن ضمنهم إم اريج سلمت عليهن وشبعت
بوس وأكثر وحده فرحانه إم جواد .
إم اجواد::ريت ربي يتمم عليج بالصحى .
_الكل فرحان وشكد دعو لنغم وتستحق الدعاء
بعد الغدة ترخت إم اريج وراحت وبيت محمد وبناته هم راحو بقينا بس احنى صاحتلنا خاله
وفيه::بعد مادام قدر حامل واريج هم
انه ارجع اطبخ واذا عدنا ضيوف نجيب طباخ
وشغل البيت بنونه واريج مامقصرات،، وانتن الخفايف
_رديت عليها ،، خاله ترى المواعين والجاي
عليه ترى مايتعب هل شغل واحنى بعدنا بداية حمل .
وفيه::ميخالف انتبهن لنفسجن .
_وهيج مرت ايام والمصيبه انه صارت روحي بي
وهو مكيف واكفه بالحديقه انتضرة دخل توجهت
عليه حظنتة اشمشم بي ضحك.
ثابت::كون تبقين العمر كله حامل .
_صرنا ماتروح لبيت الحجي نخلص وقتنا
سوى وشكد تعلقت بي هاي الفترة اتصالاتي بدونه
مستمرة وهو هم يخابرها يطمن عليها الباشا محد يعرف شنو اباله لو شناوي . سكوته يخوف، تعدة شهر وتفاجئت من خابرتها وكالت.
سونه::جددت أستراكي بالدورة اريد تضبط
الشغلة كلش .
_سكتت ،، رغم فراگها مأذيني بس اعرف ماراح تتراجع ،وصلني لبيت الحجي وراح بشغله
ومثل كل يوم نخلصها ،، سوالف واكل اريج بطنها كبرت وقررت تروح سونار خذتها أمها منتضرين تبشرنا اجت تمشي بتعالي .
وفيه::ها بشري؟
اريج::ولد .وينه خالو خلي يحضر هديتي
وفيه::ادللي .
_باركنالها وامها راحت ،، فرحتي بحملي نستني
هواي أمور ومن ضمنها أصل نسبي وهذا الي نبهتني عليه اريج بطريقه استفزازيه استغلت
انشغال البنات وكعدت كبالي تحجي بحيث
اريج::تدرين بالسونر وافكر بيج.
_رفعت راسي باوعتلها نعم مافهمت
اريج::اي والله يعني الي اعرفه هو الأمر يتبع
الوراثه لاتزعلين بس يعني اقصد لاسامح الله شلون
لو طلع طفلج اسود وشعرة ملفلف كارثه خطيه
ثابت اكيد العشيرة راح تنبذة .
_عبالك نبهتني ،صفنت افكر بكلامها ونوب هيه
مستمرة تحجي
اريج::يعني اذا ولد اكيد محد من عمامنا راح ينطي مرة واذا بنت لا هاي كارثه بالحالتين ثابت لاراح
يناسبو ولا ينطو اله يروح يذب جرش ويا العبيد
_حجتها وكامت ،،ضليت أتلفت ردت الوقت يخلص
ماكدرت ابقى لحد مايجي ترخصت من خاله بحجت
تعبانه اريد اروح لبيتي .
وفيه:: شكو رايحه تبقين لوحدج وانه يضل بالي يمج ادخلي بغرفة بنونه ارتاحي
_لا. مو اريد اسبح .
وفيه::دوكفي خل البس جواريبي واوصلج
_ماصدكت وصلتني وراحت ركضت فتحت
نقالي ودخلت أبحث من كثر ما مركزة ماحسيت
شوكت اجه رفعت راسي اباوعله هز رأسه شبيج
ابتسمت جذب كمت بوكته
ثابت::شو كالو تعبانه بيج شي اخذج للدكتور
_لا بس معدتي اذتني وخجلت اتقيئ هناك
ثابت::دجهزي نفسج العصر نروح الدكتورة
_لا لا مابيه شي ،، باوعلي بشك حاولت اغير
الموضوع للعصر هو طلع وهاي صارت سولتيش
ادور الفرصه أبحث عن اجابات علميه اريد اعرف
حقيقة الموضوع وكل موقع ينطيني إجابة مختلفه
اسبوع وانه صارت حالتي تثير الشك اروح لبيت الحجي. إسقاط واجب وارجع اكابل النقال وهو مستغرب حالتي خابرت سونه سألتها
يومه::ماعرف بهيج شي بعدين كله بيد ربح
قابل انتي غاشتهم اذا طلع اسود والا ابيض انتي
صانعتة .
