رواية قصة زهراء الفصل السابع والعشرون بقلم زينب نور
ياسر:شسوين هنااا
زهراء:ااا مماا مااسوي شي سحبني من ايدي للغرفه دخلني
ياسر:تصنتين موو
زهراء:لابس جنت فايته وسمعت صوتك
ياسر:كفيلج الله هل مره عدت بس اذا اشوفج واكفه وتصنتين انهيج
زهراء:عفته وطلعت بس واحد يسويلي بزز ابجي
الرايح والراد يعايرني طلعت للحديقه الجو بيه بروده بدايه شهر ١
كعدت ودموعي نزلن وحدهن
ماادري عليمن ابجي صح ياسر من زواجنه ليهسه مافتح وياي موضوع الحمل ولا حسسني بكلمه
بس العله امه محسستني صالي عشرين سنه مزوجه هو سنه ماصايرلنه
ضليت شويه كاعده كمت دخلت شفت الساعه ١١ باوعت باب الغرفه مال بيبي مفتوح ماهوه
ماهتميت صعدت للغرفه دخلت هم ماهوه وين راح
ياسر:باجر العصر ارجع الكاج جاهزه مااكعد ساعه اتنضرج بالباب واطلعيلي
منال:صاار تئمر امر
اخذ راحتك هاي غرفتك لا تنسه
ياسر:اخذي راحتج انتي فتحت الباب وطلعت
زهراء:طلعت اشوفه خاف بالحمام الفوگ فتحت الباب طلعت شفته طلع من غرفت منال استغربت شعنده
بس كمت احوص المن راحلها شعنده وياه لو اقتنع بحجي امه
دخلت للغرفه وانه افور عليه شويه ودخل تخصرتله كتله
شعنددك بغرفتهاااا
ياسر:صوتج العالم مناا
زهراء:كوول شعندك يمهاا او اقتنعت بحجي امممك
ياسر:السانج وماعليج ادخل ماادخل موو تئمريني حضرتج..
زهراء:لا عليه ونص غصبن عليك انه مرتك....
كلت هج واجه لزمني من فجي...
ياسر:ياهوو الغصبن عليه هااا
زهراء:كوول شعندك وياه
ياسر:ماعليج لاتنسين هي حالها حالج مرتي
زهراء:وخر عني كتله هلووو هلووو
هناا الحجي كول
امي قنعتني بس موو رجاا.....قاطعني براشدي خله اذني اصوفرر وسحبني من ايدي
ياسر:السانج لاا ومحمد اموتج اشايفتني جدامج واتلعلعين عليه هااا احترمي لا حرام بالحرم انتي التخسرين
زهراء:دفعني للجربايه وطلع ضليت اعصر بيدي
تمددت للساعه ١ هوه مارجع كمت كلت يجوز جوه نزل نزلت فتحت الباب غرفت بيبي محد بيها صعدت منال طافيه غرفتها الصاله محد بيها عرفت نام يمها طلعت نار من جسمي احسس اكيد هسه نايمه بصفه اكيددد واكيد كمت افتر بالغرفه
انه الغبيه ماسديت حلكي وسكتت ليش رادته صدك انه الخسر
بس اشلون بالساني برنوو.
تمددت بالكاع بصف الكنتور وسحبت الغطه من الجربايه بس ماغفيت لمن اذن الفجر.
ياسر:عفتها ورحت لغرفه منال هاي شافتني ماصدكت روحها طفرت
اخذت افراش مديته بالكاع وغطه درت وجهي عنها ونمت
لصلاة الصبح كعدت هاي نايمه طلعت توضيت
ودخلت للغرفه شفتها نايمه بالكاع.
زهراء:فزيت على صوته يصلي رفعت راسي باوعتله
طگت ركبتي لان نايمه بلا مخده
كمت للجربايه تغطيت ورجعت نمت ماادري بيه بعد طلع لو نام
فزيت ساعه ٨ ماهو بدلت ونزلت
كاعدين يتريكون كلهم
صبحت عليهم وحضرته مارد زعلان عود فوكاها بعد هوه ابو الراهي
دخلت للمطبخ كعدت على الكرسي
مااشتهي
دخلت دعاء
دعاء:مادكومين تتريكين
زهراء:ماريد مااشتهي
دعاء:شبيكم ياسر نزل وجها مكلوب وانتي
بس منال شاكه الحلگ شك
زهراء:البارحه نام يمهاا
دعاء:يم منال..
