رواية قصة زهراء الفصل السادس والعشرون بقلم زينب نور
زهراء:بس سكتت مااحسه بس طار يمشي على العكازه بس بسرعه ركضت وراه
دفر باب المطبخ برجله وصاح
ياسر:منااااال
صالح:شجاك بويه شنهي اصيح
ياسر:هااي الكلبه وين راحت
زهراء:دخل لغرفت امه لكاها كاعده خالتها واسمهان يمها
ادموعها اصب بالحظه سحلها من شعرها
نزل عليها غلط وصياح وهي ماتسكت ترد وياه وياسر يتخبل اذا احد يرد بوجها
بالحظتها حسيته مو ياسر اجو يفرغوها من ايده وصاح بيها صوت هز البيت هززز
ياسر:وحق هو علي اذا اسمعلها صوت دقيقه ماضل اهنااا
شنو لفي كح.....ابيتي ادبسزززز
سكتت رتج تنصلحين ماكوووو فايده يوم عن يوووم ازودين
ام ياسر:شيشتك وترست راسك وزتتك شنهي ماتخافين ربج انتي
ياسر:يمممممممه سهمج العافيه مرتي كلتلكم لا تدخلون بيها حبلت ماحبلت اا
انه راضي انتم شكوووو
الجد:والكم صوتكم شنهي شدكول الناس يحل مشاكل العالم وبيته صوتهم يلعلع
وانتي بويه مارجيتها منج تتلكينه واسولفيله
زهراء:جد.....قاطعني
ياسر:جدي انه كلتلها شكووو بعدين شنوو مكرن عدهن يسون مصايبهن وانه ماادري
زهراء:اشرلي براسه ادخل للغرفه دخلت وضلو صياحهم عمي بصفحه وجدي يكلهم هااااي تاليتنه نمشي بحجي النسوان وصوتهن يعله على صوتنه رده عمي بويه ارتاح ماعليك نسوانه هوه يحل بينهن
شويه ودخل ياسر طبگ الباب حييل وكعد على الجربايه ذب روحه حيل
انه كاعده على الكرسي كال
ياسر:انه موو نهيتج منها لا توصلين يمهاا ولا اتحاجيهاا
زهراء:لا ترجع عليه هسه
مامحاجيتها هي الحقرت عليه شايله الملح وزاتته على الحلاوه وصرت بنص اهدومي كدامهم فشلتني اباوع يتهامسن هيه وبت خالتها ويباوعلي ويضحكن
شنو انه اشتغل عدها غصبن عليها اردهاا لاوالله يصير غير حجي وياهااا
ياسر:گومي طفي الضوه خل انخمد انشاءالله مااكعد
هااي تاليتي نسوان ثنين براسي شموازيني كل وحده ورقتها بيدها وانعل اهلها....