_ماكدرت أعمق بالسؤال لان حسيتها اتغثت
اتصلت بمديحه وهم سالتها
مدينه::شوفي حسب ماشفت من تواجدي بين
اصحاب البشرة السمرة اذا الأب اسمر
والام بيضه اقصد اسود والام حرة حسب تعبير الناس .
_المهم كملي.
مديحة:يطلع الطفل مختلط. ويسمو مواد
والبنت يكولون عنها وصيفه.
_اجابتها ماقنعتني وهل موضوع دمرني تعبت
بحيث صرت اسرق الوقت انتضر ثابت يطلع
لو ينام واكعد أبحث راسلت اكثر من دكتورة
وجانو يستغربون سؤالي واكثرهم تعاطفو وياي
بس مااقتنعت ،، كاعدة وعيوني بالنقال اقرء مضمون بحث بتركيز ،، كمزت من أنجر النقال من ايدي رفعت راسي لكيته يباوع لنقال دنكت خجلانه
العبرة خنكتني ،، شمر النقال وكعد بصفي
لمني لحظنه وحجى بهدوء
ثابت:: أن اختلاف ألوان البشر هو نتيجة لقدرة الله في خلقه وتنوعه. فقد ورد في الحديث الشريف أن الله خلق آدم من قبضة قبضها من جميع أجزاء الأرض، فجاء بنو آدم على قدر اختلاف أجزاء الأرض، منهم الأبيض والأحمر والأسود. يرى البعض أن هذا الاختلاف في الألوان يعكس أيضًا اختلافًا في الطبائع والصفات، وأن كل لون هو آية من آيات الله.
_بس الناس ، قاطعني،، ورد
ثابت::خلق الله الناس مختلفين في اللون لحكمة عظيمة،، ولكل لون بشرة ميزته وجماله الخاص.
_خايفه
ثابت::من شنو؟
_يعني اهلك اذا جبت..
ثابت::اشششش ،، فكري انه احبج واكيد راح
يكون مميز بالنسبة الي لان من عرفتج وعرفت
نسبج،،كلت سبحانك ربي اذا هاي صارت قسمتي
ورزقتني منها طفل يأخذ صفاتها ويجمع بين نسبة
ابوها شلون راح يكون جمالة اكيد يطلع مميز
_رغم كلامه بس التفكير بالموضوع
تعبني كلش انعزلت عن الكل،، وهل شي خله
ثابت تعب احتار شلون يقنعني بس اكثر الدراسات
العلمية ثبتت الوارثه عامل اساسي ،،اباوعله صافن
اريدة بس يطلع وهو مصر يوديني لبيت الحجي
ثابت::يله عيوني انتي خطيه الحجي مشتاقلج
وكلهم قلقين عليج . گومي يابه
_ماروح كتلك أريد انام تعبانه عود باليل تعال عليه
ثابت::لاتخليني اجبرج كافي كتلج حرام الي جاي تفكرين بي كولي يارب ارزقني طفل بصحى وعافيه
_اي اي كلت روح لاتتاخر على شغلك،، عافني
وطلع شويه ودخلت خاله والبنات ،، تلكينهم
وفيه::شبيج ماما ليش هيج عزلتي منا
_تعبانه ومعدتي دوم تأذيني اخجل مرات متتحمل
حتى الماي ،،
نعم::يله هيه النسواة فترة وتخلص بس انتي
لازم ديرين بالج شوفي حتى وجهج متغير .
بنين::ابقى يمج انه .
_لا لا ترى مابيه شي .لاتقلقون.
