رواية قصة زهراء الفصل الخامس والعشرون بقلم زينب نور
زهراء:شويه وصاحو عليه عدل شعره وطلع لفيت الشال عدل باوعت للمرايه وطلعت صعدت جبت العبايه ونزلت طلعو كلهم طلعت السيارات بعيدات عن الباب
اجه احمد وصلنه باوعت ياسر يئشر ويخزر بيه مافتهمت شيريد
طلعت صعدت سياره كوستر
كعدت على الجامه اباوع عليهم اشويه واشوف خالته ام اسمهان واگفه يمه ماادري شحاجته التفتت الباوع صاحت ل اسمهان صعدن وياه
انجنين شلووون ليش ماصاحني انه شكو يصعدهاا كمت اجيت انزل صعد السايق وشغل
رجعت للكرسي كلبي يفوور عليه
من يشوفني بس يخزر وهسه مصعدلي ام عطوب وياه ااااخ ياسر هسه عرفت حجيه صدك يحب وحده ادري مايحبني
وگفو اخذ صور وطلعنه لبيتهم نزلنه للبيت مالي واهس كلها تركص
الوم بروحي ليش ماصعدت ويااه
بس شصعد وياه هوه من يشوفني
عبالك كاتله ابوه بس يخزر
للمغرب صاحو علينه وره العشه
طلعت انه وفاطمه شايله بيدي ابن طيبه نايم شفته
واگف يم السياره مالته زين شلون ساق وهوه بس رجل وحده والثانيه بالگوه يحركها
ماباوعت عليها صعدت ويه احمد لكيت اسمهان كاعده لازمه التلفون
كملنه رجعنه للبيت طيبه اخذت ابنها ونزلت يم بيتهم وصلنه للبيت
صعدت گبل مااريد اشوفه
بدلت وتمددت ليوين ياله غفيت
للساعه ٩ گعدت لبست دشداشه ولفيت الشال ونزلت .
هذني بعدهن مارايحات غسلت وجهي ودخلت للمطبخ شفت دعاء كالت اخذي الريوك الياسر شالت ابهنا وطلت يبجي شلت الصينيه ورحت للغرفه دخلت
ماباوعت عليه خليتها كدامه وطلعت
رحت جبت ماي ودرت اطلع صاح التفتت عليه بهمال
ياسر:شبيج گالبه خلقتج من الصبح
زهراء:مابيه شي
ياسر:احجي عدل البارحه مااجيتي نمتي هنااا
زهراء:تعبانه ونمت فوگ رايد شي بعد
ياسر:اذا طلعتي اكسر رجلج
زهراء:شتريد
ياسر:تعاااي
زهراء:وگفت اشويه عنه اشر اكعدي كعدت بس روحي طالعه منه
اخذله لگمه وكال
ياسر:احجي
زهراء:شحجي
ياسر:شبيج
زهراء:كتلك مابيه شي
ياسر:احجي عدل كتلج لا تنترين
بيج شي كالبه خلقتج عليمن بويه وجهج مايگصه السيف
زهراء:انته الردتني احجي
شعدها اسمهان صعدت وياك
ياسر:شنو شعدها صعدت هيه وامهاا
زهراء:لاوالله وبعد تريدها تصعدون وحدكم حسه اتئكدت حجيك صح بس انه غبيه ضحكت عليه بجم كلمه وصدكت نفس الثوله
عبالي تحبني انته اصلا من البدايه رافض شوكت حبيتني بس رغبه
انته اصلا ماتعرف اتحب بس نفسك
عبالك الناس عبيد عندك
شفتني تخزر واتئشر ومدري شنوو
روح اخذ التحبها وجبروك عليه وعفتهاا
ياسر:خلصتي
زهراء:سكت
ياسر:تردين تعرفين ياهي الحبها جنت
زهراء:احس النار كامت تطلع من اذاني رفعت راسي عليه
كتله موو مهم اعرفهاا
روح اخذها تتهنا انته وياها وكمت طلعت رحت للغرفه كمت ابجي على حظي ليش هيج ياربي
يعني صدگ جان عنده وحده
لمن اذن الظهر صليت ونزلت
صبينه الغده ماتغديت مااشتهي
لمينه الماعين وغسلتهن
سيف اليوم ماكو شغل كل مره الظهر مايجي للبيت
فا اليوم اجه وتغده وياهم
كملت الماعين وطلعت اسمهان وامها ومرت اخوها يم ام ياسر بالغرفه طلعت للحديقه الجو زين كعدت على الكرسي جدي بالمظيف هوه وعمي
ياسر:من طلعت وكالت اخذ التحبهاا
گلبي نغزني انه بالگوه قنعت روحي وحاولت انساهاا لفاطمه
حرام عليه افكر بيها وهي على ذمت اخوي
صح مااحجي وياها قليل الكلام بينه بس مرات عيني تروح عليه استغفر ربي وانعل الشيطان
