رواية زهور بنت سلسبيل الفصل السابع والعشرون
يعتبر الغدر والخيانة اسوء الصفات التي يمكن للانسان ان يتصف بها ,وهي اعلي درجات الظلم لما تتسبب به من جرح عميق في النفس من اشخاص غير متوقعين, او تكون لهم درجة كبيرة من الثقة والامان ,حيث يعتبر الم الغدر اقل ضرارا من الم الخيانة فهي عندما تاتي من الاعداء او الغريب او الصديق, قد تكون اقل الم وتاثيرا لكن الخيانة ابشع الصفات حيث انها تاتي من المقربيين.
توفيق وصل امام دوار العمدة وقف امام البوابه الخارجيه تصادف خروج رجب منها ليصتدم معه
رجب / مش تحاسب يا بجم كانك داخل زريبه
توفيق / معلش يا رجب مخدتش بالي.
رجب / بغضب رجب كده حاف يا قليل الحياء
بلعب معاك استغمايه ولا الحجله عشان تقولي رجب .
توفيق / متزعلش قوي كده يا عم رجب مرضي كده.
رجب/ عم ايه جاك عمى الدبب .
توفيق / بضيق الله ما طولك يا روح قول الاسم ال يعجبك جنابك ايه وانا اقولهولك.
رجب / انت بتتمهزاء بيا انت مين ياض انت وابن مين وجاي هنا السعادي ليه.
توفيق /انا توفيق بن عبدالرازق الكلاف الله يرحمه
رجب / اتريك داخل زي التور من غير احم ولا دستور وجاي هنا ليه يا سي توفيق يا ابن عبد الرازق الكلاف.
توفيق / يكز علي اسنانه يحاول يكتم غضبه
جاي لبنت عمى وخطبتي .
رجب / وجناب البرنسيسه خطبتك تبق مين بالصلاة علي النبي وايه ال جابها هنا.
توفيق / سعاد الشغاله الجديدة.
رجب / سعاد مشيت روحت من الظهر ومهياش هنا.
توفيق /دب بقلبه الخوف لا مروحتش مرات عمى قالت انها مجتش وانها قلقانه عليها ادخل الله لا يسييك شوفها كده امكن رجعت من تاني وانت مخدتش بالك .
رجب/ مين ال مأخدتش باله يا بقف انت ليه واقف خيال مئاته بقلك مشيت من الضهر واسال الغفر وهم هيقلولك ان كانت رجعت ولا لا.
توفيق/ بخوف طيب هتكون راحت فين بس خالتي مبروكه بتقول انها مستنياها من الضهر ومروحتش لحد دلوقتى واحنا بقينا نص الليل
رجب/ بخبث شوف بقي واحده خرجت من الضهر ودلوقت نص الليل هتكون راحت على فين ومع مين
توفيق لم يتمالك حاله وهجم علي رجب يكيل له الضربات انت ازاي تقول الكلام ده يا خسيس.
رجب ارتخ جسده من الالم واختل توازنه وكاد يسقط ارضا
وتوفيق لازال يلكمه بالكمات ويسبه
ليلتف عدد م الغفر حوله منهم من يخلص رجب من يد توفيق ومنهم من هو شامت به. لتتعال الاصوات
ويخرج شفيق ومن بالبيت يشاهدون ما يحدث نادرة تقف بالشرفه وبجوارها ام محمود وروحيه تنظر من النافذة شفيق يقف مزهولا مما يري الغفر يحاولون ابعاد شخص عن رجب الغفير الذي يترنح بين يديه.
شفيق / بصوت جاهوري يقف امام الباب الخارجي للمنزل ايه ال بيجر هنا . ليبتعد الغفر رافعين ايديهم تمام يا عمدة ليقف الجميع بما فيهم توفيق الذي مازال ممسك بتلبيب رجب.
شفيق /أنت مين ياض وماسك رجب كده ليه
توفيق يترك رجب ويسقطه ارضا ويتجه الي العمدة
ليشير شفيق للغفر بعينه لينقضوا عليه من الخلف ويمسكوه.