زهراء:كمت طفيت الضوه وطلعت
شفت اسمهان بالصاله كاعده وحدها لازمه تلفونها باوعتلي نضراتها سم
صعدت على عنادها لبست اتراك برموده وبدي نص ردن خليت كحل وحمره طوخ فتحت شعري وطلعت طرت على الدرج وصلت للبايه الاخيره خففت عدلت شعري منا ومنا ونزلت اتمايل ابطولي باوعتلي بنظره من فوگ لي جوه هههه
خليت ودخلت طبكت الباب والتفتت طفرت اشوفه كاعد الغرفه بيها ضوه مال التلفزيون
هذا شافني هيج داخله لووتسودن
ياسر:بنت الخ.... وين كاعد تمشين ابيتج بنت الذينه
زهراء:جمدت بمكانه بس كلت خل ادلع عليه اتلاحگ روحي اشويه مشيت كعدت يمه هوه مرجع ظهره للتاج كتله يعني المن لابسه هيج غيرر الك
ياسر:بطلي حجيج هذا طالب منج انه شافج واحد من الولد شيكول هاااا طكيتها على راسها ولج الله بلاني بيج شنوو هنااا عقل لو قوندره
زهراء:اووي كافي ياسر شبيك هسه مو دخلت محد شافني
بس ردت اغيض ام الدود
ياسر:الفاظج لا اكسر راسج مني
زهراء:اسمهان بره كاعده شبيك ردت احرگ كلبها
ياسر:وحصان شعدها كاعده بالصاله
زهراء:شدراني بيهاا
ياسر:بطلي سوالفج هااي مال الزعاطيط واعقلي
زهراء:سويت هاي الحركه الي يموت منهااا دفع ايدي رجعتها مره ثانيه اخر شي سحبني اله حيييل
ياسر:بطلي هاااي الحركه كتلج لاتعوديهااا
زهراء:بالكوه ضامه الضحكه لا اضحك بوجها واترزل رجعت سويتها مااحس بس اخذ شفايفي بسنونه وعظها حييل شاغت روحي
شويه ووخر عني عظ لحمت اذني على كيف وهمس
ياسر:ليش مابطلتي سوالفج تره كلشي اسوين بالاخير انه استفاد ياحلوه😉
زهراء:كمت عنه سحبت الكلينس شفتي اصب دم مسحتها وسحبت الفراش فرشتها وتمددت اباوعله هوصافن على الطوبه باديه غفيت بس عساني ماغفين صاحله صوت طفرت انه والغطه
ياسر:گووووووول
زهراء:هاااااا هاااا شكوو. شبيك واطفر منا ومنا ومجلبه بالغطه لمن نتبهت عليه سكران من الضحك غاص وانه شعري منفوش ومجلبه بالغطه رجعت بس عود خرطت العافيه مني على صوته وكمزتي لوحامل جا سقطت على هاي الطفره
ياسر:يووول نعلعله والديج عمري ماضحكت هج ضحكه ههههههه
ااااخ بويه
زهراء:بالكوه احجي منا النعاس ومنا الطفره بعدها بكلبي كتله
كول اكو بشر نايم يمك اصيح بعلو صوتك عبالك ابوك الي مسجل هدف
ياسر:ههههههه ولج الريال ذول
وبعدين شمدريني نايمه عبالي كاعده ارجعي بويه ارجعي نامي
زهراء:رجعت راسي للمخده بس حتى النومه طارت شكول عليك ياسر شويه وغفيت ماادري بيه بعد
فاطمه:بدلت لبست دشداشه ربع ردن وتمددت احس الم بظهري تغطيت سعد بعده ماصاعد
شويه وحسيت عليه صعد اجه وحضني منطيته ظهري
سعد:هاا الحب اليوم نايم
فاطمه:لا كاعده دارني عليه
سعد:اباااه مشتاقلج ام امير ماحنيتي مو صالنه سبوع طاكني جفاف
فاطمه:والله تعبانه مابيه حيل ظهري اموتني
سعد:شبيج تعبانه اشو براحتج حتى شغل ماتشتغلين دوم
فاطمه:والله ظهري
سعد:كمت تتعززين عليه
فاطمه:كام يحجي ضاج سحب الغطه ودار وجها ونام مادرتله لان الالم ذبحني ماادري شنو ساعه ياله غفيت....
