رواية الضابط واليتيمة الفصل السادس والعشرون بقلم بقلم مجهول
(مشاكل مخطوبين)
كعدت الصبح مثل كليوم جنت اغسل كم ماعون وحسيتة وراية
- صباح الخير خطيبتي
جان شكلة كلش حلو صوتة ثكيل مال نوم ولابس تيشيرت وبجامة وشعرة امغطي وجهة جان حاصرني يم السنك حاط ايدي اثنينهن على السنك واني بالنص
- صباح النور خطيبي ( وضحكت )
- اكلج احنا لازم نتزوج بسرعة
- ليش
- مدا اكدر امنع نفسي عنج
اكحيت وضليت اباوعلة - وليدد
- شنو وليد هاي الحقيقة يلى راح اروح اسبح قبل ما تصخنين هههههههه
عافني وراح كملت الريوك ونزلوا الولدطبعا كلش مستحية منهم
- صباح الخير مرت اخوية
- هههههه صباح النور ( جنت منزلة راسي غير خجلني الحقير )
- هلو مرة اخوية
- ولكم كافي شبيكم
- نتونس بيج شبيج
اجة وليد فكام ايمن
- اعوفكم وحدكم ( ابتسم وطلع)
- هاي ناصبين عليج مو
- اييييي
- ههههههه
- شوكت ترجع اليوم
- ما ادري حسب
راحوا كلهم اجتي خالة كعدنا انسولف ونضحك وطبخنا سوة واجة ايمن وبعدين ريهام وزين انتضرت يطب وليد مطب
رحت دكيت علي
- ها حبيبي
- هلو
- وين انت ليش مرجعت ليهسة
- ما اتوقع ارجع اليوم لتنتضريني
- ولييد ( اتغير صوتي ردت ابجي)
- مينا اني شكلت على سوالف المزعطة
- بس
- بدون بس من افرغ اخابرج بيباي
وانسد التلفون اوف ليش من يروح للشغل يتغير يصير عصبي علية متغديت وياهم وجنت كلش ضايجة مر يومين ووليدمراجع للبيت ومن اخابرة نفس الاسلوب يحجي بسرعة ويسدة ويروح كلش ضجت
- مينا عفية خلي نطلع
- وين
- اي مكان كلش ضجت من البيت
- بس وليد ماكو منو ياخذنا
- عادي ايمن او تكسي
- ماشي روحي كولي لخالة
- كلتلها كالت ما بية حيل روحوا وحدكم
- ديلى انروح لنفس المول بس اني افلوس ما عندي
- امي تنطينا
- اوك روحي بدلي وكولي لايمن
- كتلة حبيبتي هههههههه يلى خلي انبدل
طلعت التلفون
- الو وليد
- ما اكدر احجي هسة مينا
- بس دقيقة عفية شنو الموضوع شنو ممشتاقلي انت
- مينا ما عندي وقت لهل حجي اخلص شغلي وارجع ونحجي بيباي
- باي
شكد مكروه شكد مكروه اكرهك اكرهك
كمت بدلت وطلعت طبينا للمول اتونسنا اني وريهام كلشش ورة ساعتين اكثر دك التلفون رفعتة شفت وليد سديتة وضميت التلفون
- ما احجي وياك لو اتموت
- وليد مو
- اي
- اكلج لتزعلين منة شغلة كلش صعب ميكدر يلزم التلفون هواية
- اي بس يكدر يخابر يسال علية يكول مشتاقلج اذا مشتاقلي
- دشوفي التلفون ديدك ترة
- الو
- وينج
- ليش
- مينا لتلعبين وياية وينج ا اكول اني بالمول
- بالمول
- وينج
كتلة المكان وسدة ابوجهي وجان صوتة كلش عصبي اجة عيونة حمرة نار بس من حجة حجة بصوت ناصي
- امشوا للسيارة
- شبيك وليد بعدنا ممتعشين
- انتي بالاخص متحجين ولا حجاية كدامي للسيارة
صعدنا والطريق كلة نار جان بس محج اي شي ويانة
وصلنا للبيت اريد انزل لزم ايدي حيل
-ريهام انزلي وسدي الباب البيت زين
- ومينا
- ريهام ( بعيطة)
نزلت ريهام وهو بعدة لازم ايدي قوي
- ايدي اتاذيني شبيك
هدها وشفت لونها احمر واثار ايدة امبينة
حرك السيارة بسرعة وبنفس المكان وكفنا على الجسر الجادرية جان الوقت مغربية
ثنينا جنا ساكتين
- ليش مكلتيلي راح اطلعين
- ليش انت ادك تسال علية
- اتخابرين واتبلغني راح اطلعين ومو اتبلغيني لا تاخذين اذني اطلعين لو لا
- اني دكيت عليك انت الي مقبلت تسمعني
- كتلج مشغول دزي رسالة او مطلعين اصلا شنو حتى ذني اعلمج اني
راسا بجيت عبالك صالي كومة حابستها حطيت ايدي ثنينهن على وجهي وضليت ابجي واشهك
- اي اني محد علمني اي شي مجان عندي امي اتعلمني ذني ومن صار عندي احد بحياتي على غفلة صار عصبي وميطيق صوتي اخابرة يسدة ابوجهي حتى يسمع شريد منة اني اشتاقيتلك بس انت متشتاقلي ابد انت متحبني جذاب لو تحبني جان اتاخبرني كليومية جام ملزمت ايدي هيج واذيتني ولا م
- اششششش كافي اني اسف كافي اسف ( جان حاضني ويطبطب على ظهري ) مجان قصدي على اهلج شي ومن لزمتج محسيت على نفسي ( لزم ايدي وبوسها ) ووالله مشتاقتلج كومة والله واريد احجي وياج واعرف اخبارج بس شغلي هواية جان عندي تحقيق كلش صعب اسف لان سديتة بوجهج
مسح دموعي وضليت بحضنة الى ان سكتت
- شلون اتشكين اني ما احبج اني لو ما احبج جان مخطبتج مو لو مو مو
- مو
- بعد مطلعين بدون اذني
- وانت لازم اتخابرني
- اوك
- اوك
مر شهر جديد علينا نفس الحال بس وليد شغلة هواية جان مرات يجي يشوفني ويشوف اهلة ويرجع يطلع وخلص دوام الولد وبدت العطلة ووليد صارت عندة فرصةاسبوع جنت كلش متاملة على هذا الاسبوع انو نتونس
جنا دنتغدة
- عندي مفاجئة
- شنو
- شنو
- سفرة للشمال اسبوع حجزت للكل
- الله صدك
- اي
- هاي اكيد لان نجحت اني
- لا لسواد عيون خطيبتي
كلها تضحك علي رحنا سوينا الجنط وكلمن اخذ ملابسة وطلعنا الطريق جان كلش حلو اغاني وسوالف زين وريهام المتخلص ايمن جان على التلفون الطريق كلة
وصلنا اجر وليد شقة ودخلنا جانت صغيرة بيها بس غرفتين اني وريهام غرفة وخالة وعمو غرفة والولد بالاستقبال ينامون...