وفيه:: لاتتحركين والاكل انه اجيبلج الي تشتهينه دزيلي رسالة كولي اريد فلان شي.
نغم::وبالنسبة للتنظيف يوم انه ويوم بنونه
وملابسكم هم .
_لحد ماطلعن انه افكر وماعرف شلون سيطرت
عليه هل فكرة صدك لو كالو الشيطان عدو الانسان
يومين احس راسي يريد ينفجر ،، يجن البنات ينضفن ويغسلن ملابس والاكل خاله اجيبه بوقتي
بس انه انتهيت حتى مكالماتي ويا سونه قلت
باوعت للنقال مالي خلك اريد كوى جاوبت
مديحه::بت الصخل شو تردين من ورا خشمج
شبيج ؟
_اكلج شي بس بروح امج ماتحجين لسونه
مديحه::فضيها شمفينه من مصيبه؟
_اريدج تجيبلي دوى ،، انزل الطفل ماريدة
مديحه::فلك فلك راضي بگبرة ولج بنت الصخل
تخبلتي تخبلتي غير تموتين واذا ماموتج النزف
ثابت يخنكج بعلاكة سودة قدرررر
_طرشت اذاني ،، تصيح وتغلط
مدينه::وروح امي ياقدر.
_خفت تحجي لسونه وهذيج اكيد تبلغ ثابت
صحت شبيج ،، ترى اشاقه وياج .
مديحه::عود انه زوج امشي البلكه إم الزيران
وروح امي اخلي سونه تجيج اسحلج سحل ولج
شحال لو ما شفتي بعينج اختج وصلت الموت بوقتها فكري بروحج
_بجيت ،،جا شسوي اذا طلع اسود
مديحه::وانتي صابغته بيدج وهو مايدري بنسبج
ترى ثابت واهله مو غشمه واكيد حسبوها الف مرة قبل مافكرو يزوجونج لأبنهم ناس تخاف الله مايعترضون على خلقه امشي انعلي الشيطان.
_مانعلته وسيطر على عقلي وبدون خوف
دخلت للغرفة كمت اصعد الجربايه واطفر منها
نوب طلعت للدرج ونفس الحاله احس رجليه تكسرت كعدت اديه على راسي مر اليوم ،، بين
كلامه ومحاولته للإقناع حتى يطلعني نتعشى برى
ثابت::شتكولين نسافر كم يوم نروح تزور.
_لا مابيه ،،حظني وهو يستغفر كعدت الصبح
لكيته طالع باوعت احس البيت يريد يخنكني
دكيت على سونه حجيت وياها شويه واخذتلي مشوار ويا مديحه.
مديحه::ها إم السوادين شلونج
_مو زينه .
مديحه::باجر اجي ابقى يمج لليل .
_خوش هلا بيج ، يله روحي خل اكوم اشوف
شي اكله،، سدته وهيه تضحك ومدري شلون دخلت اليوتيوب ضهر كدامي فلم اجنبي البطل اشگر والبطله سمرة اندمجت اباوع بفضول والقصه حلوة
همه يحبون بعض وبعد فترة عرفت بنفسها حامل
وقررو يتزوجون وكل هل الاحداث ماهمتني قدمت
الوقت لحد ما ولدت وهنا الكارثه من انطو الطفل
انه شفته اسود وانه اتخبلت ،،ضليت افتر بالبيت
شلون المجنونه بغباء گمت اضرب بطني حيل
لحد ما الألم ملخني ،،ضليت محتارة اريد بي شي
يخفف هل لويات ركضت للثلاجه طلعتلي مسكن
كلت هسه يخف شو الألم كام يزيد خابرته رد بقلق.
ثابت::ها يابه
_بطني تأذيني تعال راح اموت
ثابت::جاي جاي لحظه خل اتصل باهلي
يجوج بين مااوصل
_خفت حيل وبلش الندم يداهمني فوك الألم
التفكير ،،لحد اندك الجرس باوعت نغم وخاله
كوى كمت فتحتلهن طبن يباوعن بوجهي
وفيه::ها ماما شبيج شنو يوجعج
شسويتي خاف شايله شي ثكيل.
