رواية بيوت الصفيح الفصل السادس والعشرون بقلم زهراء السراي
أحياناً الحياة تخبئ داخل الفرح
ولحظات سعادتها حزن مخفي
گاعدة بالحديقة عالحشيش
ممدة رجليه وصحن الفنگر راشه
علي لمندوزي وفلفل اسود مخليته
بالنص واكل
هو عافس وجهه وحمادة يصيح
-اييييع نونة مو طيبة
وابو يشمرله الطوبة يضحك
-تلعب النفس بس امك خبلة بابا معليك
بيها
-هسسسه اني دازة عليكم خطوط مصخمة
گايتلكم اكلو ويايه
-صحححح صح انتِ تلوصين بالاكل من حملج
لليوم
نزلت الفنگراية من ايدي واشتغلت الهرمونات
-شنو قصدك اني العب النفس
-لا حبيبتي بس اكلج خاص
-موووو اني هاي بنتك تريد اني شعليه
وگفت وأحس بس اريد أبجي وگعت قطع الفنگر
المفتتة بحضني بالگاع
مشيت من يمهم ودرت وجهي بزعل
قبل لا اوصل باب المطبخ صاحلي
-ياحلووووووة
مارديت
-بطريقي دبدوب
-غلست علي
-الحلو اللابس شوووورتي وفانيلتي
درت وجهي علي خزرته ودخلت جوه
اجاني راكض دخلت الغرفة وهو ورايه
-شبيييج حبيبتي
-تعيييييرني بملابسك
-لا ياعيوني يخبلن عليييج والله
-لا لا عرفتك اساساً ضجت من رحت
اشتريت الك جدد
-ياعيوني ياحبيبتي غير سويتي الفانيلات
جادر كل وحدة شعرضها
اتسعت عيوني وتحضرت حتى تمطر
استوعب غلطة واشرلي
-افهممممج دقيقة
بجيت وكمت ادردم
-مااااالبس شي بعد راح اشتري جدد
كله من وررررررراك منين حملت اني قابل
انتتتتتتتتت بسبببك انت
رفعت الفانيله اصيح
-ماااريدهن هااااااك اشمرهن بالزبل لو احرگهن
سكت وانسند عالكنتور
يتفرج
طلعت بطني شكبرها وهو رافع حاجبه
واني مستمرة احجي اتجه للباب سده
ويحجي ويايه
-اييييي اريد ملابسي حتى الشورت مالتي اريده
مديت ايدي للشورت
-بعددددددد بعد اظهر على حقيقتك
ياااااا نحس يابخيييييييييييييل
باوعلي من فوگ ليجوه واستوعبت كلامه
وفهمت نظراته
- ياااااااافاسد
ركضلي واني فتحت باب الكنتور
ختلت ورا
-اطلع بطرررريق خل ابوس بطنك
-روووووح منحرررررررف
-مو گلتي بطنج توجعج تعااااااي ابوووووس
الواوا
-مابييييييه شي ولك روووووح
طگها ضحكة وفتح الباب سحب فانيله
جديدة من مالاته وسحبني يلبسني
-أروحلج فدووووة اني وملابسي
وفلوسي يخربن ذني اشتريلج مليون
غيرهن
حضنته وكرشي صار گدام
-شيلني
-ليييييش بويه مستغني عن عمرررري
باوعتله صفح واني اعدل بالفانيله
وگفت بنص بطني
باوعلي كاتم ضحكته
-ها شبييييك
-مابيه شي يابعد روووحي
هذا الموديل كلش حلو عليج
-اييييي اضحك عليه
دفعته وطلعت وحدة من القديمات صايرة
جيس من العرض
لبستها واجيت اطلع
-هاااااا جا مانبوس
-روووووح شوفلك وحدة رشيقة بوسها
حضن أكتافي ماشي بيه
-لا البطريق بي لحم احلى واطرى
-اييييي مو تريد تسوي عليه تشريب باميه
-اووووويلي باميه على ضلوع
-الله ونخلي عليها فلفل اخضر
-خرررربت الطبخة
-شو اشتهيتها هيج
-تاكلين عيوووني
-اييييييييع
-ترحيلهن فدوة
اختفت دراما الهرمونات وبسته
-والله فعلا أروحلك فدوة
شو تعال انطيك شويه حباً وحناناً
لعبلي حواجبه ونزل نفسة بمستوايا مغمض
عيونه وشفافه ماخذه وضعية البوس
مديت ايدي بشعره حركته
بسته من خده وهمست بخباثة
-عدنا مراجعة يم الدكتورة العصررررر حجزت بطني
حيل مأذيتني
فتح عيونه على كيف وتنفس بغضب مصنطع
-واني حلگي اخذ قالب البوس ومنتظر
-من اطمأن على بنتي عود افكر
-وهي بنتج منيييين اجت مو من البوس ومنتجاته
دفعته واجه ورايه بس صوته قلق
-غنوة يعني شنو هالألم فهميني
-ماادري شو احس بطني كبرت زيادة
خلال هالاسبوعين وباوع رجلي
مااگدر البس الشبشب مالتي لابسه شحاطتك
وافتر بيها ومختنگة حييييل حتى نفسي صعب
سحبني وگعدنا عالكراسي متقابلين
-لتخافين هاي بديتي بنهاية حملج لذلك
انفختي
-لا والله حاسة اكو شي مو طبيعي
-العصر نروح واطمأني
-نووووومي
-بدت العيارة والتنعوص
-فدوووووة حباب نظف الگراج وفرغ المسبح
من الميييي
-وبعد محتاجة اجلفلج رجليج
-ايييي والله ماالوحهم
ابتسم واشر على عيونه
-من تحتاجين شي بس اشري ويجي يمج
-هووووواي سمعت هالسالفة وشگد اشرتلك عاللمبرگيني ولا كأنه
-منوووو حضرتج
-اييييي افقد الذاكرة
غمني وطلع كالعادة تمددت شامره
نفسي گدام السبلت
وهو وحمادة يحوسون حواليه
للعصر غيرنا ملابسنا وصلت للحذاء
وحرت ماكو حذاء تجي برجلي
بقيت حايرة وبس اريد ابجي
اباوع لأيمن فتح الجزامة طلع الجركز الصيفي
مالته ولبسه اليه جريت ايده اگومه
-حبيبي اني البس
-دگعدي عبالك سلحفاة اذا انگلبتي شيگومج
سد اللزگة مال الجركز وطلعنا للدكتورة
اول محجيتلها كتبتلي مجموعة تحاليل رحت
سويتها انتظرنا ساعة تقريباً
ورجعت دخلت اول مشافت التحاليل باوعتلي بحيرة
بقيت الوب محجت اي شي اشرتلي
-صعدي للسونار ماما خل اشوفج
فحصت منا منا نزلت السونار ورجعت كعدت
-اسمعيني حبيبتي مشكل عندج سكر حمل
ونسبة السائل مرتفعة لتخنگ الطفل
بهتت بوجها وحسيت روحي انسلبت
-منو وياج خل يدخل
-زوجي
-اتصلي بي خل افهمكم
اتصلت بي دخل وجهه مخطوف
لزم ايدي وعينه من الدكتورة
-شوف اخي انبهكم لشغلة ان السائل الزايد
هذا اذا يبقى يخنگ الطفلة تمام
-شنسوي
-ولادة
وگفت خايفة
-شلون ولادة ستوني داخلة الثامن
-انت شتفضلين تولدين طفل ناقص ايام
لو لا سامح الله طفل ميت ومكتمل
باوعت لأيمن اللي ماحجه اي شي بس سألهه
-أهم شي غِنى ماعليها ضرر
-ابددددا والله واني خلال هالأسبوع انطيج
ابر مكملة للرئة تضربيهن وبعدها نهيئج
انت منتبهه لحركة الطفلة
-اي صارت قليلة بس عبالي لأن وصلت الثامن
-خمول بسبب السوائل
-هسه ضبطنا تحاليلج بنهاية الاسبوع الجاي
بس تعاي مراجعة نكمل الاجراءات ونولدج
بعد هالكلام طلعنا طول الطريق اتصرف طبيعي
ولا كأني سامعة شي اتصلت بصبى
فهمتها وبلغتني انها راح تجي بس أيمن
گاللها اني اجي اجيبكم هنا
قبل العملية بيومين افتر ارتب بالبيت
واجهز اكلات وشغلات افرزها الهم
وهو ورايه يفتر نظراته الية كأنه
منتظر فد شي مهم راح يصير باوعتله اضحك
-شبيك يمناي
-انت زينة
-شبية اخبووووووووول
شمرلي بوسة بالهوا وسحب نجانه
العجين مال الكبة وگابلني
-شلون ترديهن
-دوووائر حبي ماكوووو غير الدوائر
-نمشيهن مكعبات عادي
-أيممممممممن
-يلا هاج شوفي
اباوع سوالي وحدة قلب الحب
ضحكت وهو اخذه الواهس كمل صينية صغيرة
على شكل قلوب وخاشوگه حشو بالكبة وخاشوگه
بحلگه وحلگ حمادة
-گوووووم منا انت وابنك مااريد مساعدة
گام وهو يهز بيده
-تعال بوية نجهز زلاطة وحبشكلات حتى نتعشى
ماما تگليلنا گلوووووب بما ان هي اختصاص
وگلت گلبي يلا واااافقت تتزوجني
-الثگل ززززززينة المرأة حب قلبي
-يا ثگل وانت بالخطوبة تسرسحتي
-ولك الولد يفتتتتتتتهم
استمريت وياهم سوينه
عشا أكلو وحمادة نام اني دخلت سبحت ورجعت
للغرفة گعدت انشف شعري وعيني عالمراية
مسنود عالسرير وايده وره راسه
رافع تك رجل ومركز ويايه
رطبت اديه ورشيت معطر ودرت وجهي
الة وسوه حركته المعتادة
طبطب على صدره يعني تعاي لحضني
تمددت بحضنه محاوطني بأيده
يمسح بكفه على بطني
-الحلوة راح تجي ومالاگيلها اسم
-خليهة مو هسه نسميها
