رواية هشاشة قلب الفصل السادس والعشرون بقلم العباديه
- ﻣﺤﺎﻭﻟﺔ ﻗﺘﻞ
- ﻋﺰﺯﺯﺍﺍﺍ ﻣﻨﻮ ﻗﺎﺗﻞ؟
- ﺍﺧﻮﺍﺕ ﺯﻭﺟﻬﺎ ﻣﺘﻌﺎﻭﻧﺎﺕ ﻭﺧﺎﻧﻜﺎﺗﻬﻪ ﺑﺎﻟﺸﺎﻝ ﺍﻟﻠﻪ ﺳﺘﺮﻛﻢ ﻭﻣﻐﻤﻲ ﻋﻠﻴﻬﻪ ﻗﺒﻞ ﻟﺘﻤﻮﺕ ﻭﺍﻻ ﻗﺎﺗﻼﺗﻬﻪ
- ﻋﺰﺍﺍﺍ ﻭﻳﻦ ﻋﺎﻳﺸﻴﻦ ﻳﻤﻪ ﺍﺧﻴﺘﻲ ﺻﺨﺎﻡ ﺑﻮﺟﻬﻲ ﻭﻳﻦ ﻋﺎﻳﺸﻪ ﺻﺎﺭﻟﺞ ﭼﻢ ﺷﻬﺮ ﻭﺗﺎﻟﻲ
- ﺍﻟﻠﻪ ﺍﻟﻌﺎﻟﻲ
- ﻭﻳﻦ ﻫﺴﻪ ﻫﻨﻪ؟
- ﺇﻋﺘﻘﻠﻮﻫﻢ ﺍﻟﺸﺮﻃﻪ ﻭﺣﻴﻄﻠﻌﻮﻫﻦ ﺑﻜﻔﺎﻟﻪ ﺍﻛﻴﺪ ﻻﻥ ﻧﺴﻮﺍﻥ ﻭﺑﺎﻟﺴﺠﻦ ﻭﺍﮔﻔﻪ
- ﻻ ﻣﺎﻳﻄﻠﻌﻦ ﻭﺍﻟﻠﻪ ﻭﻻﻳﻄﻠﻌﻦ ﺧﻞ ﻳﺎﺧﺬﻥ ﺟﺰﺍﺗﻬﻦ ﺍﻧﻲ ﺑﻌﺪﻧﻲ ﻣﺼﺪﻭﻣﻪ ﻣﺎﺍﺻﺪﮒ ﻭﺍﻟﻠﻪ ﻣﺎﺍﺻﺪﮒ
- ﻭﻻ ﺍﻧﻲ
ﻇﻠﻴﺖ ﺻﺎﻓﻨﻪ ﺷﻨﻮ ﻫﺎﻱ ﻭﻳﻦ ﻋﺎﻳﺸﻴﻦ ﻳﺮﺑﻲ ﺟﺎﻥ ﺍﺧﺘﻲ ﺭﺍﺣﺖ ﺑﻴﻬﻪ .. ﻳﻤﻜﻦ ﺍﻧﺴﻪ ﻣﻮﺍﻟﻴﺪﻱ ﻭﻣﺎﺍﻧﺴﻰ ﻫﺎﻱ ﺍﻻﻳﺎﻡ .
ﺇﺳﺘﻤﺮﺕ ﺍﻟﻤﺸﺎﻛﻞ ﻭﺗﺪﺧﻠﺖ ﺍﻟﻌﺸﺎﺋﺮ ﻛﻠﻬﻪ ﺗﺮﻳﺪﻧﻪ ﻧﺘﻨﺎﺯﻝ ﻭﻧﻄﻠﻌﻬﻦ ﺑﺲ ﺇﺳﻤﺎﻋﻴﻞ ﻣﺎﻗﺒﻞ ..
ﺗﻘﻮﻯ ﮔﻌﺪﺕ ﻭﺑﺲ ﺻﺎﻓﻨﻪ ﻛﻠﻤﻪ ﻣﺎﻧﻄﻘﺖ ﻭﻣﻦ ﻳﺠﻲ ﺍﻟﻠﻴﻞ ﺗﻈﻞ ﺗﻬﻠﻮﺱ ﻭﺗﺼﻴﺢ ﻋﻮﻭﻓﻨّﻲ ﻭﺑﻠﻌﻮﻣﻬﻪ ﻛﻠﻪ ﺑﻨﻔﺴﺠﻲ ﺁﺛﺎﺭ ﺍﻟﺨﻨﮓ .
ﺣﺘﻰ ﻣﺎﺳﻮﻟﻔﺖ ﺇﻟﻨﻪ .. ﺍﻟﻠﻪ ﻻﻳﻨﻄﻴﻬﻦ ﺷﺴﻮﻥ ﺑﺈﺧﺘﻲ ﺗﺨﺒﻠﺖ .
ﺃﻣﻲ ﺗﻜﻌﺪ ﻳﻢ ﺭﺍﺳﻬﻪ ﺑﺎﻟﻠﻴﻞ ﺗﺒﭽﻲ ﻭﺗﻘﺮﻩ ﺁﻳﺎﺕ ﻗﺮﺁﻧﻴﻪ ﺗﻬﺪﺃﻫﻪ ﻭﺍﺣﻨﻪ ﻭﻳﺎﻫﻪ ﻻﻧﻮﻡ ﻭﻻ ﺭﺍﺣﻪ ﻭﻻ ﺣﻴﺎﺓ ﻣﺴﺘﻘﺮﻩ .
ﺇﺧﻮﺍﻧﻲ ﺍﺗﻔﻘﻮﺍ ﺑﻴﻨﺎﺗﻬﻢ ﻉ ﺍﻟﻄﻼﮒ ﻭﺗﺘﻄﻠﮓ ﺍﺣﺴﻦ ﻣﺎﺗﻤﻮﺕ .. ﻫﻲَ ﻇﻠﺖ ﺳﺎﻛﺘﻪ ﻣﺎﺣﺠﺖ ﺷﻲ ﺑﺲ ﮔﺎﻣﺖ ﺗﺒﺠﻲ ﻻﻥ ﺑﺈﻋﺘﺒﺎﺭ ﺑﻌﺪﻫﻪ ﻋﺮﻭﺱ ﺻﺎﺭﻟﻬﻪ ﻛﻢ ﺷﻬﺮ ﻣﻦ ﺗﺰﻭﺟﺖ ﻭﺷﺎﻓﺖ ﺿﻴﻢ ﻭﺿﻼﻳﻢ .