احاول انساها
هسه ذكرتني بيها للظهر هي مادخلت للغرفه سحبت العكازه وكمت شفتها ماكو بالمطبخ باوعت بالحديقه كاعد طلعتلهااا
زهراء:رفعت راسي شفته واگف
ماحاجيته
اجه ولزك روحه بصفي اجيت اكوم لزم ايدي وكعدني
ياسر:اسمعي يبنت الناس
صح ازوجنه وانه ماهاويج وماجنت اشوفج اصيرين مره الي لا فكرت ننجمع سوه
بس القسمه جمعتنه وخلتنه روح وحده
اذا ابالج انه رايدلي وحده گبل
اي صح جنت اريدها
بس هسه كلشي اختلف هيه على ذمت غيري وانه مزوج مافكرت بالحرام
وبالي كله بيج هسه لا تشغلين بالج بهاي السوالف
انه رجال جنت مامزوج ومن حگي احب واعشگ بس مو كل الي يحبون ياخذون اليردونهن
كلشي بالقسمه والنصيب وهسه انتي مرتي وانشاءالله ام جهال اصيرين شيلي كلشي من بالج
كتلج من فتره انتي ثنيتي وگعتي بگلبي لا تفكرين انو مااحبج
لا احبج واعزج واحترمج
شفتج كالبه وجهج من الصبح عليه
وكلت على اسمهان
اسمهان عمري ماباوعت بوجهاا ولا ردتها وهي لزكه
شوفت عينج لو مااحبج عندي مره واروحلها بس لا اتفكرين بشي يخرب حياتنه
وخل ننسه الراح ونبدي من هسه انسه الحبها وانتي انسي الزعل
زهراء:خلص ساكته مارديت عليها سحب راسي باسني بگصتي
ياسر:گومي بدلي خل نطلع
زهراء:كام وكومني دخل لغرفه بيبي وانه صعدت
مااعرف شحاسه هسه اكرها احبه
ازعل واضوج لان جان يحب
مشاعري متلخبطه مااعرف شريد لبست بنطرون وقميص طويل خليت كحل وحمره خفيفه لفيت الشال اخذت العبايه والجنطه ونزلت
شفته بعده كاعد بالغرفه دخلت باوعت الساعه ٣:٣٠
ياسر:خل اصير ٤ونطلع
زهراء:مارديت سحبت الكرسي من الميز وكعدت كام هوه لبس الدشداشه وكف بينه شبر تقريبن
يمشط رش عطر التفتت باوعلي
راد يكول شي بس ابتسم ودار وجها
عرفته راد يحجي على الكحل
كال ياله لبست العبايه وطلعنه من الغرفه لكتنه اسمهان ومنال طلعن من غرفت ام ياسر
اسمهان:هااا وين رايحين
زهراء:نغير جووه لان هل يومين جو الببت يخنگ حييل
حجيته ودرت شفته يخفي ابتسامته طلعت صعدت اجه صعد
ياسر:اويلي على الغيره
زهراء:منو كلك اغارر مااغار
ياسر:لا بويه واضح ماتغارين
زهراء:ضلينه نفتر اخر شي نزل يم مرطبات جاب عصير للسياره
كتله هسه انته مطلعني اتفرني بالسياره لو ضاله بالبيت احسن
ياسر:ماشوفين الدنيا مگلوبه
زهراء:مشه شويه وكفنه على شط العرب كال انزلي نزلت اشوفه يباوع منا ومنا يريدله صفحه ختله عبالك خاطفني كعدنه بصفحه بعيده عن الناس كلش
الجوه بده يبرد صارت الساعه ٥الغروب بده گاعدين هوه كام جاب اكل ورجع كمت اكل سكته
يريدني احاجيه بس ماحاجيته
اجو عائله كعدو بصفنه شويه مسافه بينه
عدهم طفل اشوف ياسر عينه عليه
ياسر:شوفي الجمال فدوه لله
زهراء:درت وجهي باوعت للطفل وابتسمت تمنيت بالحظته
يصير عندي طفل
شويه وگال يله كمنه عبرت من يم العائله بسته الطفل بخده ومشيت
مدنفش يخبل
صعدنه بالسيارة
ياسر:مشتهيه شي بعد
زهراء:لا
ياسر:ليش ساكته
زهراء:شگول يعني
ياسر:گولي الي بكلبج
زهراء:ماكو شي بگلبي
التفت باوع عليه تنهد ودار يسوق
وصلنه للبيت
نزلت دخلت للصاله لكيت سهى جايه بوستها وصعدت بدلت ونزلت
ياسر گاعد بالصاله عمتي سعاد
وام ياسر واختها وبناتها
كعدت شويه عن ياسر
اجه جدي وعمي والولد كعدو يمنه