زهراء:ايي وو....دخلت منال غيرنه الموضوع
منال:تره مالها داعي اضوجين هو هم رجلي لاتنسين
وابوو ابني حصتي اكبر بيه.
زهراء:ليش حبيبتي اشفتي ابجي وكاتله روحي عليه وشاكه الحلك شگ...قاطعني بصوته
ياسر:ساعه ٣ارجع الكاج جاهزه
زهراء:اول مره مافهمت عليمن عبالي عليه بس من كالت
منال:حاضر يابعد بيتي ربي يحفضك
زهراء:طلع ماهتم الكلامها ولا جني كاعده حتى ماباوع بوجهي
خليت وكمت يمكن بس اضل شويه ارتكب بيها جريمه طلعت دخلت بغرفه بيبي طلعت كيكه وعصير من الثلاجه كلتها
وضليت كاعده على التلفزيون
لمن اذن الظهر صليت وطلعت
تغدينه هو مااجه غسلت الماعين وخلصت امسح بالكاع مال المطبخ وسمعت صوت الهورن مال سياره ماعرفته اله لو لسعد
فتحت الشباك شفته نزل
رجعت اكمل دخل من باب المطبخ
ياسر:سلام عليكم
زهراء:بثكل وداريره وجهي عنه
هلا..
كعد على الكرسي وانه مدنكه امسح شويه ونزلت الحيه
اتريد اصير حلوه كوه ماكوو كالها اطلعي هسه انه جاي طلعت تقرب عليه كال
ياسر:محتاجه شي
زهراء:رفعتله راسي شكرا😒
خله وطلع كملت المسح وصعدت سبحت
وطلعت لبست دشداشه مخصره لونها ماروني غامض
خليت كحل وحمره خفيفه نزلت جبت التلفون مالي بالغرفه مال بيبي
دكيت على اسمهاء حاجيتها واخذته سميه تنكت وتضحك
سديته منهن ضليت اكلب كلشي مابيه دخلت على السوق شفت الفيس كلت خل احمله باله حملته شويه وكمل
دخلت عليه يطلب كلمه مرور مدري شنو خليت وطلعت منه طفيته ونزلت
افتر شويه واجه سعد انه كاعده بالصاله اجه من الدوام
سعد:هاا اليوم وحدج كاعده
زهراء:هو انه دومني وحدي
فاطمه:الله يساعدك
سعد:هلا ام اميرر
زهراء:اكلك انته شلزكت ام امير ام امير اسم لعبان نفس
سعد:ليش شبيه ماعاجبج
زهراء:طبعا ماعاجبني خالته والي راي
سعد:وانطينه رايج ام راي
زهراء:شايف اسم كيان الله يخبل
سعد:✋✋ والله عبالي اسم بيه خير
زهراء:هههه شبيه اشو يخبل
فاطمه:هسه بس لا تتعاركون ابني وانه اسمي واربيه لحد يدخل
سعد:شسمينه بس لا ادكولين هسه مختار
زهراء:هههه ادكول اربيه حتى يصير مايع انصيحلج ام مايع راحت وام مايع اجت هههههه
سعد:ههههههه ماعليج بيها خبله هااي صبيلي غده عوفي خبالهاا
زهراء:راحت اصبله غده اشرلي ماعرفت اشارته
كتله شنووو
سعد:وجعوو نعال ماكوو
زهراء:عرفته على منال كتله
راحت بالطبيب
سعد:ايي ياسر اخذها هل اكول كالبه وجهج اشتغلت غيرت الشرايج
زهراء:تغده وصعد شغلت التلفزيون واكلب طلعت عمتي سعاد كعدت
رادت جاي صبيتلها وانطيتها
منال:دكتوره قبل يوم رحت للسونار كال ولد بس الثاني مايبين
الدكتوره:هسه انشوف...
عندج اطفال
منال:لاا
الدكتوره:مسقطه قبل..
