رواية دعني احطم غرورك الفصل السابع والعشرون 27 بقلم منال سالم


 رواية دعني احطم غرورك الفصل السابع والعشرون



بعد رحلة استغرقت ما يقرب من اربع ساعات ، وصلوا الى الساحل الشمالي ، وتحديداً عند الشاليه الذي تملكه عائلة يوسف الكيلاني ، نزل عز الدين ودينا وياسين من السيارة بينما ظلت جانا بداخلها ،،،
-ياسين: حمدلله ع السلامة ، والله المكان نور.
-دينا: ميرسي
-عز: يالا يا جانا انزلي وصلنا
-جانا بضيق: مش نازلة ، هو انت ايه فاكرني شوال بطاطس ، هووب تشيله تحطه هنا ، وهووب تشيله توديه هنا
-عز: يعني يا هانم عاوزة تغيري جو لوحدك من غير موافقة جوزك؟؟
-جانا بحدة : هو احنا اتجوزنا أصلاً ؟ ده كلام ع الورق ، اتفاق ،ولا نسيت؟؟؟؟
-عز بعصبية: لأ مانسيتش ، وفي ايدي الوقتي اخليه حقيقي وبجد 
-ياسين مقاطعاً: ايه يا جماعة ؟ صلوا ع النبي كده ، احنا جايين نغير جو مش نتخانق ، ولا انتي رأيك ايه يا آنسة؟
-دينا: انت بتكلمني ؟
-ياسين: آاااااااااااه 
-عز: عليه الصلاة والسلام ، انزلي يا جانا الله يهديكي
-دينا: يالا بقى يا جوجو ، بليز ، انا تعبانة وعاوزة ارتاح 
وبالفعل نزلت جانا من السيارة وظلت تزفر في ضيق من تصرف عز الدين معها

-عز: بصوا بقى احنا اخدين 2 شاليه جمب بعض ، واحد هتقعدي فيه يا جانا انتي ودينا ، والتاني أنا والأخ ياسين هنقعد فيه لحد ما يحصلنا بقية العيلتين .. هما هيوصلوا بالكتير بكرة الصبح
-جانا: هات المفتاح 
-عز: اتفضلي أحاجة 
-ياسين وهو ينظر لدينا: انا في الشاليه ده لو احتاجتي حاجة ، قصدي احتاجتوا حاجة .. رنة بس وهتلاقيني هوووب فوق دماغك ، قصدي عندك .. يووووه عندكم، انتي قولتيلي رقمك كاااام ؟؟؟؟؟
-عز: يالا يا عم الحبيب ، خلينا نسيبهم يرتاحوا 
-دينا: Let's go Jana ، يالا ننام شوية

وبالفعل ذهب الجميع إلى داخل الشاليهات ليرتاحوا قليلاً قبل أن ينطلقوا ...

-دينا: هاه يا جوجو ، هنروح البلاج امتى ؟
-جانا: شوية كده 
-دينا: انا زهقت بقى ، مش هنفضل مقضيين اليوم كله كده inside here ، انا عاوزة أنطلق
-جانا: عاوزة تنطلقي ولا عاوزة تشوفي الأخ اللي مع عز
-دينا: هااااه ، قصدك ياسين
-جانا: ماشاء الله وكمان فاكرة اسمه 
-دينا: يوووه يا جانا ، بصي اصحي براحتك انا هروح اتمشى شوية ع البلاج
-جانا: اوك ، وانا شويه وهحصلك .. هلبس المايوه وأظبط نفسي وأجيلك
-دينا: اوك ، don't be late .. باي

........

وبالفعل خرجت دينا لتتمشى قليلاً على رمـــال الساحل الذهبية ، وقابلت عز في طريقها،،،
-عز: دينا ، ياااااا دينا !
-دينا: ييس عز
-عز: على فين كده ؟ وفين جانا؟
-دينا: مافيش أنا زهقانة ، فقولت اتمشى شوية لحد ما تجهز جانا وتحصلني.
-عز: ده انا كنت جايب الغدا عشان نتجمع ونتغدى كلنا مع بعض.
-دينا: اوك .. خلاص انا هنتظركم هنا ..

وبالفعل جلست دينا على الشاطيء ف انتظار أن يحضر الجميع لتناول الغذاء ، وقد لمحها ياسين من شباك حجرته ، فقفز من النافذة لكي يسرع ويجلس بجوارها ، فاصطدم بعز في طريقه،،،
-عز: ايه يا عم مش تفتح كده ، واخد في وشك وبتشووط في اللي قدامك!!
-ياسين: اوعى بس ، روح شوف مراتك ، وفكك من ياسين دلوقتي واللي جابوه !!