_لا اصلا توني كعدت
نغم::ديله البسي بين مايوصل ثابت حتى ناخذج
للمستشفى
_كومتني نغم بدلت ملابسي بس الألم دمرني
احس شي يتشلع من بطني بعدني الف بشالي
وحسيت النزف بين رجليه دنكت أعصر بطني
نعم::لا دنكين هيج يمعودة ليش تعصرين بطنج
شو انطيني ايدج ،، يا شنو هاي عمه وينج الحكي
_ضلت تصرخ انوب من شفتهن هيج خفت بالزايد
وفيه::اسم الله الرحمن ولج خابري شوفي وين صار اذا يتاخر اطلع اجيب تكسي البت راح تروح
منا شو ماما تعاي اتمددي .
نغم::اجه ثابت يله .
_دخل فحطان كالتله خاله تنزف دنك سالني وركضت بيه للسيارة مددني بالكشن الورا صعدت يمي نغم وخاله بالصدر
وفيه::اطلع بينا للمستشفى ترى أول وتالي تحولها
الدكتورة
نغم::اي مستشفى ال.... بيها جناح للولادة
_وصلنه ركض جاب عربانه معدني بيها ولان المستشفى اهليه تعاملهم يختلف استلمتني الممرضه منه دخلوني وخاله وياي شرحت للدكتورة حالتي مباشرتا حولتني سونار
وفيه::لا تخافين ماما أن شاء الله مابيج شي
_وهنا المصيبه الي كشفها السونار مدرب
الدكتورة لاحظت الكدمات الي بطني،، باوعتلي بشك غمضت متهربه منها.
الدكتورة::احد صاربج احجي لاتخافين .
_لا محد
الدكتورة::بس علامات واضحه على بطنج
_بجيت بخوف لزمت ايدها اتوسل الله يخليج
لاتحجين لان اذا عرفو يأذوني انه الي ردت اسقطه
فكت عيونها مصدومه
الدكتور::ليش هيج تركج من كل شيء بس ماخفتي
تموتين اذا ماعندج استعداد ليش حملتي
_ضلت تحجي وترزل بيه ،، وانه اتوسل بيها
الدكتورة::على عموم هو الجنين بخطر ومهدد
بالاسقاط .
_عافتني على سرير الفحص ومشت سمعتها
تحجي ويا العامله كالتلها اخذيها الدكتورة
نزلت ملابسي وساعدتني الممرضه نزلت للعربانه
طلعت لكيت خاله بالباب
وفيه::ها بشري ،، تولت الرد الممرضه
الممرضه::هسه الدكتورة تشوف نتائج السونار
_دخلني الدكتورة وانطتها ورقه السونار
تباوع بالورقة وترجع تباوعلي،، وخاله يمي
وفيه::ها دكتورة خو ماكو شئ فدوى طمنيني
الدكتورة::شتصير منج المريضة
وفيه::جنتي .
الدكتورة :زوجها وين ؟
وفيه::موجود برا بس ليش ترى قلقتيني
الدكتورة::طفلها مهدد بالاسقاط راح اكتبلها مثبتات
بس خلي زوجها يجيني .
_راحت خاله تصيحه احس رجليه كامن يرجفن
وهيه خلصتها وياي خزرات دخل ثابت سلم اشرتله
يكعد
الدكتورة::ممكن اتعامل وياك بمهنيه ،واكولك مااكدر اعالجها،،بس لان عرفت هيه الي محاولة والإجهاض
_باوعلي مستغرب دنكت
ثابت:'مافهمت يعني .
الدكتور::من خلال الفحص ضهر كدمات والضاهر
على بطنها وهل شي خله. الجنين بخطر وحسب
مافهمت انو زوجتك هيه الي ضاربه نفسها،، فاذا حابين تحتفضون بالجنين اكتبلها مثبتتات
ثابت::اشكرج جدا ،اي شيء يحافظ على
صحة الجنين وامه سوي واكون ممنون
_التفتت عليه الدكتورة.
الدكتورة::اذا هيج زوجج يحبج ليش ؟
ثابت::قطعها هو.
