رواية هشاشة قلب الفصل السابع والعشرون بقلم العباديه
هـا جـئتُ بالشـعـر أدنيها لـقـافـيتـي
كــأنمـا الأم فـي اللاوصـف تـتصـفُ
إن قلتُ في الأم شعراً قـام مُعتـذراً
هـا قـد أتـيتُ أمـام الجمـع أعـتـرفُ
~~~~~~~~~~~~~~~~~~~~~~~~~~~~~~
ثُرىٰ . . .
ظليت احجي وياه واني بداخلي أضحك وهوَ هم كلساع يضحك آخر شي كتله :-
- ماهر فدوه لخاطري اذا عندي خاطر خل اروح بستوته
- اممم بشرط
- اي شنوه ؟
- 25 !
- شنو 25؟
- احمم احممم
- هيَ شنو الاحم؟؟
- شصار بالاستقبال؟
جاوبت بغباء متناسيه تماماً
- شنو شصار؟
- هههههههه ثُررررررىٰ
من ضحك طخت ببالي
- ييححححح صخااام
- هههههه بكيفج
- عززا عزااا والله هووواي
- اي لو لا؟
- لا لا
- اييييي هفف لعد لتلحين وانسي الموضوع نهائياً
- مااريد عمي ادري بيك حطيت شرط تعجيزي وتدري بيه مااسويه حتى مااصعد بستوته
- من يصير لعقلي جناحات ويطير اخليج تصعدين بستوته .. اصلاً عبالي دتتشاقين ويايه تريدين تضحكيني
- مابلّزوم
- ههه تحضروا يابه مو تنسون
- اي نتحضر چا ليش
- باجر وره 12 كون تكملون كلشي خاف تسون اكل فد شي وبالـ2 الظهر إحنه يمكم
- خوش
سديته منه وطرت لااهلي گلتلهم .. تجهزو وسمعو خابر فدك تروح ويانه تتونس عشتو.
ثاني يوم گعدنه من الصبح سوينه معجبنات ناكلهن بالطريق ونظفنه البيت .. أمي بيهه طبع كلما نريد نروح لغير محافظه حتى لو قريبه مسافة نص ساعه لازم البيت ينكرب خاف نموت بحادث ويجون المعزين يشوفون بيتنه نظيف لو وصخ هـه .. والله ياأمي عدهه سوالف كارثه . خلتنه نجلف البيت وسوينه الاكل وتحضرنه وراح إسماعيل جاب فدك .. وبقينه ننتظر ماهر .
ظليت أتخيل...
شحلاتهه هسه من يجي ماهر بدشداشه وحاط الچراويه على راسه وسبحته بإيده وشحاطه تلائم الدشداشه يبووو شيطلع فلك .
بس مستحيل يسويهه هم يله يلبس دشداشه اذا مو القاط مضروب إوتي مليون مره والحذاء تلمع والشعر لفوك مايطلع ولا يوصل للباب.
صارت الساعه بالـ2 أتصل عليه كال يلا اطلعو.
طلعنه كلنه بالباب بس سيارتين سيارة وليد وماهر .. السيارات مايكفن ف وليد اخذ اسماعيل يجيب سيارة البيت مال اهل ماهر .. ربع ساعه اجو اثنينهم بسيارات .
اسماعيل والولد بسياره ونهى والبنات بسيارة وليد .
بقت سيارة ماهر اني وامي وحسن وموج جانت جايه وي ماهر . حركنه وتوكلنه على الله
اول ماصعدنه ع الشارع الرئيسي بين الدوايه والناصريه والطريق بس سيارات والهوىٰ عالي .. ماهر فتح الجامه اليمي وباوعلي بالمرايه .. كال :-
- يلا ثُرىٰ طلعي راسج إشبعي هواء نقي ههه
إمي كالتله :-
- چا هيَ ماشابعه .. غير ليل ونهار حاطه راسهه بالمروحه الشحن وتغني حتى يطلع تردد صوتهه
يبوو امي فضحتني
- هههههه
باوعلي رافع حاجبه وإبتسامه على شفته .. باوعلي بخبث وكال :-
- عمتي انتِ متعرفين ثُرىٰ تريد تجي بستوته
باوعتلي أمي خزرتني
- اكيددد تخبللللت
- هههه لا والله صاحيه بس تحجي كل عقلهه تريد تجي بستوته
حسن... هههه بس لا تگول انتَ السايق
- ههههه اي
حسن.. ويسايق الستوته
ظلو يصنفون عليه وآني اخزر بيه بالمرايه وهوَ يباوع بخبث ويضحك ويقلد .
بقت السياره تمشي بينه لما وصلنه لناحية الدوايه (تابعه لمحافظة ذي قار) .. لاگتنه الاشجار الخضره العاليه وسماهه الصافيه بطيورهه الطليقه ترفرف بجناحاتها مُشيره لرمز الحريه .
الحلال موزع بشكل متفرق على جوانب الطريق وريحة الدخان معبيه الجو لان هيج وقت يبلشون يخبزون بالتنور الطين .
الخضار بكل مكان والنسوان موزرات بالعبايه ولافات الشيله على وجوهن ويحشن بالزرع لو يرعن الحلال.