ﺍﺳﻤﺎﻋﻴﻞ ﺧﺎﺑﺮ ﺭﺟﻠﻬﻪ ﮔﺎﻟﻪ ﺗﻄﻠﮕﻬﺎ ﺑﺲ ﻣﺎﻗﺒﻞ ﻭﻫﻢ ﺻﺎﺭﺕ ﻣﺸﻜﻠﻪ ﺫﺍﻙ ﻳﺼﻴﺢ ﻭﺍﺳﻤﺎﻋﻴﻞ ﻳﺼﻴﺢ ﺍﺧﺮ ﺷﻲ ﺗﺪﺧﻞ ﺷﻴﺦ ﻋﺸﻴﺮﻩ ﻭﮔﺎﻟﻠﻪ ﺗﻄﻠﮕﻬﻪ ﻭﻛﻞ ﻭﺍﺣﺪ ﺑﻄﺮﻳﻘﻪ ﻣﺎﺩﺍﻡ ﺣﻴﺎﺓ ﺍﻟﺒﻨﻴﻪ ﺑﺨﻄﺮ .. ﺷﻜﺪ ﺗﻮﺳﻞ ﻛﺎﻝ ﺍﻃﻠﻊ ﺑﻴﻬﻪ ﻳﻢ ﺍﻫﻠﻬﻪ ﺍﻋﺰﻝ ﺑﻴﻬﻪ ﺑﺲ ﻣﺤﺪ ﻗﺒﻞ ﻻﻥ ﺻﺎﺭﺗﻠﻨﻪ ﮔﺮﺻﺔ ﺇﺫﻥ ﺷﻨﻮ ﻣﺎﺭﺍﻳﺪﻳﻦ ﺑﺘﻨﻪ .
ﺍﻟﻴﻮﻡ ﺇﺟﻪ ﺍﻟﺴﻴﺪ ﻟﺒﻴﺘﻨﻪ ﻋﻠﻤﻮﺩ ﻳﺮﻣﻲ ﻋﻠﻴﻬﻪ ﻳﻤﻴﻦ ﺍﻟﻄﻼﮒ ﻭﻫﻲَ ﻻﺯﻡ ﺗﻄﻠﻌﻠﻪ .
ﻫﻮَ ﺣﺘﻰ ﺷﻮﻑ ﻣﺎﺷﺎﻓﻬﻪ ﻣﻦ ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻣﺎﺧﻠﻴﻨﺎﻩ .
ﺍﻟﻌﺼﺮ ﺇﺟﻪ ﺭﺟﻠﻬﻪ ﻭﺻﺎﺣﻬﻪ ﺇﺳﻤﺎﻋﻴﻞ ﻟﻼﺳﺘﻘﺒﺎﻝ .. ﻟﺒﺴﺖ ﻭﻃﻠﻌﺖ ﺗﺒﺎﻭﻉ ﺑﻘﻬﺮ ﻣﺎﺗﺮﻳﺪ ﺗﺘﻄﻠﮓ ﺑﺲ ﻣﺎﺍﻋﺘﻘﺪ ﺑﻌﺪ ﻋﺪﻫﻪ ﺍﺳﺘﻌﺪﺍﺩ ﺗﺘﺤﻤﻞ ﺍﻟﺸﺎﻓﺘﻪ .
ﺭﺍﺣﺖ ﻟﻼﺳﺘﻘﺒﺎﻝ ﺷﻮﻳﻪ ﻭﺭﺟﻌﺖ ﺗﺸﻬﻚ ﻭﺗﺒﺠﻲ
- ﺷﺒﻴﺞ ﺗﻘﻮﻯ
ﺑﺲ ﺗﺒﺠﻲ .. ﺣﻀﻨﺘﻨﻲ ﻭﻇﻠﺖ ﺗﺸﻬﮓ ﺑﻘﻬﺮ
- ﺍﺣﺠﻲ ﻳﺨﺘﻲ ﺗﺮﺗﺎﺣﻴﻦ ﺍﺣﺠﻲ
ﺗﻘﻮﻯ .. ﻃﻠﻜﻨﻲ
- ﺍﺭﺗﺎﺣﻲ ﺗﻘﻮﻯ ﺍﺭﺗﺎﺣﻲ ﺍﺧﻮﺍﺗﻪ ﻣﺎﻳﻨﺤﻤﻠﻦ
ﻇﻠﻴﺖ ﺳﺎﻧﺪﻩ ﺭﺍﺳﻬﻪ ﻋﻠﻰ ﻣﺘﻨﻲ ﻭﺩﻣﻮﻋﻬﻪ ﺗﻨﺰﻝ
ﺗﻘﻮﻯ .. ﻛﻠﺸﻲ ﺗﻮﻗﻌﺖ ﺍﻻ ﻳﺪﻭﺭﻥ ﻋﻠﻴﻪ ﻳﺮﻳﺪﻥ ﻳﻤﻮﺗﻨﻲ ﻣﺎﺗﻮﻗﻌﺘﻬﻪ ﻭﻻ ﺣﺴﺒﺘﻠﻬﻪ ﺣﺴﺎﺏ ﻧﻬﺎﺋﻴﺎً
- ﻟﻴﺶ ﻫﻴﺞ ﻳﺴﻮﻥ
ﺗﻘﻮﻯ .. ﺍﻟﻐﻴﺮﻩ ﺗﻌﻤﻲ ﺛﺮﻳﺎ .. ﻻﻥ ﻫﻨﻪ ﻛﻠﻬﻦ ﻣﺎﻣﺘﺰﻭﺟﺎﺕ ﻭﻋﺎﺿﺎﺕ ﺭﻛﺒﻬﻦ ﻭﻳﺸﻮﻓﻨﻲ ﺍﻧﻲ ﺗﻮﻧﻲ ﻣﺘﺰﻭﺟﻪ ﻭﺃﻟﺒﺲ ﻭﺃﺑﺪﻝ ﻟﺮﺟﻠﻲ ﻭﻣﺪﻟﻠﺘﻪ ﺗﺨﺒﻠﻦ ﻋﺎﺩﻧّﻲ ﻭﺣﺎﻭﻟﻦ ﻳﺴﻮﻥ ﻣﺸﺎﻛﻞ ﺑﻴﻨﺎﺗﻨﻪ ﻣﻦ ﺷﺎﻓﻨﻲ ﻛﺎﺳﺒﺘﻪ ﻭﻣﺎﻳﺼﺪﮒ ﺑﻴﻬﻦ ﻇﻠﻦ ﻳﻀﺮﺑﻨﻲ ﻭﺍﻧﻲ ﻣﺎﺍﮔﻮﻟﻠﻪ ﺍﮔﻮﻝ ﺧﺎﻑ ﻳﻀﻮﺝ ﻳﺠﻲ ﺗﻌﺒﺎﻥ ﻭﺍﻧﻲ ﺍﺗﻼﮔﻪ ﺑﺎﻟﻨﮓ ﻑ ﺍﺳﻜﺖ .