ثابت::زوجتي تمر بازمه نفسية اتمنى ماتضغطين
عليها وياريت يبقى هل الأمر بينا ماريد اهلي يعرفون .
الدكتورة؛:تمام لعد اليوم تبقى تحت المراقبه.
_هز رأسه تمام وكام بدون ما يباوعلي طلع
احس الدنيا صارت سودة دنكت ابجي دخلت
خالن ونغم وياها خذتني الممرضة دفع دخلتني اعرفه كوى صعدت الجرباية ،، شكلتي كاينولا ومباشرتا بلشت بالعلاج ضربوني ابرة توقف النزف ونطوني مسكن اباوع لخاله ونغم بقن محتارات .
وفيه::نامي ماما هاي احنى يمج لاتخافين
أن شاء الله مابيج غير العافيه .
نغم::انه راح اروح ويا ثابت اجيبلج ملابس.
_هزيت راسي اي طلعت نغم شويه شويه كمت
اغفي ،،نمت ودموعي تصب ،،ولو ادري راح احلم ماغمصت عيوني ،، بالطيف جني گاعده بمكان
بي هواي نساء حوامل هو مثل المستشفى
واجت مرة وجها ماواضح وكفت كبالي بيدها
طفل دنكت تريد تخلي بحضني باوعتلها مستغربه
كالت هذا ابنج ،، دفعتها وانه اخلي ايدي اتلمس بطني واكلها لا انه بعدني ماجبت بس تفاجئت من
تحستت بطني ولكيتها فارغه ضحكت المرة وكالت
ها مو كتلج هذا ابنج باوعتله اريد اشوف وجه
لان هيه ملفلفته اخترعت من شفته يشبه الطفل الي بالفيلم ،،صرخت حيل ماريدة هذا اسود لا اخذي اخذي،،شمرته بحضني ومشت وانه كلبت الدنيا أصرخ احس روحي راحت وخرت الطفل من حضني وابجي بصوت تعاي اخذي ماريدة دفعته
من يمي وغمضت ماريد اشوفه ومدري شلون درت وجهي ولمحت خاله تقدمت عليه وصفكتني راشدي
وفيه::ولج ماما بس فكي عيونج فدوة اروحلج
شبيج اصحي قدر قدر .
_شهكت بخوف اريد اركز وين انه وين الطفل
اباوع خاله والدكتورة فوك راسي نغم واكفه
على صفحه.
الدكتورة::قدر تسمعيني .
_باوعتلها وهزيت راسي اي ،، بس عفيه
طلعي الجاهل من بطني ماريده.
الدكتورة:: بعدج تحسين بالالم
_مديت ايدي لبطني اتحسسها، ماكو الم.
بس كتلج ماريدة
الدكتورة::تمام . هسه انطيج علاج ينزله.
_حجتها وطلعت لحكتها خاله ،،ونغم تقدمت عليه
تحجي بهدوء
نغم::تكومين اغسلج وتغيرين ملابسج .
_اي بس احنى صار شكد هنا ؟
نعم::من امس .
_ثابت وين ؟
نغم::برا هو وعمو بس يستحون يدخلون لان
الجناح مال نساء هسه أصيحه بس خل اغيرلج
_كومتني للحمام الي داخل الغرفة،،سبحتني
وطلعتني مالي خلك روحي الحلم ماجاي يروح من بالي الطفل وشكله مثل الثورة وتعلكت بعيوني.
نغم::يله لفي حجابج رايحه اصيح لثابت.
_بس اجه گتله ،،كلهم خلي يطلعونه من بطني حجيتها وبجيت
ثابت::حمد الله على السلامة يابه.
_كتلك خلي ينزلو ماريده
ثابت::اي ادللي يولي فدوى الج انه هم
مانريدة..
_ادري بيك ماتريدة لان تعرف بي يطلع اسود
ثابت::وين شفته شو حتى بالسونار مابين
لان ماصارلج 3 أشهر .
_انه شفته ومتاكده،كعد بطرف السرير ولزم ايدي.
