رواية عشق مابعد الطلاق الفصل الخامس والعشرون بقلم ساره فاضل
دخل حسين والدكاتره واحنه بره ع نار مرت ساعه وطلعو الدكاتره من قيصر كلنا كمنا ع حيلنا وماجنه حبين نسمع خبر محلو عن قيصر
عصام
دكتور
بشر انشالله ماكو شيء
دكتور سمير
الحمدلله حالته جاي تستقر انشالله باجر الضهر اذا بقئ ع وضعه نطلعه من الان عاش. ونشالله يبقئ يمنئ اسبوع وتكدرون اتطلعونه للبيت
ام قيصر
الف حمد وشكر الك ياربي الحمدلله
ام رفل
گرت عينج خيتي الحمدلله انشالله عدت ع خير
رفل
الحمدلله ع سلامته يلا عمو انته اخذ عمتي وامي وروحو للبيت اني ابقئ بالمستشفئ وهسه خابرني اخوي محمد كال جاي اني ومحمد نبقئ وياا انته وعمتي روحو ارتاحو نامو الكم شكم ساعه وبعدين تعالو
ام قيصر
لاماما وين عين التنام وابني نايم هناا اني ابقئ هنا مااروح
ام رفل
ياخيتي ياحبيبتي لاتنسين انتي وابو قيصر اصحاب سكر وضغط والسهر والتعب موزين عليكم تعالو نروح للبيت ارتاحولكم ساعتين تلاثه ورجعو وبعدين رفل ومحمد اخوته ويخافون علي بكد ميخافون واحد ع الخ واكيد ميقصرون وياا دكومي يعيني كومي
راحو بيت ابو قيصر وبقت رفل وحده بين ميجي اخوه
اجه حسين وبيده كوبين قهوه لكه رفل صافنه
حسين
هلووو
شبيه حبيبتي صافنه
رفل
هلو عمري
حسين
تفضلي القهوه التحبينه
حسين
تعالي نقيس ضغطج قبل لتشربين قهوتج
1
رفل
لاميحتاج بس هوه قهر ع نقص نوم ع توتر كوكتيل شيطلع راسي اكيد يوجعني
حسين
مجاوبتيني شنو المصفن حبيبتي
رفل
اوضاعنه
اي اوضاعنه
خلال شهرين صارت شغلات ميتحمله العقل
قيصر خطب ناي بدون موافقته لان مصطور بحب ذيج وعمتي جبرته واجت ناي وصارت كومه حوادث دمرت البنيه واخر شيء حادث قيصر الي حطم كلوبنه مااعرف ليش هيج جاي يصير بينه
حسين
انشالله يكوم بالسلامه ويوعه ع زمانه ويصيرله درس وعبره
حسين
لااا شهلحجي تره قيصر هوه الذب نفسه بالتلوكه شكد نصحنا وكلناله هاي العلاقه ماوراها بس التعب بس مااخذ الحجي وهل وكع بيها واذا ع الحادث لاتربطينه بموضوعه ويه ناي لاحوبه ولاهم يحزنون بس هيه الضروف انجمعت وصار الي صار
ع العموم الله يقدم البي الخير اني هماتين دخلتله قبل شوي حالته داتتحسن انشالله كله اسبوع فتره تعافي بالمستشفئ ونخرجه
1
رفل
انشالله الله يسمع منك
حسين
اتصلتي بناي كتيله بالموضوع
رفل
مجاي احصله كله مغلق
حسين الله كريم نشالله تجاوب وبلكي تجي وتسامحه وتصير الفرحه فرحتين فرحه طلعته بالسلامه وفرحة رجعت ناي
3
رفل
الله يسمع منك اميين
ومرت الايام بالمستشفئ كلش ثكيله قيصر تحسنت حالته ونقلو للردهه الحمد لله حالته احسن بده يتحسن وترجعله صحته بس حالته النفسيه محطمه كلش مانعرف شنحجي ويا ولانعرف نحاجي باي موضوع وهوه مكضيه ساكت ميطلع من عنده اي حجايه واجه يوم تخريجه للبيت طلعنا وخطيه عمو جايب عجل ذبحه لسلامته فجران دم عزم الاهل والاحباب الكل تجمع وتحمدو لقيصر بالسلامه بس قيصر ساكت ميبدي اي تفاعل ويه العالم
قيصر
مرت ايام عليه واني بالمستشفئ مااعرف شي عن الدنيه جنت موبوعيب لحد ماصحيت والي عرفته صارلي 3ايام بغيبوبه جان الالم يكطع بخاصرتي تكطع. بس مومثل الم كلبي حيل جنت متعصب ونفسيتي زفت حسيت كلشي راح من ايدي مره وحده البنيه الجنت احبه ومحارب الدنيه علموده طلعت نصابه وشخص واصل لاأقصئ درجات الحقاره لو البنيه التزوجته وهيه مثل الملاك خلال يومين اذيته وحطمته ورجعته بيد ابوه جثه ومتاكد هاي حوبته لو البعثه الجنت منتضره مابقالهم يومين 3يطلعون واكيد مالي مكان بيناتهم ومكاني راح يروح لغيري كلشي راح كلشي ادمر رجعت للبيت بعد ايام من التعب والمعاناة بالمستشفئ طبعآ اهلي ذبحو وعزمو الاهل والاصدقاء رغم الكل جاي يتحمدلي بالسلامه بس اني مجنت طايق روحي اشرت لمحمد ابن عمي واخذني لغرفتي فوك بالكوه صعدت بس احسن ماابقئ وكلساع اشوف عالم واني مالي واهس اشوف احد عاد اذا اصعد فوك عذري وياي صعدني محمد ومددني ونزل لشوي وصعدت رفل وبيده صينيه