شفيق / هاتوه هنا واربطوه في النخله لما نشوف مين ده وحكايته ايه ونبلغ المركز يجي ياخده بتهجم علي بيت العمدة وضرب موظف ميري.
توفيق/ وهو يحاول ان يخلص نفسه من بين يدي الغفر انا متهجمتش علي بيت حد انا كنت جاي اسال علي بنت عمي ورجب هو ال خرجني عن شعوري لما هلفت بالكلام.
شفيق / وتسال علي بنت عمك هنا في بيتي ليه
ما دور عليها في الجرن تلقيها لتلعب مع العيال الصغيرين ولا عند المراجيح ولو تيهه تجي بادب تبلغني وانا ابعت الغفر يدوروا عليها مش تهجم زي التور وتضرب راجل اكبر منك.
توفيق / بنت عمي شغاله عندكم هنا واتاخرت علي الرجوع للبيت ولما جيت اسال عنها رجب قل ادبه وقال كلام مايرضيش ربنا
شفيق و رجب قال ايه ومين بنت عمك دي ال بتشتغل عندي هنا ومرجعتش بتها لحد دلوقت.
توفيق / قال انها خرجت من الضهر وكلام كده ما يصش يتقال.
شفيق /ومين بنت عمك اسمها ايه.
توفيق/سعاد اسمها سعاد.
شفيق / كور يده بغيظ يتوعد بين انفاسه لمبروكه فهو اتفق انها هي من تأتي فور قدوم وائل وتفعل هي تلك البلبله ليتحدث لتوفيق.
شفيق /كلام رجب صحيح بنت عمك مشيت مت الضهر بعد ما كرشناها وهي بتمد ايدها وبتسرق صيغه مراتي ولنا سالتها بنت مين وقالت انها بنت عوض سبتها عشان خاطر ابوها الغلبان مردتش اسلمها للمركز بسرقتها كرشتها برة البيت شوف بقي هي راحت فين ودايرة علي حل شعرها مع مين.
روحيه لم تتمال نفسها اغلقت النافذه ورمت نفسها علي الفراش ممددة يدها عليه وجسدها وقدمها لاسفل الفراش دموعها تسيل تحدث نفسها
حسبي الله ونعم الوكيل فيك ياشفيق بابن سيده والصافي اكيد وراك بالوة عاوز تعملها ومخبي البنت في حته.
توفيق / نفد ايدي الغفر واتجه ناحيه شفيق ابوس علي ايدك يا عمده قول كلام غير ده سعاد طول عمرها بتخاف من خيالها ولا يمكن تمد ايدها دي عارفه ربنا كويس وبتصلي وبتصوم.
شفيق اشار له بدم الاقتراب الشيطان يابني شاطر
قوي شكل في حد غواها وهو ال شجعها على كده
روح يابني دور عليها بعيد عننا ولو عاوز الغفر يدوروا معاك هديهم اوامر يدوروا معاك بس في الاول اعتزر من عمك رجب وبوس علي راسه.
توفيق بعالم اخر يحدث نفسه سعاد سعاد القطه المغمضه ال بتصلي فرض بفرضه تعمل كده انا هجنن يا تري انتي فين يا سعاد القيكي فين بس اقسم بالله لو مسكتك في ايدي لقتع رقبتك.
نادرة دخلت غرفتها تصرخ بصوت مكتوم ترمي في محتويات الغرفه علي الارض
نادرة /بعيون مشتعلة كالجمر وبصوت مكتوم تصرخ وتسب في شفيق يابن الك*** يابن الك*** تقتل القتيل وتمشي في جنازته خسيس زي ابوك بالضبط
قتلت البنت الغلبانه ورميت جتتجها وبتنهش فيها وفي عرضها بتسرقها وببتهمها في شرفها وانت كل ***منك لله والله لاخد حقها وحق أمي وابويا ال ابوك قتلهم بنفس كلامك منك انت واخد كل ال حالتك وبعديها لاقتلك باديا دول.