ثابت::تمام ارتاحي هسه وكله سهل.
_وهاي طريقته بالكلام تغثني صحت لاتحجي وياي هيج كتلك ماريدة ماريدة
ثابت::صار هسه اخليهم ينزلونه بس ارتاحي
لان انتي تعبانه فما يكدرون يسوون شي .
_حاضني ويحجي ،،ابتعد من دخلن خاله ونغم
وفيه::ها نطلعها ؟
ثابت::شگالت الدكتورة ؟
نغم::حولتنا على دكتور ثاني كالت العصر تلكو بالعيادة .
ثابت::خير ان شاء الله يله جهزيها بين مااحاسب
_قبل مايكوم صحت ترى مااطلع لحد ماينزلونه
ويا حجايتي دخل الحجي
أبو اسعد::ها بابا طيبه أن شاء الله
_لا مو طيبه عمو كلهم خلي ينزلون الطفل بداعت
ثابت عليك بيش احلفك ارحموني ماريدة .
أبو اسعد::اي ادللي أنزلة لان تعبج شنسوي بي
اهم شي انتي،،هسه كومي نروح لبيتنا والعصر اخذج لدكتور شاطر كالو هو ينطيج علاج بحيث
ماتحسين من ينزل الطفل .
_اريد اختي ودوني الها
ثابت::خابرتها جايه بالطريق يله ومديحه انتضرج
بيتنا كومي لخاطر الحجي تعب .
أبو اسعد::روح انته كمل اجراءت الخروج ومعليك
بينا ،، مو قيادة شتكولين ؟
_هزيت راسي اي طلعوا الحجي وأم اسعد
ونغم والممرضه خلوني بالعربانه،، ترى اكدر امشي
الممرضة::لا دوخين لان هواي انطوج علاج
_وصلتني للسيارة نغم ساعدتني صعدت
الحجي وخاله عبرو لسيارتهم ونغم كعدت بالصدر
اجه ثابت طلعنا من المستشفى،، طول الطريق
هو يتصل بسونه الي عرفته بعد ساعه توصل
طبك السيارة باب بيتنا .نزلوني دخلت والكه
مديحة بالكراج ركضت حظنتني بجيت لبجيها
نعم::يا شبيجن يمعودات اذكرن الله
مديحه؛:لا اله الا الله ،، تعاي ابوسج
نعم::هههههه
_بوست نغم وسلمت على ثابت دخلوني لغرفتي
اجو خاله والحجي ،، گالتلهم مديحه.
مديحه::روحو ارتاحو انه يمها .
وفيه::نغم روحي انتي وانه ابقى خاف يحتاجني
مديحه::مابيها شي هسه اطيبها الكم شرط تلكونها
مثل الحصان .
ثابت::بس انتي دواها يله يابه امشينا عوفها
يم مديحه وانه رايح أتلكه سونه.
وفيه::خوش العصر نجيجن عينج عليها ماما
نغم::لا تطبخين مديحه هسه ادزلكم اكل.
_وبس طلعوا وقفلت الباب وراهم اجتني
مدينه::بت الصخل شكالتلج روحج ولجج
شنو انتي مافكرتي تموتين
_ياريت اخلص من هل عذاب.
مديحه:: الي يسمعج يكول ضالميها،،رجال واهله حايرين بيج وتكولين عذاب.ماخجلتي
شلون هيج سويتي .
_ترى مالي خلك سوالفج ،، خلص همه اقتنعو
ينزلونه . اسكتي بعد
مديحة::ليش هيج تأذين نفسج وتأذيت
ثابت مو خطيه
_ولج انه الخطية الطفل الي يصير خطيه
احنى المفروض مانزوج غلطت غلطت وماحسيت
حساب هل يوم والظروف هيه الي رتبت ارتباطي
بي ولو باقيه عليه جان مازوجته ،،التهيت وانشغلت
وفرحتهم بخبر حملي نستني نسبي .
مديحه::اششش ارتاحي عليمن لطمتي يله
اسكتي هاي هيه مادام همه، قبلو ينزلونه يولي.