بدو يحجون عن العشيره وهاي السوالف شويه وگالت ام اسمهان عرفتها تريد تغيضني
اسراء:احنه باجر راجعين لبغداد
خاله انشاءالله اجيج يمنال من اجيبين والولد بيدج
زهراء:تحجي وتباوع عليه ماهتميتلها
منال:بعد وكت خاله ليش ترحون
اسراء:لا بعد خالتج مايصير
منال:خلي اسمهان هنا مو خلصت امتحانات
زهراء:قنعتها واسمهان ام دوده راح اضل ماتروح
شويه ودخل سيف توه جاي من الشغل
سيف:السلام عليكم
الكل:وعليكم السلام
سيف:هاا سهيوه اليوم عدنه
سهى:هاا ماتريدني اجي
زهراء:كامت سهى سلمت عليه وكعدت ياسر ذب التلفون من ايده
وخله عينه على سيف وكالساعه يباوعلي كرهني بالگعده ماعنده ثقه بيه بدت اسمهان تشاقه وتضحك
ويه سيف ولاتستحي من هم كلهم گاعدين
اذن وكامو يصلون توضيت ودخلت بغرفه بيبي صليت
دخل ياسر صلى كمت طلعت للمطبخ فتحت الميز طلعت بسكت
وجلي وكاكاو
بديت اسوي دخلت دعاء اسوي عشه اجن كلهن للمطبخ كاعده اسوي وصاحني ياسر غسلت ايدي وطلعت
منال:طلعت زهراء شفت الماعون تخلط بيه على الميز
محد بالمطبخ طالعن اخذت الملح كمت اجوم واحط
خلطته سويه وطلعت ....
زهراء:هااا
ياسر:طلعيلي دشداشتي اريد اروح
زهراء:طلعت من المطبخ شفت منال طلعت باوعتلي مارتاحيت النظرتها صعدت كويت الدشداشه ونزلتها
انطيته وطلعت للمطبخ كملت الحلاوه خليتها بالكاسات وخليته بالثلاجه
صبينه العشه تعشينه ياسر طلع مادري وين وره ماكملنه الماعين ساعه ١٠ ياسر بعده ماجاي
كالهم كاعدين بالصاله خليت الكاسات بصينيه واخذته قدمته الهم
وكعدت اشو سعد بس خله الخاشوگه بحلگه وتفل وكام يهوع اشتغرب كامو يصيحون شبيك
يكلهم ملح وعلي ملح
كلهم ضاكو ماعينهم ونضراتهم صارت عليه
الجد:شنهي هاي بويه ملح
زهراء:لا جدي ماحاطه والله
اسمهان:وهذا شنوو
زهراء:ضلو كلهم يحجون متت بدمي اباوع لمنال تهمس هي واسمهان يباوعلي ويضحكن عرفتها هي
كامت للمطبخ كمت وراها كلتلها
شهل الحقاره العندج هااا
منال:احترمي احسلج مو ابكدج واتغلطين عليه
زهراء:لا عبالج مااعرف سوالفج انتي الحطيتي الملح بالحلاوه شفتج طلعتي من المطبخ
منال:شنوو جاي اذبين بلاويج براسي انتي عوبه ماتعرفين اسوين شي لا اكل بكلشي مافالحه
لا حباله لا شي العاجر
ماادري شمصبره عليج ياسر ليهسه وعاميته من عندي بسحورتج
زهراء:فورت دمي بحجيها مادري شلون اجتلي القوه سحبتها من راسها وهاي كامت اتعيط مو انه ام السحوره انتي
اجو كلهن هيه مجلبه بيه وانه لزمتها من راسه
زهگ جدي بعلوو صوته
الجد:والججججن
زهراء:دفعتني طگ ضهري بالميز وهيه كامت تبجي وتحجي تتمسكن
منال:جدي فدوه اروحلك ترضه اجت هجمت عليه وتتهمن انه مخربه الحلاوه
زهراء:والله بعيني شفتها طلعت من المطبخ
الجد:بسجن شنهي شدگول الناس علينه اصواتجن اتلعلع
زهراء:طلعت للحديقه كعدت على الكرسي محد بره شويه ونفتح باب الگراج دخل ياسر صف السيارة مانتبهلي بعدين دار عليه واجه بتجاهي
ياسر:شعندج هناا
زهراء:ماعندي شي
ياسر:احجي وهاي انه كاعد كولي شمضيگ خلگج
زهراء:شوووف بعد مااتحمل هااي العيشه ياااانا يااا منال بهل بيت
زهراء:كتلك ياانا ياهي مليت من هاي العيشه
ياهو الجاي معيرني بالحباله
والعاجر والعاجر مليت حجيت الي بكلبي كله خله وطفر صح يمشي على العكازه بس بالحظتها طارر
دفر باب المطبخ ودخل صاااح