-ليش حبيبتي اختاري الاسم اليعجبج
عسما خاچية واني موافق
ضحكت وسندت راسي على صدره
هادئة رفع راسي اله
-ليش متسميها هسه
-اخاف
حرارة صعدت من بطني لگلبي وكأنها حست
بحزني وتحركت
الصمت صار ثگيل
الضوة الخافت وحضنه وأفكاري وخوفي تكاتفو
دسيت راسي بحضنه وسكتت
حاجاني بهدوء وكأنه يحاول يوازن بين
طمأنينته وخوفي
-شربتي العلاج
-اي شربته بس خوووفتني الدكتووورة هوايه خفت……
ماخلاني اكمل وانطلق يحجي بهدوء وياي
-حبيبتي أعرف الدكتورة خوفتج
بس هي جانت صريحة وهالصراحة لخاطرج
هزيت راسي احاول اثبت لنفسي اني تمام
جليت صوتي وكملت
گالت إذا ما سوينه العملية هسه ممكن بنتي تختنگ برحمي مستوعب المكان اللي المفروض يكون امان الها صار مصدر تهديد بالموت
ضغط عليه بحضنه وباس راسي
-بالعكس للحظات الاخيرة راح تكونين انتِ مصدر الأمان والرحمة الها
رجع الصمت احتل المكان ودموعي انسابت على صدره العاري
حس برجفة خوفي دخل كفه بكفي وغمره
-غِنى احنه سوووه العملية لازم نسويها
بس ما يصير تبقين هيجي ساكتة
أني شايف عيونج مو طبيعية
أني حافظ نظراتج لتحاولين تتماسكين على حساب صحتج حبيبتي
-غريب مو كل شي بيه مرتب
الغرفة مرتبة جسمي مرتب صوتي ثابت
بس جوة بداخلي كل شي مخربط
احس گلبي ينبض بطريقة غريبة
بطني توجعني مو لأن بيها ألم
لأن بيها خوف خوف غرررريب لأول مرة
احس هيج خايفة
التف ماخذني بحضنه صرنا وجه بوجه
دفنت راسي بصدره وتنهدت تنهيدة تبعتها شهگات
وصوت مختنگ
-أيمن أذا فقدتها أمووووت
من أشهر
وأنتظرها باللحظات والثواني
وأحجي وياها واوعدها بوجودنا مراح
تشوووف تعب شلووون صار هيج
حضني لصدره أقوى وصوته يرتجف بس يحاول يتماسك
-ما راح يصير هيج غنوة
إنتِ مو وحدج
اني وياج الالم بداخلج احسه
ومااكذب عليج اني هم خايف
بس إنتِ أهم من خوفي أمانج أهم
ابجي بهدوء وهو يمسح على شعري
وظهري ويهديني
سكتت بس أنفاسي جانت بعدها مرتجفة
رفع وجهي بادي يباوع بعيوني
كأنه يريد يحط كل الأمل والطمأنينة من گلبه
لگلبي من خلال هالنظرة الدافية
-اعرف شگد تعبتي بهالحمل وشكد خططتي وفكرتي
والله بس اللي صار مو نهاية الحلم فكري
هسه وخافي هسه استنزفي رصيدج من الخوف
هسه
حتى من تجي تستقبليها بصدر وعيون
مليانة بس فررررح
واوعدج اني وياج وحمادة واهلنا
الكل راح يكون ويانا خطوة بخطوة والسعادة
راح تملي البيت مرة ثانية مرة بجيتج عروس
لهالبيت والثانية برجوعج بالسلامة
انتِ والنونو
مديت ايديه حاوطته وهو يسولف بهدوء
-شلون تگدر توعدني بهالظرف
وإذا ما صار شي
وإذا كلشي انكسر
-اوعدج لأن الحياة ماراح توگف
حتى لو انكسرنا
وإذا لا سامح الله انكسرنا نرجع نبني كل شي من جديد سوه
أخذ نفس عميق كأنه يكمل وعد وعدنياه من سنين
-اوعدج ببيت مليان ضحك ومشاغبات
أحضان دائما مليانة
بيت مليان دفو بيج
غمضت عيوني وسندت راسي على صدره
نبضات گلبه الهادئة وكلامه الحلو طمني
-هذا يكفيني
بست صدره وانسندت علي
-وجودك بحياتي كافي
-عفيييية بالبطلة راح تشرف النونو العرمة مالتنا
راح تعلمينها شلون تحب شلون تبيع ثگل وتشلع گلب الرجال
گرصته من بطنه ضحك وضمني
حيل وهمس
-لتخافين أني وياج اخذنا نصيبنا من الحزن
والتعب اني واثق رب العالمين كاتبلنا بس السعادة
بالجاي من حياتنا
-ونعم بالله
نمت احسن شويه من اول يوم الثلاث أيام
البعدها رتبت كل أموري وأيمن جاب أخواته
يمي رغم طبيعتهم النحسة بس ساعدوني
ووگفو ويايه وهو راح لبغداد يجيب البنات
ويجي گتله يبات ويرتاح ويرجعون ثاني
يوم
بالفعل ثاني يوم ومن الصبح دخلو عليه
والأحلى جانت جية سومة وياهم مفاجأة
التمو حواليه هي والبنات وطلعو جهازي هي
و صِبى مجهزات جهاز يجنن رتبولي جنط
المستشفى والبيت تحول لطاقة حلوة
بسبب مُنى وسومة
صِبى محاوطتني
برعايتها وسومة تطمني لحد ثاني
يوم موعد العملية سومة و مُنى بقو
يم حمادة واني و صِبى وأيمن توجهنا
للمستشفى قبلها ومن الساعة ١٢ بالليل
وحسب توجيهات الدكتورة اني توقفت
عن الاكل بدو بسلسلة فحوصات وترتيبات
لحد مكملو گالو أرتاحو بالغرفة ولبسي لبس
العمليات لحد ميجي دورج
هنا شفت الخوف بعيون الأثنين عيون
أيمن وعيون صِبى يضحكون ويسولفون
بس واضح مدى خوفهم
اني اخذتني الصفنة وأيمن طلع
برة اجتني صِبى حضنتني
-شلونها المعنويات
-صِبى
-ها حبيبتي
-اني خايفة ادخل العمليات ومااطلع
مثل أمي
نزلت دموعي وحضنتني
-اسمممم الله ياروووووحي انتِ
والله راح تطلعين وراح يكون وجود
بنوتج بحياتج رحمة وسكينة
مسحت دموعي وباوعتلها
-صِبى خاف يصير شي بالج
عليها مثل ماربيتنا وتعبتي
ويانه ربيها
-انجببببي انتِ تربين بنتج اكيد راح
تطلع عرمة وفاسدة عليج وعلى أبوها
اني مااتحملها
ضربتني راشدي ممازحتني
-والله الموضوع سهل ثلث ساعة
تلگينا هنا منتظريج وبنوتج راح تكون
بأنتظار حضنج
دخل أيمن ووياه ممرضة
-يلا حبيبتي دورج للعمليات
طلعت صِبى بيدها جنطة الملابس
والممرضة طلعت يمها فتحلي أيمن
حضنه وبدون كلام اخذني لصدره
ونفسه عالي
-منتظرج اني تمام
-أحبك أيمن
باس راسي وطلعنا وصلنا الصالة
باوعتلهم لآخر مرة ودخلت
غرفة العمليات ألها رهبة وتخوف
المعدات والاجهزة دكتورتي واگفة يمي
تحجي ويايه والمخدر يهديني
باوعلي وهو يزرق الأبرة بيدي
-حسبي للخمسة
أساساً مالحگت أحسب تخدرت
ولوقت غير معلوم نمت
صحيت على أصوات متفاوتة
تصحيني ومن بينهم صوت أيمن
-حبيبتي غنوووة
انيت واني المس ايده برخاوة
وبدت تتوضح الرؤيا مشو بيه
وحركوني بالسدية لحد ماوصلت
الغرفة الممرضات ثبتو بأيدي
العلاجات والمحاليل وراحو
عيني منهم صِبى عيونها من الدموع
متحولات جمر احممممر وأيمن وجهه
مخطوف اشرتله
-بنتي
-بخييير بالخدج
اشتغل مفعول المسكن وغفيت لمدة ساعة
تقريباً صحيت على صوت أيمن
-الاميرة النائمة صح النوووم
فتحت عيوني عليهم هو و صِبى
-اريد مي
راحت صِبى وبقبغ البطل شربتني شوية
-ااااخ انتِ ويا بني أمية ولكم عطشانة
-ام بطن ميصير بعد ساعتين يلا نشربج ونوكلج
عدل أيمن السرير واني أستوعبت
-بنتيييييي
-والله زينة بخير لتخافين
-ودوني الها
-خدج حبيبتي ميصير ندخللها
باس راسي وگعد گبالي
فتح تلفونه
-هاج شوفي
باوعت فيديو هي بالحاضنة وماسك
الاوكسجين على وجها ممبين
منها شي
بجيت واني اشوف ايدها الصغيرة
باوعلي أيمن
-ها هاي اجت هالحلوة شراح تسمينها
باوعت لصبى تذكرت كلمتها من گالت
راح تجي مثل الرحمة تنور حياتكم
وكعت دموعي واني ابوس الشاشة
-رحمة نسميها
-ربي يبارك بيها وبأسمها
بقيت اعيد بالفيديو كل شويه
لحد مصار الوقت ولازم يوكلوني
ويشربوني شي بسيط ولازم أمشي
شربت العصير وشويه بسكت وبدو
أيمن وصبى يمشوني
جان الم متوسط بسبب المسكنات
بس مثل الحرارة ببطني هوووايه
أذتني
لازم ايديه ايمن يسندني واني گرصته
-هااااا ياستار شبيها العگربة
-لوووو تموت مااجيب طفل بعد
-هاي هي نكتفي بهذا القدر
-ايييي لا عبالك وتركض ورايه تگلي خل نخاويها
ترى اطلب الطلاق
-تفففففف عليج
-شكرا رحم الله والديك
اباوع لصِبى وجها مجمر من الضحك