رفل
كلولي قيصر ممتغدي كلت لالالالا شلون ميتغدئ واني اضرب معلاك أ بحدي شويته وجبته ناكل سوئ
قيصر
والله مااشتهي اخذي ونزلي رفل مجاي اطيق ريحة الاكل كلش تعبان ونفسي لعبانه
رفل
انته دكتور واكيد تعرف ليش متطيق ريحة الاكل
انته مريض واكيد مالك نفس بس احنه شغلتنه نفتح نفسك ولاتكول نزلي ولاهاي السوالف ادري بيك تعشق المعلاك هسه ناكل سوه وانزل
قيصر
بسسس
رفل
لابس ومس ههه هاك هاي لفه وشماتخلص اسويلك بس هم ايدك مواخلص الماعون ونته بعدك لفتك بيدك
تعرفني بالمعلاك ابويه مااعرفه لايغرك كيوت وهلسوالف اني بالاكل مصيبه ههه
قيصر
رفل
مااكدر وداعتج اذا اشتهي اصيحلج بس والله مالي نفس عفيه شيلي
رفل
قيصر شبيك فهمني المثلك طاير من الفرح انته طلعت من الموت احمدلله وشكره ع نعمة الصحه وين جنت ووين صرت انته نجيت بااعجوبه بعد عليمن هلهم ياعيني ذب الهم وراك وعيش حياتك ولاتباوع للماضي
قيصر
بس اني المي والم جسمي موهوه الواجعني اني روحي مئذيتني روحي تعبانه رفل روحي حاس اريد اموت الدنيه ممطيتني مجال كل يوم ضربه والنفس متتحمل مالاطاقه لها هاذا حدي تعبت
رفل
لاتعبك نفسك ولاتشغل بالك ع المايستاهل ريح نفسك واحمد ربك لان تنورت بصيرتك وارتاحيت من سمر وهمه
قيصر
سمر
ااااخ ياسمر ندمان ع كل دقيقه كضيته وياها ندمان ع دقيقه من عمري ضاعت واني احاول اجمل صورته كدام اهلي وناسي الحمدلله مصارت من نصيبي جان الصدمه صارت اقوئ اضعاف ويمكن اموت ولاتحنله
رفل
الحمدلله لان عرفت الحقيقه بس شيفيد الندم ياقيصر انته ضيعت دره ثمينه من ايدك
قيصر
وهاذا الي غاثني وقاهرني اني اذيت ناي حيييل حيل ومااعرف شلون واصلله واعتذرمااعرف
رفل
خله ع الله الزمن كفيل ينسيك كلشي وبنفس الوقت ناي خلهه ترتاح يلا تروح الها وانته لازم تتشافئ حتئ تبدون حياة جديده بدون هم ولازعل
قيصر
الله كربم
ومرت الايام وصار شهر ع حادث قيصر وطلبت الشرطه اقوله وشكم يوم وطلبو للمحكمه يروح ويشهد ع سمر
وطبعآ قيصر ما قبل يحجي الحجي كله بس موضوع الاخير حجا موحبآ بيها بس هاي شيم الرجال وخاصتآ هيه دكتوره وكل هاذ يضر بسمعة مستقبلها انرفعت اوراقها للقاضي ونحكمت خمس سنوات وصل لخبر القيصر وبين علي التاثر مجان متوقع كل هاذا يطلع منها ولاكل هاذا يصير الها يلاا اهم شي خلص من شره
بس بقت ناي متعلكه اباله ورايد يعتذر اله اتصل عليها بدل المره عشره وماكو اي رد الا ان اجئ اليوم الاجاهم خبر من العماره هز كيانهم هز
ناي
رحنه للمستشفئ واول موصلنا لكيت الجيران لاحكينه بسياراتهم ومتجمعين بالمستشفئ واني بطرك والي وسوده عليه خايف اجئ الدكتور وكال الرجال لازم يدخل عمليات عنده كسر بالحوض ولازم يسوي عمليه وين ولده خل يجون يوقعون ع اوراق العمليه ضروري
هناا الكلمه حيل اذتني منين اجيب الوالي والسند اليوكفلي بهيج محنه
رضا
اني اوقع
هلوووو بنات هاذي تكملة البارت 24 دائمآ تكولون البارت قصير
شوفوو بنات حبيباتي سبق وكلت اكثر من الفين كلمه مااكتب وغير الاحداث المهمه هماتين ماكتب وبالنسبه للتأخير صح هاذي الغلطه غلطتي نزلت القصه واني كاتبه منه بس 4بارتات المفروض اكتب ع اقل 10بارتات بس انشالله هلغلطله متتكرر ع الروايه الجايه واسفه ع التاخير بسبب ضروف صحيه اغلبكم تعرفوه وهماتين متعذرون الا القليل منكم يعذر اني اديه واجعتني ومااكدر الزم تلفوني انشالله الروايه الجايه ناااااار حيل راح تعجبكم وراح اكمله يلا انزله ووعد مني يوميه انزل بارت اعوضكم
شكرا لزيارتكم عالم روايات سكيرهوم