ﻟﻤﺎ ﻭﺻﻠﺖ ﺣﺪﻫﻪ ﺫﺍﻙ ﺍﻟﻴﻮﻡ ﮔﺘﻠﻪ ﻟﻌﺒﺖ ﻟﻌﺐ ﻃﻠﻌﺖ ﺍﻟﺒﮕﻠﺒﻲ ﻛﻠﻪ ﺻﺮﺧﺖ ﻭﻣﻠﺸﺖ ﺷﻌﺮﻱ ﻇﻠﻴﺖ ﺍﻧﺸﺎﻝ ﻭﺍﻧﺮﮔﻊ .
ﺗﺎﻟﻲ ﺯﻋﻞ ﻋﻠﻴﻪ ﻻﻥ ﻭﺍﻧﻲ ﻋﺼﺒﻴﻪ ﻛﻠﺖ ﺣﻘﻴﺮﺍﺕ ﻣﺎﻣﺘﺮﺑﻴﺎﺕ ﺭﺯﻟﻨﻲ ﻋﻠﻰ ﺣﭽﺎﻳﺘﻲ ﻭﺭﺯﻟﻬﻦ ﻭﻇﻞ ﺯﻋﻼﻥ ﻋﻮﺩ ﻣﻨﻮ ﻣﺮﺑﻴﻬﻦ .
ﺑﺰﻋﺖ ﺛﺮﻳﺎ ﺍﺗﻜﺄﺏ ﻣﻦ ﺍﺩﺧﻞ ﻟﻠﺒﻴﺖ ﻭﺍﺭﻳﺪ ﺍﺑﻘﻪ ﺑﺒﻴﺘﻲ ﻣﺎﻳﺨﻠﻴﻨﻲ ﻳﮕﻮﻝ ﺍﺧﺎﻑ ﻋﻠﻴﺞ ﻭﺣﺪﺝ .. ﻣﻦ ﻳﻄﻠﻊ ﻳﺸﺘﻐﻠﻨﻲ ﻛﺮﺏ ﻭﺗﻨﻈﻴﻒ ﻟﻤﺎ ﺍﻃﻴﺢ ﺻﻔﺢ ﻣﻦ ﺍﻟﺘﻌﺐ .. ﺑﺎﻷﺧﻴﺮ ﻳﺠﻲ ﻫﻮَ ﺍﻟﺘﻌﻘﻴﺪ ﻭﺍﻟﻀﻮﺟﻪ ﻭﺍﻟﻜﺂﺑﻪ ﻛﻠﻬﻪ ﺑﻮﺟﻬﻪ ﺍﺣﺎﻭﻝ ﺍﺿﺤﻚ ﻣﺎﻛﻮ ﺗﻜﻮﻝ ﻣﺘﻌﺎﺭﻙ ﻭﻱ ﺧﺸﻤﻪ .
ﺍﺳﻜﺖ ﻋﻨﻪ ﻣﻦ ﻳﺸﻮﻓﻨﻲ ﺍﺳﻜﺖ ﻳﮕﻠﻲ ﻣﺎﺗﻬﺘﻤﻴﻦ ﺑﻴﻪ ﻭﻳﺮﺯﻟﻨﻲ ..
ﺑﻴﻮﻡ ﺍﻟﮕﺎﻟﻠﻲ ﺍﻧﻲ ﺍﺧﺬﺝ ﻟﻠﺰﻳﺎﺭﻩ ﺳﻮﻥ ﻣﺸﻜﻠﻪ ﺷﻜﺒﺮﻫﻪ ﻭﺗﻌﺎﺭﻛﻦ ﻭﻳﺎﻱ ﻭﮔﺎﻟﻠﻪ ﺗﺘﺠﺎﻭﺯ ﻭﺗﻐﻠﻂ ﻋﻠﻴﻨﻪ ﻭﻫﻮَ ﻣﻦ ﺍﻟﻨﻮﻉ ﻳﺤﺘﺮﻡ ﺍﻫﻠﻪ ﻭﺧﺼﻮﺻﺎً ﺍﻣﻪ ﻭﻣﻦ ﺳﻤﻊ ﻣﻦ ﺇﻣﻪ ﮔﺎﻝ ﻣﺎﻛﻮ ﺯﻳﺎﺭﻩ .