وگوه كاتمة ضحكتها
-ضحكي انتِ الثانية اني ابتلي واخلف وتنشك
بطني وانتِ ومنى المعفنة تاخذن لقب الخالة
وتفسدن بنتي بالدلال وتصير تكرهني وتحبجن
-ليش تسبقين الاحداث
-مااسبقها بس حبابات لتدللنها هوايه حتى
تحبني اكثر
-هاي هي الدلال عليج وعلى ابوها واحنه بس نحبها تمام
-اي عفيه
جانو يسايروني هرموناتي مخربطة
وكل شوية ابجي لليل اجت ممرضة
گالت لازم ناخذج ترضعيها
طرت سعادة خلاني أيمن هو وصبى
بكرسي متحرك وطلعو بيه للخدج
عقموني الممرضات ولبست لبس طبي
معقم ودخلت جابوها خلوها بحضني
وكعت دموعي على خدودها الصغيرة
نزت وعفست ملامحها رضعتها شويه
وخلولها الاوكسجين ارتاحت ورجعوها
رضعتها بعد شويه
اثناء مااني أرضعها للمرة الثانية
شرگت وكحت وازرگت
عطت والممرضات ركضولها
اخذوها من حضني ووحدة مشتني بره
-لا عفيييية مااطلع شبييييها
-والله مابيها حبيبتي بس يرادلها عناية
مشتني لحد موصلت الباب باوعت أيمن منتظرني
-شبيج حبيبتي
-ايمنننننن اختنگت بيدي صارت زرگة
ميخلوني أشوفها
دگ الباب اكثر من مرة رجعت ممرضة حجت ويانه
-لتخافون بس هي الطفلة ممكتملة رئاتها
يرادلهة كم يوم هنا
اخذ البنية ترتاح واحنه ويا الطفلة وامنو
نطلعها الكم بمجرد ماتتحسن
ماسيطرت على دموعي وهو يخليني
بالكرسي ويحركني
وصلنا الغرفة ونزلني للسرير
-فدووووة أيمن خليهم يجيبون الحضانة يمي
-ميصير حبيبتي لازم جو معقم واجهزة
دخلت صِبى من بره بيدها كاسة شوربة وخاشوگة
-حبيبتي لازم تاكلين
بس شافت عيوني وصوتي المتغير
حضنتني
-شبيج
-اختنگت وهي ترضع صارت زرگة
-لتخافييين اني رايحة أشوفها وأرجع
تركتني وراحت گعد بصفي أيمن وايدي
حاوطتني وراسي المتعب من التفكير مسنود
على صدره همست بخوف وصوت مكسور
-أيمن شلووون خاف نفقدها شفتها
جسمها ضعيف أنفاسها تعبانة
وجهاز التنفس أكبر من وجها الصغير
ويه كل هذا اني مااگدر اسويلها شي
حتى حضن ما أگدر أحضنها
- صدگيني غنوة اني مريت
بكل شي ويه حمادة كل خوف كل دمعة
بس مامريت بـالنهاية
وما راح نمر بيها ان شاء الله
بنتنا تقااااتل بطلة مو بس تتنفس تقاتل
رفعت راسي اله وگعت عيوني بعيونة المحمرة
جان يجاهد حتى مايضعف
- وإذا تعبت من القتال
و إذا راحت وأني مو يمها
-غنوة ادعيلها انت ام صرتي ودعائج مستجاب
ماكو شي أكبر من رب العالمين ماكو اعظم من قدرته
ادعي تگوملنا بالسلامة
سحب راسي حضني ودمعة نزلت من عينه وگعت على نحري
بدون ميحس ضمني بقوة ونفسه يتصاعد وتنهيدة
حزينة صدرت منه حسيتها شگت گلبه
ربع ساعة ودخلت صِبى بدون كلام
فتحت تلفونه خلته بيدي
جانت تبجي بصوت ناعم عبالك بزونة صغيرة
ولونها طبيعي
-هااااا شوفي بنتج وووكحة خابصة الخدج
-شگاااالو حبابة
-گالو زينة والله لتخافين
-اطلعها ويايه موووو
باوعتلي وصدت عينها لأيمن
-مااكذب عليج گالو عالأقل تبقى أسبوعين
بهتت وحسيت روحي راحت وگع راسي عالمخدة
واحس بديت افقد وعيي
بس أيمن بسرعة رفعني لحضنه
يطبطب على وجهي
فتحت عيوني وهم الاثنين كعدو
وكلوني وشربوني عصير ورجعوني عالعلاج
للصبح منمت كملو الاجراءات وتحت رفضي
ان ماارجع للبيت غصبني أيمن حتى تهتم
سومة و مُنى بيه و صِبى قررت تبقى
بالمستشفى وأيمن يروح ويرجع عليها
دخلت المستشفى بطني مليانة
وطلعت أيدي فارغة اول يوم مر
بعذاب ودموع گوة نمت الطفلة
رضعوها حليب اصطناعي
ثاني يوم الصبح دگ تلفون أيمن
جان رايح للمستشفى وطلع
أسد جاي يباركلنا
اجه للبيت ضيفو البنات
سلم عليه وطلع ويه أيمن للمسشفى
أيمن حجز غرفة عالخاص حتى صِبى
تبقى بيها وهو يروحلها كل يوم ياخذ
اكل ويطمأن عليهم ويرجع كاميرا
على طول تفتحلي صِبى وأشوفها
دائماً عالجهاز تتنفس
أرتاح أيمن بوجود اسد اللي
جان جاي علمود فحوصات
ونزل بنفس المستشفى
وعينه من صِبى ولمدة ١٠ أيام
هو هناك و صِبى حتى ضعفت من التعب
باليوم ال١١ جنت نايمة
الصبح وشفت حلم حلو
شفت أمي وخالتي بيدهم يمشون
بنية صغيرة حلوة عبالك مُنى بطفولتها
شگرة بضفاير مبتسمات فرحانات واني عيني
منهم وروحي تعلگت بالطفلة
طلعت من الحلم مبتسمة
وأصوات تتذبذب بأذني
وصوت صِبى الباكي
تهمس بكلمات اخذت جزء من
عمري بثواني غمضت من جديد
حتى أبعد افكاري الحزينة
ورجع صوتها همس
-لتگللها هسه
لتگعدها من نومها وتنهبط
رفضت أفتح عيوني
وفجأة أرتفع صوت بكاء
طفولي تراقصت نغماته بأذني
يوعدني بحياة جديدة
فتحت كل حواسي ووگعت عيني
عليها
طفلتي
تعبي
حياتي الجاية
بنعومتها وملابسة الوردية
الرقيقة
باوعتلي صِبى ووكعت دموع الفرح من
عينها وهي تخليها بحضني وتهمسلي
-اجتج رحمة تشيل الحزن من حياتج
وتبدلة بفرح غامر
وهيج صار
بلحظة دخولها حضني
تلونت حياتي بلون
غريب ميشبه لشي
غير الفرح
لون الفرح لمسته
واستطعمته بوجودها
وتحقف الحلم وصرت
ام لطفلة تشبه
بالشكل لمنى وتحمل من
ملامح امي هوووايه تفاصيل
جابوهة اليه بالحلم
المرأتين اللي أسسو
لحياتنا أمي وخالتي وعدوني بأبتسامتهم
وبلا كلام ان الجاي من حياتي
طرييييق ملون بورد
مايحمل بس السعادة
.
.
.
مُنى
______
خذلان الأهل وجعٌ لا يُشبهه وجع
فهم الوطنُ الأول
وإذا ما انكسر انكسرت فيك أشياء لا تُرمّم
أن تمدّ يدك نحوهم فيضيع النداء
أن تناديهم بقلبٍ مثقوب فيلتفتوا لغيرك
أن تحزن، فيسخروا
أن تحتاجهم فيغيبوا
الخذلان من غريب يُنسى
لكن حين يأتي ممّن كان يجب أن يكون الأمان
يترك شرخًا لا يُرى
لكنه يُوجع كلّما ابتسمت مجبرًا
وكلّما قلت أنا بخير كذبًا.
فبعض الأهل يتركونك يتيمًا
رغم انهم مازالو أحياء
______
سديت هذا الستوري اللي منزلته قمر واتصلت بيها
بس رفعت السماعة رزلتها
-هااااااااا بس رحت اني رجعتي
للستوريات الحزينة
جاوبتني وصوتها جان ضايع بغصة
الحزن
-لو ماخذتني وياج جان مصرت كئيبة
-ليش مااجيتي ويه أسد
-مقبل ياخذني جاي ويا صديقه
بالسيارة يساعدة يسوق بالطريق
-حبيبتي قمر
-ها مناوي
-حظريها امج ليش مشلوع گلبج
-اريد احسسها بالذنب وادمرها مثل متدمرت آني
-احجي ومتزعلين
-ماازعل والله
-هي ماحست بالذنب وهي تعرف زوجهة العار تحرش
بيج ماحست بالذنب من تركتج ودموعج تحرگ
اجفانج ترديها تحس من ستوري
-لا وتخليلي لايكات عالستوري
-حظررررريها گتلج
-لا الا اخليها تحس باللي حسيته يلا
هسة ترررركينا منهم سولفيلي عالنونو
-لج تجننننن بس نااااعمة حيل
-طلعت من المستشفى
-لا بعدها صارلها هسه اسبوع
گالو اسبوعين يلا
ماردت عليه قمر ثواني واجتني رسالة صورة
منها سكرين لرسالة دازتها امها شفت بيها
تجسيد الحقارة بعينها الرسالة جانت
من أياد من حساب الأم
-سمعي لجججج تهمتيني وورطتيني
ونازلة دگ ستوريات حزينة ونشر عالخذلان
وانت أكبر عاااااقة بأمج زهرمتي عشيتها
بسبب سوالفج كفي منها وهذاااااا حظر
لأمثالج من البنات الگ****ب امهات ال………
صفنت عالرسالة فشار وكلام فاحش وكأنهم هم اهل الحق معقوليييييين ذوله
معقول اللي جاي يگولو ويسوو
اتصلت بيها ردت غاصة بالبجي
-شفتيييييي منطيته التلفون يدز بداله
رسائل القذرررررر الجايف