وگفت سيارتنه علمود الدواب يعبر .. صدگ وموج تباوع للدوابه وتأشر عليهه وتصيح ببلاهه
- هاي ثُرىٰ شوفوو ثُرىٰ شوفووهه هههههههه
امي ضحكت وحسن مطابگهه اني گرصتهه من رجلهه متفشله. وهمست اضحك (فشلج الله)
بس ماهر خزرهه خزره ماصايره دنگت راسهه وبعد مارفعته وجهه صار أحمر وخدودهه طفرن دم عبالهه يضحك عود رادت تلطف الجو.
ظلت مدنگه فشلانه وتطگگ بأصابعهه آني ظليت اضحك من شفته بعده خازرهه وهيَ كلش استحت .
دار وجهه ع الجامه ورفع حاجبه .. البنيه ظلت تتبلعم وهمست يم إذني
موج.. آسفه والله مقصدت أضوجج بس عود داتشاقه وياج
- لا حبيبتي عادي لاتضوجين
الجو توتر وماهر ظل ساكت طول الطريق وكلساع خازر البنيه .. النوب هيَ تخاف من عنده وهوَ بس يخزر .. صار بيهه فلم .
مرينه على العلويه فواده إم هاشم دخيل إسمهه .. رحنه زرنه المرقد مالتهه وريحة الحنه معبيه الجو وهددوءء يجنن ماردت اطلع .. رحنه للبئر صاير وره مكان المرقد وظلينه نفتر شويه وطلعنه. بس تأخرنه حتى الدنيا غوربت وأحلى شي هذا احب أجواء المغرب .
ظلت السياره تمشي وي منظر غروب الشمس وريحة الدخان والهوىٰ يلفح بوجهي إضافه لصوت القرآن المشغلينه بالإذاعه وي هدوء الجو فد شي رائع .
ماتمنيت نوصل ولا اخلص هاللحظات .
وصلنه لمنطقه بيهه بيوت هواي وع الاغلب قريه .. دخلنه بفرع وتلگانه رجال متوسط العمر لحيته ثخينه وضعيف وبشرته سمره .. رحب بينه
- چثير الهلا چثير الهلا تفضلو تفضلو
نزلنه من السياره وباوعت للمكان .. غرفه طين جبيره ع الصفحه اليمنى يمكن استقبال ويمهه باب مفتوح بناء طابوگ حديث .. ويمه بيت طين وبابه حديد مبين عليه قديم وفاتحينه.
الرجال اخذ الزلم للاستقبال وجاب الدله والفنجان واحنه اجتنه مره موزره وجهه بعده شاب ووراهه عجوز تبين ملامح الكبر والتجاعيد بوجهه .. ووياهن بنات اثنين حدثات.
اما الصفحه اليسرى بستان جبير حييل وبيه حلال أغنام ودواب ودجاج وبطوط .
دخلنه للبيت متكون من ابواب غرف هواي .. اخذونه لغرفه صغيره من طين مفروشه بساط ويمهه جربايه .. كلنه تسطرنه وكعدنه .
راحت المره تجيب ماي واني يمي موج لازكه بيه وكاعده على ركبهه خاف فستانهه يتدمر من الكاع لان البسط كلهه تراب .
بعدنه كاعدين ومانحس الا الدوابه مدت راسهه وصاحت مااااع يم موج .
البنت طفرت طفره خلتنه ميتين ضحك .. هيَ منهه للباب .
ظلت لازكه بيه وتسوي روحهه تبجي
موج.. ماما ماما اريد ارجع اخاف والله اخاف
- شبيج موج العالم منا فشله
موج.. هئ اريد ارججع مااهرر وينه رجعووني لج باعي شلون دتباوع بيه البقره والكاع وصخه شلون أگعُد فهمييني
من هذا الموقف اكتشفت موج نسخه مصغره من امهه ماكو إختلاف سبحان الله نفس العياره ونفس الحچي .
اني هم اخاف وبنت ولايه ومامتعوده على القريه بس ماسويت هيج ذوله هم ناس وعدهم مشاعر وأحاسيس مو اروح اجرحهم عبالك ماشايفه حيوان .
اجت البنيه جاتبلنه ماي بصلاحيه نايلون وكلاص گزاز شربنه عادي .. بس موج قربت راسهه تتفحص الصلاحيه وتأشر عليهه مشمئزه
موج.. باعي هاذي منا طين
- موج اشربي واسكتي البنيه جانت تحش اكيد وإذا بإيدهه طين انطبع بالصلاحيه لان لازمتهه ف اشربي بالگلاص احسللج
موج.. والله ولا أشرب شبيه مخبله
- إذن إبقي بعطشج
موج.. گوليلهم يجيبون كاسة مي
- إي مو گاعده بفندق بابيلون
موج.. هفف يربي عطشانه
- هذا ماي وإشربي
موج.. جيبيه داشربه
انطيتهه الگلاص اخذته سدت خشمهه وشربت منظرهه يفشل شلون رافعه إيدهه تسد خشمهه وتشرب ماي .. والله عمي متعافيه
المريه تعذرت من عدنه لان راحت تخبز .. اني گمت وياهه اشوف بالطارمه واسعه حيل وبوسطهه تنور طين وعلى الجوانب سوباط .. بالنسبه إلهم چربايه ينامون عليهه بالليل .
اكو غرف على جهه هذني للحلال والجهه الثانيه غرفهم الخاصه وشجرة سدر يمهن تغطي عليهم وصوت زقزقة العصافير وي ريحة خبز الطين حسسني براحه .