ﺑﻄﻠﺖ ﻭﮔﻌﺪﺕ ﻧﻈﻔﺖ ﻭﻛﻤﻠﺖ .. ﺣﺎﻭﻟﻦ ﻳﺴﺘﻔﺰﻧﻲ ﻋﻠﻤﻮﺩ ﻧﺘﻌﺎﺭﻙ ﺑﺲ ﻣﺎﻛﺪﺭﻥ .. ﺁﺧﺮ ﺷﻲ ﻣﻦ ﺣﺮﮔﺘﻬﻦ ﺩﺍﺭﻥ ﻋﻠﻴﻪ ﻳﺮﻳﺪﻥ ﻳﻜﺘﻠﻨﻲ ﺍﻧﻲ ﻇﻠﻴﺖ ﺃﻣﻠﺶ ﺑﻴﻬﻦ ﻭﺃﺩﻓﻊ ﻭﻋﻀﻴﺖ ﺇﺧﺘﻪ ﺍﻟﭽﺒﻴﺮﻩ ﺑﻤﺘﻨﻬﻪ
ﻣﻦ ﺳﻮﻳﺖ ﻫﻴﺞ ﺩﺍﺭﻥ ﻋﻠﻴﻪ ﻟﺰﻣﻦ ﺇﻳﺪﻳﻪ ﻭﻧﺰﻋﻨﻲ ﺷﺎﻟﻲ ﻭﻟﻔﻨﻬﻪ ﻋﻠﻰ ﺭﮔﺒﺘﻲ ﻭﻇﻠﻦ ﻳﺨﻨﮕﻦ ﺑﻴﻪ .. ﺣﺴﻴﺖ ﺭﻭﺣﻲ ﻃﻠﻌﺖ ﺍﻟﻬﻮﻯ ﺿﺎﻕ ﺑﺮﻳﺘﻲ ﻭﺍﻻﻭﻛﺴﺠﻴﻦ ﺧﻠﺺ .. ﻣﻦ ﺣﻼﺕ ﺭﻭﺣﻲ ﻭﺍﻟﺮﻭﺡ ﻋﺰﻳﺰﻩ ﻇﻠﻴﺖ ﺍﻗﺎﻭﻡ ﻟﻤﺎ ﺭﺟﻊ ﺭﺍﺳﻲ ﻉ ﺍﻟﺤﺎﻳﻂ ﻭﺍﻧﺮﺩﻡ ﺭﺃﺳﺎً ﺍﻧﻐﻤﻰ ﻋﻠﻴﻪ ﻭﻫﻨﻪ ﺟﺎﻧﻦ ﺣﺎﺻﺮﺍﺗﻨﻲ ﻉ ﺍﻟﺤﺎﻳﻂ ﻋﻮﺩ ﺣﺘﻰ ﻣﺎﺍﺷﺮﺩ .
ﻣﻦ ﺍﻧﻐﻤﻰ ﻋﻠﻴﻬﻪ ﻋﺒﺎﻟﻬﻦ ﻣﺘﺖ ﻭﺍﺧﺘﻪ ﺍﻟﺼﻐﻴﺮﻩ ﺧﺎﺑﺮﺗﺠﻦ ﻫﺎﻱ ﻻﺗﺤﻞ ﻭﻻﺗﺮﺑﻂ ﻭﺗﺨﺎﻑ ﻋﻠﻴﻬﻦ ﺣﺘﻰ ﻣﺎﺧﺎﺑﺮﺕ ﻭﺍﺣﺪ ﻣﻦ ﺍﻟﻮﻟﺪ ﺧﺎﻑ ﻳﺴﺠﻨﻮﻥ ﺍﺧﻮﺍﺗﻬﻪ ﻋﺒﺎﻟﻬﻪ ﺍﻟﺴﻮﻧﻪ ﺑﻴﻪ ﻫﻴﻦ .
ﻫﺴﻪ ﺻﺮﺕ ﻣﻄﻠﮕﻪ ﻭﻫﻮَ ﺍﻟﺒﺎﻉ ﭼﺎﻥ ﻳﮕﺪﺭ ﻳﻄﻠﺒﻨﻲ ﻟﺒﻴﺖ ﺍﻟﻄﺎﻋﻪ ﻟﻮ ﻳﺘﻤﺴﻚ ﺑﻴﻪ ﻉ ﺍﻻﻗﻞ ﻣﻮ ﺣﭽﺎﻳﺔ ﺍﻟﺘﻨﮕﺎﻝ ﺑﺲ ﻣﺎﺍﻃﻠﮓ ﻭﻫﺎﻱ ﻫﻴﻪ ﻭﺑﻌﺪﻳﻦ ﻣﻦ ﺿﻐﻄﻮ ﻋﻠﻴﻪ ﺗﺨﻠﻰ ﻋﻨﻲ .
ﻧﻬﻰ .. ﺧﻞ ﻳﻮﻟﻲ ﺣﻘﻴﺮ .. ﻣﻦ ﺍﻟﻠﻪ ﻻﻳﻨﻄﻴﻬﻦ
ﺛُﺮﻯٰ .. ﺩﺳﻜﺘﻲ ﻻﻳﺸﻮﺭ ﺑﻴﺞ ﺳﻴﺪ
ﻧﻬﻰ .. ﻫﻬﻪ ﺧﻮﺵ ﺍﺧﻮﺍﺕ ﺳﻴﺪ ﻋﻤﻲ
ﺗﻘﻮﻯ .. ﻣﺎﻳﺨﻠﻴﻬﻦ ﺑﺎﻟﺴﺠﻦ ﺍﻭﺍﻋﺪﺟﻦ ﺑﺎﺟﺮ ﻫﻨﻪ ﻃﺎﻟﻌﺎﺕ
ﺛُﺮﻯٰ .. ﺷﻨﻮ ﺑﻜﻴﻔﻬﻦ ﻳﻄﻠﻌﻦ ﻣﺎﻧﺘﻨﺎﺯﻝ
ﺗﻘﻮﻯ .. ﺍﻭﺍﻋﺪﺟﻦ ﻭﺷﻮﻓﻦ
ﺻﺪﮒ ﺛﺎﻧﻲ ﻳﻮﻡ ﺍﺟﻪ ﺍﺗﺼﺎﻝ ﻻﺍﺳﻤﺎﻋﻴﻞ ﻛﺎﻟﻪ ﻃﻠﻌﻦ ﺑﻜﻔﺎﻟﻪ 15 ﻣﻠﻴﻮﻥ
ﻇﻠﻴﻨﻪ ﻧﻨﺸﺎﻝ ﻭﻧﻨﺮﮔﻊ ﻟﻴﺶ ﻃﻠﻌﻦ ﻭﻭﻻ ﻛﺄﻧﻤﺎ ﻣﺴﻮﻳﺎﺕ ﺷﻲ ﻭﺍﻟﻠﻪ ﻇﻠﻢ .
ﻣﺎﻫﺮ ﻣﺎﻋﺎﻓﻨﻲ ﻛﻞ ﻫﺎﻟﻔﺘﺮﻩ ﻳﻮﻣﻴﻪ ﻳﺘﺼﻞ ﻭﻳﺘﻄﻤﻦ ﻋﻠﻴﻪ ﻭﻛﻠﺴﺎﻉ ﺟﺎﻳﻨﻪ .