زهراء:كعدت على طگطكه فتحت تك عين شفته داخل متوضي ماادري شحاجاني
ياسر:كومي صلي اذن
زهراء:اممم مافتهمت شگال رجعت راسي ونمت للصبح..الساعه ٩ وهوه ينده بيه كمت بس شلون اطلع واسمع اصواتهم بالصاله خفت احاجيه خاف يزهك بيه
ياسر:شبيج تصفنيين ماادكومين
زهراء:هاا اااشلون اطلللع
ياسر:هااا عفيه يلثول الي بعقلج العالم كلها بره شلون اطلعين هسه هااا
زهراء:هوه انه اكلك شلون اطلع بهذا لبسي
شفت التلفون مالي على الميز من بعد مانطيته اله مااخذته ركضت شغلت شفت رقم فاطمه كلتلها وديلي بيد رحاب دشداشه لغرفت بيبي بسرعه وسديت الخط التفتت عليه
ياسر:زين جنه خف الثول الي بعقلج فكرتي بسرعه
زهراء:انه افكر بس....اندگ الباب اخذت الدشداشه من رحاب وشال هم مطيتها فاطمه عفيه لبست وطلعت صبحت عليهم ردو كلهم بس الحيايه الثنين ماردن
احصان على كولت ياسر وام السحوره
بس ام احصان ماكو يمكن رايحه ااااي كلعه كون لا ردت غسلت ورجعت حاطين الريوگ ياسر طالع كعدت
صبيت اله جاي والي هم تريكنه وخلصنه هو راح للغرفه يبدل يريد يطلع
بدل وطلع اسمهان ومنال صعدن فوگ فاطمه تفتر من وجع ظهرها
بس انه ودعاء كمنه للبيت غسلت اماعين الريوك
دعاء ابنها كام يصرخه مريض مصخن كلتلها روحي نوميه انه اسوي الغده
راحت طلعت باميه مجمده ولحم كصصت الحم
سويت المرگه وكعدت اعجن لازم يوميه عجن ماياكلون خبز بارد
كملت العجين وطبخت التمن
شفت الساعه ١١:٣٠ بعدهم بالمظيف
لمن اذن ياله اجو صلو ياسر بعده مااجه خلينه الغده
كاعدين نتغده ودخل ياسر
ياسر:السلام عليكم
الكل:وعليكم السلام
زهراء:انه مخلصه كمت ياسر كعد بمكاني اشوف رضاوي شلع كلب دعاء خطيه اخذته منها على ماتخلص طلعته للحديقه العب بيه عمره سنه
شويه ودخلت لكيتهم شايلين الماعين فاطمه تحضر بالجاي انطتهم
انطيته لمه لان يبجي
اشوف هاي هم غسلت اديها وصعدت
الصدگ طلعت روحي من الصبح ليهسه اكرف وهيه تجي على الجاهز تاكل وتصعد
رحت ياسر بالغرفه كتله
صيحها خل تجي تغسل الماعين
ياسر:منوو
زهراء:منال بعد منو تاكل وتصعد محنايه ماسويلها شي من الصبح ليهسه البيت على راسي دعاء ابنها مريض
وحضرتها غسلت اديها وصعدت
احجي وكام طلعت وراه واكف اباب المجر مال الدرج صاح
ياسر:مناااال منااال
منال:هااا عيوني آمررر
ياسر:اتنزلين نفس البشر تشتغلين
مو تسممين واصعدين محد يشتغل عندج فااهمه
منال:بس ماا
ياسر:انزلي كتلججج
زهراء:دخل للغرفه هي نزلت ادردم عليه ماهتميتلها دخلت وره ياسر للغرفه
ياسر:جيبيلي ستكان جاااي
زهراء:رحت للمطبخ اسمهان هم نازله عود اساعد بت خالتها
حميت القوري وحضرت الستكان
وكفت على مايحمه اباوعلهن نضراتهن سم والله حيايه موو نسوان
صبيت الجاي وطلعت..كالت منال
منال:هههه نسوان عوبان لا حباله ولاشي فالحات بيه وصارن ببيوت
جانتي شمالج....
زهراء:التفتت عليها كلتلها
وامهات السحوره والحيايه فالحات بس بالسحوره محد ياخذهن ومشيت خليتها تفوورهههه
دخلت انطيته الجاي وكعدت سحبت تلفونه من الميز شغلته مابيه رمزز
دخلت للصور تارسه صوره
عبالك متعجب بروحه ماشايف نفسه
.