وگفت يم المره وهيَ تخبز بالتنور وانطلقت تسولف وياي وكلساع تمر وجبة كتاكيت مال بط ودجاج من يمي واني مكيفه لان هنه يلعب بالطارمه .
واكو بشه صفره تجنن مسويلهه حفره وتارسينهه ماي تبطبط بيهه حسب كلامهم .
خابر ماهر يسألني عن الاجواء واني طايره فرح
ماهر.. شلونج وي الاجواء
- تجننن تجننن ماهر بعد اريد يوميه تجيبني
- هههه صار وتدللين..
بس شنو اوضاع موج اعرفها متحب هيج أماكن وگتلهه بس لزكت الا تجي
- لا زينه
- وين هسه هيَ
- كاعده بالغرفه وكلساع تطفر من تسمع صوت الغنم
- هههه الله يعينج لعد
- اهدأ بيهه وماكو
- هههه توبه أذا بعد جبتهه
- ياااي يعني نجي بعد
- اي نجي غير كتلج نجي
- ههه أعشگنك
- اوووووو هاي شنوو مداصدگ ههههه لا معقوله هاي ثُرىٰ تعشكيني مره وحدده
- اي والله اعشگنك
- وانه احبنج
- هههههه تعلمت مثلهم حلو حچيهم
- اي ادري بيه حلو مثل لون عيونج
- ههههه
- بالليل نطلع نفتر ومن ينامون اخذج اطلعج نروح للشط
- صددك اكو شط؟
- اي اكو وافرج بالبستان هم
- بس اني وياك؟
- اي بس اني وياج وضوه الگمر
- يمممه فرححااانه ماهرر
- الله يديمهه يروح ماهر
ظليت متشوقه شوكت يجي الليل ونطلع .
گعدنه بالغرفه الجبيره جوه شجرة السدر .. الضوه أصفر ضعيف والسقف عمدان كبار والبريعصيات متسلقه ع الحيطان وهاي موج شسوت بالصريخ يممممه
موج.. بريعصي ماما وينج امدايه مااخذت كلامج هئ كالتلي لتروحين شورطني
همست بأذنهه
- لج مووج صووتج
موج.. هاي شلون انام اخاف يطفر عليه
- تغمضين عيونج وتنامين جا شلون
گوه سكتته والنوب استلمت الفقره الثانيه مايعجبهه الأكل عبالك متوقعه يقدمولهه بيتزا
موج.. اني ماآكل الدجاج الطبخ
- موج والله العظيم إذا بعد قلدتي اخابر ماهر تره مايصير طلعتي العالم صفر هاي عيشتهم وهاي بيئتهم مودين عليج مابقيتي عند اهلج منين اجيتيني حظ مصخم
موج.. اووي شبيج عصتي سكتت بس لتتصلين بماهر النوب هسه يجيني يسويتي دجاجه مشويه
- چا اسكتي احسللج
موج.. سكتت
ظلت ساكته لما كملنه عشه وظلينه نسولف الناس حبابين دره مال الله وعلى فطرتهم وحجيهم شلون حلو .
حتى تعلمت كلمات من عدهم .
فرشولنه فراشات وحطوا موج يم الحايط وشويه وطلعتلهه خنفسانه يبوو غير الإمه انگلبت اخر شي خليناهه بالوسط وماخلصنه ماتسكت هاي البنت علّه علّه المن جابهه ماهر ماادري والنوب لاطشه بيه لان مرت اخوهه .
ظليت يمهه واني
صرت يم الحايط أمري لله .. ظلت حاضنتني وخايفه هاي غير الامدادات الحطتهن يم راسهه الشحاطه والمكناسه تطرد بيهه البريعصي.
خليتهه تغفه ووخرت إيديهه وطفرت لموبايلي خابرت ماهر .. گال ألبسي شويه واجي آخذج .
لبست بس عباتي وطگيت النعال الاحمر واخذت موبايلي وطفرت . خابرني كال اني يم الاستقبال .
رحتله ظل يباوعلي من فوك لجوه ويضحك أشر على رجليه وضحك كال :-
- مالگيتي غيره؟
- هههه مالگيت اني اجيت بحذاء
- ههههه راح تجيبين العين علينه بس امرنه لله امشي يابه امشي .
حط إيده على ظهري وطلعنه ع الشارع مال السيارات بس فارغ لگينه اثنين ولد يتمشون رأساً سحبني وره ظهره وحط إيديه إثنينهن عليه لوره .
خلاهم يعبرون ولزم كف إيدي وظلينه نمشي الجو بيه نسمات باارده من تلمس بشرتي الطريه .. تنفتح بداخلي رغبات لاإستنشاق المزيد .
وصلنه لبيت هيكل بلوك طلّع مفتاح من جيبه وأشرلي بيه يضحك
- شنو هذا؟
- تعالي ندخل
- ماهر ظلمه اخاف
- هذا ضوه وهذا ضوه القمر والاضويه تارسه المنطقه بس نوگف هناك ونرجع
- يلا
فتح الباب ودخلنه بيت واسع بيه غرف اربعه وصاله .. صعدنه الدرج ووكفنه ع الوارش .