ام محمود اغلقت باب الشرفه سريعا.
اهدي يا ست الستات الا حد يسمعك وانتي عارفه ان العمدة ليه عيون كتير في البيت حد فيهم يسمع كلمه كده ولا كده.
نادرة / نوليني التليفون واقفي عند الباب رقبي السكه لو حد جاي نبهيني.
تناولها الهاتف وتتجه الي الباب تقف بالقرب منه تفتحه فتحه صغيره تنظر بعين واحده منه.
نادرة تتصل بالهاتف وتجلس علي حافه الفراش.
لتتحدث بصوت هامس حتي لا يسمعها احد بما فيهم أم محمود
نادرة /الو ايوة يا مسعود قولي عملت إيه طلعت الجثة ولا لا.
مسعود / أيوة طلعتها ولحقت الشوال ال رحب والعه قبل ما ينحرق كله واخدت المفرش بالدم ال عليه.
متخفيش يا بنت خالتي أنا عارف بعمل ايه من ساعة ما بعتلك الرساله بل حصل و بعتلي أعمل ايه
وابدل الخطه وانا بعت لتنين من رجالتي وقلتلهم يستنوني بالمكان ده واول ما الجته تترمي بالميه يطلعوها بسرعه قبل الميه ما تسحبها بعيد.
وانا مشيت وراء رجب واول ما ولع في الشوال وبعد قربت منه وطفيته واخدته هو كمان ناويتي علي ايه.
نادرة /صور البنت كام صورة والمفرش كمان وقطع حته من المفرش وادفن البنت حرام تفضل كده وبعدين هقولك تعمل ايه، ربنا يصبر قلب ابوها واخوتها والجدع ال هيجنن تحت.
مسعود / في جديد حصل ولا ايه.
نادرة تقص عليه ما حدث وكلام شفيق واتهام الفتاه في شرفها وتبرئت نفسهةمن جرمه.
مسعود / هو هيجيبه من بره ده سلسال نج ***** زيه زي أبوة ماعمل في خالتي وتهم ابوكي متقلقيش يا بنت خالتي هانت أهو وهنتتقم منه شر انتقام بس
زي ما قلتلك نمضيه بس علي كل حاجه واحده وحده عشان منكشفش ده نابه ازرق ومحدش يعرف خوانيجه وبيفكر في ايه، ده حاول يلبس التهمه لابنه لازم نحرص منه لحد ما نضرب ضربتنا وبعدين هنوديه فداهيه جريمه يامه توديه لحبل المشنقه.
نادرة / أمته بقي يحصل ده بقالي سبعتاشر سنه مستنيه اليوم ده تعبت كل يوم بقول يارب يكون أخر يوم بعمرة بكره قربه لمسته ليه بموت الف موته وانا جنبه في نفس الفرشه ومش عارفه اخلص عليه.
مسعود / اصبري فات الكتير مابقاش إلا القليل
هانت أهو بس زي ما قلتلك كل حاجة تعرفيها عنه
بلغيني بيها واي حاجة يحبها ومتعلق بيها ضيعيها من بين أيديه اشغليه بعيد عننا اهو يفضل مشغول بمشاكله لحد ما نضرب ضربتنا ونهرب انا وانتي والعيال.
نادرة / هيحصل يوم ولا اتنين والدنيا هتخرب فوق دماغه رجوع أحلام جة في وقته كان ربنا واقف معانا كل حاجه متسهله .
ام محمود تغلق الباب بسرعه وبشويش تقترب من نادره تهمس لها العمدة طالع علي هنا .
نادرة تغلق الهاتف بسرعه وتضعه أسفل الوساده وتعتدل وتمدد قدمها علي الفراش وتحدث للعجوز
دليكيلي رجليه ولما يسالك مالها الست قوليله
اني دخت وكنت هقع من علي السلم لولا ربنا سترها وجات سليمه ورجليه بس انجزعت.