-قمر هالمرررة لتسكتين شوفي الرسالة
لخوالج
-ماااريدهم يتعبون كافي اللي صار
-سمعي مني
-استحي والله شگللهم واني خافيتهم من الستوريات
لأن يضوجون علمودي
-اني راح ادزهن لحمزة
-لا لا
-راح ادزها ومالج علاقة اگله بدون علم
قمر
دزتلي اوك وراحت دزيت رسالة اله
بثواني انفتحت ودزلي صوتية
-اليوووووم الواتساب مليان بطابيط
ابتسمت على رسالته ودزيتله
-فارغ احجي وياك
-افرغلج عمررري
-حمزة احجي جد
-واني شحجي بيبي هم احجي جد
-اسمعني بالبداية اريدك تحلفلي مراح تتعصب
-شمسوووويه لج
-هاي علييييييمن
-عليييييج شمسويه احجي لا اجي
أشلع اذانج
-يمممممممة خفففففففت
-كافي عرامة ولسان شصاير
-هسة مو گتلك احلف
-وعيووونج وخدودج مااتعصب
-هههههههه هاي جديدة
-احجي عيني
شوف الرسالة الوصلتك
اختفى دقايق ورجع أعصاب نار
اتصل بيه وصوت قمر تبجي يمه
-احجن انتن الأثنين
-خالو ماادري
-حمزة اسمعني فعلا متدري دزتلي السكرين
واني دزيته الك گلت تتصرفون لأن هالأنسان
فوگ اذيته تمادى هوايه
-خالووووو آسفة
هدأ صوته وهو يحجي وياها
-كافي خالو مو عليج تعصبت بس عليهم
روووحي غسلي يلا
اختفى صوت قمر ورجعلي صوته
-ليش قررتي تحجين هالمرة
-بعدك شايل بخاطرك لأن مگلتلك
-مو شايل بخاطري بس الموضوع خطرررر
ليش محجيتيلي او لصبى عالاقل
-مراح تفهموني
-احجيلي اني افهم حتى رمشة أجفانج
ابتسمت لكلمته وكملت
-اني مستحيل ابوح بسر هي حجته اليه
-بس هذا سر خطرررر
-مع ذلك يبقى سر واللي مثل أياد
تفكيرهم مو سوي ومرضى نفسيين
مصور ويهدد شلون اجازف
-تدرين بعدني لهسه ممستوعب
سكت شويه وكمل
-يعني من اتصلتي بيه من تلفون
قمر واخذتيها وياج للبيت هاي
حتى متروح ويه أياد
-ايييييي
-من يمتى عرفتي اللي يصير
-ورة وفاة أمي
-الله يرحمها والله أيام
جاوبته متأثرة
-أيام حزينة جانت
-ااااااخ أيام تمنيت أستغل بيها
الفرررررض وخصوصاً وقت فقدان الوعيييييي
-حممممممممزة
-هاي عود تعصبتي
-لتعييييب
-شلون صار لون خدودج
-زيتوني
-عرمة وملسونة
-ابو گمزة
گلتها واستوعبت جفصتي
وهو رد بأريحية
-ياريت يمج هسه واشوفج الگمزة على أصولها
-الله عليك كافي وگلي شراح تسوي
-ااوووووه راح اسوي أشيااااااء
هسة احجيلي يمتى ترجعون
-بعد مو هسه
-شنوووو جلبتو هناك
-مو خطية الطفلة بالخدج
-وگلبي مو خطيه
-هااا
-وجعا بطة يلا روحي
-لتضوج قمر الله عليك
-مااضوجها يلا روحي
-شكرا
-تصبح على خير بطوط
دزيتلة ايموجي بطة نايمة ورحت
نمت وهيج مرو ثلث أيام
تواصلنا بيها اني وحمزة بمحادثات
وسوالف أعتيادية واكلني الفضول
وطرحت علي سؤالي
-حممممزة عادي اسأل سؤال
-سألي بطة
-مو أنت اللي رحت بيدك المسدس
شلون رجعت انت اللي متصوب
-سؤال منطقي وحلو
-الله عليك احجيلي مو تضحك علية
-عندج وقت
-اييييي الكل نايم ولا شغل ولا عمل
-راح اتصل
-تمام
فتحت الخط ورديت وهو انطلق يحجي
-تتذكرين من طلعت اني وطلع ورايه
فقار
-اممممممم
-لتأممين ولج گولي اي
-اي
-وصلت بيت الكلب بدقايق
تندلين انت شگد قريب
-اممممم
-احترگوووووو اذا صدگ
-هااااا اي اي
-لا تردين اسكتي اساساً واني احجيلج
المهمممممم من وصلت جانت الباب مفتوح
واگفين اخوانه اثنين وأبن عمه ورجال غريب
وياهم مشايفه
بدون كلام دفعته من صدرة والكل استنكر
فعلتي فقار مووو فاهم شي ركض لزمني
وميادة سحبت أياد ودخلته جوه لغرفتهم
واني ويا اول مادخلنا انطيته بوكس شمرته بالگاع
صرخت ميادة
-حمززززززززة تخبلت
-ايييييييي تخبلت تخبلت
الگ*د شسوووووووويت
-ولك شسوه مهما كان السوا مايتطلب
ضرب
فتحت التلفون اللي نقلتله الفيديو
وخليته بوجهه ووجه أختي
هو فوگ سواد وجهه ضربني بوگس
واني توليته فقار اللي على أساس
جاي يفاككنا من شاف التلفون وهو واگع
وشاف الفيديو هجم وياي بأنهيار
صارت ملحمة وصراخ ميادة زاد الطين
يلا اخوانه تدخلو وصار مدافع
بعد ما فلشنه وجهه وجفصتي
اللي ببطنه يمكن كسرتله ضلع
لزمو اخوته وگال كلمة خلتني انسى
حتى نفسي
-شگال
-گال هي تتقربلي هي اللي شامرة
نفسها عليه
بدون مااحس طلعت المسدس وصارت
اصابته بزنده وهو عبالك ثور ركضلي
اني بثواني فعلت وضع ابليس ورخيت
أيدي وهو يسحب منها المسدس
وصارت اصابتي شخطت بصفحتي
شهگت وهو سكت
-يعني تعمدت تخلي يضربك
-اكيييد
-لو ميت
-فدوة لقمر المهم ترتاح
سكتت ثواني واني أزيد اعجاب
وحب لهالشخص اللي زلزل گلبي
من مراهقتي لهاللحظات
-وليش هيج سويت
-المسدس هو بحكم عسكري متقاعد هو اللي
رخصة اليه بأسمه وهو اللي صوبني
ركبه الغلط فوگ ملف التحرش اللي انكتبله
-وشصارله هو
-بالمستشفى التقرير مالته سحبته الشرطة
رضوض بالأضلاع سن مكسور واصابع ايده
اليسار مكسورة وجهه تشلفط
-هههههههههههه
-اييييي وعيونج والاصابة بزنده بس
عابرة ماصارله شي
-وشلون سافر بهالسرعة
-ليش عبالكم سافر صدگ بهالثمن أيام
-شصار لعد
-لخاطر قمر گلنا سافرو حتى متنقهر
أسد طيح حظ ميادة شهر كامل فلسها
خلاها تنازلت عن كل شي يخص قمر
والوصايا بقت بالمحكمة لأن مباقي
شي وتصير ١٨
-الله عليك
-وعيونج بطة الموضوع ما مر مرور الكرام
-زين وين راحو
-هو عنده جنسية ألمانيه
-كذبببببببب
-انجبي لج
-ولك اقصد ممصدگة
-ولك؟
گالها مستنكر
-فلتتتت الكلمة والله اسفة
-بس طالعة من حلگج عسسسسسل
-كاااافي كمل
-اااااااي
-هذا السگط من تصوب وتقاعد
لجأ لألمانيا بحجة الطائفية والتهديد
عاش هناك خمس سنوات تزوج ألمانية
سنتين ورتب أمورة بالجنسية
ورجع هنا تزوج اختي الغبية
-زين شلون تركتو هيج
-انتظرررري بطة الصبر حلو
خليييي مرتاح هسه ماصدگ يطلعون
لميادة فيزا وطار
-زين شعجب بهالسرعة شلون رتبو امرهم
-عنده شقة هناك
لذلك سافرو
-وقمر
-ممنوع تگليلها تنقهر للاسف ميادة
لآخر لحظات وهي تتنازل لقمر حاولنا
وياها رفضت وفضلت العار على بتها
-بس تعرف شنو
-شنوو
-شگد كبرت بعيني انت وعمو أسد
بوكفتكم وياها
-قمر تربيتنا بنتي اني واسد
كبرت بين ادينا اكو اب مايوگف لبنته
-عمو
-وعمى حبيبتي
-هههههههههههههههه
-حمزة
-اوييييلي
-بعد مااحجي وياك اذا هيج
-احجي شتردين وبأي طريقة تحبيها
-قمر مو طبيعية
-شلون
-والله كل الاعراض والتصرفات اللي الاحظها
تگول ان قمر تعاني من الاكتئاب
سكت للحظات
-شلون عرفتي
-حمزة لاحظها على طول سارحة
شعرها يتساقط اكلها ووين ووين يلا تاكل
عالمزاج وشغلة لخ تنام هوايه واغلب الوقت
من اتصل بيها الگاها تبجي
-يحتاجلها دكتور
-اكيد بس مااگدر اني احجي وياها
اريدك انت تحجي
-لا مااتركها
-وبعد شي
-گولي بطوط
-احظر ام قمر من كل حسابات قمر
خلي جرحها يتشافى ويبرد بلكي تنساهم
-اكيد
-يلا آني اخليك تنام بعد
همس بصوت ونبرة متلاعبة
-قبل الدووووام راح ننسى النوم
-شراح يصير ليش
-كل خييييير
-لا جديات شكووو
-روحي نامي بطة
-مااانام احجي شكوووو
بسرعة گال تصبحين على خير
وراح
ثواني واعلن تلفوني عن وصول رسالة
مامكتوب بيهة بس تاريخ
-١٠/١٠/٢٠١٩
باوعت بالتاريخ
واخذتني أفكاري وأبحرت
بية لخيالات وأحلام
جنت متوقعتها مستحيلة
.
.
.
.
.
.
.
.