شفت الجو من فوگ يخبل الاشجار التتحرك واصوات الرجاجيل وهمه يصيدون سمج بهالوقت والقمر فوگ
حطيت إيدي على خدي واستندت ع السياج وظليت أباوع .. هوَ سوه مثل حركتي وظلينه نباوع ونسولف .
- هذا بيتهم راح ينتقلون لهنا يعني اذا بعد اجينه مانلحك ع البيوت الطين
- اي هنا احسن
- لا اني احب ذاك البيت احسه فد شي تراثي تدرين من زمن جدهم لحد الآن بنفس بنائه بس كل سنه يرممونه ويضيفون طين واعمده خاف يوگع عليهم
- الله يساعدهم شلون عايشين لو اني اموت
- لا كل واحد وبيئته مثل ماانتِ متگدرين تعيشين عيشتهم همه كذلك ميكدرون يعيشون مثلج لازم كل يوم يرعون ويحصدون ويزرعون ويفترون بالبستان
- اي صحيح
ظل يسولفلي على حياتهم وشوكت تعرف على هذا صديقه واني بلشت أنعس .
سحبني من إيدي ونزلنه لجوه .. رحنه للبستان چبير وكلش حلو كله أشجار مال ورود لونهن وردي يخبلن وريحة الشجر تفوح بالبستان كله يعني لو يسألوني شنو اكثر شي حبيتيه بحياتج اكلهم هاي الجيه .
وصلنه للشط .. الهدوء يعم بكل المكان وبس ضوه القمر منعكس على الماي وبلم يم الجرف وأصوات بعيده مال صيادين .
غمضت عيوني وظليت اسحب هوىٰ بهددوء شويه شويه اريده يدخل لرئاتي .. فتحت لگيته صافن بيه ويترقب تحركاتي همس :-
- شدتسوين
- اشتم هوىٰ كلش حلو الاحساس من يدخل الهوىٰ بارد لريتك تحس ببرودته بداخلك جرب وشوف
ظل يسوي مثل ماسويت ويباوعني يضحك .. قرب إيده خلاهه على خدي وتلمس بشرتي .. غمضت عيني ومالت رگبتي .. ضحك وتقرب باسني بخدي .. ظليت مغمضه عيوني وي هاي الأجواء بوسته عذبتني .
••
قَبَّلْـتُهـا مِنْ بَعيدٍ فإنْثَنَـتْ غَضَباً
وقَدْ تَبَيَّـنَ فِيهَا التِّـيهُ والخَجَـلُ
ومَسَّحَتْ خَدَّها مِنْ قُبْلَتِي ،ومشَـت
ْ كَأَنَّها ثَمِلٌ أَو مَسَّـها خَــبَلُ
.
تقربت يم الشط صاح عليه واني اباوعله اتوسل
- بس اغط رجلي
- تعالي ثُرىٰ لتروحين توگعين بهالليل
- بس اشوف برودة الماي
وگف يمي لزم إيدي واني غطيت رجلي الماي ثلج يجنن .. تمنيت اعرف أسبح
- ماهر
- ها
- اريد أسبح
- ها ها شتسبحين
- لا لا يعني اسبح بالشط
- ديري بالج تفكرين بهالشي هوَ انتِ روحج مامتحملتهه تتحملين سبح
- فدوه علمني
- اعلمج بس مو هنا من نتزوج ببغداد اخذج للمسبح هذا شط إذا تغرگين بعد وين الكاچ
- اريد هسه اسبح
- ثُرررىٰ ليش تخربين علينه اجمل لحظات تعالي
سحبني وكعدني يمه ورجع يسولف عليه
تأخر الوقت وإحنه ماراجعين آخر شي استسلمت للنهاس وكتله اريد ارجع .. ضحك عليه لان بعده بحيله ومصحصح .. وكال
- تدرين بس شوفتج تخلي النعاس يطير من عيني مادام أنفاسج وياي ونظرات عيونج بعيوني اريد احفظ واركز بكل لحظه وبكل دقيقه تمر وياج انتِ شديدة الإخضرار مثل غصن طريّ نابض وحي .. تشبهين الليل بهدوءه والسمه بصفاءهه والقمر بسكونه
ظليت ساكته مااعرف شأجاوب بس دنگت خجلانه من كلامه .. اعشقه من يتغزل .. مرات غزله يكون كله فصيح وأشعار واني اموت على هيج شي .
رجعت ميته تعب من ليله أحلى ليالي حياتي .. نمت والنومه نومه .
للصبح گعدت على صوت العركه بين العصافير .. الشجره صايره بباب الغرفه وهنه عليهه .. تمطيت بكسل وگعدت لكيت محد بس اني مخليني نايمه .
گمت شفت المره تخبز والبنات يمهه يساعدنهه والجماعه كاعدات يم المريه العجوز تسولف عليهن سوالف قبل.