لتصمت وهي تأن من الالم فور فتح باب الغرفه بعنف.
//////////(((//////((((((//////////////
توفيق عاد الي منزل عمه ينادي علي مبروكه التي خرجت مهروله له تضع يدها علي قلبها فزعا من صوت توفيق.
توفيق /الذي يتحدث بصوت مخنوق من البكاء لا يقدر علي الوقوف علي قدمه.
مبروكه تقترب منه تسنده مالك يابني فيك ايه كنت فين ومين ال عمل كده وايه ال بهدلك بالشكل ده
توفيق / مالقوهاش وبقولوا انها سرقتهم وانها دايرة علي حل شعرها.
مبروكه تصق صدرها مين اى جال الكلام ده سعاد طول عمرها عفيفه ومتمدش ايديها ابدا.
توفيق قوليلي يا مرات عمي سعاد كانت بتعرف حد.
مبروكه / شيطانها تحكم بها تود تبعد نفسها عن اؤ شبهه، مس عارفه اقولك ايه بس يابني سعاد بقلها فترة متغيرة كده وبتخرج كتير وبترجع بوقت متاخر وهدومها متبهدله وحالها مشقلب.
توفيق / كاد ان يسقط من امته الكلام ده وازاي عمي واخواتها سبوها كده.
مبروكه / ميعرفوش اخواتها مع عمك دايخين بيه من دكتور للتاني لحد ما حجزتله ست روحيه وعمل العمليه.
توفيق / مسح وجهه بيده وبخث بعينه علي حقيبته وجدها بزاويه من المنزل اتجه اليها بقلب ممزق وجسد ينتفض من الحزن واتجه ناحيه باب المنزل وكاد يخرج ليقف مرة اخري
وهو معطي مبروكه ظهره انا هدور عليها واقسم بجلال الله لاقطع رقبتها هي وال غواها واعلق رأسهم علي مدخل البلد ليخرج من المنزل واغلق الباب خلفه.
لتتنفس مبروكه الصعداء وتذهب الي غرفة نومها
تخرج النقود وعقد الارض وتضمه لصدرها
وتدور بالغرفه تحدث نفسها هم وانزاح كنت مرعوبه
اهو العمدة حلها من عنده ونشوف توفيق افندي هيقطع رقبتها ازاي.
تقبل النقود تقربها لاذنها وتشمها وتحدثهم الله اما رحتكم حلوةجوي امته بس اعرف اصرفكم واجيب كل ال نفسي فيه.
تتحدث باشتهاء ناسيه سعاد وما حدث لها
/////////////////////////////
احلام ارضعت الصغيرة جلست علي الفراش تربت علي الصغيرة حتي غفت من كثرة التفكير.
مرة الليل بكل ما حمله من أحداث
احلام تري سلسبيل تقف فوف تله عاليه
قدمها تنزلق وتسقط من فوقها وهي تترنح
لتفيق من نومتها علي صوت بكاء الصغيرة
احلام قلبها يدق بسرعه جسدها ينتفض
حملت الصغيرة ونهضت من علي فراشها تحاول نفد ما راءته في منامها تستعيز منه وتتوجه لاعداد الرضعه للصغيرة وهي تحدثها.
احلام / ياتري امك فين دلوقتى وحصل معاها ايه
قلبي بيقولي في حاجه حصلت.
انهت اعدد الرضعه وخرحت تطعم الصغيرة
وعقلها شارد فيما يحصل وسلسبيل لما قلبها ينغزها عليها.