ذهب عز الدين ليرى جانا ، فإذ بها تفتح باب الشاليه لتخرج مرتدية ( مايوه بيكيني أسود اللون ) فأظهرها رائعة الجمال وكلها حيوية وأنوثة ، فقام عز الدين بجذبها للداخل
-عز: ايه ده يا هانم ؟ ايه اللي انتي لابساه ده ؟؟
-جانا: ايه ، يعني مش عارف ده ايه ، ده مايوه!
-عز: ما انا عارف ان ده زفت مايوه ، لابساه ليه ان شاء الله ؟
-جانا: الله مش انا هنزل البحر ، يبقى عاوزني البس ايه ؟؟
-عز: اي نيلة زفت غير ده
-جانا: الله مش انت كنت بتقول عليا شبه طولبة صاحبك وناقصني شنب ؟؟ مالك بقى زعلان ليه ؟؟؟
-عز بضيق: الله يحرق طولبة ، امانة عليكي يا شيخة لتلبسي زي الأول ، انا محقوقلك .. والله ما ينفع تخرجي كده !!!
-جانا بعد تفكير : تصدق انت عندك حق ، انا فعلا مينفعش اخرج بالمايوه كده!
-عز: الله اكبررررررررررر ، اخيرااااا ، اول مرة تسمعي الكلام
-جانا: انا هلبس فوقه الكاش مايوه
-عز: الله ياخدك انتي والكاش مايوه .. ايييييييييه !!!
-جانا: يوووه بقى ، ده اللبس المناسب للبحر
-عز: ده انا اللي اسمي جوزك مشوفتكيش مرة لابسالي كده ، يبقى يوم ما تجي تلبسي مايوه ، تكون أمة لا إله إلا الله كلها شيفاكي بيه لابساه.. ايييييييه يا شيخة بقى .. غيريه ، والله ما هتخرجي كده، على جثتي لو ده حصل !!
-جانا: يووووه ، زهقتني ، خلاص هقلعه خالص.
-عز: تقلعيه؟؟؟ انت اتجننتي !!!
-جانا: انت قليل الأدب على فكرة ، انا أقصد هغير هدومي وألبس حاجة تانية
-عز: ان كان كده ماشي
-جانا: يالا ، ماتمشي ، واقف ليه؟
-عز بسهوكة : الله في ايه ؟ مستنيكي تقلعي!
-جانا: أقلع فين؟
-عز: هنا، متخافيش انا مش حد غريب، ويا ستي هبص بأدب!!
-جانا وهي تدفعه خارج الشاليه : برررررررررررره ... اطلع برررررررررره

شعرت جانا بأن عز الدين بالفعل بدأ يزيد من اهتمامه بها وربما بدأ يشعر بالغيرة ، وفي الخارج كان يشعر عز الدين بأن مشاعره تزداد قوة تجاه جانا يوماً بعد يوم .. ولكن غروره يمنعه من الاعتراف بهذا ....

..............

-ياسين مفزعاً جانا : معقول في كده ياناس ؟ القمر سايب السما وأعد وسطنا كده عادي
-دينا: what ؟
-ياسين وهو يلتفت من حوله : لأحسن يكون ابوكي جاي من هنا ولا هنا؟
-دينا: لو سمحت!!
-ياسين: أؤمر يا قمر
-دينا: behave yourself 
-ياسين: ايوه ايوه ، اللي هو ازاي يعني؟
-دينا: انا اقصد تقعد كويس
-ياسين: اه والله عندك حق ، استني أما أمدد رجلي شوية
-دينا وهي تضحك : crazy man 
-ياسين: ايوه ، انا ده بالظبط !!

..............

بالفعل ارتدت جانا فستاناً صيفياً بدت فيه رائعة الجمال ، 
-عز: اه كده معقول ، مش تقوليلي بكيني ومابكينيش !!
-جانا: يالا بقى انا جوعت.
-عز: ماشي ، اتفضلي قدامي.
-جانا: اوك.
-عز وهو يسير خلف جانا متأملاً إياها : يخربيت كده.
-جانا وهي تلتفت اليه بدلال : نعم؟
-عز: نعم الله عليكي يا حاجة .. امشي بس وبصي قدامك ، بدل ما اخرج عن شعوري