صبحت وغسلت .. طلعت تريگنه ورحنه نتمشه بالبستان .. اجواء الصبح بعد احلى
ذني بناتهم يعرفن يسبحن واني ظاله حسره بگلبي
تقوى إجتني تركض سحبتني على جهه
- ها شكو شبيج
اباوعلهه لازمه موبايلهه وإيدهه ترجف
تقوى.. جاي يتصل ثريا شأسوي
- منو؟
قربت الموبايل على وجهي شفته السيد كاتبته .. شكد حقير هذا
- شيريد
تقوى.. شعرفني
- لاتجاوبين ماعليج بيه
تقوى.. راح اجاوب
- تتتققووى
بچت وغطت وجهه بإيديهه
تقوى.. مااكدر ثريا احس كلشي ماادري لاادري ليش طلگني لاادري ليش تخله عني بهالسهوله واحنه حب اربع سنوات
- لاتجاوبين خلي لروحج كرامه
مسحت دموعهه وهزت راسهه
تقوى.. خوش خل يولي هاج الموبايل اغلقيه ولاتجيبينه يمي
- صار تدللين
اخذته منهه غلقته . هم إله عين ويتصل فوگاهه ناس ماتستحي .
رحت كملت مسيرتي بالبستان وأفتر مثل الطير الحر .
هنيالهم محد يگدر يلزمهم ولا يگللهم وين رايحين بكيفهم يمشون اني عند اهلي اذا اضحك بصوت عالي اخواني كلهه تصيح صوتج وهنا عادي يضحكون يسولفون محد يگللهم على عينكم حاجب.
وصلنه للشط واني مصممه اسبح يعني اسبح .
اجن البنات كتلهن نصعد بالبلم ماقبل اخوهن كال زلم بالجهه الثانيه يشوفونجن.
حطيت رجلي يم الجرف وظليت اتمشه شويه شويه .. وصل الماي لبطني ظليت امشي وذني مايدرن ملتهيات يلمن محار
اشو شويه واحس روحي غرگت.. الماي وصل لراسي ظليت اشگف واصيح
- يبااااي الحكووولي
شرايـيـنُ معصـمـها ،
ڪـ بَرقٍ في صدرِ غـيمـةٍ بيضاء ،
ڪـ عُنقودِ عِنب سُرِقَـت حبّـاتُـه .
~~~~~~~~~~~~~~~~~~~~~~~~~
ثُرىٰ . . .
حطيت رجلي يم الجرف وظليت أتمشه شويه شويه .. وصل الماي لبطني ظليت امشي وذني مايدرن ملتهيات يلمن محار
أشو شويه واحس روحي غرگت.. الماي وصل لراسي ظليت اشگف واصيح
- يبااااي الحكووولي
ظليت اشاگف بإيديه والماي كلساع ياخذني بجهه .. وجهي انترس ماي وإختنگت اطلّع راسي شويه أصيح بعلو صوتي وارجع أغط.
ذني البنات خايفات يدخلن لان الغرگان يغرّگ الينقذه وياه .
آخر شي دخللي اثنينهن وهنه ضخمات رغم صغر عمرهن .. لزمنّي كل وحده من جهه وطلعنّي .
حطنّي على الصبّه قريبه ع الشط ظليت اشهگ اريد الهوىٰ يدخل برئاتي اختنگت أحس ماكو هوىٰ.
ظليت أرجف الماي بارد واني لابسه دشداشه كودري عريضه ام الزخمتين من المره وشالي ماادري بيه وين .
شويه وكلهه إلتمت عليه زلم ونسوان .. ماهر تخبل ظل يصيح
ماهر.. عبااايه جيبوو عباايه شبيجن واككفاات
كلهه تريد تشوف عبالك سينما انفتحت مقابيلهم .. اني حال الضيم حالي وذوله ملتمين عليه
ماهر.. ياجماعه شويه البنيه مامستره
راحو اهل الگاع الچانو يشتغلون بالبستان وولد ابو البيت والنسوان هم راحن .
امي جانت لابسه عبايه سحبهه من عدهه وركض لفني بيهه وتقرب يمي مثني على ركبه ويباوعلي قلقان
- ثُرىٰ اخذي شهيق وزفير بهددوء مو سريع
سويت الگال عليه وأحاول اتنفس .. وملابسي منگعه شورطني وطبيت .. بس غير المنظر مال الشط سوالي إغراء من شفته شلون حلو وهادئ اخذني الواهس .
استقرت أنفاسي وهدأت. شويه وحسيت إيدي إنشنطت من السحبه .هسه ماهر بلش وقت الجد
سحبني من إيديه بقوه ووگفني .. باوعتله مايباوع بيه وعاگد حواجبه ووجهه صاير نار .
- صوچي والله صوچي هوَ انتِ مال ونسه إذا متطلعين مية كارثه مترتاحين
- آي إيدددي
سحبني قوي ومشه بيه بالبستان يجر بيه .. وصلني لباب البيت ودفعني
- ادخلي بددلي ملابسج بسرعه وتحضروا دنروح
- وين نروح غير كلت نبقه
عاط بصوت فززني
- نفذذذذذي بسسرررعه
عوجت شفتي ودخلت للبيت اخذت ملابسي ورحت للحمام سبحت وبدلت .
طلعت گتلهم يحضرون رواحهم
مروه.. كله من وراچ طفگتچ وين توصل بعد لوين
- اني شعليه
مروه.. لازم جدي چان بالشط
- هسه شسويت اشتهيت اسبح وسبحت
مروه..وغرگتي هم هاي غير الرزاله المنتظرتج من ماهر
نهى.. ماصدگنه سكت على طلعتجن الظهر هسه زودتيهه بهاي سالفتج
- شو اسكتن عني
مروه.. الحقيقه مرّه
إتصلت عليه علمود اشوف نطلع لو لا..
ظل شكد يتصل ومارد .. آخر شي انطاني رفض ودگ موبايل نهى !