ﺣﺘﻰ ﻣﻦ ﺍﻟﻜﻠﻴﻪ ﻫﻮَ ﺍﺧﺬﻟﻲ ﺇﺟﺎﺯﻩ ﻫﻤﺰﻳﻦ ﻧﻘﺬﻧﻲ ﻻﻥ ﻧﻔﺴﻴﺘﻲ ﻣﺘﺪﻣﺮﻩ ﻣﺎﺍﮔﺪﺭ ﺣﺘﻰ ﺍﺩﺍﻭﻡ .
ﺍﻟﻴﻮﻡ ﺇﺟﺎﻧﻪ ﻫﻢ ﺳﻴّﺮ ﺑﺎﻟﻠﻴﻞ .. ﻟﺒﺴﺖ ﻓﺴﺘﺎﻥ ﻛﻠﻮﺵ ﻣﺨﺼﺮ ﻭﺳﻮﻳﺖ ﺷﻌﺮﻱ ﺫﻳﻞ ﺣﺼﺎﻥ ﺍﻛﺜﺮ ﺗﺴﺮﻳﺤﻪ ﺍﺣﺒﻬﻪ .
ﺩﺧﻠﺖ ﺳﻠﻤﺖ ﻭﻇﻠﻴﻨﻪ ﻧﺴﻮﻟﻒ ﻭﺍﻫﻠﻲ ﻣﻮﺟﻮﺩﻳﻦ .. ﻫﻮَ ﻳﺒﺎﻭﻉ ﻋﻠﻴﻬﻢ ﻭﻳﺒﺎﻭﻋﻠﻲ ﻣﺘﻮﺳﻞ ﻭﻳﺘﺤﺴﺮ ﻳﺮﻳﺪ ﻳﺴﺘﻔﺮﺩ ﺍﻻﺥ .
ﺃﺷﺮﻟﻲ ﻋﻮﺩ ﺳﻮﻱ ﺃﻱ ﺷﻲ .. ﺍﻧﻲ ﺃﺷﺮﺕ ﻟﻨﻬﻰ ﺑﺤﻮﺍﺟﺒﻲ .. ﻓﻬﻤﺖ ﺍﻟﻘﺼﺪ ﻭﮔﺎﻣﺖ ﻃﻠﻌﺖ .. ﻛﺎﻟﺘﻠﻬﻢ ﺧﻠﻮﻫﻢ ﻭﺣﺪﻫﻢ .
ﻃﻠﻌﻮ ﻭﺑﻘﻴﻨﻪ ﺑﺲ ﺇﺣﻨﻪ .. ﺃﺷﺮﻟﻲ ﺑﻠﻬﻔﻪ ﻭﻉ ﺍﻟﺴﺮﻳﻊ . ﺍﺟﻴﺖ ﮔﻌﺪﺕ ﻳﻤﻪ ﺭﺃﺳﺎً ﺑﺎﺳﻨﻲ ﺑﺨﺪﻱ .
ﻇﻠﻴﺖ ﺻﺎﻓﻨﻪ ﻭﺿﺤﻜﺖ
- ﻣﻠﻠﻮﻧﻲ ﺃﺭﻳﺪﻫﻢ ﻳﻄﻠﻌﻮﻥ ﻣﺎﻛﻮ
- ﻫﻬﻬﻪ
- ﻣﺸﺘﺎﻗﻠﺞ
- ﻭﺍﻧﻲ ﻫﻢ ﺻﺎﺭ ﺷﻜﺪ ﻣﺎﻣﺴﻮﻟﻔﻴﻦ
- ﺍﻱ ﻫﺎﻱ ﺍﻟﻈﺮﻭﻑ ﺻﻌﺒﻪ ﺍﻟﺤﻤﺪ ﻟﻠﻪ ﻣﻦ ﺧﻠﺼﺖ ﺑﺨﻴﺮ ﻭﺳﻼﻣﻪ
- ﺍﻟﺤﻤﺪ ﻟﻠﻪ
ﺗﺬﻛﺮﺕ ﺍﻟﺪﻛﺘﻮﺭﻩ ﻻﺯﻡ ﺍﻋﺮﻓﻬﻪ ﺣﺘﻰ ﻟﻮ ﻣﺎﺍﺭﻳﺪ ﺍﺫﻛﺮﻩ ﺑﺎﻟﻤﺸﻜﻠﻪ ﺑﺲ ﻣﺎﺍﻛﺪﺭ ﺑﻌﺪ ﻓﻀﻮﻟﻲ ﺭﺍﺡ ﻳﻔﺠﺮﻧّﻲ
- ﻣﺎﻫﺮ ﻣﻨﻴﻪ ﻗﻄﺮ ؟
- ﺍﺧﺖ ﺻﺪﻳﻘﻲ ﻣﺨﻠﻴﻬﻪ ﺍﻣﺎﻧﻪ ﻳﻤﻲ
- ﻭﻟﻴﺶ ﺍﺟﺖ ﺍﻟﻤﻜﺘﺐ
- ﻋﻠﻤﻮﺩ ﺇﺧﺘﻬﻪ ﺗﺮﻳﺪ ﺗﻘﺪﻣﻠﻬﻪ
- ﻭﺍﻧﺖَ ﺧﻮﺵ ﻃﺮﺩﺗﻨﻲ ﺑﻨﺰﺍﻛﻪ
- ﺛُﺮﻯٰ ﺍﻋﺮﻑ ﺳﻮﺍﻟﻔﺞ ﺍﻧﺖِ ﺑﺲ ﻧﻈﺮﺍﺗﺞ ﺍﻓﺘﺮﺳﻨﻬﻪ ﻣﻮ ﺍﻹ ﺍﺧﻠﻴﺞ ﻳﻤﻬﻪ ﺷﺮﻁ ﺗﻤﻮﺗﻴﻬﻪ ﻭﻫﻲَ ﻛﺎﻋﺪﻩ
- ﺷﻨﻨﻪ ﺳﻮﺍﻟﻔﻲ ﺑﻠﻪ
- ﺍﻫﻮﻭ ﺛُﺮﻯٰ ﻳﻌﻨﻲ ﺳﻮﺍﻟﻒ ﺍﻟﺒﻨﺎﺕ ﻣﺎﻝ ﻏﻴﺮﻩ ﻣﺎﻏﻴﺮﻩ
- ﻭﻣﻦ ﺗﺪﺭﻱ ﺑﻴﻪ ﺍﻏﺎﺭ ﻟﻴﺶ ﺗﺪﺧﻠﻬﺎ؟