وبالفعل انطلق الاثنان معاً للقاء دينا وياسين .. وفي الطريق صادفت جانا أحد أصدقائها القدامى ،،،
-معتز: لألألألأ مش معقول ، جاجوو بنفسها هنا 
-جانا برقة ودهشة : OMG ، ميزوووو مش ممكن ، انت جيت امتى يا مان؟

اقترب معتز من جانا ليحضنها ويقبلها من خدودها ولكن عز الدين منعه،،
-عز بضيق: ايييه يابني انت ، ما تحاسب ! مش شايفني واقف
-جانا بدلال: سوري ميزوو ، ده عز ، اصله مش عارفك 
-عز بغل: وكمان بتعتذريله ، اللهم طولك ياروح ، ما تعرفينا بالأخ ؟؟؟
-جانا: ده معتز my best friend ... قصدي ميزووو صديقي الصدوق
-عز وهو يصافحه بشدة: تشرفنا يا أخ 
-معتز: ouch .. وجعتني ، بشويش عليا ، انت tough اوي 
-عز مستهزءاً: لا يااااا راجل ، لا مؤاخذة أصلنا رجالة ، هاااه فاهمني رجالة وجامدين اوي مش لامؤاخذة زيك كده طري ومان !!!
-جانا: ميزوو ، متخدش في بالك هو كده ..
-معتز: It's okay babe ، بس انتي بقيتي حلوة اوووي
-عز: اللهم اخذيك يا شيطان ، يا بني الله يكرمك متلعبش في عداد عمرك ، خاف على نفسك !
-جانا: يووووه ، عز بليز ، سيبني أخد راحتى مع ميزوو 
-عز: يا شيخة ، انتي مش هترتاحي إلا اما اقتلك الوقتي
-معتز: بجد يا جاجوو ، لندن من غير so dark ، بليز come back 
-جانا: اوووه ميزووو ، بجد !! خلاص هفكر
-عز: صبررررني ياااااااااااااا رب !!
-معتز: مين ده ؟؟ ماله خنيق اوي كده بشكل اوفر!
-عز: ما تقولي للأخ أنا مين ، ولا يمكن أنا شفـــاف مش باين قصادكو لا سمح الله يعني .
-جانا: اوووه ميزوو ، ده يبقى my husband
-معتز مصدوما: مش معقووول ، you got married ؟ 
-جانا مبدية أسفها: ااااه تخيل يا ميزووو ، جاجوو اتجوزت
-عز: جوازة الشوم والندامة ، الظاهر اني واقف عزول بينكو .. 
-معتز: قلبي عندك حبيبتي.
-عز: وجع في قلبك ، هو انا مت !
-جانا: Thanks dear 
-عز: طب يا اخت ميزووو ، قصدي يا اخ ميزوو ، احنا متشرفناش ولا حتى فرحنا اننا شوفناك ، مع السلامة وماتجيش عندنا تاني.
-معتز: What ؟
-عز: لا توطي ولا متوطيش ، احنا مستعجلين
-جانا: ايه يا عز مينفعش كده ؟؟
-معتز: ولا يهمك جاجوو ، اسيبك دلوقتي ونتقابل بعدين
ثم اقترب ليقبلها ، فدفعه عز بغل وأبعده عن جانا ،،،
-عز بضيق شديد : ايييييه ، في ايه ، هو انت مصمم اني شفــــــــــاف قصادك ، اتوكل على الله دلوقتي ، امشي بقى ده انت رزل !!
-ثم أكمل عز: يالا يا هانم بدل ما ارتكب فيكي جناية !
ثم جذبها بشدة من ذراعها وتوجهوا ناحية دينا وياسين ........

...............................

تعليقات



×
insticator.com, 6ed3a427-c6ec-49ed-82fe-d1fadce79a7b, DIRECT, b3511ffcafb23a32 sharethrough.com, Q9IzHdvp, DIRECT, d53b998a7bd4ecd2 pubmatic.com, 95054, DIRECT, 5d62403b186f2ace rubiconproject.com, 17062, RESELLER, 0bfd66d529a55807 risecodes.com, 6124caed9c7adb0001c028d8, DIRECT openx.com, 558230700, RESELLER, 6a698e2ec38604c6 pmc.com, 1242710, DIRECT, 8dd52f825890bb44 rubiconproject.com, 10278, RESELLER, 0bfd66d529a55807 video.unrulymedia.com, 136898039, RESELLER lijit.com, 257618, RESELLER, fafdf38b16bf6b2b appnexus.com, 3695, RESELLER, f5ab79cb980f11d1