- منو يتصل بيج؟
نهى.. ماهر !
- ماهر ؟! جاي اتصل عليه جا ليش مايجاوب
نهى.. خيه انتِ تعرفيهه وتحرفيهه .. تريدينه يجاوب عليج وانتِ توج طالعه من الشط حالج حال المصلخه ماكو فرق
سكتت وغلقت موبايلي خاف يتصل حتى هم يلگاه مغلق چا بس هوَ مايتصل عليه يتصل على نهى عود زعلان .
رحت لموج گتلهه أتصلي على ماهر وگليله ثُرىٰ تخربطت . وهاي ظلت تتعزز
موج.. مااتصل
- يختي أم الغيره تصيرين واسطة خير بين إثنين ماهر يريد يطبق عقوباته اذا مو موقف قوي يخليه يغفر
موج.. لا عيوني مااريد
- شكد خبيثه دتصلي
موج.. لا خليه يعاقبج بلكي تنتهين من تصرفاتج
- دروحي اني أصالحه بطريقتي وگولي هاي ماكالت
موج.. اي روحي صالحيه بطريقتج لعد المن جايه عليه
لمينه چوالاتنه ورجعنه .. ردت أصعد بسيارته أشرلي والحواجب نفس العگده ومايباوعلي يباوع لو وراي لو يدنگ يقيس بأظافره مدري يتأملهن .
ماهر.. ثُريا روحي وي وليد وخلي مروه تجي هنا !
غلست لان صاحلي ثُريا .. فتحت الباب ردت أصعد .. لزم الباب من فوگ وخزرني همس بعصبيه
- مو داحجي وياج اني لو لا
- لا .. ماانجاب إسمي بالطاري حتى انفذ
- لا گتلج بإسمج
- لا غلطان شوف شگلت
همس بغضب مكتوم ويضغط على أسنانه
- ثُررريييااا رووحي
- مو اسمي هذاااا مو اسمميي
اسماعيل.. ماهر يلا يخوي تأخرنه
باوع عليه ورجع باوع عليه يخزر بيه
- شلون بله يعني الا اسحبچ يلا تمشين .. روحي لخاطر الله
باوعتله بغضب وسديت الباب مال السياره بس ماانسد لان صيحته فززتني خلت گلبي يطفر
- اخخخخ
بسرعه سحب الباب بإيده وطلّع إيده من جوه باب السياره .. أثاري انطبگ على أصابعه
عفس وجههه وعصر عيونه حيل متألم وقابض شفته .
ظل يحرك بإيده ويفتح بعيونه حيل
ركضت عليه من شفت أصابعه صارن زرگ وطلع دم قليل
- ماهررر إيدك
- تريدين تنتقمين مني مو
- لا والله لا ماادري هوَ انتَ وين مخلي إيدك
- تعرفين مخليهه ع الباب لعد وين
- عبالي حاطهه لفوگ يعني من اطبگه ماينطبكن
- رووحي للسياره
- مااريد خل اشوف اصابعك
- رووحححي
غندبت وجهي بس مافاد
خليت ورحت لسيارة وليد ونهى بعدهه بالجرجره تجيب دهن حر ومدري شنو انطوهم الناس وبعدهه لهسه ماصاعده اخذتهه السوالف هيَ وامي واحنه منتظرين
ظليت صاعده بالسياره يم الجامه وأباوعله .. طلع كلنس لف إصابعه وطلّع من الجيب مال السياره باندج لف إيده بيهه مبين تأذه .
اخيراً خلصت سوالفهن ورجعنه طول الطريق هوَ سيارته المتصدره أول وحده كدامنه يمشي واني اخذني الواهس على وليد
- وليد خل نسبقهم
وليدد. ميقبل عمي يخاف علينه
- ليش
وليد.. خاف خطر فد شي هوَ يحذرنه وينطينه الاشاره
- ياا مخلينه تجربه شنو اطلع اطلع عليك الله
وليد.. ههه خوش فكره خل نتونس
طلعه وليد وأشرله بإيده عود بيباي ويضحك .. هوَ خزره وأشرله يرجع بس احنه وراه نصيح اسبقه حتى نهى ويانه وحسوني يكمز مكيف
رأساً أتصل موبايله رفعه يشوفنه وضحك
وليد.. هههه هذا عمي ماهر
نهى.. گله اذا بيهم خير يسبقونه
جاوبه وصوته طالع عاط بيه
- ووليدد اوگف بسرعه
وليد.. هههه مانرجع بعد سبقناكم
- ولييددد
اني عين وعماد صحت
- يلا وليد امشي سريع شويه
سده من عنده وظل يمشي ماوگفنه .. لحظات وسيارته وصلت يمنه اني أباوعله رافعه حاجبي واتشمت وهوَ يضحك بأستهزاء . رفع حواجبه يباوعلي مستهزأ وهز إيده وساق سريع رأساً رجع تصدر السيارات .
خابر وليد وصوته عصبي اني كاعده وره وليد واسمع كلشي .. اول ماجاوب وليد عاط بيه
- طاح حظك گاعد تقشمر بيك ثُريا .. رجال شطولك صرت قشمر من صدگ طاح حظك
وليد لهمط السالفه وغيرهه لان حفظتهه هاي السالفه اذا كال كلمة (طاح حظك) عود معصب الى آقصى درجه عنده هاي شكبراتهه وغلطه الهه معنى هالله .