_دكومي انطيني حباية اريد انام ومن تجي سونه
كاعديني،، هزت رأسها أي وجابتلي علاجي شربت
وتمددت اباوع بشرود صافنه ،، افكر اي اذا نزلته
بعد ماابقى عند ثابت درت وجهي حظنت المتخدة
اشم عطرة بيها غفيت وتكرر نفس الحلم فزيت
وانه اصيح بدون وعي مارييييده اخذي
سونه::اسم الله قدر شو باوعلي شبيج يعني
انتي هاي انه يمج.
_ماصدكت شفتها،، همزيت جيتي اخذيني
لبيتج ماريد ابقى هنا .وديني للدكتور سونه
ماريد الجاهل خطيه يطلع اسود .
سونه::هسه انروح بس ارتاحي واحجيلي
انتي حلمانه .
_اي اي،، شفت المرة كالت هذا ابنج.
سونه::بس هذا حلم .
_لا حتى من بحثت عن الوراثه كلها اكدت
جينات مالها علاج لازم يطلع من نفس النسل.
مدينه::اي وشنو خايبه شفايتلج تطلع بينه
وتشبه إم اعطوب دباعيلها مو جنها الگمر
_وبله طلع يشبه راضي.
سونه::مقدرة حالتج ومالومج بس هل شي
مو بيدنا ،وبعدين زوجج قابل واهله مامعترضين
_وشنو ذنبه الطفل من يكبر ويكون منبوذ
ولج انه ماجنت محسبه هيج ،، بس من عرفت
راح يتعامل بهل طريقه لا خو مااجيبه افضل
ولا ابقى العمر كله اقهر،،،، وهو هم ينضلم
اذا بنيه محد ياخذها واذا ولد محد من عشيرة
ثابت ينطي مرة يعني اتصوري لو ابني حب بنت
أي واحد من الولد .
سونه::لو هيج تفكيرهم جان ماخذوج وجان
ماخلاج تحبلين،، وانتي وين جنتي عن هذا كله
خو من البداية نعرف نسبنا جا ليش لحيتي
يطلك زوجته خو جان بقاها تخلفله .
_اي خلي يرجعها وتخلفله وانه وياج نروح بعيد
نعيش بمكان مابي ناس. ويلة كومي امشينا لبيتج
سونه::خل تروح مديحه تنضفه .
مديحه::'اي بس منتضرة بنين تجيني
_وينه ثابت ؟
مديحه::شكو تسألين عنه بعد غير تردين
تنزلين الطفل وتعيشين بمكان مابي ناس
_اي بس هسه خلي يجي،، مو معدتي تأذيني
ومن اشم ريحه الجكاير.ارتاح
مديحه::خوش هسه اجيبلي باكيت
واشربه كله واحظنج.
_باوعتلها ،، شو جنج ناصبة عليه
مديحه::لا ياعيني شلون انصب عليج
وانتي بت راضي الصخل .
_ كفختها،،صحت بيهن كافي
اريد انام عود من يصير العصر كعدني حتى ياخذوني
الدكتور الحجي كال .
سونه::ماشي ارتاحي ،،وانه هم تعبانه
دخل اتمدد يمج
_ همزين ماتزوجتي الباشا
وصدك هو شافج اجيتي .
سونه::لا بس اكيد وصلة خبر.
_اي حتى لو اجاج بعد كليله يطلكج.
سونه::اي خو مااخلفله عبد
_اي ولج انه اريج هيه الي نبهتني على الموضوع
سونه::شلون مافهمت.
_كالت شلون بثابت خطيه العشيرة تتبرة
منه اذا خلفتيله طفل اسود .
سونه::ياربي تجبرنا الناس على الاذيه
_رفعت نفسها أنتجت على تاج الجربايه
وردت تحجي
سونه::گلت أبعد وخليها تتهنى بي بس
_صاحت مديحه
مديحه::بس مدت رأسها بدكان السود
وصاحت الهوى سدوه العبيد.
سونه::والي يمد رأسه ويغلط علينا مانسكتله
شلونكم شخباركم
شكرا لزيارتكم عالم روايات سكيرهوم