ياسر:شكلتي
زهراء:هاا ماكلت اكول صورك حلوات غلس ودار وجها وانه اكلب بالصور طلعت صوره يمكن بالشركه مالتهم وياه جماعته
وياهم تغريد الشعر وبدله للركبه
دست على العلامه مال الحذف حذفتها رفعت راسي شفته يباوعلي خفت لا يعيط بيه لان مسحتها بس اشو هذا طگها ضحكه....
ياسر:هههههههه موو اكلج عقل جاهل ادكولين لااا
زهراء:ليش شسوين
ياسر:بربج تمسحين الصوره لان المره بيها شنو راح تطفر عليه
زهراء:تولي مااحبها اكرهاا شعدها مصوره وياك ويه الزلم ماتستحي
خل اشوف الها بعد حتى امسحهن
ياسر:عوفي الخبال مالج جيبي التلفون
زهراء:خذاه من ايدي ليش شبيك
ياسر:روحي بابا ذاك تلفونج
زهراء:هو شبيه ذاك
سحبت الرمونت من يمه ضليت ادور ماكو شي بالتلفزيون ملل
مرر شهر عمتي ام ياسر فتحوها رجلها بس ماتمشي دائما عليها ياسر رجله اليسره بدت تتحسن بس مارجع لدوامه بعده
صادف اليوم خميس كالها مجمعه عدنه على العشه بيت عمي حاتم واهلي وسهى هي ورجلها
خلصنه الثواب
غسلنه الماعين والتمينه كلنه بالصاله
كالت امي
امي:فاطمه يمه ماعرفتي شنو بيج
فاطمه:لا يمه مارحت للدكتوره
بعدني
زهراء:طبعن فاطمه صارت ٥اشهر
دعاء:باجر انه اروح افحص اذا تردين روحي وياي ياخذنه احمد العصر
فاطمه:اشوف سعد
ام ياسر:وانتي منال خاله روحي بالكت يطلع ولد سند لياسر يشيل اسمه تالي عمره
زهراء:تحجي وتباوعلي عرفت قصدها شويه وكلمن راح لبيته
لثاني يوم اخذهن احمد
وراحو
منال:اول طفل الي دكتوره
الدكتور:ماخذه سونار قبل تعرفين شنو بيج
منال:لا ماماخذه
الدكتور:اهاا مبروك تؤام
منال:الحمدالله ربي ولد موو دكتوره
الدكتور:ولد بس الثاني ماجاي يبين مابين عندي
منال:شلون مو نفس الشهر ليش مابين
الدكتور:مااعرف ماما هل اشوفين ماجاي يوضح عدل
زهراء:رجعن منال الضحكه شاكه الحلك شك اتلكتها خالتها ذبت عليها جكليت
كلتلها ولد بس الثاني مايبين
وفاطمه بيها ولد ودعاء بنيه
لليل وره العشه خلصت الماعين وطلعت من المطبخ دخلت ياسر ماهو بالصاله سمعت صوته من غرفه امه
ام ياسر:يبعد امك اخذ مريتك باجر لغير سونار خل انشوف شنوو
ياسر:شنو بعد مو كلها ولد
ام ياسر:توم بس الثاني مايبين
اخذها بالكت يطلعون ولد ثنينهم يشيلون كبرتك
يبني شحصلت من زهراء فرخ ماجابتلك التفت البت خالتك هل حامل ببنك
..
ياسر:يمممه نسيتي تسوت لو لان بت اختج استريلهاا
ام ياسر:مااسترلها بس غلطت والله يسامح يبني وانته مااسامح حرام ذابها من اهد ليلة العرس هاجرها
وحاير بس بالعاجر
ياسر:يممه انسي هاي السالفه لا تفتحيها مره ثاني
وزهراء لاتدخلون بيها عسى اضل ميت سنه ماتحبل ماعليكم
ام ياسر:انه كتلك واغضب عليك
زهراء:سمعت حجيهم كله تسممت بيه اجيت اوخر عن الباب
انفتح طلع ياسر باوعلي كال
شكرا لزيارتكم عالم روايات سكيرهوم