وليد.. لا لا عمي بعد انتو صيروا طعم للسلابه
ظل يضحك ويلطف جو وياه بس مايدري اني سمعته شگال . ثُريا مو بسيطه ماهر .
وصلنه للبيت وأمي لزگت الا يبقه يمنه هوَ ماصدگ بقه عدنه وظلو بالاستقبال يسولفون واحنه نحضر بالغده.
جهز الغده وفرشنه السفره كلنه تغدينه سويه واني مااحب آكل جماعات استحي اظل انقش .
ظليت آكل على كيف وهوَ ماخذ راحته اصلاً البيت بيته .. إسماعيل وإحنه كاعدين نتغده كال
- يمه اني راح اقدم زواجي بهالاشهر اتزوج
- يا يمه جا مااكيف يوم مبارك هذا
نهى ندستني وهمستلي
نهى.. ولج من رحنه للدوايه خوب ما ظلو وحدهم
- منو همه؟
نهى.. جدي وبيبيتي .. ثول اسماعيل وفدك جا ياهمه
- اوكفي خل اتذكر
ظليت اتذكر وطفرتلهه
- اي ولج ظلو شفتهم بالليل يسولفون وكاعدين ع السوباط
نهى.. ههههي لا هاي هيه الامر منتهي
- اي خل نحضر عرس اخيراً
ظليت كاعده اباوعلهم شلون ياكلون او بالأحرىٰ أباوعله.
رفع راسه ودنك مامنتبه .. رجع رفع راسه من شافني صافنه بيه .. باوعلي بعتب ورجع ياكل
امي لاحظتني ماآكل كالتلي
- ثريا شو ماتغديتي
- شبعت
رفع راسه باوعلي وكال :-
- اكلي يابه إكلي.. إكل بضرسك تنفع نفسك
ياا ذوله شعدهم وي هالمثل كلساع محورينه وهوَ بالأصل "الياكل بضريسه ينفع نفسه" لو إمه تشقلبه لو هوَ ماطلع مثل هذا .
خلصنه غده ولملمنه المواعين راح هوَ غسل وامي لطتشتلي الا توديله الخاولي .. حدلي بدلي.. ماكو الا ثريا تروح تودي الخاولي .
اخذته ورحت وكفت يمه لما يكمل تغسيل .. رفع راسه باوعلي
- حمايه شلقضيه
- سوالف امي هاي
درت وجهي عنه خاف يگول هيَ لاحكتني عود تره امي ودتني .
سحبه من عندي وظل ينشف كمل وانطانياه .. تقرب يمي وهمس يم إذني
- سامع اليسوي سالفه جبيره يستحي من سالفته مو يحچي بثقه وصلافه عود يمثل انو ممسوي شي
ابتعد عني واني وسعت عيوني حيل وعرفت قصده كتله
- عود اني صلفه !!
رفع اكتافه للأعلى ومط شفته وحواجبه عود ماادري.
خله وراح واني ظلت الحجايه تدك بگلبي .. اي اكيد قصده اني صلفه .
ظليت اتشعوط وكلما اصفن تجي ببالي الكلمه حرگني حرگ .
.
مرت 3 أيام ومايحچي وياي ولا اني .. اليوم إندگ الباب مالتنه راح اسماعيل فتحه واجه.
دخلت فدك تبچي وعيونهه حمر . باوعت بإسماعيل وكالتله :-
فدك.. إسماعيل طلگني اريد افصخ الخطوبه !!
"لم أتـخيل يومـاً أن تمـر أكـثر من ساعات
دون أن تتـحدث معي !
ولا تشعُر أن شيئاً مـا يُـنـقـصك !
~~~~~~~~~~~~~~~~~~~~~~~~~
ثُرىٰ . . .
مرت 3 أيام ومايحچي وياي ولا اني الراسلت .. اليوم إندگ الباب مالتنه راح اسماعيل فتحه واجه.
دخلت فدك تبچي وعيونهه حمر . باوعت بإسماعيل وكالتله :-
فدك.. إسماعيل طلگني اريد افسخ الخطوبه !!
اسمايل انتفض وفتح عيونه قوي خزرهه وعاط
اسماعيل.. شنووووو؟؟؟؟
فدك.. خل نفسخ مااتحمل بعد
اسماعيل.. ليييششش هوَ لعببب جهااال لعبنه لعبنه بطلنه بطلنه انتِ صدك تحجين لو تتشاقيين
ثُرىٰ.. شكو شصاير غير تحچيلنه شكو
فدك.. مليت صار من خطوبتنه لهسه ماشفت راحه عايشه برعب كلما افز الصبح والگه امي ماكو اگول خطفهه اركض ادور بكل مكان ومن الگاهه اسحب انفاس بألف ياعلي . يوميه تهديد يخطف فرد من عائلتنه واني ميته خوف .
كلما اطلع اشتري شباب اثنين يلحگوني يعيشوني برعب واني بنت واخاف يخلون گلبي يطفر من حلگي .. واحد يسحب جنطتي ويظلون يركضون وراي .. وهوَ مستمر بالتهديد يوميه يخابرني يهدد .