- ﻳﻌﻨﻲ ﺍﻃﺮﺩﻫﺎ؟
- ﺍﻱ
- ﺍﺍﺍﺍﻩ؟؟ ﺍﻧﺖِ ﻟﻮ ﺑﻤﻜﺎﻧﻲ ﺗﻄﺮﺩﻳﻬﺎ؟
- ﻻ ﺑﺲ ﻣﺎﺍﺳﻮﻱ ﻣﺜﻠﻚ ﻭﺗﻄﺮﺩﻧﻲ
- ﺛُﺮﻯٰ ﻣﻄﺮﺩﺗﺞ ﺍﻧﻲ ﺑﺲ ﺧﺎﻑ ﺗﺼﻴﺮ ﻣﺸﻜﻠﻪ ﺳﻮﻳﺖ ﻫﻴﺞ
- ﺍﻣﻤﻢ
- ﺻﺪﻙ ﺍﻧﻲ ﻣﺎﺻﺎﻟﺤﺘﺞ ﺑﻮﻗﺘﻬﻪ
- ﺷﻨﻮ ﻟﻴﺶ ﺗﺼﺎﻟﺤﻨﻲ
- ﻏﻴﺮ ﺗﺰﺍﻋﻠﻨﻪ
ﺑﺎﻭﻋﻠﻲ ﺑﻨﻈﺮﺍﺕ ﺧﺒﻴﺜﻪ ﻭﻧﺰﻟﺖ ﻧﻈﺮﺍﺗﻪ ﻋﻠﻰ ﺷﻔﺎﻓﻲ .. ﻋﺾ ﺷﻔﺘﻪ ﻭﻏﻤﺰ .. ﺧﺪﻭﺩﻱ ﺻﺎﺭﻥ ﻧﺎﺭ ﺍﻟﻐﻤﺰﻩ ﺗﺤﺪﻳﺚ ﺟﺪﻳﺪ ﺗﻮﻩ ﻧﺰﻝ . ﻳﺮﻳﺪ ﺣﺠﻪ ﻋﺰﺩ ﻳﺮﺍﺿﻴﻨﻲ ﺑﻬﺎﻟﻄﺮﻳﻘﻪ
ﻫﻮَ ﺑﺪﻭﻥ ﻏﻤﺰﻩ ﻣﺸﻠﻮﻝ ﺣﺎﻟﻲ ﻣﻮ ﺍﻷ ﻏﻤﺰﻩ ﻭﻳﺎﻫﻪ .
ﻗﺮﺏ ﻭﺟﻬﻪ ﻳﻢ ﻭﺟﻬﻲ ﻧﻔﺴﻨﻪ ﺻﺎﺭ ﻭﺍﺣﺪ .. ﺻﻮﺕ ﺍﻧﻔﺎﺳﻪ ﺍﻟﻤﺘﺴﺎﺭﻋﻪ ﻣﻠﺊ ﻣﺴﺎﻣﻌﻲ .. ﻟﻬﻔﺘﻪ ﻭﻋﺬﺍﺑﻪ ﺑﻘﺮﺍﺑﻲ ﺧﻼﻧﻲ ﺍﻓﺮﺡ .
ﻳﻘﺮﺏ ﺭﺍﺳﻪ ﻭﻳﺮﺟﻊ ﻳﺒﻌﺪﻩ ﻣﺜﻞ ﺷﻲ ﻃﺎﻫﺮ ﻣﺎﻳﺮﻳﺪ ﻳﻠﻮﺛﻪ .
ﺍﺧﺮ ﺷﻲ ﻫﻤﺲ
- ﻣﺎﺍﺗﺤﻤﻞ ﺑﻌﺪ .
ﺗﻘﺮﺏ ﻋﻠﻰ ﺷﻔﺎﻓﻲ ﻃﺒﻊ ﻗُﺒﻠﻪ ﺗﻔﻨﻦ ﺑﻴﻬﻪ ﻭﺇﺣﺘﺎﺭ ﺷﻠﻮﻥ ﻳﺤﻔﻆ ﺗﻔﺎﺻﻴﻠﻬﻪ ﺑﺬﻫﻨﻪ .
ﺍﻟﻬﻮﻯٍ ﺇﻧﻘﻄﻊ ﻋﻨﻲ ﻭﺇﺧﺘﻨﻜﺖ ﻭﻫﻮَ ﻣﺎﺍﺑﺘﻌﺪ .
ﺣﻄﻴﺖ ﺇﻳﺪﻱ ﻋﻠﻰ ﺻﺪﺭﻩ ﻭﺩﻓﻌﺘﻪ ﺧﻔﻴﻒ .
ﺇﺑﺘﻌﺪ ﻣﺨﻤﻮﺭ ﻭﺩﺍﻳﺦ .. ﻇﻞ ﻳﻐﻤﺾ ﺑﻌﻴﻮﻧﻪ ﻭﻳﺘﻘﺮﺏ ﻣﻨﻲ ﻳﺘﻨﻔﺲ ﺍﻟﻨﻔﺲ ﺍﻵﺧﺬﻩ .
ﺇﺑﺘﻌﺪ ﻣﺒﺘﺴﻢ ﻭﻳﺒﺎﻭﻋﻠﻲ ﺑﻨﻈﺮﺍﺕ ﺣﻨﻴﻪ ﻭﺭﺍﺣﻪ .. ﺗﻘﺮﺏ ﻣﻨﻲ ﺍﻧﻲ ﺭﺟﻌﺖ ﻟﻮﺭﻩ ﺧﺎﻑ ﻳﻜﺮﺭﻫﺎ .
ﺿﺤﻚ ﻭﻛﺎﻝ -:
- ﺗﻌﺎﻟﻲ ﻣﺎﺍﺳﻮﻱ ﺷﻲ ﻟﺘﺨﺎﻓﻴﻦ ﺑﺲ ﻫﺎﻱ ﺟﺮﻋﺔ ﺗﺨﺪﻳﺮ ﻛﻠﺶ ﻛﺎﻓﻴﻪ ﺍﻓﻴﺸﺶ
ﺗﻘﺮﺏ ﺭﻓﻊ ﺇﻳﺪﻳﻪ ﻟﺸﻌﺮﻱ ﻭﻟﻔﻪ ﻛﻌﻜﻪ ﺑﻌﺪ ﻣﺎﺟﺎﻥ ﺫﻳﻞ ﺣﺼﺎﻥ .