صِبى
______
أريد حباً مجنوناً
لأنّ حبّ العقلاء لا يستهويني
العقلاء يضعون الحب في ميزان المنطق
ويخافون الاندفاع
يتحرجون من الأشواق
ويقيسون المسافات بين القلوب بالمسطرة
______
خليت الدفتر عالكومدي بغرفة المستشفى
اللي گاعدة بيها بأنتظار رحمة بنت غنوة
تتحسن واطلع وياها
وتمددت بالفراش تعبانة بالنهار
كل شويه اطل عليها اجهز رضعاتها
وكل شي وأيمن مرادني اتبهذل
حجز غرفة خاصة هناك لخاطري
لأن اسبوعين مو قليلات
غطيت بالنوم بعد مطفيت اضاءة الغرفة
ونمت بهدوء الغرفة باردة
لوقت غير معلوم حسيت بهواء
دافي يندفع ناحية وجهي بزفير
وشهيق هادئ يصدر ناحية
شفافي ويختفي
فزيت فتحت عيوني
ووگعت عيني بعينه
گعدت على حيلي عالسرير وهو گاعد نص
گعدة ووجه بمستوى السرير مبتسم
بأستفزاز
-شتسوووووي هنا
گلتها ووگفت نزلت من الجهة الثانية من السرير
وگف عدل تيشيرته واجاني يمشي
بهدوء ولا كأنه مسوي شي
دفتري بيده فاتحه ويقرأ بأريحية
-أريد حباً مجنوناً
لأنّ حب العقلاء لا يستهويني
العقلاء يضعون الحب في ميزان المنطق
ويخافون الاندفاع
يتحرجون من الأشواق
ويقيسون المسافات بين القلوب بالمسطرة
عززززز الطلب اني يستهويني حب المجانين
-جيب دفتري
-لا
-راح اتصل بأمن المستشفى والله
-يدرون بيه زوجج انطيتهم علم والا شلون
رايح جاي عليج للغرفة والكاميرات
مالية المستشفى وشلون اساساً اخليج
تتعرضين لكلمة مو حلوة بسبب ………
قاطعتة ورديت
-بسبب جنونك
-اها
-المهم هسه شرايد
-ردت شويه اوكسجين
-لا بالله
-اي والله
-انابيب الاوكسجين مالية المستشفى اطلب
وحدة واشبع
اندفع ناحيتي مرة وحدة ابتعدت وهو تقدملي
انحشرت يم خزانة الغرفة
-هو اني ردت اشبع بس انت صحيتي للأسف
-روح اطلع أسد الله عيب هالتصرفات
-ثواني بس افول اوكسجين
بسرعة دس
وجهه بنحري حاضني تنفس بقوة وهدأ
ابتعدت وهو وخر خله الدفتر عالسرير
ودار وجهه ولا كأنه مسوي شي
-بعدني منقص بس عالجايات راح اتنفس
بملئ صدررررري
سد الباب بهدوء وطلع
ضربت جبيني على حظي اللي جابه
هنا وعلى الساعة اللي عاندته بيها
وعلى عصبيتي وكلامي ويا
طار النوم من عيني فتحت الشباك
الهوا حلو والنجوم مرصعة سماء
المدينة وهدوء الشوارع والناس
سرحت بخيالي للأيام اللي
سبقت هاللحظات اللي بيني
وبين أسد واستذكرت ذاك اليوم
اللي جان منتظرني بي بالشركة
بيومها وبعد مادخلنا المصعد
وسوه اللي سوا ادفع بي أحاول
اخلص منه
-شتريد أسد الله
-أريد أشوفج وجهي الخامس
-اي وجه منهم وجه العصبي
لو الوجه اللي يجرح بدون اسباب
لو اللي يغلط وميعتذر
-جؤؤؤ ولا واحد منهم
أيدة امتدت لامست شفافي
درت وجهي مبتعدة عنه همس قريب من خدي
-لااا أشوفج وجه العاااااشق
-أسدددد الله كاااااااافي
-بعدني مامكتفي حبيبي
گالها وغاص ويايه بقبلة جانت شي مثل غيمة باردة
مثل حضن من غير إيدين
جان يضمني بنظراته يخاف من صدي
جان موجه نظراته لملامحي
ونفسه قريب
لمس خدي براحة
وخفه كأنه خايف يجرحني
كأنة حط كل حنية الدنيا بهاللمسة
قرب أكثر
وأنفاسه لامست خدّي قبل شفافي
بكل هدوء لمس شفايفي
مو بعجلة لا
بروية كأنه يداوي شي مكسور
جنت زعلانة
ماعرف إذا أريد أبجي
لو أحجي لو أنهزم
لو أتجاوب وياه
بس الأكيد جنت موجوعة وهو السبب
جان ساكت
عيونه تتوسل قربت أضعف لهالنظرات
وتداركت نفسي واني مغمضه
لأن اذا شفت عيونه راح أنسى كل شي
بس ألتقت أنفاسنه
امسك بوجهي بثبات حتى ماابتعد
سكنت وزادت دگات گلبي
حسيت بحرارة تسري مثل تيار كهربائي داخل
أحشائي
كأني داخل معركة كلها تظافرت حتى
تهزمني
رطوبة شفافه
وريحة عطرة
أيده أللي متملكة كل اجزائي
خلتني أفقد السيطرة
أنسابت مشاعري وهدأت وسكنت
كل الأصوات ماعدى
نفسه اللاهث ومحاولتي للمقاومة
ماجان شي عادي جانت
قبلة تحركت بيها كل حواسي
حسيت بدگات گلبه تتناغم ويا دگات گلبي
وصوت نفسه الخافت
يلهث بسكون مثل نغمة
مالها مثيل
ايده اللي انسابت من وجهي والتفت على
نحري
وتحركت أطراف أصابعه بتناغم
ونعومة كأنها تعزف موسيقى
الهوى صار ثگيل والوقت صار مو مهم تحت وطأة المشاعر
أنفاسه تصاعدت ببطئ
جان يتنفسني ويغمرني دفو
كل شي جان جزء من هالتجربة الغريبة
حتى الدموع اللي حاولت اخفيها
بللت خدي وصارت جزء من هاي اللحظة
قبلة جمر
قبلة حاول بيها يلعن مسافات الفراق
ويحرگها
جنت زعلاااانة هوووايه زعلانة
سحبت نفسي منه ببطئ
فتحت عيوني واجفاني جانت تحرگني من
كثر الدمع
بعد عني منطيني مساحة أتنفس
مد إيده بحنية على خدي يمسح دموعي
جانت عيونه تطلب السماح
اما عيوني فتنطق وجع
-شلون امحي نظرة الأنكسار والزعل من عيونج
مسحت دموعي وتحركت ناحية ازرار المصعد
-مااريد تمحي شي بس افتح الباب
رجاءاً
جنت احجي وأحاول أخفي ارتجافة جسمي
وضياع صوتي واهتزاز اوتاره
ايدي ترتجف واني أحاول افتح الباب
او احرك المصعد
-أحبج
التفتت ناحيته خزرته
-وقتك خطأ
-نسوي صح أحبج الج لشخصج
انتِ بدون أي اعتبارات ثانية بقوتج
بضعفج بعنفوانج بماضيج وحاظرج
-متأخر
-أن تأتي متأخراً خيراً من أن لا تأتي
-بالحالتين انتَ متأخر
اذا ترررررريد نتناقش افتح الباب
داس الازرار وتحرك المصعد بقوة وتوقف
بالطابق الثالث جنت دايره وجهي ناحية
الباب قبل لتنفتح الباب سحبني گدام المرايا
حجابي متخربط وجهي أحمر واضح صايرلي
شي ارتب بحجابي واصابعه الوقحة تعدل
قميصي بعدت أيده گرص خصري
ويه ماانفتح الباب طلعنا للمكتب
فتحه ودخلت گعدت عالقنفة وشمرت جنطتي
عالطاولة گبالي
-وهاي اجيت شتأمر أستاذ
-ميأمر عليج عدوووو
بس هو جان تحدي وانت جنتي گده واجيتي
قرب وجهه اليه وهمس وكأنه گاعدين بجمع
من الناس يحاول ميخليهم يسمعون
-اجيتي بس خسرتي المعركة
-اي معرررركة بالله فاتحلي جبهات حضرتك
-معركة ال……
مسح على شفافه واني خزرته
-مافاتح بس جبهة وحدة واتمنى بالنهاية
اظفر بالبطلة اللي مواجهتني
-جيييييد لأن هالبطلة استنزفت طاقتها
وشمرت كل اسلحتها وغادرت ارض المعركة
-لا لا غلطانة شفتها اني
جانت داااااافية وذايبة وأوصالها ترتجف
واعصابها أرتخت وريحة الفانيلا تفوح
من نحرها كأنهة كيكة عصرية ستوها طالعة
من الفرررررن حارة
-ماااااااسمحلك تقلل من قيمتي بهالتشبيه
- زين جرك بالحلقووووم يحلي الحلگ
-لا لا انت مدري شبيييييك اقسم بالله
-يابة لتزعلين سمسمية بالمكسرات
ضحكة صغيرة فلتت من شفافي
انتعشت روحه الها وعدل گعدته
-هنا وهسه شتطلبين وشتردين يتنفذ
بس رجعي املي مكانج بحياتي
باوعتله عيونه تنطق شي حقيقي
وتنتظر مني رد
تقربت منه صفن بوجهي وتزلزلت ملامحه
أستغراب عيوني جانت تعبانة
تبحث عن شي هو ناسي
سحب نفس قوي وجبينه تعرق
نزع جاگيته وخلا على جهة
أزرار القميص جانت مفتوحة شويه
جزء من نحره وصدره مكشوف
اقتربت ببطئ لامست رجليه رجلي
مديت ايدي فتحت زر اضافي
وتسمرت عيوني عالوشم المحفور
على صدره بجهة گلبه
وگفت وهو انتفض وفهم شريد
تراجعت بخطوات ثگيلة تحت ارتباكه
هو
همس
- والله گلبي ملكج الج
-بس هذا مو حرفي
باوعلي وحاول يشرح قاطعته
صوتي اللي حاولت جاهدة ان أنظمه أرتجف
- اني بگلبك بس
هي محفورة بمسام جلدك
للأبد اني شخصية عابرة
صفحة تنطوي عاااادي بس صفحتها
لازالت موشومة بثناياك
-قالعها من جذووووور گلبي وحياتي
من سنييييين اللي هدمته أنتِ بنيتي
انت الأصل صِبى اقسم بالله وياج
عشت المشاعر الحقيقية وكأني لأول مرة اختبر
كل شي
باوعتلة بثبات
-هذا موووو موضوعنا أستاذ
رفع حاجبة معاجبه مقاطعتي
وعدل قميصه واجه وجهه بوجهي
-مووووضوعنا شغلج
-اييييي اللي رايحتله هسسسسسه
-انسيييييي وشيلي هالفكرة من راسج الحلووو