منال:لا هاي اول بطن الي
ضلت اتمشي بالسونار كالت
الدكتور:حبيبتي هذا مو طفل
منال:شنهي مو طفل
الدكتوره:على كيفج ماما افهميني
صح حامل بس ولد واحد مو توم
منال:شلون الدكتوره كالت توم بس الثاني مايبين
الدكتوره:مو طفل هذا ورمه بالرحم
منال:شنهي شلوون
الدكتوره:اهدئي ماما انشاء الله ماكو خطر على حياة الطفل هسه انتي مكمله ٥اشهر و١٠ايام
منال:اي نفس حسابي
الدكتوره:لاتخافين كتلج انشاءالله ماكو خطر على الطفل بس مانكدر انسويلج شي لمن تولدين
حتى نستئصلها
منال:طلعت كلت الياسر اخذنه العلاج ورجعنه للبيت
زهراء:كاعدين وام ياسر طلعت يمنه دعاء هم شويه ودخلو بس وجه منال ميتفسر
كالت الخالتها هيج و هيج
الصدك كسرت خاطري شويه ودخل ياسر كعد هم ضايج كال ماي كمت انطيته ورجعت كعدت
ام ياسر:شلون هسه يمه شسوي
ياسر:شسوي مانسوي شي لمن تولد
ام ياسر:خاف تكبر يبني ابطنها
ياسر:الله كريم يمه الله كريم
زهراء:خله وكام صعد منال هم صعدت وبدت ام ياسر شجاها عين وماصلت على النبي
سعاد:اذكري الله خيه كلج مابيها خطر للطفل مو اول وحده تحبل حتى تنحسد هاي بناتنه كلهن حبل
زهراء:كمت صعدت شفته متمدد وايده على عيونه باوعت الساعه ٥:٣٠ تمددت يمه بس ماتقربتله
اباوع عليه وخر ايده باوعلي وسحبني عليه خله راسي على صدره وساكت بس انفاسه تصعد وتنزل سحب جكاره وكام يدخن
كتله لا تخاف انشاءالله ماكو شي
اجيب وادكوم بالسلامه وخرني وصار فوكاي
ياسر:ريت الناس كلها نفس كلبج الطيب
زهراء:بتسمت تقرب باسني بخدي ونزل راسه يشم بركبتي بس شميت ريحت شي احترك دفعته وكعدت
اشوف ايده على النزله والجكاره حاركته
ياسر:خرررب احتركت
زهراء:شوف شسويت خربت النزله
ياسر:هيه مو بس النزله احتركت انه هم احتركت
زهراء:سحبني عليه ووووو
كام سبح كمت انه غيرت النزله طلع من الحمام دخلت سبحت وطلعت امشط
وهوه كاعد على الجربايه دك تلفونه يخابر بالشغل كال الاسبوع الجاي انه ابغداد
يعني راح يداوم
سده الخط كتله راح اداوم
ياسر:اي الاسبوع الجاي
زهراء:ماتنقل شغلك هنا ليش رايح وجاي والطريق يخوف
ياسر:مايصير
زهراء:اذن المغرب نزلننه هوه راح صلى بالستقبال صليت وخلصت
تعشينه بعدهم مامخلصين
واندگ الباب تفلش كلمن ضل يباوع بوجه الثاني طفر سعد فتحه
واجه يركض اشر للولد كلهم كامو وجدي وعمي طلعو كلها بس نسمع الصوات يصيحون مافتهمنه شي
دخل احمد يركض لغرفته طلع السلاح بيده امه اتخبلت اصيح وراه مايرد مايكولون شصاير
بس نسمع صوتهم وياسر يصيح
ياسر:ومحمد اليوم انهيهم
زهراء:دخل احاجيه مايرد صعد كام يطفر ٣بايات صعدت وراه افتهم شنهي السالفه دخلت لكيته ينفش بالملابس طلع المسدس
ويين رايح فدوووه
ياسر:انزلي جوه ولا اصعدن فوگ
زهراء:فدوه اروحلك لاتطلع بس فهمني عوف المسدس وخرني عن الباب ونزل يركض حتى نسه رجله
نزلت طلع بوجها يصيحن وراه مايرد
شويه وسمعنه صوت الرمي...
شكرا لزيارتكم عالم روايات سكيرهوم