ﻫﻤﺲ ﺑﺈﺫﻧﻲ
- ﻣﺎﺧﻼﻧﻲ ﺁﺧﺬ ﺭﺍﺣﺘﻲ ﺍﻟﻤﺮﻩ ﺍﻟﺠﺎﻳﻪ ﺭﻓﻌﻴﻪ
ﺿﺤﻜﺖ ﻭﺃﺧﺬﺕ ﺍﻟﺨﺼﻠﻪ ﺍﻟﻤﻨﺰﺯﻟﺘﻬﻪ ﻇﻠﻴﺖ ﺃﻟﻌﺐ ﺑﻴﻬﻪ ﻭﺃﻟﻒ ﺑﻴﻬﻪ ﺑﺤﺮﻛﺎﺕ ﺩﺍﺋﺮﻳﻪ ﻋﻠﻰ ﺇﺻﺒﻌﻲ .. ﻟﺰﻡ ﺇﺻﺒﻌﻲ ﻭﻓﻠﺖ ﺍﻟﺨﺼﻠﻪ ﻫﻤﺲ .
- ﻫﺎﻱ ﺍﻟﺨﺼﻠﻪ ﻣﻦ ﺷﻌﺮﺝ ﺍﻟﺒُﻨﻲ ﻛﻠﻤﺎ ﺗﻠﻔﻴﻬﻪ ﺭﺍﺳﻲ ﻳﺪﻭﺭ ﻭﻳﺎﻫﻪ ﺧﻠﻴﺘﻲ ﺍﻟﻜﻮﻥ ﻳﻨﺪﺍﺭ ﻭﻳﻨﻬﺎﺭ ﺑﺰﺧﻢ ﺍﻟﻠﻔﺎﺋﻒ
ﺭﺟﻊ ﺗﻘﺮﺏ ﻳﻢ ﺭﮔﺒﺘﻲ ﻭﻳﻢ ﺇﺫﻧﻲ ﺗﺤﺪﻳﺪﻳﺎً .. ﺗﻠﻤﺴﻬﻪ ﺑﺈﺻﺒﻌﻪ
- ﻫﺎﻱ ﻟﻴﺶ ﺣﻤﺮﻩ؟
ﺳﻜﺘﺖ ﺧﺠﻼﻧﻪ ﻭﻧﺼﻴﺖ
- ﺇﺣﻤﺮﺍﺭ ﺇﺫﻧﺞ ﺩﻳﺜﻴﺮﻧﻲ
ﻭﺳﻊ ﻋﻴﻮﻧﻪ ﻭﻭﻛﻒ .. ﺿﺤﻚ ﻭﻛﺎﻝ :
- ﺍﺫﺍ ﺑﻘﻴﺖ ﺑﻌﺪ ﻣﺎﺍﺿﻤﻦ ﻧﻔﺴﻲ ﺭﺍﻳﺢ ﺁﻧﻲ
ﻭﮔﻔﺖ ﻫﻮَ ﻭﺩﻋﻨﻲ ﻭﺑﺎﺳﻨﻲ ﺑﺨﺪﻱ ﻭﺻﺎﺡ ﺇﺳﻤﺎﻋﻴﻞ ﺳﻠﻢ ﻋﻠﻴﻪ ﻭﺭﺍﺡ ﻻﺍﻫﻠﻪ .
ﻣﻦ ﺭﺟﻊ ﺧﺎﺑﺮﻧﻲ ﻛﺎﻝ -:
- ﺑﻤﺎ ﺇﻧﻮ ﺟﻨﺘﻲ ﺑﻔﺘﺮﻩ ﻛﺌﻴﺒﻪ ﻭﺗﻘﻮﻯ ﻫﻤﺎﺗﻴﻦ ﺩﺗﻤﺮ ﺑﻔﺘﺮﻩ ﺻﻌﺒﻪ ﻋﻠﻴﻬﻪ ﻓﻜﺮﺕ ﺑﺎﺟﺮ ﻧﺮﻭﺡ ﻟﻸﺭﻳﺎﻑ
- ﺻﺪﺩﻙ ﻭﻳﻦ؟
- ﺻﺪﻳﻘﻲ ﺍﻟﺒﺎﺭﺣﻪ ﺇﺗﺼﻞ ﺑﻴﻪ ﻛﺎﻝ ﺟﻴﺐ ﺍﻻﻫﻞ ﻭﺗﻌﺎﻟﻮ ﺑﻴﺘﻬﻢ ﺑﺎﻟﺪﻭﺍﻳﻪ
- ﻭﻧﺮﻭﺡ؟
- ﺍﻱ ﻃﺒﻌﺎً ﻧﺮﻭﺡ ﻛﻠﻨﻪ ﺑﺲ ﺍﻧﺘﻄﻴﻨﻲ ﺭﺃﻳﭻ ﺣﺘﻰ ﺍﺧﺎﺑﺮ ﺇﺳﻤﺎﻋﻴﻞ ﺍﮔﻠﻪ
- ﺍﻱ ﺍﺭﻭﺡ ﺍﻣﻮﺕ ﻋﻠﻰ ﺍﻟﻄﺒﻴﻌﻪ
- ﻓﺪﻳﺖ ﻣﺮﺗﻲ ﺍﻟﻄﺒﻴﻌﻴﻪ ﻫﻬﻪ
- ﺑﺲ ﺍﻟﺴﻴﺎﺭﻩ ﻭﻳﻦ ﺗﻜﻔﻲ ﺍﻟﻨﻪ
- ﺍﺫﺍ ﺍﻟﺴﻴﺎﺭﻩ ﻣﺘﻜﻔﻲ ﺍﺣﻄﻜﻢ ﺑﻌﻴﻮﻧﻲ
- ﻫﻬﻬﻪ ﻻ ﺻﺪﻙ
- ﻧﺮﻭﺡ ﺑﺴﻴﺎﺭﺗﻲ ﻭﺳﻴﺎﺭﺓ ﻭﻟﻴﺪ ﻭﺳﻴﺎﺭﺓ ﺻﺪﻳﻘﻲ ﺩﺑﺮﺗﻬﻪ ﻻﺍﺳﻤﺎﻋﻴﻞ ﻳﺴﻮﻕ ﺑﻴﻬﻪ
- ﻳﻌﻨﻲ ﺍﻟﻜﻞ ﻳﺮﻭﺡ
- ﺍﻱ ﺍﻟﻜﻞ
- ﺍﻧﻲ ﻣﺎﺍﺭﻳﺪ ﺍﺭﻭﺡ ﺑﺴﻴﺎﺭﻩ
- ﻟﻌﺪ ﺑﺸﻨﻮ ﺗﺮﻭﺣﻴﻦ؟؟
- ﺍﺭﻳﺪ ﺍﺭﻭﺡ ﺑﺴﺘﻮﺗﻪ
- ﺷﻨﻮ؟
- ﺍﻱ ﺍﺭﻭﺡ ﺑﺴﺘﻮﺗﻪ ﺣﺘﻰ ﺍﺷﺒﻊ ﻫﻮﺍﺀ ﻧﻘﻲ
- ﺩﺗﺘﺸﺎﻗﻴﻦ ﺍﻛﻴﺪ
- ﻻ ﻭﺍﻟﻠﻪ ﺻﺪﻙ ﺍﺣﺠﻲ ﺍﺫﺍ ﺗﺤﺒﻨﻲ ﻧﺮﻭﺡ ﺑﺴﺘﻮﺗﻪ
- ﻭﻣﻨﻮ ﻳﺴﻮﻗﻬﺎ ؟
- ﺍﻧﺖَ ﻏﻴﺮ؟
ﺿﺤﻚ ﺿﺤﻜﻪ ﻟﻢ ﻳﻀﺤﻜﻬﺎ ﺍﻟﻀﺎﺣﻜﻮﻥ ﻣﻦ ﻗﺒﻞ .