-عن اذنك عندي مقابلة عمل
تحركت ناحية الباب واجاني مثل الأعصار
-متررررحين
-أسد مو احنه اللي نتصرف بطفولة
خل اروح
باوعلي بقلة حيلة
-اروح وياج
اشرتله اي وطلعت اجه ويايه
طلعنا من الشركة صعدنا السيارة
وبدت سوالفه مشغل كاظم الساهر
لا تتنهد
خلصت شغل غيرها منا لمن وصلنا
شركة استيراد وتصدير صغيرة
وگفت بباب الشركة اشرلي
دخلي وكأني مو وياج
مفهمت قصده مشيت للريسبشن
اثنين شباب گاعدين سلمت واحد منهم رد
والثاني لا
-اني جاية علمود مقابلة العمل
التفتلي اللي مارد السلام وباوعلي من فوگ ليجوه
-شگد عمرج
بعدني مارادة وسمعت صوت اسد سلم
وكأنه ميعرفني
-تفضل ابو الشباب
-لا كمل ويه البنية وراها نحجي
-اعذرنا تفضل اذا تحب اگعد
بقى واگف واني كملت كلامي
-عمري ٢٥
-مؤهلاتج
-العفو بس اني دازتلكم كل شي عالنت ويه
اسمي
-اهممممم شسمج
-صِبى عامر
-بغض النظر عن خريجة شنو بس مابيج
المؤهلات المناسبة للشغل
-وهي
-طالبين غير محجبة وحسنة المظهر
بعدني مراده علي انسحب من الميز
وأسد اعصابه ترجف لازمه من ياخته
وطالع نص جسم الولد من الميز
-شنووووو حبيبي ششفتها
-مووووو وياك لك
هو گال هيج لو تورط فرهد الولد ملخه
والهوسة گامت بالشركة فلت بوكس
من الولد ناحية فك أسد واسد رجعه
اله أربعة وبين كل هالهوسة يصيح عليه
حتى محد يلمسني
المدير اجه يستفسر وويا موظفات أثنين
لبسهن خزي التنورات تكاد أن تطگ من گد
ما ضيگة ومكياج وترتيبات غريبة
وأسد وگف بالنص وباوع للمدير والموظفين
-هااااااي مو شركة هاي بييييييت
دعااااارة بس دباركم يمييييييي
سحبني من ايدي وطلعنا للسيارة
والمدير يتهدد ويصيح
صعدنا وهو ساكت بس ينافس من العصبية
الدم سال من طرف شفته مديت ايدي ونتر
-ارتاااااحيتي أكيد
فزيت وسكتت جان بارود وبس احاجي
ينفجر وصلني للبيت ودخل ويايه
سومة تلطم على خدها
-شسوووويتي ولج
-مااعرف تعصب من ورة الشغل
-هاااااج الثلج رووووحي بردي الولد
طاح حظج صحيييتي الوحش البداخله
دخلت واگف بنص الصالة تقدم
بسرعة ناحيتي فزيت ورجعت
-خفتيييييي هسسسه
مووووو بس ماخفتي من رايحتلي
لمقابلة بوحدج
-ماجنت اعرف ………
قاطعني وصاح
-مجنتي تعرفيييين بي نادي ليلي
مووووو شركة لا ويريد مظهر مناسب
يرررريد تلبسين بدلة رقص حضرته
صفنت بوجهه وهو ولا كأنه باوعت
لأيدي ترجف سحبته يگعد
-مااشتغل هاي هي
باوع لعيوني مستغرب سرعة استجابتي
لكلامه مايعرف بگلبي اللي رجف
خوف
هالرجفة اللي بأيده خوفتني وذكرتني بنوباته
خليت گلاص المي بيده
-اشرب شويه وارتاح
شرب شويه بكلينكس بيدي
مسحت طرف شفته
-حلفي متطلعين بعد
باوعتله حايرة
-شنو القضية لكل مكان قصدك
-تعرفين قصدي شغل ماااااكو
-تمام
مد أيده لجيبه طلع علبة صغيرة
دفعها ناحيتي
-مبروك النجاح ولو متأخر
استحيت ارد هديته فتحتها
مداليا بأسمه وبيها
حرفي بالعربي عالجانب
باوعتلة وشكرته
-شكرا عالهدية
-اكيد هسه تگولين شنو هالثقة جايبلي
أسمه بس حبيت اكون قريب
باوعتله صفح
تقرب مني وهمس بأذني كلام سخيف
وهاي اول مرة يسوييها فزيت واگفة
-اهممممم شي هالقررررب
دار وجهه للباب ورجعلي طلع ضرف من جيبه
وخلا بيدي دفعته ودسه بيدي بقوة
-من طلعتي من البيت لليوم مصرفج كل أسبوع
يم سمية تفاهمي انت وياها
گالها وغمزلي وطلع رحت راكضة لسمية من الباب
الداخلية
-وين ترررررحين مني سوووومة
-هااااا ولج عداج أسد بعصبيته
-يدزلج مصرف
-يبوووووو
گالتها وركضت
رحتلها وهي وگفت مابيها تركض بعد
-ولج يدزه بيد قمر ومن انطته قمر لمنى
مُنى خافت گالت تشگگهن صِبى فوگ راسي
لذلك صار كل ميجيب قمر لو يدزها بيد
اخو ينطوني المصرف
راحت لغرفتها فتحت الخانة وطلعت اضرف
متكدسات
-هاج ولج كل يوم اگول هسه انطيهن الها اشوفج متسودنة من الولد ومتتحاجين واخاف انكتل
اقتربت منها بستها ورديت عليها
-ارجعهن اله
-انجبي هذا واجبببه يعني ممفضل عليج
غير زوجج ومن شروط قوامة الرجل نفقة
الزوجة وهاي نفقتج الخاصة
صِبى تدللي واكلي لبسي وشربي وطلعي وتونسي
بجالة ولج جبتي عمرج تعب ليش ماتصخين
على نفسج بالراحة هاااااا
-مااحب ……
قاطعتني وگعدت تفتح الأضرف
-متحبين أحد يمن عليج ادري ولج هو مان المسكين
هاي جاي يلاحگج مثل المراهق هنا وهنا
اصرفي وتمتعي خايبة ارتاحي قبل الدوام
وبهالفلوس حرگيله گلبه كل يوم طلعة
وصوري ونزلي تدللي والله يا صِبى تستاهلين
الدلال
واحنة نحجي نطت مُنى اللي جانت تحجي وية قمر
-والله كلام سومة صح تدللي ودلليني
اني وسوووومة شبيج
باوعت لسومة مسفطة الفلوس بيدها خلتهن
بيدي
-عشانا اليوم عليييج خوما يمنعج هذا الخبل من الطلعة
-لا گال طلعي ويه سومة و مُنى لأي مكان
تحبي بس ممنوع تشتغلين
-ها اهااااااا روحي ارتاحي ماكوو غدة اليوم
نطلع نتعشى ونتخم الكرش
تركتهن ورحت للغرفة فتحت المداليا
وجربتها دخلت مُنى شافتها
-تجننننن
-هاج ضميها
-لتنزعيها والله تخبل وشوفي
بحرفج خرزة زرگة يخاف عليج من العين
الأفندي
طلعت وتركتني أباوع لأسمه مزين نحري
أنتبهت للي صاير ضربت على خدي
هاي شمسووووي
دزيلته رسالة بلهجة عصبية
-ممنوع تتقربلي بعددددددد
شويه ورد بتهكم
-ليش حبيبي شمسوي
-يعني اني شسوووي برگبتي هسه شيگولون
عليه البنات
استنكر كلامي ودزلي رسالة صوتية مستغرب
-ماسويت شي لج شصاير شو دزي صورة
-أسسسسد الله
-عيوووونه دزي صورة مو فاهمج
-ماااخذ اي صورة وانت فاهمني
-ايييييي فااااهم هي هاي حاجة سهلة تنسي لووووحة فنية موووو
-فان كووووخ جوز مني
-ليلة مرصعة بالنجوووم شغل اييييييدي
-صووووجي اني
حذفت الرسائل وتركت المحادثة
وطلعت يم البنات صليت ونمت للعصر گعدوني
بدلنة ملابسنا وطلعنا حسب اختيار مُنى مطعم
على دجلة كعدت مُنى تصور وتحفظ
لحد ماتونسنا وتعشينا ورجعنا
مُنى نزلت الستوري ثواني ودزلي صوتية
-هني وعافية حبيبتي
ماسمعت صوت زعل بس صوت هادئ
وگال الكلمة من گلبه
وتتابعت بعدها الأيام متواصلت ويا
نهائياً وهو منطيني مساحتي لحد
مااتصلت بيه غِنى وصار اللي صار
اول يوم بعد ماطلعناها للبيت جان مرعب
لأن الطفلة كل شوية تختنگ
بالليل أستقرت حالتها
واني بالغرفة اريد اخذ أستراحة
أسبح وأنام دگ تلفوني بأسمه
فتحت الخط واجاني
صوته
-شنو ياااااابه لهالدرجة محتقرتني
ضاربتلج طريق للشمال بدون حتى
استئذان
صفنت وفعلاً غلطانة بررت بهدوء حتى متصير
مشكلة
-مجاية سياحة اختي ولدت
-ادررررري ولدت والحمد لله
على سلامتها اني شنوووو
رجل كرسي اذا حضرتج تتقززين
تحجين ويايه دزي رسالة
مو أسمع من أيمن
ضربت جبيني شسوه أيمن
-شبي أيمن
-اتصل بية معتذر لأن مااخذ
رأيي وهو ياخذج ويا لأربيل لأن
جان دماغه مشغول وحقه زوجته
بخطر وبنته بس انت مرتاحة
للوضع حتى رسالة مادازه
-اعتذر
هدأ صوته وبرد
-اني هووواي جان بالي مشغول
عليها
-شلونها هسه
-هي الحمد لله بخير بس الطفلة
تعبانة بالخدج
-لااااااا أيمن ماحجالي
-أيمن محتار بين غِنى اللي بالبيت
وبين الطفلة ساعة يمنه وساعة يم غِنى
-يمكم شنو
-الطفلة متطلع من الخدج لأسبوعين
اني وياها
-بالمستشفى
-اييي
-وحدج
-اي بس مو شااااارع مستشفى
-افهم بالممرات گاعدة والرايح والجاي يتفرج
-شنوووو يتفرج بسطية طماطة اني
-لا بسطية فراولة احجييييي فهميني
-لا أيمن حاجزلي غرفة متكاملة
-ازلممممممة معدل وفاهم
هاي هيييي مصار شي مبارك اللي اجاكم
يوم الالنه ام قسور
-من رخصتك اروح انام
همس بخبث
-نامي اليوم وراج اسبوعين سهررررررر
مفهمت علي ودعني وراح
الساعة جانت تسعة تقريباً
نمت وصحيت صبحية على صوت
المنبه جهزت رضعة رحمة ولبست