انهت الرضعه ووضعت الفتاة علي الفراش
وقامت تتوضاء بعد سماع اذان الفجر صلت فرضها وبعد الانتهاء توجهت للنافذة تفتحها تنظر منه للسماء الصافيه تدعوا ربها بتهوين القادم عليها ظلت فترة طويله جالسه علي الاريكه تنظر للسماء شاردة فيما حدث وحكمه الله برجوعها للبلدة مرة أخري وب وائل وما حدث معه تعود بذاكرتها عندما كانت بزيارة لبكر في محبسه وكان مريض جدا ووجه شاحب وجسده هزيل كيف اعتزر لها علي ما فعله معها وندمه علي الموافقه علي زواجها بتلك الطريقه
تقبيله ليدها يطلب الغفران ودموعه التي لم تتوقف عن الهطول طوال حاستها معه حتي بعد مسمحتها له وبعد انتهاء موعد الزيارة ووداعه لها اعطي لها خطاب طلب منها ان تقراءه بعد عودتها للمنزل
واوصها علي والدة ان تقف بجوارة وتمد يدها له دائما بالمساعده.
تتذكر كلماته لها بالخطاب واعتزاره منها مرات عديده
وفي نهايته يخبرها بانه مرض بمحبسه بمرض خطير قد انهك قواه وطلب منها اذا وافته المنيه بمحبسه ان تستلم جثمانه وتدفنه بجوار والدته.
لتتذكر يوم ان ارسلت اليه ادارة السجن وأبلغوها بوفاته وعليها الحضور لايستلام جثمانه وجنازته التي لم يحضرها الا عدد قليل من اهل البلده.
تنهدت بضيق وهي تتذكر شفيق وقدومه لبيتها كل ليله يطلبها للزواج وكم رفضته وتهديدات والده لها وسميحه ورسائلها مع الممرضه بالانتقام منها حتي اليوم الذي استطاعت فيه الهرب مع والدتها
بعد علمها بوفاة العمدة صافي وسميحه في يوم واحد وانشغال شفيق والغفر بالجنازة.
لتفيق علي بكاء الصغيرة مرة اخري وتذهب اليها
تحملها وتبتسم لها
احلام / شكلك عملتيها وعوزة تغيري لتنذهب الي كيس بحوار السرير احضرته من الصيدليه واخرجت ما به وغيرت للصغيره ووضعت كحول علي سورتها والبستها ملابسها مرة اخري وخرجت بها من الغرفه وجلست بها بالقرب من النافذه التي تدخل منها اشعه الشمس الصباحيه كما اخبرها الطبيب.
///////////////////
شفيق بعد رحيل توفيق عاد الي غرفةمكتبه يضرب
علي سطح المكتب بيده عدة مرات يلعن مبروكه ويتوعدها فهي افسدة خطته وافشلتها بعملتها تلك
ليخرج من مكتبه ينادي علي رجب بصوت عالي
ليدخل رجب منكس الراس للمكتب يجر قدميه ويضع يده علي وجهه يتلمس موضع الالم.
شفيق / بغضب بكرة الصبح تجبلي مبروكه من تحت تقطيع الارض تجبلي مبروكه علي المخزن
ويلتفت له مرة اخري بتقرب منه بهمس انت رميت الجته فين بالضبط .
رجب / رميتها في المكان ال جال لي عليه مسعود المحامي قالي عليه.
شفيق / روح ارتاح شويه ومن بكرة تروح علي بيت احلام تراقبها تكون زي ضلها مفهوم.
لبغادر رجب ويصعد هو لغرفة نومه مع نادره.
/////////////////////
سلسبيل وصلت الفندق وتوجهت لمكتب زياد كعادتها
طلبت من السكرتيرة ان تخبر زياد بانها تود مقابلته.
لتنكس السكرتيرة راسها وتتكلم بحزن.
السكرتيرة / زياد بيه اتوفي من يومين وهو بالكوشه
جنب عرسته .
سلسبيل / شعرت بدوار شديد والارض تميد تختها.
نظرت للسكرتيرة مرة اخري قولتي ايه مين مات.
السكرتيرة / زياد بيه اتوفي.
لتدوي صرخه قويه وبكاء هستري وتهرول تجاه الخارج لا تري امامها من كثافة الدموع لتنتفض علي صوت
حاسببببببي