آخر شي توصلله يريد يخطفك يگلي بالليلة عرسكم اخطفه واكتله وني احبك ومامستعده اخطّر بحياتك خل نفسخ احسن .. تستاهل الاحسن مني
اسماعيل تخبل وظل يصيح صار عصبي عليهه
اسماعيل.. هسسسسه يلااا عرفتي تحجيين وين جان مضموم هذا الحجي ووويين
فدك.. مااريد اقلقك
اسماعيل.. وين جنتي هسه هاي جتيج منين؟؟
فدك.. جنت بالكليه ومن رجعت لحگوني بسياره هم طلعّو روحي ادخل بفرع يطلعولي من فرع لما نزلو ماادري شيريدون يسون يمكن يخطفوني اني رأساً أجرت تكسي واجيت تعببتتتت من الرعب تعبببتتت طلگني إسماعيل فدوه
اسماعيل.. انتِ اكييددد تخبللتيي بكل عقلج تحجين اكو وحده تكول لخطيبهه هيج وهيَ بعد كم شهر لزواجهه
فدك.. يعني تريده يكتلك
اسماعيل.. شحددده ماعندي عشيره ماعندي اهل ماعندي ظهرر عشيرتي يسدون عين الشمس
فدك.. اخاف عليك والله
اسماعيل.. اشش اشش كافي تطلعين اسباب تافهه إذا ماتريديني ومجبوره عليه گولي اطلگچ هسه بس إذا لهذا السبب مااطلگ
فدك.. لا لا مامجبوره اني برضاتي بس خاف صدك يسويهه
اسماعيل.. اذن انسي الطلاگ وهذا أعلمه
فدك.. اسماعيل فدوه تره ظهره قوي وواسطاته قويه
اسماعيل.. ماعليج انتِ
ظلت تبجي واحنه نسكت بيهه اجه كومهه وكالهه
اسماعيل.. منا للزواج وين تروحين رجلي على رجلج ووين ماتروحين اني اخذج
فدك.. خاف يسوولك شي
عاط بيهه
اسماعيل.. ششايفتتتني جاهل كدامج
فدك.. لا لا آسفه
اسماعيل.. يلا إمشي كدامي
اخذهه وراحوا .. امي ظلت تبجي وتصيح
- كتله يمه البنيه عليهه خطر وخاف تبلينه وياهه ماصدگ بيه هسه راح تصير مشكله وإحساس الام محد يصدكه من تمشون جوه الگاع ادري بيكم هاي من رب العالمين الاحساس بس جيب اليصدكني
سكتنه لان امي إذا حچت كلمه ومحد اخذهه يتندم .
رجع إسماعيل راح رأساً لغرفته ماباوع بأحد اصلاً وولا حچه ضايج وماطايق حتى روحه .
هاي من أولهه هيچ هسه خلصت نسوان الكون ماكو غير فدك لان يحبهه إسماعيل يجي هالحقير عليهه
داومت ثاني يوم واحنه مامتحاچين اليوم رابع لاهوَ يباوعلي ولا آني بس بالخطف اني اشوفه بس هوَ ابدد لا خطف ولا شي .
النوب اليوم غيّر مكاني خلاني بالأخير ادري بيه يعاند على عنادي يدري بيه مااحب الاخير لان ياخذني الواهس واظل اسولف .
- ثُرىٰ انتقلي
- إستاذ مااشوف
طبعاً هذا الشعار من جنت بالابتدائيه لهسه مامغيرته كلما واحد يريد يخليني بالأخير اگوله رغم نظري 6/6 .
هوَ عرف كلاواتي .. كال بدون مبالاة
- انتقلي انتقلي
استغفر الله هوَ يتحارش بيه ويسوي روحه عاقل..
كمت للأخير وگاللي :-
- بعد بمحاضرتي تبقين بهذا مكانج
هزيت راسي ودرت وجهي ماراضيه .. إذن هوَ ضعيف مقابيلي مادام گومني للأخير والله يمثل البرود اصلاً بس يريد يباوع .. هالموقف خلاه نقطه ضعيفه عليه .
خلص الدوام
ظليت انتظر إسماعيل وماكو .. يوميه اطلع الگاه واگفلي اليوم ماكو .. بقيت منتظره بالمكان نفسيته الياخذني .
من راد يطلع شافني كلت اكيد راح يجي عليه .. بس ولا عبالك طگ النظاره على عيونه ومشه من يمي !
هاي شنو؟؟ صدگ يحچي عود !
بس لا من الاشخاص الزعلهم صاير ثگيل حيل.
هسه شلون بله اموت روحي يلا يقبل .
ظليت ألوب مادامه هيج الا اروح مشي وخل يلحكوني شعليه مادام هوَ شافني وسكت هاي هيه بعد ماإله حق يحچي.
رحت بره واخابر إسماعيل مايشيله .. ضميت موبايلي بعصبيه وطلعت بره ظليت امشي سريع وبحرگة گلب.
خليه يفيده الزعل والثگل.
ظليت أمشي بالشارع واحس سياره تمشي وراي !!
عزززااا وعلي أخاف. النوب يخطفوني اموت غير .. خل يكتلوني ولا يخطفوني.
ظليت امشي سريع والسياره وراي .. ماخليت آيه قرآنيه وماخليت دعاء گلبي ظل يدگ حيل وأريد ابچي هم من وره أسماعيل العافني وهم من تصرفه العافني وراح ولا عبالك .
شويه وسمعت صوت رجال من السياره