ﺭﺝ ﺳﻤﺎﻋﺔ ﺍﻟﻤﻮﺑﺎﻳﻞ .. ﺿﺠﺖ ﺷﻨﻮ ﻳﻀﺤﻚ ﻋﻠﻴﻪ ﺍﻧﻲ ﺟﺎﻱ ﺍﺣﭽﻲ ﺻﺪﮒ
- ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﺧﺮﺏ ﺑﻄﻨﻲ ﺃﺫﺗﻨﻲ ﻣﻦ ﺍﻟﻀﺤﻚ ﺍﻭﻝ ﻣﺮﻩ ﺍﺿﺤﻚ ﻫﻴﺞ ﻫﻬﻬﻬﻬﻬﻪ ﻫﻬﻬﻬﻬﻪ
- ﻣﺎﺍﻫﺮﺭﺭﺭ ﻭﺍﻟﻠﻪ ﺍﺣﺠﻲ ﺻﺪﻙ
- ﺣﺘﻰ ﻟﻮ ﺍﺳﻮﻕ ﺍﻟﺴﺘﻮﺗﻪ ﻣﺎﺍﺧﻠﻴﺞ ﺗﺮﻛﺒﻴﻬﺎ
- ﺍﺗﻠﻔﻠﻒ ﺑﺲ ﻛﻮﻥ ﺍﺭﻭﺡ ﺑﻴﻬﻪ
- ﻫﻬﻬﻬﻬﻬﻬﻬﻪ ﺍﻧﺴﻲ ﺍﻟﺮﻭﺣﻪ ﻛﻠﻬﻪ ﺍﺻﻼً ﺃﺫﺍ ﺻﺪﻙ
- ﻻ ﻭﺍﻟﻠﻪ ﺻﺪﮒ ﺻﺪﻳﻖ ﺍﺳﻤﺎﻋﻴﻞ ﻋﻨﺪﻩ ﺳﺘﻮﺗﻪ ﺍﺧﻠﻴﻪ ﻳﺨﺎﺑﺮﻩ ﻭﺃﺻﻌﺪ ﺑﻴﻬﻪ
- ﻫﻬﻬﻬﻬﻪ ﺑﺎﻷﺣﻼﻡ ﻳﺤﺒﻴﺒﻲ
- ﻣﺎﺍﺍﻫﺮﺭ ﻫﺎﻱ ﺷﺒﻴﻚ ﻭﺍﻟﻠﻪ ﺃﻣﻨﻴﺘﻲ ﺍﺭﻭﺡ ﻟﻬﺎﻱ ﺍﻟﻤﻨﺎﻃﻖ ﺑﺴﺘﻮﺗﻪ
- ﺯﻳﻦ ﺗﻌﻘﻠﻴﻬﺎ ﺍﻧﻲ ﺍﻭﺍﻓﻖ؟
- ﺍﻱ ﭼﺎ ﺷﺒﻴﻬﻪ
- ﻫﻬﻬﻬﻬﻬﻪ ﺳﻜﺘﻲ ﺛُﺮﻯٰ ﻟﺘﺴﻤﻌﺞ ﺍﻣﻲ ﻳﻤﻜﻦ ﺗﺮﻭﺡ ﺗﻨﺘﺤﺮ ﻫﻲَ ﺍﻟﺮﻭﺣﻪ ﻟﻠﻘﺮﻳﻪ ﻋﻮﺩ ﻛﺘﻠﻬﻪ ﺗﺮﻭﺡ ﻭﻳﺎﻧﻪ ﻇﻠﺖ ﺗﻜﺸﻜﺶ ﻣﻮ ﺍﻻ ﺗﺴﻤﻊ ﺭﺍﻳﺤﻴﻦ ﺑﺴﺘﻮﺗﻪ ﻫﻬﻬﻬﻪ
ﻳﺎ ﺍﻟﻤﻦ ﺭﺍﻳﺤﻪ ﻣﺮﻩ ﻫﻤﺰﻳﻦ ﻣﺎﺭﺍﺣﺖ ﺍﻟﻠﻪ ﻓﻜﻨﻲ ﺟﺎ ﻫﺴﻪ ﺍﻟﻄﻠﻌﻪ ﺗﺮﻭﺡ ﺗﻄﻠﻊ ﻋﻠﻴﻪ ﺯﻗﻮﻡ .
- ﻣﺎﻫﺮ ﻓﺪﻭﻩ ﻟﺨﺎﻃﺮﻱ ﺍﺫﺍ ﻋﻨﺪﻱ ﺧﺎﻃﺮ ﺧﻞ ﺍﺭﻭﺡ ﺑﺴﺘﻮﺗﻪ
- ﺍﻣﻤﻢ ﺑﺸﺮﻁ
- ﺍﻱ ﺷﻨﻮﻩ ؟