الملابس المعقمة ورحتلهم دخلوني
الها جانت بهاليوم خاملة ووجها اصفر
خفت هوايه سألت الممرضات گالو هذا
يرقان ولادي لتخافين ماكو شي جاي
ننطيها العلاج اللازم ومخليلها اضاءة
خاصة طلعت ورحت للغرفة ساعة ١٠
اتصلت بيه مُنى مخبوصة
-ها مناوي غنوة شلونها
-يااااغنوة لج أجاج أسد الغابة
-شنو شبيج
-والله أسد من الصبح اجه تريگ
يمنه وبارك لغنوة واجاكم هسه
هو وأيمن
-كذااااااااابة
-والله جاي يسوي فحوصات
يگول
-عزززززة بعييييينه
ركضت للغرفة لبست ملابس
ارتب ربطت حجابي عدل
وگعدت نص ساعة واندگت الباب
دخل أيمن وهو ويا وبدون نقاش
تقدملي باس راسي
-شلونج حور
أيمن گوه كاتم ضحكته
-الحمد لله انت شلونك يمتى
اجيت
-وصلت الصبح
اشرتلهم يگعدون بس أيمن مستعجل
-أبو قسور المكان مكانك اني راح
اشوف الطفلة هم افتح اتصال لأمها
تشوفها بعد مثل مااتفقنا وياهم غرفتك
ثالث غرفة عاليمين مقابل غرفة ام قسور
واي شي تحتاجه الجماعة هنا كلهم معرفة
بس اتصل تمام
بيده علاگة خلاها عالميز
-هذا ريوگ تريگو مدام حار ابو قسور مااكل
شي ريگي
ودعنه وطلع وهو گعد عالسرير
-اي شلووونج مدام أسد الله غالب
-الحمد لله
رفع رجلي تمدد عالسرير خله راسه
بالمخدة وتنفس بشهگة
-اوووووويلي
گالها وانگلب
-تتريگ
-تمام
سحبت الميز يمه خليت الأكل فتحت الحجاب تركته
مشمور على راسي
-تشرب جاي
-اكيد جاي حالي
خليتله شكر هوايه وقدمته
بخفة ايده سحب الحجاب وشمره
غلست علي
ياكل واني اكل بهدوء
-شنو الفحوصات اللي جاي تسويها
-عندي دوخة قوية جاي اشوف شنو
موضوعها
تركت الاكل وباوعتله
-من يمتى
-من شهررررين
-شو مگلتلي
-هو من رحتي صارت
-من شنووووو
-تزلزل عالمي من طلعتي واختل توازني
ولزمتني دوخة
عرفته جاي بحجة حتى يبقى يمي
-جيد ان شاء الله صحة وعافية
-العافية يم ناس مسوين نفسهم
ميعرفووون
مارديت وگف عدل ملابسه
-اروح لغرفتي ورايه فحوصات
-تمام
-محتاجة شي
-سلامتك
تركني وطلع للظهر جهزت رضعة رحمة
بس طلعت من الباب صار بوجهي
يحجي ويه الممرضة ومبتسم
رفع نظره ناحيتي باوعتله صفح ورحت
للخدج رضعناها وهم نفس الخمول
طلعت هوووايه خايفة ومتضايقة لأن
حتى صوتها مينسمع من تبجي
لگيته بغرفتي واگف يم الشباك
-نعم حضرتك مو عندك غرفة
-جاي اطمأن عالطفلة
صارت عيونة بعيوني
-ليش باجية
مسحت عيوني وگعدت
-تعبانة الطفلة وخاملة حيل
-ان شاء الله مابيها بس الصحة
-تطلعين شويه بره
-وين
-بالحديقة غيري جو
-لا تعبانة شويه وكعدت الفجر
وهو يحجي دگ تلفونه استأذن وطلع
وبعد مرجع بقيت بالغرفة
مالي واهس اسوي أي شي
بهاليوم لليل مااجه جهزت الرضعات
وشفته طالع من الغرفة ويا نفس
الممرضة صاح بأسمي محجيت
ويا
رجعت لگيت العشة بالغرفة وأيمن
اتصل بيه
-ها ابو حمادة ليش مكلف نفسك
-مقبل أسد اجيكم گال اني اجيب عشه
غِنى شويه تشتكي من بطنها ماگدرت اجي
-بالكم عليها ودزيتلها فيديو لرحمة
منشنشة اليوم وتبجي
استغفرت ربي لأن هذا الفيديو قبل يوم
هسة خاملة لا صوت وحركتها ضعيفة
فتحت الاكل اكلت شي بسيط وشلت
الباقي للثلاجة وگعدت أكتب بدفتري
لوقت طويل نسيت نفسي
اتصل بية أسد رفضت الأتصال
الساعة تقريباً بالثنتين بالليل
دخلت أسبح حتى أرتاح وأنام
خلصت وجاي افتح الباب وانصدم بي
واگف بباب الحمام بحيث اول مطلعت
فزيت وتراجعت ليوره دفع الباب
ودخل ويايه
-كششش كش اطلع
باوعلي من فوگ ليجوة بنظرة خبيثة
اعرفهة كلش زين
-شنو حبيبتي تطيرين طيور
دفعته بره الباب طلع بره
لابسه ثوب خفيف بارد اريد أنام شعري مبلل
يقطر على اكتافي
-شعندك بغرفتي
-ماعندي شي اجيت اخذ منكم ملح
-ملح شتسوي بي بالله
التفتت وشمرت خصلات شعري ليوره وانثر المي علي
همس بتلاعب
-تمطرررررر أنووووثة
التفتت عينه نزلت تتواقح على ثناياي
لزمت المملحة خليتها بيده
-تفضل وسد الباب وراك رجاءاً احترم خصوصيتي
احكم قبضته على ايدي سحبت نفسي ردني
بقوة ارتطمت بصدره رفع ايده رش شويه
ملح بحلگه
شمر المملحة بالگاع ومن حيث لا ادري
بخفة أيده سحب وجهي والتقت شفافي بشفافخ
غمضت عيني رافضة ثواني وأبتعد
مسح شفافي بطارف أصبعه ودفعته
-اطلع برررره
غمز وهو طالع
-هالمرة بنكهة الملح حتى تغزر
-شنوووو هالسخااااافات
التفتت راجعلي بسرعة
رجعت ليوره قدمت ايديه ادافع
عن نفسي
-ماعجبج الملح
-احتتتتتترم أسد
-نجرب بالشكرررررررر
-اطلع بررررره عيب
-راجعلج حبيبتييييييي
طلع وسديت الباب بقوة ورا
واجاني صوت ضحكتة الخافتة
رحت نشفت شعري وتمددت بالفراش
مااخذت عيني نوم للفجر جهزت رضعاتها
وطلعت شفتها الحمد لله احسن شويه
تتحرك وصوتها طالع
رجعت للغرفة منمت بعد أتصلت
بية غِنى وبقينا نسولف واني
اطمنها عن رحمة وأستلمتني
بعدها سومة تنصحني مااتعارك
ويه اسد عبالها هو محترم نفسه متدري
بسوالفه
متريگت نفسي مسدودة واجه
وقت الغدة اني اتصلت بأيمن كتله
عندي اكل لتجي اجه وقت رضعة
رحمة رحتلها ورجعت صارت ٣
الظهر واني مالي واهس لشي
وگفت من السرير للگاع ولزمتني
الدوخة ردت اوگع على وجهي
لبست ورحت للمرضات قاسولي ضغطي
وسكري والاثنين هابطات رجعت
وياي الممرضة خلتلي محلول
والثاني بس يخلص هذا لازم اخلي
متمددة بالسرير وانفتحت الباب
دخل بيده علاگة سفري بس شافني نزلها
بالگاع واجاني
-سلاااامات شبيج
-هبوط بسيط
-اكيد ماكو أكل ولا شرب
-مااشتهي شي
جاب الاكل وگعد بصفي عالسرير طلع لفة
صاج خلاها بأيدي
-اكلي صِبى
خزرني وطلع وحده ياكلها
جان ساكت هادئ محجه اي
شي
تحركت اگعد عدل اشرلي
-ارتاحي اني اعدلج السرير
رفع السرير ورجع گعد عينه مني
نزلت راسي الهي نفسي عنه
-محتاج احجي
عرفته بي شي من نبرته
-صاير شي
-ميادة وأياد ماجاي يكفون من قمر
-صدگ تحجي مو راحو شيردون بعد
-مراسليها واياد متجاوز فشار وغلط
-شصار
سولفلي عالرسالة وجان عصبي بشكل جبير
-شراح تسوي
-بس خل افرغله اشوفج شسوي
-بس تعرف قصرتو من خليتو فلت بلا عقاب
صفن بوجهي يباوعلي
-مضطرين جنه حتى الموضوع ميتوسع ويكبر
ردنة نسده بأقل ضرر على حياة قمر ومستقبلها
بس مامر الموضوع مرور الكرام
قطع كلامة رفع الاكل خلا بالثلاجة
ورجع بيده قطعة كلينكس مسح
ايدي سحب الكرسي
وگعد گبالي
-بسبب الفوضى بوقتها وبسبب اللي صار
ماحجيتلج اي شي غير رؤوس أقلام
-شصار
بدا يسولفلي اللي صار من ساعة اللي
جان أياد بالمستشفى يداوو
-بعد ما فقار نقل حمزة للمستشفى
واخوان أياد نقلو للمستشفى بس اطمأنيت
على حمزة طلعت ويايه مؤتمن وكم ضابط
من اصدقائي وبالقااااانون القو القبض علي
بس شلگيته
-شبي
-بدوووون ملامح وجهة ازرگ
ومكسر تكسير فقار وحمزة مبيسين بي
طاحني طحن القو القبض علي وشالو
رحت وراهم بعد مارتبت الدعوى ضده
وبموجب القانون ردت اثير القضية بخصوص
التحرش دخلت الضباط جانو يستجوبو
على الموضوع وعلى ضربة حمزة
گاعد بثبات ويرد بمنطقية وكأنه ممسوي
شي وكلمة والثانية گال اتهامات باطلة
صد ورد وكلام طلبت منهم اشوفه لوحدي
دخلت غرفة التحقيق گاعد عالكرسي هادئ
وعينه مني وبكل وقاحة رد
-يعني تصدگ عني هالحجي أسد هاي
واني صاحبك
-انييييي رجل قااااانون اصدگ بالأدلة
والبراهيييين وهذااااااا انت گاعد تتحرش
بالطفلة لوووووو لا
ضرب عالميز ووگف
-اسمعني أسد بنت أختتتتتك مو بريئة
كل مرة أردعها وأصدها وهيييي تشمر نفسها
……………
ماخليتة كمل شمرته بالگاع ببوكس
وطلعت وصيت الجماعة علي سحلو
ولمدة يومين ادبو بالتحقيق لحد معترف
بس صار اللي صار حفظولي الجماعة
الملف وحولنا الموضوع لاعتداء بالسلاح
وتنازلنا عنه بسبب حقارة اختي للأسف
-وسافر مرتاح
-منووو المرتاح ومنو السافر ههههههههه
شهر اني كعدتهم عالحديدة سحبت كل شي يخص
قمر وفلست ميادة من كل شي ماعدى حصتها اخذتها وكل شي انحفظ بالقاصرين لقمر
اما هووو فانفضح بين أهله بسبب اللي
صار ورسمياً كسرو من العشيرة
-يعني مسافرو بثمن أيام
-لا ويييين شهر وكم يوم يلا طارو لألمانيا
رتب وضع ميادة يلا راح
اني جنت ناوي انهي الموضوع ليجاي بس
بما ان هو ناوي عاالشر راح اشوفه
وجهي السادس
غمزلي ووگف يسد المحلول
-هذا خلص
-اخلي الثاني
باوع بصفي عالميز خله الثاني
وگعد
-شراح تسويله
-جاي اتكتكله الموضوع والاعبه عالحبلين بس
خل افرغ
-بس اهم شي قمر متتضرر
-بعيوني قمر هاي بنتي تربيتي
ذب نفس ووگف ويه منفتح الباب ودخلت
نفس الممرضة ابتسمت وحجت ويا
-يلا استاذ وقت التغيير
اشرلها تسبقه وطلع بدون ميشرحلي وضعه وياها
نص ساعة ورجع رفعلي المحلول
وجان وجهه متغير
-بيك شي
-لا بس تعب رايح انام اذا محتاجة
شي اتصلي
طلع تاركني وگفت وطلعت ورا هو دخل
ودخلت نفس الممرضة وراه
ضميت حرگتي بگلبي وسكتت خلي يموت
عالمجاملات
لليل هدوء وهو ماكو رحت لرحمة
جانت مفتحة عيونها الحلوات
وتتحرك اديها ورجليها رضعتها واستأذنت
منهم فتحت كاميرا لغنى كل متشوفها تبجي
بس هسه ضحكت فرحانة بيها
وهيج مرت خمس أيام اجاني
باليوم السادس العصر
-اني طالع صِبى
بهتت
-راجع لبغداد
-لا وية صديق الي عندي شغل
يومين وراجع
ودعني وطلعت اسد ورا الباب التفتت
قميصي بي جيب خله بي فلوس وطلع
مسرع
استغربت طلعته ويه نفس الممرضة
وبملابس عادية طالعة كاشخة
لعنت گلبي الحقير اللي دگ بغيره
وگعدت هاليومين بس افكر
وهيج باليوم الثامن لدخولنا المستشفى
بالليل اندگت الباب ودخل هو مبتسم
-شنو يابه عالاقل سؤال رسالة
ترميشة
باوعتلة بلا اهتمام
-ليش البنية ممقصرة
باوعلي بأستغراب
-منو يابنية
-اللي طلعت وياها منا
صفن وتحولت ضحكته لضحكة ماكرة
-صح ماقصرت
-كملت فحوصااااتك
-تقريباً
-جيد بهالكم يوم ياريت تنطيني
مساحتي ومتبقى رايح جاي عليه
-تمام
التفت طالع بدون اي كلام
وصدگ ثاني يوم بس
دز الاكل بيد الممرضة ورجعته
اله دخل عصبي بنفسه
لزم ايدي بقوة
-ارض المعرررركة ماتتقبل فرسان اثنين
لذلك اني فاااارس هالمعركة واني الرابح
بيها لتبقين تتناطحين وياي
اكلييييييي وجهج اصففففففر
تركني وطلع وگعدت مدري شبيه مشاعري
متلخبطة ابجي وزعلت هووووايه من تصرفاته
مااكلت شي لحد مدخل علية الفجر يدور
اوكسجين بقيت گاعدة وضايجة هذا اليوم
العاشر بالمستشفى
فتحت باب الغرفة أطلع ادز الرضعة وشفت الممرضة
طالعة منه مبتسمة فار دمي من صدگ
ومشيت مسرعة للغرفة
دخلت هو واگف بس بالتراك وجاي يلبس التشيرت
نزلة والتفت
-محتاااااجة شي حبيبتي
-مممممممحتاجة شي بس يجووووز انت محتاااااج
استغرب كلامي واجاني ماشي
-بيج شيييي احجييييي
باوعت لنفسي شجاي أسوي من الغيرة
التفتت طالعة ركضلي حضني
-شبيييج حبيبتي
التفتت دفعته من صدرة
عفس وجهه وتغيرت ملامحة للألم
گعد عالسرير
-شبيييك أسد والله مووو قصدي
-مابيه بسيييطة
فتح تشيرته صدره من جهة گلبه مضمد
-بيمننننن انجرحت شكوووو شنو هايه
-شلت الشي اللي تكرهي من جذره
باوعتله وبهتت
-الوشم
هز راسه مبتسم وهو يسد القميص
-هاي البنية الممرضة گالت يزيلو يكشطون الجلد
لأن أحبار أصلية مستحيل يختفي كشطة
اليه الدكتور وهي اشرفت عالعلاج
وگف ولزم وجهي بمزح ضرب جبيبي بجبينه
-يعني ماجنت اقيم الليالي الحمرااااء
وية البنية هالعقل والگلب سكنته
وحدة راسها حججججججر منتظره
يلين حتى من ترجع ترجعلي تحييني
مثل نسمة هوا بجو حار
وشربة مي بارد بعز العطش
مسح على خدي وطلعت منهزمة
منه ومن مشاعري ومن لخبطة
دگات گلبي بحضوره رحت
للخدج وهناك التقيت بالدكتورة
اللي انطتني الخبر وتلقيته
بدموع غزيرة
اباوعلها نشطة وبلا اوكسجين
مجهزتها الممرضة
-وهاي الحلوة خلصت اقامتها اخذوها
منريدهة بعد
شلتها لحضني ممصدگة
-بعد متحتاج اوكسجين
-لا بطلة بعد تعتمد على نفسها
-والرضاعة
-اذا تكدر ترجعها امها للرضاعة الطبيعية
وتساعدها بالصناعية راح تنشنش وتكبر
وبعد اللي يريحكم سو
بس بالكم من الاحضان والبوس متتحمل تمام
-تمام
طلعت وهي بيدي التقيت بالممر ويه
أسد اجاني مسرع ومبتسم
-هااااا طلعت الحلوووة
-اييييييي
شايلتها وابجي ممصدگة
-انطيني الطفلة ايدج ترجف
اخذها من ايدي ودخلنا للغرفة
كعد وهي بحضنه واني اجهز اغراضها
اباوعله شلون صافن بوجها
ومبتسم اخدتني أفكاري لحياة
بيها اني ويا وطفل خاص بينا
تفضت افكاري على صوته
-خابرتيهم
-لا
-خليها مفاجأة لتتصلين
-لعد منو ياخذني للبيت
-اني
-وفحوصاتك
-خلصت ماعندي شي بعد
-شلون صار الجرح
-مووو جرح هذا شفااااء الج والي
غمزلي ووكف خلاها عالسرير
-اروح اكمل خروجنا واجيج تجهزي
جهزت كل شي وانتظرته اجاني وطلعنا
ماشين بممر المستشفى حاوط اكتافي
وهمس يم اذني
-فد يوم نحقق الحلم بس الطفل اللي
بيدج طفلنا
تنفست بعمق واني افكر
ياترى طبت من جرحي
بخصوص اللي صار
وراح ارجع فد يوم
احبه هوووووايه بس ليش
احس بشعور عدم الرضا بعدني
اريد امحي هالشعور حتى اندل
طريقي ووين اتجاهي
رجعنا للبيت دنيا صبح اتصل أسد
بأيمن اللي طلعلنه راكض ممصدگ
فتح الباب ودخلنا الكل نايم
اسد راح للصالة وايمن دخلني للغرفة
راد يصحيها خفت تفز
-لتگللها هسه
لتگعدها من نومها وتنهبط
ثواني وفزت التفتت وشافتها
ووكعت دموعها خليتها بحضنها
واني احجي وياها وأباركلها
وجود هالرحمة بحياتهم
حضنتها واشرتلي حضنتني
-عمررررري مااجازيج ولا اجازي تعبج
ويايه
-انجبي شوووفيها تستاهل تعبي
حبيبة خالتها هايه
اشرتلي گعدت بصفها
-شفت امي وخالتي بالحلم جابوها
اليه بس تمشي وتشبه مُنى
وگعت دموعها وكملت
-وصدگ جبتيها وباوعي تشبه مُنى بطفولتها
-ربي يباركلكم بيها
-صباوي سووومة تعبت هالايام وحتى من رفعت الخيط مخلتني اسوي شي
-راح اخلي اسد ياخذها ويا خطيه
-وانت هم ترحين ويا
-مااتركج بهالوقت
-والله گمت على حيلي وتقديمج جااااي
لازم تقدمين
-وانت شلون
-رهام عگب باجر تجي
-ياعيوني
-والله وباقية اسبوعين وأيمن يمي
روحي ارتاحي تبهذلتي بالمستشفى
گعدنا ساعة رتبت اموري اني ومنى
ودعناهم واحنه مرتاحين وطلعنا
بالطريق سومة و مُنى ساعة بقو
گاعدين ونامو
واني مصحصحة رغم التعب
أسد شغل دعاء كميل بصوت هادئ
ويتمتم ويا منا لمن انتهى الجو حلو
والهوا بي نسمة تحيي الروح
-افتحلج الجامة للأخير
-ياريت
فتح الجامة وسندت راسي عالكشن
اباوع للطبيعة الحلوة والخضار
غطيت بعدها بالنوم وصحيت وره
اقل الساعة أيد أسد تتسلل لأيدي
دخل اصابعه بين اصابعي ورفع ايدي
باسها عدلت گعدتي وحاولت أسحب أيدي
امسك بيها بقوة
واستمر يسوق الى أن دخلنا بغداد
وگعدو البنات
مشى بينا ووگف يم أسواق
نزل وفتحلي الباب
-وين أسد
-نزلي نتسوگ
-لا والله بعدين أتسوگ
-لتعانديني تعبان
نزلت اني ويا وهو يختار سواله
علاگتين اليه واله صعدت
ومشى بينا وصلنا لمفترق طريق
واحد يودي لبيتهم وواحد لبيت سومة
توقف بالنص والتفتلي
وحجه بهدوء وهو يأشر عالشارع
اللي يودي لبيتهم
-وياي صِبى
باوعت للطريقين وصفنت وگلبي
وعقلي يتحاورون واللي هزمني عقلي
اشرتله بهدوء على طريقي
-مو هسه بعد
ابتسم وهو يغير وجهته
لشارعنا طگطگ أصابعه عالستيرن
وغنه بهمس مقطع من اغنية
سهله عندك ياحبيبي من تجافي
واني يالغالي احلفتلك واني بالحب اقسمتلك
الغير شخصك مااوافي
شغير كليبك عليه ايصير شاطي ينسه ميه
شغير كليبك عليه ايصير دجلة ينسه ميه
مو انا وانت اثنين جنه مثل وردة وماي صافي
مثل وردة ونبع صافي
